الجزء 93

طق طق باب الغرفة دقه وبعد شوية فتح

لقاها قاعدة في السرير وبالجهة التانية بتو...

قرب عليها ودنقر شكلو وملامحو اتغيرت نهائي بدا يلمس فيها في اصابعها الصغيرة في وشها بطنها..

فجأة فرت خشمها زي بتضحك..

هو ضحك معاها...

نهي كانت مراقباه وكلمة ما قالتا... انتبه ل روحو واتلفت ليها

*معليش لما شفتها نسيت اي شي هه

-ما مشكلة..

*نهى انا ما جاي ابرر ليك الحصل وانا بعترف ان العملتو غلط.. بس زول عايز يرضي امو ويفش قلبها وانتِ عارفة امي كيف شفتيها بعينك.. ما تبقو علي انتو الاتنين يا نهى ماف واحدة رضيانة ترخي شوية...

(حكى ليها الموضوع كلو وموقف امه... )

انا مستعد اعمل اي شي عشانكم وهسي جيتك وعشمان تتراجعي عن الفي بالك.. جيت واشتريت البقالة وحا اعمل بإقتراحك القلتي لي.. انا فكرت فيك وفي بتنا ومستقبلا..

فجأة لقتو نزل من السرير قدامها ومسك يديها قوي..

نهى انا عاوز امشي لقدام اطور نفسي حا تخليني اغرق ولا حا تساعديني وتقيفي معاي وجمبي..

لسه من جواها كانت ماسكة موقفة ومقررة تنهي كل البينهم بس الخلاها تحن دموعو اول مرة تشوف موهوب ببكي قدامها...

لما نزل على كرعيها ما قدر يتحكم في نفسو ما حست بي روحها الا وهي بتمسح على شعرو وجسمو وبتنزل معاه تحت وبتدخل جواه..

(نحن كدا مهما قلنا وقررنا قلوبنا دي رهيييفة )

-مشتاقة لحضنك ما عايز تفتحو لي..

لمدة خمسة دقايق كان بعبر جدا عن حبهم لبعض...

قعدو في السرير وشال بتو وجا جمبها وهي كانت مشوشة برضو عاينت ليه..

-بس انا انانية فيك وقبل كدا قلتها ليك ما برضي ضرة فيني يا موهوب!!!

*زي ما جابتا امي بترجعا هي ميامن عمرها ما كانت شبهي وانا البت العينا قوية وجريئة ما بريدا ولا حا تقعد في زمتي اطمني من الناحية دي..

-قصدك شنو بس دي بقت مرتك وانا ما ببقي سبب في طلاق من دون ما هي تعمل شي..

*البت ما مؤدبة يا نهي بس انا خليتا هسي علي زمتي شوية تأدب امي اول.. امي دي دايرة واحدة مستقوية زي ميامن دي توريها الصاح شنو حتى راسا يجي اسأليني انا منها.. وبراها حا تجيني تقول لي تطلقا ما بتنفع معاي..

-ههههههه امك دي الله يديها العافية بس غريبة جدا..

*شوفيها يا نهي حلوة كيف عايني يديها صغار وناعمات اححححح ياخ ريحتها حلوة..

-انت حا تقعد تشم فيها كدا ولا شنو ههههه

*مشتاق ليكم انا شديد وجرا نهى عليه وحشتيني ما تقومي تغيري ب حاجة حلوة كدا.. وعض ليها شفايفو بغمزة..

خجلت وضربتو

-ياود بطل قلة ادب داير تاكل وشي قدام ناس بيتنا يقولو حملته قبل اتم شهرين زي الناس جنيت انت..

*جراها تاني قوي ودخل يدو علي وسطها وقرب منها..

هي داخت واحساس الحب كلو في اللحظة دي اتدفق..

همس ليها قرييب

*بحبك بحبك

ايوووووي يووووووي يوووووووي قطعت عليهم اللحظات صوت زغرودة فرح طالعة بمزاج..

*في شنو؟

نهى طلعت وموهوب خته الطفلة وطلع وراها..

مازن زاتو جا وبصوت واحد

في شنو الزغاريد يا امي؟!!

فوزية ومحمد كانو واقفين جمب بعض وظاهر عليهم مبسوطين..

فوزية:الف حمد وشكر لله رب العالمين

محمد اتصلو بي هسي ناس جامعة البيان وشالو استاذ معاهم ومن بكرا قالو لي ينزل شغل...

نهى ومازن جرو على ابوهم وحضنوه

الف مبروووك ياابوي الف مبروووك..

فوزية:هيي ما تميت ليكم الاخبار

اتلفتو عليها تاني في شنو تاني؟

وانا زاتي مدرسة النهضة اتصلو بي وقبلوني استاذة معاهم....

خلو ابوهم وحضنو امهم..

في لحظة فرح وسكينة كانت ما عادية ساعتها..

فوزية عاينت ل موهوب بضحكة كدا

والله انت كراعك باردة وقدم خير ياولدي..

كدي زول يجري يتصل بهتون يديها الخبر السمح دا تجي البيت..

وانا قايمة اسوي ليكم هسي لقيمات ومهلبية رز كرامة لله تودوها الجامع..

وقبل يمشو جاهم صوت نهى

و#انا في فرحة تالته يا امي وابوي..

انتبهو عليها..

وقفت جمب #موهوب نحن اتصافينا كمان الحمدلله وموهوب حا يشتغل هنا ويكون معانا وفترة صغيرة مسافة يجهز حالو حا نرحل بيت برانا..

و#انا مازن دا ما ولدكم!!!

نهى :عرفنا نحن انت مالك كمان امممم..

- قدمت في جامعة وشالوني خلاص...

ايوووووووي يووووووي يوووووووي فوزية فكت زغروته تاني ومشت على نهي حضنتا عليها ودمعتا في عيونا الله يسعدكم و يهنيكم يااولادي اي كدا الحمدلله ربنا هدا سركم الليل والنهار انا وابوك دا ندعي ليكم...

*خلاص النمشي اتصل بهتون هسي بتجي جارية بتحب اللمات والحاجات دي ههههههه وكمان بالمرة تساعدك..

-ههههههه ربنا يديها ود الحلال هي والله انا ما برتاح الا هتون دي اشوفا مع زول بستاهلا..

*ان شاءالله يا امي قسمتا ما بتفوتا..

مازن مشى قدامهم انا لي الله ماف زول عبرني نهائي اي بس بناتك ديل المهمات بكرا مازن دا تفتشي لي ما تلقيه تاني..

-اجي شوفي الود يا نهى هههههه

*خلي ياامي حاسي نفسو كبر وكدا ..

قال ليها ب يدو انتي اصبري لي بوريك لي... ضحك ومشي خلاهم يضحكو

....

.....................

تلفونا ضرب لقتو ممدوح

*عاوز شنو

دا كمان. (عملتو على الصامت وختتو.. )

تاني انتبهت للشاشة نورت

نهي

*الووو نعميين

الابتسامة الظهرت على وشها كانت كفيلة ان نهى رصت ليها اي حاجة...

قولي والله العظيم...

الحمدلله خلاص انتظروني انا جاية طيران هسي مسافة الشارع بس...

في الوقت دا جاها تلفون ممدوح انتظار تاني ما اهتمت بيه..

قفلت المحل وطلعت طوالي..

..........

جا داخل غرفتو ورسل ليها

*يعني ما دايرة تردي علي يا مي؟

طيب عبري الحيوان الشغال بتصل ويرسل من اصبحت دا بكلام ان شاءالله البلا يخمك

خليك صريحة وقولي ردك اي كان بدل تخليني زي الاهبل الما مالي مركزو كدا...

جدع التلفون هناك زعلان... كررن كررن كرررن جاتو رسايل سريع شالو تاني لقاها من مي

-ممكن تبطل تسيئ لنفسك بالطريقة دي والعفوو انا ما قصدي اقلل منك.. بس انا اتصدمت في وقتها ما اتخيلت انك اصغر مني لانو لا حجمك لا شكلك بقول كدا ووقتها صراحة زعلته شديد وما عرفت اقول شنو قفلت فيك..

*انتِ ما اديتيني فرصة اصلا ولا حاولتي تفهمي حتى.. هسي يابت الناس انا جادي بقولا ليك حا تواصلي معاي واجي اقعد معاك نتفق ونحدد مواعيد الخطوبة لو حابة تتأكدي من نيتي عشان ما تقولي بغشك..

-ههههه انت خلاص الكلمة دي حا تمسك فيها

*وجعتني يا مي الصراحة كلامك كان شين..

-خلاص معليش بس انا خايفة من ردت فعل اهلنا لو عرفو بحتة العمر دي..

*ياسلااااام ما تخافي ياخ ان شاءالله بتفهمو،، طالما انتِ متقبلة الحاجة دي من جواك مش؟؟

-انا فكرت كويس وكمان هتون اتكلمت معاي ومقتنعة اني ما حا الاقي زول زيك كفاية انك اخو هتون..

*(بضحكة) يعني نقول على بركة الله..

-(بخجل) ايووووة

.............

هتون جات داخلة ومن خشم الباب ايووووووووي ودخلت شايلة في يدها اكياس..

*اجي ما تقولي الزغرد دي انتِ ياهتون..

-ضحكت وجات عليها حضنتها اها انتي قايلة براك البتعرفي يا امي.. مبرووووك ربنا يجعلها قدم سعد عليك يارب واشوفك مديرة مرة واحدة..

انا جبت معاي بلح وجوزة وحلاوة.. هسي ببل البلح وبرشو ب جوز الهند..

يزن وينو؟

*اميين واشوفك في بيت عدلك يا هتون،،

بلعب جوه جمب ابوك ..

ما عجبا كلام امها وزوغت الموضوع ..

-ماشة ابارك ل ابوي واشوف يزن..

جات داخلة

-ابووووي والله فرحت فرح ماشاءالله تبارك الله ..يديك العافية ويخليك لينا يااحلى اب وسلمت ليه على راسو ويدو..

*اقعدي اقعدي جمبي ياهتون وانا يابتي ما تتخيلي انا مبسوط اكتر شي بوجودكم حوالي.. الحمدلله ربنا يحفظكم يارب..

شفتي اختك من راجلا رضاها تاني ما ورتنا وشها وضحك..

-ههههه اصلا نهى من يوما بياعة بتحب روحها ومصلحتها اهم شي هههههه...

طلعت من عندو مبسوطة بتضحك براها ومشت تساعد امها..

.................

(في جانب تاني )

من شب علي شي شاب عليه

منطقة جديدة، بيت جديد، ناس جداد وامور ومدخل جديد،،

.....

غرفة نفس الشي كلها بالاحمر وريحة البخور وصوت الهمسات والضحكات من النسوان القاعدات..

والمسجل الشغال

اللول لول ياالعروس

والعريس دستورك ياالعروس

وفي النص مرا كبيرة بتعلم في بت رقيص العروس

وماسكة المبخر تشيل وترش في الجاولي وتغني وتضحك..

بي دستورهم يعفو ويرضو...

اااااي

الزار ما حق زول

الزار حقي .. انا قلتووو و انا ستووو

و انا بتحمل مسؤوليتو..

الرضية النبي ارمي الودع ل البنية ديك شوفي عدلا..

اديها البياض يا امها خلي الودع يصدق

اجيي (ضحكت.. )

..

تعالي يا بت .. شيلي ديل من هناا فضو النص

رصي الترابيز ديل غادي .. تعالي ساعديها خلي الرقيص اسي ، رقيص ملحوق الليله للصباح ، بي دستوركم ..

جا صوت وحدة من الحريم القاعدات في البمبر .. بتقول : يا نعمة تهالي فهميها طلبات الاسياد ديل ما بنقصر فيهن هاهاهاي ..

نعمة : اسمعن خلو الكلام ، اتجمعن يلا عشان حنضبح ديكين ... و كششش كششش كششش (ماسكة الودع جوا يدها وبترج فيهو و بتتمايل وتعاين للرجال هناك )..

في دايرة من الحريم اللبسات الاحمر ، في نصهم وحدة من حريم الظار قاعدة على ركبيها و نعمة واقفه جمبها و تتمايل وبقو الناس عبارة عن دايرة جوا دايرة .. ماسكة الديك مقاصد لي راس المرة ، و نعمة ماسكة السكين ... و فجاة اصواتهم علت ، و بقو يضربو برجليهم الواطه ... لمن الدم دااا طاررر !!

و فجأة #نعمة وقعت من طولها في نص الدم !!!

في المطبخ _

واقفة مع امي بتونس معاها و اخر انبساطة ..

جاني يزن قال داير بطاطس محمر ، و كانت حالتو في تحسن ملحوظ من اللعب للكلام للحركة ، اتعود على امي شديد و ابوي و مازن و نهى ... بس كلام نسمة كان بيتردد في بالي بخصوص الدكتور !!

جا ابوي ، قال ل امي ، يا فوزية والله انا مُصر على عزومة الضابط دا هنا في بيتي بي اسرتو ، اي نعم كل حاجة ترتيب من رب العالمين ، لكن كمان لولاه ل كانت الامور مشت في منحدر تاني !! حابي ارد ليهو جزء من العملو وما عارف كيف ، وانا كلمتو يوم السمايه لكن كان مفروض ارجع ليهو واحدد ليهو يوم ، واسي قلته بما اننا محتفلين ورايقين رايك شنو اكلمو يجو يتغدو معانا بكرة !

!

انا تخلعته م اتوقعت لمن البطاطسايه اتزحلقت من يدي !!

امي قالت ليهو : طواااالي يا محمد كلمو ..

ابوي بي حماس شديد اتصل على ممدوح و كلموووو !!

(في جانب سكينة)

اسمعي ... انا تعبانه دايخة و جسمي دا ما شايلني

عشان م اخرب عليكم السهرة الليلة ،، بمشي ساي لكن ما تشبكي فيني واحد تاني عليكي الله ... وبعدين انا خلاص عرفت لي واحد مغترب بس شكلو لسه ما فتح الواتس بتاعو... حا اخلي دربك دا...

فجأة رمت ليها جهاز .. قالت ليها بخلعه اعمل بيهو شنو ؟؟

قالت ليها بما انك غبية ، اتوقع انك تطلعي حامل من الراجل بتاع المرة الفاتت الدخلتي معاه...

اتخلعت سكينة لانها كانت مستبعده حاجة دي دي ،، و جرت على الحمام ...

دخلت وجات طالعه ماسكة راسهاا....

قالت ليها اهاااا ، حامل صح ؟؟

هزت ليها راسهاااا .... انا اعمل شنو اسي في المصيبه دي !!!

انسي اسي الناس منتظرننا .. خلينا نمشي لمن نرجع نفكر في حل !!

.... اتلبسو و طلعو!!

(في جانب نعمة)

بعد وقعت ..اتلمو عليها ..بقو يفوقو فيها من هنا و من هنااا...

لمن قامت ورفعت يدها قالت ليهم #بي دستوركم . يلااا ي بت سخني الدلوكة دي تعالي يا ودعه جيبي طلبات الاسياد و جهزوو الديك ...

و رجعت وقفت في النص و بقت ترقص و تنزل في الارض و تتحرك بقوة كانها ما مرة في العمر دااا ..

و جات وحدة كدت ليها القروووش وبقت توسوس ليهو و هي رافعه يدها و بتقوليها دستورررر دواااك عندي ....

و فجأة الصواريخ و السكاليب ... بمنظر البوليس وهو داخل !!!

بتقول :

كالعادة سهرة كل يوم في نفس المكان ..

حاولت اطلع من القرف دا بس كل ما القي منفذ تاني الامور تجوط ما لقيت حل حاولت وحاولت بس الظاهر انا اصلا مصيري كدا واستسلمت..

قلت ليها خلاص بعد اخلص دوامي بكرا طوالي بجيك مش قلتي الزول دا بديني القروش كاش طوالي .. خلاص موافقة انا مستعدة اعمل اي شي بس اتخارج بأي طريقة من الحمل دا ..

(في جانب نسمة)

نسمة : عارف ! (بتشيل من الدولاب وترص في الشنطة ) انا عارفه من خلال كلامك ان هتون جميلة ، لكن ما اتوقعتها للدرجة دي هه .....!!! شهاب !! ..شهاب!!

اتلفتت ليهو ، لقتو سرحان !! قالت ليهو مالك ما بترد !!

شوف يا شهاب ،انا ملاحظة ليك منطفئ كدا من وقت اللي حصل بس ماقادرة احدد جواك انت حاسس بشنو بالضبط...

بس مبسوطة انك اتقبلتا فكرة العلاج بالطريقه دي ، هي صعبه و ممكن تسبب اكتئاب ، لكن بالارادة كل حاجة بتتم وبرا الطب متطور و يمكن في خلال 6شهوور تتعالج من #البدوفيليا !

انت مالك ما بترد علي !!

قاليها : مصدع شوية يا #هتون !!!