الجزء 18
🔴 ملحوظة 2
اسامي القُرى و المحلات و الامكان - لا تمس للواقع
و ان وجدت فهي عن طريق الصُدفة ..
نهي : وصلنا .. قريتنا اللي كانت تبعد من الخرطوم 110-140 - من الدخله عاينت لي رسالة الترحيب المكتوبه بخط واحد من خطاطين قرية الحموراب .. لقيت ابوي بطأ العربية زي المحتاج دفرة و كان بيعاين لي تفاصيل الشوارع المتدخلة في بعض ، للخلوى و للاطفال الشايلين الالواح حقت الخلوى .. للزير العاملنو سبيل ل #ابو دومة ..
قبل نوصل بيتنا الكبير ، وصل الخبر قدامنا ، ان محمد جاي بي عربيتو ...
لمن العربيه وقفت ، عرفت ان هو دا بيتنا ، بيت جدي اللي كنت طول عمري بسمع بيهو في الخير دايما ً ..
ابوي نزل ، و امي بتهيأ نفسها للنزول ..
بس عمي عوض و عمي الفاضل كانو اسرع في الترحيب بينا ....
طلعو من بوابة البيت الرئيسيه ، و في المقدمة عمي الفاضي .. طلعو و قفلو بوابه البيت وراهم !!!
ابوي كان واقف و مدنقر راسو ...
جاهو صوت عوض عمي ، قاليهو : خباارك اا محمد يخوي ؟؟؟؟
الفاضل : حالو باين يا عوض ي ود امي ! ارفع راسك يا محمد و اا لا ما بتقدر ؟
(فجأة علّ صوتو وقاليهو)
دا بيت ابو دومة بيت ليهو مبادئ و قيم من اجداد اجدادنا لا كسرناها لا عصيناها ، و من يوم ما سودت وشوشنا يا اخوي ، بقى داحالنا ، راسنا في الارض - و طول ما انا عايش يا محمد يا اخوي ، رجلك ما حتعتب بيت من بيوت ابو دومة حتى اللي ليك نصيب فيها ، مالم تنضف عارك ، و انت عارف كيف تنضف عارك بالدم ..
عاين للعربيهو شاف نهى اختي قاعده و بتبكي ودايه وشها بي يديها ، ما قدرت تتحمل المذلة الاتعرض ليها ابوي و القرية كلها واقفه بتتفرج ..
جا عليها عمي عوض ، مسك يد الباب و قاليها انزلي .. ونظرات الخوف في عيونها ..
و هو بيعافر في الباب ، قامت فتحت باب العربية من جواا ، و نزلت ، مجرد م نزلت مسكها من يدها و جراهاا لحد عم الفاضل .. و امها بتعاين ليها بأنكسار
.. عن الفاضل عاين ليها وعاين ل ابوي ، وقاليهو ما بنتحمل عار تاني .... و جراها لحد بوابة البيت و نادا على مرتو من جمب الباب قاليهو دخليها جوااات بي صوت آمر ....
نهي بقت تقوليهو جوا وين يا عمي ... جوا وين !!
يا امي يا مي .. وهما جارنها من يدها ،،، و بقت تقاوي في عمي عوض و تقوليهو انا ما بمشي واخلي امي انتو عايزين بي شنو يا ابووووي كلمو خلي يفكني .. فكني يا عمي .. يدك واجعاني فكني يا اابووي ....
و بعد سكوت ، ابوي كل القالو. ....
"" امشي مع اعمامك"" م تكسري ليهم كلمة !!!
بقيت بعاين في امي !!!!
انا ما فاهمه حاجة و يا امي ، انتي ليه ساكتة !!
انتو حتتخلو عني زي ما اتخليتو عن هتون اختي !
اما انا -
م كنت فاهمه حاجة ، هما عايزين منو انا بالجد ما فاهمه ، لمن كررت لي نفس السوال ، و كنت بتعرض للضرب ، وانا صادقه و هما كانو مصممين اني قاعده انكراو بغطي على الزولة البسألو عنها دي !!!
قالت لي اخر مرة يا هتون اكررالسوال ... منو المرة المشغلاكي ؟ و جبرتك تمشي عند صلاح في الشقه !!
قلت ليها صلاااااح !!!! صلااح منو
انتي قصدك مؤمن !!! قالت لي اسمو صلاح مكتوب عندي في التحري اسمو صلاح !! مافي زول اسمو مؤمن هنا !!!!
قلت ليها اسمو مومن و هو كان حبيبي و غدرني انا ما شغاله عند زول والله العظيم و هلوني اغتسل و اتوضى و انا مستعدة احلف ليكم على المصحف !!
اما عند نهى الكانت مصدومة ، هي كمان فجاة لقت نفسها حولين ناس بتسمع بيهم سمع ،
حريم عمها الاتنين ، و نقاشاتهم و المطاعنات ، في لحظة الموضوع اخد مجرى غريب !!
ابوي .... خلاني ليه ، و امي ما اتكلمت ليه ؟؟
انا لازم اطلع من هنا وارجع ليهم اكيد لسه م مشوو ..
مسكت يدها بنوته في عمر نهى اذا ما اكبر .. قالت ليها من ما قمنا و انحنا قراراتنا ما حقتنا ، لكن عمي الفاضل كمان ما كعب ، بس بعد وفاة جدي ، الكلمة بقت كلمتو ، ومهما عملتي ما حتقدري تكسري كلمتو ...
قالت ليها : انا عملت شنو عشان يحبسني هنا !! انا لي ام و اب مفروض اكون معاهم انا ما لي دخل بي عاداتكم الغبية دي !!!
قالت لي انتي هنا ما محبوسة ، انتي هنا عشان عمي الفاضل قرر #عرسك ....
....
....
سحر سميــر _فاطمة قسم الله
للاحداث
دي الحلقة الناقصة من رواية مكملتــــي .
6
بعد رجعنا البيت نقاء قالت لي في الايام القاعد فيها فؤاد دي تعالي نجننو قلت ليها تصدقي انا زاتي قلت كدا😂يلا اليوم البعدو كان يوم جمعه ونقاء اصلا بتصحي بدري عكسي تماما🌚ويوم الجمعه دا بتكون بتتمرن في السطوح بتاع البيت عندها الات رياضيه المهم طلعت فوق وكانت لابسه بنطلون وتشيرت ورافعه شعرها ضنب حصان فؤاد طلع فوق يشرب الشاي عشان متعود هناك يعمل كدا😂لقي البت مشغله الموسيقي وبترقص زومبا وطبعا هي جسمها حلوووو شديد المهم بقي بعاين ليها لحد م خلصت اتلفتت لقتو واقف اتخلعت😳قال ليها دقيقه م تكوركي زي المره الفاتت 😂قالت ليهو لالا دي م انا الكوركت المره الفاتت🌚قال ليها المهم ياخ كلكم واحد قالت ليهو اي😂قعد اتونس معاها كتير لحد م استاذنت منو ونزلت تحت اخدت ليها دش وغيرت ملابسها وجات صحتني وقالت لي قووومي كفاك نوم وبعد جهد جهيد حتي صحيت ليها😂دخلت برضو اخدت دش وغيرت ملابسي والاثنين لبسنا بناطلين جينز ازرق وقميص باكمام قصيره
لونها ابيض فيها رسمه ارنب كدا قمت نزلت تحت الصاله لقيتهم كلهم قاعدين وعايزين يفطرو قلت ليهم صباح الخير ردو علي صباح النور فؤاد قال لي خلصتي؟!قلت ليهو من شنو قال لي من الزومبا قلت ليهو زومبا شنو انا صحيت اسي😐فؤاد قال لي لالالا كدا انا ح اجن لحد م اطلع من البيت دا🙆قعدنا نضحك بعد شويه نقاء جات نازله وقالت صباح الخير فؤاد قال ليها ماف داعي اختك قالتها يعني نفس الشي😂قعدو يضحكو قلت ليهو اصلا نحن م بنشبه بعض انت براك بتتعولق😐الولد اللقمه شرقتو وبقي يكح😂قال لي والله لو م بتظهرو الاثنين قدامي كنت قلت انه في بت وحده لكن لحد م اسافر اوعدكم اني ح اقدر افرز بينكم نقاء قالت ليهو بنشووف🌚فجاه مزنه نطت قالت ليهو ي فوفو ممكن اسالك🌚مهند قال ليها دقيقه فوفو دي انشاءالله لي فؤاد قالت ليهو اي عندك مانع انت؟!😒كلهم اتفقعو بالضحك حتي فؤاد😂قال ليهم يجماعه مالكم انا الاسم عاجبني😂ردت مزنه شفتو انتو مالكم اسي بتضحكو قال عاجبو😒قال ليها اها اسالي ي عيون فوفو😂الناس تاني ضحكت😂قالت ليهو خليتو زاتو وطلعت قعدت في الحديقه وكان فيها مرجحانيه(عرفتوها صح🐸)المهم مشت قعدت فيها قام جاء لاحقها فؤاد لقاها صاره وشها😒قال ليها الحلو ليه زعلان😉البت فصلت طوالي😂قالت ليهو ماف زول بحترمني في البيت واسي شفتهم كلهم قعدو يضحكو فيني قام قال ليها طيب ارح قالت ليهو وين قال ليها انتي م كملتي فطورك يلا نكملو برا ومنها تسالني لانه انا م بقدر اخلي القمر دا زعلان😉قعدت تتبسم زي الهبله😂ومشت معاهوو وداها مطعم وطلب ليها بيتزا وبقي يتونس معاها قال ليها انتي في البيت قلتي عاوزه تساليني صح قالت ليهو اي قال ليها اها سامعك انا 😊قالت ليهو بعد اخلص لانه كدا م بقدر اركز في الاكل😐قعد يضحك باعلي صوت ورد ليها والله خالتي جابت شفع كلهم مجانين😂قالت ليهو انا م شافعه☺قال ليها طيب انتي مش قلتي لي فوفو انا ح اقول ليك صغنوني اتفقنا🌚قالت ليهو لا😐قال ليها خلاص م تدلعيني ولا ادلعك واسي نرجع البيت وخلاص وعمل فيها زعلان😂قالت ليهو طيب طيب قول الانت عايزو😒قال ليها تمام يصغنوني انت😂بعد خلصوو قال ليها بعد كدا نمشي قالت ليهو اي....ونحن هناك في البيت قلبنا الحته قلب م لقيناها بعد شويه ابوي قال لينا معناها مشت مع فؤاد اتصلو عليهو وفعلا ماهر اتصل وفؤاد قال ليهو انها معاهو وجاين علي البيت حتي هدينا شوويه في الطريق مزنه سالتو انت ي فوفو مرتبط 😐فؤاد مات بالضحك😂قال ليها لالا ي صغنوني لكن شكلي ح ارتبط قريب😉بعدها وصلو البيت واي زول دخل غرفتو تاني يوم فؤاد نزل شغل في المستشفي لمده اسبوع وكان مضغووط شديد بطلع الصباح وبجي المساء... انا مشيت الجامعه وسلمت علي الشله وقعدت قامت مها قالت لي انا ي هبه كنت عايزه اسالك من الولد الكنتي خاتاهو في الاستوري لكن بنسي قلت ليها ياتو ولد قالت لي الكنتي كاتبه عليهو اللهم اجعله من نصيبي قلت ليها اهاا اي دا خطيبي😂وطبعا سكت مهاد عشان م تفضحني🐸مصطفي قال لي ربنا يتم ليكم علي خير وقام مشي قلت ليهم انتو الايام دي مصطفي مالو م عاجبني رد محمد والله انا زاتي م عارف مالو😕وانتهي اليوم وما شفت مصطفي تاني طلعت برا م لقيت عربيتو قلت معناها مشي اتصلت م رد علي خليتو ورجعت البيت اول م وصلت اقرب سرير ورقدت نمت بهدومي😴صحيت العصر بكواريك وجوطه نزلت تحت لقيتهم كلهم ببكو يجماعه مالكم المات منو فشنو😳مزنه جات قالت لي مهند قلت ليها مهند مالو😐قالت لي عمل حادث واسي في المستشفي قعدت ابكي واكورك طيب منتظرين شنو انتو😭ارح المستشفي
ودوني لمهند😭نقاء جات حضنتني وقالت لي م تخافي اخونا ح يبقي كويس😢ركبنا العربيه ومشينا علي المستشفي هناك كان في ماهر وبابا انا جريت ليهم ي ماهر مهند وين م رد علي بابا مهند وينو😭ردو علي اخوووي وين😭ماهر قال لي ي بت اهدي مهند كوويس رووقي💔بعد شويه جاء فؤاد طالع من غرفه العمليات ومعاهو واحد تاني نقاء مشت ليهم فؤاد مهند كيف قال ليها
للان وضعو مستقر بس ح يكون في غيبوبه لحد م يصحي بنشوف قالت ليهو لمتين قال ليها والله م عارف حسب العلاج لو جسمو استجاب بصحي سريع يعني اسبوع بالكتير💔انا بس بقيت قاعده في الكرسي والدموع ماليه عيووني😭لانه انا كنت اقرب وحده ليهوو والبيت كلو عارف انه هو بحبني اكتر من نقاء ومزنه حتي هم عارفين وما بزعلوو لانه هو بحبني 💜انا قمت قلت ليهم عايزه ادخل ليهو فؤاد قال لي م ينفع تدخلي قلت ليهو انا لازم ادخل عايزه اتكلم معاهو😭وقعدت ابكي تاني قال لي طيب ح ادخلك جاء لبسني حاجات كدا ودخلني ليهو في العنايه المكثفه لقيت مركبين ليهو كميه من الاجهزه جيت براحه مسكت يدو وبديت اتكلم معاهو💔مهند شفت فؤاد قال انت احتمال اسبوع م تصحي هو شكلو م بعرفك لانه جاء ليهو كم يوم وبعدين انت قول تعبان بس وعايز تنوم ماف داعي للعواره دي كلها وانت قلت لي بعد يومين ح تعرفني بمزتك المتخلفه قوم ياخ عايزه اشوفها غير انه في حاجات عايزه اشتريها وماف زول بمشي معاي غيرك😭قووووووووم عليك الله😭انا عارفاك اهبل بس م للدرجه دي قوم وبطل عولاق😭فؤاد جاء مسكني وقال لي خلاص كفايه يلا نطلع قلت ليهو دقيقه اوعدني انه اخوي ح يبقي كويس قال لي بوعدك انه يبقي كويس واحسن من الاول💔قمت طلعت وبقينا قاعدين للمساء ماهر قال لينا خلاص انتو ارجعو البيت لانه بكره عندكم جامعات ومدارس قلت ليهو انا م ماشه الا مهند معاي قال لي هبه قومي اسمعي الكلام قلت ليهو ابيت قام هاج وكورك فيني نقاء قالت ليهو خليها انا بتفاهم معاها م تجووط قامت جات قالت لي هبوني مهند لو صاحي م كان خلاك قعدتي ارح نرجع البيت وبكره من الجامعه انزلي بجاي وشوفي انتي الوحيده الدخلتي شفتيهو حتي ماما منعوها وبتصرفك دا ح تفهم انه ولدها م كويس وح تتعب زياده يلا حبيبتي نرجع البيت م رديت عليها وقمت ماهر وصلنا البيت ورجع المستشفي....