الفصل الثاني والعشرون

على لسان راوي أخر..

لما اقول إنو أنا واحدهه م̷ِْن اسباب معاناة سامر بقولها بقناعه تامه، عشان انا واحدة م̷ِْن الناس الشفت تقلباته النفسيه، الخوف، الهلع، الإضطرابات المصحوبه بتشنجات، كنت بقول عدم توافق مع البيئه وحيتعايش شويه شويه، وخليت الموضوع يمتد، م كان بتكلم، م كان بقول انا مالي بس كنت بشوف الحاله النفسيه المتدهورة ورغبتو في انو يرجع السودان، سجلتو في مدرسه، الغريبه وهو برة البيت كانت حالتو بتكون افضل مما هو جوة البيت، ايوة صّْْح امي م كانت الجدة الحنونه وعطوفه عليه شديد كدة ودة ليه اسباب تانيه هو م ليه ذنب فِيَها، بس انا كنت ساعيه لي إني م اخلي الحاجه دي تأثر عليه وبعد حالتو ووضعه دة إفتكرت انو السبب في كدة تعامل امي معاه، اخدته امي على جنب ورأي كان:

ي امي زعلك على سلافه وزعلك م̷ِْن سلافه كلو راح لأنها هسي بقت تحت التراب، يعني لْۆ عندك عليها حق اتلاقي معاها يوم الوقف العظيم وقولي ليها، بتها ذنبها شنو بتعامليها زي القاتله ليك رقبه؟ تعاملك معاها دة لٱ بقدمك ولا بأخرك بس برضو انتِ م بتعرفي ربنا؟ دي يتيمه وانا قبل امشي گلّمّتگُ اني لْۆ وصلت السودان م بخليها وراي وطالما انا جبتها بتحمل مسؤليتها م دايرة مڼڱ شي ي امي غير انو طول م البت دي قدامك ي تعامليها كويس ي م تعامليها اساساً خليها كدة..

كان في تدخل م̷ِْن حافظ اخوي وهو بقول لي: طالما حتتحملي مسؤليتها المسؤليه دي فيها قرايتها، واكلها وشرابها وكل نفقاتها ابقي مرة واقيفي فيها زي النسوان م يبقى كلام ساي واوعى اشوفك تاني تتكلمي مع امي بالإسلوب دة عشان م اجيب اجلك فاهمه ولا لأ..

امي بدت عليها علامات الرضى م̷ِْن كلام ولدها وانتهى على كدة،

كنت حريصه كل الحرص إني م احوج ساره لشي، لغايه م في يوم تم استدعائي م̷ِْن قبل المشرف النفسي في المدرسه، مشيت وكان محتوى كلامو انو الطفله وضعها النفسي سيء جداً ف كانت بتسألني عن محيط البيت والأسرة و...الخ

ف حكيت ليها عن موال إنو والدتها متوفيه، وإنو فعلاً م̷ِْن فترة وهي حالتها النفسيه متدهورة لدرجه انها بتجيها نوبات بكى بالليل مصحوبه بتشنجات..

شددت على اهميه تحويلها لي أخصائي نفسي لأنو سلوكياتها اقرب لي إنها عدوانيه ودة ان دل بدل على انها بتعاني م̷ِْن إتضطراب،

What makes me say ڵ This is that when I tried to understand what it was and to get close to it, it pushed me violently and entered into another frenzy of crying accompanied by a state of panic and fear, and this is something that is not at all normal in addition to its inactivity and academic focus and its permanent isolation in the vicinity of the school without other students ̷، Therefore, the best thing is to meet with a psychologist to help him and find out if there is a problem

ما يجعلني اقول ه̷̷ََُْذآ هو انني عند محاولتي فهم ما هي عليه والتقرب منها قامت بدفعي بعنفوانيه ودخلت في نوبه بكاء اخرى مصحوبه بحاله م̷ِْن الخوف والهلع وهذا شيء ليس بالطبيعي إطلاقاً بالإضافه لعدم نشاطها وتركيزها الأكاديمي وإنعزالها الدائم في محيط المدرسه دون غيرها م̷ِْن التلاميذ.

كنت حاسه بالتقصير وصعوبه المسؤليه دي، المرشدة النفسيه حقت المدرسه حولتني لي مختص قالت لي انو حيساعدك اكيد، طلعت والهم بيوخز في قلبي، إتصلت واخدته مواعيد للمقابله كانت حتكون بعد يومين، وفي مكالمه لي مع دكتور عمار في نفس اليوم دة حكيت ليه بتفاصيل الحاصل ڱڵه،

بعد قفلت منه رجع لي بمكالمه، قال لي عايز اتكلم معاك في موضوع مهم لَگِنْ ..

سكت

قلت ليه في شنوووو ي عمار؟

قال لي امشي الدكتور وكدة شوفيه بقول ليك شنو وارجعي لي تمام؟

قلت ليه طيب

اتصلت علي نورهان اختي وحكيت ليها كل الحاصل، هي كانت بتسكن في ولايه مع زوجها جوزيف ونحن في ولايه، قالت بجي عليك نمشي الدكتور مع بعض، قلت ليها لٱ خليك انا بمشي وبوريك البحصل

الحصل في مقابلتي للطبيب طلب تقرير مفصل عن وضعها، والحاله دي بدت معاها م̷ِْن متين وهكذا، في الجلسه التانيه لينا معاه وحسب م فهمت منو إنو كان بدقق عن الأشخاص الفي محيط الأسرة وكيف بتتعامل معاهم سارة وطريقه معامله الناس دي ليها وهكذا،

بعد المقابله دي إتصل علي دكتور عمار، بعد السلام والسؤال قال لي سارة كيف بقت احسن؟

قلت ليه لسسه بس اليوم عدت ساعتين مع الدكتور وكدة

قال لي وطيب؟

قلت ليه ماف شي غير إنو قال لي إنو بكرة حتكون في مقابله برضو وحتستمر خلال الاسبوع دة كلوو،

قال لي ي نور ممكن تشوفي گلآمَييّ دة غريب شويه لَگِنْ اعملي البقول ليك عليه

قلت ليه شنوووو؟

قال لي امشي اقرب معمل او مستشفى اعملي لي سارة دي تحليل هرموني، اعملي ليها تحليل كروموسومات، اعملي ليها رنين مغنطيسي

ضحكت قلت ليه هههه ي دكتور هي غالباً في حاله اكتئاب م بالعه ليها جسم غريب او غيرو عشان اعمل ليها دة كلو

لسسه بتذكر قولو لي: هي م بالعه جسم غريب هي متعايشه مع جسم غريب ي نور

بإستهتار قلت ليه كيف كيف؟يلا يلا ورينا فلسفه الاطباء

قال لي نور انا جادي جداً على فكرة، اعملي القلت ليك عليه دة

قلت ليه ليييه م فاهماك؟

مع إصراراي وإلحاحي قال لي طيب اسمعي ي ستي، سلافه قبل وفاتها ب 4 سنوات جاتني و...الخ

فهمتيني ي نور ليييهه بقول ليك امشي واعملي الفحوصات دي؟ انا شوفتي لي سارة معاك اول مرة بعد وفاة امها في حد زاتها خلتني اخد وقفه واستغربت كيف سلافه اتهاونت كدة بخصوص الموضوع دة لأنو المعالجه كل م كانت ابدر كل م كان اثرها النفسي اقل والعمر ماشي ودي حاجه لٱ نحن ولا المجتمع ممكن نتقبلها بسهوله لطفل ما بالك لما يكبر؟

لساني إتشل، والحاجه دي خلتني ارجع بالزمن 10 او 11 سنه لي ورا، زكرتني انو يوم سلافه أختي اتصلت على نورهان وهي بتبكي، وبتقول ليها بتي فيها مشكله الدايه الولدتني قالت بت بس ماف شي واضح اصلو، زي الجهازها التناسلي فِيَه مشڱلهِ وهي م عارفه تعمل شنو وتتصرف كيف، والزمن داك ي دوب هي والدة جديد شهر او شهرين تلاته بالتحديد،

ونورهان قالت ليها امشي الدكتور خلي يشوف المشكله شنو، بتذكر نورهان جات وحكت لينا انا وامي بس م اتوقعنا ابداً انو سلافه اتعاملت مع الموضوع بجهل للزمن دة وللدرجه دي؟

قلت ليه ي دكتور طيب يمكن سلافه عالجت الموضوع يعني..

قال لي نور عشان نقطع الشك باليقين اعملي القلت ليك عليه، تحليل هرمونات، كروموسومات، رنين مغنطيسي، واحد بلغي التاني بس اعمليهم ال 3 تمام؟

راسي بقى جايط انا اسوي شنو وابدأ م̷ِْن وين وكيف، بقيت م عارفه، قفلت م̷ِْن دكتور عمار اتصلت على نورهان واول سألتها ليه:

نورهان تتذكري زمان قبل كم سنه لما سلافه كانت والدة جديد قلتِ سلافه اتصلت عليك وحكت انو بتها حاصله ليها مشڱلهِ وانو الدايه قالت بت بس هي م قادرة تحدد؟

قالت لي ايوة

قلت ليها بعدها تاني م اتصلت وقالت ليك شي ولا قالت ليك مشيت الدكتور وقال لي شنو او غيرو؟

قالت لي ابداً وانا كمان م بتذكر إني سألتها لانو المكالمات بينا كانت صعبه في حد زاتها تتزكري بنتكلم معاها في السنه مرة كنا مالك في شنوووو؟

كلام نورهان دة زاد علي السؤ، معقوله؟ سلافه تكون غبيه ومهمله لدرجه انها تهمل حاجه زي دي؟كنت بعاين لساره ولبنيتها وتفاصيل وشي و بقول في قلبي •اللّہ̣̥ يكضب الشينه، •اللّہ̣̥ يكضب الشينه غايتو..

اليَوُمًًِ التاني مشيت وديتها الجلسه مع المعالج النفسي، والمرة دي قعدتهم طالت بعد خلصت وطلعت الدكتور طلب مِڼّي اقعد وطلب م̷ِْن المعاه ياخد سارة برة،

اول سؤال سألني ليه، منو حافظ؟

قلت ليه بإستغراب حافظ؟

قال لي ايوة

قلت ليه اخوي ليه مالو؟

قال لي بيقرب سارة شنو؟

ضحكت قلت ليه خالها

قال لي معاكم في البيت؟

قلت ليه ايوة

قال لي علاقتو مع سارة كيف في العام؟

قلت ليه كويسه او فوق الممتاز ليييهه في مشڱلهِ؟

قال لي إجابتك بتاعه فوق الممتاز دي هي المشكله

بقيت اعاين ليه بنظرات إستفهام

قال لي فوق الممتاز دة الإنتِ شايفاه إنتِ، ورا كل تصرف تصرف ٱخر مخفي، واي تصرف فوق الممتاز فيهو تصرف خبيث عشان كدة صاحبو بجتهد في انو يبين كائن كويس،

قلت ليه م قادره افهمك ي دكتور

قال لي في البدايه كان تصنيفي لساره مريضه إكتئاب لما قريت التقرير بتاعها تغيرات البيئه وصعوبه التأقلم والفقد وهكذا، لَگِنْ الحاجه الوحيدة الإستوقفتني العنفوانيه البتتعامل بيها، ماف مّرَيَضّ بستخدم العنف الا إذا هو زاتو مَرّهٌ عليه عنف، او مرت عليه مواقف هو م قدر يدافع فِيَه عن نفسهه ودة سبب مواصلتي في الجلسات معاها بشكل يومي،

قلت ليه قصدك إنها بتنضرب عندنا في البيت يعني؟ لٱ والله ي دكتور ابداً

قال لي لا هي م بتنضرب، هي بتتعرض لتحرش مصحوب بالضرب وانا اسف جداً لأني حأقول الكلام الجاي دة بس إذا أثبتت صحه الكلام دة اخوك حيتعرض للمحاكمه القانونيه مع إحتمال إنو في إجراءات تانيه بخصوص الطفله حتتعمل

قلت ليه كيف كيف؟ كيف يعني تحرش؟

قال لي حسب م بتروي ساره إنو خالها بيقوم بضربها مع بعض التصرفات الغريبه البيطلب منها تعملها وبعنفها إذا م عملتهم،

حالياً حتخضع للفحوصات بعدين حنشوف المفروض يحصل شنو..

بقيت مخلوعه بعاين ليه وعلى لساني جمله كيف؟ بتحرش بيها متين هي كل الوقت معي؟ يعني هسي م حتخلوها تمشي معي البيت؟

قال لي حنعمل الفحوصات اول بعدين حنتخذ الإجراءات اللازمه..

سبحان •اللّہ̣̥ الموضوع جر بعضه، بدل م.كنت انا هعاني واعمل فحوصات واكشفه، الفحوصات الكانت مفروض تتعمل هي الكشفتو،

كنت قاعدة على اعصابي وانا منتظرة كلام الدكتور النهائي، لأنو الموضوع لْۆ طلع صح ليه تبعياتو شرطه وغيرو..

الدكتور نفسه لما جا يتكلم معي مرة تانيه بخصوص الفحوصات م كان عارف يقول شنو ودة اسهم بشكل كبير في تناسي موضوع التحرش الأول ودخلنا في متاهه تانيه اللي هو نحن بنتكلم عن مين بالضبط؟

الدكتور قال لي قد يكون في تحرش ولكن لٱ يوجد إغتصاب، وقد يكون عنف منزلي و..

وانا بعاين ليه كمل كلامو ب..حسب تقرير الطبيب المختص

إعتقد انو في فحوصات تانيه نحن محتاجين نلجأ ليها بخصوص سارة لانو...

قلت ليه تحليل للهرمونات، كروموسومات، رنين مغنطيسي؟

بقى يعاين لي بإستغراب انو انا كيف بقول ليه في الكلام دة؟

حكيت ليه الموضوع م̷ِْن اوله لأخرهه

قال لي دة م إهمال بس، دي جريمه في حق الطفل نفسه إنتو إرتكبتوها عندك علم بكدة؟

قلت ليه م كان عِن.̷̷̸̷̐ديّ علم بكل الحاصل دة وي دوب عرفت وفي الوقت الحالي انا م عارفه ابدأ م̷ِْن وين بالضبط، وطلبت منو في اللحظه ديك المساعدة، انا المفروض اعمل شنو بالخطوات؟ كيف بقدر احل الموضوع دة إذا أثبتت صحتو

قال لي حنقوم بالفحوصات دي اولا، بعدينً في لجنه مكونه م̷ِْن 7 اطباء المفروض نقابلها

هي لجنه طبيه تابعه للجنه نقابه الأطباء، وهنا كانت نقطه البدايه، نورهان وجوزيف كانو في الصورة إتصلت وحكيت لي نورهان وانا ببكي، جات هي وزوجها جوزيف، كلامو كان مطمن جداً انو دي حالات عاديه وطبيعيه بتحصل عادي والحمدلله انو تم اكتشافها قبل م سارة تتجاوز ال 11 سنه، وبكدة نحن قادرين نتلافى الموقف بصورة اسرع،

طلبت م̷ِْن سارة ويمكن دة غلطي الوحيد وكان اناني جداً ودة واحد م̷ِْن الاسباب النفسيه البتخلي حالتها تتدهور انو م تحكي لزول عن خالها حافظ واي شي بعملو، ولا حتى للدكتور او لنورهان لأني عارفه الموضوع دة تبعياتو حتكون كيف،

ف دي حاجه ضميري عمرو م فشل في انو يحسسني قدر شنو انا غلطت لما خليتو يسكت عشان بعدها السكات عن اي أذى هو بمر بيه بقى ليه عادة...

عملنا الفحوصات بمساعدة جوزيف ونورهان،

جوزيف قال لينا الموضوع ابسط م̷ِْن بسيط ولو إنو متأخر شويه بس هو بحتاج تصحيح ليس إلا وهي واحد من 3 حالات:

انوثه كاذبه، ذكوره كاذبه، خنثى حقيقيه،

والحاله الفيها الطفله حالياً دي لٱ هي انثى كاذبه، ولا خنى حقيقيه، وإنما هي الحاله الثالثه ذكوره كاذبه، بمعنى انو ساره ذكر مع وجود اعضاء ذكريه ضامره والضمور ودة هو المدينا العكس اللي هو انو اشبه بالأنثي م̷ِْن الخارج ودة بنسميه تشوه خلقي يسهل معالجتو بس الخطأ م̷ِْن الطبيب الأجرى عمليه الولادة يعني م مفروض يحدد هويه الطفل طالما هو م متأكد

يعني حالياً بغض النظر عن تحليل الهرمونات والكروموسومات، لما نعاين لنتايج فحوصات الرنين المغنطيسي ساره هي ذكر خالي م̷ِْن الرحم والمبيضين مع وجود جهاز ذكري ضامر وخصيتين بالإضافه لتحليل الهرمونات ببرهن البنقول فِيَه ده

كان ممكن الموضوع يتحل بدون الحوجه للجنه حتى بس المشكله بتبقى في اوراقو الثبوتيه لما نجي نعدل فيها بنحتاج لي أدله موثقه للحيتعمل دة،

لجنه نقابه الاطباء الاتعرض ليها كانت مكونه م̷ِْن 7 اطباء

2 دكاترة نفسين، واحد اطفال، واحد غدد، واحد فكر وسُنه، واحد ذكوره وتناسليه، واخصائي جراحه...

المتابعه الاوليه كانت م̷ِْن الاطباء النفسين بعدين مع اخصائي الذكورة والتناسليه

كان لآزٍمٍ نعمل كل الخطوات بصورة رسميه عشان م تواجهنا مشڱلهِ بخصوص هويتو مستقبليا، ً وفعلاً دة الحصل، م اخدنا مدة كم شهر متابعه مع اللجنه حتى اجازت لينا العمليه لأنو كل شي كان واضح بالفحوصات وهي م عمليه تحول بسبب خلل هرموني او غيرو، لٱ هي عمليه تصحيح ليس إلا، ف فكرة إنو ننتظر 4 سنين حتي يجيزو لينا العمليه زي م بعملو مع المتحولين كانت صعبه جداً لأنو سامر كان حيكون دخل على مرحله اقرب لسن البلوغ وهنا كان بيصعب تلافي الموضوع، جوزيف كان حريص على انو الموضوع يتم بأسرع م يكون، حصلنا على موافقه اللجنه للعمليه،

المشكله بقت في مواجه سارة بالموضوع دة يعني كيف حأقول ليها انتِ حتبقى انت؟

عمار كان متابع معي واحدة بواحدة، قال لي دة عمل الطبيب النفسي المختص م انتِ، هو حيمهد ليه الحاجه دي م انتِ بس شنو بعد العمليه انتِ خليك بعيدة كل البعد انا الاخطاء يعني ساره، انتِ...الخ واحدة م̷ِْن الحاجات الممكن تسبب ليه اذى نفسي مناداتك ليه ك بت، كل مرة حتذكريه حترجعيه نقطه الصفر حيبقى فاقد للهويه، عشان كدة بعد العمليه المطلوب مڼڱ معاملتو ك ذكر مع التركيز

لما ختيت امي في الصورة ردها كان على الموضوع " •اللّہ̣̥ يرحمها معرسه الخلايق منتظرين منها تجيب ليكم شنو غير الخلايق "

قلت ليها حأتجاوز ردك م طالبه مڼڱ شي غير انو تتعاملي بعقلانيه شويه مع الموضوع ك زوله متعلمه وبس ي امي

اما حافظ ف كان لي معاه راي تاني بس كنت محتاجه إني أخلص الموضوع دة أول..

اتعملت عمليه التصحيح تحديداً يوم 20/10 سامر كان عمره 12 سنه وكم شهر

المشكله م كانت في تقبل سامر لنفسو، المشكله كانت في تقبلنا ليه نحن المحيطين بيه، الفترة الاولى م̷ِْن العمليه اتنقل مع نورهان وجوزيف عشان يراقبوه عن قرب وهم اكتر وعي في التعامل معاه ك حاله، وسبحان •اللّہ̣̥ حكمه •اللّہ̣̥ كان سريع التأقلم مع الوضع كأنو كان مستني المنقذ رغم خوفي الشديد عليه..

❖

لسسه بتذكر مسكه راجل خالتي لي م̷ِْن يدي وقولو لي "لنلعب لعبه ما هل تريد ذلك "

لما جاوبتو ب ڼعمًْ

قال لي ولكن قبل ذلك لنذهب إلى صالون الحلاقه..

الموضوع في البدايه بدا لي كأنو غريب بعدين اتقبلتو، لبسوني تشيرت لسسه بتذكر لونو ازرق وبنطلون جينز مشينا الصالون، قعدني جمبو في المقعد وقال للحلاق:

إفعل بنا ما تشاء واخرجنا كرجلين وسيمين،

كان بعاملني ك صاحب ليه وبعفويه وتلقائيه، او بالأحرى هو اول م̷ِْن عاملني "ك رجل" على عكس خالي

لما رجعنا البيت كان شايلني على كتفه، خالتي نور اول م شافتنا قالت لي: السامر الوسيم

م عارف الاسم جا فجأة م̷ِْن وين بس صحيت على واقع إنو بيتقال لي سامر، حتى إني م كنت بركز بس كترة التكرار خلتني اتعود عليه، م عِن.̷̷̸̷̐ديّ مكان ممكن اقول عليه وطن، انا حتى وان استقريت ف انا مُشرد داخليا، ً يعني في 11 سنه م̷ِْن عمري مريت بحاجات كتيرة اقرب لي إنها غريبه ومفروض انها م تكون محفورة في ذاكرتي ك طفل بس لمرارتها فضلت جواي، ولا يوم وقف صوت إستفهاماتي عن انو لييييهه الحاجات دي حصلت معي انا؟

فضلت مع خالتي وراجلها لمدة سنه، وسنتين رجعت عشت فيها مع خالتي نور وحبوبه وخالتي، والسنتين دي البسببها طلبت وألحيت على رجعتي للسودان م̷ِْن سوءها،

خالي كان بسكر، كان بجي بضرب م̷ِْن طرف خالتي، انا، واحياناً بصل بيهو الحال إنو يمد يدو حتى على حبوبه،

كانو عايشين في رُعب حقيقي، والغريبه انو هو زول بروفيسر، بس زي م بقولو م كل متعلم قاري، هو كان بروف بالنهار، وسكران بالليل، فوضى سجاير، حشيش وغيرو..

نور خالتي دي لما نجي نتكلم عن المعاناة ف هي اخدت النصيب الاعظم منها ومن خوفها علي وافقت على انو ارجع السودان لأنو كمان عِن.̷̷̸̷̐ديّ الاوراق الثبوتيه لآزٍمٍ تتغير، قبل السفر كانو بياخدوني هي ونورهان وجوزيف، لمقر السفارة السودانيه وقتها كان عمري 15 سنه،

عدينا شهر وزيادة يومي ماشين وجاين،

نزلنا السودان انا ونور، المطار، تاكسي، شوارع الخرطوم، الهدؤ، الراحه، الطمأنينه، احساس الإنتماء، البيت..

البيت، م كان فيهو غير اسره كدة هي المُكلفه بالقعدة فيهو وحراستو،

استقبلونا احسن إستقبال، وسؤالهم كان كلو عبارة عن دة ولد نورهان جبتي معاك؟

غريبه م شال م̷ِْن الخواجات ديل شي ولا حتى اللون؟

اها اااااجنا هسي بتتكلم عربي فاهم كلامنا النحن بنقول فيهو دة؟

خالتو نور ضحكت قالت ليها بتكلم عربي ي خالتو خديجه ايوة بتكلم عربي

واحدة م̷ِْن اسباب مشاكلنا كانت انا منو او انا ود منو؟الشي الما معروف الا بيني وبين خالتي والاورق

اليَوُمًًِ التاني ونحن بنشرب في الشاي خالتو خديجه قالت ليها هي م وريتك الوجعه ي بتي،

خالتي نور قالت ليها اها؟

قالت ليها منال، منال بت حاج الطاهر ولدها الكبير م مات غرقان في البحر،

قالت ليها ولدها الكبير منو؟

قالت ليها علي، علي مات في البحر وحرق حشى امو كان شفتي واااااشريري عليهو علي السمح الهدي الرضي حرق قلوبنا عليهو كلنا، وابوهو في السجن دايرين منو قروش شي وشويات، حالتهم بقت بالبلا كان شفتي منال باعت القدامها والوراها شان تطلع راجلها ولسسسه مطلوب، هسسسسه جات قعدت مع ام راجلها هنا في البيت، مسكينه م̷ِْن جهه ولدها ومن جهه راجلها، ولدها الكان بقيف فيها قوم ي البحر وابلعو والله غواصين 3 يوم حتى طفح و لقوهو في حته تانيه زاتو غير الغرق فيها،

خالتي نور قالت ليها لٱ إله الا •اللّہ̣̥، وهو الوداهو البحر شنوووو؟

قالت ليها بمشي بغسل المسكين، بمشي بغسل العربات عشان يجيب ليّ امو واخوانو ياكلو ابوهو مسجون ماف زول غيرو بقيف فيهم، لَگِنْ تقولي شنو ي بت امي، قدر •اللّہ̣̥ زي م بقولو

سماعي للخبر دة عمل لي غصه في قلبي، علي؟

مات؟

خالتي قالت ليها بعرفو، شوفتو فتح لينا الباب يوم جينا، لٱ إله الا •اللّہ̣̥ هسي قاعدة هنا؟

قالت ليها اي قاعدة، قاعدة ي بتي وبقت زي الما ټمٱم زاتها ميته ولدها دي جننتها عديل والله أعلم، تكورك الليل كلو قال ليك

خالتي قالت ليها كُر علي، الجنا م حار لَگِنْ ي خالتي خديجه، نمشي عليها كدة

خالتي لبست توبها، قالت لي تمش معي؟

قلت ليها اي

قالت لي علي بتتذكرو ي سامر؟

سكتت

بيتهم كان قصاد بيتنا الطالعين منو،

خالتي دقت الباب..

فتح لينا الباب لينا الباب واحد في عمر ال 11 سنه واكتر،

خالتي نور قالت ليهو إزيك كيفك تمام؟

قال ليها الحمدلله

قالت ليهو ماما في؟

قال ليها اي بتغسل بهناك، وبقى يكورك ي امي في ضيوف في الباب، ي امي جاتك مَرّهٌ ضيفه..

فجأة جانا صوت بقول ليه: ي ولد م تكورك البلا الياخدك م بتعرف تنادي امك دي براحه ي قليل ادب، يلا امشي ادخل الحمام حمه، كانت مرة كبيرة في العمر،

فجأة خالتو نور قالت ليها خالتو السُره،

قالت ليها نور؟ وجات حضنتها وبقت تبكي، وبتقول ليها البركه فيكم، ربنا يرحمه و يعوض شبابه الجنه ان شاءالله،

وانا لسسه كنت بعاين رغم انو عِن.̷̷̸̷̐ديّ الخبر بس كنت منتظر انو يكون كذب ويظهر في وشي علي، بطولو وعرضو وجديتو ورزانتو.وكل شي كنت مستني،

دخلنا كم خطوة، عيونا وقعت على اتجاه ملان طين ومويه، وملابس واقعه في الارض وحبل ملان ملابس، بعدين سرير واحدة قاعدة في السرير وقدامها تشط في تربيزة وبتغسل وبتاكل في لبانه وسرحانه كأنها في عالم تاني خالص،

المرة الكبيرة قالت ليها منال، منال بسلمو عليك نور بت عمك مرغني النعيم،

عاينت ليها،

خالتو نور قالت ليها منال

قامت م̷ِْن محلها داك بي جلبابها الملان مويه وحالتها اليرثى لٍهآ ديك وجات سلمت عليها، واول م خالتو نور قالت ليها الفاتحه والبركه فيكم، بقت تبكي، بقت تبكي بحرقه وهي بتقول ليها: ولدي مات، ولدي مات ي نور مات غرقان كان شفتي حرق قلبي ي نور ولدي حرق قلبي، جاني شايل باقتو قال لي ماشي الغسيل يمه وجاي م بتأخر، قلت ليه البحر دة م تنزلو مع الأولاد غسلو برة بس وتعالو قال لي سمح، لكن اها مشى وم جا، ولدي 3 يوم بفتشو فِيَه حتى لقوه، علي ولدي ي نور، علي ولدي الهميم وقلبو حار علينا وشايلنا مات ي نور مات...