الجزء 34

نزلت من العربيه .. و ربعت يديني قلت ليها ازيك يا رندااا !! ؟

قالت لي : انتي !!! و قبلت طوالي دايرة تمشي

*اقيفي لحظة لو سمحتي !!

رندا : انا م عندي معاكي كلام يا نهي و مافي حاجة ممكن اساعدك بيها كلمتك قبل كدا !

*لا في ، انا ما دايرة حاجة منك غير اي ش ممكن يوصلنا لـ مؤمن اي شي عارفاهو ، ما دايرة منك غير كدا ..

رنداا : قلت ليكي م عندي حاجة بعرفا ما تجرجيني في سكة هتون دي !!

*سكة هتون !! هههههه سكة هتون دي ياها بسببكم باها سكتكم و الدليل من راجلي كلمك كلمك و قاليكي انا موصل ليكي هدية ، جيتي جارية لمؤاخذة زي الكلبه !!!

رندااا : م ردت عليها و مشت ..

موهوب :(بصوت عالي عشان يسمعها) خليها يا نهى كلام الرجال بكون اسهل ولا يهمك انا بمشي لابوها و بشرح ليهو حاجة ..

نهى (بصوت عالي) انا دا كان راي من البدايه ، يلا مشينااا

قبل نركب العربيه جاتنا جاريه ، قالت لي انتظروني دقيقه !!دقيقه .. انا وموهوب عاينا لبعض و كتمنا الضحكة ..

مشت و جات ، قالت لينا انا ما بعرفو بس دي صفحتو على الفيس و دي صورو فيها و ما بعرف اذا خاتي رقمو ولالا ...

نهى : انا كان معاي رقمو من خلال تلفون هتون لكن شكلو حظرني (دا لمن غير الشريحة )

رنداا: انا ما بعرف رقمو فتشو يمكن تلقو .. يلااا

موهوب : شكرااا

نهى : يلااا - انا نقلت الاسم بس زمن من النت عاين وقفنا في اقرب بقالة اشحن نت ... يا الله انا كيف ما فكرت فيها يا موهوب انا غبيه ، كيف نسيت ان من تلفون هتون بقدر ادخل على حساب مؤمن في الفيس ، وكل حساباتو ...

موهوب: ما بعرف للنت دا اتصرفي انتي طيب ..اسي بشحن ليكي و بعدها نمشي الزيارة يارب يدخلونا بس ..

المهم شحنت الرصيد و فعلت ، نت ودخلت من عند فتون و نقلت اسمو زي ما شلتو من رنداا ، لقيتو حاظر الاكاونت حقها ..يعني برضو م كنت حستفيد شي ، المهم طلعت من حساب هتون و دخلت من حسابي و ظهر لي حسابو فعلاا ،

موهوب زح راسك لكن ما شايفه كويس ..(بعاين معاي في الشاشه و شعرو كاير ومفلفل براها مغطي لي )

موهوب: طيب الرقم ، قلت ليهو لسه ما لقيتو و بعدين زول معرض للخطر زي مومن ما غباء عشان يخلي رقمو ..

المهم - كملنا طريقنا لحد السجن ..

اتمنعنا من الزيارة قالو م وقت زيارة ، بعد قنعنا و طالعين وقفنا واحد .. مد يدو ل موهوب و انا سلم علي من بعيد ، موهوب قالي اطلعي العربيه ، قلت ليهو طيب .. وقفني الزول دا وقالي لحظة يا اخت نهى !! موهوب قرب يلطشو كف من الحماقه قاليهو بتعرف اسم مرتي من وين !!

قاليهو روق انا الضابط ممدوح ، ممكن نقعد في حته و نتكلم ؟؟

كان في كل حركة و كل موقف ، موهوب كان بقبض على يدي شديد و يمشي معاي ، ما كان دايرني اتحسس من اي حاجة و احساس انا معاكي ..

المهم قعدنا مع ممدوح دا في كافتيريا .. موهوب طلب لي عصير و هما اخدو قهوة ..

و ابتدا ممدوح يعرف عن نفسو و عن معرفتو بي هتون و ان زياراتو ليها .. جاني احساس غريب تجاه الزول دا .. المهم وريتو حساب مؤمن و اننا دايرين نوصل ليهو ..وكمان سكينه دي منو سمعت من هتون قبيل قالت سكينه وان البلاغ دا منها ..

رد لي بي تص ضحكة و قالي : بعد جلسة الليله حاجات كتيرة وضحت خصوصاً بعد شهادة صلاح حلت 60% من قضيه هتون ان م ليها علاقه بالشبكة دي ... اخد نفس و قالي #اختك اتظلمت

موهوب: انا بس داير الاقي الكلب دا ااااخ بس اااخ عشان ابرد ناري اااخ بس (وعض على يدو)

ممدوح : احب ابشركم ان الشرطة حتجيبو حتجيبو اذا كان هو ولا سكينه ...!

نهى : بجد !! يعني م نفتشو !! طيب وهتون !!

موهوب: كيف اقدر الم فيهو دلني يا سعادة ؟؟!

ممدوح : كل حاجة حتمر على خير اتفائلو بس ..

نهى : يارب ...

(في جانب مريم اخت مومن)

-الو

*ايوا !!

-عبدالرحيم ؟

*ايوا انا

-مريم بتك ؟

*ايوة بتي في شنو وانت منو ؟

-بتك معاي في الشقه و في سريري هههههه

ما عارفين تربو و كمان بتقلقو ههه ، ما تقلق مجرد م تقدر تتحرك ببتجي البيت ههه باااااي ..

و وقع الراجل بي صدمتو ..

المهم ••

بعد الجلسه ، كنت حاسه بحاجات كتيرة غريبه ، اولها غياب خالتو نعمة اللي كانت بتعمل اجراءت الخروج من السجن..صليت المغرب و قعدت في مكاني و حسيا اني ظلمت ممدوح في حين انو كان بيسعى انه يوصل لصلاح وانا سمعتو كلام م حلوو

في الوقت دا ..

مؤمن كان بيفتش حجز ل اديس عن طريق النت ، و فعلا حجز و اكد الحجز ليوم بكرة ، و التافون حقو بيرن و مطنش ، قال :

الله يحلني منك يا سكينه رررن رررن ورن اليوم كلور، لمن الاتصال زعجوو ، مسك تلفونو و لقى رسالة من اختو التانية بتقول ليهو "حصلنا احنا في مصيبه"

فز من مكانو و جرا على المستشفى !!

(اما عند ممدوح بتكلم في التلفون)

ممدوح : اهااا كل الامور تمام ؟

المتصل : .....

ممدوح : ح تجيك ! خلاص انا بخليهم يتحركو

تمام يلا يلا يلا ...

(اما عند سكينة )

*يا بيبي انت ليك الدنيا كلها عارف ليه ؟

عشان العملتو معاي دا م حأنسا ليك ابداااا

_ما عايز حاجة غير حاجة واحدة و

انتب عارفاها يا سوووسوو(ويقرب عليها )

*ادتو الضحككة الما بتغابانا ديك ... هنا يا بيبي مش مفروض ندخل جوا هههههه

_قلبي ..يلاااااا

و بعدها بي 15 دقيقه ، كأن ل شرطة الآدب رأي تاني بقيادة الضابط ممدوح ..

كان نفس المشهد ، نفس الملايا ، نفس الوجع بس الفرق ان في ناس ضميرها مات ..

و هنا نرجع نقول :

"من حفر حُفرة لأخيه ، وقع فيها "...

ممدوح : هههه سكينة ... شوفي كيف الدنيا دوراة ! اتزكرتي منو و انتي في الوضع دا !!

سكينة : بتحاول تغطي وشها بالملايا !!

ممدوح : حتغطي شنوووو ولاشنووووو !!!

مش دا برضو لنفس السبب السجنتي بيهو هتون !!

(بصوت عالي و آمر) #أرفعوووووهاااااااااااا

*في*الحلقة*القادمة*

المشاهدات قليلة والاعضاء في نقصان😐 بطلتو تفتح القناة مش☹️💔 .

حسي دا اعملوا تثبيت للروايات ضمن اول قنواتكم . وانشروا الرابط بين اصحابكم

اي كدة حلوين 😒❤️