الفصل الثامن والثلاثون

بسم الله الرحمن الرحيم

قبل نبدأ في قراءة الرواية حابة اقول انه الرواية دي قيد الكتابة .. يعني ان شاء الله اول ما الكاتبة تنزل بارت انا بانزل ..

قراءة ممتعة

بقيت اتلفت، بعد مسااافه قلت ليه بإستغراب انت بتتكلم معي انا؟

عاين يمين شمال قال لي لٱ مع خيالك ي شهد، مع خيالك،

خليك جادة شويهه عشان نلحق..

قلت ليه نلحق شنووو ي استاذ كدة دقيقه؟

قال لي برضو خليك م̷ِْن نلحق شنو سألتك انا جاوبي، عندك مانع نرجع؟او بمعنى اصح مش بعد كدة نبطل البنعملو في روحنا دة؟

قلت ليه البنعملو؟قاصد شنو بالتعميم دة ي الشاهين؟

اخد نفس عميق وقال لي شهد م عارف حتفهمي الحقولو ليك دة ولا لأ بس محتاجك انا، محتاجك اكتر م̷ِْن اي شي ومن اي وقت قبل، جايط شديد وم عارف..سكتت مسافهه وقال لي م اظن في شي بقدر يرتبني في الحياة دي غيرك...

كان بعاين لي وهو ساكت بعد كلامو دة حسيت انو في وخزة في قلبي لأنو م كان قادر يرتب كلامو حتى ..

وانا بفكر اتخيلته ردة فعل فجر اول حاجه وكميه الشتايم والتهزيء الحتسمعني ليهو..

هو لسه بعاين لي وانا مشربكه صوابعي وموترني زيادة بنظراتو..

قلت ليه انت مش خاطب؟

قال لي ي بت الناس انتِ خاطب دي جايباها لي م̷ِْن وين؟ انا بقول ليك م بفكر في الاستقرار الا معاك انتِ تقولي لي خاطب؟

قلت ليهو اكيد م مختلقاها م̷ِْن راسي في واحدة معانا في الجامعه اسمها سمهدل بتعرفك وبتبقى للبت الانت خاطبها بت خالتها على طول ..

قال لي انا؟ دي منو دي ان شاءالله كمان؟وسمهدل دي منو هي زاتها؟بعدها ضحك وقال والله دي محن دي القال ليك منو الكلام دة؟

قلت ليه سمهدل قالت مصلحتها شنو في انها تكذب يعني؟

قال لي طيب وانت اي شي قالو ليك طوااالي جاريه تصدقي م̷ِْن غير م تسألي وتتأكدي؟

قلت ليه انت م قلت اسأل ليه؟

قال لي م دي مشكلتنا هنا،

قلت ليه ڼعمًْ؟

طيب م قالت ليك البت اسمها منو؟

قلت ليهو م قالت بس ياها البت المخلي معاها زين..

قال لي بي إستغراب ندى؟ ؟؟

بقيت اعاين ليه..

قال لي بت خالتها قالت ليك انا خاطبها؟

قلت ليهو المهم

قال لي ي بت الناس ابقى حيوان لْۆ خطيت خطوة زي دي وانا على تواصل معاك وادس مڼڱ ليييهه؟ دي م بتبقى حركات رجال اصلا..ً

قلت ليه اممممممممممممممم يعني لٱ؟

قال لٱ طبعاً ي شهد الزوله دي علاقتي معاها زين وابوها لانو نحن متكفلين بي علاجو واحتياجاتو وكدة في المنظمة، لَگِنْ هي ابدا..ً

قلت ليه وهسي؟

قال لي هسي ابوها بس ي شهد زين زاتو اخدتو منها وقاعد معي انا وخالتي في البيت..

قلت ليهو طيب ..

هو بقى ساكت وانا ساكته وم عارفه اقول شنو وهو بعاين لي بإصرار رغبتو.في سماع اجابتي وكدة

قال لي اخليك تتشاوري مع صحباتك؟

عاينت ليه بي خلعه بقى يضحك..

قال لي مش يوم زعلتك ديك قلتِ حذروك مِڼّي وكدة شكلي محتاج ارضي صحباتك واخد موافقتهم اول..

قلت ليه م كدة، والموضوع م ليه علاقه بصحباتي اصلاً هم بزعلو لزعلي م لي شي شخصي معاك،

قال لي انا كمان بزعل لزعلك ي شهد م هم بس ..

قلت ليه بتزعل لزعلي ف بتبعد، وبتختفي وبتزعلني اكتر

سكت وعاين بالقزاز..

قلت ليه شايف حتى تعليق على تصرف غلط انت عملتو م بتكلف نفسك تشرح ليييه عملت كدة، بس بتتجاوز ي سامر واوقات كتيرة انا بكون مستنيه مڼڱ بس توضيح حتى لْۆ بكلمه..

قال لي طيب قولي البرضيك شنو واعملو ي شهد

سكتت مسااافه حتى قلت ليه راجل عادي، بسيط، حياتو م معقدة، بعرف يقول لٱ للحاجه الما بقدر عليها، م يكلف نفسو فوق طاقتها، وم يطرح حياتو ك مزاد للمصايب واعظم مصيبه هي الحتاخدو وتسبطر عليه، قادر يكون مسؤل عن نفسه وبيته وحياته وإجتهاداتو كلها دي حدودها واذا قدر يقدم شي للحواليهو ف بها، إذا لٱ م مجبور

انا شايفه قدر شنو انت بتجتهد وبتتعب وبتتحمل مسؤليات فوق طاقتك وفي نفس الوقت هي مسؤلياتك وبتفرضها على نفسك فرض عين ودة شي م كل الناس بتشكرك عليه وبتحفظو ليك، دي اختياراتك انت الشخصيه ومحسوبه م̷ِْن عمرك وخصم عليك وحقيقةً هي حاجه تبسط إنو وسط الناس الواحدة تسمع يقولو على الزول البتحبو إنو معروف بي إنو شهم، ومسؤول، ، وراجل ود اصول بس..

قاطعني وقال لي اقيفي في البتحبو دي عشان انا بعدها م عايز اسمع شي..

جاوبيني هااااااااا نرجع؟

سكتت وهو سغيل م برفع عينو مِڼّي

قال لي عندك 5 ل 10 دقايق فكري فكري اخدي راحتك م حأضغط عليك ابداً

ضحكت قلت ليه ماشاءالله وقت كافي شديد

قال لي شفتيني كريم كيف يلا ها بشري..

شربكته يدي وقلت ليه طيب من الاخر م عندنا بنات بوافقو م̷ِْن غير شورة ابوهم

ضحك مساااافه حتى قال لي غلطتي انا اذاً مفروض اخد شورة عمي اول صح؟

بقيت اعاين ليه وانا ساكته ..

قال لي ټمٱم يلا مع السلامه..

قلت ليه شنووو؟ قال لي مش عندك شغل في البيت وشنو م عارف خليتيهو وراك؟ يلا امشي قضي شغلتك وخلي المماطلهه..

قلت ليه مماطله؟ غلطانه انا على فكرة، لٱ غلطانه جداً كمان سخيف سغيل..

نزلت م̷ِْن العربيه ومشيت وانا مغيوظهه منو ومن كلامو وهو بضحك..

❖

في جانب ٱڅڑ..

قانونياً البت بتي وتحليل واحد بس بقدر يثبت الحاجه دي، البت لافين ليها وك راسها وماكلنو ليها ومحرشاها امها تعترف بي كيف؟القانون دة نحن اسيادو وماف شي بغلبني..

ي عبدالله ي اخوي محكمة شنو وكلام فارغ بتاع شنو؟

البت انت بتعرف ليها شنو لما دمك فاير فيها كدة؟ لٱ اكلت لٱ شربت لٱ لبست لٱ قريت لٱ مارضت، وجاي تقول قانون وتحليل؟

البت كبيرة وعاقله وبالغه القانون زاتو م بقدر يجبرها على حاجه زي دي م تتكلم بعقل الشفع انت فاكر نفسك بتقالع في بت عمرها سنتين؟ دي 20 سنه ي عبدالله..

انا فتحت بلاغي وخلي القانون ياخد مجراه بس القانون دة م بعرف غير المنطق، قدامو تحليل، وقدامو قسيمة زواج منتهي.

بلاغ؟فتحت في منو بلاغ ي عبدالله خلي حماقتك البتسوي فيها دي، البت م معترفه بيك كسر رقبه تجبرها على حاجه زي دي؟ •اللّہ̣̥ يهديك ي عبدالله اخوي •اللّہ̣̥ يهديك، وبعدين انت قسيمة جبتها م̷ِْن وين؟ خاف •اللّہ̣̥ سيدك دة ي عبدالله بتموت شين والله ...

❖

ي احمد اسألك سؤال؟

قول مالك انت الليله مقلق كدة م̷ِْن قبيل؟

هسي انت لْۆ ابو شهد وجيت قلت ليك دايرها تاني بتديني؟

ضحكوقال لي اهااااااا شهد قلت لي؟

قلت ليه خليك جادي ياخ

قال لي لا، بت لعاب هي؟وشوف انت خليتها كيف

م تبقي حيوان ي احمد

قال لي بتنا غاليه م بنديهَ (⊙ – ⊙) اآ غير مرة واحدة ي حبيب

قلت ليه والله كنت سايقك فجعه لَگِنْ شكلك بتبقى وجعه ماف شي بتبظها غيرك،

ضحك قال لي م فهمتك؟

قلت ليها ماف شي،

احمد دة لو سوقتو م اظن يطبل لي عشان اقنع عمي، اخير لي اشيل رجولي واتوكل امشي براي

الووو ابوووي؟

اي ي بت

نحن احتمال نتأخر عشان فجر عندها حاجات حنغشى الداخليه نجيبهم حتى نرجع ..

طيب م تتأخرو الشمس غابت زاتها م̷ِْن قبيل بتسوو في شنو؟

خلاص ي ابوي م حنتأخر

طيب كويس يلا خلو بالكم.

كنت قاعد مع ابو شهد وفجأة اتصلت عليه ..

بعد م قفل منها قال لي لْۆ زكرنا خزنه م اظن نلقاها هههههه،

قال اها قلت لي شنو ي ولدي؟

الجسارة دي صفه ممكن تكون طاغيه في اي شي بس بتتلاشى مڼڱ تلقائياً لما تكون قاعد قدام ابو البت الانت عايزها، بالله انا حتى رجولي في الارض م حاسي بيهم من كميه التوتر الكنت فيها..

قلت ليهو بحاول اتصل على مهند رقمو م بدخل ..

قال لي لٱ ياخ؟ دايرو في شي ضروري؟ خير ان شاءالله دقيقه احاول ليك رقمو هسي..

قلت ليهو لٱ ي عمي بس داير اشوفو امورو ماشه كيف وكدة ..

قال لي والله ي ولدي الحمدلله ميه ميه مجتهد شديد شايفو بقى زول عرس جدجد هههههههه

قلت ليه ربنا يتم ليه على خير ي رب،

فجأة المغرب اذن، قال لي ارح نمشي نصلي نلحق الجامع..

طلعنا مشينا هو بنتظر الناس يطلعو عشان يقفلو، بعد صلينا في ناس كانت لسسه بتصلي وفي واحد بقرا قرءان قال لي خلي ياخد راحتو نقعد الولد داك..

وانا زي الشافع الداير حاجه وم قادر يقول، الكلمة على طرف لساني بغيرها بي اختها وخلاص اتضايقت، وهو م بديني فرصه كل شويه بفتح لي موضوع نتناقش فِيَه..

قلت ليه ي عمي

قال لي اي

قلت ليه انا زاتي والله لاحق مهند

سكتت مساافه وبقى يعاين لي حتى قال لي ي زول؟ الف مبروك ياخ، الف مبروك ي ولدي

اها بعد المباركه دي البخليني افتح خشمي شنووو؟

قال لي خلاص جهزت حالك واي شي ولا نيه ساااي؟

قلت ليه جاااهز والله ي عمي لْۆ شاء الله..

قال لي •اللّہ̣̥ يقدم الفيهو الخير ان شاءالله ي ولدي وسكت

سكتت شويه وانا متجرس وم عارف افتح معاه الموضوع كيف لْۆ احمد جمبي كان خفف علي بس اتنعل معي، وانا بطقطق في صوابعي قلت ليه ي عمي..

قال لي ڼعمًْ ي ولدي

قلت ليه لْۆ م عندك مانع انا والله دايراك ترجع لي بتك شهد..

في اللحظه دي حسيت راسي زاتو ماف..

يعني تخيل نفس الزول الجيتو وقلت ليه قسمة وانتهت تجي تقول ليه ارجعها لي.

سكت مسااافه قال لي انت ي ولدي عارف راي فْيَگ تماماً شنو، لَگِنْ راي فْيَگ في كفة وبتي دي كفة تانيه خالص م بجامل فيها..

قلت ليه عارف والله ي عمي عشان كدة جااايك ومتردد..

قال لي لْۆ م حكيت لي الحكيتو في المستشفى لما كنت راقد ومن تلقاء نفسك جيت وقلت لي ي عمي انا عملت كدة عشان كدة واعتذرت كان هسي ردي ليك بكون انو دة لعب شفع، لَگِنْ ديك حاجه انا حاسبها ليك ومحترمك جداً بسببها..

لَگِنْ برضو الحاجه العايزك تفهمها انو الحاجه الانت مجبور تتحملها بتي م مجبورة تتحملها، منطقياً كدة بعيداً عن العواطف والمجامله البضمني شنو إنو تاني م تتكرر نفس الحركه؟ يعني يحصل ليك ظرف ترجع لي بتي في صمة خشمها عشان انت في ظرف فرض عليك كدة؟

اي انا مقدر الموقف، ومقدر انك كنت في لحظِهّ ; .. جبر، لكن ي ولدي •اللّہ̣̥ دة شافو بالعين ولا بالعقل؟

قلت ليه بالعقل، ومتفهم موقفك انا ي عمي ويمكن غلطته في خطوة زي دي ..

قال لي لٱ الأكيد انك غلطان، وانا قبل م عاتبتك لَگِنْ هسي انت قدامي وبتطلب مِڼّي طلب على خلفيه حاجه سابقه انا حأحسبو في راسي الف مرة قبل م اديك جوابو، كيف اقدر أأمن انك م حتعمل نفس التصرف داك تاني؟ وبتي زاتها حتكون عايشه في قلق وخوف م̷ِْن ظروفك صح ولا لأ كلامي ي ولدي؟نحن شفنا الشمس قبلك وكان م متنا شقينا القبور..

قلت ليهو م غلط ابداً ي عمي وكلامك على عيني وراسي..

قال لي انا ي ولدي عِن.̷̷̸̷̐ديّ مصلحة بتي دي فوق كل شي، والله خسارة الدنيا كلها قصادها بالنسبه لي مكسب، البت دي مهما حكيت ليك مبروكه كيف م بتصدق، باقيه لي ضهر وسند اكتر م̷ِْن الولد وكان الموضوع علي انا م بختار ليها غيرك لأني م شفت مڼڱ غير الشهامة والأخلاق المفقودة في كتير م̷ِْن الشباب الطايش، لَگِنْ كمان دة شي مصيري م بتحمل مجامله..

قلت ليه جداً ي عمي م عِن.̷̷̸̷̐ديّ مشڱلهِ بنتظر ممكن تاخد وقتك م بضغطك انا

مشى على الزول البقرا قرءان اتكلم معاه بالإشارة وجا راجع

، الزول طلع نحن قمنا طالعين وقف فجأة و

سكتت مسااافه قال لي ي ولدي؟

قلت ليهو نعم

قال لي في بيت •اللّہ̣̥ الزول م بكذب صّْْْْحّ؟

قلت ليهو ايوة

قال كان اديتك ليها بتخاف •اللّہ̣̥ فيها؟

حسيت اني ي دوب اتنفست قلت ليه ابشر ي عمي

قال لي لٱ م تبشر لي، سألتك انا بتخاف •اللّہ̣̥ فيها؟

قلت ليه ونعم بالله الما بخاف •اللّہ̣̥ الناس بتخافو بقولو ي عمي، وانا كان م بخاف •اللّہ̣̥ فيها م فتحت معاك الموضوع هنا ابداً

قال لي اذاً بعد كدة الراي راي البت م بقدر اجزم ليك كان م اخدته رايها، اديني مهلتي اقعد معاها واشاورها واديك خبر، م̷ِْن ناحيتي م عِن.̷̷̸̷̐ديّ مشڱلهِ لَگِنْ عارف يعني شنو زول يقول ليك انا خصيمك امام •اللّہ̣̥؟

قلت ليه عارف

قال لي البت دي ان وافقت وربنا تم ليكم على خير لْۆ م بقيت قدر گلآمَگ لي القبل شويه دة ي ولدي انا بسألك منو امام الوقف العظيم، وانا بتي دي لْۆ ربنا كتب لينا طوله العمر م بتغلبني ي ولدي، لْۆ عندها دسته عيال لقيت نفسك م قدر مسؤليتها رجعها لي بدون م يتخدش ليها طرف، يمكن تكون مستغرب م̷ِْن الكلام دة هسي في اللحظه دي لَگِنْ م بتفهم انا بقول ليك في شنو االا تبقى عندك بنيه في بيتك..

م شفت راجل بعظم بتو ورافع بيها راسو زي تعظيم ابو شهد لي شهد، م شهد خوف وهم في زول قدر البشوفو في ابو شهد، الحاجه المخلياني لغايه اللحظه احترمو جداً لما جيت وقلت ليه انا وشهد البينا قسمة وانتهت م حاول يستفسر او يسألني زي اي ابو ممكن يقول ليك مالها بتنا؟

بالعكس اتعامل معي معامله الابو الواثق م̷ِْن بتو، ومن تربيتو، ومن اخلاقياتها،

حقيقةً انا م حزعل جداً اذا م عرست شهد بس، انا حزعل جداً جداً لْۆ م ناسبت الراجل العقليتو بتوزن بلد دة،

❖

ونحن متجمعين بنشرب في الجبنه فجأة تلفوني ضرب..

عاينت للرقم لقيتو سامر..

اول م فتحت الخط قال لي ي شهد

قلت ليه اهلين ..

كيفك؟

الحمدلله ټمٱم وانت كيفك؟

قال الحمدلله ماشي الحال، حسيت بنبرة صوتو غريبه قلت ليه مالك؟

قال ليّۓ نعم؟

قلت ليه صوتك غريب كدة

قال لي م ټمٱم والله ي شهد ..

قلت ليييهه خير ان شاءالله مالك؟

قال ليّۓ خلينا نتلاقى

في شنووووو؟

احسن نتلاقى حتى احكي ليك ممكن

ساااامر، م تخوفني مالك؟ خالتك كويسه؟زين كويس؟

قال لي الحمدلله ماف شي،

قلت ليه طيب في شنووو؟

قال لي في الطريق انا بتقدري تطلعي علي؟

قلت ليه طيب ماشي حاضر بطلع عليك،

قلقت واتوترت وانا بفكر مالو،

عدت سَآعهْْ حتى اتصل قال لي وصلت، طلعت مشيت عليهو،

اول م ركبت بقيت اعاين ليه وهو.وشو متغير 180 درجه

قلت ليه خير ي سامر مالك؟

سكت

قلت ليه ساااامر؟

قال لي م̷ِْن وين يجي الخير ..

❖

قالت لي طيب برااحه صلي على النبي واستغفر ربنا سبحانه وتعالى واخد نفس واحكي لي في شنو مالك وكل شي بهون؟

بقيت ساكت

قالت لي سااامر انت جايبني عشان تسكت؟م تحرقي اعصابي اكتر م̷ِْن كدة

قلت ليها اتكلمت مع عمي..

بقت تعاين لي

قلت ليها م وافق ودة م̷ِْن حقو طبعا، ً بقت ساكته وتعاين لي ..

بعد لحظه صمت قالت لي اتكلمت معاه متين؟

قلت ليها قبل يومين كدة انتو ماف كنتو في البيت..

قالت لي اهااااا..

قلت ليها قال لي انت زمان قلت قسمة وانتهت، اذاً قسمة وانتهت ي ولدي..

فضلت ساااكته وبتعضي في شفايفها والحركه دي بتعملها ي متوترة ي زعلانه..

قلت ليها اها انتِ رايك شنوووو؟

عاينت لي، قالت لي بي تردد انا؟ انا قبل كدة قلت ليك م عِن.̷̷̸̷̐ديّ راي والراي راي ابوي، والبشوفو ابوي اكيد هو الصح يعني هو بعرف مصلحتي اكتر مِڼّي واثقه انا، وانت عارف وانا عارفه انو هو م غلطان بي رفضو دة..

قلت ليها ايوة عارف وانا م عتبان عليه ابداً ي شهد بس...

بقت ساااكته وتعاين بالشباك

قلت ليها انا قلت اديه مهله كم يوم وتاني ارجع افتح معاه الموضوع يمكن..

قالت لي ابوي م بحب الحركة دي، يعني هو لْۆ عندو جواب ي اداك ليه لحظي ووافق ي رفض، ورفضو دة بكون نهائي عشان تاني م تجيه راجع..

سكتت وبقيت ماشي انا براقب في ملامحها، حركات يديها، سرحتها وتفكيرها الغرقت فِيَه، اظن هي زاتها م حاسه بالشوارع النحن فيها وماشين على وين بقت ملتزمة الصمت بس، بعد مسااااااافه انتبهت قالت لي ماشين وين نحن؟

قلت ليها مكان قربنا عليه،

فجأة بركنت العربيه،

قالت لي دة سوق؟بقت تتلفت قالت لي السوق العربي؟

قلت ليها عِن.̷̷̸̷̐ديّ امانه مرسلنها لي م̷ِْن البلد ندخل نستلمها م̷ِْن هنا ونطلع،

قالت لي بصوت مبحوح طيب انزل انت انا خليني بنتظرك،

قلت ليها السوق العربي دة ملان حراميه بالذات الحته دي عُاَدّيَيّ يجو.يلقوك بت براك يهددوك، ارح انزلي معاي،

قالت لي وكان نزلت انا انت قنعان م̷ِْن عربيتك؟

قلت ليها فداك ي زوله ارح ارح عشان الزول عندو زمن انا موقفو م̷ِْن قبيل،

طنطنت واتأفأفت بس نزلت،

اتحركنا وبقينا ماشين لغايه م بقينا داخلين مكان كدة قلت ليها خليك وراي عشان المكان زحمة،

قالت لي طيب، دخلنا وهي بقت تقول لي سامر نحن جاين وين؟

سامر، بتجر فيني م̷ِْن القميص وانا م̷ِْن الزحمه م قادر اتلفت وبتكلم بالتلفون وبقول"، اها ي حبيب، لالا خلاص جمبك جاي عليك، اي، قالت لي بنفاذ صبر ساامر، مسكت يدها وقلت ليها خلاص شبه وصلنا، كم خطوة كدة وقفت وفتحت باب محل كدة.ودخلت..

❖

في دهشه وقفت وانا بتلفت، وبعاين لي سامر بسلم على زول بالحضن وبقول ليهو اوووووووو حبيبي والله اشفت صايغ فْيَگ ي سودان..

والراجل بقول ليهو ااابشر ي عريس ابشر ابشر ي زووووول ابشر، سمح العرس المرقك علينا دة الاخبار والله مشتاقين ياخ شنو الغيبه دي وين ي زول والله مفقود ياخ

كانو بتسالمو وانا لسسه بحاول استوعب وبسأل في روحي،

صايغ؟

محلات دهب محل م اتلفت

دي عمارة الدهب ولا غيرها؟

الراجل قال ليهو العروس صح؟وضحك

قلت: العروس؟

انا؟

بقيت واقفه زي الهبله

الراجل سلم علي و قال لي حبابك حبابك ي اختي، الف مبروك ربنا يكتب ليكم الخير في بعض ي رب وكتر خيرك لميتي لينا الزول دة ياااااخ وبقى يضحك وسامر بعاين لي وبضحك على هبالتي الانا فيها دي،

قعدنا فتح التلاجه طلع لينا مويه وبارد وحلاوة، وانا لسسه بعاين لسامر وهم بتونسو

الراجل قال ليهو شفت م̷ِْن گلمتِنييّ قلت لي جاي عليك واخوك عريس وبتاع، حاولت اطلع ليك انضف الحاجات المتوفرة وجايه جديد،

قام على حيلو ونزل لينا دبل، بقى يجيب،

قال لي عروسة اخوي الغالي، إختاري على اقل م̷ِْن مهلتك اخدي راحتك،

دقيقه عن اذنكم ي جماعه

طلع م̷ِْن المحل..

اول م طلع وقفت قلت ليه سامر دة شنو؟ افهم شنو يعني م فاهمة؟ودي شنو الحركة دي

بقى يحك في راسو وهو مبتسم،

قال ليّ ابوك قال لي الشورة شورة البت، وانا شورتك عِن.̷̷̸̷̐ديّ يعني المماطله في كم؟ نحاول ننجز مش احسن

قلت ليه ابوووي؟

يعني كذبت علي؟

الراجل جا داخل قال لي اها ماشين كيف؟

سامر قال ليهو شكلنا حنشيلهم كلهم لأنو م قادرة تختار

الراجل ضحك وقال ليهو م خسارة فيها،

سامر قال لي شهد يلا،

خلاص استسلمت طبعاً م ينفع انق ليهو قدام الراجل بقيت اختار ليهو ولي،

اخترت دبله ومحبس ولسامر دبله،

قالو لي خلاص؟

قلت ليهم ايوة

سامر قال ليهو يلا ي حبيب اوزن وقول لي الفاتورة

الراجل قال ليهو ي زول بطل عوارة فاتورة شنو؟ خيرك علينا سااابق والمحل محلك

سامر قال ليهو حرم، عاينت ليه سكت، والراجل ضحك قال ليهو متين لحقت لمن بتحرم ي زول انستر

دي هديه العرس

سامر قال ليهو لٱ انا حلفت، هديه العرس خليها قايمة بذاتها،

بعد حليفه مع بعض سامر دفع، اخدناهم وطلعنا،

اول م طلعنا في الزحمة ديك قال لي جيبي يدك، مسكني وبقى ماشي، وصلنا العربيه

اول م ركبنا بقى يعاين لي قال م تزعلي، مع قوله م تزعلي دي دموعي بقت جاريه عشرة عشرة..

قلت ليه انت م مفروض تكذب علي، ياخ م بحب زول يحرق اعصابي كدة انا م بحب..

ضحك قال لي شهد، انتِ بتبكي جد؟

بقيت ساكته ولافه وشي بالجهه التانيه وببكي،

قال لي شهد

قلت ليه حراق الروح دة عندك ساهل كدة؟

طيب معليش، معليش دي كانت معاها ضحكه

عايني عايني مسك يدي ولبسني الدبله قال لي شوفيها حلوة كيف في يدك، جريتها منو، وهو بضحك الغياظ

، نزل جاب لي مويه وجا،

قال لي هاك..

شلتها شربت هديت شويه وهو كل شويه يعاين لي يضحك، ضربتو قلت ليه بتضحك على شنو واحد سغيل وغياظ ..

قال لي وحتبقي مرتو

قلت ليهو م ببقى مرتك، م بعرسك اصلاً م عايزاك انا

قال لي م عندنا شغله اخدنا موافقتنا م̷ِْن السلطات العليا نحن

قلت ليهو في عينك، خلي السلطات العليا تعرسك يلا

قال لي لٱ السلطات العليا حتناسبني بس

عاينت ليه بغيظ وسكتت

قال لي م بحب تزعلي مِڼّي

قلت ليهو زعلت

قال لي طيب معليش قلنا خلاص م تبقي لايوقه

قلت ليه انا لايوقه فوق م انك غلطان.كمان م..

قال ليّ غلطان وراي شنو غير اراضيك انا؟

سكتت

مسك يدي لبسني المحبس

جريت يدي وضربتو.في يدو وقلت ليه تاني م تمسكني لْۆ سمحت

ضحك قال لي طيب م حأمسكك ابداً ي شهد ولا حأقرب مڼڱ خالص

بقيت اعاين ليه

قال ليّۓ إلى ان يأذن •اللّہ̣̥ لنا بالحلال ونكون في بيتنا طبعاً، قالها بخبث كدة

لفيت وشي منو وم عارفه اقبل على وين وبقيت ساكته

وصلني شارع البيت عايزة انزل قال لي دقيقة، دقيقة،

الدبله،

بقيت اعاين ليه

قال لي حنجي نقول لناس البيت بتكم لابسه دبلتها سلفاُ ولا كيف؟

طلعتها اديتها ليه وانا نازله قلت ليه ي سغيل، سغيل بقى يضحك..

انا ماشه في الطريق وبتبسم وحاسه نفسي م في الواقع وصلت البيت، فجر قالت لي زفته مشيتي وين انتِ وخليتي تلفونك هنا؟

قلت ليها تعالي احكي ليك،

دخلتها الغرفه وقفلت الباب

قلت ليها اعايني اقعدي هنا

قعدت

قلت ليها اخدي ليك نفس

قالت لي عايني مالك م تجننيني؟

قلت ليها ياخي هَ (⊙ – ⊙) اآ

اخدت نفس

قلت ليها م تشلتيني، وحتى لْۆ شلتيني براحه طيب؟

بقت تعاين لي بي تحميرة

قلت ليها طيب بحكي ليك..

اسمعي قبل كم يوم اتصل علي سامر و...الخ

قالت لي شهد..

قلت ليها عارفه نفسي م عِن.̷̷̸̷̐ديّ كرامة بس اتحنكت

قالت لي وعارفه نفسك كلبوبه م̷ِْن فصيله الكلاب صح؟

قلت ليها عارفه بس هو اقنعني..

قالت لي م هو انتِ شافعه قااااهر اعمل ليك شنو اذا م بتسمعي لي حرف؟

بقيت اعاين ليها

قالت لي هيبتي في الصحبة ضايعه بسببك، افور واتدفق وفي النهايه تجي تقولي لي اقنعني، كيف يعني اقنعك م فاهمة؟

بقيت ساااكته

قالت لي وكمان بتخليني اشيل وش القباحه واخرب وش مع الزول بعدين تجي ترجعي ليهو انتِ طيب وانا ي بت الكلب..

ضحككت، بقت تضحك معي قالت لي م تضحكي جادة معاك انا

قلت ليها هو جا لي ابوي وقال ابوي اداهو انا م عِن.̷̷̸̷̐ديّ راي خلاص

قالت لي صحباتي دايماً مصنددات ورافعات راسي الا كنتِ بتتكلببي كدة،

اها هسي احكي لي عمل شنو وقال ليك شنو،

بقيت احكي ليها..

قالت لي يعني حركتو حلوة شديد فصلت بغض النظر عن انو زول حيوان ساااي

قلت ليها انا كمان فصلت

قالت لي يعني هسي انتِ عروس؟

قلت لسسه م معروف متين ها، ابوي زاتو لغايه اللحظه م جا اتكلم معي ف بس يعني..

قالت لي طيب ي شهد م وراك هو خلاك ليه وكدة م حاولتي تعرفي

قلت ليها عرفت، موضوع طويل عريض بحكي ليك فيما بعد..

قالت لي جد؟شنووو طيب؟ م نفسيات منو يعني،

قلت ليها لٱ عندو سبب

قالت لي غلط مڼڱ؟

قلت ليها لٱ، ظرف كدة حصل معاه، بحكي ليك اصبري بس ظابط

قالت لي ټمٱم..

بعد الموضوع دة بإسبوع مهند جا وخلاص باقي لعرسو اسبوعين بس،

ابوي في يوم ناداني، انا كل م اسمع كلمة شهد دي قلبي بعمل شح، جريت ليه، قال لي فرشي لي الحوش ونضفي

قلت ليه في شنو؟

قال لي ماف شي سااااي فرشي..

❖

اتصل علي ابو شهد، قال لي تعال اخو البت دي جا، تعال اقعد وشوف الحاصل، بعد المغرب كدة جيت عليهم، استقبلوني وقعدته

مهند قال لي ناس البلد يسألو مڼڱ ساااي طولت منهم شديد

قلت ليه والله طولت لَگِنْ بإذن •اللّہ̣̥ بمشي عليهم قريب، موضوع ورا موضوع

عمي قال لي اها ي ولدي طبعاً انت جيتني بكلمتك، وانا قعدته مع مهند وشاورتو بحكم انو اخوها الكبير، وشاورت اعمامها، والناس ديل كلهم بقو على راي واحد

قلت ليهو خير ان شاءالله ي عمي؟

مهند قال لي احسن مڼڱ ي سامر م بنلقى وان كان حصل الحصل وبيك اسبابك واعذارك فِيَه، ابوي حكى لي، ونحن م عندنا مانع، بس ي اخوي الطول بجيب العوارض وم حبابو، اقترحت على ابوي انو اذا انت م عندك مشڱلهِ وكدة نتمم العرس حقي وحقكم مع بعض ولا شنو؟

إقتراح كنت بفتش ليهو وجاني في مكاني ..

قلت ليهو والله انا شخصياً م عِن.̷̷̸̷̐ديّ مانع جداً

عمي قال لي انا قلت ليهم كدة بتضغطو على الزول والضغطه م حبابها

قلت ليه ماف ضغطه ي عمي والله بالعكس وانا اصلاً جاهز يعني ماف سبب يمنعني

قال لي اذاً على بركة •اللّہ̣̥.

❖

لٱ كيف يعني عرسي بعد 3 اسابيع انتو م جادين ولا شنوو؟ امي، ابوي انتو قنعانين مِڼّي للدرجه دي،

ي زوله انا اجلت عرسي اسبوع كامل قصادك دايرة تسوي شنو يعني؟حبسه وحاجات نسوان، 3 اسابيع كافيه

امي سامعه ولدك

انا والله اتكلمته لمن فترته، دة ابوك ودة اخوك اتكلمي معاهم

وبعدين كيف بتقولو للولد تعرسها بعد 3 اسابيع، هسي يقول علي شنووو؟

نحن م ألزمناه، نحن إقترحنا بس العرس يتم مرة.واحدة يوم واحد وخلاص..

هسي 3 اسابيع دي بتسوي شنوووو؟ انتو يخوانا بتهظرو ولا شنوووو؟

ابوي قال لي كدة.اقعدي اقعدي، اقعدي اسمعيني..

دايرة شنو انتِ الدايراهو ببقى اصلو م تزعلي وتفوري كدة

سكتت

قال لي قولي لي دايرة شنووو؟وقتك الدايراه قوليه شهر، شهرين، سنه نحن معاك اصلو م بنغصبك على شي ولا بنجبرك وبنضايقك اخدي وقتك نحن زاتنا م قنعانين مڼڱ وم دايرين فوتك مننا اصلو

م فتحت خشمي..

امي ضحكت

وحبوبه قالت ليهو ها ي الصادق، حركات بنات سااااااااي ي ولدي اها لما القرار بقى في يدها سكتت، عرسلها وانت ساكت ي ولدي

بقيت قدر السمسمة قدامهم في اللحظهه دي وفجر ومهند وامي بضحكو..

اتصلت على سامر اول م فتح الخط قلت ليه وانت كمان ادوك مجرد اقتراح تقوم طوالي توافق عليه؟

ضحك قال لي في زول بمسكو الملعقه بكتب على نفسو شقي؟

قلت ليهو م غلطانه عليك بكلمة سغيل دي،

قال لي مستني اسمعها مڼڱ في بيتنا...

في اللحظه دي ضاعت هيبه الردحه في اللحظهه دي

وبالمناسبه هي 3 اسابيع زاتها انا بالنسبه لي بعيدة، انا كان قالو لي اعقد اليَوُمًًِ وتم مناسبتك وسوقها كان عملتها..

قلت ليه ايوة ايوة الموضوع عندك بسيط شديد..

قال لي قصاد لٱ، بس قصاد إنك تكوني معي كل شي حيبقى بسيط،

قلت ليه حنكني حنكني يلا

قال لي م حنك ابداً ياخ

قلت ليه ابوي اداني اوبشن إني اختار الوقت العايزاه على فكره

سكتت مسااافه وقال لي وانتِ قلتِ شنوو؟

قلت ليهو اممممم انا بحب بيت ابوي وم بعرف حتى انوم غير فِيَهو عايزني اخلي بيتنا وغرفتي وسريري بالسرعهه دي؟ بتهظر؟

قال لي بالله؟ ايواااااا طيب ي ستي حاولي قضي ايامك دي فِيَه وانبسطي على قدر م تقدري

قلت ليه لييييه؟

قال لي عشان تاني حنجيهو زيارة بس

قلت ليه ڼعمْ؟ً حنجيهو؟

قال لي ايوة حنجيهم مع بعض وحنرجع مع بعض حسوقك في قدامي، انا م صمدتهه كل الوقت دة علشان يجي يوم اخلي مرتي وراي وامشي ي زوڵهٍ

، وبالنسبه للسرير وموضوعو، منو القال ليك حتنومي في السرير يمة؟انتِ عندك عِن.̷̷̸̷̐ديّ مكان اعظم م̷ِْن كدة تاخدي راحتك فِيَه بالكامل مع العلم انو م زي سرير بيتكم كل زول ممكن يشاركك فِيَه، المكان دة انا م̷ِْن يوم عرفتك حاولت اكون حريص على قدر م أقدر انو يكون ليك انتِ رغم إني م كنت عارف كيف في الجوطه النحن فيها دي بعد كل الحصل بينا بس كنت دايماً بدعي وبقول في نفسي •اللّہ̣̥ م يخت في قلبي غير انتِ والعافيهه ...