الجزء 13

~ في السجن

نمت وصحيت ونمت وصحيت ونمت وصحيت الوقت كأنو ما بمر..

المهم جا تاني يوم وجاتني السجانة بدري

*يلا حددو جلستك الليلة قومي..

كلبشت يدي وطلعتني ركبتني العربية وجينا المحكمة..

دخلوني جوه وقعدته منتظره دوري لانو كان في غيري متهمات..

لما جا دوري ودخلوني للقاضي حسيت روحي تافهة شديد،، احساس ما بتوصف شايفة نفسي صغييييرة ما بساوي شي،، خزي ومهانة..

لما شفت القاضي حسيت بخوف شديد لما ما قدرت اقيف شخصيتو كانت تخوف..وقفوني قدامو

وجا صوتو عالي..

_هتون محمد احمد تاج السر ابودومة

انتي كنتي في الشقة(الفلانية في المكان الفلاني)؟

*ايوة

_فعلتي الفاحشة ال....؟

*ايوة(بديت ابكي)

_برضاك ولا كنت مغصوبة؟

*برضاي

_هل فعلتم الفعل الاصلي؟

*ايوة(منزلة راسي ودموعي جارية)

_انتي بتعترفي انك عملتي الفاحشة براك ودون غصب؟

*ايوة بعترف اني عملت ال..(اتفقعت بالبكي)

_بتعترفي؟

*ااا(ببكي) ايوة بعترف اني عملت الفاحشة برضاي

_هتون محمد احمد تاج السر ابودومة انتي بكر مارستي فعل الزنا مع رجل محرم عليك..

ف انتي.....

~~ ~~

تررن التلفون ضرب مؤمن صحي مخلوع

_دا منو البضرب ليك من الصباح..

*خليك في حالك(ب لئمنة)

الووو اها بشر

(بتكلم معاها صوت)

*ايوووووي سماحة خبر لكن هسي دي قايمة..

_دا منو وفي شنو؟

*هههههههه ما تستعجل ح تعرف.. اموووواح

(في المستشفي)

نهي باتت مع امها والصباح ابوها واخوها جو داخلين الغرفة وطلعت قالت ل ابوها ماشة تجيب حاجة خاصة من صيدلية المستشفي(ابوها فهم ما سألا)

_ما تتأخري تعالي سرعة

*طلعت سريع وفتحت الرقم من تلفون هتون تاني

جاري الاتصال...

(تلفون مؤمن ضرب عاين ليه لقي رقم هتون)

_هتون طلعت ردا طوالي الوو هتون بصوت خافت

(سكينة مشت تستحمي وتلبس طالعة)

*الووو انا نهي اخت هتون انت حبيبها وين هتون؟

_اااا(بقي يتمتم غلبو يقول ليها شنو) سمع صوت شبشب سكينة طق قفل التلفون وضغطو قفلو نهائي..

*الووو الووو اوووف رجعت ضربت تاني

(الهاتف الذي طلبته مغلق حاليا)..

واصلت علي الصيدلية لقت بتين فيها..

السلام عليكم عاوزة فوط..

(ما سمعوها كانو بتكلمو:واااي الله يجيرنا البنات ديل وصلن للمرحلة دي..

ردت ليها التانية قلتي شنوو(بنطيطة عيون) وااااي لكن تستاهل العفنة اي واحدة تسوي كدا )

*طق طق عملت ليهم حركة وضحكت دا خبر شنو لما ما منتبهات معاي؟

_(بت الصيدلية ردت ) ههههه معليش يا اخت ما انتبهنا ليك جاني بس شمار كارب من الصباح..

*شنووو شمشروني معاكم؟

_تخيلي في بت دكتور جامعة معروف قبضو عليها مع واحد وحاليا قالو في السجن....

*قلبي عمل شحح ما عارفة لي جات هتون في بالي ومن دون احس مشيت..

_يا اخت يا اخت..لو سمحت نادي البت ديك..

*بس ما وقفت ثانية....

(في المحكمة)

_هتون محمد احمد تاج السر ابودومة انتي زانية ويجب اقامة الحد عليك 100 جلدة والسجن لمدة سنة..

سامعة صوت الحواليني بعيييد..حاسة بالعار بس الوسوسة والهمسات، كلام الناس، سمعت اسرتي ..المهانة بالتهمة هو يسأل وانا اجاوب راسي لافي لااااافي شديد..

وما حسيت بحاجة تاني..

(في جانب قرية ناس ابودومة)

*لا اله الا الله(سيد الدكان)

_اصبحنا ب الله يازول مالك ها من الصباح مهموم كدا

*كنت بتكلم مع ولدي هسي قال لي الزمن بقي كعب امس زملائو البعرفهم قالو ليه في الشقة الجمبهم قبضو واحدة مع واحد وناس الشرطة اوووك قال حكاية كانت ... واتخيل تلقي هسي ديل طلبة الجامعات ديل ولدي كل يوم بحكي لي بلوة عنهم شفع ساي،، يعني زمان بنسمع اصلهن بكونن منحلات بدون اهل ومعروفات للناس هسي حتي بنات الناس زاتا..

_يازول..الله يستر بناتنا،،كان جيت للحق اصلي ما بدور الخرتوم دي عشان جنس البلاوي ديل،،الشاطب راسي اهلن وين..

كدي النمش علي ناس ابودومة اكلمن اكلمو اخوهم دا مش عندو بتو بتقرا في الجامعة..

*مش دي الخاتنا ل ود عمها وابوها قال تتم الجامعة

_ياها زاتا كدي النمش...

(في بيت ناس ابودومة)

كو كو كو

فتحو الباب

*ابوك في

_قاعد يا عمي اتفضل

*ازيك يا حاج علي اصبحت طيب،، يابت جيبو الشاي

_الحمدلله لالا انا شارب بس جيت اقول ليك كلام قاعد لي في حلقي دا وانتو ورايكم تاني..

*قول يا حاج علي ما غريب انت مننا وفينا..

(حكي لي بالموضوع كلوو)

وطلع خلي اسرة ابودومة تغلي نار🔥

.

.

( جانب سكينة ومؤمن)

*ممكن اعرف انتي مشيتي وين؟

_ هههههههه انا الليلة مبسوووطة ما عايزة اخرب مزاجي.. يلا انا طالعة الجامعة ما جايي..

*لا

_علي كيفك اها زكرتني الليلة ح تتصل ب ابوي تطلب يدي منو ما ح نكون عاقدين وساكتين خلي كل شي طبيعي ها وتكلم اهلك ما تنسي...

بااااي

*ما ردا او بالاصح ما انتظرت ردو..

* يا بت ال....( خته يديه في راسو)

اخ نسيت اختها وطلع تلفونو بسرعة

وجاري الاتصال...