الجزء 44

نطه من محلو..

-قولي والله يا خالتي خلاص يعني وافقت..

*قلت ليك براااها قالت لي كدا يلا البشارة بس وشد حيلك راجيينك في البيت..

-عيوني ليك ياخالتو نعمة

قفل التلفون والفرحة ما شايلاه من محلو...

.................

# لحظة استكانة للأحداث #

طلعت بره الحوش مخنوقة ومتضايقة عاينت للساعة الوقت متأخر يا ربي نهي بتكون نايمة لالا احسن ما اتصل بتتخلع ساي براها حامل ..

ما حملت بالساهل اقوم ابقي ليها سبب..

ارضي بالقدامك يا هتون علي الاقل شهاب عارف عنك اي شي وراضي بيك لا حا يعايرك لا في يوم يزلك لانو هو الاختارك...وحتي يزن متعود عليه ما مقصر معاه دا بقي يقول ليه بابا شهاب..

كلو منك يا خالتو نعمة انتي المسكتي في الكلمة دي..

ادي فرصة بس مش امكن اكون كويس حتي لو بجي محلات زي دي..

ما هدا انتي من جواك كويسة بس ما لاقية البطلعك من الانتي فيه دا..

شهاب ح يكون طوق نجاة ليك يا هتون هو وضعو كويس وبعد تعرسي ابعدي بيه وارجعي ابني حياتك من اول وجديد..

اضغطي علي قلبك والزمن بنسي زي ما نساك كتير وجروحك التئمت..

بس في جرح واحد عمرو ما ح يشفي..

رجع بيها الزمن

لما جريت وطلعت قلبي قال لي ارجعي تااااني امكن قلبهم الين في الاخر الضفر ما بطلع من اللحم والدم عمرو ما ببقي موية...

وياريت في لحظة ضعف ما رجعت

سمعت الكلام العمري ما كنت اتوقعو..

الفرصة الاخيرة ضاعت في لحظة..

عيني جات في عين امي وابوي وجريت بس بدون ولا كلمة.. واصلت محل وقفت

وجات صدمة تانية لما عرفت خالتو نعمة بتشتغل شغل ما ياهو كل كم يوم بالليل بجوها رجال يشربو القهوة وترمي الودع وترقص ليهم الواحد ياخد ونستو ويتبسط ويطلع..

وقتها انا كنت محبطة مكتئبة شديد بدون احس لقيت نفسي بنجرف معاها كنت عايزة انسي بس وما عندي رغبة اعيش الحياة دي..

خفت اقول ليها لا تقلع مني يزن.. يزن البقي منقذ لي ولدي الربيتو ضحكتي في الزمن الكعب دا...

ما عندي مكان امشي ليه تاني غيرا هي الحضن الدافي الاحتواني بالرغم من البتعمل فيه دا..

حاولت اقنعها تخليه بس ما قدرت....

في الوقت دا ظهر شهاب قدامي واحد مرتاح شبه يومي بجي خالتو نعمة معجبة بيه شديد كانت بتلزني اخليه مبسوط لانو بدفع... وهو معرفة قديمة وثقة وهو دا الجابني زمااان داك من عرس ناس نهي بس ما كنت مركزة انو هو الا بعد فترة عرفته..

عينو كانت علي بس انا كنت برفضو طوالي وبصدو عني..

ما بالي لسه كان مع ممدوح..

مشيت مره السجن عشان الاقيه بس خفته ما قدرت ادخل اتزكرت كل الحصل لي جريت ورجعت تاني..

قلت اخلي الصدفة هي التلمنا لو ربنا مقدر لينا نتلاقي ح نتلاقي طالما الحب قاعد في قلوبنا لبعض...

في الفترة دي حصلت حاجات كتيرة..

نهي اجهضت مرتين وجات الخرطوم للعلاج كنت كتيير بلاقيهم ومرات بمشي ليها..

موهوب ما كان رضيان قعادي هنا بس ما بيدو حاجة..

حاولو يرجعو بيتنا عشان ارجع اقعد معاهم بس لما فاتحو ابوي بالموضوع رفض وعمي ابو موهوب لما عرف رفض يمشو الخرطوم يستقرو هنا..

اخر قشة نجاة لي غرقت...

وبرضو ما فقدت الامل قلت السنيين كفيلة تنسيهم

-هتون هتون بسم الله المقعدك الوقت دا كلو براك ب جاي شنو..

*ابدا يا خالتي بفكر بس

-والله ماف شي مارضك غير تفكيرك الكتير دا

اسمعيني انا كلمت شهاب والود شوية وكان بجينا بجاي من الفرحة ما مصدق..

المهم انا اتفقت معاه وبكرا ح يجي قال مستعجل...

*اجي يا خالتي دا كلام شنو كمان ما بالسرعة دي

-خليني من امورك دي من بكرا ح نمشي نشتري الدهب وتبدي تشتري حاجاتك...

*طيب واهلو وين؟

-عليك الله ها انتي مالك ومال اهلو الله ريحك من النسيبة والحموات مالك ومال وجع القلب اخدو الشر وفاتو..

*خالتي علي الاقل خليني اكلم اهلي واشاورهم..

-عايزة تقنعيني هسي حا يسمعوك ما زمنك دا كلو عديتيه ماشة جاية ماشة جاية السمعك منو...

*معليش يا خالتي الاصول اصول عندي اهل امشي اطلبني منهم..

-عديلة يابتي

...........................

تاني يوم غلبني اصبر الساعة 11:55 شلت تلفوني واتصلت بي نهي طوالي..

جاري الاتصال...

*الووو نهي كيفك والحمل معاك

-الحمدلله وحشتيني يا هتون ما جاية تشوفينا.. اسكتي تعب بس نفسي ما قادرة اشيلو

*اعملي حسابك يا نهي ارتاحي وما تتعبي نفسك انتي عارفة الفيك..

-والله مرتااااحة يا هتون هو موهوب بخليني اتحرك ولا اعمل شي ههههه

*طمنتيني الله يحفظكم لبعض يارب

موهوب قاعد جمبك ولا طلع؟

-طلع عندو موضوع كدا مع صاحبو..

*كويس اسمعيني عايزة اقول ليك انا اتقدم لي عريس من طرف خالتو نعمة...

-وااااي بتين دا اصبري لي بقيتي تدسي مني اها احكي لي شافك وين وبتين وشكلو كيف واهم شي اخلاقو..

*يابتي اصبري انا لسه ما وافقت بس هو وضعو كويس ووجيه واي شي لكن قلت لما اشاوركم اول بس خايفة يا نهي خايفة موت...

-ما تخافي طالما انتي مقتنعة بيه وهو كويس بكلم موهوب يلاقيه ان شاءالله..

هتون

*اي يا نهي

-عايزة اسألك بس خايفة تزعلي

*عارفة سؤالك

عايزة تسألي من ممدوح مش

-اي بعرف انك بتحبيه الحصل شنو؟

*ممدوح اتزوج يا هتون وخلاص صفحة وقطعتها من حياتي ما عايزة اتزكرو..

سكتت وزعلت علي زعل اختها..

-خلاص ما اطول عليك بس موهوب اجي بنتصل بيك وبكلمو ويلا انتي اتبسطي وخلي بالك من نفسك ولا يهمك كل شي بتصلح قريب..

*حاضر حبيبتي يلا مع السلامة..

...............................

-هتون هتون البسي سريع دا شهاب جا بره عشان نمشي سوق الدهب ..

*والله خالتي دي ما ح ترتاح الا تعرسني ل شهاب دا بالسمح بالشين هههههه... دقيقة بس جاية

لبست عباية سريع ولبست يزن وطلعنا كلنا...

وصلنا وبدينا ندخل في المحلات نفتش شي يعجبني..

واقف جمبي وبختار معاي..

لفتني صوت واحدة بتدلع بطريقة مستفزة

-لالا بس دا بس دا ما عارفة بس هو العجبني يلاااا انا عايزاه هو بس..

*فاتن قلت ليك خلاص بطلي شغل الشفع دا الله..

من سمعت الصوت دا انا بقيت لا بشوف لا قادرة اقيف فجأة غلبني اعمل اي شي وعايزة اطلع بس..

اتربشته واتهبشته

جريت يد يزن قدامي

*شهاب ارح ما عجبوني نشوف محل تاني..

-هتون اقيفي بس خلاص بتوقعي يزن النشيلو منك طيب..

..

...

هتون.....