الجزء 9

بقيت بكرر في اسمي بطريقه مريبه و صوت خافت ، ه هتتون محمد احمد تاج السر ابو دومة !!!

قالي : ابو دومة !!! ابو دومة ، و قعد يكرر فيها زي البحاول يتزكر حاجة .. و رجع لي بسؤال تاني ، قالي هتون !! عمرك كم ؟؟

قلت ليهو 19,ونص ، و ما رد علي غير بي كف على وشي !!!! بقيت ببكي ، و برجف لمن مناخيري جابت دم ..

رفع راسي من حنكي بي يدو ، قالي :

انتي عارفه انتي هنا بصفتك شنو يا هتون و انتي في العمر دا !! هتون ، انتي هنا بصفتك وحدة عاهرة ! و عارفه عاهرة يعني شنو !!!

خليكي ممن دا ، انتي عارفه انك زانية !!! و عارفه عقوبة الزنا عند ربنا ! خليكي من انك في القسم !! عارفه عقاب ربنا شنو ؟؟

انتي ما عاينتي ان في ربنا شايفك - طيب اهلك ؟

ما فكرتي فيهم !!! ابوكي .. ابوكي بشتغل شنو يا هتون ؟؟

قلت ليهو : ددد د دكتور جامعي !!!

قالي دكتور ! ما معقول ( على صوتو) ما معقول ابوكي دكتور وانتي !! طيب كان ناقصك شنو وريني اقنعيني اديني سبب واحد يخليكي تعملي كدا وانتي في العمر دا !!

حاولت اتكلم بس ما قدرتة كل القلتو ليهو انا والله مظلومة !! رد علي انتو اصلا كلكم بتقولو كدا ، مظاليم .. في حين انو رافعنكم من السراير بي ملاياتكم ، عايزين شنو اكتر من كدا و يااا اشررررررررف (بصوت عالي ) وديها الزنزانة ....

الباب حق المكتب اتفتح ... و جا جراني و انا بعاين في الضابط دا كلي امل انه يخليني ، لاني حسيت بيهو زول كويس ...

بس للاسف لقيت نفسي في مكان ظلام و بين اربعه حيطان ....!

(في جانب اهلي الحيموتو علي من خوفهم )

بعد ما نهى ادتو تلفوني ، حاول يفتحو ، و فتح معاهو من غير شحن ، قال ل نهي هدا فتح حمدلله بس خلي الوصلة جمبي ..

و بقى يفتش و امي تقوليهو اها ما لقيت رسايل ولا حاجة !!

قاليها انتي شلتي منها من بدري جدا يعني اخر اتصال و اخر زول كانت معاهو م حيتلقي و هي اصلا ماشه من غير تلفون ، ياخ كلو بسببك يا فوزيه لو م شلتي منها التلفون يمكن كان قدرنا اتوصلنا لحاجة !!

نهي : انا اديتا تلفوني يا ابوي ، كانت محتاجة ليهو و اديتو ليها ...

امي : انتي يا نهى !!

ابوي: طيب كان تتكلمي من قبيل الله يهديك ي نهى عشان نتصل و نتصرف ...

نهى : خفت امي تشاكلني ....

ابوي بيحاول يتصل اداهو مقفول كتير ورا بعض .. بعد قنع ...

'' تلفون ابوي بيرن ''

ابوي : ( بي شلهتة ) الوووووو

ابوى : الووووو الووووو الووووووو

امي : منو يا محمد يارب خير يا رب تلطف

ابوي : مافي زول بيرد !!!

نهي : يااااا رررب

'' التلفون بيرن تاني ''

ابوي : الوو

المتصل : دكتور محمد صح ؟

ابوي : ايوة انا ( وجسمو كله بيترعش )

المتصل : انا طه من قسم الشرطة ، النقيب عز الدين كلمني ابلغك تتفضل عندنا في القسم بخصوص البلاغ الكنت مقدمه من خلال النقيب عز الدين ...

ابوي : طيب هو ليه ما كلمني بي نفسه ، طيب خير يعني ؟؟ في شنو وريني لقيتو بتي ؟؟

المتصل : لم تجي القسم حتعرف كل حاجة .. *قفل السكة ..

امي : في شنو يا محمد وقفت لي قلبي !

نهي : ابوي في شنو عليك الله ما تسكت كدا ، لقو هتون ؟ هي كويسه !!

ابوي : ما تخافو ، شكلهم عايزني اقدم البلاغ بي نفسي من عير واسطه من عز الدين صحبي ، طلبو اني امشي بس ... يلا انت حأتحرك ..

امي و نهي : طيب سوقنا معاك !!

ابوي : انتو جنيتو ولا شنو ، اخر الزمن حريم ابو دومة يدخلو القسم محل القرف والوسخ !!! اقعدو قبلكم لو في اي جديد التلفون قاعد ... يلااااا !

نهي: يارب

امي : قلبي ما متطمن يا نهي والله ، ما بعرف لكن قلبي دا تقييييييييل ما بعرف زي الفيهو طعين كدا ، يارب ..

نهي : ما تقولي كدا يا امي ان شاءالله ما يحصل الا خير ..

امي : ااااااخ يا حرقة قلبي اااااه و ااااه واااااه من نارك يا هتون اااه من ناررك..

( في جانب سكينة اللي كانت في القسم )

كانت بتحاول تستخدم سياسة الله اعلم اي سياسه بتخلي عندها سلطة تتحكم و تستقوى بالطريقه دي ، ما عرضت مؤمن ل اي اجراءات قانونيه زي ما حصل ل هتون ، و بطريقة ماا ، قدرت توصل ل مؤمن الكان في الزنزانة ..

*سكينة !!!!! الجابك المكان دا شنو انتي جنيتي !

_اكيد حأجن لمن اشوف حبيبي في الحاله دي !!

*وبعدين كيف دخلوكي !

_ما مهم كيف دخلوني ، المهم انا جاية لشنو يا بيبي

*في شنوو؟؟

_ما نفسك تطلع من هنا !!

*انتي عارفه انا كان ما طلعت من هنا حتبقى كارثه ناس جاين من المطار الفجر و البيت ....

_اممممم كدا برضو تخوني يا بيبي !!!

*سكينة الكلام دا ما وقتو !!

_وقتو ونص يا بيبي ، طيب عشان زمن مافي يا روووحي ، انا بقدر اطلعك من هنا بس عندي شروطي !!!

*وانتي تطلعيني كيف وشروط شنو البتتكلمي عنها دي !!

_ما شغلتك انت عايز تطلع و لا لا ؟

*اكيد عايز اطلع !

_بطلعك و اسي دا ، بسسس تقول موافق على شرطي الاول !!

*موافق بس قولي

_ما تتسرع _ اممممم من دربنا داعلى المأذون تعقد علي و انا بطلعك ..

*شنووووو اعرسك انتي !!

_ياسلام وانا مالي ما كنت بتتلصق فيني لمن وصلت لي اسي بقيت

لي كخخخة ..

*موافق طيب بس اديني وقت الاول ..

_جدا يلا باي

*ماشة وين و انا ؟؟

_مش قلت عايز تاخد وقتك ! اخدو لمن توافق ما حتغلب انك توريني يلا جاوووو ي بيبي ..

*دقيقه ... موافق طيب ، بس بشرط ، تطلعي هاون كمان ..

_هاهاي .... لا ي بيبي كان غيرك اشطر

*طيب خلاص ..