الجزء 6

يد بتقفل خشمي والتانية بتطلع مني هدومي الداخلية،، عيوني منططه من الخوف والرعب ال حسيت بيه وأنا راقدة.. اممم امممم

هيييييححححح بسم الله بسم الله..

~

صحيت عرقانة حلقي ناشف ويدي ماسكة في التوب كل حتة فيني بترجف قمت شربت موية وجيت لقيتا الساعة خمسة..

*بسم الله حلم مخيف..

قعدت اقرا وما نمته تاني ~ نسيت الحلم الجاني في هيأة تحزير بس انا ما استوعبتو~~

_يابنات الشاي جاهز،، يا نهي يا نهي(بتكورك ليها)

صحي اختك دي ما عندها جامعة الليلة ولا شنو..

*صااااحية يا ست الكل ياسلاااام شامة ريحة عيش بلدي حاااااار يفتح النفس..في عسسل..~باستها علي راسها~ امي انا اسفة لاني امس اتكلمت معاك بعدم احترام.. وعشان ترضي عني صحيت الصبح وصليت وقررت ابدا من جديد واجتهد اكتر..

_دا كلو عشان شنو عشان مصلحتك يابتي وانا دايرة شنو منك غير اشوفك ناجحة في حياتك ومستقبلك احسن ما يكون..

*صاح كلامك

(قاطعتهم نهي)

_مااااما صباحوو..

*ماما صباحو(بتاحكي في نهي وبتستفزها)

_ماما عايني ليها

*ماما عايني ليها(انننن انننن بتحاكيها تاني مع حركات)

_خلاص روقو ساي ابوكم جا،،اخوك وين ما صحي

*دا بصحي هسي هو بساهر بنوم الصباح..

_والله انا نفسي اعرف انتو بتساهرو ف العواليق دا في شنو اربعة وعشرين ساعة مبحلقين في التلفونات دي،،

*ياابوي العالم دا اتطور اي شي بقي بالتلفونات...

ابوي عايزة قروش انا طالعة الجامعة والليلة ح نتأخر ل سبعة..

_سبعة شنو؟

*مساء يا امي

_لي في شنو التأخير دا

* الليلة عندنا جلسة ل اسرة الدفعة وصاحباتي برضو جايات وح تنتهي سبعة..وعشان ما تعملو لي سين وجيم تعالي سوقيني انتي من الجامعة..

_خلاص خليها اذا كدا انا بمشي اجيبا بعدين..

*(ابوي ما رده ~ لكن امي غمزت لي )

جريت فرحانة طبعا رسلت ل مؤمن رسالة الصباح ونتلاقي وين بالضبط ولبست عبايتي ومن تحتها قميص وبنطلون..ودخلت ف شنطتي بجامة بيت وجري طلعته..

_ماف زول مقوي البت دي غيرك

*مرحلة وبتعدي وبكرا بتعقل كل الشباب ديل في عمرها كدا وهتون عاقلة وانت ربيتا صاح..

_اها انا طالع محتاجين شي..

*لالا سلامتك ياابوي

~نهي خلت ابوها طلع وقالت ل امها

*ماما انا امس سمعت هتون بتتكلم في التلفون مع واحد..

_هتون...

*اي وقالت ليه بحبك

(نهي كانت ماسكاها ل هتون لانو بتعاملا كعب فحبت تفتنا مع امها )

_سمح يا هتون ابوك ليه حق لما قال لي خلينا نعقد للبت علي ود عمها احسن وكل البنات ديل بعرسن وبقرن فيها شنو_""~...

وصلت الجامعة وهداك شفتو واقف جمب عربيتو

*رفعت ليه يدي ومشيت عليه...ركبت معاه العربية

_انا الليلة عازمك تشوفي شقتي وسويت ليك فطور اوربي احسن من اي مطعم هنا..

* لالا ااااا خلينا ناكل في الجامعة( اترددت )

_شكلك خوافة خلاص بلاها

*منو دي ال بتخاف؟ شكلك ما بتعرفني لسه يابابا..

( مؤمن عرف نقطة ضعف هتون العناد و بتحاول تثبت ليه انها منفتحة ف بقي يستخدم الورقة الضاغطة دي)

~ ~ ~

~من جهة سكينة حبيبة مؤمن ~

_طيييب يا مؤمن شايفاك ماشي مع البت دي وجدعتني ورا الرف والله اخليكم تندمو انتو الاتنين،، عامل روحك تفتيحة تاخدني لحم وتجدعني عضم،، ما يغرك اني شهادة عربية لالا يا حبيبي وحاتك أأدبك انت وهي..

~مع رفعة حاجب~

~~دخلنا الشقة

_امشي غيري انتي مسافة اجهز الحاجات

*دخلته قعدته في السرير انتي جنيتي يا هتون دا شنو البتعملي فيه دا مع راجل في بيت براكم سجمي سجمي

~ بتضرب علي وشها~

_حبيبوو يلا بتسوي في شنوو

*جاية اها

_ااااخ ماشاءالله البجامة شايلة منك حتة تعالي اقعدي جمبي..

*~من جواي استغربت من ردة فعل مؤمن افتكرتو ح يتغزل بي اكتر وح يحاول يقرب مني بس ما عمل كدا نهائي ~

_اكلي مالك سرحتي وين عشان بعدها جبت ليك فلم يادوب نازل ح تحبيني فيه ظااابط علي الاقل نفسياتك تتحسن شوية و تنجحي المرة دي بدرجة فل ما تقولي مقصر معاك..

*ها اي باكل هه

_هههههههه

*انتهينا وقعدنا نحضر ف الفلم ساكتين وانا مخلوعة من الحاصل دا ولا حتي فكر يملا عينو فيني.. انا ما عجبتو!!_

لما قربت سبعة

_يلا البسي ارجعك الجامعة قبل امك تجي وتحصل ليك مشكلة انا بخاف عليك برضو...

*تمام

وصلنا نزلت وبقيت منتظرة امي تجي...

شفت سكينة مشت عليه ما قدرت استحمل وطوالي مشيت عليهم..

~~~~

& حوار سكينة ومؤمن&

_شايفاك بتتهرب مني بقيت ~

في سبب يعني؟

*ما قاعد اتهرب منك كل الحاصل اني مشغول الايامات دي بس

_مشغول ولا شفت ليك شكشوكة جديدة

طق الكلمة الاخيرة وقعت ف اضاني... ولا اتلفته

*جريتا وطاااااخ رزعتها ب كف واديتا كم كلمة زي السم..

جريت مؤمن من يدو وخليت الجامعة دي كلها تتفرج فينا..

_هتون دقيقة دقيقة

*مؤمن ما عايزة اسمع ولا كلمة انا فيك ما برضي خليك عارف كدا كويس...

...

هتون~~~

امي...