الجزء 88

قاليها : هتون عرفت !!! ؟

لو دا البيهمك يا شهاب لا ! هتون كانت بتتصل كتير و انا مجرد م ختيت التلفون في اضاني سمعتها بتعاتبك ع انك اهملت الولد و رجعتو محموم و بيرجف و بيتلوى و اظن مافي لنسب مني يقدر يستوعب العملتو ! ما واجعك الطفل دا؟؟؟

ااي انا عارفه مرضك وكنت متابعه معاك بس ما بعرف ليه وجعتني في يزن ، حرام عليك ياخ .. ودخلت الغرفه و قفلت الباب ...

_في جانب ممدوح -

قعد مع امه هو و مي .. من دخلتم حست ان في حاجة !

ام ممدوح : مالكم ؟

ممدوح : امي اسمعيني للاخر طيب ! شوفي انا من وعيت على الدنيا دي و همي كان انتي و مي ، حاولت كتير ارضيكي واحترم رغباتك اللي كانت ضد رغباتي ، زواجي من فاتن كان بيخصم من سعادتي و من سنيني ، لا انا لا فاتن كنا مرتاحين مع بعض يمكن هي كانت بتحبني وانا ظلمتها و الما لقتو مني ، لقتو براا ..

امه : شنووووووو دا كلام شنو يا ممدوح عيب منك الكلام دا !

ممدوح : دقيقه يا امي الله يرضى عليكي !

انا لمن مشيت اجيب مي شفته فاتن قاعدك مع واحد في جنينة و كانو متماسكين ! انا ما ح اقوليكي خيانه لا ابدا بس م حينفع تغلط وهي تخت ظلي انا بحكم الزواج و مافي داعي نعيش حياة مزيفه طالما في انسان موجود في حياتها و بيقدر يقدم ليها الانا ما قدرت اقدمو ليها ، انا طلقتها يا امي و مستعد نمشي لاهلها و تكون الامور كلها بالمبداً والاخلاق ..

امه : (مسكت راسها) فعلا انا سمعتها بتتكلم كذا مرة بس ما ختيت كدا في بالي وحاولت اصحي مشاعرك تجاهها لمن .. الببدا غلط بنتهي بغلط انا ظلمتك يا ممدوح بس تعفي لي ولسه العمر قدامك يا ولدي ..

مي : كل شي لخير الحمدلله ..

رجعت الحمام -

لقيت يزن قاعد لسه بي ملابسو !!

قلت ليهو انت لسه ما قلعته حبيبي ، يلاا سرعه عشان حامشي ل بابا شهاب ،، فجأة الولد اتفزع و قام ناطي !! قلت ليهو مالك بسم الله .. و بديت اطلع ليهو في ملابسو كلها ، و بقيت بشيل من الجردل تحت الدش و ابلل ليهو جسمو ، بقيت بلف فيهو لمن جيت على ضهرو نزلت تحت لقيت حمار !

هبشت بي يدي قام ناطي !

لساني اتربط .. هبشتو تاني ! نطا ! قلت ليهو وجعك ؟ هز لي راسو ... م قدرت اكمل ليهو حمام ، طلعت برا الحوش مازن كان لسه واقف بتكلم ، قعدت في الواطة ومسكت راسي ...

مازن قفل ! جا علي قالي مالك ؟ م رديت عليهو !!

خاف بقى يقولي في شنو يا هتون خلعتيني يا بت ردي !!!

قلت ليهو مافي شي بس دختا شويه ،، زح لي حأقوم .. رجعت لي يزن ، غسلتا منو الصابون و لفيتو بالبشكير و شلت غيارو في يدي و دخلت بيهو الغرفه و قفلت الباب ... حضنتو شديد ، قلت ليعو انت قبيل اتكلمته معاي ، و ماما هتون بتنبسط لمن تتكلم مش انت بتحبها ؟ قالي اي .. قلت ليهو ايوة كدا اتكلم معاي .. حبيبي يزون انا مش ماما ؟ و ماما ما بدسو منها حاجة صح ؟

هز لي راسو .. ضميتو على صدري و قلت ليهو : العمل ليك كدا منو ؟ منو ضرك كدا (حسب فهمو) قام سكت ، قلت ليهو كدا ماما حتزعل منك يا يزن وريني فالح !!

قالي : بابا شهاب قالي دا سر و ما اكلمك بي لعبتنا !

انا م حسيت بي نفسي و خبط يدي في الحيطة بي قوة من الغضب والصدمة !

شهاب !! وووسخ كداااا ،، مسكني بي يدو الصغيرة قالي ما توريهو عليك الله !!

قلت ليهو اللبس و ارقعد انتظرني .. انا ماشة هنا وجايه .. اتناولا عبايتي من الشماعه و طلعت ...

في جانب شهاب -

طلع من عند نسمة و في راسو مليون سؤال !!

بس م طلع براهو !! كان في زول ماشي وراهو حتى بعد ركب عربيتو ، كانت في عربيه وراهو !!!

في جانب سكينة -

اسمعي !

انا ما بقدر امشي في السكة دي تاني ، انا عايزة ارجع لاهلي طول ما انا في الحال دا حعيش طول حياتي متبهدلة ، اخير اشتغل و اشقى من اتباع الرجال و ارجع لنقطة الصفر اللي لحد اللحظة دي ما قادرة امشي لقدام ...

ردت ليها صحبتها : انتي حُرك يبقى من بكرة تحاولي تديني باقي المبلغ العليك من الايجار !!

قالت ليها : انتي ليه بتمسكيني من يدي البتوجعني ؟

عشان بوعيكي وانتي مصرة تمشي تنضفي الحمامات وتخمي وسخ الناس طول عمرك !!

طيب ... ومشت رقدت اتغطت خلتا ...

وصلت البيت ..

من شفت النور مولع عرفته ان شهاب جا ..

م تتخيلو انا كان احساسي بس دايرة اجيب سكينه و اغربل بيها دمو عشان ابرد ناري !!

شفتو واقف !! قلت ليهو :

*وسسسخ ، وسخ ، وووسخ ما قرفت من مستنقع حياتك دا ! ما نفسك تنضف ؟

_بي كل برود قالي : في شنو ؟

*احر ما عندي و ابرد ما عندك يا شهاب !

_ عارفه ليه يا هتون! ؟ لانو انحنا الاتنين وزنة وحدة ، يعني متعادلين ..

*قصدك. شنو يا شهاب ؟

_يعني يا روح شهاب قصدي واضح جداا ، يعني لو اي راجل في محلي ما كان اتقبلك بي وساختك و قرفك دا مافي راجل حيتقبل مرة زيك !

*ايوة ، عشان انت اتقبلتني ، يبقى مفروض انا كمان اسكت عليك و انت بتعمل وساختك دي مع شافع !!

_اووووووعك ..

*اوووعك شنو الداير تسكتني بيها ، انت عارف كم مرة انا جيت لقيت يزن دا في حالة م يعلم بيها الا الله الله اعلم عملت فيهو الحاجة دي كم مرة !! ما على اساس ولدك !!

_دا ما ولدي !

*اسي بقى ما ولدك ! شووف يا شهاب لمن تتكلم عن الرجال ، ي ريت م تحسب نفسك معاهم ، لانو مافي راجل بيمارس علاقة زي دي مع شافع .. اااااه ولا شفع !!