الجزء 80
وصلت بيت #نعمة ...
دفرت الباب اللي كان شبه متاكا .. مع دخلتي جاني يزن جارررري و حضني !! خالتي نعمة اتلفتت عاينت لي و قالت لي اخيراً فضيتي لينا !!! م رديت عليها ، و على حظي شهاب جا داخل من براا بعد سهرة الله اعلم كان محتواها شنو ..
قعدت في السرير المقابل ليها و بقيت بعاين ليها و شهاب جا وقف جمب السرير اللي فيهو نعمة !!
شهاب : للدرجة دي انا م لي اي قيمة عندك ؟ قفلتي تلفونك وانا بتصل و حتى ما كلفتي نفسك توريني انك بايته عند اهلك ؟
نعمة : اكيد الوقت اتاخر يا شهاب ، المهم عملت لي شنو في موضوع البيت ، الناس طلعو منو ؟
فكيت ضحكة كدا طلعت من جوااااااا قلبي ، و قلت ليها ، البيت ليه يا خالتي نعمة ؟
نعمة : !!! حنرحل سيد البيت قال عايزو !!
*ههههههههههههههه ما زهجتي يا نعمة ! عليكي الله ما زهجتي ! ما قرفانه من روحك و من نفسك وسخ في وسخ في قرف ، ياخ " ان الله رقيب عتيد " ما فكرتي في كدا ! اذا من قمتي ما عندك ولي ، يسالك و يقيف ليكي ! ما عملتي حساب ل وجود ربنا !! و ما استشعرتي مراقبتو ليكي يا نعمة !!! ما خافيه تقعي تموتي و انتي في معصيه !!
ياخ ما حنيتي علي ! ما خفتي علي و انا كل يوم ببكي و بتعذب من الظلم و الندم والعلط العملتو في روحي !! كنتي عايزة تجري كراعي في الطين و ابقى زيك اترقد في السراير مع الرجال ، عشان غلطت غلطة وحدة و ما بأرادتي اتهيأ ليكي اني ممكن اشتغل في دعارة !!!! حرام عليكي ياخ ، حرام عليكي !! و انا اللي كنت خاتاها ليكي جميله انك لميتيني من نومة الشوارع و فتحتي لي بيتك ، ههه ياخ والله كان احسن لي نومة الشوارع ، بالله طول الزمن دا انا عايشه في نص الدعارة !! و انا بقنع نفسي ان الرجال ديل بتطاقشو عشان الرقيص و الونس والجبنه !!! للدرجة دي انا غبيه !!!!
(عاينت لـ شهاب)
ههه وانت !!! للدرجة دي الدنيا صغيرة يا ولد #ميمونة !! هههههه ولا يا ولد #نعمة (عاينت ليها) ! ولا شنووو ! يا نعمة !!
نعمة : !!!!!!
*مصدومة!! صح !! و يا شهاب ! كنت قايلاك راجل مالك قرار و شخصيه ! طلعت ولد وحدة زي نعمة ! قادر تتقبل ان دي امك و هي بالوسخ دا لا و كمان كنت بتجي عادي تتونس و تسهر و تشرب جبنتك مبسووووط و بتمشي !!
(صربتو على صدرو) دي نخوتك !! دي رجولتك !!
زحمة شنب ما اكتر !!
شهاب : هتون ! انا كنت حأحكي ليكي كل حاجة بس من اتزوجنا ما لاقي طريقه اتلم عليكي واتكلم معاكي !!
*ههههه تكلمني بعد شنو ! بعد الفاس وقعت في الراس !!
شهاب : و انتي بي ياتو عين بتحاسبينا !! نسيتي نفسك !
*نفسي دي ما بنساها و لا بتتنسي ! و انا دفعت تمن غلطتي و اتعاقبت عليها انا واهلي بما فيه الكفايه !!
شهاب : و انا كمان دفعت تمن اغلاط انا ما لي ذنب فيها ولا ارتكبتها ، مافي زول بيقوم في الدنيا دي و يختار امه و لا ابوه !!
*ما بيهمني امرك !! (عاينت لنعمة) حسبي الله ونعم الوكيل فيكي ... جيت طالعه وصلت لحد الباب ..
جاني يزن مسك فيني من ورااا !!
عاينت ليها و قلت ليها : م مستعده اخلي الطفل دا يقوم في بيئه وسخانه زي دي !
مسكتو من يدو و طلعته !!! اتمشينا لحد قدام شويه لمن ركبنا ركشة .. طلعت تلفوني و اتصلت على #ابوي ..
"اختصرت المكالمة و عرفت انه في البيت حالياً "
(في جانب امي)
بتحكي :
على حظي الما عارفه اوصفو ليكم ، ان المديرة الكانت قبل ٨سنة ، طلعت معاش او بمعنى ادق اتقاعدت ..
و مسكت محلها وحدة من زميلاتي الزمان ، وحقيقي الوقت ااغير كانو في مدرسات جداد ما بيعرفو لي حاجة ...
بس حتى المديرة الجديدة م لقيت منها شي سئ تجاهي ، و شلت عنوان استاذة سامية المديرة سايقاً .. اخدت ركشه ، و تلت ساعه انا كنت قدام خشم بابها !!
خبطت الباب دقتين ورا بعض و اخدت خطوتين ل وراا .. والباب اتفتح و كانت الصدمة انه #مي اللي فتحت لي الباب !! صحبه هتون اللي شفتها امبارح في السمايه !!
جات علي سلمت علي و بقتت تتلفت قالت لي يا خالتي هتون وينها ؟ (و اصلا كانت مخلوعه وانا مخلوعه اكتر منها)
امي بتقول : بقيت واقفه ومبحلقه فيها غلبني الاسويهو او اقولو !! بس ربنا م رزقني حكمة التصرف في الوقت دا ، وجات وحدة الظاهر انها ام مي ، جات عاينت لي بي تعجب ! قالت ل مي دي منو ؟
مي بتقت تتمتم لانها عارفه موقف امها من هتون و ما قدرت تتكلم .
امي : معليش شكلي ملخبطه في العنوان !!
ام مي : لالا تعالي اتفضلي انتي عايزة منو ؟ و بعدين يا مي مالك ما فضليتها ؟ تعالي اتفضلي ..
امي : شكرااا شكرااا
ام مي : عليكي الله كان ما دخلتي و بعدين شكلك استاذة يا سلااااام التوب الابيض دا ليعو قيكمتو وبيصحي جواي ذكريات جميله شديد ااااخ بس الحمدلله !!!
امي بتقول حسيت ان في شي و ابتديت احس اني ما جيت على بيت غلط ! بس في نفس الوقت دي ما استاذة نادية !! قلت ليها ممكن ادخل ؟
مي : !!!(بقت واقفه و تاكل في اظافرا خايفه من امها)
ام مي : طبعا طبعا اتفضلي اتفضلي ، مي تعالي (جرت بتها على جمب و قالت ليها في عصير
اعملي ليها و ضيفيها انا بمشي اقعد معاها )
امي بتقول دخلت على صالون كبير ماشاءالله مشابه ل بيتي ك حجم و تصميم ، جيت قعدتا في واحد من كراسي الصالون .. و جاتني ام مي بتقولي يا مرحب يا مرحب ، ما وريتيني بتدرسي في ياتو مدرسه ؟
سكته ... قلت ليها شوفي : يمكن الحأقولو دا غريب و م تصدقي ، اني بفتش في وحدة ما اتلاقيت معاها من سنين لاسباب خاصه ،، و الليله قررت الاقيها لنفس الاسباب ، بس الكلام دا حصل من سنين و الليله لمن رجعت المدرسه قالو انها اتقاعدت نسبة لعمرها في الوقت الحالي ..
وعشان اكون واضحه اكتر هي كأنسانه ما ح اقوليكي عديمة اخلاق لان دا طبع البشر بس بما اننا ناس علم اتوقعت التعامل يكون مختلف عن عامة البشر و الاستاذة دي او المديرة دي كانت سبب في رفدي من المدرسه استانداً مع وزير التربيه و التعليم !!
هل لكي ان تتخيلي ؟
فا وانا في المدرسه طبعا خلاص قام جيب جديد و كم وحدة من القدام وصفو لي هنا على اساس بيتها ، و على الا ساي دا مي لقتني قدام خشم بابكم !!
تلقائياً ام مي وقفت على حيلها ! قالت لي مي ! عرفتي اسمها في اللحظات دي !! خليكي من مي يا استاذة انتي بتفتشي لاستاذة نادية كانت مدرسة ومديرة في مدرسة بيادر ؟؟
امي قالت تلقائياً قمت ناطه ! قلت ليها ايوة !!!
و ام مي قالت لي (مع دخلة مي وهي شايله صينية فيها عصير ومويه ) انتي استاذه فوزية ؟؟؟؟؟؟
امي قالت وقفت على حيلي و قلت ليها ايوة انا استاذة فوزية !!
قالت ام مي قعدت مرة وحدة ومسكت راسها و بقت تقول مستحيل ! معقوله ، يا الله يا الله !!
(مي ، ختت الصينية من يدها وبقت تعاين فيهم بي صدمة !) و كان في صوت قاطعهم ، و بيقول : مي انا جعااان م تكوني فطرتي وخليتيني و امي وين الليله (كل دا وهو كان نازل جاي على الصالون القاعدين فيهوو ) مي رجعت لي ورا واشرت ليهو بي يدها بمعنى انه يسكت !!
بس كمل و بقى قريب لي مي و مع نطقو ل خالتى فوزية قبل يتمها ، مي ختت يدها على خشمو قالت ليهو ششششش !!!!!!!!! الكل كان مصدوم وامي بتقول كنت واقفه قصاد ام مي الكانت بتخبط على راسها وبتقول سبحان الله ...
امي : انا محتاجة افهم لو سمحتي ! نادية علاقتها شنو بيكي ؟
ممدوح و مي : (عاينو لبعض بي تعجب ). !!
اما في جانبي انا ،وصلت البيت ..
لقيت مازن في وشي .. عاين لي !! قالي البطل دا منو ؟ وسلم عليهو !!
قلت ليهو :اسمو يزن ! عاين خليهو معاك عندي كلام مع ابوي و برجع ليك افهمك كل حاجة ..
ومشيت لابوي في الدايوان .. سلمت عليهو وبستو في راسو ، قلت ليهو :
*قبيل جيت م لقيتك !
_اي طلعت مشوار (كان مبتسم)
*خير يا ابوي في جديد ؟
_حمدلله قربت ادي الامانه لاسيادها ، كنت مع ممدوح و كلمني بخصوص ميمونه و حكيت ليهو قصتي معاها ..
*كنت عايزاك لنفس الموضوع ! عرفت ولدها منو ؟
_ايوة
*ابوي !!
_قولي !!
*انا كنت ح اقع في حفرة لولا ستر زب العالمين !
امبارح بليل اكتشفت ان المرة الفتحت لي بيتا طول السنين دي ، طلعت اكبر قوادة في فترة من الفترات و ما زالت و انا م كنت عارفه ، و كانت بتحاول تجرني وانا ما عارفه ، يا ابوي انا حكيت ليك عشان لو لا قدر الله سمعت عم الموضوع دا تكون عارف الحصل معاي و تسمع من خشمي ولا من خشم غيري !!
_لا حول ولاقوة الا بالله ..
*وفي موضوع تاني كمان !
_اللي هوو!
*يزن !!! ........ يتبع ...