الجزء 56

بعد شهاب قفل من المكالمة .. كان بعاين في التلفون و هو مخلوع ..

قال : هتووووون!!!! داقه علي !! و كل المكالمات دي اوفففففف افففف .. كدي ارجع ليها ..

اتصل علي ..

_هتون !

*اهلين شهاب كيفك ؟

_انا حمدلله ! ااه يزن كويس ؟

*اي اصبح تمام حمدلله ! عارفاك مستغرب من اتصالي .. المهم كنت عايزة اقوليك انا #موافقه ، و ياريت لو نتمم امورنا بسرعه .

_شش شنووو(بدا يتمتم )شنو قلتي !

*شهاب ! انا موافقه ، يلا انا حأقفل عشان ح انزل من العربيه ..*قفلتا..

شهاب !!!!

بعد قفلت من شهاب جاني اتصال من ممدوح ما اترددت في اني ارد بعد نزلتا و ختيت الاكياس من يدي ..

_هتوني حبيبي ، ازيك ي روحي يعني لو انا ما اتصلتا و صبحت عليكي ما حتتصلي انتي صح !!

*اممم كنت مشغوله شويه..

_طيب يا مشغوله عندي ليكي مفاجأة ، ١٥دقيقه و ابقى في شارعكم اطلعي لي ، يلااا و*قفل

قفل قبل ما ارد خلاني ما عارفه اتصرف كيف بعني جاي ! رجعت ليهو بأتصال مرة و اتنين ما رد علي ، جريت على البيت جري ، دخلت الاكياس الغرفه و بقيت رايحة و جايه في الحوش ..

بقيت ماسكة التلفون في يدي لمن اتصل علي ..

(في جانب سكينه !! متزكرنها ؟ )

اتسجنت سنتين على عكسي تماماً زي ما عارفين انا طلعت قبل اكمل مدتي ، المهم و انجلدت .. و كانت في مكالمة تلفونيه ..

*ابوي ارجوووووك انا بترجاك تسامحني والله انا مظلومة يا ابوي ، طيب خليني اتكلم مع امي ، عليك الله يا ابوي ، انا لي كم سنة منكم ، طيب جدد لي اقامتي اجيكم والله ماقادرة اقعد في السودان و والوضع كعب يا ابوي ، عليك الله يا ابوي

(#للتزكير : سكينة كانت شهادة عربيه السعوديه و ياهو بتجي السودان للجامعة والفارغه ، و مدة حبسها دي طبعا م هينه ، فا اتكنسلت الاقامة حقتها ) ... و بعد كل الكلام دا ما لقيت غير ان السكة اتقفلت في وشها !!!

اما انا -

طلعت الشارع زي ما ممدوح قالي ، لمن جا وكانت معاهو وحدة في العربيه !!

ضرب لي بوري ، صراحه كنت مستغربه من دي !!

المهم ، قربت من العربيه قالي اركبي اركبي .. فا اللي راكبه معاهو العربيه نزلت من قدام جمبو ، كانت بتضحك و ظاهر عليها مبسوطة شديد ، جات مسكت يدي و باستني قالت لي : هتووون يااااه و اخيراً ازيك ؟؟ انا مي ! اختو ل ممدوح ..

انا واقفه وبعاين فيها مخلوعه من حلاوة روحها دي و من حماسها الشديذ دا و كنت مخلوعه و لصلا م مستحضرة ان ممدوح قالي عندو اخت قبل كداا ،، قطع تفكيري صوت البوري ..

جرتني من يدي قالت لي اركبي ، و هي ركبت ورا و خلت لي قدام محل كانت راكبة جمب ممدوح !! والله منططه عيوني بس !

لمن العربيه اتحركت و ممدوح بيسال فيني عن حالي و كيف اصبحته و عن يزن بقى كيف ، وانت زي التلفزيون الما لاقط اشارة !!

لمن حسيت ان منظري بقى بارد و بايخ ، اتلفت على مي ، قلت ليها :

*انتي اخت ممدوح ؟؟

_ااااي اختو الكبيرة احم (وصلحت طرحتا ونضارتا ، نظام انا الكبيرة وكدة )

عاينت لممدوح و عاينت ليها !! ممدوح قعد يضحك قالي صدقيها صدقيها هههه ..

*طيب صدقت انك الكبيرة لكن اخت ممدوح دي ما واقعه لي شن جاب العسل(اشرت عليها) للبصل (اشرت عليهو ) ..البت دي ضحكت لمن عرقت ، ممدوح قالي شكرا شكرا من اولها كدا !

مي قالت ليهو يلاااا ياخ امشي بسرعه شويه ، ودينا محل سيزر ناكل اسكريم ....قاليها غالي والطلب رخيص ، وانا مخلوعه في الحاصل دا !! انا كل م اخد قرار ليه بتحصل حاجة فوق توقعاتي و ترجعني !!

(في جانب نهى الجميلة )

موهوب : نهى انا بعد دا بشاكلك والله ، يا بت الناس بتقومي من سريرك دا ليه ! في امي و في مرة عمي و في ميادة و البيت ملان بنات بتقومي انتي تشتغلي ليه !

نهى : شوف انا البعرفو في فترتي دي مفروض اتخرك و اتمشى بس انت ما عارفه الدكتور دا مالو و بعدين شغل بيتي ما بحب زول يعملو لي ..

_يا نهى يا روحي يا عمري انتي وضعك مختلف يا قلبي لازم تخلي بالنا ، وبعدين البيت مالو ! انا قبيل رتبته وفرشتا للحوش دا رشيتو ليكي تاني شنو ؟

*طيب قعدته اها ..

_اي اقعدي كدا جمبي ، ختي راسك دا هنااا ..

*موهوب ياخ الشباك حق الحوش فاتح..

_ويعني شنو انتي مرتي و في حضني دي فيها شنو كمان .. المهم كنت عايز اسألك !

*اهااا ..

_هتون ، ليه اتكلمت مع عمي محمد بالطريقه دي ؟ و كان قصدها شنو ان عمي محمد عمل نفس الغلط اللي هي عملتو و يمكن اكبر ، كان قصدها شنو ؟؟

قعدنا في المحل -

انا و مي ، بتتونس معاي و تحكي لي عن جامعتها و عن حياتها البسيطه والانطوائي ، ما بعرف لي رجعتني لي نفسي زمان.. المهم جا ممدوح جاب لينا الايسكريم ..

قالي: رايك شنو في المفاجاة دي ؟ جبت ليكي مي بي حالهااااا ..

قلت ليهو : صدقتي كنت محتاجة لانسانه زي دي و في وقتها جات ، ومبسوطة بيها جدا والله ..

قالت لي : حبيبتي والله انا المبسوطة بيك شديد و بتمنى القسمة تجمع واكون مبسوطة بيكم !! و تلفونها رن ، استأذنت وقامت ..

ممدوح قاليها : اااااااامين و ضحك !!

عاينت ليهو ....

قلت ليهو

ممدوح !! انا حابة اعترف ليك بي حاجة !

قالي : قصدك انك بتحبيني صح ، قوليها !!

قلت ليهو : ما تصعبا علي اكتر من كدا ، انا كل الجمعني بيك السجن وكنت مبسوطة من دعمك لي و جات فترة اعجبت بيك جدا بس ما وصلت مرحلة الحب معاك ! و بتمنى تتراجع عن فكرة الزواج دي لان انا في #شهاب في حياتي ، و بحبو جدا !!

*في* *الحلقة* *القامة*

في التلفون ..

ايوة ايصال الاستلام معاي يا خالتو نعمة ......

يعني شنو اسي ما حيسلموكي الفستان ! ما لم تجيبي الايصال!!

يا الله - طيب والعمل يا خالتو نعمة ، زمن مافي اسوي شنو ! انا زاتي ما عارفه شنو نساني ليه عندي مليون حاجة و حاجة في راسي !؟

اااي دي انا اتفقت معاها حتجيني الساعه 5

تمكيجني !!