الجزء 43

موهوب استحمي وجا البس..

*انت هسي في الليل دا ماشي وين؟

-تتزكري ولا اها ياخ نسيت كنت قايل روحي حكيت ليك

*بي شنو؟

-ياخ يوم عرسنا واحد من اهلنا ديل عجبتو هتون شديد وكرهني من يوم شافا داك لي الليلة انق في راسي وقبل كم يوم لاقاني وفتح الموضوع تاااني هسي اتزكرتو كدي بطلع عليه اشوفو وبديك خبر..

*حاضر خلي بالك من نفسك تمشي وتجيني راجع بالسلامة..

-اااخ انا من كلامك السمح دا طيران بجيك هسي.. انا كلمت ميادة تجي تقعد معاك مسافة ارجع..

*الله بجيني شنو براي..

-لا بخاف عليك،، يلا سلام

*مع السلامة وطلع

............................ ..

طق طق طق الباب دقه

*اها شكلو جا يلا يا خالتي انا ماشة

-الله احميك يابتي ما تتأخري

*حاااضر

ككررب فتحت الباب،، السلام عليكم

-عينو جات في عينها ب ضحكة غريبة وعليكم السلام نمشي..

*ايوة

طلعو العربية واتحرك علي طول.. كانو ساكتين وهي من جواها بالتفكر ..

ساعة زمن ووصلت نزلت ومسكت تلفونها بتوتر وخوف وقلق ودقت الرقم..

*الوو انا وصلت انتي وين؟

وصفت ليها محل قاعدة ...

*معليش ممكن تنتظرني هنا وانا ما بطول برجع بسرعة..

-اوك اخدي راحتك انا منتظرك وابتسم ليها..

مشت منو،، مالك يا هتون الود دا اثر عليك من ثانيتين بسبب ضحكتو المريبة دي.. عشان سمح؟ طول عمرك نقطة ضعفك الاولاد السمحيين النضيفين.. ولا عشان...

انسي انسي ما ليك بيه.. .. انتي نسيتي ممدوح ولا شنو..

وصلت هديك قاعدة هناك عرفتا طوالي لانها شافتا في القسم قبل كدا.. مشت عليها عديل.. ومن جواها خايفة من ردت فعلها لما تتزكرا...

*السلام عليكم

-انتي (وقفت علي حيلا)

*(نزلت راسها وسكتت) ايوة كنتي عايزاني؟

-بس ما اتوقعتك تكوني بت السجن ديك.. انتي قدرتي توقعي ولدي ممدوح كيف.. عملتي لي شنو عشان يعاين ليك انتي (اشرت عليها بأصبعها من فوق ل تحت)

-ماف اي شي بيني وبين ممدوح يا خالتي حتي انا من طلعت ما لاقيتو تاني..

*وكمان بتنكري انتي قايلاني انا ما عارفة.. بالمناسبة عرفت عنك اي شي من يوم طلعتي داك سألت منك يغسسس عليك تربية عفنة وجاية ترمي عواليقك علي ولدي.. اي كان الطريقة القدرتي تخلي يحبك فيها.. ممدوح دا تنسي خالص وتحلمي انك بس تصلي ليه.. ال زيك دا وسخ الشارع شبهو في حتات تانية..

*هتون ما قدرت تنطق حرف اتصدمت من كلام امو الجارح كل كلمة اكعب من التانية كانت بتنهش فيها نهش.. بقت تبكي.. انا انا ما..

* (قاطعتها) اسمعي هنا ممدوح هسي راجل متزوج وعندي بيت ومرتو بت ناس فاهمة بس انتي لسه في بالو وشكلك مؤثرة عليه وشكلها نزوة ما اكتر واحسن تختفي من حياتو ولا ما بحصل ليك خير..

ومشت من قدامها..

هتون قعدت في الكرسي من الصدمة واتفقعت بالبكي انا كنت عارفة ان علاقتنا دي حدها باب السجن كانت والزي لا يمكن الناس يتقبلوه.. كل يوم بعدي كنت منتظراه فيه تراهو انتظرتو في الفاضي ساي وضيعت وقتي في حبو وفي الاخر اتزوج ونساني زمان...

خسارة يا ممدوح خسارة...

قشت دموعها وقامت رجعت .. لقتو واقف جمب عربيتو

*خلينا نمشي

عاين ليها قوي بس ما اتكلم معاها...

كررب فتحو الباب في نفس اللحظة وكككرب قفلوه..

طول الشارع كانت بتتنهف وهو كل لحظة بعاين ليها.. حست بي نظراتو بس من جواها موجوعة شديد من الكلام السم السمعتو...

-تحبي نمشي مكان هادي ناكل ونشرب لينا حاجة وتفرقي حبة؟

*نعم (ردت ب إستغراب وحدة شوية)

-لا بس شايفك مهمومة

*وكان مهمومة دا بديك الحق تطلب طلبك دا.. انا لا خطيبتك ولا مرتك كمان عشان اطلع معاك وكان ما خالتو نعمة اصرت انك تجي تسوقني ما كنت طلعت معاك من الاساس..

-انا ما غريب عنك يا هتون بس انتي الما راضية تشوفيني قدامك ولا تديني فرصة..

*شهاب عليك الله اسكت انا ما ناقصة..

السكته الياها ماف زول فيهم اتكلم تاني لما وصلت نزلت ودخلت طوالي...

.....................................

كانو قاعدين بره في الحوش سريرين حديد مفرشات وقدامهم تربيزة بلاستيك عليها كبايتين شاي لبن ورغيفتين

*يا محمد تفتكر دا الوقت المناسب نتكلم

-زمنا دا كلو ساكتين نتكلم هسي نقول شنو عشان نذيد الطين بلة يا فوزية.. ما الحصل حصل خلاص وهي عرفت...

*بس يا محمد.....

-فوزية خلاص الموضوع دا ليه سنيين هسي متزكراه لشنو انتي.. اقفلي السيرة دي..

*سمح بس انا قلت عشان تبري زمتك وكان نرجع الخرطوم وهت....

-ياسلااااام زمتي خلاص بريتا (بنرفزة) ياها حالتكم النسوان لما يبدن ينقن في حاجة ما بتسكتو انا زاتي ماشي جوه ...

*والله ياها حالتك انت ما بتريد يناقشوك في اي شي..

..........................

-هتون اتكلمي وريني الحصل شنو حلقي دا نشف من كترت السؤال مالك من جيتي تبكي عايني وشك دا اتورم كيف.. طلعتي مبسوطة وجيتي بحال يعلم بيه الله.. المرا دي قالت ليك شنو؟

*خليني يا خالتي عليك الله هسي ما بقدر اتكلم خليني بس..

-خلاص متي هديتي تعالي فضفضي لي انا قاعدة جوه...

وقبل تصل الباب جاها صوت

هتون

*خالتي قولي لي شهاب هتون موافقة عليك

وجات منها زغرودته

ايووووووي يوووووي يوووووي

..........................

*يازول بعد القلتو ليك دا انت قدر الكلام؟

-افوو يا موهوب ياتو يوم نحن بتاعين نطيط انت بس كلما وانا قدر الموضوع.. والله انا بقيت صاحي ونايم بيها..

*شنو ما تحترم نفسك انت نسيت دي بت عمي.. انا ما بستعجل وبعدين خليها علي.. كدي انت اول اقنع ناسك ونتفاهم عشان ما تدخلني في احراجات ساي مع امها وابوها...

-من دربي دا وبديك الخبر بكرا وان شاءالله خير الناس زاتا نست الموضوع زمان...

*محجوب الكلام دا بيني وبينك ماف زول يعرف ان البت دي منو..

-افووو كلام رجال يا زول

مسافة الشارع وموهوب رجع

طق طق دقه باب الاوضة اول..

*منو موهوب؟

-ياهو زاتو

*ادخل ساي

ككررب دخل ماشاءالله ب شاييكم وبسكويتكم ولا طريتوني..

-السمح ما اكال قالو ههههه

*اها حنكيني عشان ما تسوي لي حاجة مش..

-اها انا نعست ماشة

*ماقصرتي يا ميادة ونستيني

-ههههههه في الخدمة يلا تصبحو علي خير.

ميادة طلعت ب جااي نهي الشمار قاتلا نطت ل موهوب ب جاي اها احكي لي؟

-فكاها ضحكة ما كنت قايلك شمشارة كدا لكن..

*لكزتو ياخ بطل في شنو قول سرررعة؟

حكي ليها الموضوع من طقطق للسلام عليكم..

نهي اتنفضت من السرير

*لا يا موهوب انا زاتي ما موافقة خلي هتون انا عارفة ردها كويس..

-انتي جنيتي هتون ما عندها خيار تاني وانا زاتي البحصل دا ما عاجبني من عمي ..وقعادا مع واحدة غريبة لا بنعرفا لا عندنا بيها علاقة دا واجعني وقاطع قلبي.. السترة اخير ليها وجاها ود ناس راجل علي الاقل عارف ماضيها ورضيان...

*انت بتقول في شنو قصدك شنو ب ماضيها دا يا موهوب احترم كلامك هتون دي اختي.. وكان وافقت انا لا يمكن اوافق ب #محجوب دا..

-لي مالو انتي مش وافقتي بي هسي،، كلها مسالة وقت وح تتعود علي.. الراجل ماف شي بعيبو الا جيبو..

*دا كلام فاضي القال منو.. وبعدين نحن ظروفنا غير

-قصدك شنو يا نهي؟ الظروف ياها الظروف وهي مجبورة ما مخيرة...

*ما قصدي شي وبعدين انت بقيت اي كلمة اقولا بتمسكا لي مالك.. شايف اول سبب هو الاختلاف،، الاختلاف في....

...

وسكتت..

-خير يا نهي لحدي هنا وقفلي الموضوع دا

احسن ننوم..

كل واحد فيهم جرا الغطا عليه واتلفت علي جمبة زعلان..

..

..