الجزء 52

هتون جات دخلت وقعدت من سكات وابتسمت لي نهي الكانت مركزة معاها...

وشغالة تقلب في تلفونا

...............

*الود جسمو مسخن شديد ياخالتي نعمة...

احسن نشيلو المستشفي..

-انت جنيت مستشفي شنو كمان هسي بعمل لي مكمدات وببقي كويس..

بس سوق الداهية دا من هنا قبل هتون تجي..

............... . ....

مع السكات الحاصل دا تلفونا ضرب ...

رقم غريب ردت قدامهم بثقة..

*الووو ايوة هتون منو معاي؟

فاتن؟ فاتن منو انا ما بعرفك...

بتعرفيني؟ طيب عاوزة شنو اختصري؟

جدا نص ساعة وبككون هناك...

............جات قريب ل نهي معليش انا جاني موضوع كدا بمشي اخلصو وبرجع ليك سريع خلي بالك من نفسك ها وما تقلقي ولا تشيلي هم كل شي ح اتحسن...

وطلعت ....

....................... ..

*انتي متأكدة انها جاية قالت؟

-ايوة يا خالتي متأكدة قلت ليها انا زوجة ممدوح ح تجي اكيد فضول ساي حا تجي متأكدة..

*سمح خلينا نستعجل طيب...

ساعة زمن مرت اتفقو اتلاقو في حديقة اسمها الحوش..

وصلت واتصلت بنفس الرقم ومشت عديل حسب الوصف (وبتردد جواها) بت لابسة طرحة كبدي وبلوزة اوف وايت ومعاها مرا تاني..

بتفتش عليهم شافت واحدة هناك ومعاها واحدة بس مداياها ضهرها.. نفس الوصف.. جات عليهم عدييل..

من شافت ام ممدوح من جواها

(اها ابقي متفقين كويس النشوف عندكم شنو.. )

*السلام عليكم..

ماردو السلام واتكلمت امو طوالي

-انتي يابت مش انا اتكلمت معاك وحزرتك ونبهتك تزحي من ممدوح..

*اطمني يا خالتي انا زحيت من ولدك واتقدم لي واحد تاني وهو ال ح اختارو..

-شاطرة والله عرفتي انو انتي مجرد نزوة مش واخير ليك تختاري البشبهك... وطقتا من يدها

*(نزلت ليها يدها) زي ما احترمتك واجب عليك تعامليني بإحترام

وكانت عينا علي فاتن..

-فاتن:ههه ياخالتو اشكال زي دي ما بتكلمو معاها بأدب هي عارفة ماضيها كويس.. شوفي هنا هيي يابت انتي انا مرتو وساكتة ليك واحسن تعرفي قيمة روحك وتزحي بأدب ولا والله الحصل زمان وفضيحتك البتحاولي تدسيها وتتناسيها نفتحها تاني ونوريك وش..

*(ضحكت بصوت ورغم وجع الكلام اتجاوزتو) رفعت اكمام عبايتها وصفقت ليها صفقتين والله الشفع طلع ليهم صوت بت منو؟ شوفي هنا انا وانا في السجن ماف واحدة قدرت علي تجي انتي انتي تهدديني كمان.. علي فكرة انا ماضيني ما داساه اصلا.. وممدوح كان دايرة اعرسو بعرسو بس حاجة غصبا عن الكل انا ما بعملا لاني بت اصول انتي فاهمة...

واسمعو هنا انتو الاتنين (اشرت عليهم..)

كان انا سكته ليك يا خالتو المرة الفاتت ف دا عشان انتي مرا كبيرة قدر امي وما كنت دايرة اعلي صوتي عليك ب مزاجي بييي مزاااااجي...

وانت ابقي عشرة علي ممدوح واعرفي حافظي عليه..

ويا خالتي عيب علي مرا كبيرة من ورا ولدها تعمل حركتك العملتيها وشلتي الرقم وحزفتي الرسالة ما مشت علي ها ولو دايرين مشاكل انا ستها والله...

تمممم خلتهم الاتنين سكتو وما قدرو افتحو خشمهم..

ومشت منهم خلت اي واحدة تعاين للتانية..

...................

ب زعل وضيق طلعت التلفون

جاري الاتصال...

*الووو ممدوح انت وين تعال لي في مول الواحة ضروري عاوزاك...

وقفلت.. اصلو الواحد كان اتمسكن في الدنيا بدوسوه..

مسافة وصلت وبقت منتظراه هو جاها..

قبل اقعد كويس

-مالك يا هتون في شنو جيت مقلق بسبب صوتك الله عالم وصلت كيف؟

هتون حكت ل ممدوح كل الحصل من امو ومرتو.. وحتي كلام نهي القالتو ليها عن الرقم الرسلتو..

بقي زعلان شديد وقام دفر الكرسي ماشي لما جرتو من يدو

* ممدوح اقيف بس ممكن تهدا هسي.. عاين الناس دي بقت مركزة معانا بتعاين لينا كيف..

- مالنا ومال الناس.. اهدا كيف يا هتون امي دي زودتا شديد وما هاميها حياة اي زول وكان علي فاتن انا خلاص ما بتنفع تكون في زمتي وهي عارفة دا كويس..

هتون نحن تعبنا كتير من حقنا بعد كدا نعيش حياتنا ونتلما زي الناس اسمعيني مرة بس وخلينا نمشي المأزون نعقد وتاني بنجبرهم يسمعونا وانا بوعدك والله ما بخليهم الا اسمعوك ويسامحوك...

*طيب وامك انا ما بقدر اعرسك يا ممدوح وهي ما موافقة؟

ومرتك زنبها شنو بس...

-ما تشيلي هم ح نقنعها.. امي بس بقت عندها عقدة من ابوي وطلاقها منو.. حاجة اسمها التحكم عايزة الكل يكونو تحت كلمتا ما يقولو ليها لا نهائي والبتقول علي يعملو كسر رقبة...

-انا فاتن ما عندي ليها شي قلت ليك زواجنا من زمان علي الورق بس اقسم ليك الله يا هتون انتي ما عايزة تصدقيني لي..

*اوووف طيب خلاص ممكن تقعد بس؟

-اها دي قعدة عاوزة تقولي شنو؟

*هسي خلي الموضوع دا بجمبة

انا ناديتك عاوزاك تساعدني في موضوع كدا ممكن؟

-عيوني كلها ليك انتي عارفة ما برفض ليك طلب أأمري يا ستهم..

*(ضحكت بخجل) في واحدة اسمها ميمونة عايزاك تجيب لي معلومات عنها واسمعني ح اقول ليك البعرفو كلووو.. لو تم ح ارفع راس ابوي واشيل منو الهم الملازمو دا..

-البشوف كلام مع ابوك وخوفك علي هسي اقول انك عندك انفصام..

*

لا والله يا ممدوح بس انا انجبرته وقتها عايزة ابوي احس بي اني بعاني من دونو هو ضهري وسندي كيف اتخلا عني وما يقبلني عشان شنو بس عادات وتقاليد ههه!!!

........

هتون حكت ل ممدوح كل البتعرفو عن المرا دي وبقت بتعاين ليه...

-انتي متأكدة يا هتون؟

*ايوة والله انا سمعتهم وحاولت افتش عن شي بس غلبني براي ما وصلت لحاجة...

-انتي ليي ما تواجهيه وتسألي وتسمعي منو هو امكن لما احكي ليك بنفسو توضح الامور كلها!! وانتي اظن ما سمعتي الموضوع كلو..

* والله انا ما عارفة ،،فكرت بس كدي اول انت فتش لي..

-علي العموم ما تظلمي ابوك ساي وكلامك قبيل استعجلتي فيه كنتي حادة شديد وواجب عليك اعتزار انا شايف (هتون دنقرت راسها لانها عارفة روحها غلطانة) يلا هيي عايني هنا ما تصري هههه خلاص من دربنا دا خليني اوديك المستشفي وبمشي القسم اعمل تحرياتي وبديك خبر...

......................

*براحة يا نهي براحة

ارح يا خالتي ..

*فوزية : ياموهوب كان قعدنا يوم الليلة دا نطمن احسن..

-راجلا محمد: بتك كويسة لزوم القعاد في المستشفي، شنو تمشي ترتاح في بيتا ما بتجيها عوجة

نهي اتكلمت..

-طيب خليني اتصل بهتون تجي اودعها بس.. طلعت زعلانة وكلو بسببك...

*موهوب: نهي قفلي علي موضوع هتون دا هسي انا بعرف احلو واتصرف كيف.. وبعد كدا بفضي ليها

خلونا نمشي هسي..

................

*جانب هتون*

*ولا اقول ليك يا ممدوح انا ماشة البيت اول الليلة يزن طولت منو خليني اشوفو واعمل لي شوربة واشيلا المستشفي تاني..

-طيب وصفي لي البيت..

شارع ب شارع ولفة علي لفة وصلها بالضبط محل قالت ليه،، نزلت وودعتو.. انتظرها لما دخلت ومشي..

*خالتي يا خالتي انا جيت .. شهاب انت هنا

شافتا شايلة يزن وفي راسو قطعة..

(بخلعة) في شنو يزن مالو.. كدي كدي دا محموم كدا مالو يا خالتي وقع ولا شنو...

-اي وقع قدامي وانا ما انتبهت هسي رفعتو وجبت لي بندول سقيتو منو ببقي كويس..

*بندول شنو بس كدي ارح ارح وديني مستشفي الاطفال..

-مستشفي شنو ما قلت ليك خلاص الود كويس هسي انتي في شنو؟

*خالتي لا اله الا الله براي متضايقة وما طايقة زول..

شالت يزن ودخلت بي جوه وجابت موية وبقت تعمل لي في المكمدات ورقدتو قداما....

................

-اسمع هنا يا شهاب اوعي لسانك دا يفلت بكلمة كدا ولا كدا قداما انت سامع..

*اوووف انا طالع

كرررب فتح باب الشارع وقفلو بقوة..

ونفس الزول كان مراقب من بعيد...

ركب عربيتو والمظهر الجامد ال في ملامحو اتحول لي ضعف دنقر

أتذكر...

شهاب تعال انا جبت ليك حلاوة حلووة تعال اشيلك في رجولي هنا..

ما كان بس بختو علي رجولو ساي كان بتحرش بيه ...

بدخل في عقلو افكار غريبة.. بهمس في اضانو

انت عارف يا شهاب امك ادتك ل خالتك نعمة ليي عشان ما عايزاك..

انت ود حرام لقوك في الشارع..

انت وانت

طااااخ ضرب البوري تييييييت.. صحي من تفكير مؤلم ..

داس علي البنزين وبقوة اتحرك...

..

..