الفصل الثالث والأربعون
وانا قاعدة منتظرة سامر اتأخر، بتصل عليه رقمو م بدخل، عِن.̷̷̸̷̐ديّ كتاب لأجاثا كريستي اخدتو وساهرته فِيَه لغايه م نمت،
صحيت بصوت سامر بصحي فيني ف قمت مخلوعه،
قال لي بسم •اللّہ̣̥
قلت ليه جيت متين والساعه كم هسي؟
سمعت اذان بأذن قلت ليه دة الصبح؟
كنت وين كل دهه انت؟
قال لي كنا في المقابر
قلت ليه مقابر؟ المات منو؟
قال لي المحامي عبدالله..!
لما سامر جا وقال لي الخبر اكتر شي حسيتو تأنيب الضمير، اتوفى بذبحهه، م عارفه سببها الاساسي شنو بس احساسي بي إني كنت واحدة من اسباب موتو.لازمني، كل م اتذكر نبرتو معي في ٱڅڑ مكالمه وهو بقول لي نتلاقى ونقعد قلبي بيوجعني لأني رفضت،
عمري م اتوقعت انو ممكن يرف لي جفن واحزن عليه كدة،
معظم الوقت بقيت بسأل سامر انا قاسيه؟ قلبي كعب؟
قال لي لٱ ابدا، ً بس انتِ ليك ظروفك..
طيب انا كنت غلط في تعاملي معاه؟
م عارفه انا ليه حاسه إنو هو مات زعل وانا السبب الاساسي في كدة
قال لي شهد يومو تم، انتِ م ليك ذنب، ...
بعد اسبوع م̷ِْن وفاتو جات عمتو ام احمد وابوه وامو في البيت، ام احمد دي م̷ِْن شافتني دمعتها م وقفت ابداً وبكتني معاها، حتى احمد زاتو كانت شبه ببكي
قالت لي هو متشخص بزهايمر مبكر م̷ِْن فترة.طويله لَگِنْ م شديد، وحتى كانت اعراض بس م اكيد لَگِنْ ماشي على كلام الدكتور والبيديه ليه بياخدو، وماشاءالله افراح م مقصرة معاه بالخصوص دة، "افراح دي كانت زميلتو واتزوجها قريب"الفترة الاخيرة دي شويه انضغط عشان كدة النسى بتاعو بقى كتير لدرجه ي شهد احياناً بطلع البقاله بنسى شبشبو وبجي حفيان بعد يصل حتى يفكر انو ماشي حفيان وم عارف شبشبو وين وكان بحس بالحرج، كان برتب في امورو وحاجاتو عشان ماشي يستقر في تركيا ويفتح مكتب عقار هناك مع مرتو وبدو يعملو في اجراءاتهم لَگِنْ ارارد •اللّہ̣̥ كمان
يومو الوقع مات دة جاني، ختيت ليهو الغداء اتغداء وشربنا الشاي وقعدنا نتونس لما المغرب دخل قال لي ماشي اصلي في الجامع، حكمة •اللّہ̣̥ الفترة الاخيرة دي بقى حريص شديد على صلواتو وكلها في الجامع وعشان بنسى احياناً كتيرة بجبرو يصلي مع ابو احمد في البيت، وانا جد اللحظه قلبي اكلني لَگِنْ قلت ليه امشي،
اها اراد •اللّہ̣̥ مشى صلى طالع م̷ِْن الجامع وقع في حتتو، اليَوُمًًِ تم لَگِنْ شاهد •اللّہ̣̥ كويس م عليهو شي بجيب ليهو الذبحهه
سامر قال ليها رحمة •اللّہ̣̥ عليه كلنا ليها ي خالتي
ابو احمد قال لينا الحمدلله على ما اراد •اللّہ̣̥، الحمدلله،
المهم ي بتي نحن هسي جاين هنا لي غرض وامانه ووصيه ابوك دة قبل م يموت كان بجهز فيها على حسب انو مسافر يتعالج ويستقر وكدة م عارف جايهو قدر ربنا زاتو بس حكمة •اللّہ̣̥،
خلى لينا امانه هي المفروض تكون تحت تصرفك وتقيفي فيها، نحن م عارفين غرضو شنو لَگِنْ الامانه دي امانه والوصيه دي وصيه، ابوك رحمة •اللّہ̣̥ عليه خت قروش تحت تصرفك..
بقيت اعاين لسامر.
احمد قال لي قبل م تبدي اي ردة فعل انا حقول ليك الفكرة العامة،
ابوك مخلي ليك القروش دي تستثمريها وتنفقيها في سبيل •اللّہ̣̥ في نفس الوقت،
اتفضلي، مد لي ظرف،
بقيت ساكته مسافه بعدين قلت ليه معليش بس انا م بقدر،
احمد قال لي شهد دي وصيه وامانه نحن م عندنا يد فيها وم عندنا رأي غير انو نوصلها، الظرف دة نحن م فتحناه ولا شفنا الحاصل فِيَه شنو لَگِنْ هو م̷ِْن فترة ادانا فكرة عامه قبل م يموت وم عارف نفسو بموت لانو هو عمل ليك التوكيل دة بحكم انو مسافر م̷ِْن البلد دي، نحن م حنشيلو حنخليه هنا تفتحيه براحتك وقت م حسيتي إنك قادرة على كدة وتشوفي هو قال شنو،
ام احمد قالت لي مات وخلى وراهو كل شي ي بتي، وبقولو إذا مات ابن ادم انقطع عمله الا م̷ِْن ثلاث، م̷ِْن ضمن الثلاث ديل ولد صالح يدعو ڵهٍ، طول عمرو كان لافي م̷ِْن هنا لي هنا ساي م عرس وعمل بيت واولاد وشال مسؤليه نهائي رغم محاولتنا معاه في كده، عشان كدة لما لقاك في وشو وعرف انك بتو بقى عاصر عليك شدييد وم كان طمعان في انك تعامليه عادي لانو انا زاتي كتير ناقشتو.انو الموضوع م عُاَدّيَ وم يضغط عليك، معظم قروشو قضى عمرو مضيعها ساي م عندو حاجه لي بكرة كان ولا عندو الجنى البشيل همو، وعرسو م̷ِْن افراح دة عقد ساي وتم في الفترة الاخيرة دي، وهو على حسب الزهايمر المتشخص بيهو دة اختار انوِ يرمي عليك صلاحيات احوالو الماليه، وفي حال حصل ليهو اي شي ليك حق التصرف فيها، والظرف دة م تفتكريهو القروش، الظرف دة فيهو المفروض تعمليهو بالقروش شنو ف شنو ي بتي حاولي ختي الرحمن في قِلبُكًً
وهو كدة كدة بقى تحت التراب يعني م علينا الا ندعي ليهو بالرحمه والمغفرة ونعمل الشي الممكن يشفع ليهو بعدين ...
مشو خلوني وانا ماشه وجايه، سامر لما شاف حالتي مسكني،
قلت ليه م قادرة ي سامر، انا مخنوقه بجد، م̷ِْن ناحيه تأنيب الضمير ملازمني وم قادرة اتجاوز الحته بتاعه موتو دي، ومن ناحيه انا م اتقبلتو هو حي حتقبل قروشو وهو ميت؟
قال لي شهد، ي المبروكه، هو عارف انو م حتقبلي حاجه زي دي، ولاحظي هو م كاتبها ليك ك ورثه او فرض عليك تكوني بتو بالعكس الزول دهه احترم رفضك ليه ك والد ودة م شي سهل، لاحظي هو عايزك تنفقيها في سبيل •اللّہ̣̥ وتكون الحاجه دي بشكل مستمر زي الصدقه الجاريه، هو م عميان م̷ِْن احمد ومنظمتو الطوعيه، ولا عميان م̷ِْن اختو ولا عميان م̷ِْن عمي، لَگِنْ هو عايزها تكون تحت تصرفك وم حتفهمي ليه مالم تفتحي الظرف دة وتشوفيه، وبعدين في كل الاحوال عندك خيار ترفضي وتسلميها للأحق في التصرف فيها على اكمل وجه، بس برضو ي شهد حاولي اذا في مقدرتك ليهه لٱ؟
وتحتسبيهو بر والد واجر ليك بالمرة،
شلت الظرف فتحتو كان فِيَه اوراق م فهمت فيها شي،
في كم ورقه كانت في الظرف وكبيرة بحجم الظرف نفسو طلعتها كان عليها رسم، والرسم زاتو بعد كل رسمه في سهم وترقيم،
اول رسمه كانت بير وجمبها ناس بتغرف، بعدها السهم كان إتجاه الترقيم للورقه 2 وهي عبارة عن مظلات في الشارع العام، بعدها في ورقه رسومات لأطفال صغار كدهه متلمين في الشارع ونايمين في الارض ومتغطين، بعدها رسمه مركز صحي مكتوب عليه الخيرات، بعدها سهم ماشي لي مدرسه جواها طلبه وكدة، بعدها بيت مرسوم جواه ناس كبار في العمر وشايلين عكاكيز متسندين عليها وتحت في الورقه كاتب لي:
صحياً م مؤهل اقوم بالحاجات دي، وانتِ خير مثيل لأعمال يعود خيرها لوالدتك "زهرة السوسن"...
بقيت اعاين لسامر
قلت ليه م قسوة.مِڼّي بس م بقدر انت فاهمني؟
قال انا معاك، هي مسؤليه صعبه بس إذا قدرتي توظفي كل المتاح في يدك صح ي شهد حتقدري تعمل كل الفي الورق دة،
م عارف انتِ م̷ِْن ااي ناحيه شايفاه كعب وانتِ م جربتي تتعاملي معاه ي شهد، عدوانيتك تجاهو م ليها مبرر ومبالغ فيها صدقيني، وإن على الغلط كلنا بنغلط ي شهد في الدنيا دي، وم كلنا بنتحمل نتيجه اخطاءنا بس في النهايه ربنا سبحانه وتعالى ادرى بالجوانا و بغفر لينا، انا بالنسبه لي هو اذنب ودة حسابهه مع ربنا سبحانه وتعالى، نحن م ملائكه نحن بشر والراجل دة على المستوى الشخصي اتعاملت معاه، لاحظي هو م كان عندو علم بوجودك في الدنيا دي اصلاً ولم عرف م بقى زيو دي غيرو واستنكر فعلتو.بالعكس هو حاول يصلك على قدر م يقدر، ضميرو كان حي تجاه والدتك والحصل ليها وحاول إنو يعمل الشي الفي زمن ما كان ممكن يكون صح لْۆ اتعمل، ، حقدك تجاهه م حيغير شي خصوصاً انتِ م شفتي منو شي كعب بالعكس صح ي شهد؟
سكتت
حالياً انا متحسر شديد إني م ناقشتك في النقاط دي قبل ي شهد، الحياة دي نحن اتولدنا فيها عشان ناخد فرص وعشان نصلح م̷ِْن نفسنا يعني انا كيف قدرت اقول ليك انا بقدر اكون نسْخَهِ احسن م̷ِْن نفسي كل مرة عشانك وم شفت النسخه الكويسه في الزول دة؟وانتِ كيف قدرتي تتقبليني انا رغم كل السؤ الشوفتيهو مِڼّي وم قدرتي تتقبلي شخصيه م شفتي منها لٱ جانب كويس ولا جانب كعب وحكمتي عليها ..
وعموماً ماف زول بوكلوه لعمل خير وبرفض ي شهد م بالك اذا الاجر ماشي لي امك وبر لوالدك؟ الواحد بقطع م̷ِْن لحم جسمو عشان يتصدق لأمو، ولو عليه يعمل ليهو ابو م̷ِْن شمع ويختو قدامو..
قلت ليه انا بس..
قال لي انتِ كل الحتعمليه حتعتبري دي امانه ي شهد
قلت ليه حاضر
قال لي وانا حاضر، مشيت وين انا؟
اقعدي مع احمد وشاوريه في المفروض يتعمل والجهات الممكن تتعمل فيها البير مثلاً اول حاجه ك خطوة مبدئيه حسب ما في الرسمه
قلت ليه طيب علشان انا اعمل كل الفي الورقه دة مفروض اعمل شنوو؟
قال لي المادة الفي يدك استثمريها واتمرحلي، واحدة واحدة،
مثلاً خلي جزء م̷ِْنها احمد يستثمرو ليك في مشروع زراعي والعائد ابدي بيه حاجه م̷ِْن المخطط وهكذا
قلت ليه ليه احمد ليه م انت؟
قال لي انا معاك خطوة خطوة ومتحمل معاك المسؤليه كامله بس الناحيه دي خليها تكون مع احمد وناقشي امورها معاهو،
❖
نور
ايوة ي عمار
اسألك سؤال؟
اتفضل خير ان شاءالله
نحن البينا دة شنو؟
البينا؟
يعني انتِ فاهمة انا قاصد شنو..
البينا احترام ي دكتور وانت ولد خالتي دي القرابه البينا
وتاني؟
العافيه بس تاني
نور؟
عمار باب اتقفل زمان وانت اخترت تقفلو بذات نفسك م شايفه إنو عندك حق تفتحو..
انتِ عارفه الظروف القفلت فِيَه الباب داك انا، وعارفه الوضع الكنت فِيَه
وعارفه إنو بعدها كملت حياتك عادي محل م وقفت
وانتِ؟
انا مالي؟
م كملتي ليهه؟مش عشان تجي اللحظه النحن فيها دي وتكون قدامنا فرصهه؟
فرصهه؟
ه عمار انا كملت بس م في الجانب الكنت حأكون معاك فيهو، يعني الحمدلله الخطوة جات مڼڱ انت لانو بعدها فهمت انو انا حاصرة تفكيري في نمط حياة محدد معاك وبعدك صورة الحياة وضحت عِن.̷̷̸̷̐ديّ اكتر، الحياة بتستمر بننكسر في جانب وربنا بجبرنا في جانب تاني لَگِنْ
انت بس عشان في مخيلتك انو نور زمان العرس كان بالنسبه ليها غايه علشان كدة شايف انو لسسه قدامنا فرصه، عمار عندك المرة وعندك الاولاد ابقى عليهم عشرة، اما انا الجواي ليك رميتو م̷ِْن وقت خليتني اشوف روحي معيوبه بعد موت امك
نور امي رحمة •اللّہ̣̥ عليها بدون مشاورة خطبت لي سلافه
وسلافه اختي ي عمار بسببك ركبت راس وعرست زول انا واثقه مليون في الميه انها م كانت عايزاه لٱ عمراً قدرها ولا واقعياً في مقاربه بين نمط حياتها وحياتو وحتى فكرة التأقلم في المكان الوداها ليه كانت مستحيله عارف ليهه؟
لانو لما ودوها المنطقه ديك ك مُدرسه م كان عندها استعداد تكمل فيها وقدمت خطاباتها علشان ينقلوها، لَگِنْ عشان تحل القصه والشربكه العملتها انت وامك دي كلها، عمار بما انك فتحت الموضوع خليني اقولها ليك انت م كانت عندك الشخصيه البتخليك تحدد انت عايز شنو، يعني انت داخل معي في علاقه وفي نفس الوقت عارف امك عايزة ليك منو فينا وببساطه م قادر تواجهه لغايهه م بسببك اتشربكنا ي عمار وعارف انو الخطوة.دي مفروض تجي مڼڱ انت لانو مواجه امي او ابوي بحاجه زي دي م̷ِْن واحدة.فينا كانت فيها كسر رقبه بالذات امي وبراك عارف ظروف بيتنا، سلافه عرست بالمحكمه بدون رضى ابوي او امي عشان شنو؟
ابوي مات بزعلتو منها عشان شنوو؟
هي ماتت بدون م تاخد رضى امي عشان شنو؟
انت خلقت فجوة في بيتنا ي عمار، فجوة.نحن لغايه اللحظه بسببها مشتتين، المات مننا مات والباقي مننا كل واحد فينا في اتجاه، وجيت في النهايه بكل بساطه بعد وفاة.امك قلت شنوو؟
امي لما كانت حيه م اديتوني بعد وفاتها م داير م̷ِْن البيت دة في حين انو انت امك م واجهتها ووريتها انت باقي على شنو اصلاً وخليت الناس كلها تفتكر انو سلافه رافضاك بمزاجها رغم انو اسباب رفضها كانت لانها على علم بالبينا وم عايزة تفصح عن الحاجه دي عايزة الموقف يجي مڼڱ انت وحسمانو يكون في يدك انت، وانا وقتها برضو كنت منتظرة مڼڱ الموقف دة بس لما بخلت علي بيهه بقيت م لازمني ابدا..ً
❖
هعمل العايزاه..
مش انتِ عملتي العايزاه قبل؟
لأ ابدا، اناً هعمل العايزاه بي رغبه، مش انتو بتقولو علي فاشله؟ټمٱم خلوني في فشلي دة انا،
زي م قدرت آتغلب على نفسي واخسر كل الدهون الكنتو بتشمئزو مني بسببها دي، بقدر اتغلب على فشلي الانتو شايفني عليه دة، وبالمناسبه انا م فاشله بس انا م زي الباقين العايشين حياتهم بفرضياتكم ي ابوي، يعني انت جربت تسأل البقيتو دكتور دة اذا هو مرتاح في شغلو؟
جربت تسأل المهندسه دي اذا هي مبسوطه بمجالها؟
جربت تسألني عن الجوانب الانا ممكن اكون ناجحه فيها وتدعمني بغض النظر عن الجانب الاكاديمي؟
وانتِ ي امي جربتي تتقبليني بي سمنتي دي وسط اهلك وم تشوفيني شي يتعمل منو موال ضحك او تشغيله؟ جربتي تقابلي بي دكتور تغذيه وتعالجي السمنه المفرطه الانا كنت فيها دي؟ جربتي تسوقيني وتسجلي معي في صاله رياضه او حتى تحاولي تدعميني علشان اعمل تكميم معدة وتطلعيني م̷ِْن نظرات المجتمع والعقد النفسيه الدخلها فيني؟
انتو م اخترتو تخلقونا، ولا في يدكم تختارونا، بس كان بإمكانكم تختارو تكونو اهل كويسين وتقدمو لينا حياة افضل م̷ِْن انو نمطها يكون محدود ومحورو عباره عن رفاهيات ماديه مقابلها تشوهات نفسيه...
عموماً الانا هعملو حالياً رغبه وطالما انكم فشلتو في انو تقدمو لي شي زمان هسي بتقدرو تقدمو لي شي واحد خلوني اعمل الانا عايزاه انا واثقه اني م حخزل نفسي...
❖
عارف ي صخر انا لْۆ م انت كنت حكون في خبر كان؟
اصلاً انا كنت حاسه انو اليَوُمًًِ ناوي لي على نيه بتقاطع في راسي وخلق معي كم موضوع مشيتهم وكدة
والله ي جمانه انا لما لقيت الرساله راسي جاط والمكان م فيهو شبكه وانا ماسك قوة يعني فكرة اني اخليها دي مستحيله، لَگِنْ الحمدلله صحبي دة لميت فِيَه بالبركه بس م فهمتو اي شي بس قلت ليه العنوان دة داهمو لي فوق تحت،
واانت طلبت يتشدد في التحقيق وموال المصحه دة صح؟
مراعاة لي امك ي جمان المصحه هي افضل مكان لأخوك ودة المكان المناسب والطبيعي ليهو
حرفياً ي صخر انا ممتنه جداً للمواقف العرفتني بيك وي ريت لْۆ عرفتك في ظروف احسن م̷ِْن دي
خليك م̷ِْن الرغي الفارغ دي هسي وقولي لي مرتاحه هسي انتِ؟
مرتاحه؟ بعد كل الفي جسمي دة م اظن
انا جاي بعد بكرة.ممكن نتلاقى؟
بالجد ولا بتهظر اخيرا؟
❖
شاهد
صخر ي صخر ..
ه كيفك ياخ والراجل والعيان والحال والاحوال
عيال في عينك
ټمٱم الحمدلله والله انت كيف اخبارك؟
في نعمة والله ياخ
وين انت ي شاب؟
موجود ي ي شابه بس ضغوطات شغل ومأموريات وموالات موالات
قربت تاخد رتبه مشير وترفع راسنا ولا لسه..
ي زوله ماشين للتقاعد مشير مين
ي شيخ استهدي بالله
ونعم بالله الاخبار شنو ي بتي؟
الحمدلله والله وزارتنا البركه ي باشا
•اللّہ̣̥ يديمها ي رب،
عايزة اتصل عليك م̷ِْن فترة.
وم قدرتي مع مشغوليات البيت والعيال والراجل عاذرك عاذرك ي شهد..
ضحكت، صخر جادة انا والله م تضربني تحت الحزام
في حاجات كتيرة عايزة اتكلم معاك فيها اولها بالجد يعني شكراً على وقفتك مع جمانه بدونك م..
بتنا جمانه دي لْۆ م كانت صحبتك ولا كنت بعرفها في الهي فيهو دة مساعدتها فرض عين ي شهد،
وبالمناسبه دي كنت عايز افتح معاك موالها دة، يعني هي استشارة
عايز اقدم ليها هديه ك تحفيز ليها او دعم نفسي يحسن م̷ِْن حالتها الهي فيها دي وم عارف اعمل ليها شنو ي شهد م عِن.̷̷̸̷̐ديّ خلفيه عن الحاجات الهي ممكن تكون محببه لقلبها انتِ صحبتها وادرى بيها وكدة
ام
اها بس م تعملي لي امنم وحركاتكم دي تعاليني دغري
ضحكت وقلت ليه جيتني في ملعبي وبالمناسبه انا كمان كنت بفكر اقدم ليها هديه بمناسبه الوظيفه الجديدة
وظيفه جديدة؟ جمانه اشتغلت؟
لسه ياخي بس اتوظفت وهي م تدري
شهد اتكلمي عربي
طيب عاين صاحب سامر عندو منظمة لقى ليها فيها شغل، موظفه علاقات عامه
ي سلام ياخ بشارة سمحهه جد تستاهل
وعايزة اعملها ليها مفاجأة وكنت بفكر في شي محترم على الأقل يحسن نفسيتها وينسيها الحصل الفترة المضت دي ف سبحان •اللّہ̣̥ انت جيت بنفس الفهم
طيب معاك قولي لي الفكرة وابشري ي شهد قدام بس انا جاي بعد بكرة يعني بالكتير اليَوُمًًِ البعدو حألاقيها
طيب عاين انت م حتقول ليها المنظمة حقت منو او قبلوها كيف، حأوريك الباقي فيما بعد بس اظبطو
ټمٱم طيب اديني التفاصيل
❖
ايوة
طلبت دي رايك؟
هي بتحب البيبي بلو دة شديد علشان كدة مركزة ليها في تفاصيلو وكدة بس عموماً نوعت ليها في الحاجات
ظريف ي شهد ظريف شديد، بالمناسبه احمد قال يوم الخميس ممكن تجي تعمل المقابله بس زي م قلت ليك ي شهد عشان الموضوع شويه كدة محتاج جديه، يعني احمد بالذات في الشغل م بتهاون وم بلعب، ف انا م عايزها تتعامل على اساس انو في وساطه، عايزها تحاول تثبت نفسها في الوظيفه دي عشان تقنعهم عندها 3 شهور اولى و 3 شهور تانيه يعني 6 شهور بعدها لْۆ لقوها م على قدر كدة حيتم استبدالها وحتاخد اي وظيفه هامشيه، انا م داير يحصل معاها كدة ودي فرصه كويسه بالنسبه ليها، عشان كدة الأولو نور اخرو نور خليها تجهز ال Cv بتاعها ويكون مكتمل وفي الإنترڤيو م حيظهر زول م̷ِْن الشخصيات الهي بتعرفهم يعني لٱ حيكون في احمد ولا حيكون في غيرو حتقابلها لجنه مختصه نبهيها بكدة
حاضر
م تفهمي قصدي اني بديك تعليمات وشروط بس احمد وانا عارف طبيعه تعاملو في الشغل رف جدا، وبعدينً انا عارف انو انتِ شايله همها، وهمك م̷ِْن همي ي شهد يعني انا كيف ممكن اكون مرتاح وانا عارف انو انتِ م كدة حتى لْۆ بينتي لي العكس؟وبالمناسبه نحن برضو.مفروض نقعد مع احمد الخميس عشان الموال داك ونشوف البحصل شنو..
جهزت لي جمانه بوكس كبير، كان عبارة عن بدله سماويه مع قميص داخلي ابيض والهيلز كانت درجتو مختلفه على حسب الطرحه، واكسسوارات
اصلاً قوامها قوام بدل كان واخدتها على مقاسها بالظبط، وكرت في نص البوكس باللون الكحلي محتواه انها اتقبلت في وظيفه علاقات عامه والرقم تحت للتواصل مع الجهه..
اتصلت على صخر قبل م يلاقيها لاقيتو انا، قعدته معاه عاين ليّۓ مسافه قال لي بقيتي ست بيت
قلت ليه في عينك، المهم الزوله دي انت حتديها البوكس دة وحتقول ليها م تفتحيه الا بعد ترجعي البيت،
قال لي حسب گلآمَييّ معاها زمان كانت عايزة تقدم للأيلتس وتاخد منحه ماجستير في كندا او بريطانيا وكدة، عشان كدة حالياً سجلت ليها في 3 كورسات تحضيريه لإمتحان الأيلتس إذا نجحت فيهم والاكيد انها حتنجح لانها بعيدة شديد في الانجليزي بعدها إن شاءالله كل الفي رغبتها يبقى..
ي سلا دة خبر حلو جد هي مهتمة بموال الايلتس والسفر والكلام دة
قال ليّۓ بتهضرب بيهو عديل ه، دي حاجه كويسه بالنسبه ليها وحتقدم ليها خيارات افضل لشكل الحياة الهي عايزاها بعيداً عن اخوها ومرضو لانو طريقه تفكيرها للحياة مختلفه متأكد انها حتسعى
بالجد والله ياخ
❖
جمانهه
اهلين صخر كيفك؟
ټمٱم الحمدلله وانتِ؟
زي م انت شايف كدة..
انا شايف انك في افضل حال
ي شيخ بالانا فِيَه دهه؟
م شايف غير واحدة زايدة سماحهه بس ي بتنا
وبالنسبه لل 111 الفي وشي دي
شاهد •اللّہ̣̥ حاجه كدة ماف كلام رجعتي بينا للزمن الجميل حبوباتنا وامهاتنا وحاجه في منتهى السماحهه ياخ
ححاول اصدق سواقتك دي
ه م سواقه ياخ المهم خبرك وامورك وكيف حالك طمنيني عليك؟
الحمدلله بس ي صخر والله م لينا غير الْحٍمَدٍ
دايماً ي رب،
مطلعني بالعبايه وعايز اشوفك وبتاع اها عاجبك الشكل الجبتني بيهو دة؟
شكل؟ قصدك ست البنات ياخ ِ
ه صدقت
الوالدة كيف؟
الحمدلله، حابساني وحابسه روحها
كيف يعني؟
ه قالت لي رجلك م.تعتب باب البيت ولو حصل بكسرها ليك انا خلي عمار المافي انا في
ي زوله؟ امك دي مالها كمان نحن نتخلص م̷ِْن زيد يجينا عبيد؟
الحمدلله بس ي صخر انا اصلاً حياتي دي بعد وفاة.ابوي رميت طوبتها والله، لْۆ م الانتحار دة حرام وكدة كان زمان خارجت نفسي بدل الانا فيهو دة بس هسي الواحد يعيش المكتوب ليه ويحتسبو اجر عسى ولعل يبقى ليهو شفيع يوم القيامه
استهدي بالله انتحار شنو ياخ انتِ اعقل م̷ِْن كدة والوالدة بتكون زعله بس قالت ليك كدة..
حتى كلام م بتتكلم معي ي صخر، اكل م بتاكل معانا لما انا اكون.قاعدة، يعني نفسي افهم انا عملت شنو عشان اتعامل كدة؟
والله ي صخر م̷ِْن وفاة ابوي انا يوم م غمض لي جفن وانا مرتاحهه، طبيعي خايفه، متوترة، بفكر في بكرة الحيحصل شنو وكل م اتفاءل خير يجي الاسوأ م̷ِْن الما اتوقعتو تعبت حرفياً
لْۆ في يدي اقعد اتناقش معاها وتفهمني انا غلطي وين؟والبريحها شنو انا ممكن اعملو، انت فاهم انا بحبها شديد وعلى قدر حبي ليها دة ولدها بعمل لي حاجه بدل م يتعاقب عليها هو بتعاقبني عليها انا بي كرها الشديد لي، حاجات كتيرة.ممكن تتغير لْۆ بطلت تفرق ما بينا وتعاملنا نحن كلنا ك اولاد بطن واحدة، احياناً بفكر انو لْۆ في يدي والله اهج اخلي البلد دي واريحهم مِڼّي والله
وهسي في يدك الفرصه دي بس م عشان تريحيهم مڼڱ لأ عشان تريحي نفسك ي جمانه،
فرصه؟ ه والله ي صخر انا يئست م̷ِْن كل شي، حتى شغفي في الحياة دي انتهى، بقيت اقصى طموحاتي عايزة اصحى الصباح اتنفس اكل اشرب، اقدر اخت راسي في المخدة بدون م اخد حبوب منوم وبدون م تجيني تشنجات بالليل، بدون م اخاف وانا جوة غرفتي، بدون م احس بسؤ الدنيا دي لما اعاين لنفسي في المرايه واعاين لكميه العلامات الفيها م̷ِْن الضرب والبحصل فيني دة كلو
احياناً كتيرة بقول ي ريت احصل ابوي، واحياناً بقول ي ريت لْۆ م مات، واحيانا بقول ي ريت لْۆ سبقتو انا وم شفت الشوفتو بعد وفاتو، انا دايماً ضد موال انو الراجل بقدر يدير البيت اكتر م̷ِْن المرة والكلام دة بس وفاة ابوي وتصرفات امي اثبتت لي الحاجه دي ي صخر، حرفياً ابوي كسر ضهري لما فات وخلاني
جمانه قولي بسم •اللّہ̣̥، نحن مسلمين، والمسلم مُبتلى، ربنا ببتلينا في اقرب الناس لينا واحب الحاجات لقلبنا ك اختبار ليس إلا، انا معاك انو المارة بيه صعب بس صدقيني في غيرك مارين بالأصعب، وصدقيني الغباش الفي قلب امك دة لابد يجي يوم ويزول معليش اعذريها سبحان م̷ِْن وضع مقامات الناس في قلوبنا، م عليك الا تعملي حق ربنا وتبريها، وانا هنا معاك ان شاءالله م بقصر وبالنسبه لي كونو اخليك دي مستحيله،
واتفضلي ي ستي..
دة شنو؟
دة عايزك ترجعي بيهو شغفك، اخوك لٱ مؤاخذ ولا حرج عليه، والدتك ربنا اعلم بالفي قلبها ليك، انتِ عندك مكان بتستحقيهو في الحياة دي راجي مڼڱ تلملمي شتاتك دة وتمشي عليهو، انك تجتهدي وتاخدي ماجستير المنحه الكنديه اهم وافضل بكتير م̷ِْن انو تاخدي ماجستير في النكد و دور الضحيه صح؟
انا؟ ماجستير المنحه الكنديه؟
ارجعي البيت قبل م امك تنتبه وتنتظرك بالمفراك، وافتحي البوكس دة برواق وبيناتنا الشبكه حنتفاهم
فيهو شنو؟
في البيت قلنا الشفقه تطير
❖
شهد، شهد، انتِ وصخر..
بتنا، انا نعسانه، بكرة م تنسي عندك مقابله الساعه 10 صباحاُ، حاولي جهزي Cv كويس بالله
شهد ياخ م عارفه اقول ليك ششنو بالجد انتو ياخ
شدي حيلك بس وفرحينا بيكك...
إقتباسهه
ويهبُك الله صديقاً على مقاسِ قلبك تماماً، حتى اذا دعى اللهَ قال " وصاحِبي مَعي "...