الفصل الثاني والأربعون
#
قلت ليهو سامر بحس بيك مجتهد شديد علشان ترضيني، انا بالجد م عايزة مڼڱ كل دة و..
قال لي مجتهد؟ هو يا مرهه ها خلي العوارة، صدقيني دة الطبيعي بتاع اي راجل بحب مرتو بغض النظر عن الطريقه الممكن يعبر بيها بس الحاجه دي بتجي زي م بقولو تلقائيه كدة بدون جهد وتكلف انا بعمل كدة لاني بحس نفسي داير اعمل كدة ..
قلت ليهو مَرّهٌ في عينك م تقول لي ي مَرّهٌ
ضحك قال لي م صحي مَرّهٌ انتِ م مَرّهٌ؟
قلت ليهو اسمي شهد
قال لي لٱ مرتي اها الراي شنو بعد كدة ...
قلت ليهو خلاص ي صحبي
قال لي صحبي؟ عارفاني م بطيقها صح؟
قلت ليهو ايوة ي صحبي
عاين لي بغيظ ضحكت و قلت ليهو لٱ بالجد مالك معاها الكلمه دي؟
قال لي بس كدة م بتنزل لي نهاائي بالذات مڼڱ تتذكري لما قلتِ لي ممكن نبقى اصحاب..
قلت بيهو اااايوة وقتها قلت لي م اظن اكتفي بيك ك صاحب طبعاً م كنت فاهمة قصدك بس مشيتك ولا عارفه اننا ممكن في يوم نوصل لهنا ابداً
قال لي فاهمة بس اتغابيتي واتغاتتي نظام تتقلي وحركاتكم البتسوها دي، وعلى فكره انا جد كنت جادي يعني اصحاب دي شنوو؟
قلت ليهو كنت؟ طيب وهسسي؟
قال لي هسسي شنوووو؟
قلت ليهو م تتغابى
قربني عليه وقال لي م اكتفيت ولا حكتفي مڼڱ طماع شديد انا فْيَگ حتى بعد عرسنا وحتى بعد م نجيب احمد ومحمد وسنهوري، وعثمان، وطه و..الخ
قلت ليه ي ساتر ي رب ديل منو؟
قال لي ي ساتر؟
قلت ليهو قصدي ديل كلهم؟
قال لي وفي نصهم سُلافهه...
بقيت اعاين ليه..
قال لي م مهم الاسماء المهم الخلقهه التامهه والاهم انهم مڼڱ...
في وقفتنا دي تلفونو ضرب، مشى شالو كانت المتصله يمن، بقى يسألها كيفكم والبيت كلو عافيه؟
شهد كويسه الحمدلله ياها هاك ليها..
اداني ليها سلمته عليها وسألتها م̷ِْن ناس البيت وكدة بعد م قفلت
قلت ليهو سااامر بالمناسبه في حاجه نسّْيتً اسألك منها يمن مش امتحنت السنه؟ جابت كم وقدمت وين؟
قال لي م عارف ي شهد والله بس حأتصل عليها اسألها دقيقه انا زاتي الموضوع طلع م̷ِْن بالي،
قلت ليهو ممتحنه اكيد لانو فترة المحكمه بتاعتك كانت بتجي م̷ِْن المدرسه علشان تحضرها مع صحبتها، رجع ليها تلفونها مقفول، قلت ليه طيب حأرسل ليها واتسب
قال لي انا جعان
قلت ليهو وانا شهد اتشرفنا م عملت اكل اليَوُمًًِ فترانه بجد وم عِن.̷̷̸̷̐ديّ حيل لوقفه المطبخ دي..
قال لي يعني حنقعد جعانين؟
قلت ليهو اكل اي حاجه ياخ وخلاص م شرط عايزة انضف بعد دة.كلو،
قال لي خليها النضافه ارتاحي دامك قلتي تُعباُنٌهْ النضافه ملحوقه اصلاً البيت م وسخان بعدين برواقهه انا بساعدك فيها ..
قلت ليهو حتساعدني في النضافه؟ قال لي بس م تتعودي دخلت الغرفه خليتو مشى على المطبخ
م بين صاحيه ونايمه نص سَآعهْْ اتأخر وم جا، نزلت مشيت عليه لقيتو جايط المطبخ،
بتعمل في شنووو انت؟
اكل
قربت عليه لقيتو عامل سلطه جزر، قلت ليهو حلووو شاطر شكلها ظابطه بس دة كلو في سلطه جزر
قال لي ومعاها بطاطس شوفتي الخبرة دي كيف
جاب صحون ختاها وقطع سلطه وقال لي يلا خلينا ناكل
قعدت وانا بعاين ليه وبضحك، قال لي م تتعودي..
قلت ليه اشوفها اول لْۆ ظابطه حتعود، دخلت يدي اكلت منها قلت ليه •اللّہ̣̥ حلوة شديد اعملها يومي تاني
قال لي ي زولهه بلا يومي معاك
قلت ليهو م̷ِْن اين ڵڱ ه̷̷ََُْذآ؟
قال لي زمان لما اجوع واتزنق وكدة بتصل على ندى توريني اي حاجه اخارج بيها الليل دة ودي م̷ِْن الحاجات البسيطه وظابطهه جداً الورتني ليها كل م اجوع بتبقى لي منقذ كتر خيرها غايتو ناقصها بس كمون م لقيت مكانه وإلا حتطلع اظبط م̷ِْن كدة ..
طبعاً الكلام وقف في حلقي، وهو زاتو اظن م انتبه لنفسو وهو بيقول
بقيت اعاين ليه مسااافه قلت ليه ندى لَگِنْ..
عاين لي
م̷ِْن الغيظ بقيت اكل في البطاطس وبحاول ابين انو الموضوع عادي، وهو زاتو اتلخبط بقى م عارف يكمل اكل ولا يبطل،
بعد مسااافه قلت ليه الحمدلله وقمت غسلت يدي وبقيت ألم في المطبخ،
نضفتو ورجعت كل حاجه مكانها وطلعت خليتو قاعد في مكانو،
دخلت الغرفه م̷ِْن الغيظ حسيت روحي عايزة ابكي، يعني اااايوة يمكن قالها بصورة تلقائيه بس يعني كأنو بيحسسني بتقصري بكدة..
وقفت قدام التسريحه برتب فيها م̷ِْن الزعل جا داخل قال لي تلفوني وين؟
سكتت
بقى يقلب
قال لي شهد م شفتي؟
قلت ليهو سامر اكيد انا م شايلاه في جيبي، شوف مكان ختيتو وين..
انا اتخلعت م̷ِْن ردي بس هو عارف إني متضايقهه وعايز يخليني اتفشش فيه..
جا مسكني وقال لي م بالقصد..
قلت ليه شنووو؟
قال لي م تتغابي انتِ فاهمة وانا فاهم
بقيت ساكته وبعاين ليه
قال لي اصلاً هي ما سمحهه شديد ولو م الجبر م بتتاكل
قلت ليهو منو هي؟
قال لي سلطه اكل االارانب دي، تعالي تعالي وضماني عليه وهو بضحك قال لي يعني لما تغيري وتحردي، غيرتك وحردانك يكونو م̷ِْن سلطه جزر؟
قلت ليه منو القال ليك غيرانه؟ بس الموقف في حد زاتهه بايخ
قال لي ضايقك صح؟
سكتت
معليش طيب م بنعاد اذاً، اتفقنا؟
لسسسه عملت روحي زعلانهه منو رقدت في السرير ومسكت تلفوني وهو طلع برة.في الهول
بعد اكتر م̷ِْن سَآعهْْ جا داخل قال لي م نمتي، م رديت عليه، قعد في اتجاه سريرو ومسك تلفونو،
فجأة جاتني رساله منو في الواتسب،
عاينت ليه هو عامل روحو مركز في التلفون
فتحت الرساله لقيتو مرسل كورة، وكاتب لي: معليش ي اخت الكورة دي اتشاتت عندك هنا بالغلط ممكن ترجعيها لينا لْۆ م فيها أزٍعُاج؟؟ً
عاينت ليه وبقيت بضحك شال مِڼّي التلفون وقال لي بس دة المطلوب م تزعلي مني وتضايقيني بضيقك ياااااخ انتِ عارفه انا م قاصد صح؟وانا قبل كدة قلت ليك انتو البنات انا م بفهمكم وم بعرف اتعامل معاكم، قلت ليه وهسي؟ قال لي لغاااايهه هسي فاهمك انتِ بس وانتِ كلهن ...
❖
ي عبدالله ي اخوي دة م حل لَگِنْ
هند افهميني، دي اصح خطوة، انتِ فاهماني؟دة التقرير الطلعتو اقريهو انا اليوم هنا وبكره انتِ منو زاتك م اظن اكون عارفك عشان كدة انا م لقيت اصح م̷ِْن كدة، دي الحاجه الوحيدة الممكن تريحني وتريح ضميري
البت م بتقبل ي عبدالله الحاجات دي بتقدر تعملها براك بدون م تدخلها فيها وتضغط عليها، ممكن تكلف بيها اي زول مننا اشمعنا هي
هند انتِ فاهمة وضعي؟
فاهماك اااايوة، بس قرارك م فيهو حكمه يعني..
بالعكس اكتر قرار فِيَه حكمه ودي زاتها كفارة ذنوب لحاجات كتيرهه الدنيا دي جرينا وراها كدة لحقنا حدها اخرتنا دي خلي نعمل ليها شويهه ..
ي اخوي انا معاك بس انت فاهم قصدي وسبب رفضي، انا م دايراك تضايق البت و..
احمد: امي خلاص م دام دة رايو ودة قرارو خليهو ومالو زي م جرب مرة يجرب تاني ان شاءالله بتتسهل وشهد ان وافقت نحن معاها وان رفضت برضو معاها والخيار التاني للخال نحن معاهو فيهو ولا شنووو؟
شهد خلوها علي انا بقعد وبتكلم معاها
❖
لالا جاي جاي يومين كدة بكون عندكم هناك ان شاءالله، بس انت ااعمل اللازم مش بديتو القش القايم مع الزراعه دة حشيتوه؟ بس خلاص اي، زي م قلت ليك شيل م̷ِْن المخزن ورسل لي حقهم مضغوط لي في مصاريف شويه كدة عشان كدة استعجل، خلاص ټمٱم منتظرك، يلا في امان •اللّہ̣̥ ..
حبيبي؟
اي ي شهد
انت مسافر؟
شبه كدة
بقيت اعاين ليه..
قاال لي دة الموسم ي شهد وم تنسي يعني انا مهمل الشغل وممسكو ناس م̷ِْن فترة طويلهه واحمد دة اتحمل فوق طاقتو وم قصر، والعليك دة عليك بعد كدة لآزٍمٍ ارجع اشوف اشغالي عشان راجياني حاجات كتيرة، داير ابدأ ابني البيت دة اول شي بعد الحصاد حتى لْۆ جزء بسيط ابدأ فِيَه لاني اشتريتو كدة وم عدلت فِيَه ولا حجر..
قلت ليه انا معاك بس علشان اتفاجأت ياخ
قال لي انا زاتي حسبتها كدة لقيت انو لآزٍمٍ اللحق العمال واقيف في الشغل
قلت ليه طيب
قال لي م حتأخر شهر بالكتير بمشي وبجي راجع
قلت ليه شهررر؟ حتغيب شهر ي سامر؟
قرب علي قال لي طيب 15 يوم اجي كم يوم وارجع تاني ټمٱم كم كدة؟
قلت ليه سوقني معاك طيب ضحك قال لي اسوقك وين ي شهد، ي ريت انا كمان م نفسي افواتك او اخليك وراي، بس صعب م ينفع وبعدين الجامعه كلها كم يوم وتنزلي م تنسي، لْۆ م الجبر م فايتك شبر ي شهد..
كان مسافر بعد يومين بس، جهزت لي حاجات قهوة، ويوم بكرة مسافره عملت ليه كيك، والصباح صحيت بدري وبديت اعمل ليه فطاير صحى لقاني شغاله فيها
قال لي ي شهد المصحيك بدري كدة شنووو بتعملي في شنوو انتِ؟عاين لي لقاني بقطع وبلف، قلت ليك م عايز حاجه انا كفايه العملتيه دة
قلت ليه هناك الخريف عندكم اكتر والجو بارد وكدة..
قال لي متعود انا ي شهد، م بحتاج
قلت ليه بضيق ټمٱم انت متعود وانا مكتراها ومزوداها حبتين معليش..
قرب علي وقال لي لأ بس كلها ساعات وامشي مش م̷ِْن حقي اصحى واللقاك جمبي؟
بقيت اعاين ليه وانا ساكته..
قال لي وبعدين شغلك دة شغل زعل وقعد يضحك قلت ليه م فارق اصلاً انت قايل نفسك ماشي وين راكب طيارة؟
بقى يضحك قال لي طيب روقي، حتى لْۆ م راكب طيارة الشوارع م معروفه، وم بمشي اخليك زعلانهه يبقو علي اتنين
احياناً كتيرة بزعل عليه وهو بتحايل علي، ضحكت قلت ليه بهظر م زعلانهه انا اصلاً انت م الراجل البزعلو منو انا بس متضايقهه م̷ِْن سفرتك علشان كدة
قال لي لْۆ الموضوع ساهل م بخليك وراي
هو كان مسافر المساء، عدت الساعات بسرعه لغايه م جا المساء، جهزت ليه حاجاتو كان موديني بيتنا، في الطريق قلت ليه طيب حتتصل علي ولا حتعمل حركاتك الزمان ديك؟
قال لي حتصل ي شهد اصلاً م حيهدى لي بال لْۆ اليَوُمًًِ عدى وم سمعت صوتك ..
قلت ليه طيب سوق على مهلتك
قال لي حاضر
قلت ليه حيلاقوك ناس المرور وحيوقفوك مساافه لْۆ سقتني معاك بمررك بزغروتهه
ضحك قال لي دة اعتبرو شنووو هسسي؟
وصلنا البيت بسرعه، حسيت المسافهه اقصر م يكون قلت ليه حتنزل معي؟
قال لي ايوة
نزلنا، ابوي استقبلو وقعد معاه شويه كدة سمعتو بناديني قال لي ابوكم دة طالع
ابوكم؟
طلعت ليه ابوي اول م شافني طلعت قال ليهو طريق السلامه ي ولدي يلا في امان •اللّہ̣̥ ودخل،
قال لي يلا في امان •اللّہ̣̥،
قلت ليه خلي بالك م̷ِْن الطريق وانت سايق
قال لي حاضر
قلت ليه 15 يوم صح؟
قال لي بإذن •اللّہ̣̥ تعالى حكون هنا، يلا ادخلي البيت حتصل عليك وخلي بالك م̷ِْن نفسك انتِ
قلت ليه حاضر، سامر
قال لي ايوة
قلت ليه انا بحبك شديد خلي بالك م̷ِْن نفسك عشاني مش قلت الناس هناك بقو بتاعين اشتباكات وسلاح ونهب حاول م تدخل في نقاش مع زول حبيبي •اللّہ̣̥ يخليك
قال لي حاضر ان شاءالله
❖
عايز تعرس لي؟ومنووو صحبك؟
انت مّرَيَضّ؟
م تكتري معي الجمعه الجايه جاين تعارف واحتمال كبير عقد نعقد ليك ونرتاح مڼڱ ومن امورك البتسوي فيها دي وتتلمي، م دايرين فْيَگ شي، كدة كدة انت لافه وِ م نافعه ساااي وانا م̷ِْن جيت ساكت وبعاين ليك داير اشوف حدك وين لَگِنْ الظاهر كدة.م عندك حد والحد الما عندك دة مدام ماف زول داير يختو ليك انا بختو.، ومن هنا للجمعه م اشوف رجلك دي برة.البيت
لٱ حأطلع، رجلك فوق رقبتك ي عمار، وأعلى م في خيلك اركبو واعمل العايز تعملو
احترمي نفسك بشوتك بكسر راسك دة اسي
انا محترمه نفسي بس انت م زول عشان احترمو لْۆ ناسي انت عامل شنو اذكرك، ووريني حتقول لصحبك العايز تعرسني ليهو دة شنو؟ولا اهاااا نسّْيتً اكيد طالما هو صحبك يبقى خايب ومقرف زيك
ياخي انتِ بت...
عمار ي ولدي لٱ إله الا •اللّہ̣̥، جمانه ادخلي جوة،
م داخله انا ي امي م داخله،
ادخلي جوة اسمعي الكلام وم تتقاوي على اخوك
اتقاوى؟ هسي انا البتقاوى؟ مرة واحدة بس خليك حقانيه ي امي، مرة واحدة بس خليك حقانيهه،
وانا الليله م متحركه خلي يعمل العايز يعملو فيني واليبقى يبقى، هو.لْۆ.مجنون انا اجن م..
اخخخخخ...
عمار، عمار ي ولد م تمد يدك على اختك حلفتك بالله انا
والله اقتلها ي امي، اقتلها واريحكم منها،
اضرب، م خايفه مڼڱ انا، فاكر نفسك شنو انت؟
جمانه م تضاربي مع اخوك بقتلك ي جمانه، انتِ ليه م تمسكي ولدك ليييه بتمسكيني انا؟
عمار، عمار لٱ إله الا •اللّہ̣̥، عمار دي اختك انعل الشيطان السكين لٱ ي عمار لٱ...
❖
غبت م̷ِْن التلفون كم دقيقه بس رجعت لقيت كميه م̷ِْن المكالمات فِيَه..
شهد، شهد انتِ وين؟
فجر؟
جمانه ي شهد، شكلو جمانه عمار اخوها عمل فيها حاجه ي شهد زي المرة الفاتت بالضبط..
قلت ليها كيف يعني؟ في شنو؟ وين انتو هسي؟ جمانه كويسه؟
قالت لي م عارفاها وين انا مشيت البيت طردني م خلاني ادخل ليها بس متأكدة انو عامل ليها حاجه وتلفونها مقفول
قلت ليها وانتِ عرفتي كيف؟
قالت لي جمانه رسلت رساله لصخر، قالت ليهو لْۆ حصلت لي حاجه اليوم دة عمار اخوي اتصل عليك تلفونك قافل اتصل علي انا عشان يفهم ..
قلت ليها وصخر وين؟ قالت لي هسي بتكلم مع صحبو ضابط علشان يصل البيت لانو انا جيت عشان م يتسبق الحوادث م خلوني ادخل ي شهد وطردني عديل..
قلت ليها جايه عليك، م تتحركي
قالت لي م متحركه انا ..
م حاسه بروحي لبست كيف وطلعت لما وصلت لقيت الشرطه جات، والناس متجمهرة برة..
عايزة ادخل الضابط وقفني قلت ليه معليش بس الجاين عشانها دي صحبتي
قال لي لٱ،
قلت ليه صلاتك على النبي؟
قال لي الف على الحبيب ي بتنا تعليمات..
جات خالتو ام جمانه برة قالت لي حسبي •اللّہ̣̥ ونعم الوكيل فيكم فرجتو فينا الخلق بشعتو بينا ونحن م حنسكت على تصرف زي دة، انتو بتدخلو في خصوصيات الناس ليييه حتى لْۆ في شي م̷ِْن البتقولوه دة دة خلاف بين بت واخوها انتو دخلكم شنوو؟ دي احوال شخصيه وامور اسريه
قلت ليها معليش ي خالتي مع احترامي ليك الضلال م حبابو، انتِ ان لاقياها في الكوشه م حترضي ليها البحصل دة،
اذكرك؟
مرة غابت جينا سألناك وين جمان قلتي في وفاة مرت عمها وفي النهايه طلع ضاربها وحالق ليها شعرها ومشوه كل جسمها،
وقبل فترة م طويله قبل م يتسجن ضاربها وانتِ عارفه تفاصيل الباقي الحاصل لْۆ انا دايرة ابشع بيكم بالجد انتِ زاتك حتتقفلي معاه لانها متسترة على فعايل ولدك المريض نفسياً، ولدك ي خالتي مكانو المصحه م البيت،
فجأة جا واحد م̷ِْن جوة قال للضابط اسمع، اضرب للإسعاف سرعه بالله
سمعت صوت صراخ فجر جاي م̷ِْن فوق السطوح دخلت وانا بجري وحيلي م شايلني، لما وصلت السطوح كان كبير وم عارفه اتجاه الصوت، بس في غرفه جريت وراها، وكان المنظر قدر م اوصف بشاعتو م قادرة اتخيلها ابدا، ً
فجر كانت بتصرخ بأعلى صوت ليها وبتقول ي جمانه، واي ي جمانهه فتحي عيونك، والعسكري بقوم فيها م̷ِْن جمبها وهي بتقول ليهو دي صحبتي العاملين فيها كدة دي دي صحبتي بقول ليك يااااخي فكني خليني اشوفها،
عايزة اقرب منها لزاني قال لي لٱ ممنوع
كانو خاتنها في سرير ورا زقاق غرفه السطوح، وفي حاله كدة مستحيل تتشرح غالباً مافي حته في جسمها سليمهه،
م خلونا نقرب منها لغاااايه م جا الاسعاف شالها ونزلنا وراها، اول م وصلنا الشارع قلت لي امها حسبي •اللّہ̣̥ ونعم الوكيل فْيَگ انتِ البتفضلي موت بتك في طريق انو تغطي على ولدك، م ولدك بس المريض، حتى انتِ محتاجه تتعالجي..
م خلونا نركب معاها، ركبنا ركشهه ومشينا وراها، لما وصلوها المستشفى الدكتور قال ليهم العمل كدة راجلها؟
قلت ليهو اخوها ي دكتور،
قال لي اخوها؟ دة مجنون ولا مالو؟ وبقى يتشهد
عدت كم سَآعهْْ وهم واقفين فيها وجسمها كلو بقى ملفوف شاش، حتى وشها،
فضلنا قاعدين بالساعات، واليوم البعدو برضو..
❖
يوم كامل بتصل على شهد م بترد ف قلقت وخلاص قعدته على اعصابي، بعد تردد اتصلت على عمي ف حكى لي، قلت ليه هسي هم في اي مستشفى؟
قال لي شهد م گلّمّتگُ؟
قلت ليه رقمها م بدخل وان دخل م بترد ي عمي
قال لي والله ي ولدي دة الحاصل، قلت ليه ټمٱم ي عمي، في اي مستشفى هم؟اديني اسمها
قفلت منو واتصلت على احمد، اول م رد، قلت ليه ي احمد، خلي لي كل القدامك والوراك واللحق لي شهد دي في مستشفى ال..
قال لي مالها خير؟
قلت ليه خير بس اخو صحبتها ضارب اختو ومعوقها وشهد معاها والموضوع فِيَه شرطه وموالات ومتاهات، م تخليها براها واول م تصل اديني ليها،
قال لي سمح طالع عليها
قلت ليه هسي
قال لي طلعت خلاص،
❖
وانا قاعدة ومتكيه في المقعد فجأة اشوف فجر جايه مع احمد، اول م وصل قال لي شهد؟
قلت ليه اهلين احمد
قال لي كيفك؟ والحاصل انتِ كويسه؟
قلت ليه الحمدلله ټمٱم م عِن.̷̷̸̷̐ديّ عوجه
قال لي كيف صحبتكم هسي؟
قلت ليه احسن
قال لي اخوها دة عيان، وقبل السجن والامور دي داير ليه دقه في حته مقطوعه و خلا محل يقبل م يعرف ان شاءالله اتقبض؟
فجر قالت ليهو لسسه بفتشو فِيَه
قال لي جبان بتقاوى على مَرّهٌ كان يركز مدام راجل كدة..
تلفونو فجأة ضرب طلع التلفون وفتح الخط قال ليهو وصلت انا ي سامر هاك دي مرتك
شلت التلفون قلت ليه سامر ..
قال لي شهد، معقوله ي شهد؟
قلت ليه ي سامر جمانه
قال لي انتِ كويسه؟
قلت ليه الحمدلله،
قال لي هسي كيف اتحسنت؟
قلت ليهو ايوة احسن
قال لي شهد التصرفات الطايشه والمجنونه خليها، هسي مشيتو للراجل في بيتو بي جنو دة ان مسكم طعنكم في قانون بدينو؟
قلت ليه طايشه مجنونه؟
بيتو؟
قانون؟
سامر دي صحبتي انت فاهم؟ انا مجنونه عشان لحقت صحبتي؟
قال لي مجنونه عشان تصرفك م عقلاني انتِ ماشه لزول قطع لحم اختو م بالك انتِ الغريبه؟
قلت ليه م بقدر لانو كان في شرطه
قال لي شهد القانون لٱ يحمي المغفلين، الزول دة بكرة بالباب كدة حيطلع مّرَيَضّ وم حتتم إدانتو لْۆ قتل 10 حتى
قلت ليه هسي انت بتغلط فيني؟
قال لي ليييه م اغلطك وانتِ مخلياني 24 سَآعهْْ م قادر اصل ليك واعرف حاجه زي دي م̷ِْن عمي؟ياخي اضعف الايمان رسلي لي رساله خليني اعرف الحاصل واطمن،
قلت ليه سامر هسي انا م طايقه نفسي حتى عشان اتناقش معاك مع السلامه انا ټمٱم شكر •اللّہ̣̥ سعيك وقفلت الخط مديت التلفون لي احمد،
اول م مسكو رجع اتصل قال لي هاك قلت ليه م عاوزاه
في وقفتنا دي جا ضابط ومعاه عسكري،
احمد قال ليه ي سعادتك سلام عليك
قال ليه وعليكم السلام
قال ليه بخصوص الشابه دي، حصل شنو؟
قال ليهو والدتها كبيرة في العمر ومريضه ف اخدنا إفاداتها ورجعناها البيت، اما اخوها نفسو م معروف وين لسسسسه بفتشو عليها، لَگِنْ الام طلبت انو دي مشڱلهِ اسريه وتتحل في حدود البيت والبلاغ يتقفل..
قلت ليه يتقفل؟ حدود البيت؟
اي بيت دة ي سعادتك؟ البيت اللقيناها فِيَه بالشكل دة بزمتك بيت؟
قال لي انتِ بتقربيها؟
قلت ليه لٱ صحبتها بس مستعدة احلف قسم واشهد انو دي م المرة الاولى لَگِنْ دي الاسوأ..
قال لي الموضوع اسري لوو.
َقلت ليه الموضوع قانوني اكتر م̷ِْن انو اسري، بس م̷ِْن وين نجيب قانون بقوم بواجباتو؟نحن لْۆ عندنا قانون المفروض زي الزمن دة وبحالتها دي بيتهم كلو يتقفل، والمفروض انو يكونو في مشرفين واقفين في راسها ومتابعين حالتها، مش تمشي وتجي تقول لي الموضوع أسري، هو لْۆ الأسرة دى م اتخطت الحدود م كانت استنجدت بيكم..
قال لي انتِ دايرة تورينا شغلنا؟
قلت ليه شغلك انك.تجي تقول لي الموضوع أسري وانت قدامك واحدة ماف حته في جسمها سليمه ولا وينو شغلك دة انا م شايفاه؟ بتقدر تضمن لي انو البت دي م حيحصل ليها نفس الحصل لْۆ اكتفينا بي تعليقك بي انو الموضوع أسري؟
احمد قال لي شهد
فجر قالت ليهو صاح م تسكتها، انت ي سعادتك المفروض تشوف شغلك وتخلي القانون ياخد مجراه بس وهي بعدين حره تختار العايزة تختارو اعتقد هي اتجاوزت 18 سنه وبتقدر تمتلك قرارات نفسها
قلت ليها لٱ م هو لآزٍمٍ الموضوع دة يتخت ليهو حد وبالقانون لانو دي المر ال 3 كدة، م معروف اذا تاني حتطلع منها او لٱ دة كلام فارغ،
بعد الضابط مشى فجر قالت لي م اعتقد جمانه تختار طريق القانون علشان امها واخوانه وكدة..
قلت ليها وينهم هسي اخوانها وينهم؟
قالت لي سافرو عمره السعوديه مع خالتهم وخلوها هي وامها واخوها المريض دة بس صدقيني م اعتقد توافق انتِ براك عارفاها خوافه قدر شنو
قلت ليها هي تخاف على حياتها لانو لْۆ خوفها دة سكتها اذاً روحها دي معلقه في الحبل تحت اي لحظِهّ ; .. يعمل فيها العايز يعملو اضعف الايمان اذا اثبت انو مّرَيَضّ مكانو يكون المصحه مش البيت
احمد قال لي زول زي دة زاتو خافو على نفسكم منو م معروف،
قلت ليهو هو.جبان شديد وإلا م كان هرب
قال لي برضو ي شهد القانون في مواضيع زي دي م على قدر كدة لانو م عندنا المواد القويه البتخص العنف المنزلي والممكن تحفظ ليها حقوقها او تحميها حيتجرجرو معاها ساي وفي الاخير حيتشطب البلاغ دة حال قانونا هنا كدة ف عشان كدة الموضوع في حد زاتو محتاج شنو استشارة قانوني علشان يوريك المفروض يتعمل...
سكتت وبقيت اعاين لأحمد بحماقهه نفسي كان اتفصم فيهو في اللحظهه دي
دمي بقى فاير وسامر بتصل م برد عليهو لاني عارفه اذا رديت هو حيقول كلام م حيعجبني وحأنفصهم فيهو،
فجأة م جا في بالي بخصوص الموضوع دة غير زول واحد، م عارفه هعملها كيف بس كان ضروري اتكلم معاه م عندي طريقه غير كدة،
م كذبت طوالي اتصلت..
المحامي عبدالله...
كنت متصله عليها زي العصر كدة وفي بالي انو م حيرد، م حيرد، م حيرد..
فجأة فتح الخط قال لي السلام عليكم
قلت ليه وعليكم السلام كيفك؟
قال لي الحمدلله ټمٱم انت كيف احوالك ِ؟
قلت ليه ټمٱم، معليش متصله عليك بدون سابق انذار بس ااااا...
قال لي تتفضلي طوالي في اي وقت،
قلت ليه عِن.̷̷̸̷̐ديّ استشاره بخصوص قضيه حقت صحبتي، اذا عندك وقت ممكن اخد رايك فيها والمفروض يتعمل شنو
قال لي جداً م عندي مشڱلهِ عايزة اجيك وين واقعد معاك
قلت ليه لٱ بالتلفون ممكن احسن..
قال لي طيب قولي لي التفاصيل،
قلت ليه هي...الخ
قال لي اولاً اخوها دة اذا جد كل التفاصيل دي حاصله ف هو اكيد مّرَيَضّ وم طبيغي، تاني شي اذا انتو شهود على كل السوابق الحصلت دي وعندها منها اورنيك 8 دي حاجه بتساعدها كتير في المحكمه وبتسهل عليها وم حتاخد وقت لانو دة م عنف منزلي بس لٱ دة شروع في القتل ودة مادتو براها، اضعف الايمان اذا هي ملاوزة م̷ِْن المحكمه وموالاتها م ترجع الا بي تعهد انو الزول دة م يقرب منها ولا حتى يلمس ليها طرف دة ممكن يحفظ ليها حقها بالقانون واذا حصلت ليها اي حاجه ف ناس البيت حيتسائلو مسائله قانونيه كلهم..
قلت ليها طيب ټمٱم
قال لي اذا في شي انا بقدر اقدمو ليكم او محتاجين مساعدة بخصوص الموضوع دة انا جاهز
قلت ليه شكراً بس زي م قلت انت لازم نعرف هي عايزة شنو اول
قال لي ربنا يواليها بالعافيه ان شاءالله
سامر كان داخل علي، فتحت الخط وانا ساكته،
قال لي انتِ كويسه؟ قلت ليه ايوة الحمدلله، قال لي بقت كيف؟
قلت ليه احسن
قال لي اخوها اتقبض؟
قلت ليه تقريباً اااايوة
قال لي طيب الحمدلله ي شهد، حيخرجوكم متين؟
قلت ليه بالكتير بكرة،
قال لي ټمٱم، خلي بالك م̷ِْن نفسك
دخلت مكان م جمانه راقدة ومعاها فجر، كانت بتقول ليها شوهني ي فجر، عايني وشي م فيهو حته سليمه، و جسمي كلو..
فجر قالت ليها حاجات خفيفه مراهم بتروحها الحمدلله جات على كدة بس،
قلت ليها حتعملي شنوو بخصوصو ي جمانه؟
سكتت
قلت ليها حتخليه علشان تكوني في الحاله دي كتير لغايه م نفقدك؟
قالت لي م عارفه ي شهد، م عارفه اعمل شنو
قلت ليها انتِ م تعملي خلي القانون يعمل، افتحي فيهو بلاغ تعدي وشروع في القتل وخلي القانون ياخد مجراه بس
قالت لي انتِ م عارفه امي ي شهد، امي روحها ونفسها عمار، لما اتسجن قربت تموت وحتى علاجاتها م كانت بتاخدها، اسجنو تاني عشان ابقى سبب في موتها؟
قلت ليها اها والحل ي جمانه والحل؟
سكتت
فجر بقت تعاين لي نظام تهديني وكدة
امها جات داخله، م سلمت علينا نحن ولا اتكلمت معانا نحن، بس قعدت جمبها، قالت ليها بقيتي احسن ي جوجو؟
قالت ليها ايوة،
قالت ليها ي بتي م كلمتك وقلت ليك اخوك دة م تشتغلي بيه وم تردي عليه وم تتقاوي معاه؟ اعتبريه مجنون، اعتبريه كلب وبنبح جمبك، انا عارفاه م كويس ودي م امور زول كويس، انتِ براك عاارفه، اها ي بتي م المجنون بقولو في ذمة الواعي صح؟
طلعت برة فجر جات لاحقاني، قلت ليها عايزة تغطي على ولدها علشان م تعمل بخصوصو شي
فجر قالت لي شهد بالجد مواضيع زي دي نحن حتى لْۆ بنقدر نعمل فيها شي م حنقدر لأنو الزول بقدم اهلو على كل شي،
قلت ليها حتى انتِ ي فجر؟
قالت لي دة الواقع ي شهد يعني اهلك ديل ان كسرو رقبتك زاتها ياهم اهلك وماف قانون كدة رادع للعنف المنزلي، زي م سمعتي الضابط قال شنو موضوع أسري، يعني حتى لْۆ اتعنفت وعملو فْيَگ السبعه وزمتها لجأت للقانون م بفيدك بي شي حتى لْۆ اتسببو في موتك ..
امها جات طالعه، قالت لينا اخوانها جاااين وهم بحلو الموضوع دة بينهم، ي ريت ي بناتي م تعملو لينا شوشرة وتكبير للمواضيع اكتر م̷ِْن كدة انا زوله عيانه وم عِن.̷̷̸̷̐ديّ حيل لكل الجرجرة دي، كفايهه لغايه هنا كتر خيركم صحبتكم وقفتو فيها وم قصرتو ربنا يجزيكم خير، بعد كدة اخوانا بقومو بالواجب مع اخوهم
دخلنا لجمانه كانت بتبكي،
بقيت اعاين ليها،
قلت ليها م عندك مشڱلهِ في القالتو امك صح؟
قالت لي أخواني جاي الليله قالو ..
فجر قالت ليها حيعمملو ليهو شنو يعني حيكفتوه ويجضموه ليك؟
قالت ليها لٱ حيودوه مصح عقلي
قلت ليها ټمٱم بزعل، م عارفه انا زعلانه لييييه لانو دة العادي في كل البيوت او معظمها ممكن نقول
خرجوها مشينا وصلناها البيت، م قعدنا كتير احمد جا رجعناا بيتنا، ابوي فاكر انو حنجيبها معانا،
قال لي وينها صحبتكم؟
قلت ليه في بيتهم
قال لي رجعتوها بيتهم؟
قلت ليه اهلها رجعوها ي ابوي م نحن
قال لي واهلها ديل كانو وين لما حصل فيها الحصل؟
سكتت
امي قالت ليهو اللحم دة عمرو م بطلع م̷ِْن الضفر، والمصارين في البطن بتشاكلو، ياهو حال الاخوان في البيوت يكسرو رقاب بعض ويرجعو تاني، البيتدخل دة هو البشيل وش القباحه
فجر قالت ليها حصل ي خالتو للأسف
سامر إتصل علي، اول م فتحت الخط، قلت ليه لْۆ حتتناقش معي بخصوص الموضووع داك ف هو اتقفل ي ريت انت كمان تقفلو
قال لي لٱ متصل اشوفك كيف واتطمن
قلت ليه الحمدلله
قال لي صوتك مالو؟
قلت ليه ماف شي تُعباُنٌهْ بس وعايزة انوم
قال لي طيب اخليك ساعتين وارجع ليك هسي انا نزلت المدينه لانو هناك ماف شبكه اقدر اتكلم بيها معاك، حنتظرك تصحي بعدين برجع ليك
قفلت منو وبقيت ابكي
عدت اسبوعين كنا مرة بنمشي ليها ومرة بنتكلم معاها بالتلفون..
قاعدة مع فجر وبنتونس وهي بتحنن فيني غصب اتلمو علي هي وحبوبه وشبكوني ليك انتِ عروس وبتقعدي غبشه ليه و...فجر تحنن وحبوبه توصف ليها ارفعيها حبه وزيديها م̷ِْن هنا و...الخ حننتنا الاتنين وهي زاتها اتحننت قلت ليها فجر بالمناسبه انتِ جيتي متين؟
قالت لي جيت راجعه قبل يومين يوم بس م̷ِْن الحصل لجمانه كنت عاملاها ليكم مفاجأة
قلت ليها احترت طبعاً
قالت لي بحكي ليك جيت راجعه ليييه بس م هسي،
اليَوُمًًِ البعدو مشيت بيت خاله سامر، فجر مشت معي ونهايه اليَوُمًًِ مشت الداخليه
اليَوُمًًِ التاني خالتو نور قالت لي الليله انا لي كم يوم نفسي في عصيدة بملاح تقليه روب لكن كسلانه اعملها وحقت المحلات دي م داخله راسي،
كويس جيتي تشجعيني اعملها لانو زين م بياكلها لي،
بقينا نعمل فيها ونتكلم مع سامر، خالتو قالت ليهو فايتك كتير الليله، اكتر حاججه بتحبها حتتعمل وانت مافي، اتكلم معانا قريب سَآعهْْ بعدها قفل واليوم عدى ..
بالليل كدة بتكلم معاه في التلفون كنت بغسل في عدة،
قال لي بتعملي في شنو انتِ؟
قلت ليه بغسل في العدة، خالتو نامت وزين نام عشان بكرة عندو مدرسه بدري وانا م جايني نوم قلت ارتب المطبخ، وبعمل في كيك لشاي الصباح
في صوت جوطه فجأة قال لي دقايق واكون معاك ي شهد، قفل الخط، رجعت ليه رقمو م بدخل،
سَآعهْْ كامله بحاول في رقمو، بقيت مقلقه، ومنتظرة وعملت الكيكة دخلتها الفرن، وانا ماشه وجايه في المطبخ، قعدت في الكرسي وماسكه تلفوني وبحاول اتصل،
فجأة حسيت بحركه زول رفعت راسي قلت واي بخلعه كان اشوفو هو في وشي بضحك..
قلت ليه ياااااخي م جاااادي م جااااادي طبعا..ً
قال لي م قلت ليك دقايق بس واكون معاك؟
قمت عليه وحضنتو، قلت ليه م گلمتِنيّ ي سغيل
قال لي بتتسمى مفاجأة كيف؟
قلت ليه سخيف، سغيل، خوفت وقعدته على اعصابي افتكرت حصلت ليك حاجه
قال لي انا م حصلت لي حاجه لَگِنْ حاجتك الفي النار دي ريحتها طقت،
بقيت مغمضه وانا ماسكه فيهو، قال لي اشتقت ليك شديد، م عارف الاسبوعين دي عدت كيف،
قلت ليه وانا،
قلت ليه دقيقه،
قفلت الفرن ورجعت حضنتو، بعد مسافهه اديتو مويه قلت ليه حاول ارتاح اجهز ليك عشاء،
قال لي م داير اي حاجه بس كبايه قهوة،
قلت ليه حاضر، في غرفتك انا قاعدة
ضحك قال لي عارف،
جهزت ليهو القهوة وديتها ليهو لقيتو طالع م̷ِْن الحمام،
قلت ليه دي القهوة، بالجد انت م جعان؟
قرب علي ومسكني قال لي بس مشتاق ليك حتى صداع القهوة م حاسي بيهو رغم إني زعلان مڼڱ بالحيل ي شهد
قلت ليهو احسن م نفتح الموضوع لاني لسسه متضايقهه بسببو
قال لي حاضر تعالي، ضماني عليه قلت ليهو القهوة م نفسك تشربها؟
قال لي كفايه علي العاملاها...
تاني يوم ونحن بنجهز في الغداء جا داخل،
خالتو قالت ليه سامر مفاجأءات،
قال ليها مفروض تكوني متعودة
قالت ليه بري طول عمرك بتقول جاي هسي الجدة شنو جيت فجأة ولا فجأة هفت ليك بدون تخطيط
بقى يعاين ليها ويعاين لي،
تلفونها ضرب قالت لي شهد خفضي لي نار الحله دي لمن اجي،
مشيت اخفضها سامر جا وقف وراي قال لي صباح الخير..
قلت ليه عاين صباح النور الساعه خمناشر ضهر، وخالتك حتجي خليك محترم
ضحك قال لي هسي انا عملت شنو؟
فعلاً خالتو جات داخله عمل روحو فتح التلاجه بيشرب، بقيت اضحك عليه،
ونحن في الغرفه قال لي مرتاحه هنا ولا نمشي بيتنا ي شهد؟
قلت ليه هنا وهناك واحد،
قال لي الجامعه الناس نزلت على فكره،
قلت ليه ااايوة عارفه بس انشغلت مع جمانه و..
قال لي بمناسبه جمانه ي شهد
بقيت اعاين ليه
قال لي م حأناقشك في الموضوع الحيضايقك بس بدون تفاصيل انتِ شايفه تصرفك كان صح؟
قلت ليه لما ازعل واتوتر م بشوف قدامي
قال لي وانا م̷ِْن الخوف عليك نفس الشي، يعني تخيلي بس اخوها دة يحقد عليكم بسبب العملتوه دة ويعمل ليكم حاجه، تتوقعي بغلبو وهو عمل في اختو كدة؟
هزيت راسي،
قال لي گلآمَييّ معاك م̷ِْن خوفي عليك وم معناها تخليها لٱ ابداً بس م تتصرفي بتهور، المهم م علينا الحمدلله الموضوع عدى وتاني لما اتصل ي شهد ردي، ولما اكون بتكلم معاك اتفاهمي معي اياً كانت حالتك م تقفلي خلينا نتكلم ونصل لي حد لانو انا لْۆ م احمد دة والله كان ركبت جيت جننتيني عديل بعنادك دة..
قلت ليهو حاضر بس كنت خايفهه عليها انت م شفت هو عمل فيها شنوو، لغايه هسي شايله همها والله..
قال لي عارف ي شهد احمد حكى لي دة مجنون م طبيعي، عموماً ي شهد م تشيلي همها في وظيفه حالياً متاحه في المنظمة، محتاجين مترجمه وموظفه علاقات عامه، تكون متوفرة معظم الوقت وظروفها بتسمح ليها تستقبل ضيوف في اي وقت وتقوم باللازم وكدة وممكن تسافر وكدة،
كلمت فريد واحد بخصوص جمانه، كانو مشترطين الخبرة وكدة بس متأكد انها قدرها ودي في حد زاتها دفعه كويسه بالنسبه ليها وحتشغل نفسها بيها كتير وحتنسى كل الحصل ليها ..
قلت ليهو سامر بتتكلم بجد؟
قال لي شنوووو هو الجد؟
قلت ليه ناس احمد حيشغلوها معاهم في المنظمة وكدة؟
قال لي تدريب 3 شهور وكورسات لغات مكثفه بعدها حتتعين ان شاءالله
قلت ليهو بحبك ياااخي بحبك شديد
❖
ونحن في الميدان بعد م خلصنا لعب،
احمد شال تلفونو، قال لي امي دي لْۆ تلفوني دة مملكو ليها م حتتصل كل دة،
ضحكنا وقلت ليه ي زول احمد ربك انها بتتصل انت في نعمة...
اتصل عليها وقال:
اي ي امي، في شنووو مالك؟
خالي مالو؟خالي مات؟...
قلت ليه احمد في شنو خالك منو المات؟
كان بتكلم بصوت مهزوز وبقول ليها جاي انا جاي ي امي..
قلت ليه احمد..
قال لي خالي عبدالله بقى في رحمة •اللّہ̣...
قلت ليه لٱ حول ولا قوة الا بالله خالك عبدالله؟ مالو
قال لي قالو طلع الجامع يصلي بس وقع في الطريق...