الفصل التاسع والعشرون
شهد، ي بت شهد هوي ها
ايوة، ايوة ي امي "رديت بخلعه"
قاعدة في الشمس وماسكه مقشاشتك كدة مالك قومي ادخلي الضل الشمس دي انتِ عندك ليها علاج؟
بقيت اتلفت وانا بحاول استوعب، عاينت لروحي لقيت نفسي شايله المقشاشه ورابطه راسي وقاعدة في نص الحر وبتوهم، بقيت أقول الحمدلله إنو طلع خيال ووهم، الحمدلله، أنا زاتي غبيه كيف حأقدر امشي اقول ليه حاجه زي دي؟ لْۆ عندي كلام اكيد مفروض يكون مع ابوي م سامر سم هاري يخ غبيهه
خلصته نضافتي ومشيت على غرفة ابوي، غيرت ليه الملايات ورتبتها،
قال لي الجامعه م قاعد تمشي اليومين دي برضو؟
قلت ليه اي بعد كدة بنزل ان شاءالله
قال لي حاولي امشي وم تنقطعي،
قلت ليه اي بحاول والله،
مهند جا داخل قال ليهو ي حاج كيفك؟
قال ليهو في نعمة ي ولدي الحمدلله،
امي جات داخله شايله جبنه، قالت ليهو هاك داير جبنه داير جبنه بسببك نزلت ملاحي م̷ِْن النار كان شربتها برة مالك؟
مهند ضحك قال ليها ي حجة معليش ياخ استحمليني فترة بسيطه بكرة دة اعرس واجيب لي مرة تخدمني وتخدمك
قالت ليهو اه عرس شنو البتعرسو انت كمان
قال ليها ليهه مالي؟ والله اعرس زي السلام عليكم
قالت ليهو هو انت قال ليك العرس دة ساي كدة الزمن دة؟ العرس بي شي وشويات ي ولدي شي وشويات، برة البيت والعفش داير ليك مليار وزيادة شان تتم حاجات العرس ساي م̷ِْن شيله لي مأكولات لي غيرو، شوف البيت، شوف العفش،
اقل شي داير ليك كم سنه لقدام.عشان تعرس عرس مرتب م عرس اي كلام
ضحكته قلت ليه الحجه دي عايزة تجرسك ي مهند
ابوي قال لي تجرسو شنو والله اقنعتو وحردو زاتو
امي قالت لينا هي م ديل الحقيقة اكضب عاد؟ والبنات بالحيل بقن متطلعات دايرات ودايرات ودايرات، انت م عندك المعرس ليها شنو؟
مهند قال ليها والله ي امي ولدك شبه جاهز ف شنو شيلي الصبر بس
قالت ليهو جاهز بالنيه؟ اكان بالنيه الشباب دة كلو جاهز للعرس
قال ليها لٱ جاهز ي امي الحمدلله والامور ماشه طيبة
قالت ليهو سمح اها قول صدقناك، العروس وينها؟
ضحك قال ليها هي العروس دي كمان دايرة يفتشوها؟ •اللّہ̣̥ م كتر في الدنيا دي الا بنات حواء
قلت ليه يعني انت عايز تعرس وخلاص بغض النظر عن هي منو اي بت وخلاص؟
قال لي ي زوله انا م لتخ كمان، انا مرتي زاتها جاهزة عشان كدة لما اقول ليكم زول عرس م بهظر
امي قالت ليهو وب ودي منو ي ولد؟وقالت بصوت خافض اوعى تكون واحدة م̷ِْن اولاد اعمامك او عماتك؟
قال ليها لالا ابداً
بقينا نعاين ليه،
قالت ليهو اها؟
قال ليها شيلي الصبر هي م م̷ِْن هنا زاتها
ابوي قال ليهو خاف جبتها لينا مصريه عديل ي ولد؟
قلت ليهو حاسه كدة ي ابوي
مهند ضحك قال ليهو لٱ ابداً سودانيه اماً اباً بس م̷ِْن البلد م م̷ِْن هنا
امي قالت ليهو م̷ِْن البلد؟اي بلد دي ولد؟ بورتسودان قصدك يعني؟
قال ليها لٱ م̷ِْن البلد الانا شغال فيها هناك
قالت ليهو شغال فيها وين دي؟ ي ولد م تخليني اطلع مڼڱ الكلام بالقطارة قول
قال ليها سمحه يمة البت م̷ِْن ال... دي الحتة الانا شغال فيها ناس بسيطين وطيبين وابوها شغال معي، بالهظار كدة في نص الشغل قلت ليهو كان قلت دايرها بتديني؟ قال بديك والموضوع قلب جد بس
ابوي قال ليهو وانت الوداك الحتة دي شنو وشغال شنو هناك
مهند سكتت مسافه حتى قال ليهو شغال زراعه ي ابوي
امي قالت ليهو زرااعه؟م̷ِْن متين اجي مش كنت في مصر شن وداك للزراعه؟
قال ليها م كنت في مصر ولا اي شي ي امي، انا سافرت الدهب اصلا، بعدً فترة طويله م̷ِْن سفرتي م طلعت بي شي كل الكنت بلقاهو كنت بدخلو في الميز حق الدهابه ياهو اكل وشراب بس، بعدين لما الحال ضاق بي قلت اسافر مصر لَگِنْ برضو اسافر كيف م̷ِْن غير جواز وداير البسفرني برضو، إتصلت على سامر دة عشان اشيل منو رقم الناس المؤجرين الكشك حق شارع النيل عشان اخليهم يحولو لي قروش الشهر دة هناك وكنت هرجع ليكم انبهكم للحاجه دي، المهم سامر م اداني الرقم لَگِنْ اتكلم معي ورغى معي كتير وسألني عن حالي واحوالي ووين انا وكدة، اليوم التاني برضو اتصل علي قال لي تعال الخرطوم دايرك خلي شغلتك البتسوي فيها دي عِن.̷̷̸̷̐ديّ موضوع ضروري م بحلو لي زول غيرك،
سألتو في شنو ي زول خير ان شاءالله؟
قال لي عندي قطعه ارض في حته بعيدة كدة وانا مخليها ليها كم سنه فاضيه والناس بتزرع فيها وشبه اتملكوها كدة وهسي عاملين لي فيها مشاكل وفي اخوان اتطاعنو عديل بسببها وقربو يموتو كل واحد بقول السنه انا بزرعها، اها انا منعتهم يزرعو فيها كنت مخليها ليهم عشان اكسب الاجر وانا اصلاً م عِن.̷̷̸̷̐ديّ ليها زمن لزراعتها ولا اي شي لَگِنْ مدام الموضوع جاب طعن ودم وموت يبقى دة كلام كبير، داير زول م م̷ِْن هناك يمشي يمسكها يزرعها وينهي لي الموضوع دة، انا قلت ليهم القطعه دي السنه انا اجرتها لزول وشلت حق إيجارها، داير لي زول ثقه يمشي يمسكها يزرعها عشان بس يقنعهم، انا م داير ابيعها وم داير اديها غريب في نفس الوقت كل البعرفهم بعرفو الناس ديل والما بعرفوهم وقلت ليهم الموضوع دة قالو المكان بعيد وهم عندهم وليدات صعبه عليهم
اها رايك شنو انت؟
قلت ليهو والله ربنا يصلح الحال لَگِنْ الزراعه دي م بتبقى ساي يعني دة موضوع كبير شديد
قال لي عارف وم تخاف، الارض جاهزة م عليها شي هم سلفاً جهزوها للزراعه وبعدين اتشاكلو وبقى فيها محاكم انا منعتهم، يلا ناس تيراب الزراعه والمويه، والحاجات دي موضوعها منتهي انا بديك ليهم جاهزات، وأعتبر إنك مؤجرها مِڼّي، اقيف فيها ازرع واحصد واديني حقي بالإجمالي وشيل حقك بس، قلت شنوو؟
العرض حقيقي كان مغري رغم عدم معرفتي بالزراعه والامور دي لَگِنْ قلت ليهو برجع ليك،
قعدته مع نفسي وحسبتها كدا لقيت إنو قعدتي في الدهب اصلاً بلا فايدة، حر وسخانه وتعب وإرهاق في النهايه بطلع لي بي حق الأكل بس م اكتر، الناس المعي حكيت ليهم قالو لي ي زول دي فرصه م بتتفوت، عندي واحد صحبي اسمو إبراهيم قال لي كان بقيت على الموضوع دة انا معاك الزراعه والأمور دي انا بالحيل بعرفها بساعدك فيها وبشتغل معاك
فكرت كدا اتوكلت اتصلت عليه وقلت ليه موافق لَگِنْ انا على الخرطوم كدة م جاي قول لي المكان انا بمشي
بالفعل وراني ومشيت مع صحبي إبراهيم دة لقيناهو منتظرنا، ظبط لينا امورنا وورانا المفروض يتعمل، حتى إنو خلا لينا قروش في حال احتجنا شي ومشى وبقى متواصل معانا بالتلفون م̷ِْن فترة لفترة بشوف احوالنا واحياناً برسل لينا احتياجات مع ناس، بعدين انقطع مننا فترة طويله وم كنت قادر اصل ليه ولا قادر اسألكم منو عشان اصلاً هو قال لي ناس البيت زاتهم خليهم برة الموضوع وم تديهم خبر يكون احسن، كم شهر حتى لميت في رقم صحبو احمد م̷ِْن واحد في البلد هناك، قال لي الزول دة كويس، سألتو وين هو والحاصل معاه شنو؟قال لي معصور مع الجري والشغل عندو مشاريع زراعه واقف فيها
طبعاً كلنا كنا بنعاين ليه بإندهاش كدة وامي خاته يدها في خشمها
كنت بعاين ليه زي الهبله، قلت ليه بس هو م اتكلم وم حكى لينا حاجه عن الموال دة ابداً
قال لي انا م حكيت ليكم هو يحكي ليكم لشنو؟
ابوي قال لي سمح انت مالك م اتصلت اتكلمته؟
قال لينا قلت اشتغل واجتهد واطلع قروش اول حتى
امي قالت ليهو عاد والله الولد دة دخلنا في ضفورنا عديل برجالتو دي
ابوي قال ليهو زرعتو شنو؟ وان شاءالله اديتو حقو بس؟
مهند قال ليهو زرعنا سمسم والحمدلله نجح نجاح شديد، حصدنا وبعنا وم لميت فيهو لَگِنْ كنت متواصل مع احمد صحبو، جهزت ليهو حقو ورسلتو ليهو مع زول يوصلهم لأحمد وفعلاً استلمهم، والحمدلله الباقي منهم اشتريت لي منهم خرفان وكم نعجه وبديت اربي فيهم واشتريت لي عجلين برضو، وتاني هسي رجعنا زرعنا قمح لما سافرتو بورتسودان وجيتو راجعين لقيتوني ماف كنت هناك مع إبراهيم صحبي، ايام مرضك ورقدتك في المستشفى دي كانت ايام الحصاد، هسي الحمدلله الحصاد تم والمحصول دخل المخازن منتظرين السعر المعقول ينزل عشان نبيع ونديه حقو برضو
ابوي قال ليهو ان شاءالله قاعدين تدوه المعقول؟
مهند قال ليهو كيف ي ابوي، دة حقو ودي ارضو وهو زول م قصر في السمسم اديتو قريب النص والله، وهسي القمح دة زارعنو برانا لَگِنْ بنحسب ليه حق إيجار الارض وبنديه ليهو
امي قالت ليهو الحمدلله، الحمدلله ي ولدي، اي ادوهو حقو كامل مكمل م تخلي نفسك تبقى دنيه نهائي في حق زول،
ابوي كان باين عليهو متضايق وم راضي بس م قدر يعترض، قال ليهو •اللّہ̣̥ يسهل امرك ويوسع في رزقكم ان شاءالله ماف شي نقولو غير كدة، الحمدلله على كل حال مدام م مادي يدك لزول وم ماكل حق زول، تعب جبينك دة كان طلع ليك منو جنيه ياهو حقك وانت رافع راسك بيهو.
مهند قال ليهو الحمدلله ي امي والله، رزقك دة م معروف بجيك كيف
امي قالت ليهو وي ولدي انت زاتك مرزق بالحيل، شوف ربنا مرقك م̷ِْن الدهب وتعبو البلا فايدة وسخر ليك عبد م̷ِْن عبادو شان يعدل طريقك، لمن حالك اتصلح انت في نفسك دي اتصلحته اوعى بس ترجع تنتكس وترجع لي امورك الزمان ديك
عاينت لي امي ورفعت ليها حاجبي
قال ليها لالا بإذن •اللّہ̣̥ تعالى امور شنو ي حجه انا بقول ليك بقيت زول عرس ومسؤليه وبتاع تقول لي امور ديك كانت حاجات جهل ساي
عمي التاج جا داخل قال لينا لمه في الحرم ان شاءالله
ابوي قال ليهو جمعاً كدة
قال لينا الداير يعرس منو يخوانا اضاني لقطتها م̷ِْن برة
امي قالت ليهو ولد اخوك عاد شوف جنس الحال دة
ضحك وقال ليها كان جاهز طوالي خلي اليعرس ويجيب ليهو وليدات
مهند قال ليهو كلمها ي عمي عليك •اللّہ̣̥
بقينا نتونس وانا كل تفكيري في سامر والعملو مع مهند، ووقفتو معانا في المستشفى، يعني هو متفضل علينا زيادة عن اللزوم فعليا بطريقهه أوڤر كمان
طول اليَوُمًًِ الموضوع دة م طلع م̷ِْن بالي لغايه م اتصل علي، قال لي انا جاي عليكم قلتِ مفروض نتلاقى قبل م اصل البيت صح؟
قلت ليهو ايوة صّْْح بس خليتو اصلاً الموضوع م بستاهل
قال لي في شنو كان؟
قلت ليه موضوع كدة وانتهى
قال لي متأكدة؟
قلت ليهو ايوة
قال لي طيب ټمٱم انا شويه واكون معاكم،
وابوي واعمامي كلهم في الصالون قاعدين ومعاهم عمو اسماعيل ابو صخر، وانا بأي طريقه كان لآزٍمٍ اتكلم مع ابوي م بقدر اناديه لانو بلاقي صعوبه في الحركه وم بقدر امشي اتكلم معاه قدام اعمامي وم بقدر انتظر
اتصلت عليه كم مكالمه بفصل، في النهايه بقى ينادي علي ويقول لي تلفونك دة وين انتٌ بتتصلي علي كدة؟
وقفت بعيد وانا مقاصداهو في الصالون وبقيت بتصل وبأشر ليهو لغايه م فهم ورد،
قال لي ڼعمًْ في شنو ي بت مالك؟
قلت ليهو ابوي سامر جاي هسي قال وانا سمعته عمي التاج بلمح وبقول انو لْۆ سامر جا بتكلم معاهو ويحل الموضوع ويخليه يعقد علي م̷ِْن اول وجديد، ي ابوي •اللّہ̣̥ يرضى عليك م تخلي واحد م̷ِْن اعمامي يعمل حاجه زي دي او يحاول يفتح مع سامر الموضوع حتى، م تصغروني وتدخلوني في ضفوري مع ود الناس وترخصوني عشان يقول اهلها إستغلالين وبتاع، وانا اساساً م عايزاهو ي ابوي، والله م عايزاهو ابداً،
قال لي كدة اقفلي لي بعدين
قلت ليهو يعني م حتخليهم
قال لي سمح اقفلي
قلت ليهو ابوي..
قال لي سمح قلنا اقفلي ي بت
قفلت منو وانا لسه داخله وطالعه والقعدة غالباني لغاايه م سامر جا وسلم وقعد شرب الشاي، وعملنا ليهم قهوة وبعدها مشى اصلاً م لاقيتو.بس كنت بتصنت على كلامهم وقضوها ونسه عاديه بس الحمدلله
احياناً الحياة بتطلب مننا نخلي رغباتنا وعاطفتنا على جنب ونسمع لصوت العقل والمنطق، والمنطق في حالتي دي كان بقول "مُتقلب الوُد لٱ يؤتمن وإن عاد"
❖
سامر في بيت ناس احمد...
السلام ۈعْليگمٌ-ٱلسّلٱمّ، عبدالرحمن كيف الحال ياخي إن شاءالله طيب؟
الحمدلله م عِن.̷̷̸̷̐ديّ عوجه، الأولاد كيف ان شاءالله طيبين؟
الحمدلله رب العالمين،
يلا اسمعني ي عبدالرحمن انا جاي على البيت المساء بإذن •اللّہ̣̥ تعالى لْۆ موجود بنتلاقى لْۆ لٱ خلي لي مفتاح العربيه، وكمان اسبوعين كدة قدام حاول فضي لي البيت لأني محتاجو شديد والله،
ټمٱم، م مشڱلهِ اخد فترة الشهر دي طيب
احمد: قال ليك شنو؟كدة تلفونك دة دقايق بس
قال حيفضيهو بعد شهر عشان اولادو في المدارس، بعدين حأمشي استلم مفتاح البوكس
دة الصح واصلو م تزعل عليهم او تشفق وتهم ليهم، حتى الزعل كتير عليهم صدقني، بالمناسبه خالي ضرب، وقال بكرة المحكمه بدري لأنو نتيجه تشريح الجثه طلعت
جد؟
اي والله، هسي عايز احول مڼڱ رصيد عشان اتصل عليهو وافهم اكتر كدة تلفونك دة
قلت ليه وقال ليك الحاصل شنو؟
م عارف، قال حنعرف بكرة النتيجه،
قلت ليه ټمٱم ربنا يسهل ان شاءالله
ان شاءالله،
فجأة نزلت رساله عند سامر محتواها "السمح اها حتجي علينا ولا بطلت؟بتصل عليك م بترد..
قلت ليه يلا انا اقوم امشي
قال ليّ على وين؟
قلته ليه ماشي البيت، لَگِنْ داير امشي اخد زين وكدة اول حتى
فجأة قال لي سامر عايز اقول ليك
اها؟
الزوله دي حاول اتجنبها
منو؟
انت فاهم وانا فاهم م تتغابى ي مان
م فاهم قاصد شنو؟
طيب اكسر الحنك مدام م فاهم بس برضو اعمل حسابك وانت فاهم برضو
احمد تعال لي بالدغري وخلي الدرب العوج..
الدرب العوج مباريهو انت ي سامر وصدقني كدة م صح
دقيقة دقيقة شنو هو الما صح؟اتكلم عديل ياخ م تدخل وتمرق بجاي وبجاي
لحظِهّ ; .. صمت ..
قلت ليه طيب هسي انا ماشي لَگِنْ نتلاقى بكرة ونتفاهم ټمٱم؟
قال لي ټمٱم
طلعت م̷ِْن بيت ناس احمد ومشيت على البيت الفيهو زين اخدتو ورجعت،
❖
صباح اليَوُمًًِ التاني صحيت وعلى بالي محكمة سامر، نضفت لناس امي وفرشت ليهم وقلت ليهم عِن.̷̷̸̷̐ديّ جامعه لآزٍمٍ امشي
عمتي قالت لي براك ولا جاي سايقك حبيب القلب
كلهم كانو قاعدين حتى حبوبه، وعماتي ضحكو
حبوبه قالت ليها اسكتي ي مسخوطه ي الما بتعرفي تتكلمي
قلت ليها اتطمني براي ماشه وجايه
حبوبه قالت لي الجو بالحيل بارد اشربي ليك جبنه ولا شيتاً دافي
قلت ليها بلحق اشربهم في الجامعه ي حبوبه، قالت لي سمح ربنا يوفقك ي بتي
قلت ليها امين امين يلا في امان •اللّہ̣̥،
امي جات لاحقاني وختت لي القروش في شنطتي قالت لي قولي دايرة ماشه ساي كدة كان انقطعتي،
مشيت لي ابوي، في الصالون كان معاهو عمو اسماعيل قلت ليهو عمو اسماعيل صبام الخير،
قال لي صباح الورد ي زينه البنات
ابوي قال لي على الجامعه؟
قلت ليهو اي، يلا مع السلامه خلي بالك م̷ِْن نفسك لمن ارجع وصيت عليك امي
ضحك وقال ليهو شفت معامله الشفع دي؟
عمو اسماعيل قال ليهو ي زول •اللّہ̣̥ يخليها ليك
طلعت لقيت نفسي متأخرة شديد بس الحمدلله وصلت المحكمه، واتصلت على احمد قال لي على وشك انو ندخل اسرعي، استعجلت لقيت احمد واقف معاهو شباب قدام باب القاعه، سلمت عليهم، احمد قال لي شهد دة عثمان، فريد، كمال، هيثم، مروان،
قلت ليهم اتشرفنا
فجأة دكتور عمار جا قال لينا ان شاءالله لحقته؟
احمد قال ليهو اي لسسه م دخلنا، سلم علينا ووقف،
قلت ليهو وين سامر ي احمد؟
قال لي مع خالي بتكلم معاه
قلت ليه طيب
دقايق والمحكمه بدت والناس دخلت،
بدو يتكلمو ويتكلمو
بعدين القاضي قال اتفضلو
حبوبه سامر قالت ليهو م عندنا شي يتقال انا دي بس وكلت امري ورفعت يدي للمولى عزة وجل
القاضي قال ليها طيب المقعدك هنا شنو؟ الكلام دة هناك بتعمل في المصلايه هنا نحن ناس قانون علينا بالادله والبراهين، قدامي تقرير التشريح، بنص على إنو المتوفي مات اثر نزيف حاد وتهشم تام في الجمجمة، هل في زول عندو اي تعليق؟
محامي سامر وقف وقال ليهو سيدي، نزيف حاد وتهشم تام في الجمجمة، الزول دة كان سايق بسرعه عاليه ومسافه كم كيلو، وهو في حاله لٱ وعي اكيد ضرب راسو بي شي وحدث ما حدث فحسب او قد يكون دار شجار بينه وبين شخص ٱڅڑ في مكان ٱخر وفعل به ما فعل، كل الكانو حاضرين خلافه مع موكلي والمشادة بينهم بيؤكدو انو م كان في ضرب مبرح او بألات حاده تشابك بالأيدي فحسب، هل اليد صلبه للحد الذي يسبب تهشم في الجمجمه؟
القاضي قال ليهو طيب اتفضل،
شكراً سيدي.
قعد،
القاضي طلب حضور سامر، وطلب منو يأدي القسم، بعدين قال ليهو ضربتو؟
سامر قال ليهو ايوة
قال ليهو السبب؟
سامر قال ليهو مد يدو على امو واختو
القاضي قال ليهو يعني م رضيت ليهم ف قمت ضربتو هو، وهو سكران هو كان
سامر قال ليهو السكر م مبرر للضرب اساساً م بالك يخليك تضرب امك واختك بعدين انا حاولت امنعو يمد يدو بس هو بادر بالضرب بعدين الموجودين حجزونا وكل زول راح في حال سبيلو، القاضي قال ليهو وتاني صحيت على واقع انو ميت؟
سامر قال ليهو ايوة
القاضي قال ليهو ليه كنت ساكت كل الفترة دي كلها وم قلت الكلام دة كنت شايف انك قتلتو؟
سامر قال ليهو انا ٱڅڑ زول اتشكلت معاه وحجزوني منو ودخلوه البيت وقالو نام وصحو لقوه ميت، م كان عندي خلفيه عن انو بعد الشكله طلع ومشى وجا والموالات دي، بعدين تقرير التشريح زي م ياهو قدامك تهشم في الجمجمه انا الزول دة م قربت على راسو اساساً لٱ بيدي ولا بي اي شي تاني
القاضي قال ليهو طيب اتفضل،
قعدو يتشاورو مسافه،
بعدها العسكري قال محكمة،
بدو تلاوة حيثيات القضيه، لغايه م وصلو النهايه، ونحن كل زول شايل قلبو في يدو
بعدها القاضي قال وعليه تقرر المحكمه تبرأة المتهم الأول لعدم وجود أدله ضده و..
في اللحظه دي انا م̷ِْن الفرحه بقيت واقفه على حيلي وبعاين لسامر والقاعه اتملت تكبير وتهليل وبقيت م سامعه اي شي م̷ِْن گلآمَ القاضي، طلعنا المحكمه ودموعي جاريه،
لاقينا مرة مع المدخل، وبقت تسأل في احمد بي لهفة كدة وبتقول ليه اها الحصل شنو طمني ي ولد طلعوه؟
قال ليها طلعوه براءة ي امي براءة
قالت ليهو •اللّہ̣̥ اكبر، •اللّہ̣̥ اكبر، الحمدلله الحمدلله وحضنتو وبقت تقول ليها م قدرت اللحق ماف بنزين جيت بالمواصلات عادي لَگِنْ الحمدلله الف حمدالله ربنا نصرو وزغردت،
قال ليها ي امي دي شهد، شهد دي الوالدة
بقيت اعاين ليها وانا سرحانه في ملامحها، دي أم احمد وانا سرح، يعني دي المفروض هي عمتي،
قالت ليهو دي شهد؟تعالي ي بتي تعالي ماشاءالله يخواني صغيرونه، حضنتني وقالت لي الف الحمدلله على براءتو وربنا يصلح بينكم ونفرح بيكم تاني كمان ويهدي سركم ي بتي، والله اصيله وبت رجال بعيداً عن الحاصل بينكم
احمد قال ليها لٱ بتفرحو بتفرحو بيهم بإذن •اللّہ̣̥ تعالى وبقى يعاين لي وانا عملت نفسي م مركزة معاه..
دكتور عمار كان واقف بتناقش مع محامي سامر ومروان وفريد، بعدين جا سلم علينا ووقف احمد مشى على سامر وامو قالت لي دقيقة ي بتي اشوفو وابارك ليهو المسكين دة ومشت وراهو
دكتور عمار قال لي الحمدلله براءة دي براها بالدنيا
قلت ليهو الحمدلله، بس ي دكتور م قادرة استوعب صراحه منطقياً كدة زول مضروب لدرجه انو عندو تهشم في الجمجمه بيمشي كل المسافه الاتذكرت دي عُاَدي كدة لغايه م يصل البيت وهو واعي بدون حتى اثر لي دم او نزيف، وبيصل واعي وبيقول جعان وبدخل بنوم بصحى ميت م قادرة افهم صراحه يعني مش كأنو دة شي م منطقي؟
ضحك وقال لي بتحصل، م تتفاجئي،
شويه كدة مروان جا وقف معانا قال لي لسه م طلعو؟
قلت ليه لسسه احمد لحقهم،
قلت ليهو ي دكتور عمار وين نور م جات اليَوُمًِ، ً
قال لي كانت جايه غالباً اتأخرت في الطريق زكرتيني اتصل عليها وابشرها بالحاصل،
اتحرك م̷ِْن جمبنا
مروان قال لي الحمدلله سامر ربنا مرقو منها لَگِنْ والله الزول دة ميتو تحير.
قلت ليهو جد،
قال لي اوراق التشريح والصور كلها بتأكد انو الزول دة بعد التهشم بتاع الراس دة م بتحرك ولا شبر وبقع في محلو ونزيف داخلي شنو؟ الزول دة حيكون نزف ودمو دة كلو اتصفى في الارض، خليك م̷ِْن انو يسوق عربيه قدامو زاتو م بشوف
قلت ليهو شفتهم؟
قال لي لٱ م شفتهم، عِن.̷̷̸̷̐ديّ صحبي شغال هناك خليتو يتابع وحيرسل لي نسْخَهِ م̷ِْن التقرير و..
قبل يتم كلامو جا سامر والمحامي وابو احمد وباقي الناس المعاه، كانو بباركو ومبسوطين،
المحامي قال لي مبروك ي بتنا
ابتسمت ليه ابتسامه خفيفه وم رديت عليه
سامر بقى يعاين لي، قلت ليهو حمدلله على السلامه
قال لي •اللّہ̣̥ يسلمك
الناس طلعت ماشه وبقو يتناقشو عن انو ينسقو ويعملو لمة خلال يوم بكرة،
احمد قال ليهم حرم هسي تتقدمو قدامي البيت والخرفان المجهزهم للضبيحه ديل البياكلهم منو؟ يلا ي جماعه قولو خير،
سامر شهد يلا منتظرنكم سوقها وتعال م تخليها وراك ټمٱم؟
سامر قال ليهو ټمٱم
سامر قال لي يلا
قلت ليهو انا اعفيني والله لاحقه ناس البيت طلعت خليتهم براهم وبكونو محتاجني م بقدر اصلاً كذبت عليهم وقلت ماشه الجامعه
قال ليهه؟ بقيت اعاين ليه وانا ساكته
قال لي ليه كذبتي؟
سكتت م رديت..
قال لي طيب حأوصلك
قلت ليهو لٱ والله انا..
قال لي شهد صلي على النبي
مشينا؟
قلت ليه طيب،
ركبنا العربيه
وانا ساكته وبضغط في يدي، وشايفاه متضايق..
قلت ليه الحمدلله عدت على خير
قال لي ايوة بس القضيه م اتقفلت لسه وزي م سامعه حيرجعو يحققو م̷ِْن اول
قلت ليه مروان قال زول مضروب الضرب دة مستحيل يقدر يتحرك شبر ولو اتحرك بكون م واعي يعني سواقه عربيه في حاله زي دي مستحيله
قال لي منطق ودة الشي المحير يعني،
قلت ليهو هو دكتور ولا تخمين م̷ِْن عندو ساي؟
قال لي لٱ دكتور مروان، بس لْۆ م دكتور حتى دة شي م بستوعبو الراس
قلت ليه الغريبه دكتور عمار لما قلت ليه كدة قال لي بتحصل عادي ودة برضو دكتور
قال لي والله ي شهد انا زاتي م عارف..
قلت ليه ام اقول ليك حاجه؟ والله عندي احساس انو خالك دة اتضرب جوة البيت بعد م جا راجع بس
قال لي كيف كيف؟
قالها بصوت غريب كدة..
بقيت اعاين ليه مسافه حتى قلت ليه يعني يمكن لاقاه حرامي وهو داخل اشتبك معاه وضربو ومشى خلاه واقع، بتحصل صح؟
سكت م عَلَّق على كلامي
قلت ليه غايتو دة تحليلي غالباً والله اعلم لأنو كل الشافوه سَآعهْْ الطلعه وساعه الرجعه بقولو كان طبيعي، المهم في كل الاحوال انت في السليم وطالع منِْهِْ̨̐ا الحمدلله
فضل ساكت لغايه م وصلني شارع البيت قلت ليه نزلني هنا وم تدخل
بقى يعاين لي..
حسيت انو لآزٍمٍ ابرر ليه قلت ليه علشان اهلي م يشوفوك ويشغلوها لي، كفايه افكارهم الكانو بفكرو فيها قبل يومين
قال لي افكار شنو؟
سكتت
قال لي قولي في شنو في مشڱلهِ يعني ولا شنو؟
قلت ليه اعمامي كانو بفكرو يقعدوك ويتكلمو معاك ويصلحو بينا عشان شايفنك زول كويس لما قلت ليك عايزة اللاقيك قبل م تجي البيت كنت عايزة اوصيك انو لْۆ فاتحوك في الموضوع وإتلايقو فْيَگ م تسمع كلامهم وكدة وتفهمهم انو البينا قسمة وانتهت زي م قلت لي ابوي يوم جيتو
قال لي م̷ِْن غير م تقولي او توصي ي شهد فعلاً البينا قسمة وانتهت، وحتى لْۆ جو قعدوني دة حيكون ردي ليهم ودة كان راي وقراري سلفاً يعني حاجه م بتقبل النقاش، بينا الإحترام أكيد ووقت م احتجتيني ابشري انا حاضر وموجود، والله يوفقك دايماً، قلت ليه ايوة دة كان القصد م̷ِْن كلامي، وانت كمان الله يسعدك ويوفقك ي رب
حسيت بي وخزة في قلبي اللحظه دي وقلت لنفسي ي ريت لْۆ م قلت ليه وي ريت م فتحت الموضوع، يعني كان بتكلم بطريقه كدة مختلفه تماماً عن الكان بعاملني بيها في المستشفى، او يمكن انا الفهمت غلط برضو قويت قلبي وقلت ليه هم بس شافو وقفتك في المستشفى وفهمو الفهموه وكدة وانت عارف براك فهمهم ضيق كيف..
قال لي المهم نحن فاهمين بالمنطق ي شهد بعيداً عن الشافوه هم، وبعدين قبل كل شي ابوك دة زي ابوي، وهو زول حتى وانا جيت قعدته معاه عشان انهي البينا م شفت منو غير الإحترام، زول اكتر م̷ِْن محترم وعقلو بوزن بلد م جادلني ولا لامني ولا عاين لي بطريقه م كويسه بالعكس تماماً، م عملت شي غير الواجب وبس لٱ اكتر ولا اقل ولو م وقفت في وضع زي دة والا الا كان اكون زول حيوان ساي ي شهد والموضوع ابداً م ليهو علاقه بيك انتِ او عشانك انتِ، والمهم الف الحمدلله ربنا رفعو وم تشوفو فيهو شينه ان شاءالله
قلت ليهو امين، قال اخ وضغط على راسو بيدو، وفتح مكان كدة في العربيه
قلت ليه خير مالك؟
قال لي مصدع شديد يمكن عشان م شربت جبنه اليَوُمًًِ
قلت ليه طيب عاين ديك واحدة بتعمل شاي بركن وأشر ليها تجيب ليك كبايه،
قال لي طيب ممكن برضو، وقف على جنب ونزل،
قلت ليه اشر ليها بس، م رد علي مشى وجا راجع ركب،
قلت ليه م بحتاج تنزل وانت مصدع في الشمس دي، لْۆ اشرت ليها بتجيبها ليك في مكانك
قال لي معقوله ي شهد؟ دي زوله كبيرة ياخ اخليها تقوم م̷ِْن محلها وتجيبها لي في مكاني؟
سكتت وبقيت اعاين ليه وهو بحرك يدو في راسو وبضغط على عيونو،
قلت ليه لْۆ تُعباُنٌ شديد اخد حبوب
قال لي لٱ انا والحبوب م بنتفق ولا بتنفع معي
كان جد جد واضح انو تُعباُنٌ لمن معرق
قال لي طلبت ليك كبايه شاي معي، م تنزلي،
فجأة القزاز دق،
قال ليها ي خالتي ليه جبتيها ياخ انا قلت ليك جهزيها وأشري لي
قالت ليهو ي ولدي، قلت لي مصدع شديد كيفن ما اجيبها ليك، •اللّہ̣̥ يديك الصحه والعافيه، عملتها ليك تقيله وبي جنزبيل زي م قلت دايرها، ودي مويه برضو،
قال ليها تسلمي ي خاله يديك الصحه والعافيه واعفي لي
قالت ليهو العفوو ي ولدي العفو لْۆ دايرة زيادة سكر كلمني
قال ليها لٱ خلاص كدة م بحتاج،
مشت قال لي هاك الشاي، شلتو وهو شال القهوة قال لي شفتي دي هسي بتعدل لي راسي الكابس دة
قلت ليه طالما بتتعبك كدة ي سامر حاول تخفف منها شويه شويه م تتبرمج عليها
قال لي صعبه صعبه
قلت ليه في رمضان كيف؟
قال لي بتعب الايام الاولى بس
قلت ليه يلا امشي على هوى رمضان
قال لي إن شاءالله
فضلنا ساكتين وبنشرب لغايه م خلصنا شال الكبابي ونزل مشى وبقى يتكلم معاها مسافه وبضحك معاها حتى جا راجع
قال حتنزلي هنا صح؟
قلت ليه ايوة
قال لي طيب اعملي حساب للشارع بس بعدين..
نزلت وانا م شايفه قدامي، على قدر م حاولت اتماسك وابين إني طبيعيه واتصرف بشكل طبيعي على قدر ما م عيوني كانت ملانه دموع بس اقبل بيها على وين؟في حاجه حارة واقفه لي في حلقي ولو م بكيت م برتاح وانا ببكي ليه اساساً سلفاً الموضوع بالنسبه لي كان منتهي، في كلامو معي كان مجتهد شديد في انو يوريني انو الموضوع بالنسبه ليه منتهي اكتر م̷ِْن انو يرد على كلامي عن موقف اهل ابوي وكدة، كأنو كان عايز يقول لي انو وقفتي معاك في مرض ابوك كانت م̷ِْن باب الشفقه، او انا اتفضلت عليكم بس وم فشل تماماً في انو يوصل لي الحاجه دي...
❖
اول م شهد نزلت إتصلت على مروان صحبي، كلام شهد دخل فيني نوع م̷ِْن التساؤل،
اول م رد علي ..
ي مروان
ي زول انت وين لْۆ طرينا خزنه كان لقيناها
في الطريق جاي، اسمعني عايزك
قال لي احكي
قلت ليه شهد قالت لي إنو عندك صحبك كان شغال في المشرحه ولا شنو؟
قال لي ي مان هسي انا وخال احمد المحامي دة كنا بنتكلم في الموضوع دة، تعال انت أصلنا وبعدين نتناقش برواقه كدة..
❖
في جانب اخر ..
ي بت انتِ عويرة؟ ندى م تجنيني، ماف زول بمسكو القلم بكتب على نفسو شقي، الراجل طلق العاقد عليها، ولف ولف ولف وجاك راجع، ووقف معاك في وفاة امك وم قصر وجاب ليك الولد راجع وأمنك عليه، وبعامل بتك برضو زي ولدو، عايزة شنو اكتر م̷ِْن كدة تاني؟
إنتِ بس اسمعي كلامي واتحلحي زي م بقول ليك كدة، انتِ لْۆ دايراهو زي اولادنا الحناكين ديل واطاتك اصبحت، دة زول يمكن كان بالغ شديد يقول ليك بريدك، المهم ي ندى الحياة صعبه، وعمي عايني ياهو راقد عيان وم بشوف زاتو، وانتِ الحمدلله ربنا ابتلاك بي راجل اسم راجل ساي والحمدلله انو اتطلقتي، وبتك دي ياها قسمتك منو اراد •اللّہ̣̥ كدة وهو راجل م مسؤل وم منو رجاء، لْۆ فيهو خير كان بصرف على بتو مش برميها وبمش ساي كدة، يلا انتِ هسي م براك زي زمان، هسي عندك البت وموضوع الحضانه وتهتمي بعيال الناس دة سواء هنا او في بيوتهم بقى صعب شديد ف شنو فكري كويس، هو زول م̷ِْن زمان عاجبك ولف لف لف وجاك راجع مكانك تاني العوارة ليك شنو؟
سمهدل انا فاهماك بس انتِ افهمي، انا فارضه نفسي عليهو شديد، انا بتصل، انا بسأل، انا محسساه إني مهتمة، انا كدة وم حاساهو مديني وش بس م عايز يحرجني، والله بتعقد م̷ِْن نفسي
ي بت تتعقدي شنو اصلاً الرجال ديل هم كدة،
م عارفه، حاسه بيهو لسه قافل على البت ديك
ي بت هو مش قال ليك انفصلو؟
لْۆ قافل عليها م شال منها زين وجابو ليك اساسا، وبعدينً انا قلت ليك البت بتقرا معي وانا بعرفها، ياخ والله ولا مقارنهً بيك، اقل اقل اقل م̷ِْن عاديه لمن بهناك زاتي م عارفه العاجبو فيها شنو كان، دي الحكيت ليك عنها عامر ي بت تحت تحت عرفت انو كانت اظن عاجباهو زمان قبل م نتزوج في اي شي كان بقول لي شهد وصحبتها فجر، شهد، شهد، شهد، لَگِنْ هسي قطعتو النفس، واتفاجأت لما شفت سامر دة في وفاة خالتي تتذكري لما سألتك دة منو قلتِ لي دة ابو الولد الاسمو زين، اتخلعت عديل طبعاً، المهم يعني هسي انتِ بسماحتك دي بشويه اجتهاد مڼڱ سامر دة تلعبي بيهو بصوابع يدك العشرة، بس انتِ اتحلحي وابقي زي البنات، بقولو العرس ي فلاحه بنات ي شطارة امهات، هسي خالتي والله يرحمها ماتت انتِ ابقي لنفسك الشاطرة والفالحه في نفس الوقت اعرفي متين تبقي رهيبهه ومتين تقتلي ليهو حيلك خليك مفتحه الرجال ديل اصلاً بجو كدة هسي انا عامر دة بالطريقة دي بقيت ممشياهو زي المسطرينه
❖
التقرير بتاع الوفاة الأول م عندو اي علاقه بتقرير التشريح ي سامر
كيف كيف؟
زي م قلت ليك كدة، م عندو علاقه
اشرح لي ي مروان م فاهمك؟
المحامي عبدالله: يعني م̷ِْن الاخر ي ابني التقرير حق الوفاة الأول دة كان ملعوب فِيَه
طيب ودة منو الحيعمل كدة ومصلحتو شنو م̷ِْن انو يلعب في تقرير وفاة؟
المحامي عبدالله: نرجع للسبب الاساسي هو مش اتلقى ميت الصباح في الغرفه؟ ليه يتم التلاعب بالتقرير اذا هو فعلاً اتلقى ميت؟ دة شي بيودينا لحتات تانيه، وبوصلنا لمعلومه انو اصلاً كل السيناريو دة غلط، والجريمة دي م بالشكل الاتقال عليه ابدا، ً
شهد إفترضت إفتراض غالباً يكون صح انو احتمال خالي وهو داخل صادفو حرامي وحسب سكرتو ديك ضربو واتصارع معاه وكدة
المحامي عبدالله: هو إفتراض ممكن يكون صح بس ساذج جداً مقارنه بالمعطيات العندنا، يعني حبوبتك لقت ولدها ميت، ضاربو حرامي، دمو جاري، ليهه تشتكي عليك انت وتتهمك؟ وليهه يتلاعبو بتقرير التشريح؟ودة منو الساعدهم في كدة
غالباً ي ابني الجريمة دي حصلت في محيط البيت، وم طلعت م̷ِْن ايادي البيت والله اعلم، ممكن نسُك الموضوع دة ونوصل اخرو بس غالباً والاكيد بنسبه 99.9 دة الحاصل، الناس ديل اتسترو على بعض وإتبلو عليك انت..