الفصل الخامس عشر
قال لي نمشي النيل؟
قلت ليه النيل؟
اتحرك وقال لي ماف فرصه احسن م̷ِْن يوم زي دة اقضيهو معاك، قلت ليه م جادي انت الباب فاتح اهلي بصحو،
قال لي بنتصرف بعدين م مشڱلهِ اقول ليهم جيت سوقت مرتي لفيت بيها اها دي مشكله؟
قلت ليه خليك جادي شويه
قال لي كل الجديه الفي الدنيا دي، وصلنا شارع النيل نزلنا هو كان لابس ملابس غير ملابسو حقت العقد، بنطلون وقميص، مسك يدي وقال لي م داير اقعد، خلينا نتمشى احسن تشربي حاجه؟
قلت ليه لٱ م نفسي بس ممكن نتمشى برضو ونرجع بسرعه، ضحك، قلت ليه سامع نرجع بسرعه دي؟ قال لي سمعاً وطاعه،
بقينا ماشين وانا قلبي م حاسه بيهو، متوترة وخايفه وخجلانه وكل شي حاسه بيهو في اللحظه دي
قال لي انتِ طبيعي هادئة كدة ولا دة هدؤ الزعل؟
ضحكت قلت ليه بس انا م زعلانه
قال لي طيب الحمدلله هم واحد وإنزاح على الأقل كدة حأسافر وانا مطمن انو مرتي بّخْيرٌ
لما قال مرتي
قلت ليه ولو م كنت بخير م حتسافر؟
قال لي زمان كان زين بس ليه الأولويه وممكن أأجل اي شي عشانو، هسي انتِ وهو الاتنين في نفس المكان
قلت ليه م̷ِْن متين؟
قال لي شنوووو؟
قلت ليه اني انافس زين في مكانه وكدة؟
قال لي م مهم متين المهم انا حسيت بشنو؟
قلت ليه طيب قول لي حسيت بشنوووو؟
وقف وعاين لي بغيظ
ضحكت
كان في جمبنا درداقه واحد ببيع عيش ريف او ذره،
عاين لي وقال لي تاكلي؟
قلت ليه المُحبب للقلب، اكيد
إشترى لي وليهو، وكان لسسه ماسك يدي، والراجل كان بعاين لينا، سامر لما قمنا ماشين قال ليهو حرم مرتي ي عم وعرسان جداد ي دوب عقدنا اليَوُمًًِ ورفع ليهو يدو وقال ليهو اها عاين بي حنتي، الراجل بقى يضحك قال ليهو اصلاً دي امور الجُداد كدة
ضحكت قلت ليه عاجبك كدة هسي؟
ضغط على يدي وقال لي م عِن.̷̷̸̷̐ديّ شي اسمو جُداد بعد ميه سنه إن جينا مارين بالمكان دة حأمسكك بنفس الطريقه دي، كملنا مشي وتعاليق على كل حاجه مرت م̷ِْن قدامنا،
قال لي عايز اشرب قهوة،
كنا مارين بجنب الكشك بتاعنا وانا انتبهت بس هو حب يشغلني قال لي انتِ عارفه القهوة دي لْۆ م شربتها بتصدع بي شديد،
قلت ليه ممتاز
قال لي شنو هو الممتاز بقول ليك بتصدع بي؟
قلت ليه انا شايفه الكشك على فكرة
بقى يعاين لي
قلت ليه عندك مشكله في إنو نمشي نطلب منهم؟
قال لي لا بس حسبت حساب إنك ممكن تتضايقي
قلت ليهه لا ابدا..ً
قال لي تعالي طيب، مشينا عليهم، بقيت اعاين فِيَه، اتذكرت يوم م جا مهند وعمل عمايلو ديك بس م بينت،
كان فِيَه ناس غير البدفعو لينا حق الإيجار،
إشترينا كُشري وقلت ليه بعد كدة رجعني البيت الساعه ماشه لكم؟
قال لي ودة؟
قلت ليه حناكلو في الطريق،
كانت كلها تفاصيل عااااديهه وم فيها شي مميز، بس كونو يفضل يقضي معي الساعات دي كلها وينسى التعب و الإرهاق الهو فيهو دة خلت اليوم يكون مميز بالنسبه لي،
اول م وصلنا البيت قلت ليهه ادعي انو عماتي يكونو نايمين وم يصحو بي لانهم راقدين في الحوش
قال لي ليييهه م فاهم حيشاكلوك؟
سكتت
قال لي طيب خليني ادخلك وادق ليهم الباب اقول ليهم كانت معي في مشڱلهِ في كدة؟
قلت ليه انت مجنون كيف يعني تقول ليهم كانت معي؟
قال لي وين المشكله م فاهم مش كنتي معي؟
قلت ليه اي بس م كلمت زول عشان كدة وبعدين كنت معاك نص الليل دة بعمل في شنووو؟ حيسألوني كدة
قال لي قولي ليهم كنا بنتمشى ي شهد،
طبعاً بتكلم ببرود،
ضحكت قلت ليه حاضر حأقول ليهم كنت بتمشى مع راجلي تمام كدة؟
قال لي بس الموضوع بسيط جداً جداً بعدين كدة قولي راجلي دي تاني كدة؟
كان ماسك تلفونو، قال لي امسكي كدة عشان انزل ليك الكيس الورا دة،
نزل ونزلت وراه، عاينت لي تلفونو واستغربت طبعاً، قلت ليه انت م عندك علاقه بالإنجليزي وكيف قالب تلفونك إنجليزي؟
قال لي يسرا قبيل شالتو عشان تتصور اظنها قلبتو انجليزي، مسكني م̷ِْن يدي ووصلني جمب الباب قال لي يلا،
قلت ليه حتسافر بعد كم ساعه؟
قال لي كلها ساعتين بس تقريباً حامشي اخد لي غفوة عشان اصحصح للسواقه،
قلت ليهو اعمل حسابك وانت سايق لْۆ تُعباُنٌ شديد م تسوق ي سامر او خلي الصباح يصبح
قال لي متعود انا
قلت ليهو ايوة متعود عارفه بس دة كان زمان، زمن م عندك زول يفرق معاهو وجودك او عدمو زي م بتقول بس هسي الوضع اختلف م تخوفني عليك..
قال لي حاضر ي شهد م تخافي ان شاءالله عوجه بتجيني ماف
قلت ليه إن شاءالله بس خلي بالك م̷ِْن نفسك برضو، على طرف لساني جمله ارجع بسرعه بس م قدرت
قال لي يلا ادخلي وم اوصيك على نفسك انتِ كمان
قلت ليه حاضر
❖
ركبت عربيتي واتحركت بعد م دخلت، واتصلت عليها قلت ليها ها طمنيني كل شي تمام؟قالت لي اي الحمدلله، م حسو بي نايمين م̷ِْن الإرهاق حق اليَوُمًًِ ي حليلهم
قلت ليها طيب انتِ كمان نومي
قالت لي اي حأنوم اصلاً الحمدلله نضفنا ورتبنا ورجعنا كل شي مكانو، بكرة حأصحى براحتي
مع جمله نضفنا ورتبنا ورجعنا كل شي في مكانو دي انا هنا الزمن عِن.̷̷̸̷̐ديّ، وبقت في مخيلتي تفاصيل اليَوُمًِ، ووصلتنيً لغايه الساعه بتاعه رجعتي البيت مع ضيوفي، وإستقبالهم فب الصالون، ودخلتي لغرفتي، غرفتي، غرفتي م كانت زي م هي، م كل شي كان في مكانو..
شهد كانت بتتكلم وانا بالي
في وادي غير هي البتقول فيهو دة، فجأة لقيت نفسي بقول ليها شهد برجع ليك، وقفلت الخط وهي بتقول لي في شنوو.
فتحت السجلات بسرعه وبقيت بفتش في الأرقام، حسيت نفسي مصاب بالعمى في اللحظه دي م عارف انا عايز اي رقم، طلعت رقم امي إتصلت عليها م بترد، بقيت بتصل كتير وماف رد منها، الساعه ماشه لي 1 صباحاً غالباً قد تكون نايمه كنت بتصل وسايق بطريقه هستيريه اتخطيت اي إشارة لاقتني في وشي..
❖
في جانب ٱڅر..
إتزوج ي ليلى اتزوج، سامر اتزوج، عقد خلاص عقد، قلبي واجعني، واجعني شديد م قادره اقول لزول او اشارك زول بالحاجه دي، هم مشو على اساس إنو الموضوع خطوبه، م عارفه العقد دة طلعو بيهو م̷ِْن وين، انا بحبو، بحبو شديد وحاسه روحي بتطلع مِڼّي في اللحظه دي وم قادرة اقول، م قادرة حتى اوقف بكى، اعمل شنو قول لي؟ انا م بستاهل؟ م بستاهلو؟
انا بحبو م̷ِْن وانا صغير، م̷ِْن وانا صغيرة بحبو ي ليلى بس هو عمرو م شاف دة، م̷ِْن طريقه تعاملو معي غير الكل انا كنت فاكرة إنو هو بحبني، كان بستثنيني دون الناس، لْۆ جاب حاجه بقول ياسمين، لو شافني متضايقه بعزم البيت كلو طلعه عشاني، م̷ِْن غير م اقول لْۆ سمع اني عايزة حاجه بجيبها لي، لو عيانه بسوقني بذات نفسو بوديني المستشفى عشان يطمن علي، وم بخليني اليَوُمًًِ كلو بتصل يتفقد احوالي، كان دايماً شايفني اختو وانا م عايزة اكون اختو م عايزة م عايزة
❖
وصلت البيت كان كلو نايم، م اتلفت خطيت خطواتي على غرفتي، كنت بتمنى انو الموضوع يطلع تخيلات او تهيئات في مخيلتي ساي بس لا، الدولاب، الدولاب م كان في مكانو، نزلت تحت ودخلت يدي يمين شمال ماف شي، فتحت الدولاب نزلت الملابس ماف شي، الادراج، تحت السراير فوق راس الدولاب، م خليت ركن في الغرفه م قلبتو حرفياً وبرضو كان ماف شي، في اللحظه دي دخلت في حاله هستيريه، إتصلت على ياسمين،
م ردت،
المكالمه الأولى، التانيه، التالته..
❖
سامر داخل علي مكالمه
بالليل دة؟ مالو؟
م عارفه، بس هو متصل كم مكالمه
طيب م تتربكي روقي
حأرد عليهو اشوفو
طيب شوفيهو وارجعي لي
❖
اتصلت المرة الاخيرة فتحت الخط
قلت ليها ياسمين؟
قالت لي ايوة ي سامر
قلت ليها بصوت حاد غيرتي رصه الغرفهه دي انتِ؟
قالت لي اي غرفه؟
قلت ليها اي غرفه حتكون؟ غرفتي م داير غباء مڼڱ انا
سكتت
قلت ليها ردي م متصل عشان تسكتي انا
قالت لي اي مالك في شنو بسم الله؟
قلت ليها اطلعي تعالي لي في الغرفه، سرعه م اعد ليك 5 دقايق اللقاك قدامي..
فعلاً م عدت ال 5 دقايق لقيتها في وشي،
قالت لي سامر؟
قلت ليها القال ليك غيريها منو؟
سكتت
قلت ليها سألتك انا جاوبي، القال ليك ارفعي الحاجات دي م̷ِْن حتتها منوووو بتكلم معاك انا؟
كنت بتكلم بدون م اراعي لي انو البيت فِيَه ناس نايمين ولا حاسب حساب للضيوف
قالت لي بصوت ملان خوف عشان طولت انا قلت اغيرها
قلت ليها م شغلتك بي طولها،
قالت لي في شنو هسي قول لي مالك متضايق دة كلو عشان غيرتها؟
قلت ليها بضربك كف برميك هناك هسي م تقولي لي مالك فاهمة اوعى تقولي لي مالك مديت يدي عليها رجعت خطوة لي ورا مسكت يدي واستغفرت،
قلت ليها هسي عايز افهم عِن.̷̷̸̷̐ديّ شنطه كانت تحت الدولاب وين مشت؟ لْۆ رميتيها مع الوساخه م تلومي الا نفسك،
سكتت
قلت ليها م تتبكمي لي اتكلمي قلت ليك
كانت واقفه في الزاويه وبترجف قالت لي م متذكرة اي شنطه دي؟
قلت ليها بشوتك بالتربيزة دي بجيب اجلك، انا بسألك انتِ بتسأليني؟ مش نضفتي هنا انتِ؟ بترمي سااااي؟ اتصلتي سألتيني قبل م ترفعي حاجه هنا؟
قالت لي انا بس شلت الحاجات الما مهمة، م عارفه انت بتتكلم عن اي شنطه بس في شنطه طلعناها ونحن بنحول في الدولاب، امي شالتها قالت بتدسها ليك
حسيت برجولي بردو في اللحظه ديك وجسمي بقى م شايلني حتى اطرافي بقيت م قادر احركها وحركه لساني تقيله،
قلت ليها امي شالتها؟
هزت لي راسها وقالت لي وقعت منها صورة كدة لما شافتها قالت حتدسها ليك لمن تجي،
في اللحظه دي الدم وقف في راسي، وعرقت جسمي بقى راشح مويه والدنيا ضلمت في وشي،
بقيت اسمعها وهي بتقول سامر، سامر انت كويس بس الصوت بعيد شديد م قادر اجمع بعد مسااافه حتى استوعبت، كانت بتعاين لي بهلع
قلت ليها طيب جيبي لي مويه،
مشت وجات راجعه بسرعه، ادتني كبايه المويه،
قالت لي انت كويس ي سامر؟
قلت ليها ايوة بس مصدع، وانا برجف كنت كبايه المويه م قادر امسكها ف رميتها في ملابسي ووقعت اتكسرت،
قالت لي اجيب ليك حبوب دقيقه اجيب ليك حبوب، لمت الكبايه و
طلعت مستعجله، اخدت بعضي ودخلت الحمام غسلت وشي وراسي عشان اصحصح،
رجعت بعد 10 دقايق، لقتني بلبس في فنيلتي
قالت لي غسلت راسك؟ م تقعد تحت المروحه طيب، بتلتهب م̷ِْن يومك مصدع قلت دقيقه،
قفلت المروحه وفرشت لي واحد م̷ِْن السراير القلبتها وقالت لي دي الحبوب هاك ابلعها وارقد بترتاح،
قلت ليها تمام
قالت لي دقيقه، شالت ملايه ختتها في راسي وقالت لي عشان م تلتهب،
قلت ليها بكرة الصباح بدري شيلي لي الشنطه م̷ِْن امي وجيبيها لي فاهمة؟
قالت لي حاضر،
بقت واقفه بتعاين لي،
قلت ليها خير؟
م ردت واكتفت بي إنها م تحرك عيونها مني، بعد مسافهه قالت لي ي سامر انا بالنسبه ليك شنوووو؟
قلت ليها نعم؟
قالت لي انا بعني ليك شنووو؟ غير اختك؟
استغربت م̷ِْن شكل اسئلتها دي وفي وقت زي دة طبعا..ً
قلت ليها مالك انتِ في شنوووو؟
قالت لي انََت م شايف في شنووو م̷ِْن زمان؟ خليك م̷ِْن الشوف م بتحس؟
مش المفروض انك تحبني انا؟ مش المفروض تحب البتخاف عليك وبتهتم لأمرك وبتقضي ليك امورك م̷ِْن غسيل ومكوة ونضافه زي الخدامه؟
يبقى كيف بتعاملني زي الحاجه الكعبه؟لٱ وكمان بتمد يدك عشان تضربني كمان،
م شايف كل البعملو عشانك دة حتى لي اخواني اولاد امي م بعملو؟ م شايف قدر شنو انا بحبك ي سامر م بتشوف انت؟
الدهشه بقت مخيمه في المكان وعلي كل شي كان واقف وم طالع غير صوت ياسمين..
لما بديت استوعب هي بتقول في شنو وقتها إكتفيت ب : هعتبرك م قلتِ شي م̷ِْن الجن البتقولي فيهو دة ي ياسمين فاهمة؟ فاهمة ولا لأ؟بعدها هي طلعت، م فهمت اي شي غير إنها قالت بتحبني،
رقدت في السرير وعيني م نامت للصباح وم في مخيلتي غير الشنطه، الشنطه العند امي،
لما الصبح قال الصلاة خير م̷ِْن النوم، نزلت م̷ِْن مكاني طلعت لقيت كل المعي صاحين وبتجهزو للصلاة،
صلينا ومعانا ابوي، قال لي امشي شوف امك كان جهزت الشاي
قلت ليهو امي صاحيه؟
قال لي صحينا مع بعض، عشان تجهز الشاي لبضيوف،
مشيت عليها بسرعه، لقيتها بتصفي في الشاي،
قالت لي العريس صباح الخير،
قلت ليها صباح النور
قالت لي اها قايمين ولا شنووو؟
قلت ليها ايوة قايمين بعد شويه، لَگِن يْ امي عندي شنطه كانت تحت الدولاب قبل م ياسمين تحرك الدولاب بتاع غرفتي، ياسمين قالت الشنطه عندك انتِ، اديني ليها
قالت لي اي شنطه دي؟ بري م بتذكرها
كنت متوقع اجابه غير دي
قلت ليها امي ياسمين بذات نفسها قالت انتِ شلتيها منِْها وقلتي حتدسيها لغايه م انا ارجع
قالت لي بري والله م بتذكر متين دة الكلام دة؟
هاك شيل الشاي وديهو لي ضيوفك عشان السيرمس دة بقى ببرد الشاي، هاك شيل وانا بلحقك الكبابي والكيك دة
م عرفت ارد بشنو، م بقدر ابدي ردة فعل زي الابديتها لي ياسمين في اللحظه دي، ف مكان مني الا هديت اعصابي وشلت منِْها الحاجات ولحقتني البقيه،
على بال م نخلص شراب شاي والبستحمه استحمى والجهز جهز الشمس شرقت،
ناديت امي في غرفتي، وخليت ابوي يصحي لي ياسمين،
جو الاتنين مع بعض،
قلت ليها ياسمين انتِ قلتِ انو امي شالت الشنطه، وامي بتقول الشنطه م عارفاها وين، م بتاذكر، الشنطه انا عِن.̷̷̸̷̐ديّ فيها اوراق مهمة عايزها هسي قبل م اسافر
امي قالت ليها ياسمين انتِ دي ياتو شنطه دي؟
ياسمين عاينت ليها بإستغراب وقالت ليها امي؟
الشنطه الوقعت منها الصورة هنا وشلتيها وقلتي لي بدسها كيف يعني م متذكرة؟
قالت ليها ايوااااا صح صح شلتها انا قلت فيها حاجات مهمة، طلع فيها حجاب وورق كيف كيف ماكلو الفار م خلى فيها شي الفار، قمت رميتهم في الوساخه وزماااان ناس النفايات شالو الشوال حتى
ياسمين قالت لي بس خلاص وطلعت مشت
امي قالت لي كان عندك فيها شنو؟ كلها أكلها الفار انت راميها تحت هناك مالك؟ دي نتيجه اهمالك، كدي النلحق عِن.̷̷̸̷̐ديّ حله في النار م تطلعو لْۆ م فطرتو بجهز ليكم في الفطور
في الوساخهه؟ امي رمتهم في الوساخه؟ كل الفي الشنطه مشو الوساخه، قعدت في السرير وانا بفكر، ايوة الشنطه دي فيها اهم تفاصيل حياتي كلها، الكعب والكويس، الظاهر والمخفي كيف كيف تترمي في الوساخه..
❖
في المطبخ..
امي
اي ي بت
امي انتِ مش قلتي حتدسيها لي سامر؟ رميتيها كيف في الوساخه؟
لحظِهّ ; .. صمت
امي بتكلم معاك
قلت ليك رميتها ي بت، ومدام صاحيه غسلي العدة دي
ماشه انوم انا لٱ بغسل لٱ شي
❖
صحيت م̷ِْن الصباح اول حاجه عملتها عاينت لتلفوني شفت إذا فِيَه مكالمات م̷ِْن سامر ولا لأ، وم كانت في،
إتصلت عليه م رد،
رجعت اتصلت عليه تاني، برضو م رد،
قفلت على كدة،
كيس القروش لْۆ طلعته خالاتي وعماتي حيعملو منو موال طويل عريض، شلتو دخلتو في دولابي وقفلت الدولاب بالمفتاح،
فجر قالت لي ضروري نمشي الجامعه اليوم ي بت عندنا لاب الساعه 12 ضروري نحضرو،
قلت ليها ظابط نمشي، اصلاً انا م عايزة اقعد في البيت، بالفعل جهزنا ونحن طالعين على الجامعه لاقانا صخر طالع م̷ِْن البيت، لابس لبس رسمي، وقف وقال لي السيدة العروس،
قلت ليه السيد الهارب شينهه وحزينهه مڼڱ شديد
قال لي منو دة الهارب انا دة؟
ربعت ليهو يدي قلت ليه انا م تحضر عقدي ي صخر؟
قال لي ي زوله الزخيرة الانا فكيتها في عرسك اظن في المهمات الرسميه م فكيتها انتِ عويرة ولا شنووووو؟
فجر ضحكت قالت ليهو اااابشر.
قلت ليهو اصدمني وقول لي اتجلدتهه؟
ضحك قال لي لٱ الجلد دة نحن م ناسو وبعدين لٱ حول ولا قوة الا بالله يشهد •اللّہ̣̥ جايبه ليك زول جايب ليك ناس صحي رواعيهه م غلطان انا، سلاحي وسلاحك سفتي وسفتك واااااابشر ااااااااااازووووول حمرت ليه قلت ليه سخيف اسمهم ناس العز الجد جد بس م شغاله بيك انا قال لي يعني م رواعيه؟
قلت ليه رواعيه وناس خلا وعاجبني مالهم م ناس هاااااااااااا؟الرواعيه ديل انت ماكل م̷ِْن خيرهم لولاهم الا كان تقع لهط في البرسيم
ضحك وقال لي سمح م تتحسسي،
فجر قالت ليهو لَگِنْ انت م بتحرق الروح قال لينا ارح اركبو ماشين وين؟
قلت ليه الجامعه
قال لي الجامعه بعد اول يوم عقد؟راجلك دة م شايف شغلو والله
قلت ليه عقد زيو زي الخطوبه وين المشكله؟
قال لي انا لْۆ مكانو حأغير شديد لْۆ م الحنه دي طلعت م̷ِْن يديك م تتحركي شبر م̷ِْن البيت
قلت ليه ليييه مالها الحنه؟
قال لي سمحه وبتفتن
قلت ليه في عينك
قال لي طيب يلا اركبو اوصلكم خلي النقه الكتيرة، ركبت واتحركنا وفضل مشغلها لي وبضحك طول الطريق لغايه م وصلنا،
دخلنا الجامعه واللاب بدأ، فجر قالت لي جمانه م جات وتلفونها مقفول م̷ِْن قبيل بتصل، قلت ليها وانا كمان اتصلت م دخل معي، لَگِنْ ننتظر لنهايه اللاب لْۆ م جات نعمل ليها اتيندس
قالت لي ظابط
خلصنا لاب وفعلاً م جات، عملنا ليها حضور، وافترقنا انا رجعت البيت وفجر رجعت الداخليه،
عماتي وخالاتي مشو، فضلو امي وابوي لقيتهم قاعدين وممحنين، امي اول م شافتني قالت لي ي بتي زين م قطع راسنا، قطع راسنا زين،
قلت ليها فعلاً والله ي امي، انا كمان زعلانه وقلبي مقبوض شديد بس اعمل شنووو؟
ابوي قال لي حبوبتو وشالتو م بتقدري تقولي شي
امي قالت ليهو حبه تخنقها المرة ام وش زي الفطير دي، م حلا ليها الا بعد كبر وبقى حلات الدنيا عليهو معانا؟ابوهو قال شنو كلمي ابوهو خلي ترجعو
ابوي قال لي اوعي تسمعي كلام امك ولا تدخلي عشان تخلقي ليك مهاترات مع الناس ساي وانتِ لسه م دخلتي فيهم كويس، شالتو بس شالتو وقت م جابتو تجيبو..
قلت ليهم انا سألت الشاهين وقال انو امو عايزاهو يقعد كم يوم معاها، وقال انو كونها طلبت تسوقو معاها البيت م̷ِْن تلقاء نفسها دة براهو بالدنيا
امي قالت لي ومن زمان مالها؟
ابوي قال ليها بصوت حاد بُثينهه؟
قالت ليهو خلاص ي حاج اها سكتته خشمي دة مسكتو علي.
قلت ليهم بالمناسبه دقيقه..
مشيت فتحت دولابي طلعت كيس القروش وجبتو ختيتو ليهم
ابوي قال لي دة شنووو؟
قلت ليهم دي قروش، الشاهين قال...الخ
امي قالت لي كل القروش دي جمعوها ليك ي بت؟
قلت ليها اي
قالت لي ووووووبعلي، قامت فتحت الكيس وقالت لي كم دي هسي؟
قلت ليها م عارفه المهم دي قروش
قالت لي اها وحتسوي بيها شنووووو؟
قلت ليها انتو حتسو بيها شنووووو؟ انا م عايزه منها شي
ابوي قال لي دي قروشك اتجنعت بآسمك شيليها دقي ليك بيها دهب بنفع لليوم الاسود
قلت ليهو ابوي انا لٱ عايزة دهب ولا بحبو ولا شي، انت مش مكان الخدار دة كنت عايز تزيد عليه وتعملو خدار وفواكه؟ يلا بس ي ابوي جيب اللحام يزيد ليك الطبليه دي ويصلحها ليك بالمرة، واشتري ادويتك كلها ولا اقول ليك خلي انا بمشي بجيبهم ليك وحتمشي تعمل فحوصات ي ابوي عشان نشوف وضع الكلى دي هسي كيف، ، وافضل نمشي نعمل فحوصات عامه برضو، بكرة نمشي، وأدي منها صخر حق كم شهر مقدم، المهم شوفو المناسب واعملوه بيها انا ماشه انوم..
دخلت الغرفه غيرت ورقدت في السرير واتصلت على سامر رقمو داخل م برد، رسلت ليه رساله بتقول"طمني عليك اول م تصل "
❖
م كنت في وضع بسمح لي ارد على اي مكالمه او اتفاهم مع زول، شايف مكالمات شهد ومستلم رسايلها وانا في الطريق بس الرساله م قادر ارد عليها، جزء كبير فِيَه اهم تفاصيل حياتي رغم انو السيء فيها هو الجزء الاكبر إتنزع مني في لمح البصر، الضباب كان مخيم في مخيلتي، إحساس الفقد الكنت شايفو ماضي بالنسبه لي حسيت نفسي بعيشو بشكل لحظي بضياع الحاجات دي، ايوة اهون عِن.̷̷̸̷̐ديّ انها تضيع وتترمي في الزباله بدل م انها تقع بين يدين زول، انها تقع بين يدين زول دي بالنسبه لي كأنها بدايه النهايه، عمر كامل وانا عايش عشان امحي الإترمى دة بس كنت بمحيهو وبتخلص منو في مخيلتي م في الحاجات المحسوسه...
❖
شهد، جمانه دة اليَوُمًًِ التاني لٱ في منها تلفون ولا حتى بتجي الجامعه،
قلت ليها قلقانه عليها والله، ان شاءالله اخوها م يكون عمل ليها حاجه عشان اتأخرت
فجر قالت لي هو م عارف إنها جايه اصلاً
قلت ليها كيف يعني م عارف؟
قالت لي كدة عديل والله،
طيب نمشي ليها؟
اي احسن خلينا نمشي ليها عشان نتطمن..
❖
في بيت اهل جمانه..
اهلاً ي بناتي اهلاً كيفكم ان شاءالله بخير، والف الف الف مبروك ي بتي ربنا يتم.ليك على خير
تسسسلم ي خالتو ان شاءالله ي رب عقبال البنات كلهم كمان
قالت لي امين والله عايزين نجيكم ي بتي لَگِنْ لسسسه نحن مع الوفاة وناسو وضيوفنا ماشين لسه
قلت ليها يديك العافيه ي خالتو م بتقصري،
فجر قالت ليها جمانه وين؟ بنتصل عليها م بترد، وليها يومين م̷ِْن الجامعه
قالت لينا والله ي بنات جات بجاي ظهر لينا وفاة مرت عمهم شقيق ابوهم طوالي، اها انا م بقدر امشي شويه عيانه مشو هم واخوانها كلهم وخلوني انا براي
قلت ليها لٱ ياااخي البركه فيكم عشان كدة تلفونها مقفول قلقنا عليها
قالت لينا لٱ والله ماف شي بس بكون م مشحون شان كدة..
قالت لينا دقيقه ي بنات بس اسوي العصير واجيكم
قلت ليها لٱ ي خالتو مرة تانيه
قالت لي بري والله م بتمشو دقايق بس
مشت دخلت المطبخ فجأة سمعنا صوت بنادي برة بنبرة حادة، جمانه، جليله، ي بنات، جا داخل وهو بقول وينهم هم البنات د..
قبل م يتم كلامو شافنا قاعدين سكت
انا وفجر بقينا نعاين لبعض..
امو جات طالعه قالت ليهو جيت؟ كويس انك جيت ديل صحبات جمانه سلم عليهم بسألو منها، تلفونك مقفول مالو؟ مرت عمك اتوفت واخوانك كلهم هناك الا مباري لي الشغل البعيد دة
الولد سلم علينا ودخل مع امو المطبخ بعدين جا طالع وطلع على طول،
امو جابت لينا العصير وقالت لينا شغال بودوهم مكانات بعيدة برة الشبكه هو مهندس مدني
قلت ليها اهااااا صح فعلا..ً
اتونسنا معاها كداااا بعدين رجعنا،
حاولت اتصل على سامر رقمو مقفول، رسلت ليه قلب مكسور، وعدة اسبوع لٱ حاول يتصل ولا حاول يتطمني حتى برساله ودي واحدة م̷ِْن عيوب انك تحبي ليك زول بينك وبينو مسافات، لٱ بتعرفي هو كويس ولا لأ وكل الوقت بالك مٍشغوٍلًً وعقلك يودي ويجيب وقلبك واجعك
❖
ذات جلسه ما..
ي سامر لٱ إله الا •اللّہ̣̥؟
محمد رسول •اللّہ̣̥
ي ولدي اطلع م̷ِْن المستنقع الانت فيهو دة، حياتك ديك انتهت م محسوبه وهي اصلاً م كانت حياتك مش دة الشي الانت وصلت لي هنا بسببو؟ مش دي كانت قناعاتك؟
بتقول إنك اتخطيت الماضي دة بس انت لسسه عايش جواهو رغم صُغر سنك لما حصل، حياتك ضلمه بسببو، بتفكر في حاجه م بتستاهل مڼڱ كل دة، مستنزف روحك وطاقتك في الخوف م̷ِْن الماضي دة، انا معاك في خصوصيتك الشديدة، ومعاك في عدم إظهارك للجانب دة م̷ِْن حياتك، ومعاك في كل شي ي حبيبي بس هسي عايزاك ترميهو زي م اترمى في الزباڵهٍ، إتخلص منو واقيف قدام نفسك وعاين للجانب بتاع إنك م ليك ذنب، انو دي م حاجه تتعاب بيها، انو دي إرادة ربنا كدة، إنو هسي بين الالاف م̷ِْن البشر حاصل ليهم الكان حاصل ليك دة، إنو خوفك المبالغ فِيَه وتوترك الزائد م̷ِْن الماضي دة حيأثر على مستقبلك عاجلاً ام اجلا، عايزكً تساعدني بمحي الشي دة م̷ِْن مخيلتك زي م الشي دة اتمحى في الورق، امحيهو م̷ِْن مخيلتك، بطل تفكر ي إبني بطل تفكر، نحن اتخطينا مراحل كتيرة وطولت م شفتك بالحاله الانت فيها دي، وكنا شبه اتخلصنا م̷ِْن العُقدة دي كيف رجعنا لنقطه الصفر دي تاني..
❖
لما جا اليَوُمًًِ العاشر حتى إتصل،
اول م التلفون رن وشفت إسمو فتحت الخط وقلت ليه بعتباب بعد عشرة يوم؟ برضو كتر خيرك
قال لي مشتاقين
قلت ليه م بالأكتر
قال لي اشتقت ليك شديد
قلت ليه تسلم
قال لي مشتاق ليك جداً جداً جداً
قلت ليه المشتاق بطمن الناس عليهو م بغيب وبحضر على كيفو
قال لي معليش حقك علي
قلت ليه نووووو زعلانهه
قال لي زعلانه فهمناها الكلمه القبليها معناها شنوووو؟
ضحكت قلت ليه اسأل اقرب زول خلا جمبك طيب
ضحك وقال لي خلاص ثبت علينا اللقب شكلو
قلت ليه ااايو
قال لي كيفك؟
قلت ليه الحمدلله وانت كيفك؟ وليييهه م بتتصل ولما اتصل عليك م بترد؟
قال لي كنت مٍشغوٍلًً ي شهد والله وماف شبكه حكيت ليك قبل
قلت ليه مٍشغوٍلً؟ً
قال لي ماف شبكه حتى للرسائل ماف
قلت ليه وهسي؟
قال لي طلعت م̷ِْن الخلا جيت حته كدة زي المدينه بالنسبه لينا شان اكلمك واطمنك عارفك بتكوني زرعتي الف قصه في راسك، شويه كدة وراجع تاني
قلت ليه حته يعني بتركبو ليها المواصلات؟
قال لي اي مسافه تلاتهه ساعات وزيادة بالمواصلات م عِن.̷̷̸̷̐ديّ بنزين جيت بمواصلات
سكتت
قال لي الوووو؟
قلت ليه جيت عشاني؟
قال لي احلف ليك؟
قلت ليه لٱ بس لسسه م نفسك ترجع؟ وكمان زين، مشتاقه ليهو شديد ومن ساقوهو اتكلمت معاهو كم مرة بتلفون يمن لَگِنْ عايزة اشوفو
قال لي خلاص تمام، كلها كم يوم وارجع نمشي نجيبو سوا
قلت ليهو جد؟
قال لي جد ي شهد،
فجأة سمعت صوت بقول:
تعلن الخطوط الجويه الإماراتيه عن إقلاع الطائرة رقم... المتوجه نحو...
قلت الوووو؟
سامر قال لي اي معاك،
قلت ليه في صوت
قال لي اي ياااخ دة الرادي عاملين مقابله مع واحد م̷ِْن مسؤلين المطار دة بقولو.
قلت ليهو اهااااا طيب،
بقينا نتكلم مع بعض قرابه الساعه بعدها جمانه دخلت علي وانا بتكلم، وكانت بتتصل كتير
قلت ليهو سامر ثواني بس جمانه بتتصل علي كتير هي زاتها مختفيه م̷ِْن يوم العقد دقيقه ارد عليها
قال لي طيب، انا زاتي راكب المواصلات راجع احتمال تلقيني برة الشبكه،
قلت ليهو لٱ، لٱ م عايزة، م ترجع قال لي شهد دي ٱڅڑ عربيه لْۆ م ركبت تاني الا كان انوم في مكاني دة
قلت ليه طيب لْۆ لقيت طريقه ارجع لي
قال لي حاضر شوفي صحبتك
قفلت منو ورجعت لي جمانه اول م فتحت الخط قالت لي ..
شوهني ي شهد شوهني
قلت ليه في شنو ي جمانه مالك؟
قالت لي ضربني وحلق لي شعري ي شهد حلق لي شعري زي الأولاد ي شهد
بقيت برجف، وهي بتبكي قلت ليها جمانه في شنووو احكي منوووو ومالك؟
قالت لي م قادرة اتكلم خشي واتساب، خشي هسي، وقفلت الخط، رجعت ليها م بترد،
فتحت الشبكه وفتحت الشات كانت مرسله في قروبنا نحن ال 3،
فتحت الرسائل لما الصور فتحت معي رميت التلفون م̷ِْن يدي وصرخت،
جسمها كلو اثار متحوله لسواد، وشعرها محلوق صلعه نمرة واحد
امي جات جاريه قالت لي ي بت مالك؟ مالك ي بت بسم الله؟
بقيت ببكي،
شالت التلفون وبقت تعاين
قالت لي دي منو لٱ إله إلا •اللّہ̣̥ دي منو ي بت ومالها الحصل عليها شنوووو؟
بقيت ببكي بأعلى صوتي، جمانه كانت حالتها تحنن الكافر، كأنو دة م البت الكانت معي يوم عقدي بشعرها الطويل ولونها وملامحها ديك كلها ممحيه،
شلت التلفون اتصلت عليها فتحت الخط
قلت ليها جمانه انا جايه عليك، قالت لي شهد م تجي بتعقدي الموضوع اكتر،
قلت ليها لٱ جايه، اخوك دة م طبيعي، حيموتك، عمل فْيَگ كدة م̷ِْن متين وكيف وليه؟
بقت تبكي
قلت ليها جمانه •اللّہ̣̥ يخليك فهميني مالو معاك؟ نحن كنا في بيتكم قبل كم يوم وامك قالت لينا في الوفاة وتلفونك مقفول
قالت لي امي كذبت عليكم ي شهد، كلنا كنا في البيت بس بحالتي دي م خلوني اطلع اقابلكم
قلت ليها كيف يعني؟ حتى خالتو؟
قالت لي كلهم ي شهد م عندهم شي يعملوه غير انهم يتفرجو علينا ونحن بنتعذب كدة
قلت ليها طيب ي جمانه براحه فهميني ليه عمل كدة انتِ عملتي شنووووو؟لانو دي عمايل زول حاقد ومغبون م زول طبيعي ي جمانه
بقت تبكي
قلت ليها فهميني يمكن اقدر اساعدك •اللّہ̣̥ يخليك
قالت لي م عملت شي، م عملت شي غير انو جيت عقدك وم كلمتو بس امي واخواتي عارفين، واظن ولد عمي برضو عرف وكلمو ف اتلقاني م̷ِْن الباب وعمل فيني كدة، قال لي م مشيتي عقد مشيتي لفيتي، قال عني إني لافه وبعمل في حاجات م كويسه عشان كدة بدس منو ي شهد وانا الباب م بعتبو الا امشي الجامعه وارجع م̷ِْن الجامعه، قال لي انا بوريك وعمل فيني كدة، انا عايزة اموت وارتاح م̷ِْن المعاناة دي ي شهد يوم حيقتلني، حيقتلني يوم ي شهد
بقيت ابكي، اتفقعت بكى لأنو الحصل ليها دة بسببي انا، م فكرت في الحته بتاعه صعوبه اخوها او جنو بالمرة دي،
قلت ليها جمانه طيب امك م بتقدر تتكلم معاهو او اخوانك التانين؟
قالت لي لْۆ بقدرو م بتشوفيني كدة ي شهد، امي كل البتقولو لي م تعملي البقول ليك م تعمليهو، يعني لْۆ قال لي م تتنفسي مفروض م اتنفس برضو، امي بتكوس رضاهو على حسابنا نحن ي شهد، على حسابنا نحن بتكوس رضاهو
سكتت، قلبي كان حيطلع م̷ِْن محلو واول مرة أحس يدي مكتفه كدة،
قلت ليها طيب ممكن اجيك؟ ممكن اجي اوضح ليهو انك كنتِ في عقدي؟
قالت لي لا م تجي، كدة بتعقدي الموضوع شديد ي شهد ممكن يكسر رقبتي لْۆ عرف اني حكيت لزول، ادعي لي بس ي شهد، ادعي لي ربنا يطلعني م̷ِْن البيت دة ي اهج واسافر، ي اما اعرس اي زول يجي يدق الباب دة والله ي شهد كان بقى شنو بعرسو، المهم هسي إتصلت عليك عشان اقول ليك انو اخدو لي اتيندس في المحاضرات وكدة
قلت ليها حبيبي ي جمانه بجد م عارفه بس قلبي واجعني شديد عشان انا السبب
قالت لي م تاخدي في بالك ي شهد وبعدين انتِ م السبب هو.اصلاً كايس ليهو سبب م̷ِْن زمان بقول لي الا اشوهك، الا احلق ليك شعرك، يعني دي حاجات في نفسو لْۆ م عملها م كان حيرتاح
قلت ليها اخوك دة سايكوتك، غالباً تكون حالتو دي بقولو عليها في علم النفس ساديه، مستحيل يكون طبيعي
قالت لي م علينا المهم طمنيني انتِ كيف وخالتو وخالو وفجر لقيت منها رسائل كتيرة م قدرت ارد عليها او احكي ليها لانها متهورة وممكن تجي تخرب اي حاجه
قلت ليها الحمدلله، بس اي تصرف تجاه عمايل اخوك مُبرر ي جمانه، مستحيل زول يعمل عمايل زي دي يكون طبيعي افضل يراجع طبيب او امك تخليه يراجع طبيب لْۆ خلتو كدة ممكن يعمل اعظم م̷ِْن كدة
قالت لي اعظم م̷ِْن كدة تاني الا الموت ي شهد الا الموت بس، المهم حأقفل لانو باب الشارع فتح شكلو هو، برجع ليكم بعدين في الواتساب..
قفلت مِڼّي وقعدت ابكي واحكي لي امي وهي تتحسر وتتحسبن، حسيت بحبل معلق في رقبتي م̷ِْن الخنقه ومن احساس انو يدي مربطه م قادرة اساعدها وهي في الحاله المُذريهه دي اي زول واي اخ واي ضمير حي وطبيعي ممكن يخلي الزول يعمل كدة حتى في زول غريب خليك م̷ِْن انها اختك م̷ِْن لحمك ودمك، إتصلت على فجر وحكيت ليها، حلفت ستين يمين تلبس تمشي ليها وتفتح فيهو بلاغ تعدي
قلت ليها فجر م بغلبنا نعمل كدة، بس كدة نحن بنجيب ليها الأذى اضعاف م هي عاشتو هسي، دة زول مريض، مشكلتو كلها بتتمحور حوالين شخص في حد زاتو بدون اسباب
قالت لي مّرَيَضّ لنفسو انا م بقدر اقعد
قلت ليها وانا م قادرة اقعد بس خوفي عليها مقعدني، م تنسي انا مهند عيشني نفس المأساة بس الفكرة في انو كيف نتصرف بدون تهور وبدون م نأزيها؟رجعنا اتكلمنا معاها، وبقينا نتكلم معاها بشكل يومي ونتطمن عليها ڤيديو، وهي ماشه في تحسن، فجر يوم اتصلت علينا وقالت لينا عِن.̷̷̸̷̐ديّ ليكم مفاجأة خشو واتسب،
لما خشينا رسلت لينا صورة ليها وهي حالقه شعرها وقالت لينا سبرااااايز تحت شعار دعي عنقك يتنفس
ضحكت قلت ليها الحمدلله متنفس طبيعي
قالت لي حظك ي بت هَ اآ والله زهج ساي وسخانه راحه م عاديه كدة..
فجر شهمه شديد، واللطف واطيب واحن كائن ممكن يلاقيك وتصاحبو، بتعيش معاك كل اجواء حياتك وبتقيف معاك لحظِهّ ; .. بلحظه، هي اكتر كائن بحب شعرو الطوال حتى اطرافو كانت بتنفسن لما تواسيها، بس لما شافت جمانه وحالتها البقت فيها معظم الوقت لابسه طاقيه او لافه الطرحه في راسها وهي بتتكلم معانا ڤيديو حبت تطلع منها الُعقدة دي بالطريقه دي وفعلاً نجحت في كدة انا زاتي شلت مقص ابوي واسيت شعيراتي وسرحتهم ورسلت ليهم الصور
عدت الايام، يوم ورا يوم لغايه ث وصلنا 21 يوم،
في يوم اتصلت علي يمن قالت لي طبعاً ي شهود سامر عيد ميلادو قرب، ويوم عيد ميلادو عايزين نعمل ليه سبرايز وكدة
قلت ليها جد؟
طيب حلوووو
قالت لي هو جاي الاسبوع الجاي صح؟
قلت ليها ايوة حسب كلامو كدة
قالت لي حلو، طيب عايني نحن حنعمل العيد ميلاد في بيتنا،
قلت ليها طيب
قالت لي گلّمّتگُ عشان لْۆ عندك شي مميز عايزة تحضريه ليهو حركات المتزوجين ومخطوبين ديك ممكن تعمليها بس حبيت انبهك عشان دة اول عيد ميلاد ليكم مع بعض
قلت ليها فعلاً تسسلمي ي جميل
قالت لي العفووو انتِ تأمري امر حبيبي
رسلت للبنات قلت ليهم عيد ميلاد سامر يوم... عايزاكم تساعدوني بأفكار اجيب ليهو هديه مميزة، اجيب ليهو شنوووو؟
فجر قالت لي زولك دة إلا تجيبي ليهو خرفان هديه
قلت ليها ها ها ها م بتضحك
جمانه قالت لي عايني شوفي اكتر حاجه هو بحبها واعملي ليهو منها هديه
قلت ليها المشكله م متذكرة
قالت لي فكري فيها بتلقيها، حاجه هو بحبها وميال ليها شديد
قلت ليها انا وزين
فجر قالت لي خلاص نغلفك ونقدمك ليهو
قلت ليهم القهوة والمرة الفاتت اديتو بوكس قهوة،
كدة بحاول افكر، فضلت يوم كامل بتذكر سامر بحب شنو بحب شنو بحب شنو، وبفتش على افكار هدايه وانا بكنس في الحوش فجأة جات كورة واقعه في البيت م̷ِْن الشارع، والباب دق،
مشيت فتحت لقيتهم اولاد الحله قالو لي عندنا كورة وقعت هنا، عيني وقعت على الكورة اشرت ليهم عليها اثناء م الولد دخل وشايلها اتذكرت انو الشاهين بعشق حاجه اسمها كورة، قلت بسسسس خلاص،
رسلت لي يمن قلت ليها ي السمحه
قالت لي عِيوني
قلت ليها عايزاك في خدمه بسيطه ساعديني
قالت لي حاضر احكي
اتحمست شديد وانا بجهز في الهديه دي ويمن ساعدتني شديد،
عدت الايام لغايه م سامر جا راجع، سبحان •اللّہ̣̥، جا راجع قبل عيد ميلادو بكم يوم،
اول حاجه عملها بعد م وصل البيت جاني، م صدقت طبعاً انو جا لانو قال لي جاي بس م حدد لي متين بالضبط، كنت ملهوفه ليهو لشوفتو اكتر م̷ِْن كل شي، كان شكلو زي العيان
بعد قام طالع ابوي قال لي وصلي راجلك خشم الباب، مشيت وراهو لما وصلنا جم الباب مسكني وباسني في راسي مساااافهه وهو ساكت
قلت ليه شكلك م طبيعي غير كل المرات انت عيان؟
قال لي ابداً ارهاق السفر بس
قلت ليهو اهااااا،
قال لي بكرة اجيك تمشي معي عشان نسوق زين؟
قلت ليهو لٱ خليها يوم الثلاثاء،
قال لي تمام بتصل عليك
قلت ليهو حاضر..
شكلو كان بيوحي بالحزن وهزيل كدة اول مرة اشوفو كدة، بس قلت يمكن فالاُ ارهاق الشغل
يوم بيليه يوم لغايه م جا يوم الثلاثاء، اليَوُمًًِ الموعود اللي هو يوم عيد ميلادو
جا ساقني بعد اذان العصر، ونحن ماشين في الطريق طول الطريق هو ساكت وابداً هو م كدة، لقيت نفسي مسكت يدو وقلت ليه الشاهين انت مالك؟
قال لي مالي ي شهد؟
قلت ليه انا بسألك
ضغط على يدي وهو بعاين لي، قال لي مرهق بس الفترة دي وبصدع كتير
قلت ليه طيب خلينا ندخل الدكتور
قال لي لٱ ي زوله م بحتاج دكتور
قلت ليه لٱ بحتاج •اللّہ̣̥ يخليك خلينا نمشي الدكتور عشاني، نعمل الفحوصات ونتطمن بس
قال لي حاضر ي شهد بكرة ان شاءالله بمشي
قلت ليه لٱ نمشي
ضحك قال لي نمشي، نمشي ي شهد
بقيت اعاين ليهه، يخواني ملامحو الرايقه المخلوطه بالجديه وشويه كدة مايله على هموم ومسؤليه تتحب جداً،
فضلت متنحه فِيَه لغايه م وصلنا،
استقبلتنا ياسمين، اول حاجه عملتها حضنتني وقالت لي عروستنا اول يوم في بيتنا الف الف الف مبروك معليش يوم العقد م قدرت اجي وكدة بس اعفي لي
قلت ليها العفووو عذرك معاك، سامر في اللحظه دي مسكني م̷ِْن يدي
وبقى ضاغط عليها شديد، دخلنا جوة كان كلهم مجتمعين حتى انو استغرب وقال ليهم لمه في الحرم ان شاءالله
قبل كل شي زين اول م شافني جا جاري ومسك فيني، حضنتنو وقلت ليه مشتاااقين مشتاقين حبيبي،
قال لي ماشي معاك سوقيني
قلت ليه انا اصلاً جايه عشان اسوقك
خالتو منال قالت لي بري والله ولدنا م بتسوقي تاني
في اللحظه دي حصلت لحظِهّ ; .. صمت م جا منها غير صوت زين وهو بقول: انتِ اسكتي هس اسكتي، بمشي معاها بمشي ورجع قبض في ملابسي بكل قوتو،
قلت ليه حاضر تعال شلتو وبقيت اقول ليه م اشتقت لي؟
بعد م فضلونا وضيفونا وبدينا نتونس، فجأة يمن قالت لي شهد تعالي المطبخ ساعديني في حاجه،
قلت ليها تمام، مشيت وراها لما وصلنا قالت لي اها كل شي تمام م كلمتيهو صح؟
قلت ليها ابداً
قالت لي وهديتك ظبطت؟
قلت ليها ايوة ظبطت هههههههههههه
قالت لي طيب بس العصير دة محتاج سكر انا خلطتو بس م سكرتو، سكريهو معي، انا ماشه اطلع طقم كبابي وجايه هسي
قلت ليها تمام
بعد 5 دقايق سامر جا داخل، قال لي بتعملي في شنووو انتِ؟
قلت ليه بطعم في العصير، كويس إنك جيت، هاك ضوقو لي عشان احياناً يدي بتفلت في السكر
قال لي طيب وهو بعاين لي
قلت ليه مالك؟
قال لي سمحه وانتِ ست بيت كدة، انا شايف انو افضل نستعجل للعرس دة، قلت ليه بطل وهاك يلا،
شال كبايه العصير شرب منها شويه وقال لي م عارف والله، ماسخ شديد
قلت ليه بالجد؟
قال لي شوفي انتِ هاك، شربني م̷ِْن الكبايه ورجع شرب منها قال لي كدة ممكن نقول تمام، بس اااااااا قرب مني
بقيت اعاين ليه بغيظ، وهو بتبسم بكل برود
جات يمن داخله شايله الكبابي، قالت ليهو سامر في المطبخ؟ غريبه
قال ليها طالع اصلاً انا، وطلع،
قالت لي جهزنا كل شي بس فاضل العصير يلا استعجلي،
قلت ليها هو شبه ظبط خلاص، شلناهو ووديناهو المكان العاملين فيهو عيد الميلاد، بعدين يمن قالت لي دخل غرفتو امشي جيبيهو،
ياسمين قالت ليها خلي انا بمشي اناديهو،
يمن قالت ليها لٱ خلي شهد تمشي، شهد غرفتو بجاي ٱڅڑ الممر
قلت ليها تمام،
مشيت دقيت الباب ووقفت في الباب، قلت ليه عايزنك
قال لي منوووو؟
قلت ليه ناس البيت،
جا طالع قال لي يلا طيب، وصلنا مدخل الصالون يمن قالت ليهو سبرااااااااايز،
كانو مجهزين سُفرة كامله بكل فخامه
قالت ليهو Happy birth day ي سمسم
وقف متفاجئ، متفاجئ حد تغير الملامح، م انبسط ابداً بالعكس ملامحو اتغيرت 180 درجه،
قالت ليهو اي عارفنك اول مرة تتفاجئ واول مرة نعمل ليك عيد ميلاد بس المهم كل سنه وانت طيب يعسل وان شاءالله العمر كلووووو وحضنتو، وبقو يعايدوه م̷ِْن ضمنهم امو قالت ليهو م متعود بس عشان كدة مخلوع شديد ههههههههه..
يمن قالت ليهو تعال عشان نطفي الشمعه، طفوها، كانو كلهم قاعدين حتى مرت اخوهم عبدالرحمن واولادها،
امو قالت ليهو عرس وعرسته وشغل والحمدلله نتمنى ليك شنو غير راحه البال وربنا يهدي سرك
سامر عاين ليها وهو ساكت مسااافه حتى قال ليها ماف احسن م̷ِْن كدة
كلهم جابو ليهو هدايا،
تماضر قالت لي بتنا م اتوفقتي تجيبي هديه ولا شنووووو؟
يمن قالت ليها الحاجات المميزة بتتقدم بشكل منفرد مش ي شهد؟
هزيت ليها راسي
تماضر عوجت لينا خشمها وقالت لي اها العرس متين م حددتو
قلت ليها لسسسه،
قالت لي قدامكم كتير يعني؟
بقيت اعاين لي سامر وهو سرحان
م عدينا سَآعهْْ سامر قال لي اوصلكم انتِ وزين عشان ماشي الكورة
قلت ليهو تمام،
امو قالت ليهو زين ماشي بيهو وين؟
قال ليها سايقو معانا
قالت ليهو لٱ ...
قبل م تتم كلامها شالو وقال لي ي شهد اللحقيني يلا ي جماعه في امان •اللّہ̣̥،
زين بقى يقول ليها بااااااي، باااااي،
طلعنا ركبنا العربيه كان متضايق شديد، لدرجه انو برجف
قلت ليهو سامر بسم •اللّہ̣̥ مالك؟
قال لي قلت ليك م̷ِْن قبيل مصدع بتسألي كتير كدة مالك انتِ؟
قال لي الكلام دة بي نهرة كدة
سكتت وانا بعاين ليه مخلوعه طبعاً م̷ِْن ردو
اتحركنا وهو طول الطريق ساكت وانا كل م زين يفتح موضوع ويقول بابا بمسكو وبشغلو بحاجه لأنو سلفاً م برد ليهو،
وصلنا البيت قلت ليه دقيقه بس م تتحرك ممكن؟
قال لي في شنوووو؟
قلت ليه بس 5 ثواني •اللّہ̣̥ يخليك،
قال لي ټمٱم اسرعي
نزلت بسرعه ضربنا الجرس ابوي فتح، اول م شاف زين قال ليهو اووووووو جدو، وشالو وبقى يسلم عليه ويقول ليه م فقدتنا ي زول،
خليتو واقف ودخلت غرفتي فتحت الدولاب طلعت البوكس المجهزاهو لي سامر وجيت راجعه لقيتو بتونس مع ابوي، ابوي اول م شافني قال لي زين تعال نسلم على حبوبه، زين قال لي دي شنووووو؟
ابوي ضحك قال ليهو انت مالك؟ وشالو ومشى، قلت لي سامر افتح الباب،
فتحو لي ركبت وختيت البوكس قدامي، وفضلت ساكته وهو ساكت
قلت ليهو م نفسك تسأل دة شنوووو؟
قال لي دة شنووووو؟
قلت ليهو قايلها بدون نفس
ضحك وهو بعاين لي مسكت يدو في اللحظه دي وقلت ليه اول عيد ميلاد ليك معي رغم إني م عارفه مالك بس •اللّہ̣̥ يخليك اطلع م̷ِْن الحاله الانت فيها دي بتخوفني، لْۆ انا السبب فيها كلمني
قال لي ابداً ي شهد هههههه انتِ سبب وجودي هنا وإلا حالتي دي م كان خليت زول يشوفني بيها،
قلت ليه طيب بكرة نمشي الدكتور؟
قال لي حاضر
قلت ليه هل واضح اني جايبه ليك هديه؟
بقى يعاين لي وليها، قال لي دة كلو جايبه فيهو شنووووو؟
قلت ليه افتحها..
يلا
رفع غطى البوكس وبقى يقلب فيهو وقال لي ي سلاااااااااام، عرفتي م̷ِْن وين؟
قلت ليه م̷ِْن كترة گلآمَگ عن الكورة عرفت انك بتحبها ف بس،
كنت جايبه ليه طقم كامل بتاع كورة، فِيَه جزمه وملابس كورة بالاسود، وكفر، وعطر،
واخيراً لوح كدة خشبي مربع مجمعه فيهو مجموعه م̷ِْن الصور حقتو ومطبوعه فِيَه، طبعاً اكتشفت انو هو بعشق حاجه اسمها حيوانات ورحلات بريه، والصيد والكلام دة، يمن رسلت لي كميه بتاعه صور ليهو وهو متصورها في البر ومع الحيوانات، اخترت جزء كبير منها ومشيت لمحل جمعهم لي في لوح، واهم شي كانت صورة كدة قديييمه لي امو ومعاها طفله خليتهم يعملوها لي في الوسط، اثناء م هو بعاين للحاجات قال لي دقيقة شال لوح الصور دة وبقى يعاين فيهو بي دهشه وإستغراب كدة،
قال لي بنبرة م بقدر اوصفها الصورة دي جبتيها م̷ِْن وين؟
قلت ليه اي صورة قصدك؟كلهم رسلتهم لي يمن
قال لي يمن رسلت ليك الصورة دي؟
قلت ليهو ايوة ي سامر مالك؟
نبرتو وملامحو كانت غريبه وفجأة اتحول
قلت ليه في شنوووو؟
قال لي انزلي ادخلي البيت
قلت ليهو طيب قول لي في شنووو بسم الله؟
شال البوكس وختاهو ورا وقال لي انزلي ي شهد،
نزلت واتحرك بسرعه غريبه حتى إني م نزلت كويس..
❖
، ي خالتي الحاجات الكلمتك عنها م اترمت في كيس الوساخهه، الحاجات دي حالياً عند زول في البيت، في زول في البيت في يدو الحاجات دي، اليَوُمًًِ عملو لي عيد ميلاد وقلت يمكن صدفه اتذكرتها امي، بس الصورة، رسلو لي شهد صورة امي، اهدأ كيف انا اهدأ كيف؟ بقول ليك رسلو لي شهد صورة والرسلها دة اكيد عارف نفسو هو بعمل في شنووووووو م ساي، متأكد انا م سااااااي كأنو في زول عايز يمسكني م̷ِْن يدي البتوجعني...