الفصل الرابع والعشرون

حكيت ليها تفاصيل الإتقال لي كلو، قالت لي كر علي وبعلي وبعلي قتلوها عديل، البت المسكينه؟ لٱ حول ولا قوة الا بالله، لٱ حول ولا قوة الا بالله كان شفتيها صغيرة جاهله حلات الدنيا عليها كانت،

سكتت مسافه وهي سرحانه مع نفسها قالت لي يعني هسي دي اختها؟ سمح م قالت ليك اي شي تاني؟ هي الصغيرة ولا الكبيرة؟

هزيت ليها بمعنى م عارفه ورقدته في رجولها..

قالت كيفن الكلام ده؟ ي ربي دي اي واحدة فيهن الصغيرة ولا الكبيرة انا مالي م عرفتها؟ وهسي الحلا ليهم شنو ي دوب عرفو انها اتقتلت يعني ولا الجدة.شنو؟

❖

على لسانٍ ٱڅڑ..

في زول في الحمام

ايوهه انا

في منو في البيت؟

ماف زول

وين مشو؟

امي مشت المدرسسه وعزام مشى صف العيش، وجميله في الجامعه

يعني ماف زول؟

اي

بعد دقيقتين..

صوت ضرب في الباب وبعده مباشرة دخول للحمام..

عمار دة شنو؟ عمار انا اختك، اطلع برة انت مجنون، اطلع برة ي مجنون

ضربته ولزيتو رميتو وطلعته وانا شايله جلبابي في يدي، م عرفت اللحظه ديك اتجه علّۓ وين ف لبست جلبابي وجريت على الهول على اساس اللفح لي توب اجري بيه على الشارع وقبل م اصل الهول جا لاحقني دخل وقفل الباب، قال لي اقعدي، اقعدي سرعه في السرير دة، م كان لابس غير هدومو الداخليه وم كان واعي

قلت ليه عمار، عمار انا اختك انت واعي؟

قال لي ويعني شنو اختي؟

انتِ قايله نفسك بتعرسي غريب؟ م بتعرسي غريب، انتِ بتعرسي زول جايبو ليك انا، وطالما جايبو ليك انا معناها ماف شي تخافي منو، وبعدين انتِ خايفه كدة ليهه المخوفك شنو؟الشي دة جديد عليك؟ الشي دة م زمان حصل بينا اظنك نسيتي

بصوت مرتجف قلت ليه عمار، عمار انت بتقول في شنوو؟انت واعي؟ انا زمان كنت م عارفه للدنيا شي، وانت غصبتني و استغليت غيبه امي والبيت فاضي زي م هسي وعملت العملتو م كفايه اني ساكته بالعملتو دة لغايه هسي وم كلمت زول وساتراك؟

احساس انو الضلع المفروض تحمي نفسك بيه هو الهاجس بتاعك في الحياة واكبر مشاكلك واسباب خوفك، في الوقت الدنيا كلها شايفاه بحميك م̷ِْن خوفو عليك وهو في الواقع بأزيك وبس، كل البنات مشاكلهم مع اخوانهم انهم متسلطين وبتحكمو فيهم بس م اكتر، اما انا ي ريت لْۆ عِن.̷̷̸̷̐ديّ اخو متسلط، قلبو حار علي وبحميني بس انا ابتليت الا بالأسوأ احساس انو اخوك يستبيحك لنفسو، يحلل ليك الحرام بصورة مقرفه، قعدني وبحاول يقنعني بحاجات وبأفكار غريبه

واثناء م هو بتكلم معي لقيت نفسي ناطه السرير وجاريه فتحت الباب وهو جاري وراي وينادي علي،

طبعاً اخت طالعه الشارع بجلبابها واخوها وراها اكيد هي العامله غلط في نظر الناس وماف زول بمسكو منها، بتاع الدكان، الجيران، الماره كلهم كانو عيونهم علينا وهو بقول لي تعالي هنا، تعالي هنا قلت ليك، دخلت بيت الجيران وقفلت الباب

كانو حبوبه كبيرة في العمر وراجلها بس وكان جا بي سكرتو دي ممكن يعمل فيههم اي شي،

قالو لي في شنو؟

شكلي كان سيء جداً جلباب قصير وخفيف وشعري طاير، وانا واقفه برجف

مالك ي بت؟

جدو مشى بسرعه علّى باب الشارع وفتحو

حبوبه سعاد ادتني توبها وهي بتقول لي مالك ي بتي ان شاءالله خير؟

قلت ليها عايزة تلفون اضرب لي امي،

قالت لي سمح تعالي هاك،

ساقتني ادتني التلفون، دخلت الحمام وقفلتو علي،

مسكت التلفون مكالمه ورا مكالمه لي امي لغايه م ردت، قلت ليها امي اللحقيني، امي عمار ولدك..

قالت لي مالك في شنو ي بت، عمار مالْۆ؟

بديت احكي ليها تفاصيل الحصل..

قلت ليها امي تعالي راجعه البيت سرعه، امي عمار ولدك لقاني في الحمام ولما عرف البيت فاضي وعزام في العيش قلع ملابسو ودخل علي و...الخ

كل الحصل دة كوم، ورد امي وهي بتقول لي سمح وقت طلعتي وجيتي بيت ناس حبوبتك سعاد ضاربه لي بشنو م تقعدي لمن اجي..

اخدته لي صنه وانا بحاول استوعب أإأذأإأ امي مستوعبه البقول فِيَه انا، قلت ليه امي انا بقول ليك ولدك..

قاطعتني قالت لي اوعى بس تكوني كلمتي زول م̷ِْن الحله؟اوعى تكوني حكيتي لي حجه سعاد؟

الحاله الانا داخله فيها، الخوفه، حجم الشي الحاصل وحوجتي لي انو زول يضمني عليه ويطبطب علي اللحظه ديك كلو خلتو على جنب حتى انها م سألتني اذا انا كويسه ولا لأ، كل همهما كان وين؟ اذا انا وريت زول ولا لأ، بقيت ببكي، اعمل شنو، اتصلت بعزام اخوي الصغير، قلت ليه خلي العيش وتعال هسي،

قال لي مالك في شنو؟

قلت ليه تعال بس عمار دة جا البيت سكران وشايل سكين وعايز يضربني انا طلعت في بيت ناس حبوبه سعاد هسي،

طلعت م̷ِْن الحمام لقيت حبوبه واقفه،

قالت لي مالك ي بتي مالو معاك اخوك؟

قلت ليها جا راجع سكران وعايز يضربني ي.حبوبه

مسكتني قالت لي •اللّہ̣̥ يهديه •اللّہ̣̥ يهديه بس تعالي ودخلتني بيتها وانا كنت برجف م̷ِْن البرد جابت لي غطى وقالت لي ارقدي لمن اهلك يرجعو.

❖

فتحت عيوني م̷ِْن النوم على صوت مكالمات كتيرة في تلفوني، فتحتو لقيتها جمانه، ورساله بتقول شهد اللحقيني، لْۆ لقيتي رسالتي دي ارجعي لي ضروري رجعت ليها بسرعه اول م فتحت الخط قالت لي شهد،

قلت ليها جمان بسم •اللّہ̣̥ في شنو مالك؟

قالت لي عمار ي شهد عمار اخوي امس...الخ

كانت بتتكلم وبتبكي، قالت لي م عارفه اعمل شنو، م عارفه بجد ي شهد امشي وين واقول ي منو م عارفه في بيتنا بقيت م ضامنه روحي

قلت ليها م قادره استوعب كيف يعني اخوك؟ دة م طبيعي الا اذا م طبيعي بجد، حسبي •اللّہ̣̥ ونعم الوكيل اخوك دة، دة، دة، كيف كيف يعني، انتِ وين؟كويسه

بقت تبكي

قلت ليها طيب م تبكي، فهميني الحصل بعدها شنو، امك عملت شنو م اتكلمت معاه م حكيتي ليها؟م حكيتي لزول؟

قالت ليّۓ امي؟ امي ي شهد لما حكيت ليها قالت لي انتِ كان جنبتي قوولي شان نششوف ليك طريقه علاج، قالت لي زول جا سكران واترمى في الصالون نام نومو، وانو م كان مفروض اطلع م̷ِْن البيت عملت ليهم فضيحه مع الجيران، يعني بالواضح كدة كان اخلي ولدها يعمل العايز يعملو فيني، قالت لي انتٌ مجنونه ساي

سكتت ودموعي جات جاريه، قلت ليها جمانه م قادرة استوعب يعني منطقياً دي حاجه صعبه الواحد يستوعبها، دة اخوك شقيقك كيف يعني يعمل حاجه زي دي.. طيب اخوانك واخواتك التانين موقفهم شنو؟عرفو

قالت لي اخواني م حيعرفو بالموضوع دة لانو دة اخوي الكبير ولو اتكلمت حيكذبوني، وامي زاتها قالت لي الموضوع دة م يطلع هسي كلهم متخيلنو جا سكران واتشاكل معي ك عادتهه، تخيلي بنوم في نص اخواتي وبقفل الباب علينا وبرضو بقعد صاحيه للصباح؟

قلت ليها بس دة موضوع م بتسكت عليه ي جمان دة مريض، اليَوُمًًِ انتِ بكره م معروف يعمل كدة مع اي واحدة في اخواتك امك دي م طبيعيه كيف تعدي موضوع زي دة عادي؟ م قادره استوعب هي بتفكر كيف مفروض تكسر رجلو لْۆ عتب عتبه البيت،

قالت لي حتى م سألتو، قالت نايم م يصحوه لمن يصحى براه، تخيلي بالبساطهه دي ي شهد

قلت ليها م اخوك بس الما طبيعي امك برضو،

قالت لي فكرت اطلع م̷ِْن البيت بس م عارفه امشي على وين، اهلي حيستجوبوني مالي والمواضيع حتكبر، بس م قادرة اقعد في البيت ابداً وكلهم بطلعو بخلوني براي في البيت، فجر تلنها فل وم في الداخليه م عارفاها وين م بترد علي حتي لْۆ فاتح، م لقيت غيرك اكلمو ابوي وقت عايش عينو م بقدر ارفعها علي ي شهد

قلت ليهاري ريت لْۆ كنت هناك كان جيت سوقتك واليحصل يحصل، قلت ليهَ اآ برجع ليك تمام

قفلت منها، اتصلت فجر تلفونها مقفول، اتصلت على صخر، اول م فتح الخط قال لي زارتني البركه اليَوُمًًِ

قلت ليه گّيَفْ الّحّال ٱن شْاءِ اللٌہ بَخّيَرٌ؟

قال لي الحمدلله وانتو كيفكم؟

قلت ليه الْحٍمَدٍ للّہ وسكتت

قال لي الوالد ټمٱم؟

قلت ليه الحمدلله

سكتت مسافه قال لي قولي مالك حاصل معاك شنو؟

سكتت

قال لي شههد، مالك قولي سكتتك دي م ساي خير ان شاءالله

قلت ليه ٱڅڑ مكالمه لينا قلت لي وقت م احتجتيني انا موجود

قال لي وهسي انا موجود قولي لي مالك؟

قلت ليه ي صخر عِن.̷̷̸̷̐ديّ صحبتي...

كل القالو لي رسلي لي رقمها كدة

قلت ليه هتعمل شنو؟بتقدر تساعدها؟

قال لي دة موضوع م هين، بس انتِ اديني رقمها ونبهيها اني حتصل بالرقم دة

قلت ليه شكراً بالجد تكون م قصرت، شايله همهما وخايفه عليها شديد وم لقيت زول اللجأ ليه غيرك

قال لي ي بت انتِ مجنونه شكراً شنو، م تخافي عليها ولا تشيلي همها ان شاءالله م بتجيها عوجه والموضوع بتحل م تشيلي هم اعتبريه إتحل...

سامر ياخي اسمع الكلام ياخي ولما يستجوبوك اتكلم، هسي انت ليك كم في السجن؟عاجباك قعدتك دي هنا؟ حتى المحامي محتار معاك ي سامر ياخي م ممكن

اتكلم اقول شنو؟

قول طيب قول انا م عملت

احمد، انا جيت لقيت الناس ديل متشكلين وحجزتهم، احكي تفاصيل الحاصل ياخي انت م قتلت م ليك ذنب في الحصل والقانون لٱ يحمي المغفلين

احمد م تكتر، الزول دة انا اشتبكت معاهو وضاربتو لغايه م دخلتو بيتهم جووة، تقرير الطبيب الشرعي قال شنو؟

الزول مات بنزيف في راس، يبقى •اللّہ̣̥ دة شافوه بالعين ولا بالعقل؟ قول لي بالعين ولا بالعقل؟

سكت

قلت ليه خلي القانون ياخد مجراه بس والجايه م̷ِْن •اللّہ̣̥ بتصيب ي زول

سامر ان اتسألت م تقول گلآمَگ دة فاهم ولا لأ؟سامعني بقول في شنو اوعى تقول گلآمَگ دة عشان شنو م تضيع نفسك

زين كيف مشيت عليهو شفتو ان شاءالله طيب وم ناقصو شي؟

اي مشيت، كويس الحمدلله م عليهو عوجه م تشيل همو في امان •اللّہ̣̥

الحمدلله

هسي ي سامر عاجبك حالك دة كدة، اهلي اهلي، اهلي، اهلك مرقو ولدهم وشيلوك انت مسؤليه شي انت م عاملو، مالهم م وقفو فْيَگ زي م انت كنت بتقيف فيهم؟ كان قبيل هم اهلك صح م كان جابو شهودهم والحله كلها وقالو ولدنا م قتل وطلعوه بواسطاتهم،

البلاغ حق القتل مقيد بإسمي انا ي احمد

الناس ديل عواليق ي الشاهين كان رضيت وكان ابيت والعملوه دة م بعملوه اهل ولا بعملوه رجال، اتفقو مع حبوبتك عليك طلعو ولدهم وانت رموك وااضحه م دايرة ليها ذكاء..

❖

وانا في الكورنيش شغاله برتب في المحل فجأة سمعت صوت بقول:

م شايف نفسك قذر وتافه قدر شنو؟ يعني انت م خجلان م̷ِْن نفسك؟ شايف انو انت كدة راجل شديد، مشيت وخطبت ونحن مرتبطين وبعد م خطبت جاي هسي تقول لي انا خطبته؟في الوقت الانا كنت بستحمل فيهو قرفك، الوقت الانا وقفت فِيَه معاك وقفه رجال وبسد ليك حوجاتك وبستحمل نفسيانك، الوقت الكنت بقول فِيَه لٱ بكره الحال بتصلح، بكرة بتعدل، الوقت الكنت بقول فِيَه قدري ظرفو وبقول ليك اصل البيت بالعندك وكان عِن.̷̷̸̷̐ديّ استعداد اقبل بالبتجيبو بس كنت انت بتاخد مِڼّي انا، قروش الصندوق الانا كنت بدفعها ليك عشان تدبر بيها امور عربيتك تمشي..

سكتت وبقت تبكي بي حرقه

كملت كلامها ب..

على الأقل كان تبقى راجل مع الرجال وتجي تواجهني عشان اقدر احترمك، تف عليك وعلى رجال قبيلتك كلها لْۆ كانو م̷ِْن نوعك دة، وانت م راجل ابداً انت باطل عارف يعني شنو باطل؟ حسبي •اللّہ̣̥ ونعم الوكيل فْيَگ، حسبي •اللّہ̣̥ ونعم الوكيل فيك

قعدت في البنبر وبقت تبكي، تبكي بي حرقه وبصوت حتى ابوي بقى يعاين ليها قال لي مالها؟

قلت ليه م عارفه

شلت ليها مويه ومشيت عليها قلت ليها لْۆ سمحتي اتفضلي، استهدي بالله واستغفري، ماف شي بستاهل

م كانت كبيرة، صغيرة في العقد التالت م̷ِْن عمرها تقريباُ وحلاتها بس حالتها حاله

كانت تبكي بي حرقه

قلت ليها م تبكي وصلي على النبي،

غسلت وشها وبقت تمسح دموعها بالمنديل، قالت لي عرفتو اهلي، امي، اخواني، وصل بيتنا عديل، الناس البتعرفو كلها حذرتني منو قالو لي زول لعب، زول مصالح، الرجال حذروني منو وانا كذبتهم، كذبتهم عشان كنت شايفاه راجل، مشى خطب ونحن مرتبطين، كل الناس المعانا في الشغل عارفه وبتكلمو م̷ِْن وراي، وم حكى لي بتصل علي بتكلم معي عادي، بتكلم معي عادي ودة اكتر شي واجعني انو استغباني زي الشافعه، تخيلي خاطب وبجي بتكلم معي، م مقصرة منو في شي انا صرف بصرف عليه، العيد القبل كم اسبوع دة انا موديه لأهلو خروف زيهم زي ناس بيتنا عشان امو كانت عامله حادث، بدخلو معي صناديق عشان يقدر يوفر واسهل عليه ولما م يدفع انا بدفع ليه م̷ِْن عِن.̷̷̸̷̐ديّ، م بفوت مناسبه عيد او غيرو م بجيب ليه فيها هديه، بتغير براه وانا البراضي وبعتذر رغم اني م بكون عامله شي، بلقى تلفونو مٍشغوٍلًً انصاص الليالي وبعد يخلص برجع لي وم بنكر انو بتكلم مع بت بس بقول انو صحبتو متزوجه وعندها مشڱلهِ بتحكيها ليه، بستحمل قرفو انصاص الليالي وبقعد سهرانه معاه لمن هو ينوم رغم اني بصحى بدري وبكون عِن.̷̷̸̷̐ديّ شغل، قدمت ليه تنازلات ماف واحدة بتعملها وسهلت عليه قلت ليه تَعاّإاّإلّ بالفي والمافي اهلي م عندهم مشڱلهِ رغم انهم عندهم مشڱلهِ بس الناقص كان عِن.̷̷̸̷̐ديّ استعداد اتمو م̷ِْن صيدليتي دي،

بعد دة كلو مشى خطب، ونحن في علاقه م̷ِْن غير اي سبب اسمع بيهو خطب، هسي اقول لي اهلي الكل يوم بسألوني الزول دة جاي متين شنو؟ اقول لي امي واخواتي شنو اقول ليهم بعد كلامي عنو دة كلو مشى خطب؟ياخي قبل شهر كان عيد ميلادو انا شنو الماجبتو ليهو، عامله ليهه 4 بوكسات هدايا طقم كل بوكس عامله ليه فِيَه حاجه براه لي كروت الشحن حقت الرصيد دي جايباها ليه فيها، اكتر م̷ِْن 20 مليون عاملاها ليه وهو الزمن داك بجهز في خطوبتو تخيلي بجهز في خطوبتو عضت يدها شديد وهي سااكته..

بقيت اعاين ليها وهي في حالتها دي وتبكي وتتكلم بحرقه لمن سنونها تضرب ببعض،

قلت ليها لْۆ فيهو خير ليك م كان ربنا اخدو مڼڱ، شوفي هسي الحاجات دي كلها انتِ عملتيها عشانو تقدري تحسبي هو عمل شنو عشانك؟

حتى احترام وتقدير للإنتِ عملتيه دة م اداك ليه، وانتو مرتبطين مشى خطب يعني زول م احترمك دة بغض النظر عن هو منو حتى الزعل عليه حرام، إذا في زعل ازعلي على نفسك.لأنك خليتيه يوصلك للمرحله دي، واتنين كان قالو ليك راسك دة ماف اهبشو انتِ بتقوبي البعرفوه كلهم حذروك منو وقالو ليك زول لعب وانتِ كابرتي بدون م تعملي كنترول لنفسك، مفروض تكوني فاهمه إنو انتِ م بتعرفيه اكتر منهم والرجال بعرفو بعض والحذرك دة لْۆ م بعرفو وعايز مصلحتك م بحذرك، وكل شي بحصل لخير وعوض ربنا نساي، بكرة خاطرك بنجبر وكسرك دة بهون وقدر اخف م̷ِْن قدر ربنا بحبك على فكرة، وهو فعلاً م راجل

ضحكت قالت لي الواجعني انو الخطبها دي شفتها في عرس اختو، كانت واقفه مع امو واخواتو وهو زاتو كان واقف معاهم، والغريبه اليَوُمًًِ دة زاتو لما رجعت البيت شاكلني وقال لي كيف تلبسي فستان يظهر جسمك زي دة خجلتيني مع اهلي ومن وقتها منعني اللبس على مزاجي وبقيت قبل اطلع اوريه حألبس شنو حتى اطلع

قلت ليها مُسيلمه الكذاب، عموماً العترة الما بترميك بتعدل مشيتك، اهم حاجه تكوني فهمتي انتِ بخسارتو دي كسبتي نفسك، صحتك، حياتك، حاره الحاجه العملها بس كويس الجات منو هو.. حسيتها كانت مكبوتهه وقالت كل الفي قلبها لأقرب زول لقتو قدامها وخلاص

كسرت خاطري وخلتني اراجع نفسي وشكل علاقتي مع سامر كانت كيف؟ هو كان بالسؤ دة وانا م شايفاه؟

هم كلهم كدة؟

مشيت خليتها قاعدة وتبكي، ابوي ناداني عشان في زباين، قال لي مالها مات ليها زول ولا شنو؟

قلت ليه لا.

يوم جيت داخله البيت سمعت امي بتقول: ي جماعه عليك •اللّہ̣̥ م تعملو لينا مشاكل، قلتو دايرين.البت تعرف وعرفت، دايرين تقعدو معاها وقعدت، تاني ساكنها لشنو؟ فايدتكم منها شنو هسي؟

ابوها م عرف انها لاقتكم وكان عرف والله يقومها قيامه وهو زول عيان، وبعدين انتِ مش ياكي اختها الكنتِ بتقولي يقتلو الجنى ويدفنوه في حتتو؟ مش ياكي الكنتِ داخله ومارقه تتكلمي هنا وهناك وتقولي تعالو سوقوها فضحتنا وشرطت عينا؟ مش ياكي الكنتِ تكفتي وتخنقي فيها وهي متعثرة الا امك مسكتك طلعتك برة؟ ياكي ولا م ياكي؟

انا متذكرة وم ناسيه نهائي اليَوُمًًِ داك م̷ِْن ختيت رجلي في البيت لغايه م شلت الجنا وطلعته متذكراهو، هسي الجدة شنو بس انا دايرة اعرف، اكان قبيل شفت معامله غير الكنتِ بتعامليها لأختك وهي في ولادة وبكريه وبين الحياة والموت كان قلت معليش، لَگِنْ انا شفتك عاد وسمعت گلآمَگ كلو وم ناسياك ولا ناسيه اي زول كان هناك اليَوُمًًِ داك، ابعدي مننا وخلينا في حالنا البت م دايراكم، بعد عرفت م دايراكم اها تاني شنو؟

جيت داخله امي قفلت التلفون

عملت روحي م سمعت بس سمعت اي حرف،

قالت لي جيتو؟

قلت ليها اي، دخلت غرفتي، وانا بيني وبين نفسي بفكر في كلام امي، وهي م حتقولو حتى لْۆ واجهتها،

يوم طلعت انا وخضيرة الصباح على السوق الكبير عشان نشتري حجات واثناء م نحن ماشين فجأة سمعت صوت بنادي علي

شهد؟

احمد؟الجابك هنا شنو؟

ي زولهه بسم •اللّہ̣̥ انا اسأل ولا انتِ؟

قلت ليه انا بسأل لأنو دي بلدنا، انت الجابك شنو؟

قال لي كيف ياخ انا شغلي كلو هنا بسم •اللّہ̣̥

قلت ليه جد؟

قال لي وين انتِ ي زوله تلفوناتك مقفله واتسابك م شغال الواحد م قادر يصل ليك..

قلت ليه دي خضيرة بت جيرانا

قال ليها گّيَفْ الّحّال ٱن شْاءِ اللٌہ بَخّيَرٌ؟

قالت ليه الحمدلله

قلت ليه نحن حنمشي لانو..

قاطعني قال لي تمشي وين ي زوله ماف مشي، تعالي كدة

اخدني على جنب

قال لي دة شنو ي شهد يعني والله انا زعلان ومتضايق مڼڱ جداً وكنت شايفك اكبر م̷ِْن كدة، شهد العشرة دي م بتهون، والله م بتهون مهما كان حجم الحاصل بينك وبين زول م̷ِْن خلاف، الملح والملاح م بتنسي، والزول دة زي م عندو مواقفو الكعبه عندو مواقفو السمحه معاك محيتيها كلها في لمح البصر؟ قلت ليه م فاهماك؟

قال ليّۓ م فاهمة شنو؟انا الما فاهمك للأن

انتِ ي شهد خليتي الزول دة ولا كأنو في يوم كان في بينك وبينو حاجه، انا والله اتوقعت اي شي في الدنيا دي الا الموقف دة مڼڱ، جيتك قلت ليك الزول دة حصل وحصل وحصل، واحتمال ياخي يتحبس وم يطلع، اتصلتي مرة سألتي، وتاني ي شهد ولا حتى سألتي حي ولا ميت ولا الحاصل عليه شنو، يعني مهما حصل ماف زول بتموقف موقفك دة ان كان قاتل ليك رقبه زاتو

طبعاً انا مصدومه بعاين ليه،

قلت ليه احمد انت فاهم غلط انا اتصلت عليهه في رقمو ولقيتو فاتح واتكلمت معاه عشان افهم منو الحاصل واتطمن عليه هو م اداني تفاصيل الحصل بس الحمدلله قال لي انا طلعته وانا كويس م عِن.̷̷̸̷̐ديّ عوجه، حتى إنو بعدها رسل لي ورقتي مع امو واخوه جابوها لي ابوي في البيت، والحمدلله انو طلع والموضوع انتهى على كدة بس وانا عداني العيب ف م فاهماك بجد

قال لي دقيقة دقيقة اتصلتِ على سامر واتكلمتي معاه وسامر نفسو قال ليك انا طلعته؟

قلت ليه اي

قال ليّۓ متين الكلام دة؟

قلت ليه زمان م̷ِْن لما اتصلت وكلمتني بالحصل وحتى قلت لي رحلوه وم رحلوه لما اتصلت قال لي م رحلوني ولا شي انا طلعت وسافرت طوالي م كلمت زول عشان كدة هم كانو بفتشو بس

قال لي لٱ حول ولا قوة الا بالله، ساامر قال ليك كدة؟

قلت ليه ايوة ليه مالك؟

رفع راسو وبقى يتلفت بضيق، ومسح وشو بي يديه،

قلت ليه مالك ي احمد؟

قال لي سامر هسي قريب ال 9 شهور في السجن ي شهد

قلت ليه كيف يعني؟م فهمت، هو قال طلعوه

قال لي كذاب، كذب عليك م طلع ولا اي شي، مرمي في سجن م̷ِْن سجون الولايات بدون محاكمه وبدون اي شي

قلت ليه كيف كيف؟كيف يعني؟

جاتو مكالمه فجأة وانا بعاين ليه ولسسه مخلوعه

طلع تلفونو ورد وقال: اي ي خالي، اي انا في السوق قريب مڼڱ، جاي عليك وين انت؟

طيب ټمٱم، ټمٱم خليك قريب مڼڱ انا،

قال لي شهد عِن.̷̷̸̷̐ديّ خالي ضروري اللاقيه واقعد معاه جاي م̷ِْن هناك عشان اقعد معاه بخصوص الموضوع دة زاتو هو مستعجل م عندو زمن ف شنو اديني رقمك بتصل عليك

قلت ليه لٱ فهمني قبل كل شي،

قال لي بتصل عليك ي شهد اكتبي لي رقمك، مسكت منو التلفون وقفلته وقلت ليه احمد انا م متحركه م̷ِْن هنا مالم تفهمني في شنو وسامر الحاصل عليه شنو بالضبط وليه م طلع م̷ِْن السجن

قال لي شهد انا خالي دة م صدقت لميت فِيَه شان اقعد معاه، برجع ليك والله بتصل عليك وبفهمك اي شي،

قلت ليه احمد •اللّہ̣̥ يرضى عليك فهمني على الواقف كدة م حأقدر انتظر ولا ثانيه

رفع لي شنطه في يدو قال لي شايفه دي؟

سكت وقال لي ولا اقول ليك تعالي معي،

قلت ليه وين؟

قال لي تعالي مش مُصره م تمشي، وانا مستعجل ي شهد، ارح معي طيب نتفاهم هناك م بعيد مسافه رجول بس

قلت لي خضيرة تعالي

قالت لي وين ودة منوو؟

قلت ليها تعالي ولا ارجعي البيت انا بلحقك

قالت لي خلاص برجع البيت عشان امي م تنق فيني م ناقصاها

قلت ليها ټمٱم شيلي معاك الحاجات دي وم تمشي بيتنا لمن انا ارجع

قالت لي ټمٱم،

مشيت على احمد وهو بتكلم بالتلفون وبقول: جمبك ياخي والله جمبك في الزحمه حقت الخلق دي بس، ټمٱم.،

قال لي نمشي؟

قلت ليه اي ارح، اتحركنا مشينا مسافه، وصلنا محل كدة نظام كافيه، قال لي يلا، دخلت وراه، سلم على العمال وكدة، وواصلنا مشى لغايه م فجأة كدة وقف وضرب زول في كتفو وقال ليه بنبره عاليه الخال الغالي يا..

الراجل وقف على حيلو وحضنو ومع الحضن دة عيني وقعت على وش الراجل وهو بعاين لي وانا بقيت مُسمره في مكاني وبعاين ليه وصوت احمد وهو بقول ليه الصحه والاخبار شنو ي حاج الغلا دة ياخ اجري وراك كم شهر و احنسك عشان اللقاك؟ قلت ليك داير بتك انا؟ كمل سلامو معاه و

اتفك منو قال لي شهد دة خالي عبدالله الوقفني على رجل واحدة عشان المسافه دي بس اتخيلي، دي طبعاً مرت صحبي الحكيت ليك عنو وجاي ليك عشانو ي خالي، شوف الصدف دي غريبه كيف فجأة وانا ماشي لقيتها في وشي حكمه •اللّہ̣̥ بس ربنا كاتب لينا القعدة دي م بعض، جر ليّۓ الكرسي وقال ليّۓ اقعدي ي شهد يلا اتفضل ي خال خلونا نقعد يا عشان الخال دة مستعجل بالحيل ..

اشر على الويتر جا قال ليهو قهوة ومويه شهد تشربي شنو؟

سكتت وانا لسه بحاول استوعب الخلقه القدامي دي وبعاين لي احمد بتردد واحمد بتكلم سريع،

قال للويتر واحد جبنه، مويه، 2 عصير اي حاجه ابو السريع كدة بالله، قال ليهو ي خال عشان قلت مستعجل وعندك محكمه ومربوط بزمن وموالات زي دي م حمسك بيك زمن كتير وأأخرك

فتح الشنطه وطلع فايل قال ليهواتفضل دة ملف القضيه تقدر تقرأ كل تفاصيلها براحتك بس عايز مڼڱ رد مستعجل ي خال عشان لْۆ م هناي اشوف بديل لانو انا صحبي دة هسي ساي كدة قاعد 9 شهور سجن بدون اي شي واضح، يعني سنه في حكم القانون .القاضي بتجرجر المحامي ضعيف ومراوغ وزهجني سحبته منو ملف القضيه ومن البدايه انا اصلاً كنت دايرك تمسكها بس انت يلمو فْيَگ كيف؟

هسي ي خال م تخاف زي م قلت ليك اتعابك كلها حضرانه انا بس دايرك تمسك لي القضيه دي وعارفك زول م ساهل في الأمور دي وسمعتك سابقاك ف شنو امرق لي صحبي دة وم تقول لي عندي قضايا وبتاع إستثني لي القضيه دي ي خال دة زول اكتر م̷ِْن اخوي و اتعابك كلها م̷ِْن الألف للياء حاضر...

خطي باليد الشمال كيف بالله، اتجاوزو الاخطاء رجاءً