الجزء 21

_يابتي قولي الحصل معاك شنو في مكتب الضابط لما ودوك ليه ما كنتي كدا لحدي ما طلعتي كنتي بتضحكي..

*خليني في حالي يا خالتي الله يرضي عليك خليني في حالتي بس..

(سرحانة بتفكر )

_ طيب هبشك قرب عليك عمل ليك حاجة قال ليك شنو

ريحيني واتكلمي

(والمسجونات طبعا يعجبوك همس ولمز)

(وووب ما يكون عمل ليها حاجة البت منتهية علي الاخر...)(خليها تستاهل مش اختارت الطريق دا كلهن تافهات وص....)(لالا البت شكلها مسكينة ما من النوع دا والله عايني ليها)(هممم خليني منهن الزمن دا ما بقي معروف الصالح من الطالح)(وقرقرقر بضحكن )

~~

بعد شوية هديت ورفعت راسي بقيت بتكلم مع خالتي

قلت ليها

*انتي عارفة يا خالتي بس لو عرفته راس الخيط ولقيت زول يقيف جمبي ويصلني ب الاسمو صلاح دا والمرا المعاه ح يخفف عني كتيير..

علي الاقل افهم حاجة ديل علاقتهم بي شنو

ليي مصريين اني معاهم ومدارية عليهم

( طقت يدها ) بس بس همي كلو حا يزول

_صلاح!!!(قالتا ب خلعة كدا)

*انتي بتعرفي

_اااا بري البعرفني لي شنو

للحظة حسيتا بتعرفو وخلتني اشك فيها ما عارفة لي جواي شي قوي بقول لي انها بتعرفو..

.........

*في بيت جدي ابودومة*

تحديداً في الاوضة..

بقيت قاعدة بس براقب موهوب ، تحركاتو في الغرفه

و انا كمية الضيق والزعل الجواي ما بيتوصف ، لا داير يقرب مني و ننتهي من الهم دا و لا داير يقول لي حاجة ..

لقيتو فتح باب الغرفه طلع برا مسافه و رجع يدو مبلولةً و كان بينشف فيها ... و انا قاعده في نص السرير ما قادرة اتوقع ردة فعلو .. جا .. فتح الدولاب طلع حاجة ختاها جوا جيب جلابيتو!!

و طلع و قفل الباب مدة ، و جا داخل تاني بي ثبات

رفع الغطا و رقد جمبي و اتغطى ..

و اداني ضهرووو ... قالي و وهو ماديني ضهرو ، نووومي ، اخدي راحتك ...

و سمعت صوت الزغاريت دي ترن رررررن في البيت و انا ما فاهمه حاجة ...

جريت فتحت ضلفة الشباك الفاتح على الحوش و بقيت بعاين عشان افهم حاجة و فجاة الجو صنّ..

.....

~~

دقت باب شقتو

*مؤمن غير الشقة ما غبي هو عشان يقعد فيها احتمال تكون العين عليها بعد اخر شي حصل؛ وكمان ماقاعد مع سكينة الايام دي لانها بس ربطتو بالعقد زي ما قالت ما بتخلي حاجة تخصها ل زول تاني ولانها ختت هتون في راسها بعد الكف)..

فتح

*سكينة

_انت يا سجم الرماد قافل تلفونك ليي؟

*ااا قاطع شحن(قفلو عشان نهي ما ترجع تتصل تاني او بالاصح غير شريحتو وما داير سكينة تعرف)

_قعدت وختت يدها ف راسها بلوة وقعنا فيها وما سمينا وكلو بسببك الجرجرة دي..

*ااوووف يادا الموضوع الما داير ينتهي في شنو تاني مش انتي قلتي من جانبك اماااان ولا طلعتي فشنك ساي...

_فشنك في عينك ما تحترم نفسك يا مؤمن غلطتي انا كانت ولا غباءك الوداك ل هنا.. وابقي اتزكر كان ما انا كنت ح تكون زي هتون مرمي في السجن..

سكت تممم ادتو في راسو قوي..

*طيب في شنو؟

_ الضابط الكان ماسك القضية انسحب والجابو دا قالو شديد وانا الصراحة ما بعرف عنو شي وخايفة تحصل لينا مشكلة بسببو ونتكشف وانا كلمتك من هسي كان حصلت حاجة يابيبي انا ح اختفي وتشيل الليلة...

*شنو كيف يعني انتي كمان معاي وداخلة في اللعبة؟

_ها معاك،،احمد الله اني طلعتك.. وما كل مرة تنجح الكرة مرة سرقة ومرة....

وعلي العموم انا ما ناقصة شوشرة من ناحيتي عشان كدا خلينا نتفق احسن..

*طيب المطلوب.

_اقعد وركز معاي وافتح لي مخك وفكر نعمل شنو...

~~'~~

_هتون محمد احمد تاج السر المديرة طالباك

دخلوني ل مكتب مديرة السجن

_المديرة: ح يودوك المحكمة تاني ؟

* لي

_بتتحاكمي عشان التهمة التانية..

لما نطقت الجملة دي اعصابي تلفت وللحظة حسيت ح يغمي علي..

*انا ما عملت شي تاني يحاكموني علي شنو بس

_لا عملتي وبنصحك تعترفي عشان يخففو عليك وما يزيدو عليك الحكم..

سجانة سعاد سوقيها....

جرجرتني قداما وقلبي كان بتنفض نفض من جوه ح يعملو فيني شنو ..

وصلنا ودخلوني المحكمة تااااني نفس الملامح والشبه المرة دي ما كنت خايفة زي ديك...

بس لما القاضي نطق

خلاص الخوف اتملكني وبقيت بضغط علي عقلي

امكن انا عملت شي تاني ونسيت...

لالا انا ما عملت حاجة متأكدة ما سويت شي..

ما يكون كلام سعاد صاح والمرا ديك لبستني تهمة صلاح والمرا القالت اني شغالة معاها..

ب خلعة اتوترت شديد..

( ومن دون تحس بقت تكورك..)

*انا ما بعرف زول اسمو صلاح ولا بعرف المرا القالو عليها شغلتني عليكم الله صدقوني انا بتكلم وبقول الحقيقة..

طق طق طق..

خلوها تهدا(جا صوت القاضي كدا)

مسكوني بس وقعدوني بالغصب(ببكي مقهورة) ادوني موية ووقفوني تاني..

القاضي: بس دي ما تهمتك..

....... ......

كو كو كو كو

*اووف دا منو الجاييني يعني انا كان دايرة اطلع واتونس كنت اتحبست هنا..

نعم

_نهي انا ميادة ممكن ادخل؟

(ميادة دي البت القالت ليها ما حبسوك دايرين يعرسوك ال هي بت عمها)

*ميادة ادخلي

_قاعدة براك مالك ما تطلعي تتونسي..

*معليش بس ما تفهميني غلط انا طبعي كدا ما بتأقلم سريع وكنا في

بيتنا كل واحد بغرفتو لو حابي يطلع يقعد مع الباقيين ب راحتو ابوي وامي قومونا كدا..

_حظظظكم شكلكم متفاهمين شديد

*ايوة

_نحن هنا عكسكم اولا ماف واحدة بت عندها اوضة خاصة بيها وتانيا كدي الله يقدرك ما تطلعي تقعدي مع الناس طوالي بقولو عاملة عملة او في شي ويومك اسود ح تكون العين عليك وغالبا في الاخر يفكروك انك عينك زايغة ودايرة العرس ويدبسوك في اقرب زول سكير، رمتالي، عاطل ما فارقة المهم يطلعو زمتهم منك ويستروك بس...

*بي خلعة بعاين ليها انتي جااااادة

_اي.. ما تاخدي في بالك انتي طلعتي محظوظة لانك وقعتي في موهوب..

موهوب دا لو ما كان اخوي كنت بتمني يعرسني وضحكت..

*اشمعني يعني ما شايفة فيه شي مميز كدا..

_يابت دا نص بنات حلتنا بتمنو مني يعاين ليهم بس.. ها وانتي قايلة بجوني البيت لشنو؟

*صاحباتك

_هههههههه صحبة شنو بجوني عشان يشوفو موهوب..

نهي سكتت وما اتكلمت معاها تاني..

فجأة ميادة قالت ليها

_نهي احكي لي عن هتون اختك ومالا هي سوت شنو خلت ابوي واعمامي كلهم زعلانين شديد كدا.. هي صحي عملت.....

نهي بدون تحس جاطتت فيها..

* هسسس اوووووعك انتي فاهمة،، انتي كيف تقولي عن اختي هتون كدا عملت شنو يعني زيها وزي اي بت بتغلط والكبار بعملو حاجات ابشع منها بكتير زي ابوك مثلا لما جبرني اعرس اخوك..

هتون احسن منو ومنكم كلكم وانتي شكل امك ونسوان اعمامك لزوك عشان حاجة اتفضلي اطلعي بره...

.....

ميادة بكت من ردت فعل نهي الما اتخيلتها وطلعت بسرعة

طقشت موهوب في الباب..

_ميادة ميادة مالك بتبكي..

جاه صوت نهي بقوة..

*ان شاءالله تتشرق وتاني ما اشوفك تجيني هنا في ستين داهية ياخ..

موهوب زعل شديد من طريقة نهي مع اختو وجا جراها من يدها..

_انتي قايلة نفسك شنو كل شي ولا ميادة دي بالذات لانها مسكينة وانا عارفا كويس..

*مسكينة ل نفسها ما علي..

_نهي احسن تحترمي نفسك وتقصري اليوم من اخرو

اطلعي اعتزري ليها

* ابيت ما بعتزر و ح تسوي شنو يعني ها

_قرب عليها وجراها شديد انتي عارفة ح اسوي شنو كويس فاهمة..

والعيون لاقت العيون ب تحدي..