الجزء 4

صوت المسجل شغال ب اغنية رقيص العروس ريحة البخور الصندل والريحة تقول ياليل.. فناجين القهوة وريحة جنزبيلا تسطل،، كشكشة الودع كش كش وقرقرت ونسة خالتو النعمة الدقاق دقاق والما مسموعة،،

غرفة فيها تلاتة سراير مفرشات ب ملايات ستان فيها دواير حمرا ب بنفسجي والجداعات ب الدهبي..واربعة ترابيز داخلة في بعض عليها فوط شفون بالدهبي والزيق بالاحمر.. الستاير موردات ب البنفسجي والدهبي عليهم ترتر بالاطراف وشريط احمر..

الفرشة باللون الاحمر الرويااان.. الباب مقفول الجو رومانسي شديد..

*هتون قومي ارقصي وهزي حتي(قرقر قرقر صوت الضحك).. عاملة زمامك السمح دا..

( قامت تتمايل عاجباها روحها،،بارمة شعرها مجدع لنص ضهرها )

بقت تتحرك يمين وشمال كتافيها ل فوق ورقبتها ل ورا ويديها مستقيمات ومعوجات اخر اليد..وبتضرب ب رجولها الارض خفيف علي امشاطا وتتحرك كلها..

*الخلخال فيها ماخد حتة(ما نزل عينو منها)

وين وين وين تلقوا زي دا

أصلو مامعقول تلقوا زي دا

عريسنا صبر.... والله ادا

وين وين وين تلقو زي دا

ووقعت..

*هتون هتون هتون

*جزئية معلقة*

*امي انا طالعة مع السلامة

_هتون تعالي

*(ياخ امي دي مالا معاي بقت واقفة لي في العزيزية اي شي مراقبة مراقبة) ايوة جاية

_ انتي ح تطلعي ب خلقتك دي والله ابوك كان شافك كدا من خشم الباب ما يخليك تطلعي شبر..

*وفيها شنو ما كل البنات ديل بلبسو كدا..

_الا بت ابودومة م...(قاطعتها ف الكلام)

*امي عليك الله ييييع ما تقولي الاسم دا انا بعقدني وشييين زاتو.. شنو شنو ابودومة ما حضااااري...

_خليني من الاسم وفلفستك،، ابوك اتكلم معاي في طريقة لبسك دي من المرة الفاتت انتي ماشة جامعة ولا عرس ومن هنا وتاني ماف مكياج بالطريقة دي وانتي طالعة والله يا هتون ملامحك ساي اسمح،،العبايات مالا يابتي ساترة..

*حاضر حاضر يا امي اها ح البس عباية

(امي دي اكيد ما جادة بتين ابوي قدر يأثر عليها كدا..انا الليلة عايزة الاقي مؤمن يقول علي شنو وقال شنو البت عاملة انها اوبن مايند واول مقابلة لابسة عباية)

*اها كدا كيف

_اي بتي ماشاءالله دي هتون البعرفا

*خلاص مع السلامة(والله امي دي مسكينة خلاص بتتغشي سريع)

~ اول ما وصلت لفة الشارع وقفت طلعت العباية حشرتا جوه الشنطة..

*اممم المكياج ما مشكلة بعد اصل الجامعة بظبطو تاني..

.....

(احبك وانت في قلبي وحيد ولا عليك غبار وحبك مصدر الهامي ويعكس ذوقي الراقي ).._~

( صوت نغمة تلفونها مقطع شعري مخصص)

ردت طوالي بصوت هادي ودلع:~

*الو

_اااخ من الو والبتقول الو ~صباحك شهد وعنبر يا احلا بنوته شافا قلبي قبل عيوني..

*( ضحكة خجل) امبيهه حبيبي الكلام الحلو دا من الصباح يفتح النفس..

_معاي الجمال كلو ونفسي ما تكون مفتوحة معقول بس.. هههه قلبتي خليجي شايفك ~

اها يانظر عيني وين انتي هسي اجيك اسوقك..

*لالالا

_مالك مالك في شنو؟

*قصدي تجيني وين نتلاقي في الجامعة

_ومالك قلتيها بخلعة كدا يازولة في شنو دا كلو؟

*هههههه ماف شي بس عندي محاضرة انت نسيت الكلام القالتو لي امي(ومن جواي الاقيك كيف ووشي مافيه ولا زرة مكياج واول مرة نتلاقي وش ل وش)

*خلاص ظااابط اول ما تصلي اديني خبر مع السلامة..

_باي

وصلت الجامعة وطيران علي الحمام ظبطه مكياجي وتش تش تش اتعطرته وعاينت نظرة اخيرة.. حلوووة حلووووة يا هتون خمسة اموووواح ~

اتصلت بيه محل نتلاقي وين

وطلعته...

مع اني حلوة بس كنت برجف

ياربي ح اعجبو في الحقيقة ولا لا..

احسن شي ازوغ ما الاقيه..

*مؤمن سمح شديد معقول ح يعاين لي..

لالا احسن حاجة ما الاقيه..

~

~

_هتوون

( رفعته راسي محل الصوت )

رفع لي يدو كان بضحك وغمز لي..وجا علي طوالي..مد لي يدو

_ازيك حبيبة قلبي انا عاملة شنو

* سكتم بكتم ولا نطقت حرف(اتخلعته ب جازبيتو بس)

_هييي( معاها ضحكة رجولية) الجميل سرح وين؟

*( ضحكته ب دلع)

_الصراحة الصراحة الكام ظالمك شديد انتي اجمل بت انا شفتها بحياتي( وانتي وانتي كل كلمة منو بتطلع كانت لهفه واعجاب)~

وطبعا انا غروري صور لي انو صادق لانها الحقيقه انا شايفه نفسي احلى واحده.

شربنا عصير وقعدنا اتونسنا بعد مسافة كدا..

_يلا قومي ارح

*وين

_الله مش قلتي ح تمشي معاي شقتي؟

*اااا م ما بالسرعة دي يا مؤمن انا عندي محاضرات وكمان ما بقدر اتأخر امي هسي ح تتصل والزمن مشي..

_اهاااا قلتي كدا يبقي ما بتحبيني يا هتون وخيبتي ظني شديد من اول مقابلة افتكرتك انك بت مستقلة ودا الكنتي مظهراه لي والخلاني احبك واعجب بيك انك زولة بتعرف عايزة تعمل شنو ما بتنتظر مكالمة من امها انتي وين وبتعملي في شنو.. علي العموم فرصة سعيدة ونتلاقي في ساعة خير لو ربنا سهل سلام..

(كنت بسمع في كلامو ومخلوعة من ردت فعلو)

ومشي..~

..

..

مؤمن مؤمن

(دي ما انا الناديتو)