الجزء 50

-تبقي غبيانة وستين غبيانة وبقولا ليك والزعل مالي عيونك لما ما شايفة قدامك...

*هسي يا خالتو جاية من هناك عشان تنبزيني..

-دا ما نبز وهدا بقولو ليك قدام امك دي،، هو في راجل الزمن دا بتنازلو لي وبدو فرصة بالسهولة دي؟

(طلقني بتحاكي فيها)

*خلاص يا خالتو انا ممدوح دا طرفي منو انتو مالكم ما دايرين تخلوني براحتي..

-فاتن اسمعيني هنا وافتحي اضانك لي كويس ممدوح خلاك عشان واحدة بتاعت سجون ترضيها لنفسك اكتر من كدا زلة في؟

سكتت ما ردت واتلفتت بالجمبة...

-خلاص لو بترضيها علي روحك خليك كدا تجي بتاعة الاداب الوسخة دي وتطبق ضابط قدر الدنيا والله كلام ساي الناس تجننك وماف شي بقي بتدسا الزمن دا.. وبكرا يعرسا وانتي اقعدي ابكي واندبي في حظك واتكتب ليك لقب مطلقة اي شي ح يتحسب عليك تاني طلعتك ودخلتك المجتمع ما برحم اي مطلقة بعتبرو التقصير والغلط منها.. عمر المجتمع ما بنصفها لانو مجتمعنا فهمو ضيق..

اقعدي انتي وخلي غيرك يعيش مبسوط علي حسابك...

البت طلعت شاطرة ووقعتو وانتي عديتيها لي زعل وتحرد وكل يوم جارية بيت اهلك تبكي...

هدي بقول ليك تااااني وتالت قدام امك ما بدسو...

انا ماشة ولما تحسبيها وتعقلي تعالي وكل مشكلة ليها حل....

......................

مسكت التلفون ووقع،، رفعتو تاني وبتقش بطرحتها علي وشها..

رد رد يارب ياالله يارب

*الووو موهوب طمني نهي كيف وصلتو؟

ياتو مستشفي انا جاية في الشارع..

قابضة التلفون قوي وبتتهز...

شهاب اعاين ليها كل شوية جاب يدو ومسكها قوي ما كانت حاسة بيها كل همها بتين تصل وتطمن علي نهي وبس..

وصلو كررررب فتحت باب العربية نزلت وجرت وشهاب لحقها..

-ممنوع يا اخت

*ممنوع شنو انت جنيت. (بتكورك بعصبية)

اختي جوه تعبانة وانت بتقول لي ممنوع زح زح كدا..

-قلت ليك ممنوع يا اخت ورفع يدو ازحها وقبل تصلا جات يد ومسكتو

*اوعك وحدر فيه اوعك تمد يدك عليها انت فاهم خليها تدخل وعصر ليه قروش في جيبو..

فتحو الباب

دخلت تجري ما انتظرت ثانية اقرب ممرضة مسكتا

جابو واحدة هسي بالاسعاف متضايقة وينا؟

جرت بس من شافت موهوب هداك بقت تكورك ليه

*موهوب نهي وينا

-جوه هنا في اوضة السونار

ما انتظرتو اتم كلامو كرررب فتحت الباب ودخلت..

*نهي نهي لقتا راقدة

و قاعدة تبكي وتعاين ليها نادتها هتون

جاتا طوالي ممرضة معليش يا اخت ممكن تطلعي شوية بس..

*زحي يدك اطلع شنو انا اختها ما طالعة قلت ليك..

الدكتورة اشرت للممرضة تخليها..

جات وقفت وبقت تعاين ل نهي ونهي تعاين ليها حستا اتطمنت شوية..

بعد مساااافة كدا... الدكتورة خلصت وجات الممرضة قشت ليها الجل من بطنها ونزلت ليها القميص وساعدتا تنزل في الكرسي...

طلعو وهتون وراهم...

ب صوت واحد هتون وموهوب

خير يا دكتورة في شنو

-لالا الحمدلله الجنيين بخيير ما فيه شي علامات ولادة مبكرة لازم لاااازم ترتاح كليا ما تتحرك كتير وما تقيف كتيير وتبعد عن القلق والتوتر وكل شي خير ان شاءالله تلد في مواعيدا بس تحافظ علي روحها في المرحلة دي شديد..

*الله يطمنك يا دكتورة

جيناها في الغرفة لقيناها سرحانة وساكتة..

موهوب قعد جمبها وباسها من راسها شديد.. وبمسح علي شعرها بحنية..

-العسل دا سرحان وين ها خلاص الحمدلله اتطمنتي عليه هتون قالت شافتو في السونار بت زي القمر تشبه امها هههههه ولا تشبهني؟

*ابتسمت ليه انا خايفة يا موهوب..

-مرر يدو علي بطنها لالا ما تخافي انا دايرك تكوني قوية عشان البيبي وصحتك ولا شنو ..

*احم احم نحن هنا انتو نسيتوني ولا شنو هههههه

جات علي نهي وحضنتها قووووي وباستها حمدالله علي السلامة حبيبتي انا ما تشوفي شر يارب..

خلاص فكي التنشنة دي قالو ليك كوويس ما فيه شي روووقي انتي بس وطلعي الاوهام دي من راسك وما تفكري كتير..

طق طق طق الباب دقه...

موهوب ماشي عليه جاه صوت هتون

*دا بكون شهاب جابني دقيقة انا طالعة ليه امشي ما انتظر ساي

-منو؟ وعاين ليها ب زعلة..

اقيفي تمشي وين انا بطلع ليه..

........

بعد موهوب طلع ليه جات قعدت جمب نهي

*اول مرة اشوف موهوب منفعل كدا ما قايلاه صعب..

-ههههههه ما صعب يا هتون والله

*انتي كيف هسي كويسة ووين امي وابوي ما جو معاكم؟

-موهوب بس الخلوه يركب معاي هسي بصلو لانو جايين ورانا.. الدرب بتاع البندول الركبو لي دا ريحني شديد...

*الحمدلله انك كويسة

حسيت بخوف وقلق شوية بس قررت تاني اواجه مشاكلي وما استسلم ليها.. امكن اخدت وقت طويل واقفة في محلي.. ابتسمت وحمدالله ان ممدوح ظهر من تاني في حياتي عشان اديني الامل والقوة...

-هييي لكزتها مالك بتتضاحكي براك.. ال في بالي صاح؟

*شنو ال في بالك؟

-ممدوح

*ضحكت وانتي عرفتي كيف؟

-يا فهم انا اختك حبيبتك احساسي احساسك يعني ح يكون ممدوح لقي رقمك وين ها بس فكري كدا؟

*شنو شنو دقيقة دقيقة انتي بتتكلمي كيف انا ما فاهماك؟

-اي اي اعملي نفسك مسطحة بعد خلاص ضمنتي حبك

*يابت اقسم بالله ما عارفة

بتتكلمي عن شنو انتي لاقيتي ممدوح وين؟

-يابت انا الرسلت ليه رقم تلفونك بعد مكالمتو مع موهوب الله...

*شنوووو اقيفي انتي تعيدي لي الحصول شنو من البداية لاني ما عارفة الحتة دي...

نهي حكت ل هتون كل الحصل....

هتون ختت يدها في راسها سبحان الله من ناس الدنيا ديل غايتو...

-في شنو؟

هتون برضو حكت لي نهي كل الحصل وان ممدوح ما اتصل الاتصلت امو وانهم اتلاقو بالصدفة...

-سبحان الله اصلو ما اتوقعت دا يحصل.. اعملي حسابك يا هتون امو دي ما ح تخليك في حالك..

*المرة الفاتت سكته ليها لكن المرة دي كان قربت علي لا...

ككررب الباب فتح

نهي نهي بلهفة الام وخوفها..

امي انا كويسة ما تقلقي

هتون قامت من السرير..

امي...

..

.