الجزء 42

-(بتبكي) والله ياخالتي لو ما معزتك عندي والله والله انا كنت خليت ممدوح دا زمان بعد البسوي لي فيه دا.. واخر كلام لي معاي كان واضح انو ما عايزني بعد قفلني بالطريقة دي... ياخالتي هسي منو البترضي تنتظر الزمن دا كلو.. هسي كان ولدي قدامي بمش.. وصحي القدري ب اولادهم بقو هسي..

*معليش بس انتي اتلحلحي شوية يا#فاتن

-اكتر من كدا اتلحلح كيف والله اهتمام مهتمية بي صباحي ومساي بسأل عنو.. واي شي بخصو بتزكرو بس مين يشوف هو ولا شغال بي.. انا حاسة انو ما بحبني يا خالتو وفي واحدة تانية شاغلاه. كان مجبور الاكلمني واحسن ازح بكرامتي..

*انتي غبيانة يابت هو ممدوح قايل ح يلقي زيكم بت ناس واصل وفصل مربية وسمحة ومحترمة.. بس هو عارفاه انتي ضغط شغلو،، انا زاتي ما عارفاه متمسك بيه لشنو شلتو وختيتو يغترب حلف قال عاجبو..

انتي ما تشيلي هم بكرا بتعدل والله ما يمشي منك شبر..

-هههههه طمنتيني يا خالتو الله يطمنك.. الله يسمع منك

*يلا هسي اضربي لي يجي يسوقك من بيتكم لاني عندي شغلة كدا.. وما تخلي الا يطلعك اول تمشو مكان حلو تستمتعو وتتصالحو انتي فاهمة..

(انتهت المكالمة علي كدا)

# من جانب ممدوح #

-فجأة تلفونو ضرب عاين ليه وعملو صامت...

اووف ل بتين ح تنتظرا تجيك ما هدا منتظر طول عمرك ولا صدفة لاقتك.. انت بيدك يا ممدوح قوم اعمل ليك خطوة كفاية خوف

قام فتح دولابو اخيرا وطلع تلفون #نهي(تتزكرو لما اتقبضت هتون كان معاها هو من يوم استلم القضية شالو معاه واخر مرة بعد طلعت نسي اديه ليها او عمل متناسي وشالو في البيت معاه)

فتحو وبقي بعاين في اسم #هتون

وبدون تردد....

مسك تلفونو وكتب الرقم

جاري الاتصال....

.....................

تررررررن

وبقت رافعة تلفونا تعاين ليه

قام من حتتو مالك في شنو؟ منو البتصل؟

-دا رقم غريب بتصل ارد؟

*لا اقيفي جيبي انا برد.. الووو

-خلاص افتح الاسبيكر

-السلام عليكم انا ممدوح،، الضابط ممدوح دا تلفون هتون؟

*وعليكم السلام اهلا وسهلا ممدوح انا موهوب راجل اختها.. انت جبت الرقم دا من وين؟

-والله انا للحظة كنت قايلو اتسرق التلفون لما جاني صوتك افتكرت الحا ترد هتون.. عندنا بياناتا انت نسيت..

..

*العفوو والله بس في شي يعني؟

*معليش انا اسف للازعاج بس بسأل عن هتون هي قاعدة معاكم ولا وين؟

-خير ان شاءالله ،، زي ما عارف هتون جات هنا لكن ما قدرت تقعد في القرية ف مشت ل خالتها الخرطوم قاعدة معاها،، في حاجة؟

*لا كل خير بس انا كنت عايز هتون في موضوع شي ضروري كدا ولازم الاقيها .. ف لو ممكن اخد رقمها يعني؟

-والله يا ممدوح انت ود ناس وود بلد ورقما دا انا ما بقدر اديك ليه وهسي لو ما بعرفك ووقفتك معانا وانت زول ود اصل انا كنت لفيتا معاك وما مررتها ليك.. و انا ممكن اصلك لحدي عندك لو في شي مهم كدا..

*اوك تمام اسف علي الازعاج مرة تانية مع السلامة..

-مرحب يا اخوي مع السلامة.

* انتهت المكالمة *

نهي سمعت المكالمة كلها وما عجبها كلام موهوب نهايي وقلبت خلقتها وقعدت اتلفتت بالجمبة..

-اها خير قلبتي خلقتك مالك؟

*خيير بس ماف داعي لكلامك المسيخ معاه فيها شنو يعني لو اديناه رقمها ..ممدوح دا بالذات انا شايفاه محترم جدا ما زول فارغة وبتاع..

-نهي اوعي اسمعك تاني تشكري راجل غيري والتاني ابوك (لحظتها فرحت من جواها موهوب بغير)

عايزاني اقول ليه سمعا وطاعة، وادي رقم هتون طوالي كدا

*وفيها شنو دا تعقد منك بس ما اكتر.

-احسن تصلحي كلامك يا نهي كل شي ولا عرضي انا ما برضي فيه.. وراجل ما عندنا بيه علاقة ما بخلي يتكلم مع اختي او يلاقيها وانا قاعد فهمتي كلامي دا.

وقومي جهزي لي جلابية نضيفة انا طالع..

قامت زعلانة ووجعها، كلام موهوب ليها لما دموعها جرو وهي بتقش في وشها جات تمشي من قدامو فجأة حست روحها دايخة وبطنها قالبة دايرة تستفرغ

-جراها عليه بسم الله نهي مالك

غطتت وشها ب يدها وبعدتو عنها

زحاها بالغصب

- عايني لي هنا نهي انتي جادة بتبكي

ما ردت ليه

-الله ياخدني في اليوم الخليت دموعك تنزل عشان سبب تافه زي دا..

*اوعك تقول كدا ما اسمعك تاني بتدعي علي روحك انا بدونك ولا شي..

-نهي انا بحبك...

نهي اتفاجأت بالكلمة دي اول مرة موهوب ينطقها بالطريقة دي كلها لهفة وحنية وخوف في عيونو عليها..

ضحكت بعد كانت زعلانة.. اتأكدت من جواها انها بتحب موهوب شديد وانو هو ليها وبس ما لغيرا...

بعد رضاها طلع استحمي وهي ما ضيعت ثانية جرت مسكت تلفونها وفي رسالة كتبت رقم وجنبو اسم هتون ورسلتو في تلفونها القديم وسريع مسحت الرسالة وكل شي...

(من جواها معليش يا موهوب بس هتون روحها في ممدوح لي هسي ومستحيل تنساه هسي الفرصة جاتا لحدي عندها ما ح اخليها تضيع من حقها تتبسط كفاية )

....................

*ممدوح قفل ب جاي متضايق دخل تلفون فاتن تاني ب جاي.. فجاة باب غرفتو فتح

-رد دا منو الما عايز ترد لي دا (في الوقت داك امو كانت بتسمع في الكلام كلوو

بعد فاتن رجعت ليها انو ما رد عليها وتاني رقمو مشغول)

*ما عايز ارد تلفون ما مهم

-دي فاتن هسي كانت بتتكلم معاي قوم مرتك منتظراك اشتري ليها هدية وامشي رضيها وطلعها مشوار..

*ياتو يوم انا لي في الحاجات دي والجو دا...و

قبل يتم كلامو امو قاطعتو

-انت بقيت صعب خلاص يا ممدوح ما كنت كدا فجأة اتغيرت ولو انا عندي خاطر صحي هسي تقوم تعمل القلت ليك عليه..

*حاضر يا امي حااااضر اها طالع طالع

طلع قدامها وخلا التلفون علي التربيزة الجمب السرير...

امو ولا اترددت شالتو طوالي وفتحتو شافت في رسالة معلقة فتحتها لقت رقم ومكتوب هتون اقرب قلم وورقة سجلتو وحزفت الرسالة وطلعت...

......................................

*يا خالتي عايزة استشيرك في حاجة بس ما تزعلي عليك الله

-قولي يا هتون الله لا جاب زعل

*انا عايزة افتش لي شغل اقدر اتم بي جامعتي وبعدين حاسة اني بقيت عالة عليك وانتي شغلك في يدك يوم تلقي ويوم لا..

(من جواها هتون زهجت من البتعمل فيه دا كانت بتفكر لبتين ح تمشي في الطريق الوسخ دا)

-اجي دا كلام شنو يا هتون ،،كفاية هسي ماسكة البيت تنضفي وتطبخي واتعلمتي شغلي وماسكة ولد اختي والله الا اكون قليلة اصل تاني لو خليتك تشتغلي بره.. وبعدين تشتغلي شنو بدون شهادة وكان علي الجامعة انا بديك قروشها بس اصبري علي شوية كدي..

سكتت وما اتكلمت بعد مسافة

*طيب خلاص نوسع شغل الريحة والبخور والحاجات دي علي الاقل وزيادة الخير خيرين قلتي شنو؟

ونخلي شغل الليل دا قلبي بقي مابيه وخايفة نتقبض..

-نعمل شنو كان ما كدا ما بنعيش وبعدين البجو ما غريبين يا هتون بنعرفهم ..لكن طالما كدا موااافقة وزاتو في شغل عروس هسي جانا من كم يوم حجزوني اعمل ليها عروكات وابدا ليها دخان تمشي معاي ؟

*حاضر طوالي وراي شنو وكان علي يزن بمسكو ل خالتي الرضية المافي شنو

قبل يقومو من محلهم تلفون هتون ضرب..

*دا رقم غريب

-كدي ردي امكن زول بعرفك

*رقمي دا ما عند زول البعرفني منو بس

-ردي ردي شوفي انتي بس

*الووو

-هتون؟

*ايوة هتون منو معاي؟

-انا ام الضابط ممدوح في حاجة مهمة لازم الاقيك بالتلفون ما بنفع..

*اا اا حاضر حاضر قولي لي وين والساعة كم؟

-اذا هسي ما مشكلة في....

*حاضر بشوف وبديك خبر

انتهت المكالمة علي كدا وهتون بعد كانت واقفة قعدت تاني لانو حست رجولها ما شايلاها من الخوفة والخلعة لما سمعت اسم ممدوح والمتصل منو امو بتعرفني من وين وعايزة مني شنو والرقم جابتو من وين زاتو؟ انتي نسيتي دا ضابط ح يجيبو ..

واشمعني هسي اتزكروني بعد الزمن دا كلو

يكون عايز...

حبل افكارها اتقطع بصوت خالتو نعمة

-هتون هتون انتي سرحتي وين؟ منو الاتصل وعايز شنو خلاك مخلوعة كدا..

*اتخيلي دي ام الضابط ممدوح قالت دايراني في موضوع..

-لا ما تلاقيها دايرة بيك شنو المرا دي ..

*الله مالك يا خالتي اتفعلتي كدا عادي الموضوع كلها ساعة زمن بلاقيها اشوف دايرة شنو وبرجع..

-هي هسي لكن الساعة 8هسي بالليل هي كان رضتا ليك انا ما بخليك تطلعي من هنا دي براك في الزمن دا..

*اها يا خالتي بس انا لازم الاقيها المرا من كلامها الموضوع مهم هسي كان ولدا قال ليها اخطبيني،، انتي تضيعي علي نصيب زي دا ما بتفوت تاني هههههه

-هههه الله يجازي محنك يا هتون خلاص انا بتصل ب #شهاب اجي يوصلك ..

*والله يا خالتي كان ما خاطرك عندي كبير انا نهائي ما بمشي معاه ولا شي...

-ياهبلة الود شاريك سماحة الدنيا علي

ولا عاينت في خلقتو من الاساس انا في شنو بس عشان اعاين لي..

-دقيقة برن جرس

اتكلمت شوية كدا معاه وقفلت..

خلاص مسافة الشارع بجي اوديك علي الاقل قلبي بكون مطمن...

*كويس خلاص النمشي البس سرعة سرعة...