الجزء 41

وصلني البيت ، لا اتكلمت معاهو لا اتكلم معاي ولا عاينت ليهو اصلاا ..

من نزلت كنت سامعه صوت ولد سوسن بيبكي ، جريت كيف ما عارفه دفرت الباب و دخلت ، لقيت خالتو بتهز فيهو وحلف كان يسكت ليها ،، شلتو منها لمن سكت شوية ، عملت ليهو البزة

قلت لخالة نعمة ، حتسمي متين ؟

_سمي انتي يا هتون !!

*اسمي انااا !! ليه اسمي انا وانتي خالتو !

_هتون الولد دا بيسكت في يدك و انتي متعلقه بيهو و بتهتمي بيهو اكتر مني ، انا الشغل ماخد كل وقتي و اغلب الوقت ما بكون قاعده في البيت ، بمعني اصح بديتي تربي انتي ..!!!

*اصلاً حأربي انا ، م دايرة يعيش الوحدة الانا عايشاها اسي ياخالتو نعمة .. دي ابسط حاجة اقدر اساعدك فيهاا انتي ما قصرتي معاي ابداا .

_طيب اختاري الاسم البعجبك ..

*امممممممم امممم زياد ! لالالا اااااه زين !! لالا ياخ اااا (كنت متحمسة شديد)

_فكري على مهلك ، ما حكيتي لي اخبار العرس شنو !!

*حلو ، ارتحت نفسياً كنت محملة نفسي مسؤلية انا سبب تعاسة نهى في زواجها دا ، بس بعداك لقيت ان علاقتهم حلوة شديد و كل البتمناهو ربنا يهنيهم ..

_يارب ،، طيب امك وابوكي !! شافوكي

*اجتهدت انهم ما يشوفوني عشان ما انكد عليهم فرحتهم .. قريتنا حلوة و عيلتنا كبيرة شديد ما كنت فارزة منو عمي ولا منو ود جدي ولا ممنو بت عمي ...الحمدلله

_طيب اديني ليهو قومي غيري عشان نتعشى ..

*نام ، حأختو على السرير... تصدقو لو قلت ليكم ممدوح وحشني !!!

(في جانب ممدوح)

بتكلم في التلفون ...مع ....!!!

_حتفضل ساكت كتير كدا !

*اقول شنو !

_بقيت متغير علي ليك فترة !!

*مافي شي ضغط شغل بس ، انا حابي اقفل عايز انوم

شغال بدري ..

_ما ممكن يا ممدوح ما معقول ، ششغل ششغل ششغل شغل ،من ما اتخطبتا وانت في الشغل من وقت اتحولت على القسم دا و انت طوالي مضغوط و ما طايقني ، في شنووو (بأنفعال)

*تاني مرة ... اوعك تعلي صوتك دا علي فاهمه ، دا لو بقت فيها مرة تانيه ..*قفل فيها الخط!

اوووووف ياخ ...

يا ربي حاصل عليكي شنو يا هتووون لا حس لا خبر منك .. بتمنى تكوني بخير يارب ..

نهى-

موهوب : بتعملي في شنووو ؟

نهى : دقيقه !

موهوب : طيب ... الدقيقه انتهت ياخ

نهى : ..........

موهوب : يجرجرا من شعراا ، خلصي ..خلصي ..خلصي .. ياخ ، وريني بتشوفي في شنو ..

نهى : دقيقه !

مسكا جراها عليهو ، شنووو انتي دقيقه دقيقه دقيقه ،راجلك انا ولا ما راجلك وريني بس وريني لو ما راجلك وريني ...

نهى : موهوب ياااخ

موهوب: ابيت ما موهوب ولا حاجة ردي علي (بيقرب عليها ) احم لحد هنا 🔞 ، اها قلتو لي عاملين شنو بالله 😂🙊...

بقيت ماسكة يزن .. اااي سميتو يزن ..

و لمن خالتو نعمة تطلع انا بمسك شغلها اللي في البيت ، و مع الوقت اتعلمت الشغل دا منها و بقيت عارفه جميع انواع الروائح ، لدرجة بقيت بتعامل مع الرشايديه بتاعت الريحة انا و اضفت حاجات للشغل "و دي كلها تفاصيل حتعرفوها لقدام ان شاءالله"..

المهم كنت منتظرة يوم اجازة خالتو نعمة و كان بكرة ..

انتظرت اليوم دا بفارغ الصبر بعد ما اخدت وقفه مع نفسي و قررت ان ما حينفع الوضع دا ابدا لحد متين ! هما لازم يسمعوني ..

المهم جا اليوم الموعود ، و كنت منتظرة اجازة خالتو نعمة عشان اخلي ليها يزن .. فعلا خليتو ليها و طلعت من غير م اوضح ليها حاجة ..

مشيت نفس المشوار الطويل بي نفس الشوارع المكسرة ... اتصلت بي نهى كلمتين و قفلت ، كل الطلبتو منها تكون موجودة لعل وعسى تساعد بشي .. وصلت #ابو_حليمة

' كانت محاولة أخيرة '

امي انا حياتي إتحطمت شديد وما بقى لي شي خلاص انا غلطته صاح معترفة بالعملتو بس ربنا غفور رحيم ..

ما عايزين تدوني فرصة ليه ..

يمه اسمعيني بس

امي عليك الله ردي علي

انا اشتقت ل حضنك وحضن ابوي اشتقت ل لمتنا قعداتنا طلعاتنا ل ريحتك ل كلامك..

للونسة معاكم

كل سوط وسم جسمي ولا حاجة من الوجع الحاساه هسي وانتي قدامي م قادرة اقع في حضنك ولا المسك..

انا شايفة نفسي لحدي هسي عاهرة لانكم ما عايزين تثبتو برائتي..

انا تبته

(صوت عالي بكورك )

"نهي اقفلي الباب دا نحن ما عندنا بت تاني"

ابوي ابوي

ما تخلوني اضيع..

امي امي امي ...............لحد م صوتي راح

كل اللي شفتو ، باب بيتنا بيقفل في وشي تاني و كان جينا للحسبة ما بتحسبن !

..

عاينت حولي ، لقيت كل واحد فاتح بابو و بيتاوق من ورا الباب .. زحيت من قدام بابنا بعد اترتعتا كذا مرة من توتري، و لفيت وشي بالطرحة و جريت ، كل همي كان ابعد ، و جريت لمن وصلت شارع قريتنا الرئيسيي البيوصل ل قرية أبو حليمة ..

شايفني

و بتكلم وهو بيحاول يحصلني !!!! معقول !!

دي مش ياها البت زاتا الكانت في عرس موهوب !!

ليه بتجري كدا و الكوراك دا من بيت محمد ابو دومة ..

و جا وراااي ..بس ما حصلني

(و دا ياهو نفسو الكلن شافني قي عرس نهى اختي)

وقفت لامن جات الحافله ، ركبتها متين ما عارفه ، و كان جينا للحقيقه انا زعلانة ليه ؟

ما اناجاية و عارفه دا الحيحصل كنت متوقعه شنو لوحدة بي و ساختي دي !

مع تحياتنا

.