الجزء 14

~في المستشفي~

*براحة يا نهي نزليها خلونا نطلع من المستشفي دي...

( في اللحظة التلفون ضرب ونهي ما حست بيه لانو ختتو في الصامت خافت يجي اتصال وابوها يسمعو تحصل مصيبة زيادة كفاية الحصل)

رجعو البيت وكان في هدوء تااام

دخلو فوزية الغرفة ترتاح ونهي جات غرفتها..

*ما قادرة اصدق الحصل لينا دا وقعدت تبكي.. طلعت التلفون مؤمن وطوالي رجعت اتصلت..

*الووو

_معليش انا قبيل قفلت غصبا عني

*الحصل شنو يا مؤمن هتون وين؟

حكي ليها القصة كلها..

قفلت منو وهي في حالة صدمة من اختها بقت تضرب في وشها

*واااي واي يا هتون ليي ليي بس عملنا ليك شنو نحن تعملي فينا كل دا فضيحتنا ب جلاجل ما اتوقعتك غبية كدا،، امي بسببك كانت ح تروح فيها.. ما اتوقعت انك تكوني....

~~~

كككرب صوت الباب

حشرت التلفون سرعة تحت المخدة

*ابوي

_تعالي خليك جمب امك انا طالع شوية..

....

في اللحظة الطلع فيها ابوها تراهو جاه تلفون من اخوه الكبير وما حبه يتكلم في البيت وطلع

( ياتري الكلام الحصل بينهم شنو)..

~~~

~في السجن~

*رجعوني السجن بعد اصدار حكم الجلد وموعدو..

كل همي كان امي وابوي الحاصل عليهم شنو ماف اي خبر منهم..

سرحته فجأة

_اتحركي اسرعي يا متهمة(صوت الشرطية عالي)

*جرتني ودخلتني مع باقي المسجونات..

بقو يعاينو فيني..كلهن غريبات عني فتشت وش تكون ملامحو مألوفة لي..اتطمنت لما شفت المرا ديك تاني ابتسمت لي...

قعدت في ركن بعيد هناك ساكتة براي...

قبل اقعد كويس جات الشرطية تكورك

_يلا يلا قومن قايلات روحكن في بيت اهلكن..

طلعونا كشحو لينا المقاشيش والجرادل والبشاكير..

اي واحدة تشوف شغلا..

انتي نضفي هناك وانتي تعالي بجاي،، هي انتي يا بجم هناك هناك يلا سرعة اتحركن..

*ببكي وبنضف اخرتها باهتون بقيتي تشتغلي وانتي العمرك في بيتكم لا مسكتي مقشاشة ولا رفعتي معلقة..

....

جات واحدة متسلطة من دخلت شغالة كواريك..

بسس عينا وقعت علي..

_هي انتي ما سامعة..

تعالي نضفي هنا...

*حاضر(قلتها براحة)

_قلتي شنو(ب نهرة)

*قلت ليك حاضر

_وكمان تتلائمي اوووعك انتي بالذات تفتحي خشمك دا ولا اسمع ليك حس..يلا عيدي عيدي كلو وسخان..

....

*من جانب نهي*

*ااااه راسي واجعني شديد عقلي واقف اتصرف كيف لازم اشوف هتون لازم...

(بس كيف)

*كرررب الباب فتح ابوي دخل صاري وشو شديد ملامحو ما طبيعية..

_امك صحت؟

*اي اديتا الحبوب ونامت تاني

_نهي انتظريني برة دايرك في كلام(بصوت متجهم يخوف)

*ح ح حاحاحاضر

انسحبته بسرعة ومشيت خايفة ابوي دايرني في شنو

حاسة بخنقة شديدة ما مطمنة الله يستر..

~~~

_هتون محمد احمد تاج السر ابودومة

*نعم(اتوترته خفت تكون حاصلة مصيبة تانية)

_ ح تشوفك الدكتورة بعد شوية..

*المسجونات بقن يتهامزن ويتلامزن يعاينن لي..

ف واحدة اتمسخرت فيني..

_سبحاااان الله ياما تحت السواهي دواهي وههههاااي(فكتها ضحكة)

*ماف واحدة داهية وما محترمة غيرك انتي دي

بس من قلت ليها الكلمة دي هبت فيني وانا عايزة اضربها لكن هي مااااكنة جرتني من شعري(كوراك وصريخ مننا) ومسحت بي الارض ولو ما النسوان اتدخلو كانت قتلتني..

*جات الشرطية ونادت علي

_هتون مديرة السجن عايزاك..

*مشيت وراها وقلبي بدق ستين سؤال في راسي اهلي اكيد جوني..

دخلتني(ما لقيت زول)

_حكم الجلد بكرة ح يتنفذ عليك

* قلبي انقبض حسيت الدنيا سودت بعيوني ..بكره ح انجلد؟

رجعت صانة ومهمومة بتزكر الحصل ما جاني نوم ليلتها صاحية ل اذان الصبح قمت صليت وقعدت استغفر..

طلعت وقت الفطور وحاولت اكل بس ماقدرت،، جات ساقتني الشرطية خلاص..

*قلت ليها عليك الله اتصلو لي ب امي وابوي يجو امكن يسامحوني لو شافونني بتدقا (وببكي)

_لا ممنوع يلا امشي..

المهم وصلنا الغرفة البطبقو فيها حكم الجلد كان في مسجونات تانيات...كلنا ح ننضرب..

_اسمعي انتي وهي كل واحدة ح يجي دورها يقرو التهم ويتنفذ فيها الجلد..ما اسمع صوت وكلام..

بدو يندهو البنات كل مرة واحدة

بقينا نسمع صوت البكا والصريخ والوجع والكواريك وصوت الضرب..

كل ما اسمع البكي بخاف اكتر وادعي الله..

فجأة نادو اسمي اي دا اسمي ياالله ياالله

_هتون محمد احمد تاج السر ابودومة

دخلت الغرفة ماشة بجرجرة او رجولي ما قادرات يمشن

_انتي فلانة بت فلان

*ايوة

_عليك 100جلدة حد زنا

*ايوة

_اركعي علي ركبتك ضهرك لي برا ووشك وراسك نازلات..

*الشرطية جات شدت العباية علي جسمي ولفتها كويس..

بقيت مغمضة ومنتظرة مصيري برجف وبرتعش كلي..

وبدا الضرب..

هييييححح(عرقانة شديد انا بحلم)