الجزء 37

_بسم الله يابت... ما ماتت لحقناها..

*وووبعلي لكن خلعتيني لما غلبني البسوي.. الحصل شنو؟

_امس بعد الشكلة مش سقتها للانفرادي لاقتني شرطية قمر ساقتا مني توصلا المهم انتي عارفاها كلامها كيف وشديد..

*اي عاوزة توريني ليها نجمتني نجام انا في النازل والطالع كلامها دبش انا شوية وكنت انتحرت زاتي...

_اجيي ضحكت علي كلام هتون..

*اها واصلي واصلي وبنتوسوس بصوت واطي..

_ادتا من كلاما دا قالت ليها انتي مجرمة وبت سجون تضيعو شرفكم وتوسخو سمعة اهلكم وتجونا هنا تتبكو وتشكو.. هسي السجن مقلوب انها جابت الحديدة من وين الله يستر ياهتون بقولو نحن ما بنفتشهم معناها ح تجيب لينا الكلام شكلها وش فقر من جات...

*ههههههه اها والحصل شنو تاني؟

_بس قطعت وريدا والحمدلله انا جيت ماره ولحقناها سريع ودوها المستشفي..

*الله يسترنا يلا ما لي دخل بيها اخدت حقي وانتهيت بعد شفتها بالطريقة دي اتفشيت شوية مع ان العملتو فيني عمرو ما يخليني اتفشا فيها..

ركبنا العربية وعرفت انهم جايبيني للضابط..

مسافة الشارع..

طق طق طق

ادخل يا اشرف..

سيادتك... دخلني ليه وطلع بره..

_اقعدي يا هتون عندي ليك خبر ح يبسطك..

*ما اكتر من خبر طلوعي..

_مؤمن اتقبض عليه

*ما بهمني امرو اخد الشر وراح "" مع انو من جواي كنت دايرة ارقص وازغرد "

_طيب طالما ما حابة.. اها مستعدة خلاص كلها اجراءات وح تطلعي مسافة زمن بس..

ح تمشي وين؟

*محل الله اهون بس...

_كيف يعني،، هتون بعد الحصل ليك دا ما اظن انك....

قاطعتو وكلامو جرحني شديد

*اني شنو .... ح امشي تاني ف الطريق دا؟ دا قصدك مش؟

_لالا العفو ما تفهميني غلط بس انا خايف عليك السجن ما بربي ياهتون ومعظم البجو هنا بعد يطلعو بمشو في سكة البتودي ما بتجيب...

*ما تخاف ح امشي قرية ابوحليمة..

_ابو حليمة؟؟

*ايوة ناس ابوي رحلو هناك..

_وانتي المخليك متأكدة شنو انهم يستقبلوك بالبساطة دي؟

*نهي وعدتني ح تتكلم معاهم وح تقنعهم وانا متأكدة بعد يعرفو الحصل علي ح يسامحوني لو حتي بسيط..

_بتمني دا ال فيه خير بحصل..

كرررب الباب فتح في اللحظة العايزة اسألو فيها من اسمو وهو منو ولشنو ساعدني متوسمة يبشرني انو في قلبو حاجة لي...

جا صوت انثوي....

ممدوح قلت اغشاك كان انتهيت نطلع سوا وبالمرة تلاقي فاتن...

اها انت شغال ولا دي منو؟

*امي كان تضربي لي تلفون شنو مش قلت ليك ما تجيني السجن هنا تاني ما بحب اشوفك داخلة هنا..

(تاني مرة يجرحني بكلامو)

_دي منو؟

*وقفته واتلفته عليها السلام عليكم ازيك ياخالتي..

عاينت لي وماردت علي..

_انت شغال ولا انتهيت عشان نطلع وعشان حركاتك دي قصدته اجيك اداهمك بس وارح لان البت منتظرة بره في العربية..

*اوووف كمان استغفر الله بس يارب..

اشرف جا داخل قطع عليهم الكلام..

تمام سعادتك كل الاجراءات تمت وتقدر تطلع بعد كدا..

خلاص ساعة الحرية جات همي بس اطلع وانتهي من الانا فيه دا...

_هتون اشرف ح يسوقك في شوية حاجات ح يتابعا معاك عزالدين وتاني تمشي الامانات اول تشيلي حاجاتك..

*شكرا وبشكرك مرة تانية علي الوقفة الوقفتها معاي دي ما بنساها..

_خلي بالك من نفسك ما بوصيك ولو احتجتي اي حاجة تعالي لي ما تترددي..

*شكرا وصلحت طرحتي كويس وطلعت من سكات وقبل ازح من الباب سمعت امه..

_ممدوح انت جادي من بتين بتدي وش ل اشكال زي دي..

*امي...(قالا بنرفزة)

زحيت طوالي بسرعة ومشييت ورا اشرف وما اتلفت وراي الا بصوتو هو بناديني هتون هتون اقيفي دقيقة..

جا علي اداني ظرف ومعاه ورقة ملفوفة صغيرة..

ضحكته وقلت لي تاااااني ما ناوي علي خير..

ضحك هو كمان.. رفع لي يدو بودعني بنظرة بعرفا كويس...

لقيت نفسي بلولح ليه في يدي وانا بضحك...

تميت كل اجراءات الطلوع واخر شي جيت قسم الامانات شلت شنطتي ومعاها كيس فتحتها لقيت ريحتي وروج وكريم وحبة مكياج هي هي الكنت بيهم مع مؤمن.. فتحت الكيس لقيتا بجامتي واللبسة الكنت لابساها ليلة لاقيتو..

طلعت من الباب وقفت شوية اشم هوا قلت الحمدلله ومشيت..

كرامة لله،، الله يعرس ليك،، الله ينجحك،، الله يديك.. الله يبعد عنك اولاد الحرام...

ما اترددته دنقرته للمرا القاعدة في الشمس وشايلة طفل صغير مغطياه ب توبا المشرط ختيت ليها الكيس والشنطة ..

فتحت الظرف لقيتها قروش اديتا منها...

زعلت شوية من حركة ممدوح بس ما وقتها لاني فعلا حاليا محتاجاها وح ارجعها ليه فيما بعد..

واصلت طريقي علي اقرب مواصلات ممكن توديني ابوحليمة...

..............

_نهي خلاص اطلعي يلا نحن اتأخرنا علي هتون...

*جاية جاية هدا انتهيت ارح...

( لا نهي عارفة اختها طلعت،،لا هتون قايلة انها هنا وان ابوها ما باع البيت)

...............

* لو سمحت دي مواصلات ابوحليمة..

_اي اطلعي اخر نفر..

اتملت يا مجاهد اتحرك....

*لفيت وشي كويس بي طرحتي فتحت الظرف طلعت منو قروش طبقتها ومسكتها في يدي.. ودخلت الورقة فيه وبقيت ماسكاه بقوة باقية عليه عشرة...

نمته وما حسيت ب الطريق ولا كعوجة الشارع

الكعب والمطبات وهزة الحافلة ونطيطها طول الشارع الا لما لكزني الكمساري وصلنا...

الحافلة وقفت جمب مظلة زنك جواها مصبوبة مقاعد اسمنت ومفتحة بالجمبات...

اديتو القروش ورجع لي الباقي...

*لو سمحته دي وين؟

_يابتنا انتي جاية وما عارفة روحك وين؟

*عارفة بس قرية ابوحليمة ياتا انت وقفت هنا مش مفروض تدخل لجوه..

_ناس ابوحليمة بركبو الحميراب ياها الانتي نزلتي منها دي وبنزلو هنا والحافلة بتدخل ل جوه..بالشارع دا تمشي طويل هداااك بتشوفي الجامع شفتي دي ابوحليمة..

*طيب شكرا ما قصرته..

اوووف غتيت بالظرف قدر البتغتي علي راسي من الشمس والسموم والسخانة..اوووف الناس دي بتمشي كيف برجولا في السخانة دي..

_هووي يا بت هووي

*اتلفته علي الصوت البكورك دا لقيت ولد ما كبير كدا يكون 15سنة سايق كارو حمار...

_اركبي النوصلك...

*انت ماشي ابوحليمة..

_اي اركبي اركبي انتي مني اول مرة اشوفك ماشة لناس منو؟

*بتعرف ناس محمد احمد ابودومة؟

_اي بعرفن بيتن ف طرف الحلة انتي منك؟

*انا قريبتهم جاياهم زيارة من قرية الفكي مبارك..

_دي وين اول مرة اسمعبها؟

*ما بتعرفا في الشرق..

طلعت و مشينا مسك بي الردمية عديل وفي راسي الف سين وجيم....