الفصل الرابع عشر

حسيت انو الدنيا كلها ضلمت في وشي وانا بعاين في ملامح وشو وهو بقول في كلامو دة، إحساس انو مهزوز م̷ِْن جواه بس م عايز يبين كدة ف ملاذو الوحيد م̷ِْن نظراتي كان انو يمسح وشو بيدو، إستمريت في نظراتي ليه وهو استمر في هروبو منها والصمت سيد الموقف..

قلت ليه بصوت هزييل م كنت عارفه، م حصل حكيت لي و..

قال لي م جات مناسبه وي ريت لْۆ جات مناسبه كانت تكون احسن م̷ِْن كدة

قلت ليه طيب يعني..

قال لي نرجع للموضوع الاساسي وخليك م̷ِْن الانا قلتو ليك، هسي الرأي شنو عشان قفله الباب دي طالت وم صح هي في حد زاتها بس انتِ بتجبري الزول على حاجات غريبهه

سكتت

قال لي اها؟

بقيت اعاين ليهه وازح عيوني منو وتاني ارجع اعاين ليه م قدرت اقاوم شكلو الجاي بيهو، إبتسمت، و الإبتسامه لحقتها ضحكه

بقى يعاين لي مستغرب طبعاً انا بضحك كدة مالي؟

قال لي قلت نكتهه انااااا؟

قلت ليهه والله صحي زول خلا م ممكن تكون كدة؟ ورجعت ضحكت

قال لي ايواااااا كدة صح؟

فتح الباب وقال: ي عمي، عمي..

ابوي جا، قال ليهو ڼعمًْ ي ولدي بشر ان شاءالله بس اتفقتو؟

قال ليهو القول قولها ي عمي انا قلت ليها العندي ووضحت ليها سؤ التفاهم الحصل دة كلو بعد كدة اسمع كلامها انت

طبعاً بقيت م قادرة اتحرك، ولا ارفع عيني ولا اعمل اي شي بس عيني بقت في الارض

ابوي قال لي اها ي بتي لقيتي كلامو عدييل؟

سكتت

ابوي ضحك و قال ليهو لما تسكت إجابتها واضحه بس اللسان بتشل، الحمدلله كان كدي والله يهدي سركم والمشاكل حلوها براحهه وبالهداوة بس وي ولدي بتي دي انا م عِن.̷̷̸̷̐ديّ غيرها وم بجامل فيها يعني انا ربيتها على انو الزعل م بشبها نهاااائي انا ابوها دة م قاعد ازعلها، هسي فعلاً في سؤ تفاهم حاصل بس خلفياتو ليها ابعادها، هسي م بناقشك فيها لانو انت جاي م̷ِْن سفر ارتاح شويه ويوم تاني بنقعد وبنتفاهم ان شاءالله...

امي نادت علّۓ ابوي وقالت: الصادق تعال على الشاي جهز

قال ليهو اقعد ي ولدي لمن اجيب الشاي واجي،

سامر قال ليهو لٱ والله ي عمي انا طالع زا...

ابوي قاطعو وقال ليه ي زول طالع وين وانت جاي م̷ِْن طريق سفر كدة، اقعد اقعد قلت ليك ماف طلعه ..

ابوي طلع سامر قال لي شايفهه ابوك؟ شايفه عامل ليك حساب كيف؟

م صح العملتيهو عشانو وعشان صحتو زاتها لأنو م عندو غيرك ي شهد، الزي ابوك دة لْۆ بينشرى بالقروش في ناس ممكن تشتريهه

ابوي جا داخل شايل صينيه الشاي، قال ليهو ادخل الحمام غسل وروق ي ولدي وتعال اشرب

طلعت خليتهم رجعت غرفتي رفعت تلفوني لقيت مكالمات كميه م̷ِْن جمانه وفجر وسامر نفسو،

امي جات وراي قالت لي اها الحصل شنو وقال ليك شنوووو؟

سكتت

قالت لي ي بت م تتكلمي م تبقي لي زي ابوك

قلت ليها قال انو... الخ

قالت لي وووووووبعليناااا كر علي كر يعني هو يتيم؟واااااااحيااااااا عليهو المسكين هرد حشاااااي سمح ديل بحفرو ليها ليه صحبه امو وبتها مصلحتهم شنو م̷ِْن كدة؟

حضنت المخدة وقلت ليها م عارفه وهو قفل الموضوع على طول م خلاني اتكلم، وسرحت وبقيت اتذكر اسلوب ياسمين معي م̷ِْن لحظِهّ مشينا ليهم لغايه م طلعنا،

نظراتها، حركاتها، كلامها الكانت بترميه ليّۓ بين الجمله والتانيه، موقف المطبخ السمعتو وتحذير يمن ليها، كلها حاجات كانت غريبه انا م اخدته بالي منِْها لانو ماف سبب يخليني ركز معاها

امي قالت لي غايتو في الدنيا دي نعيش ونشوف

رقدت جمب زين وحضنتو وهو نايم وانا بفكر في ملامح سامر وهو بقول انو يتيم، حتى نبرتو كانت ملانه وجع، ملامحو وهو بحاول يتظاهر بالقوة كانت فاضحه ضعفو في اللحظه ديك.

وانا بفكر في دة كلو نمت، ايوة نمت بدون م احس حتى..

❖

في بيت اهل سامر..

سامر إتصل

ياسمين وهي في وشها علامات الدهشه ومنتظرة امها تخلص كلامها..

يمن قالت ليها متين؟

امها قالت ليها م̷ِْن الصباح بدري بسأل م̷ِْن تلفونو،

يسرا قالت قال جاي متين عشان انا دايرة قروش م قال ليك متين؟

بري م قال لي بس سأل عن تلفونو وسألني إذا اتصلت على البت الدايرها دي سموها منوووو هي كان؟

يم̷ِْن قالت ليها شهد

قالت ليها اي بس، قلت ليهو بري

ياسمين قالت ليها بصوت ملان خوف وليييهه سألك مالو قال؟

قالت ليها بري م بعرفو صوتو م كان ټمٱم اظنو عيان مع البرد دة،

يمن قالت ليها اي والله الجو بارد ياخ انا فكرت اجيب ليهو بلوڤر بس الاخت ياسمين طلبتو ليهو ووصلها امس

تماضر: هي زاتها شهد دي ان جينا للحق لٱ سمحه لٱ شي، هسي بدل يمرق برة البيت ياسمين دي مالها ي عمتي م حلاتها وسماحه الدنيا عليها وبالنسبه لشهد جواز سفر واهو كدة كدة هي بت البيت وهو ود البيت، اصلو م كان تخلوه يطلع برة البيت، خصوصاً البت اهلها وضعهم م ټمٱم بكره تمسكو منكم وم تشوفو منو شي تاني، مش م̷ِْن فترة ي عمتي كنتِ بتقولي بقى متغير وم بصرف زي زمان اها م هي دي المسؤليه الزايدة، بدل م يصرف على بيت واحد بقى يصرف على بيتين البت واهلها في اتجاه والبيت هنا في اتجاه، اذا م̷ِْن هسي بقى يمسك يدو معناها بعد يعرسها تاني والله البيت كلو لْۆ اشتغل م بنكفي حوجتنا عشان كدة كان اصلو م تخلوه يطلع بره بنات البيت ي عمتي، حتى سهام قالت گلآمَييّ دة لانو اظن عبدالرحيم قال ليهو داير قروش سلفه عشان يتم يجيب الامجاد يُشَتغلً بيها، اها اظن سامر قال ليهو والله الفترة دي م عندي قروش لَگِنْ اصبر شويه، والبت ابوها عندو كلى وغسيل يومي يعني صرف صرف شديد قروشو كلها بقى مكملها مع البت واهلها ي عمتي صدقيني..

يسرا قالت ليها وازيدك م̷ِْن الشعر البيت ي امي سامر مشتري لي ابو شهد كشك كامل زي حقات صحبو العاملها مطاعم في بورتسودان ديك شفتي عشان شنو عشان ابو شهد الكشك بتاعه اتكسر بسبب عربيه دخلت فِيَه، انتِ عارفه الكشك بكم مليون ي امي؟

يمن قالت ليهم م يكملها مش قروشو؟ مش في الاخير تُعباُنٌ وشقيان فيها هو؟

مش افضل م̷ِْن انو راقد م̷ِْن سرير لي سرير وعايز ياكل ويشرب وينوم وفاتح نفسو ومتزوج وجايب لينا واحدة شغلتها كلٍهآ نميمه وقطيعه وهو يصرف عليها وعلى راجلها بعد دة كلو

مش افضل م̷ِْن واحدة عامله نفسها بتقرا والقرايه في اتجاه وهي في اتجاه وبرضو بعد دة كلو م بنقص منها ملين احمر وم بحوجها لي شي؟

بعد كدة يعمل ليكم شنو اخجلو، اخجلو شويه بس،

وبعدين يعرس العايز يعرسها لييييهه تختارو ليه، هسي ي ياتماضر نحن ان جينا نتكلم عن نسوان العرس انتِ محسوبه معاهم؟تفتكري لْۆ الموضوع متوقف على راينا واختيارنا كنا اخترناك انتِ؟

يممممن قفلي خشمك دة

م يمن ولا شي ي امي مالك م قلتي ليهم قفلو هم

❖

وصولي للبيت كان مفاجئ، ف ردة فعل كل الموجودين كانت..

ساااامر؟ هي ي ولدي جيت متين؟لما كنت بتكلم معاك كنت في الطريق؟

قلت ليها ايوة ي امي كنت في الطريق

م كلمتني لَگِنْ

اي عشان لْۆ كلمتك م بلقاكم قاعدين القعدة دي

يسرا: سمسم حمدلله على السلامهه

يمن: مشتاقين وربي

قلت ليهم تسسلمو حبوبه وين كدة امشي عليها، مشيت لحبوبه ودخلت غرفتي ودخلت الحمام على طول

جيت طالع لقيت امي جابت لي مويه وعصير قالت لي اجهز ليك الشاي والفطور هسي اللبس ملابسك واديني الوسخان دة للغسيل، ياسمين بعد مشيت شالت الوسخان غسلتو ورجعتو الدولاب

قلت ليها طيب، و على سيرة ياسمين اديها التلفون تجيبو لي ي امي

قالت لي سمح اشرب العصير اول التلفون خلي

فضلت قاعد ومنتظر على اعصابي، واضح م̷ِْن تصرفات امي انها م على علم بالعملتو ياسمين ابداً، وم عايز اعمل مشكله، إتصلت عليها اول م فتحت الخط قلت ليها تعالي عايزك في الغرفه،

تمت حكايه بتاعه نص سَآعهْْ حتى جات،

كان باين عليها ملامح الخوف والرهبه وإحساس م طبيعي وعامل شي

قلت ليها ياسمين في شنوووو؟

قالت لي بصوت متردد انت ناديتني!!!

قلت ليها عارف انا بسأل عن الشي الانتِ عملتيهو، السبب شنوو ليه عملتي كدة عايز افهم؟

قالت لي بنبرة ناكره عملت شنو انا م عملت شي

قلت ليها يااااااسميييين؟

انا بتعامل معاك على اساس انو انتِ زوله كبيرة وعاقله، وشايف انو انتِ اكيد عندك مبرر للعملتيه دة واثق تماماُ، لْۆ قالو لي واحدة تانيه عملت كدة م كنت صدقت، وم كنت لقيت ليهو عذر بس انتِ لٱ ولا متوقع منك تصرف زي دة، عشان كدة هسي انا واقف بسألك لييهه إتصلتي على شهد وقلتي ليها القولتيهو؟

سكتت ودموعها جات جاريه بقت تبكي

قلت ليها بكاك دة معناه فعلاً إتصلتي؟

قالت لي ايوة اتصلت

قلت ليها طيب السبب؟

قالت لي عشان م حبيتها، انت تستاهل واحدة احسن م̷ِْن كدة بكتير ي سامر، في بنات كتار بستاهلوك ومنتظرنك بس تأشر عليهم ليييهه بس تختارها هي، وكمان ابوها بتاع خدار يعني حاجه كدة م بتشبهك نهااائي، ومش كفايه عليك زين كمان تاني تجي هي برضو م عندها اهل، انت لْۆ فاتحو دار رعايه م حتمسكهم الاتنين م ناقصاك مسؤليات، انا لما قريت الرساله حقتها زعلت شديد بالذات انها م قالت م̷ِْن البدايه، وهي م بس م عاجباني، هي م عاجبه حتى امي وتماضر ويسرا كلهم شايفنها حاجه م بتشبهك ولا شي ...

كنت مصدوم في سذاجتها بس، عقلها صغير لدرجه انو تفكيرها محدود شديد وتفكيرها تفكير اطفال

قلت ليها يعني عملتي كدة عشان شهد م عاجباك؟

قالت لي ايوة م عاجباني، م حلوة م حبيتها نهائي، ونحن اخواتك مش الاخوات رايهم اهم برضو وبختارو لي اخوانهم الاحسن يلا نحن م شايفين انها الاحسن نهائي

م حصل ياسمين قالت كلمتين ورا بعض زي م صرفت عربي وهي قدامي كدة، واضح انها كانت تحت تأثير التوتر

امي جات داخله قالت لي سامر، اها ياهو التلفون هاك، ياسمين شيلي ملابس اخوك الوسخانه دي م̷ِْن الحمام ودخليها الغساله

قالت ليها تمام، دخلت الحمام شالتهم وطلعت

م عرفت او م قدرت اخد موقف م̷ِْن سذاجتها، واضح انو تصرفها كان تصرف طفولي شديد حتى م حبيت اعتب عليها لانو ياسمين وانا بعرفها حساسه شديد وحالتها شرحتها قبل هي زوله مختلفه عن كل الموجودين في البيت ف م عرفت اقول شنو خصوصاً انو امي جات داخله علينا وانا م عايز اكبر الموضوع او اطلعو م̷ِْن بيني وبينها،

ياسمين اياً كان اسبابها العملت بيها كدة فهي بالنسبه لي شي غريب فعلا، ً كان ممكن يكون شي متوقع م̷ِْن اي زول في محيط البيت دة بس هي ابدا، هيً الاستثناء الوحيد الانا بعاملو بشكل مختلف لأني بحسها م ماخدة حقها كفايه في البيت في كل شي، ودايماً بعمل ليها الف حساب دون الناس، طول الطريق وانا بفكر هي عملت كدة ليهه م لاقي ليها مبرر واحد بس يشفع ليها، قبل م امي وياسمين يطلعو م̷ِْن الغرفه سمعنا صوت صراخ برة،

امي قالت في شنو وقبل م نصل باب الغرفه جات يسرا جاريه وبتقول: بابا ي امي بابا، بابا، في زول اتصل على احمد وقال ليهو ابوك دة وصل المكتب ووقع هسي، قالو شالوهو ودوهو المستشفى ..

❖

في مكالمه جماعيه لي مع فجر وجمانه..

عايزة اسألكم ي بنات سؤال ممكن؟

قولي،

سامعنك

بدون م ادخل في التفاصيل انا حاسه اني قاعدة ازودها شديد في اي شي

فجر قالت لي قصدك انك دراما كوين

جمانه ضحكت

قلت ليهم دراما كوين او غيرو انا بالجد م قادرة على نفسي دي، يعني هسي انا حاسه اني عايزة اتصل على سامر دة واعتذر واقول ليهو كلام حلو زي م اي اتنين مخطوبين بس م عارفه دايماً في صوت جواي بقول لي لٱ م تعملي كدة وبخليني مترددة

فجر قالت لي التردد احياناً بضيع مننا لحظات حلوة شديد يعني ليه تفكري في الحيحصل بعد م تقولي؟ قولي الفي قِلبُكً بس وخلاص

جمانه قالت لي وبعدين لاحظي انو هو خلا شغلو وكل شي وقطع كم كيلو علشان يجي يحل معاك مُشُگلتگُ النحن م عارفين اساسها شنو دي بس عموماً ي شهد م ببرر الا زول متمسك صدقيني

قلت ليهم يعني اتصل؟

فجر قالت لي اي اتصلي وانحرفي قولي ليهو بحبك، مشتاقه ليك، رسل لي صورة ليك م قادرة اتنفس

جمانه ضحكت قلت ليها متخلفه غلطانه انا البستشيرك

جمانه قالت لي اتصلي ي شهد واتكلمي معاهو وقولي ليهو الفي قلبك

فجر قالت لي وورينا قال ليك شنو ولا اقول ليك دخلينا مكالمه معاك نحن م حنتكلم بنسمعكم بس

قلت ليها فجر امشي نومي، مع السلامه حأمشي اتصل

قفلت منهم واتصلت عليه، لأخر جرس م رد، قلت معناها حيكون نايم ↙

م نزلت التلفون م̷ِْن يدي هو رجع اتصل، فتحت الخط

قال لي شهههد

قلت ليه مساء الخير

قال لي مساء النور كيفك؟

قلت ليه الحمدلله وانت؟

قال لي انا ټمٱم الحمدلله بسسس في المستشفى

قلت ليه لييييهه مالكم في شنوووووو؟

قال لي الحاج دة وقع والله وهسي في المستشفى

قلت ليه لٱ حول ولا قوة الا بالله، وقع مالو الف الحمدلله على سلامتو ي رب هسي كيف؟ كويس؟

قال لي والله ي شهد في العنايه وقالو جلطهه لسسه ماف شي واضح

قلت ليه كيف كيف؟ هو مش كان كويس؟ ولا عندو حاجه يعني؟

قال لي كويس والله ي شهد م حصل حصل معاه كدة

قلت ليهو ربنا يكتب سلامتو ي رب،

قال لي بصوت مرهق امين ي رب

قلت ليه طيب تصبح على خير بكرة بتصل عليك

قال لي ټمٱم ان شاءالله

قفلت منو وانا قلبي واجعني عليه، حتجيهو م̷ِْن وين ولا م̷ِْن وين بس

الصباح قلت لي ابوي ي ابوي سامر دة ابوه قال في المستشفى تُعباُنٌ والله قالو

ابوي قال لي ي ساتر مالو؟

قلت ليه فجأة وقع و قالو جلطه

امي قالت ي شافي ي معافي جلطه عديل؟م̷ِْن متين؟

قلت ليها امس اظن

ابوي قال لي كدة دقيقه اتصل عليهو عشان لْۆ في طريقه نمشي عليهم ونعمل الواجب ولا شنووو؟

قلت ليه بس مواعيد الزيارة في المستشفيات بتبدأ 2 ي ابوي، م الصباح

قال لي خلاص مالو نمشي الساعه 2

فعلاً مشينا في مواعيد الزيارة،

ام سامر كانت حالتها حاله واخواتو برضو، حزينين وكئيبين شديد واظن عينهم م غمض ليها جفن

ونحن قاعدين لاحظت ل سامر بتكلم بالتلفون بعيد، قمت مشيت عليهو، خلص مكالمتو وقال لي ماشين؟ قلت ليه ايوة بعد كدة حنطلع،

قال لي طيب اوصلكم

قلت ليه لٱ خليك نحن بنمشي برانا م بحتاج

قال لي تمام

فضلت ساكته وبقيت اعاين ليه بنظرات حزن

قال لي عايزة حاجه ي شهد؟

قلت ليه انا اسفهه، يعني على كل حاجه بس، امس اتصلت اقول ليك كدة بسسس

بقى يعاين ليّ

قلت ليه عارفه م وقتو ولا مكانو بس حبيت اقول ليك كدة

قال لي م محتاجه تعتذري انا بدل العذر ممكن انسج ليك الف، عارف انو م بيدك

قلت ليهه طيب ممكن طلب؟

قال لي ابشري

قلت ليهه خلي بالك م̷ِْن نفسك •اللّہ̣̥ يخليك، يعني ايوة صح مهموم وعليك مسؤليات بس بتعدي وكل شي بهون

قال لي ان شاءالله

في وقفتنا دي طلعت ياسمين، قالت ليهو سامر امي بتنادي عليك

قال ليها طيب

فضلت واقفه بتعاين لينا وانا بعاين ليهه م بين عايز يمشي وم عايز يخليني،

قالت ليهو علشان الدكتور كتب روشتات مفروض تنزل بيهم الصيدليه

قلت ليه امشي طيب ي سامر

قال لي طالعين على طول انتو؟

قلت ليهو ايوة حنطلع، يلا امشي

مشى عليها لما وصلها مسكتو م̷ِْن ورجعت معاه، مسكتو

ابوي وامي جو طالعين، قال لي نمشي؟

قلت ليهم ايوة، ابوي جيب زين انا بشيلو،

قال لي لٱ خليهو،

رجعنا البيت وانا م في بالي غير مسكه ياسمين ليهو، دة ان دل بدل على انو م سألها حتى، وم بقدر اسألو ابداً

رجعنا البيت مسكت تلفوني ورسلت ليه لما تلقى نفسك فاضي ارجع لي

حوالي الساعه 9 كدة رجع لي بمكالمه،

اول م اتصل فتحت الخط

قال لي اتوقعتك نومتي بس قلت اتصل

قلت ليهو كنت مستنياك تتصل

قال لي جد؟

قلت ليهو حبيت اتطمن في جديد؟ ابوك بقى كيف؟

قال لي ماف جديد والله ي شهد لسه،

قلت ليهو لٱ ياااااخي

قال لي ياهو منتظرين لسسه كلام الدكاترة

قلت ليهو لسسه في المستشفى؟

قال لي اي رجعت ناس امي البيت عشان ماف شي بقعدهم وانا واحمد معاهو هسي،

قلت ليهو طيب

قال لي زين نام؟

قلت ليهو نايم ايوة

قال لي بكرة شغاله جامعه؟

قلت ليهو ايوة شغاله

قال لي تما..

قبل م يتم كلامو قلت ليهو سامر

قال لي ايوة، قلت ليهو شكلك نعسان م̷ِْن صوتك

قال لي لٱ والله بس مصدع وحاسي نفسي مرهق شديد

قلت ليهو اخد حبوب مسكن او اي حاجه

قال لي لٱ بس عايز اشرب لي كبايه جبنه لاني اليَوُمًًِ م شربتها، هسي لْۆ شربتها حتخفف علي اصلاً لما م اشربها بتصدع بي كدة

قلت ليهو طيب قوم هسي اشربها ي سامر

قال لي ايوة هسي حيجيبوها لي

قلت ليهو اممممممم سامر

قال لي ايوة

قلت ليهو انا اتصلت عليك علشان اقول ليك انو انا بحبك شديد والله يخليك خلي بالك م̷ِْن نفسك

ضحك قال لي شهد؟

سكتت

لسسه هو بضحك

قلت ليهو خلاص اعتبرني م قلت شي

قال لي ي زوله انا م سمعت شي وعايزك تعيديه م قلتِ شي شنوووو هو انتِ قلتِ شنوووو

قلت ليه م تتغابى وتندمني، المهم ي سامر انا عارفه انو انت مهموم وتعبان وعليك مسؤليات وشغل بس برضو دة م بيمنع إنو تخلي بالك م̷ِْن نفسك صح؟

قال لي حاضر دامك عايزة كدة،

قلت ليهو تصبح على خير

عدت ايام وانا متابعه معاه بالتلفون لغايه م ابوه طلع م̷ِْن حالتو الهو فيها وبدأ يتحسن لمن خرجوه م̷ِْن المستشفى.يوم الخرجوهم اتصل علي وقال لي بكرة ضابحين لي ابوي حأجي اسوقكم كلمي عمي، قلت ليهو صعب والله ي سامر م حنقدر نمشي وم تصر على الموضوع، بعد م ابوك يرتاح كم فترة كدة ممكن نزوركم

قال لي ټمٱم ي شهد

❖

في بيت اهل سامر..

اها ي سهام عليك •اللّہ̣̥ اتكلمي مع عمتي دي ووعيها وافتحي ليها عقلها، الولد دة لْۆ طلع م̷ِْن بنات البيت ديل والله تاني نشوفو في الشاشه الغشاشهه

ي عمتي تماضر كلامها صّْْح وهو اصلاً مدام عرس لي عرس خلو اليعرس واحدة م̷ِْن بنات البيت مجازاةً لي وقفتك معاهو وتربيتك ليهو ساااي ي عمتي انتِ م تشوفي الجانب بتاع انو هو م مقصر، شوفي انتِ زاتك م قصرتي معاه ولو نزل ليك نجوم السماء بسيطه، والبت الاسمها شهد دي انا بعرفها جابها لي البيت عشان تدرس زين قال اظن والله لٱ تستاهلو، لٱ شبهو ولا جايه بجمبو وهي اهلها اكيد حيمسكو فيهو بيدينهم وكرعينهم العشرة، عبدالرحيم قال ليهو ي سامر داير 100 مليون بس دين اظبط بيها وضعي وارجعها ليك علي دفعات، طبعاً قال ليهو م عِن.̷̷̸̷̐ديّ واتحجج ليهو بي انو الشغل م ټمٱم وكدة،

وهسي، والغريبه هسي في مرض عمي دة مطلع اكتر م̷ِْن 3000 مليون، يعني زول لْۆ م عندو بطلع دة كلوووو م̷ِْن وين؟

خليكم انتو حتي انا يسرا دي زمان مصاريف الجماعه بتصلني في الحساب قبل م اقول هسي بقيت الا انبهو عليها واذكرو كم مرة حتى

عمتي انتِ اصلاً هو بسمع كلامك وم بفوت ليك كلمه لانو حاسبك امو، لْۆ قلتِ ليهو البت دي انا م عجبتني وم عايزاها م برفض ليك طلب، لانو حسب كلامو معي لْۆ م مرض عمي دة كان جاهز للعقد وكدة

عاينو دقيقه دقيقه انتو لييييهه مقرفين كدة؟ دة شنو البتقولو فِيَه دة؟

م هو لْۆ عاطل او سفيه وببعزق قروشو زي رجالكم كدة بالضبط زي الزمن دة مرض ابوي دة نحن الا نشحد ليهو في الشارع خليكم م̷ِْن مستشفى خاص وخدمات Vip رجالكم حتي سرير في عنبر مستشفى حكومي م حيقدرو يأجرو ليه، ف شنو احسن اي واحدة عندها كلام تمشي تقولو لي راجلها ال 24 سَآعهْْ قاعد زيو زيها في البيت

ديل اخوانك البتتكلمي عنهم ديل ي قليله الادب ي م مربيه

ايواااااا اخواني بس اخير عدمهم هسي يوم متين واحد فيهم جا قال ليك ي امي هاك دة حق كيس خدار ساي؟

يوم متين حاسبتي واحد فيهم على شي م عملو ليك؟

سامر تعال، سامر امشي، سامر جيب، سامر افعل، سامر اترك،

م̷ِْن قمنا بنسمع اسم سامر قبل كل شي بتقوليه، م̷ِْن قمنا م نقص مننا شي قلنا لسامر عايزنو، هسي مستخسرين فِيَه حاجه هو عايزها؟

افهمي ماف زول مستخسر فِيَه شي بس نحن بنشوف ليه المناسب والبت دي م مناسبه معاه ي يمن افهمي

تماضر منو الاداك الحق تحددي اذا مناسبه معاه او لٱ؟ هو استشارك؟ سألك؟ لٱ طبعاً يبقى هو اختار المناسبه معاه زي م عبدالرحمن واحمد اختاروكم وبس بطلو انانيه وتحشر اعتقد هو م شافع

عمتي م تشتغلي بكلام الشافعه دي واحسبيها بعقلك انا تماضر دي م شايفه احسن م̷ِْن ياسمين لسامر دة، سامر ولدنا وياسمين بتنا، ياسمين انتِ عندك راي في سامر دة؟

ياسمين سكتت

اها شايفه م عندها مشكله، انتِ ي عمتي م عليك الا بس تقولي ليهو البت الخطبتها دي انا م عجبتني وم موافقه عليها وشوفي كان م خلاها لانو بسمع گلآمَگ ورايك عندو هو البمشي حصل فوت ليك كلمه؟ لا طبعاً بس ي عمتي، انا زاتي لما اتكلمت مع احمد قال لي الموضوع دة داير ليهو قعدة لما ابوي يبقى كويس، وهو زاتو بلقى احسن م̷ِْن ياسمين وين؟ ياسمين ي يمه تغسل لسامر قبل تغسل لنفسها، تكوي لسامر قبل كل زول، تنضف لسامر، اها داير اكتر م̷ِْن كدة شنوووو؟ وكان على زين محلوله يجيبو عندنا والله نربيه احسن تربيه

ايوااااا دي النقطه المهمة هنا اسألوني انا سهام دي، سامر مشكلتو كلها زين، السبب العرفو بالبت دي شنوووو؟

زين، وزين هو السبب البخليهو يومي يمشي للبت واهلها في بيتهم، يلا شنو هي طلعت مفتحه واظن قدرت تلعب عليه لانو شافتو كدة بدفع وبدي وكدة ودي فرصه م بتفوتها واحدة عاقله خصوصاً في وضع اهلها الحكيتو لي عنو دة، والراجل اكيد بفتش مكان راحتو ولقاها عندها، ماسكه ليهو ولدو ومخففه ليهو الهم وكدة ف شنو اكيد م بضيعها م̷ِْن يدو

زين هو مربط الفرس ف شنو ي عمتي هسي انتِ اعملي كالأتي، اول شي م تقولي ليهو م عجبتني وم هناي، قولي ليهو انا دايراك تجيب لي زين في البيت اربيهو، اول حاجه خلوهو يشيل منِْها الولد يجيبو ليكم البيت دي واحدة م̷ِْن الحاجات الممكن تخليه يقلل تواصل معاها هسي استغلي فرصه انو عمي عيان دي وخليه يجيبو هنا، لمن تضمنو انو شالو وجابو منها بعداك ي عمتي انتِ وشطارتك في تحوير المواضيع وكيد النساء لانو صدقيني عمي دة لْۆ بلغ الصحه سامر اكيد حيعقد وتاني الا تغنو ظلمو...

❖

حبيبي مساء الخير

كدة قولي حبيبي دي تاني

طيب الشاهين مساء الخير

ضحك قال لي م فرقت كل واحدة بتطلع منك احلى

قلت ليه عملتو الكرامه وخلاص اليَوُمًًِ خلص؟

قال لي اي الحمدلله وبكرة ان شاءالله مسافر

قلت ليهو كيف يعني مسافر؟

قال لي السفر العديل دة ي شهد، عِن.̷̷̸̷̐ديّ شغل لآزٍمٍ امشي اقيف فيهه

قلت ليه بس انا م شفتك وم قعدته معاك تسافر كيف يعني؟ كيف؟ مش قلت لي حأجي اللاقيك قبل م اسافر

قال لي شهد

قلت ليهو مش مفروض نتلاقى وقلت ليك عِن.̷̷̸̷̐ديّ حاجات مجهزاها وعايزة اديك ليها؟

قال لي السفرة مستعجله ي شهد طلعت ليّۓ شغله لآزٍمٍ اصل هناك بدري والله

قلت ليه تمام تصبح على خير

قال لي وانتِ م̷ِْن اهلو

م̷ِْن غير م يحاول يتكلم معي، او يراضيني او اي شي بس قال لي وانتِ م̷ِْن اهلو وقفل زعلت لمن بكيت، شلت الليل كلو بكى وانا قلبي واجعني منو ومن تصرفاتو وحركاتو دي

الصباح صحيت الساعه 8 ونص كدة لقيت منو مكالمات كتيرة م رجعت ليه،

الساعه 9 برضو اتصل م رديت،

قريب للساعه 10 كدة ابوي سمعت صوت ابوي بنادي علي،

طلعت قلت ليه ڼعمًْ

سمعتو بقول: اي هدي، هدي ياها هاك ي ولدي هاك اظنو تلفونها م مشحون ولا حاجه، شلت التلفون رديت عليه

قال لي مش مفروض ترجعي تشوفيني مالي على الاقل؟

سكتت

قال لي على العموم انا جاي عليك تمام؟

قلت ليه كذاااي يعني م سافرت؟

قال لي اسافر واخليك انتِ زعلانه وم ارضيك؟

سكتت

قال لي يلا في الطريق جاي عليك تمام؟

قلت ليه طيب ماشي

طلعت استحميت بسرعه وسرحت شعري،

قلت لي امي زين جهزتي ليهو الفطور ي امي ولا الترحيل ساقو بدون فطور؟

قالت لي لٱ جهزتو ليهو المشرفه ادتني إيصال قالت دي رسوم اظن ابوه لسه م دفعهن دة ياهو

شلت الإيصال قلت ليها تمام

شويه كدة سامر اتصل، اصلاً عِن.̷̷̸̷̐ديّ هديه كنت مجهزاها ليهو ف لما جا ابوي اصلاً كان مافي مشى السوق المركزي للخضار، وامي متحننه قالت لي ختيت حنتي م̷ِْن الصباح كدة قلت ابوك لما يجي يلقاني طلعتها واجهز ليهو الفطور،

قلت ليها سامر جا،

قالت لي الليله وووووب ودة يلاقو كيفن

قلت ليها هو مسافر بس جا يسلم علي ويشيل حاجاتو الجهزتها ليهو دي

قالت لي هي ي يمه انتِ مجهزة ليهو قطر كامل لَگِنْ تنقليهو براك؟

قلت ليها اي اي بنقلهم م تخافي

طلعت عليه، لقيتو جاي بي بوكس

قلت ليه غيرت عربيتك؟

قال لي شهد زعل، شايله شنووو؟يسلمو عليك كيف هسي انتِ؟دي عربيه الشغل ههههه

قلت ليه اسكت وشيل مِڼّي وختهم ورا طيب

بقى يعاين لي بإستغراب

قلت ليه يلا اسمع الكلام

قال لي حاضر سمعنا وراي شنو غير انتِ تقولي وانا اقول حاضر، حاضر ي شهد

فتح الباب الخلفي ودخل البوكس،

دخلت وجيت راجعه شايله حاجات

برضو،

ضحك وهو بعاين لي قال لي طبختي لي؟ دخلتهم وقفلت الباب،

قلت ليه دقيقه واحدة بس، تاني رجعت البيت جيت شايله سويتر قلت ليه افتح الباب القدام،

فتحو ركبت وقفلت الباب وهو واقف بعاين لي وبضحك

ركب وهو بعاين لي مستغرب بس برضو بضحك

قلت ليه خير مالك بتعاين لي كدة؟ نحن متشاكلين ع فكرة م تتكلم معي

قال لي انا م اتكلمت لاحظي

قلت ليه اهاااا صح صح، انا م عايزة اتكلم معاك بس برضو مالك م سافرته مش قلت شغال والشغل اهم؟

قال لي فعلاً مفروض زي الزمن دة اكون وصلت او قطعت نص المسافه لَگِنْ دة في حال انو م عِن.̷̷̸̷̐ديّ خطيبه زِعيله وبكايه

قلت ليه البكايه منو انا م بكيت

قال لي عليك الله؟ كدة عايني لي؟

لفيت منو وشي

مسك يدي جريتها وقلت ليه المهم،

دقيقه،

رجعت يدي ليّ ورا شلت البوكس قلت ليه دة بوكس بتاع قهوة، مش قلت لما م تشربها بتصدع بيك؟

يلا البوكس دة فِيَه كل شي بتعلق بالقهوة،

قال لي ي زوله كل شي زي شنووو؟

قلت ليه امممممم بن، بهارات، فناجين تنكه، وكبايه حليب وهكذا فهمت؟ وكمان جبت ليك الحبوب دي في حال الصداع م خلاك

اما العلب الورا دي، فيها فطاير حلو ومالح، كيك، فسيخ علشان قلت بتحبو،

اهااااا ونسيت، اتفضل دة سويتر طالما حتتكم البتمشوها دي بردها كتير وهوا وغبار ف هو احسن م̷ِْن البلوفر ومعاها الكمامه دي ايوة بقماش لَگِنْ طبيه

بقى يعاين لي وساكت

قلت ليه مالك؟

قال لي جايبه لي فطور عريس عديل هسي مفروض ادخل لي عمي اقول ليهو حرررم تعقد لي واسوقها في قدامي

ضحكت وختيت يدي في وشي وقلت ليهو م اسمو فطور عريس اسمها هديهه مالك انت وامي الليله كلامكم واحد

قال لي م قلت ليك انا زول خلا ساااي يعني دي حاجات جديدة علي

ضحكت، قلت ليهو ليهه بتحب تقول على نفسك انك زول خلا

قال لي لأني كدة يعني في زول بنكر اصلو القام فيهو؟

قلت ليهو لٱ بس انت بتقولها كأنها نبذة او بتقلل بيها م̷ِْن نفسك كدة

قال لي ابداً بس انا بقولها عشان اوضح ليك الاختلاف البيني وبينك شايفاها حاجه مخجله انتِ

قلت ليهو لٱ بالعكس،

سكتت مساافهه حتى قلت ليهو اصلاً م̷ِْن يوم م قلتها حبيتك شديد وكل م تقولها انا بحبك اكتر

قال لي ايوااااا نقيف في بحبك البتبخلي علي بيها دي

قلت ليهو م تندمني اني قلته يلااااا وخليني انزل

مسك يدي وقال لي م هو انا حالياً ساعي إنو ربنا يجمعنا بحلالو عشان م تندمي انك قلتيها، لْۆ م الحاج ومرضو زي الزمن دة الامور ظبطت وعلى الاقل عقدنا بس اراد •اللّہ̣̥ وحصل الحصل واكيد لي خير، لَگِنْ ان شاءالله ي شهد حالياً بس عندنا حصاد والخريف شويه جايط لينا الامور وهسي كمان اتصلو علي قالو عندنا بهايم كدة الراعي غفل منهم واتسرقن اكتر من 100 راس والله ي شهد عشان كدة استعجلت المشيه عشان اشوف الموضوع دة واحلو، لَگِنْ كل شي بتسهل ونجي جيه واحدة عقد وتمامه عرس ان شاءالله،

قلت ليهو ان شاءالله كل شي بتسهل، بس انت خلي بالك م̷ِْن نفسك وكفى

قال لي حاضر ابشري وانتِ كمان م اوصيك على نفسك وبطلي الجن البتسوي فيهو دة حصلت حاجه ارجعي لي ي شهد وافهمي مِڼّي اتفقنا؟

قلت ليهو حاضر

قال لي م حاضر ساي اتفقنا؟

قلت ليهو اتفقنا

عاين للحاجات ورا وللبوكس الفي يدي وعاين لي و قال لي اسمعي ابوك م بعقد بي بلح ساي في الجامع؟

ضربتو وضحكت قلت ليهو سغيل

بقى يضحكك

قلت ليه بجد عندك 100 راس مسروقين وانت قاعد معي هنا بتضحك بكل دم بارد؟

قال لي اعمل شنووووو؟

م قدرت اسافر وانتِ زعلانه، ظرف الشارع زاتو م معروف، قلت ارضي عليك أول حتى امور الدنيا ملحوقه، لْۆ سافرت وانتِ زعلانه وقدمت شغلي عليك حتى لْۆ كل شي ماشي عديل انا بالنسبه لي م حيكون كدة، اقول ليك حاجهه؟زمان اسافر وقت م اسافر ماف شي بفرق م عندي شي احسب حساب لي خاطرو او اخلي ليه اوليه اكتر م̷ِْن الشغل، بس هسي، هسي الوضع اختلف، رغم التعب والمشاكل والجوطه الحاصله دي كلها م حسيت اني عايز امشي واخليك انتِ زعلانه لأنو حالياً إنتِ البتهوني علي كتييير رغم تقصيري في حقك، لما نحن في المستشفى واتصلتي وقلتي لي ي سامر انا بحبك قدر م اشرح ليك انو كل التعب الكنت حاسي بيهو في اللحظه دي حسيتو اتبخر م̷ِْن جسمي، كل الهموم في اللحظه ديك حسيتها انزاحت، تقريباً دي اكتر جمله اتقالت لي في اصح اوقاتها...