الجزء 95

هتون عاينت للمرايا اخر مرة يمين وشمال اتلفتت تشوف شكلها كيف وجات طالعة...

في الهول لقت سامية ومي قاعدات..

*السلام عليكم ازيك يا خالتو (معاها توتر )

وما قدرت تملي عينها فيها كويس.. مدت ليها يدها

بس سامية قامت علي حيلها وحضنت هتون

- امها بضحكة اجي يابتي السلام البارد دا شنو..

سامية زاتا كانت متحفظة شوية لكن ملت عينا في هتون كلها من فوق ل تحت..

*مي مشتاقيين (بضحكة )

حضنو بعض قوووي وسلمت عليها في خدها بجاي وبجاي..

بعد شوية نهى جات طالعة سلمت وقعدو يتونسو..

هتون قامت علي المطبخ وفوزية جات وراها..

-قرصتها من يدها اجي يابتي العملتي دا شنو

*احييي ياامي حارة ياخ اها دايراني اسلم عليها كيف مثلا.. بعدين هي زاتا ما قصرت..

-خلاص بطلي طولت اللسان دي وخلينا نخت الاكل طوالي اي شي جاهز..

شلت الصواني ختيتهم على تربيزة الصفرة وختيت العيش في السباته..

امي كانت بتكب في الصحانة وبتناولني انا برص ياسلاااااام عصافير بطني كركبت من الجوع..

اهم شي مفروكة الخدرة والكسرة لاني بحب الاكل البلدي موووت.. الشطة وينا... وتشيل وتضوق ب اصبعها فيها ااااح نار بس...

- يابت خلاص امشي دقي الباب ل مازن يشيل الغدا...

جيت علي جهة الصالون طق طق طق..

*اها خلاص

عيني كانت جوه طبعا عاوزة المح ممدوح بأي طريقة لكن هو ما رفع عينو نهائي كان بتونس مع ابوي..

-اا اي تعال شيلو..

ختا لينا صنيتنا اول و عينو كانت في مي..

*اتفضلو اتفضلو المغسلة بي جاي مسافة غسلو يديهم وجينا قعدنا اتغدينا وجبنا التحلية والعصير، والشاي..

المهم ضيفناهم وعزيناهم ما خلينا ليهم حاجة..

قعدنا للونسة

امي:ما شاءالله وبتعاين ل مي ساي من قبيل...

سامية:اها ياهتون مي حكت لي انك عملتي ليك بزنس بتاع هدايا الشغل ماشي كيف معاك؟ طبعا بعجبوني البنات البشتغلن وبكونن نفسهم ما بقيفو في حتتهم..

*اي والله يا خالتو الحمدلله لسه ما اتعرفنا كدا لكن جونا ناس.. عليك الله الناس البتعرفيهم كلميهم وانا طبعت كروت تواصل للمحل بديك منهم..

-ماشاءالله ربنا يزيد ويبارك.. والجامعة؟

للحظة اتحسسته من السؤال بس امي ردت عليها..

*سجلت في جامعة خاصة كمان الزمن دا في بت ما بتتم قرايتا يا سامية.. شهادتا هي البتنفعا..

-اي والله صدقتي يا فوزية الله يديهم العافية..

اها نحن بعد كدا بنمشي..

*اجيي عاد دا كلام شنو بتين هو ..

-لالا والله والله يافوزية عندي مشوار تاني ضروري كدا وما دايرة اتأخر وخلاص نحن عرفنا البيت وانتو زاتكم تجونا.. تاني ماف شي بقطع كراعنا من بعض ربنا يديم المحبة..

وقامت مشت هي وامي لقدام وبقن بتونسن براحة ما بعرف بقولن في شنو...

نهي مشت دقت ليهم الباب وانا ومي واصلنا طلعنا برة بنتونس جريتا من يدها

*اها يابت ما حكيتي لي الحاصل شنو؟

-واااي يا هتون مازن قال لي حا اخطبك ما مصدقة طبعا..

*يابت اتقلي شنو يعني انتِ هسي ح تبقي مرت اخوي والله ادقك صباح ومساء وجريتا حضنتها علي ربنا يسعدكم ياخ انتو حلوووين مع بعض شديد..

-احم احم الله يديم المحبة دي..

عرفت الصوت قلبي عمل شحح..

جا مازن معاه شايف لمتهم دي تخوف يا ممدوح...

خليهم انا بستخدم سلطاتي مع الاخت دي وجرا مي من اضانها ارح قدامي...

مشيت ل قدام وممدوح خلا مي ومشي وراي طالعين بره الحوش...

بعد ترجعي البيت في حاجة حا تبسطك شديد..

-ال هي

*ابييييت مفاجأة

-عليك الله عليك الله في شنو ما بقدر مسكتني شحتافة.

*ههههههه احسن ومشي سريع قدامها وهي لحقتو..

اها يا عمي ان شاءالله عامرين كانت لمة حلوة والله ولازم تشروفنا في اقرب فرصة..

فوزية قلدت سامية وودعتنا..

وطلعو العربية اتحركوو..

جينا داخلين

*امي:الحمدلله انسترنا مع الناس

-غريبة ام ممدوح دي متغيرة ولا انا بحلم اممم!!!

نهي:هههههههه الله يهني سعيد ب سعيدة خالتو ياخ..

حدرت في نهى

-انتِ احسن تسكتي عشان ما افتح فيك النار..

امي:النصيحة المرا طيبة واهي اعتزرت ليك.. والله طلعو ناس بعرفو الاصول..

انتي يا هتون مي دي بتقرا في سنة كم؟؟

قبل اجاوب نهي لفحت الكلام

-هههههههه امي مي دي في الجامعة

*اجي كيف في الجامعة صحي يا هتون؟؟

عاينت لي نهى بزعلة اي يا امي

امي:احي يا خسارة والله ختيت عيني عليها ل مازن تراها اكبر منو...

جا صوت من ورانا..

مازن:والمشكلة شنو ياامي كان اكبر مني؟!!

امي:كيف ما مشكلة عاد تعرس ليك مرا اكبر منك تسوي بيها شنو!!

هتون:هي كلها سنتين بس يعني ما اكبر بكتير

امي:كان شهر برضو عيبة مرتو اكبر منو كيفن..

ابوي جا داخل علي النقاش وسمعنا..

ابوي:طيب ايه رايك الود داير البت وكلمنا اخوها ونحن في الصالون...

امي دقت يدها في صدرها

سجم خشمي يا محمد داير تعرس ل ولدك واحدة اكبر منو الناس تقول علينا شنو؟؟

ابوي:يافوزية حالتك انتي الاستاذة وفهمك كدا،،

فوزية قاطعتو:دا ما عندو علاقة لكن ...

ابوي:لكن شنو الود داير البت حا تقطعي نصيب ولدك وتبقي زي ام ممدوح

تفرضي عليه يعرس بمزاجك..

فوزية:بري يايمة انا ما متسلطة والله قلتو كدا سمح..

هتون:وبعدين هو العايش معاها ما نحن وتانيا والله يا امي مي بت مؤدبة ومحترمة ومسكينة انا شايفاها مناسبة شديد ل مازن..

محمد:بعدين نحن اتكلمنا مع اخوها ولسه ماف شي حصل..

علي كدا انتهى نقاشهم...

(في جانب ناس ممدوح)

دخلو البيت ومي ماشة على غرفتها

جاها صوت ممدوح

مي انتظري انا عاوزك وامي انتِ كمان تعالو اقعدو..

حكى ليهم العندو والحصل في بيت ناس محمد

سامية:والود دا كويس شغال شنو؟؟

ممدوح:يادوب قبلوه في الجامعة..

امو وقفت شنو قبلوه يادوب ولا هو متأخر..؟

مي كانت ساكتة وبتعاين بعيونها بس

ممدوح:كان متأخر سنة بس..

سامية:يعني اصغر من مي يا ممدوح طبعا لا ما موافقة علي حاجة زي دي..

مي ما اتحملت وجرت جوه تبكي طوالي امها دايرة تلحقا لانها عصبت وعاينت ل ممدوح

*البخلي مي تبكي شنو يا ممدوح..

-امي بدون انفعال مي اتعرفت على مازن من هتون طوول وحصل بينهم اعجاب وشكلها مايلة ليه ودايراه..

امي عليك الله ما تستعجلي فكري والناس ديل والله اسرة كويسة والود زاتو مسؤول انا بعرفو، كويس وكان ما كدا انا زاتي ما بوافق من وقتها كنت مشيتهم..

*سمح الله يهون كدي ارح وديني ل ناس فاتن ديل الننتهي من المواضيع دي...

-الله انتِ مش قلتي ح تتصلي بيها الغير رايك شنو تاني؟

*لالا احسن النمشي ليهم

لحدي هنا النقاش انتهى كمان...

...............

تاني يوم هتون قامت اتلبست وطلعت مع ابوها على الجامعة تمت تسجيلا ودفعو الرسوم وابوها طلع منها ومشى للجامعة البدرس فيها..

ماشة في الصالة بتعاين في الجامعة عاملة كيف كانت مبسوووطة اخيرا حا تتم جامعتها ان شاءالله.. طلعت تلفونا اتصلت ب مازن..

جاري الاتصال....

*الووو مازن امش افتح المحل انت عشان انا في الجامعة بعد اشيل الجدول ونتلاقى حا ننسق بينا لانو جامعتك زاتا ما تنسى..

-قبييل طلعت عندي طلبية مستعجلة من امس عشان كدا طلعت بدري جهزتها..

*دي منو سعيدة الحظ الامها داعية ليها دي..

-خصوصيات امشي شوفي شغلك ما فاضي ليك وطق قفل فيها

شوف الود بقفل فيني النلاقيك بس تلقي هسي ل مي..

دق دق الباب دقه وفتح

*اها ياولدنا جهزت؟؟

-كلووو تماااام

.....

مسكت تلفوني واتصلت ب امي

*الووو امي اها سقتي يزن..

-اي يا هتون هدي طالعين ماشة بيه علي المدرسة..

*اوراقو الثبوتيه لقيتيها ختيتا ليك كاملة في الفايل..

-اي اي بعد اصل واسجلو واتم موضوعو بتصل بيك..

قفلت منها ومشيت اشوف جدولي.. وفي بالي كمان استفسر عن طبيب نفسي كويس...

................

نهى كانت براها في البيت بعد نضفتو شغلت سورة البقرة وفتحت الباب والشباك.. ربنا يحفظنا من كل حاسد وحاقد...

تلفونا ضرب موهوب

*الوو حبيبي وينك شنو جايي بتين؟؟

-ياسلااام دا كلو شوق..

*موهوب

-عيون موهوب

*عاين بطل اها عملت شنو كلمت اهلك؟؟

-كلمتهم وطلقت ميامن..

*اييييووو كان بعرف ازغرد كان زغردته ومالك ما وريتني منتظرة تجي تحكي لي الشمار امس بالليل ما تميت لي في التلفون هههه..

-والله انا قلت بعد اجي لكن اها بوظت المفاجأة.. تررن تررن

*موهوب دقيقة جرس الباب بدق برجع ليك..

-لالا اوعك تقفلي سوقيني معاك نفتح سوا...

*ههههه حاضر حبيبي ارح

مسافة زمن فتحت الباب وبقت واقفة في محلها ختت يدها في وشها بس وضحكت..

ما حست ب روحها الا وموهوب جا عليها وحضنها قووي عليه وباسها ومدا ليها هدية..

-موهوب والله احلا مفاجاة ما اتوقعتها شالتا منو وكانت مبسوطة شديد..

فجأة رفعها ل فوق مع حجمها القليل قدامو دا بشيلا بكل بساطة..

*نهى انا بحبك شديد وبحب دايما اشوفك مبسوطة وبتضحكي دا براه عندي بالدنيا الله يخليك لي انتِ وجويرية او منة ههههههه ضحك..

وهو شايلا وداخل بيها جوه عاينت ليه جوه عيونو وختت يدها علي دقنو وعصرتو على انفه

-عارف عيونك الناعسة دي عندي بالدنيا كل ما اعاين ليها بتخليني اتوه في عالم تاني انت حلو كدا مالك يا موهوب قول لي؟؟!!

* نزلا على السرير وهي راقدة وقرب منها.. عشان انتِ ست الحلا والحلوين وست روحي وحلالي وحياتي كلها..

وقرب قرب بأنفاسهم الكانت بتعبر عن شوقهم ل بعض..

.....................

*اها قلت شنو يا مؤمن اكلم هدى ونخطبها ليك

( هدى دي صاحبتي شديد من الثانوي)

-لا انا خلاص قفلت الموضوع دا قلت ليك..

*يا مؤمن كلامي صاح حواء ولادة دام هي عرست خلاص خليها تعيش حياتها وانت كمان ابدا حياتك بعد كدا..

وبعدين هدى دي انت بتعرفها وشفتها زولة بت ناس وهدية ورضية ما ضروري الحب هسي.. العشرة هي البتولدو فيما بعد المهم الاخلاق والطبع الحلو قلت شنو يا مؤمن...

*حاضر ربنا يكتب الفيه خير وقام مشي...

..،،..،،..،،..

ويبعث الله لك من يعلمك معني الحب بشكل حقيقي، يأخذ بقلبك الي الطريق الصحيح،، انسان يفسد في عينيك كل البشر ما عداه...

طق طق باب المحل دقه وفتح

*هتون لسه قلبك ما حن والله دا حرام زاتو البتعملي فيه دا لا عايزة تديني فرصة ولا

تدي قلبك فرصة تانية..

الله يعلم يا هتون انا ما باقي لي الا اقطع هدومي فيني من كترت الانتظار الانتظرتو فيك...

-والله انا زيي مكة ما بصل لي الا من استطاع الي سبيل..

*ياااااخي ههههه ثقة شديدة ..

_على كيفك

وانا قاعدة في المكتب حق المحل ! وهو واقف كان بعيد شويه ومربع يدينو .. فجأة قرب على المكتب و خبط بيدينو الاتنين على المكتب ، و كانت المسافه قريبة شديد لمن اتخلعته و لساني اتربط ..

قالي : ما حأتكلم كتير ، (قبلت وشي منه)

مسكني بي يدو اليمين من حنكي ، وقبلني عليهو ، كمل كلامو وقالي : انا حأبعد عنك في حالة واحدة !!

انك تعايني لي كدا جوا عيوني زي ما انا اسي بعاين ليكي .. و تقولي أنك بطلتي تحبيني يا هتون ..

عايني لي وقوليها ما تتفاديني !!

[ تبقى نظرات العيون من قائمة الضياع دائماً]

ما كنت قادرة اعاين ليهو بالجد .. كل م اقبل كان برجعني لنفس النقطة .. لمن همس لي : 7سنة ما كفاية يا هتون ! غمض عيونو ..

كاني انتهزتها فرصه و عاينت ليهو بتأمل تفاصيل وشو الكنت دايماً بحن ليها وبشتاق ليها .. سرحته فيهو او بمعنى اصح .. #ضعتا !

لدرجة م حسيت الا بي عيونا اتلاقت .. و بنفس الهمسة قالي : #بحبك

رمشتا فيها ، وقمتا قبلت منو ، قلت ليهو بضعف شديد ، بخاف اتعلق، بخاف افرح ،بخاف و بخاف وبخاف يا ممدوح !! ما مستعدة لخسارة اضافيه ، و و ... وانا ما بطلت احبك ، و لا حأبطل احبك يا ممدوح ...

كان حيقرب مني وقفتو !! اتكلم من مكان والمشاعر جمة .. قالي ما حأتكلم اسي لانو فعلاً المشاعر جمة .. و جرى طلع والضحكة دي نورت وشو ..

سكته في ردة فعلوو ..

بعد طلع من عندي ..

جاهو اتصال من شرف الدين من القسم .. بيبلغو ان تم القبض على مجموعه نصابين من قرية صغيرة تم الابلاغ عنهم عن طريق كم شخص اتصل ، عليهم ..قفل منو وقاليهو انا جاي عليك ،اجل المشوار الكان ماشي ليهو بتلفون للمساء .. بعد ساعة بالضبط ممدوح وصل القسم ..و حتى كان جاب ب لبس عادي بسبب الظرف الاضطراري و حسب الاتقال انه ليهم مدة بيفتشو عن الشبكة دي .. بعد قعد وراجع البلاغ .. قال لي حسام تدخلهم لي اتنين اتنين ..

ياهو ابتدو يدخلو البنات كلهم في سن 17و 18 ، اللي هما بيتعملو الرقيص ويمسكو الدرب و وحدة وحدة جو الكبار بي دمومهم حقت ضبيحة الديك ومنظر الظار المقرف دااك .. واخو وحدة مسؤلة عن الشبكة كانت #نعمة !!!

ممدوح : الظاهر اني قدرك يا نعمة !! هههه

نعمة : قبلت وشها منه

ممدوح : حساااااااام ، حبس انفرادي و لمو الوسخ دا في زنزانة وحدة لحد م تتقدم الاوراق ل اشرف باشا ، و سلم القروش والدهب الامانات ... و طلع !

انا رجعت البيت -

كنت مبسوطة شديد ، بس في حاجة كانت شاغله تفكيري .. على حظي لقيت امي ونهى قاعدين بالجبنة و يزن بلاعب في منة .. سلمت عليهم وقعدتا ، قلت ليها يا امي ! ام ممدوح دي كانت متغيرة يعني شوفي الدنيا كيف سبحان الله جات بيتنا وهي كان مبهدلاني و صراحه خفتا تضايقكم بالكلام بس كانت غير !!

نهى : هيييي انا م حكيت ليكي واااي الشمار دا راح مني كيف !! ياخ بعد عرفنا دربك جات مديرة هنا في نفس اليوم السافرنا فيهو و (.........)حكت لي كل حاجة لحد مشية امي البيت ... اتصدمتا بس فعلا لعل الله يحدث بعد ذلك امراً ..

..

..