الجزء 31

الساعه 10:00بليل

جا- موهوب داخل ، لقى نهى قاعده في نص السرير

ماسكة المصحف ، عاين ليها م اتكلم عشان ما يقاطعها ، لف الناحية التلنيه من السرير ، و قعد و بيطقطق اصابع يدو ..(زي البالو مشغول)

نهى : صدق الله العظيم - قفلت المصحف و ختوت في التربيزة الجمبها ، و عاينت ل موهوب !!

ان شاءالله خير ؟

موهوب : بالي مشغول يا نهى ، ما قادر حتى اشتغل زي الناس بس بفكر و غالباني القعده !؟

نهى : حاصل شنو ؟

موهوب : كيف حاصل شنو ! لينا تلاته يوم من رجعنا من الخرطوم يا نهى و لحد اسي ما وصلنا ل حل و هاون مجدوعه في المكان المعفن دا ،انتي ما شفتي منظرااا !!!

نهى : !!! والله يا موهوب ما اتوقعت منك ردة فعل زي دي و ما عارفه اذا دي حاجة يشكروك عليها ولا لا ..

موهوب : اسمعي ، بكرة من الدغش حنطلع ، نمش الخرطوم و نقابل اي زول ليهو علاقه بي هتون ، عشان من خلالو نوصل للكلب دا !!

*طيب انتظر اشوف موضوع البيت من امي .

_مافي وقت يا نهى ما مشكلة انتي مش عارفه الخرطوم كويس ، خلاص بس ننزل في فندق ..

*لا اصبر سوقني انت بس ابو حليمة لحد خشم بابنا و نشوف البيحصل ..

-

كنت بفكر في الضابط

اختفى فجأة !!! هههههههههههههههه

وانا كنت منتظرة منو شنو يعني ، (ضربت راسي بي يدي) ههه غبية يا هتون ههههه ...

و احسن شي انا افقد الامل في الطلوع ، ونهى صعب تقدر تجيني تاني مفروض اعذرا ، خلاص ارضى بي قسمتي ...اااااخ ياربي اااخ الحمدلله !؟

الصباح✨

موهوب واقف في الحوش ، منتظر نهى -

جاتو مرة ابوهو (ام جلباب ديك متزكرنها)، قالت ليهو :

خباااارك واقف ؟؟؟

قبل يرد عليها ، جات نهى ، لابسه اسكيرت و بلوزة طقم عادي ، عاينت ليها من فوق ل تحت ، دا شنو يا بت !! وين توبك انتي عايزة الناس تاكل وشنا !!

قالت ليها : كلام الناس بهمكم انتو ، ما بهمني انا !!يلا يا موهوب ..

قالت لي بي نهرة ، طيري امشي شوفي ليك توب انستري بيهو قلة رباية و علة على قلوبنا ..

رد ليها موهوب : شوفي يا مرة ابوي انا ما حصل في يوم قللت منك ، عشان ما تحصل مشاكل خلي مرتي في حالها ما تنسي انها بقت مسؤلية وانا اللي لي كلمة عليها ....(جراها من يدها و مشو )

و دي تشيل و تنق ...

و في نفس الصباح .. كان لممدوح رأي تاني !!

في مكتبه و خاتي التلفون في اضانو ..

طيب ... و اذا ما جيت ؟؟؟

طيب عندك دليل ضدها ؟ اسمع هنا يا صباح انا لولوة معاك م داير !!!

ايوااا ... يبقى الساعه ١٢ بالدقيقه القاك قدامي اظن ٣ يوم كافيه جداً .... و*قفل

و فتح صورة هتون ، و كان بيتأمل فيها ..

في جانب نهى : بتقول :

في بيتنا (ابو حليمة)

قبل ما ادخل ، موهوب قالي ما تتأخري ،، و دخلت بيتنا ، ولقيت امي دي قاعده في مصلايتا و تبكي و تدعي رغم انها ما كانت مواعيد صلاة ، حسيت بس قدر شنو امي دي مغلوب على امرها ..

قعدت جمبها في الارض .. وكانت مخلوعه ، قلت ليهو لقيت الباب متكول ، انتي كويسه ؟؟

قالت لي : حمدلله ، انتي كيف ؟

*حمدلله

_جيتي كيف ؟

*مع موهوب وصلني

_هو وينوو طيب ؟

*برا واقف منتظرني

_سجمي عيب يا بت معقول تخلي واقف برا ر كانت بتحاول تقوم عشان تفضلو - مسكتها قلت ليها اقيفي انا مستعجلة و جاياكي في موضوع !!!

*

_فيي شنو ؟

*موهوب فاتحني في موضوع شهر العسل ، و انه نسافر الخرطوم ، وبصراحه هو عايز ينزل في فندق بس انا قلته اعرف منك بيتنا لو لسه قاعد ولا لا ؟

نظرات تعجب م بنساها ابدا !!

ايوا قاعد ابوكي كلمني ، لكن ما اقنعتيني يا نهى في حاجة انا ما عارفاها ؟

_حاجة شنو يا امي انا مخنوقه من جو القريةدا ما واقع لي و ما صدقتا جات منو اغير جو شويه ..

قالت لي لحظة !!

جابتو لي و جات .. بوست راسها و طلعت منها ،لقيت موهوب دا رايح و جاي في الشارع ، لمن شافني جا علي .. قالي :

بشري !!!! رفعت ليهو المفتاح ... ضحكنا و قال لي يلا م تتاخري في التجهيز ، و انا بمش على ابوي ولا عمي عوض بشوف لي عربية !! وبدت رحلتنا ..

في اليوم الرابع -

و انا في حوش السجن ، كنت متجهه على خالتي نعمة ، قاطعني صوت السجانه - هتون محمد تعالي عندك زيارة !! بقيت حاسه نفسي زي البتوهم كدا

و كملت في طريقي لمن كررت ليتاني قالت لي اتطرشتي ما سامعه ، اسي بلغيها ليكي !!

جريت عليها في سكوت و مديت ليها يديني عشان تكلبشني ، و بتلفت زي الشافع الكايس امو ..