الفصل السادس والعشرون

تنبيه

حابة اقول انه الرواية دي قيد الكتابة .. يعني ان شاء الله اول ما شهد تنزل بارت انا بانزل ..

قراءة ممتعة

حصلت حاله صمت في قاعه المحكمه، هدؤ خيم على المكان كأنو م فيهو غير الجمادات،

بعدها المحامي قال: اكتفي بذلك سيدي، ورجع مكانه،

المرة قالت ليهو مهما قلت وقلت، الولد دة قتل خالو، سيدي القاضي، الزول دة ولد بتي بس عمرو م اتعامل مع خالو بإحترام، لْۆ م الشديد القوي وحرقه الحشى البخليني اقيف قصادو في المحمه زي دة شنو وانا زوله كبيرة في العمر كدة؟ عندنا بقولو الخال والد والزول دة عمرو م عمل بالصيغه دي، ودي م اول مرة مستعدة اجيب شهود حضرو ليهو كم موقف قبل كدة في الشارع وهو بيمد يدو على خالو، وعند •اللّہ̣̥ تجتمع الخصوم وحسبي •اللّہ̣̥ ونعم الوكيل ..

نزلت رجعت مكانها،

القاضي قال نص سَآعهْْ وحيرجع للمحاكمه،

طلعنا برة احمد وابوه ومعاهم شباب كانو واقفين و بتكلمو مع خالو المحامي، ، وانا واقفه بعيد وبعاين ليهم، احمد خلاهم وجا وهو بتبسم ومبتهج باين عليهو مراسم الفرحه كدة قال لي شوفتي حسم الفوضى دة كيف؟

قلت ليه م كلمتني انو خالك وافق وكدة، وافق متين وكيف؟

قال لي والله ي شهد انا زاتي م عارف كل شي حصل بسرعه، اتصل علي قال لي انا في الخرطوم، وم جاي عليكم البيت دايرك تلاقيني، لاقيتو وبقى يسألني عن القضيه وتفاصيل الحصل، بعدين سألني عن الأطراف المقربين لسامر الممكن ناخد منهم معلومات عن الحصل اليَوُمًًِ داك ويساعدونا، و..

فجأة جات يمن وقالت لي شهد وحضنتني وبقت تبكي، قالت لي شهد انتِ وين ي شهد، شفتي سامر والحصل فيهو بسبب خالو الما نافع دة، بتصل عليك تلفونك مقفول، وجيت بيتكم لقيتكم مافي لقيتو مقفل ي شهد، م كنت عارفه بالحاصل بينك وبين سامر وم عارفه انو الموضوع وصل بينكم لدرجه الطلاق لييييهه ي شهد، ليهه إستعجلتو.كدة ...

مسحت دموعي وقلت ليها صح سافرنا بورتسودان، المهم انتِ كيفك ان شاءالله بخير؟

قالت لي اكذب عليك لْۆ قلت ليك كويسه، سامر والحاصل معاه، وم في يدي شي اساعدو بيه تخيلي حتى زيارة في السجن م كنت بقدر ازورو ي شهد، وم عارفه بمشو ليهو كيف

قلت ليها انا كمان م كنت عارفه على فكرة

قالت لي ايوة احمد حكى لي، سامر وعمايلو نفسي افهم بس هو بفكر كيف ياخي

قلت ليها معليش نخت ليه العذر، بتعدي وبتهون،

قالت لي يارب ي شهد يارب

احمد قال لي طبعاً ي شهد يمن دي اتصلت عليها عشان اخد منها رقم ياسمين على اساس انو حتساعدنا وكدة واتفاجأت بإهتمامها لأمر سامر وسؤالها وإلحاحها عن انو تعرف الحاصل وكدة ف شنو هي الساعدتنا في التفاصيل بتاعه كشك الرصيد دة لأنو حكى ليها الكلام دة، وحتى نحن لما مشينا ليه نسألو في البدايه اتردد ونكر عشان م داير يدخل نفسو في متاهات وجرجرة، بعدين لما عصرنا عليه حكى لينا وطوالي جاب لينا سيرة بتاع الطعميه والقالو ليهو برضو مشينا عليه دة كمان لمن خالي وصل معاهو حد التحنيس حتى وافق يحكي الموقف بينو وبين المتوفي

قلت ليه طيب م ياهو الموضوع واضح م̷ِْن البدايه، ليهه م̷ِْن البدايه سكتو الخوف م̷ِْن شنو؟دة زول مسجون ظلم

قال لي دي ناس م بتخاف •اللّہ̣̥ ي شهد، بعدين م دايرين يدخلو نفسهم في متاهات حتى لْۆ شافو حبل المشنقه دة اتعلق في رقبه سامر ظلم م اظن كان يتكلمو، لأنهم م شايفين زول واقف فيهو اصلاً عشان كدة

يمن قالت ليهو على فكره م̷ِْن البدايه بتاع الكشك دة حكى الحاصل دة لي ياسمين بس م اتكلمت، كلمني قبل كم يوم وهو بسألني عن سامر والحاصل معاه وحكى لي كلامو دة، لما قلت ليه ليييه م اتكلمت م̷ِْن زمان انت بالكلام دة والناس كلها فاكرة الزول دة بعد الشكله دخل نام ولقوه ميت بس، فاجأني وقال لي حكيت لي ياسمين اختك م̷ِْن الايام الأولى م كلمتكم؟ حتى إني جيت و حكيت لي ناس البيت والله، بس م كنت عارفه اعمل شنو المهم ربك رب الخير احمد اتصل علي

احمد قال ليها ناس البيت منو الحكيتي ليهم، ان شاءالله قاصدة امك؟

بقت تعاين ليهو وهي ساكته

فجأة جات بت لي يم̷ِْن وقالت ليها يمن مش نمشي بعد كدة؟ نحن قلنا للأستاذة ماشين نعمل الفحوصات وجاين

قلت ليها دقيقه انتِ طالعه م̷ِْن المدرسه وجايه تحضري المحكمه

هزت لي راسها وقالت لي انا م صدقت اعرف اجي المحكمه واحضرها، مدرسه شنو؟ ما اهم م̷ِْن سامر

فجأة قالو المحكمه بدت، حبوبه سامر والمحامي والناس المعاها كانو يمشو ويجو ومقلقين يعاينو بإتجاه ابو احمد والمحامي،

احمد قال لي قلبهم حيقيف ولا حتجيهم جلطه ههههه

يمن قالت لي ياخ المرة دي كريهه زي ولدها لدرجه نفسي اخنقها واللحقها ليهو اصلاً هي بينها وبين الموت شبر ..

الغريب في الأمر كان هو عدم وجود نور خاله سامر في المحكمه

فجأة طلع عسكري ونبه الناس انو المحكمه بدت

دخلنا طلع قرار المحكمه إنو تتحفظ علّۓ سامر، وأمر حضور للشاهدين للإدلاء بشهادتهم مع الإعلان، وتم تأجيل المحكمه لبعد 15 يوم

المرة قالت بصوت عالي دة الكلام، وقالت للمحامي دة القانون ي بتاع المراوغه انت، القانون بمشي بالشايفو قدامو م بقصص وتأليف م̷ِْن الراس، لابد للقانون ياخد مجراه بالطريقه الصح واكيد حياخد مجراه •اللّہ̣̥ اكبر وحسبي •اللّہ̣̥ ونعم الوكيل، انا ولدي م بكيتو وم حأبكيه ي سيادة القاضي مالم تجيب لي حقو، حشاي دة م ببرد مالم تقتص لي حق ولدي، وحسبي •اللّہ̣̥ في المضللين، حسبي •اللّہ̣̥ في المنافقين، اتحسبونه هيناً وهو عند •اللّہ̣̥ عظيم؟

طلعنا م̷ِْن المحكمه كل واحد فينا وشو م بتفسر، يمن قالت لي م فاهمه مش مفروض يفرجو عنو؟

خاطري كان مكسور وانا ساكته وبعاين ليها، وهي دموعها جاريه،

احمد وابوه والمحامي جو علينا،

المحامي عاين لي وعاين لي يمن وهي بتبكي وصحبتها بتتطبطب عليها،

قال لينا العافيه درجات، اليَوُمًًِ مؤكد م كان حيفرج عنو، القاضي درس الموضوع نحن عندنا شهود، حيجو بنفسهم يشهدو واكيد بعدها حيطلع

ابو احمد قال لينا الجلسه الجايه بإذن •اللّہ̣̥ في امل كبير يكون بره لْۆ الشهود ديل جو شهدو

يمن قالت ليهم طيب هم حيجو مؤكد؟

المحامي قال ليها غصباً عنهم طبعاً دة امر محكمه ممكن يتحاكمو عديل في حال تم استدعاءهم وم حضرو عشان كدة انا طالبت المحكمه بإصدار امر الحضور لأنو انا ممكن م يرضو لي وديل ناس معايش وغلابه خوف ساي ممكن م يحكو بي اخوي واخوك، المهم الحمدلله هسي نحن ممكن نقول خطينا الخطوة الأولى ونتفاءل بالجاي م تشيلو هم محلوله بإذن •اللّہ̣̥

قال الكلام دة وهو بعاين لي

بقيت اتلفت، احمد قال لينا يلا نمشي، خلوني اوصلكم،

ابوي انت ارجع مع خالي وخليني انا اوصل البنات ديل بس خلوني اشوف الشباب ديل،

ابوهو قال ليهو سمح، كانو معاهم اصحابهم 5 كدة واقفين وبتناقشو مشى عليهم وقف معاهم مسااافه ومشو مع بعض دخلو المحكمه شويه كدة جا راجع، قال لينا مشينا؟

قلت ليهو طيب سامر م..

قال لي حيرجعوه السجن، هسي مع الشباب بس مطلعنو

قلت ليه طيب خلينا ننتظرو

قال لي شهد يلا، هو م حيحب تشوفوهو كدة ف شنو خلونا نمشي،

يمن قالت ليهو عايزة.اتكلم معاهو انا جيت علشان اتكلم معاهو

قال ليها ماف طريقه، م حيخلوك، ارح يلا،

طلعنا ركبنا العربيه قال ليهم ماشين وين انتو البيت صح؟ يمن قالت ليهو لا المدرسه، لَگِنْ ممكن تنزلنا بنركب ترحال

قال ليها معقوله ياخ، وبعدين جاين م̷ِْن المدرسه لي هنا؟

قالت ليهو اي،

سكتنا مسااافه وكلنا مستاءين

يمن قالت ليهو احمد سامر الجلسه الجايه حيطلع بجد ولا انتو بتطمنو فينا ساااي؟

قال ليها بإذن •اللّہ̣̥ لْۆ ربنا سهل والشهود ديل جو وشهدو بطلع

قالت ليهو ي رب

وصلناهم المدرسه واتحركنا على البيت،

تلقائياً لقيت دموعي جاريه

احمد قال لي ي زوله بسم •اللّہ̣̥؟

قلت ليهو يعني حاجه غريبه انو حبوبتك اللي هي مفروض احن زول في الدنيا عليك توقفك الوقفه دي وتسعي لي إنو تلف حبال المشنقه حوالين رقبتك

مجرد تخيلي للحاجه دي واجع قلبي، •اللّہ̣̥ يهون على سامر بجد سكاتو دة عشان العايشو جواهو م هين

قال لي ي زوله والله سامر دة بس الواحد لما يشوفو يقول الحمدلله على كل حال

قلت ليه مستغربه في خالتو نور وين، خليك م̷ِْن الإسمها امو واولادها وكدة

قال لي اتصل علي قبل شويه واحد اسمو دكتور عمار، كان بسأل عن المحكمه عايز يصل وكدة قلت ليه المحكمه انتهت ونحن طلعنا حتى

قلت ليه ودة منو م فهمت؟

قال لي م̷ِْن اهل سامر

قلت ليه م̷ِْن اهل امو يعني؟

قال لي تقريباً ايوة

قلت ليه لْۆ جا كان وجودو احتمال يفرق مع سامر كتير صح؟

قال لي شهد نحن واقفين فيهو وم بنقصر معاه عشان يحس بالنقص، نحن اهلو ولا شنووو؟وصدقيني انتِ الوحيدة الكنت حتفرقي معاه لْۆ م جيتي

بقيت اعاين ليه

وصلني البيت، قال لي ادخل اسلم على ناس البيت و اخد زين معي بالمرة، قلت ليه خليهو ي احمد والله قاعد احسن قعدة وفي امان •اللّہ̣̥ وبعدين مالي علينا البيت،

قال لي طيب اسلم على ناس البيت،

دخلنا لقينا البيت فاضي امي وابوي مافي وحتى زين،

قلت ليه اتفضل شكلهم طلعو

قال لي لٱ خلاص بجي مرة تانيه بإذن •اللّہ̣̥،

طلع مشى، اتصلت على امي م بترد، وابوي م برد،

بعد اكتر م̷ِْن 3 ساعات انا لما نمت حتى سمعت صوتهم في البيت، طلعت عليهم لقيت ابوي راقد وامي بتقول ليهو بقيت احسن؟

قلت ليهم في شنوووو؟ ابوي مالو؟

زين قال لي جدو عيان، وقع في الأرض مشينا وديناهو المستشفى بالعربيه وجينا

قلت ليه ابوي؟ وقع كيف يعني في الارض مالو ي امي ولييييهه م اتصلتو علي؟ قعدته جمبو في السرير العرق نازل م̷ِْن جسمو،

قال لي بصوت هزيل كويس ي بت ها تعبت شويه كدة

قلت ليه كيف تعبت شويه كدة وانت بالحاله دي، وقعت كيف ومتين؟ وليه م اتصلتو علي ي امي في شنوووووو؟

امي قالت لي مضاعفات الدكتور قال بس م اكتر

ابوي قال لي إرهاق بس شان كدة لَگِنْ هسي احسن بكتير

قلت ليه م اتصلتو علي ليه؟

بقيت امسح في وشو وراسو وماسكه يدو وبقول ليه هسي كيف احسن الدكتور قال ليك شنو واداك شنووو؟

قال لي الدكتور قال ليّۓ م تخلي زول يسألك اسئله كتيرة بس

بقيت اعاين ليهو

ضحك قال لي الحمدلله انا كويس ي بت، قومي اعملي لي شي اكلو، ابوك جعان شديد

هو م كان كويس بس بكذب علي، حتى الحاجه دي ظاهرة في شكلو

قلت لي امي مشيتو اي مستشفى ووينو ورق الفحوصات عايزة اشوفو؟

امي قالت لي ادينا نفس اول بعداك

قلت ليها طيب، وي ابوي بما انو الدكتور قال ليك ارهاق معناها تاني ماف شغل، ماف اي شي بس حاول ارتاح انت، ابوي بتعب وبتحصل ليه مضاعفات ايوة بس اول مرة احس بالخوف عليه كدة، تقريباً علشان اول مرة احس بالتغير في ملامحو للدرجه دي،

م قدرت انوم والليل كلو براقب فِيَه،

انا وامي بقينا نمشي نجيب الخدار م̷ِْن السوق، وامي بتعوس الكسرة للبيع وبنتناوب مرة انا وزين بنبيع برة وهي تقعد مع ابوي ومرة هي..

❖

م عارف صحبك دة م عارف سكوتو دة سكوت قنع ولا متكتم على حاجه هو عارفها..

حاجه زي شنو ي خالي؟

ركز انا قلت ليك م عارف بس ماف زول بسكت على انو تتلف حبال مشنقه حوالين رقبتو مزاج منو ساي كدة،

لالا ي خال سامر دة اصلو هو كدة، بطبيعه حالو بتلقاه هادي كدة

في فرق بين الهدؤ الطبيعي والهدؤ الانتحاري، يعني هسي انت كان واقف وشايف ديك عربيه جايه تشوتك برة بتقيف ليها؟

لأ

بس، زولك دة م طبيعي، محني معاه انا زاتي عشان كدة المرافعه ليهو الا تعتمد على الاجتهادات الفرديه للمحامي لأنو لْۆ قال يعتمد عليه م بطلع بي شي، وانا كنت مستغرب ليه المحامين م اتوفقو في انو يكملو معاه، معاهم حق صراحه،

ي خال شنو اليأس دة، امي م تشوفي اخوك دة ياااا..

هههههههه لأ هو النصيحه م غلطان في قولو عن سامر، لَگِنْ كمان سامر ولدنا وم بسوي حاجه زي دي اكيد، ياخ زول مهذب ورزين ومسالم شديد والله نمله بالغلط م يقتلها خلي رقبه

سامع ي خال؟

م اختلفنا ي هند بس دي حاجات م بتشفع ليهو انا بتكلم م̷ِْن باب القانون

ي خالي القانون دة نحن مخلنو ليك انت، المهم نحن واثقين م̷ِْن زولنا، هاك اشرب الشاي دة وصحصح كدة،

طيب كدة قول لي مرتو دي هسي قاعدة وين؟

والله ي خال هو عاقد عليها بس ي دوب، بعدين حصلت بينهم مشاكل كدة وانفصلو

هند: سامر طلق البت متين؟

والله ي امي زاتي اتفاجأت زيك لما شهد حكت لي، قالت امو واخوهو جابو ليها القسيمه

هند: اي م بمسكوها م قلت ليك مش امو دي؟ والله م مرة عديله كلو كلو اُصلًيً م ريدتها، ديل ناس والله سامر دة بس •اللّہ̣̥ يعنيو عليهم

عبدالله: ديل اهلو ولا شنووو؟

ديل اهلو المربنو ي خال وممكن نقول مستغلنو، اما حبوبتو.دي ان شاءالله كان كل الحبوبات زيها م يصبح ليهم صباح،

عبدالله: قلت لي عندو خالتو الاسمها نور دي كويسه وشكرتها لي مفروض اقعد معاها اتصلت عليها كم مرة كل مرة بتطلع لي بي عذر، وبقت م بترد علي زاتها رغم انو اتفقت معي، م فاهم مالها؟

اظن امها مانعاها ي خال، خليها م تضغط عليها،

انا بس كنت دايرها تتكلم مع الجيران ديل في موضوع حضورهم للشهادة في المحكمه، وداير افهمها انو لْۆ رفضو.وكدة تعصر لي اي واحد فيهم قرشين تلاته،

احمد: لالا انا وشهد امس مشينا لبتاع الطبليه دة غايتو واتكلمنا معاه م عندو مانع يمشي يشهد بالشافو، رغم انو حبوبه سامر جات وعملت ليهو جوطه ونبذتو قال وقالت ليهو كضاب ومنافق ودافعين ليك شان تكذب ومن زمان ساكت ليه و...الخ، لكن قلت ليه م تركز معاها وتعال امرق زمتك بس،

❖

في جانب ٱخر..

ي حبوبه السلام عليكم،

اهلاً وعليكم السلام،

خالتو نور في؟

لٱ ماف

طيب في حاجات حقت سامر انا جيت اديها ليها عشان كانت رايحه في بيتنا ولقيناها قلت م تروح تاني عشان كدة احسن اسلمهم ليها

ي بت هييييي •اللّہ̣̥ كم؟ سامر شنو وعفن شنو البتختي حاجاتو في بيتنا؟ اتفضلي اطلعي م̷ِْن البيت دة يلا انتِ كمان ي عواليق،

معليش ي حبوبه م قصدي والله، لَگِنْ عشان دي حاجات مهمة شديد قلت اديها ليها توصلهم ليهو لْۆ لقت طريقه او تدسهم ليهو لانو نحن في بيتنا بروحو م بقعدو اصلا كانو رايحين وسامر عمل جوطه وقوم الدنيا وم قعدها بسببهم كان، وهسي الحمدلله لقيتهم في كرور المخزن، وجبتهم جري لخالتو نور خصوصاً انو دي صور ليهو مع امو زمان وجواز سفرو برضو يعني اوراق كلها قديمه ومهمة شديد لسامر، لَگِنْ عموماً خلاص ټمٱم م مشڱلهِ واعفي لي كان ضايقتك..

❖

في بيت اهل شهد..

مهند گّيَفْ الّحّال ٱن شْاءِ اللٌہ بَخّيَرٌ؟ وين انت؟

وين انت ي ولدي؟ابوك دة عياااان شديد تعال راجع مارضو •اللّہ̣̥ يرضى عليك، انا وشهد اختك نرفع دة ونخت دة لَگِنْ برضو محتاجين راجل يقيف في راسنا، والله انت بس تعال لانو كلام الدكتور نهااائي م بطمن، وابوك زاتو قال لي م تقلقي بالأولاد وتكلميهم لَگِنْ ما هو شديد نهاااائي ي ولدي، سمح، اي تعال راجع سرعه.

❖

بعد مرور 14 يوم، جاء اليَوُمًًِ ال 15 اللي هو يوم المحكمه، وكلنا داخل قاعه المحكمه، كان الحضور م كتير في اليَوُمًًِ دة بالذات انا واحمد والمحامي بتاعو بس، اصحابو البقيه اتأخرو، ويمن قالت عندها امتحان، وخاله سامر نور ومعاها راجل وحبوبه سامر جايبه معاها محامين

المحكمه بدت والقاضي طلب حضور الشاهد الأول

في اللحظه دي وقف محامي حبوبه سامر، وقال ليهو اسف للمقاطعه سيدي، ولكن قبل الإستماع لقصص الشهود والتي غالباً قد تتضمن سرد مدفوع الأجر اود ان أطرح شيئاً غائباً عن اذهنه الجميع وليس لدي أحد به علم،

رجع محلو شال حاجات في يدو، وقال لٱ يمكننا القول انه شيئاً عادي وإنما هي كارثه دخيله علّۓ المجتمع قد تصدم الجميع، اود طرح بعض الأسئله على المتهم سيدي إذا امكن..

القاضي قال ليهو اتفضل وأشر على العسكري بحيث انو يجيب سامر للمنصه،

العسكري جابو ووقفو في المنصه،

المحامي قال ليهو الإسم؟

سامر سكتت

كرر ليهو السؤال

سامر بعد مسااافه قال ليهو سامر

المحامي قال ليهو بس؟

سامر بقى يعاين ليه بعدها كمل ليهو الاسم

المحامي قال ليهو متأكد؟

هل متأكد إنو دة اسمك الحقيقي انا بسألك جاوب؟

القاضي قال ليهو ممكن تسأل بوضوح اكتر حتغالط الزول في اسمو؟

قال ليهو اعتذر سيدي حأسأل بصورة اوضح

هل دة اسمك مما اتولدت وانت عمرك يوم وكبرت بيهو؟ ولا اسمك بعد تخطيت الطاشرات م̷ِْن عمرك؟

هنا سامر ملامح وشو اتغيرت 180 درجه، والمحامي كان بعاين ليه بخبث،

ارجو الرد على السؤال ولا غريب عليك شويه في الفهم؟

سامر لسسسه كان ساكت وبعاين ليه حتى عروق جبهتو ظهرت

قلت ليه احمد دة مالو؟

فجأة بقى يجي على مخيلتي كلام امو القالتو زمان داك، وبقيت بنعل الشيطان، واعصابي باظت في اللحظه دي..

محامي سامر قام قال للقاضي سيدي ارجو الطلب م̷ِْن الزميل طرح الأسئله مباشرة، عشان نحن هنا في جلسه محكمه م جبنه

فجأة في زول قام م̷ِْن محلو ومشى على اتجاه حبوبه سامر وبقى يتكلم معاها،

وفجأة خاله سامر نور نفس الشي حتى واضح انها كانت بتتكلم معاها بطريقه حادة ..

المحامي قال ليهو الزميل المرة السابقه تعليقاً علي قول والدة المتوفي انو سامر كان كاره ل خالو.قال انو سامر م عندو اي سبب مقنع يكره بيهو خالو، لذا اليَوُمًًِ اتيت ڵڱ بالسبب الحقيقي، وفي الحقيقه المتوفي هو م̷ِْن كان كارهاً للمتهم، وذلك لعدة اسباب اهمها ان الذي يقف امامنا الان شخص غير مرحب به حتى في مجتمعنا السوداني ككل ناهيك عن اقرب الأقربين ڵهٍ فهم معذورون بما يكنونه ڵهٍ م̷ِْن بغض

القاضي قال ليهو اتكلم لينا بصورة اوضح

المحامي قال ليهو سيدي، امامنا كائن ولد فتاة، ونشأ وترعرع ك فتاة في قريه... بمدينه ال...،

تمرحل، م̷ِْن قريه، الى المدينه، ثم سافر إلى الولايات المتحدة الأمريكيه في العام 1997 لأهل والدته بعد وفاتها ليعيش تحت رعايه جدته وخاله الذي قام بقتله نفسه، تمرد وتحول جنسياً في تلك البلدة بمسانده خالاته ناقصات العقل والدين حاملات الافكار الغربيه المتعفنه، وايضاً بمساعدة زوج احدى خالاته ذو الجنسيه الاجنبيه، وعندما رفض خاله تقبله له ورمى به خارجاً عاد الى هنا بهويه جديدة تاركاً تلك التي لٱ يعلمها الا القليل خلفه، وعاد بهذه الهيئه، ذكر كما ترى وبمعنى اصح متحول جنسي، مخالف للعادات والتقاليد وشرع •اللّہ̣̥، غريب اطوار، معقد نفسياً والجميع يشهد ڵهٍ بذلك

لدي م يثبت، شهادة ميلاده بإسم ساره طبعاً دة اسمو لما كان بنيه زي م بنقول عندنا بالدارجي، بعدها ضحك وقال ولا م كدة ي سامر، سارة دة مش كان اسمك زمان في الأصل قبل م يحولوك؟، مع العلم انه كان المولود الوحيد لأمه ولم تنجب سواه لٱ قبله ولا بعده لان والده توفى قبل ولادته،

انا بقيت اعاين لسامر ودموعي جاريه، وهو ملتزم الصمت وعيونو على النحامي، واحمد بعاين لي وبعاين للمحامي، وبرجع بعاين لنور وهي بتتناقش مع امها،

المحامي بتاع سامر قال اعترض على الحرب النفسيه المليانه خبث ووقاحه امام سيادتكم العليا سيدي، المحامي م لاقي شي يرافع بيهو ضد موكلي، ف بتونس ونحن م جاين هنا نتونس

القاضي قال اعتراض مقبول..

تفضل سيدي، شهادة الميلاد وجواز السفر وتأشيرة الخروج م̷ِْن والدخول الى السودان انذاك، ثم اوراقه الثبوتيه الان والتى تؤكد سفره قريباً للولايات المتحدة، تطابق الاسماء يؤكد لينا حقيقه ه̷̷ََُْذآ الأمر،

خالو عاش ومات وهو رافض ليهو وم متقبلو ولا بأي شكل م̷ِْن الأشكال ولا حتى في تعامل بينهم وان حصل ف هو بكون نقاش وجدال ليس الا، دة كلو بأكد لينا مقدار الحقد والكره داخل المتهم تجاه خاله، وانو دي اسباب كافيه للقتل، ضحك ضحكه غريبه وقال يعني زاتو سبحان •اللّہ̣̥ دي حاجه م بستوعبها العقل خليك م̷ِْن انو يتقبلها ...

وعليه، اطلب م̷ِْن سيادة المحكمه جعل هذه القضيه قضيه رأي عام ولتتصدر ابرز عناوين الصحف تحت واطالب بالعقوبه الرادعه لكل م̷ِْن ساهم في هذا الفعل وساعد حتى في استخراج الاوراق الثبوتيه حتى يكونو عبرة لغيرهم ممن يحاولون تقليد هذه العادة الدخيله لمجتمعنا المتمسك بالعادات والتقاليد وشرع •اللّہ̣̥، والله خلق الذكر والانثى فقط، كان اي زول م بعجبو حالو بقوم يمشي يحول نفسو يبقى الدنيا انتهت، لٱ اديان سماويه ولا عرف ولا غيرو بتقبل بحاجات زي دي لانو الحاجات دي مخلفاتها بتكون شنو؟ مرضى نفسين وقتله مثل ه̷̷ََُْذآ الذي امامنا الان

فجأة سمعنا صوت بقول لْۆ سمحت،

كنت بعاين وانا برجف ومن جواي بقول يعني كلام امو كان صح ولا شنو م فاهمة؟وبقى في كلام كتير حوالي حتى راسي م قادره ارفعو واركز في تفاصيل وتعابير وش سامر، القاضي بقى يدق بالمطرقه وبقول هدؤ

وقفت نور وقالت سيدي ممكن اقول كلمتين؟

القاضي قال ليها لٱ م ممكن دي قاعه محكمه م زريبه بلاش عشوائيه،

قالت ليهو انا خالتو، واخت الميت في نفس الوقت، والكلام البقول فيهو المحامي دة ما صح، انا ودكتور عمار دة كنا شاهدين على حالتو ودكتور عمار دة كان مشرف على وضعو وهو العمل ليهو الفحوصات الاوليه،

لحظِهّ ; .. صمت في المحكمه،

القاضي قال ليها طيب اتفضلي،

وقفت وبدت تحكي، قالت ليهو مبدئياً موت اخوي دة قدر •اللّہ̣̥ ما شاء فعل، بس كنت اتمنى انو امي م يهون عليها تخت ولد بتها في موقف زي دة وهي على علم بالحقيقه كامله بس بتحاول تضلل،

سامر م̷ِْن اول يوم في ولادتو حصل تصنيف خطأ في تحديد نوعو ك مولود وطبعاً دة غلط الدكتور الولد اختي، و...الخ

ونحن بنقدر نجيب كل الأوراق البتثبت الحقيقه دي، عشان نقفل الموضوع دة ي امي طالما قررتي تناقشيه في المحاكم وفي العلن،

بقو يتناوبو في الكلام هي والدكتور والقاضي والناس كلها بتسمع

الدكتور قال ليهو والدتو وابنه خالتي رحمها •اللّہ̣̥ جاتني في المستشفى وكان معاها هو في عمر م اتجاوز ال 8 سنين، كانت مصابه بالكانسر، وبعد خلصت فحوصاتها حكت لي بمشكله سامر اللي هي اكتشفتها م̷ِْن ايام ولادتو الاولى بس اهملتها بحكم انها عايشه في منطقه 99.9%جهل،

عملت ليها الفحوصات الاوليه اللازمه المتمثله في الرنين المغنطيسي، ووريتها المفروض يتعمل بالتفصيل بس هي اهملتها او ممكن نقول كانت بتجهز نفسها مادياً عشان تحل مشڱلهِ ولدها مع العلم انو الوقت داك السرطان كان بدأ ينتشر في الجسم وكان لآزٍمٍ تعمل العمليه لإستئصال الورم ولكن هي فضلت مصلحه ولدها وقدمتها على نفسها وبعد وفاتها حتى تفاجأت بوجود سامر ك انثى وليس بذكر وم كنت عارف اصرح بالموضوع دة كيف ولمنو؟

، وبعد سفر سامر للولايات المتحدة حتى استنجدتني نور بالشي الاكتشفتو وانا طبعاً م اتفاجأت كنت علي درايه تامة بوضع الشاب، زي م قلت سيدي، ظاهرة طبيه طبيعيه جداً بتحصل لألاف البشر بس كيف يكون في مستوى فهم وتعليم، كيف انو زولها دة و الحاجه المره بيها دي م تقع يد الناس الغلط عشان يحاولو يستفيدو منِْه ِْ̨̐ا ك نقاط سوداء ليهو..

المحامي بتاع سامر قال للمحامي التاني لْۆ انا كنت قاضي كنت فصلتك م̷ِْن مزاوله المهنه لأنو حاجه زي دي ومناقشتها في وضع عام زي دة معروف ممكن تتسبب في إنتحار الطرف المعني،

القاضي قال هدؤ، الناس تلتزم اماكنها والشاهد الأول يتحرك للمنصه،

الشاهد قام وقف في المنصه، القاضي طلب منو القسم، اقسم،

بعدها قال ليهو احكي لينا بالشفتو ي إبني،

حكى ليهو تفاصيل الحصل كلو،

طلب الشاهد التاني، برضو حكى ليهو تفاصيل كل الشافو،

بعدها قالو المحكمه بعد 15 دقيقه، م عارفه ال 15 دي عدت كيف، كل زول كان في اتجاه وانا قاعدة وبحاول استوعب الإتقال والصداع حيشق راسي

،

المحكمه بدت رجعنا، القاضي قال بعد الاستماع للشهود قررت المحكمه الأتي:

نبش وإعادة تشريح جثه المتوفي

إخلاء سبيل المتهم لعدم وجود ادله كافيه ضده ويحرم م̷ِْن السفر خارج البلاد اياً كانت الاسباب،

وتؤجل المحكمه الى الشهر القادم بتاريخ 20

بعد جمله إخلاء سبيل المتهم م سمعت شي كأنو الدنيا وقفت عِن.̷̷̸̷̐ديّ، إخلاء سبيل المتهم، بقيت اقول لأحمد يعني حيطلعوه، حيطلعوه صح؟

بتكلم وانا ببكي، واحمد بقول الحمدلله، الحمدلله ي سامر ي اخوي الحمدلله بصوت عااالي...

كل الحصل في المحكمه والإتقال حسمتو اللحظه دي، نسينا كل شي وبقينا نبكي، خاله سامر نور دي جات حضنتني وبقت تبكي، تبكي بي حرقه كدة، قالت لي الحمدلله، الحمدلله ي رب،

قلت ليها ربنا نصرهه

قالت لي اي، ربنا دة اصلو م بظلم زول نهائي،

طلعنا من قاعه المحكمه بقينا واقفين ونتكلم انا واحمد والمحامي والاسمو دكتور عمار دة ونور، وناخد وندي في الكلام ..

فجأة قلت ليهم انا حمشي لأني مستعجله حبتين،

احمد قال لي ي زوله وين ماشه؟

قلت ليه عِن.̷̷̸̷̐ديّ مشوار ضروري امشيه، كنت عايزة احضر المحكمه بس والحمدلله م حصل الا خير والف الحمدلله

قال لي خليني اوصلك طيب م معي زول ابوي زاتو الليله م جا عشان سافر البلد عندنا عزاء

قلت ليهو لٱ خليك، مش قلت حتشوف سامر وكدة اخد وقتك عشان م أقيدك، المهم يلا في امان •اللّہ̣̥

نور قالت لي نحن زاتنا حننتظر مع احمد سامر لْۆ م كدة كنا وصلناك

قلت ليها م مشڱلهِ المهم يلا مع السلامه

اتحركت منهم وانا قلبي حيطلع م̷ِْن محله، كنت عايزة انتظر سامر واشوفو زيهم، حتى لْۆ م حنتكلم كنت عايزة بس اعاين ليه وهو ساكت واشوف نظراتو، بس م حبيت اقعد، لأنو هو اصلاً م حيفضل وجودي وشوفتي ليهو وحيتضايق، اصلاً انا عملت العلي والكان مفروض اعملو عملتو وخلاص الموضوع مفروض يكون اتقفل على كدة طيب انا ببكي لييييهه؟ قلبي واجعني ليييييهه؟

وصلت بيتنا لقيت امي قاعدة برة في المحل، قالت لي كويس جيتي تدخلي ترتاحي وتجي تمسكي مِڼّي ولا تمسكي مني هسي عشان اقوم على غداء ابوك دة؟

قلت ليها بمسك مڼڱ بس اشوف ابوي اليَوُمًًِ كيف واجي،

قالت لي معاهو زين، كويس الحمدلله،

دخلت لقيت زين شايل توب امي وبهب بيهو لأبوي وبقول ليهو كدة الجو بارد ي جدو؟

وابوي بقول ليهو اي، والغريبه المروحه شغاله،

قلت ليهو ابوي مسخن ولا شنوووو؟

قال لي لالا دة بلعب ساي

زين قال لي جدو قال مسخن وقال لي اعمل لي كدة بالقطعه دي،

قربت منو بالفعل ابوي كان م̷ِْن شدة م معرق لمن ملابسو مبلوله،

قلت ليه ابوي طيب على الاقل ادخل غرفتي الفيها المكيف دي وشغلو

قال لي م بدورو،

قلت ليه لٱ دقيقه،

دخلت غرفتي فرشتها ورتبتها، جيت قلت ليه قوم ي ابوي، قوم تعال،

عاند بس اللحيت عليه وقومتو علي حيلو وسندتو، الغرييه ابوي حتى مشي م قادر يمشي، دخلتو الغرفه رقدتو وشغلت ليه المكيف وغطيتو، قلت ليه ابوي انت كويس؟

قال لي كويس كويس

قلت ليه طيب عايز حاجه اجيبها ليك؟ قال لي بس مويه في كبايه شاي م تزيديها،

جبتها ليهو وبقيت اعاين ليهو، ابوي حتى ملامحو اتغيرت والألم والمرض ظهر فيهو، حتى لونو شاحب ومشى يقلب لي اسود، وراسو معرق وبرجف حتى،

سوقت زين وطلعت مشيت لي امي، قلت ليها امي ابوي دة م.كويس، لآزٍمٍ نمشي المستشفى

قالت لي مالو؟

قلت ليها امي مشي م قادر يمشي، الا سندتو حتى دخلتو الغرفه وجسمو كلو معرق، وبرجف، شوفي لونو دة قلب كيف

قالت لي لونو م̷ِْن الغسيل، لَگِنْ •اللّہ̣̥ المستعان ي بتي، نسوي شنو قروش المستشفيات كتيرة ودايرة مصاريف، ننتظر مهند اخوك يجي و..

قلت ليها يعني ننتظرو يموت ونحن منتظرين مهند ي امي؟ قدر القروش العندنا دي نوديها بيهو ونشوف البحصل شنو

قالت لي هو اصلاً بكره عندو مقابله، لما نمشي نقابل نشوف كلام الدكتور بقول شنووووو..

امي كانت مهمومه، وزي الداسه مِڼّي بس هي كمان الهم كان واضح في وشها،

دخلت خلتني وانا عايزة ابكي، الخوف م̷ِْن احساس فقدك لي ابوك دة ماف شي بوازيهو، بتحس نفسك عقلك واقف، وجسمك فاقد ومهبط، وبتتأكل م̷ِْن جواك وبتتولد جواك هلوسات وصور غريبه بتزيد خوك زيادة، بقيت قاعدة على اعصابي لغايه م جا صباح اليَوُمًًِ التاني،

ابوي واصل لمرحله انو انا اسوقو اوديه الحمام امي دخلت معاه ساعدتو وجيت لبستو ملابسو،

قلت ليه ماف داعي للعمه الطاقيه دي احسن اصلاً انت سمح شديد في كل الأحوال

ضحك وهو بعاين لي، نزلت لبستو الجزمه ونضفتها ليه حتى قلت ليه جاهزين نطلع؟

قال لي اي اديني عكازي

قلت ليهو انا عكازك، اتسند علي لمن نصل العربيه برة امي بتديك ليه اصلاً هو تقيل،

مسكتو وصلنا العربيه برة كنا طالبين امجاد، ركبنا حتى زين كان معانا،

فضلنا منتظرين مسااااافه والدكتور ناسو كتار، وابوي القعدة م بتنفع معاه،

مشيت لواحدة دكتورة قلت ليه لْۆ سمحتي ابوي دة عندو كلى ومفروض ندخل مقابله الدكتور بس لسسه مواعيدنا ممكن لْۆ في سرير فاضي يرقد فِيَه؟

قالت لي لٱ م اظن في سرير فاضي الا ينتظر بس ومشت خلتني، قلت ليها معليش بس م ممكن انا بقول ليك عيان م بستحمل القعدة،

اتحركت مشيت لبتاعت الريسيبشن قلت ليها نفس الكلام، قالت لي حأخليهم يشوفو ليك،

قلت ليها معليش يشوفو لي متين هسي ولا متين وهي كانت بتتونس مع صحبتها وبتحكي ليها في موضوع، قالت لي بضيق قلت ليك بشوف ليك ..

وامي قاعدة جمب ابوي بتمسح ليهو في العرق النازل منو وزين بهب ليه

فضلت ربع سَآعهْْ واقفه وبتاعه الريسيبشن لٱ اشتغلت بي ولا شي، قلت ليها معليش ياااخي ليييهه الإستخفاف؟ يعني لْۆ مافي قولي لي مافي انا بقول ليك ابوي وضعو صعب جداً وم بستحمل القعدة دي وانتِ حتى م فكرتي تعملي القولتيهو لي

قالت لي ببرود مافي قالو

قلت ليها طيب ليييهه عدم المهنيه دي كنتِ تقولي لي مافي م انا منتظراك

قالت لي ي استاذة هسي قلت ليك تاني في شنو؟ ابوك ينتظر مقابلتو مع الدكتور بس خليهو يقعد لغايه م يجي دورو نحن بندخلو

قلت ليها نحن رقم 27 هسي الدكتور دخلو ليهو كم؟ قالت لي 9

قلت ليها يعني ينتظر ديل كلهم وهو قاعد؟ انتِ جادة؟

قالت لي دة حجزكم كدة اسوي ليكم شنووو؟انتو المفروض تجو بدري يعني دة.م غلطي

في واحد لابس لبس الدكاترة قال لينا خير في شنو؟

قلت ليه ابوي عندو كلى وتعبان، قدانا 18 نفر حتى ندخل للدكتور،

قلت ليها ساعديني في سرير ارقدو فِيَه وبراك شايف ردودها، وفي دكتورة برضو نفس رد دي، ليهه بتتعاملو.مع المرضى كدة، لْۆ م مجبورين م حيجوكم اكيد،

قال لي طيب معليش ي اخت، الف الحمدلله على سلامه الوالد وين هسي هو؟

قلت ليهو هناك واشرت عليه،

مشى عليهو وانا وراهو، قال ليهو ي ابوي گّيَفْ الّحّال ٱن شْاءِ اللٌہ طيب؟

ابوي م اتكلم بس هز ليهو راسو

امي قالت ليهو الحمدلله ي ولدي

قال لينا دقيقه،

مشى، شويه كدة جا راجع شايل كرسي متحرك قال ليهو تعال ي ابوي، شالو قعدو في الكرسي،

مشى للفي الاستقبال قال ليها مقابلتو مع منوووو؟

قالت ليهو مع دكتور نزار،

، اتحرك مشى دق باب غرفه الدكتور، وقف ليهو على جنب وناداهو، الدكتور جا طالع اتكلم معاهو مساافه والدكتور بقى يعاين بإتجاهنا،

جا راجع مشى لبتاعه الاستقبال اتكلم معاها وجا راجع قال لي اول زول يطلع م̷ِْن غرفه الدكتور انتو بعدو على طول ټمٱم؟بس خليكم جمب الغرفه، ساق ابوي ووقفو جمب الغرفه مباشره،

امي قالت ليهو •اللّہ̣̥ يديك العافيه ي ولدي

قال ليها العفوو ي والدة واجبنا

قلت ليه شكراً بجد

قال لي •اللّہ̣̥ يكتب سلامتو،

قبل م هو يتحرك الفي غرفه الدكتور طلعو، طوالي امي دخلت مع ابوي، وانا قعدت برة مع زين

قعدنا اكتر م̷ِْن تلت سَآعهْْ منتظرين، شويه كدة دخلت ممرضه الغرفه، جو طالعين، مشيت عليهم، امي وشها كان م بتفسر

قلت ليها خير؟ الدكتور قال شنو؟

قالت لي بصوت هزيل والله ياهو في فحوصات دايرين يعملوها لي لَگِنْ قال اليَوُمًًِ م اظن يخليه يمشي

قلت ليها حيرقدو يعني؟

قالت لي اي

قلت ليها مالو م قال؟

قالت لي بتقول الفحوصات البعملوها ليهو دي

امي كلامها ونبرتها كلهم م كانو بطمنو،

قالت لي تمشي البيت؟

قلت ليها لشنوووو؟

قالت لي تجيبو قروش م عندنا قروش كتيرة هنا،

وامشي لي سميه، قولي ليها امي قالت ليك اديها الأمانه،

قلت ليها امشي انتِ ي امي انا خليني مع ابوي

قالت لي بتقدري تدخلي وتمرقي معاهو؟

قلت ليها امي بسم •اللّہ̣̥؟

قالت لي خلاص بسوق معي دة عشان م يشغلك

قلت ليها طيب ټمٱم،

امي طلعت وانا لحقت ابوي في مكان الفحص،

عملو ليهو الفحص ودخلوهو عنبر كدة رقدوه فِيَه، كان تُعباُنٌ وانا كل م دمعتي تقول عايزة تجري امسكها، بمسح وبجفف ليه العرق م̷ِْن وشو وجسمو وبهب ليه،

امي اتأخرت شديد للعصر حتى جات راجعه،

قلت ليها مشيتي وين اتأخرتي كدة؟

قالت لي مشيت السوق، عِن.̷̷̸̷̐ديّ سلسلي داك شلتو بعتو قروشو بتسندنا لغايه م ربنا يفرجها

بقيت اعاين ليها امي م̷ِْن الهم وشها حيقع،

قلت ليها زين وين؟

قالت لي اتذكرتو اللحقيهو قالو م بدخلوه خليتو مع بتاع الامن برة اجري،

جريت لقيتو قاعد بياكل في شيبس، شلتو وعشان م دخلونا بقينا قاعدين برة لي نهايه اليوم، بتنا كلنا في المستشفى انا وزين بتننا برة جمب ناس كتيرة قاعدة، حضنت زين ورقدتو في رجولي، وامي مع ابوي، اليوم التاني الصباح، امي جاتني تبكي،

طبعاً اول م شفتها ودموعها جاريه خلاص الحاجه الوحيدة الفي بالي انو ابوي دة مات،

م اتحرك لي ساكن وانا بعاين ليها، و قادره اتحرك

بعد مساااافه قلت ليها ابوي مات؟

قالت لي الدكتور دة قال نتايج الفحوصات كعبه شديد، الكليتين حاصل ليهم ضمور وخلاص فشلن

قلت ليها كيف يعني؟ هسي ابوي وين؟ كويس؟

قالت لي في الغسيل

دموعي جات جاريه قلت ليها طيب خليني ادخل ليهو، امسكي زين،

دخلت وانا م حاسه بروحي واتجهت على غرفه الغسيل،

فضلت واقفه بالساعات، لما طلعوه حسيتو ميت، قلت للدكتور وانا ببكي ي دكتور ابوي مالو م مفتح عيونو؟

ابوي،

حرك لي يديهو، رجعوهو غرفتو ورقدوهو زي الجثه بالضبط، وبقى قِليل بين يوم وليله،

غطيتو وقعدت جمبو وبقيت ببوس في يديهو وبمسح في وشو وبقول ليهو ي ابوي انََت كويس؟كويس انت؟

بهز لي في راسو،

في واحد جمبنا قال لي مرض الكلى دة اصلاً كدة صعب ي بتي •اللّہ̣̥ يشفيه، م تخافي الشافي •اللّہ̣̥،

فضلت قاعدة معاه، أكلتو، وغيرت ليه ملابسو، وبقيت اهب ليه في راسو عشان قال مسخن،

فجأة جا الدكتور وقال لي تعالي، طلعت ليه برة، قال لي ابوك دة لآزٍمٍ يدخل عنايه مركزة،

قلت ليه كيف؟

لييييهه مالو؟

قال لي كدة

قلت ليه طيب دخلوه على طول

قال لي صعب يكون في سرير متوفر حاليا، وحتيً لْۆ اتوفر غالي لآزٍمٍ تختي للمستشفى قروش

قلت ليه كيف كيف م فاهمة؟ كم يعني؟ اذا في ماف مشڱلهِ دخلوه

قال لي المشكله إنو ماف الا اشوف ليك مستشفى تاني

قلت ليه مستشفى تاني كيف وانت الدكتور المتابع معاه وعارف وضعو وحالتو؟

شوف لي واحد هنا ي دكتور، رجاءً

قال لي ټمٱم بشوف وبرجع ليك، هسي جيبي الادويه دي،

قلت ليه ټمٱم،

طلعت تلفوني م̷ِْن الشنطه لقيت مكالمات كميه م̷ِْن احمد، ورساله بتقول ي شهد انتِ وين ارجعي لي ضروري،

اتصلت عليه،

رد قال لي ي زوله وين انتِ ياخ؟ لٱ بتردي ع مكالمات ولا داخله واتسب، وبيتكم فاضي ولا مالكم؟ جيت دقيت بابكم والجرس لمن راسي سخن عشان عايز اسوق الشاب دة

قلت ليه في المستشفى ي احمد، ابوي تُعباُنٌ شويه ومرقد في المستشفى عشان كدة

قال لي ي ساتر مالو؟

سكتت

قال لي شهد؟

قلت ليه الكليتين ضمرو حسب كلام الدكتور

بقيت ابكي، قال لي لٱ حول ولا قوة الا بالله، متين الكلام دة؟ وليه م اتصلتي كلمتيني؟ وين انتو هسي في اي مستشفى؟

قلت ليه في مستشفى ال...

قال لي طيب جاي عليك

قلت ليه لٱ م..

قال لي لما اصل بتصل عليك،

نزلت تحت لي امي قلت ليها امي احمد دة جاي يسوق زين، انتِ اطلعي اقعدي مع ابوي،

قالت لي جاي هسي؟

قلت ليها ايوة

لَگِنْ انتظري، في ادويه حإشتريها م̷ِْن الصيدليه اول،

مشيت الصيدليه م لقيتها، قلت للصيدلي وين ممكن اللقاها قال لي الادويه دي قاطعه م بتتلقي بالسهوله لَگِنْ فتشي الصيدليات يمكن تلقي لْۆ م لقيتي شوفي الامدادات الطبيه هاك دة رقمهم، اداني ليه،

قلت ليه ټمٱم، ،

جيت راجعه قلت لي امي الادويه ماف هنا، حأشوف صيدليات تانيه بعد احمد يسوق مِڼّي زين، انتِ امشي اقعدي مع ابوي

قالت لي سمح اعملي حسابك الدنيا ليل فتشيها الصباح،

قلت ليها لٱ بفتشها لْۆ م لقيت بشوف الصباح بحصل شنو،

مسكت زين وانا منتظرة والجو بارد اصلاً حاضناه علي ومغطياه لمن نام، بعد مسااافه تلفوني ضرب،

فتحت الخط، احمد قال لي انا في المستشفى وين انتِ؟

قلت ليه البوابه الاماميه في جمبها صراف بنك فيصل نحن جمبو، وقفت على حيلي، شلت زين ومشيت بيه على البوابه عشان يشوفنا، شويه كدة اشوف احمد جا مستعجل قال لي شهد، حمدلله على سلامه الوالد، هسي كيف؟

وهو بتكلم فجأة اشوف كائن واقف قدامي، وانا م بين بحاول استوعب دة سامر ولا لأ،

قال السلام اليكم،

بقيت واقفه ومُسهيه فِيَه وبحاول اجمع، سامعه هو قال شنو بس م مستوعبه

احمد قال لي وين هسي جوة؟

قلت ليه وعليكم السلام،

احمد شال مِڼّي زين وقال لي لييييهه م اتصلتي ولا اتكلمتي ي شهد، م̷ِْن متين الكلام دة؟

قلت ليه يومين كدة

سامر قال لي طيب وضعو كيف؟ الدكتور بقول في شنوووو؟

عاينت ليه وانا ساكته مساافه حتى قلت ليه ضمور في الكلى،

احمد قال لي طيب ندخل نشوفو و..

قلت ليه م حيدخلوكم زمن الزيارة مخلص للأسف،

سامر قال لي طيب وهسي بغسلو ليهو ولا شنو؟

قلت ليهو ايوة غسلو ليهو اليَوُمًِ، لَگِنًْ قالو الا يدخلو ICU سامر قال لي ودخلوه هسي؟

قلت ليه لأ مافي سراير فاضيه في المستشفى عشان كدة

قال لي كيف يعني مافي سراير ICU في المستشفى وهو مش محتاج يدخلها ضروري؟

قلت ليهو حسب كلام الدكتور ايوة، لَگِنْ م متوفر وقال حيشوف

قال لي م̷ِْن متين الكلام دة؟

قلت ليه يعني سَآعهْْ وزيادة

قال لي والدكتور رجع ليك؟

هزيت راسي بمعنى لأ،

احمد قال بيهو اوقات كتيرة بكون في سراير لَگِنْ ادارة المستشفيات لآزٍمٍ تخلق ازمة عشان المرضى واهاليهم يدفعو الشي الفلاني،

سامر قال دة اهمال م بعدو اهمال وكلام فارغ، اتحرك م̷ِْن جمبنا وطلع تلفونو، بقى واقف بعيد مسافه وهو بتكلم بالتلفون ماشي وجاي، شويه كدة جا راجع،

احمد قال لي هسي جوة معاهو منووو؟

قلت ليه امي

سامر قال لي ومهند؟

قلت ليه مافي، تلفونو مقفول

احمد قال لي مقفول كيف ياخ الزول دة ال...

سامر قاطعو و قال لي م̷ِْن متين؟ م عارف مرض ابوهو.يعني؟

قلت ليهو لٱ م عارف، بنتصل تلفونو مقفول لَگِنْ رسلنا ليه رسايل في حال فتح تلفوني يلقاها

قلت ليهم عموماً انتو امشو علشان م تتأخرو الزمن اصلاً متأخر،

سامر شال زين م̷ِْن احمد وبقى يصحي فِيَه ويناديه بإسمو لغايه م فتح وهو ببكي وزهجان، اول م صحصح قال ليهو حتى في البكى كسلان حضنو وبقى يقول ليه صحصحت عرفتني ولا لأ؟زين حضنو ومسك فِيَه بيديه الإتنين وبقول ليه بابا جيت متين؟ زعلان مڼڱ، مشيت وين انت؟

سامر ضحك واتحرك بيهو بعيد وبقى يتكلم معاه ويبوس فِيَه، احساس انو كان ملهوووف ليهو شديد وم صدق انو شالو،

شويه كدة نده على احمد، احمد مشى عليهو وقفو مسااافه حتى جا راجع قال لي شهد يلا بكره بدري بكون معاكم عشان هسي عايز اودي الشاب دة وكدة،

قلت ليه طيب بس م تتعب روحك والله،

قال لي العفووو ياخ تعب شنو معقوله ي شهد، يلا في امان •اللّہ̣̥ والله يكتب عافيتو ي رب،

قلت ليه امين ي رب تسسلم م قصرت، مشيت عليهم قلت لزين، زين حبيبي مع السلامه،

قال لي بابا قال حنجي بكرة الصباح

قلت ليه ټمٱم منتظراك ي بياع

احمد شالو ومشى وسامر مشى وراهم، رجعت قعدت قدام المصطبه حقت الصراف، امي جات طالعه ونادت لي م̷ِْن بين سياج المستشفى عشان العسكري قفل الباب قالت لي اها الولد اهلو ساقو؟

قلت ليها اي

قالت لي لقيتي الدواء؟

قلت ليها لأ م لقيتو، وم مشيت صيدليه تانيه لسسه، قالت لي عشان الدكتور سأل إذا جبناه ولا لأ قال ضروري يتلقي،

قلت ليها طيب ټمٱم ابوي كيف هسي؟ قالت لي الحمدلله، قلت ليها خليك معاه م تتحركي م̷ِْن جمبو، قالت لي اعملي حسابك م تمشي بعيد اسألي م̷ِْن صيدليات قريبه بس كان م لقيتي خلي

قلت ليها حاضر

قمت من محلي ومشيت على الزلط شويه كدة اشوف سامر جاي على إتجاهي،

بقيت بعاين ليهو لغااااايه م وصلني، وقف وهو ساكت

لحظِهّ ; .. صمت واي زول متجه علي اتجاه، ماف موضوع يتفتح ماف شي يتقال

قال لي ماشه وين عايزة حاجه؟

قلت ليه ماشه في ادويه مفروض اجيبها م متوفرة في صيدليه المستشفى حأشوف صيدليات قريبه، لسسه م مشيتو انتو مالكم؟

قال لي هم مشو

المهم عارفه صيدليات قريبه هنا؟

بقيت ساكته وبعاين ليه، يعني هم مشو وهو لٱ، يعني حيقعد ولا شنو م فاهمة

قلت ليه م عارفه بس حأسأل،

قال لي ټمٱم، خليني انا اسأل، مشى على بتاع بوابه الامن وسأل وبقى يوصف ليه،

جا راجع قال لي تعالي، مشى فتح باب عربيه كدة كانت واقفه وركب، وانا واقفه كنتك لي ونزل القزاز،

جيت ركبت، قلت ليه م كان تتعب نفسك انا حأشوفهم اصلاً ولو م لقيت بتاع الصيدليه اداني رقم ناس اسمهم الامدادات.

اتحرك وهو ساكت

بعد مسااافه قلت ليه انت طلعت متين؟ في نفس يوم المحكمه وكدة؟

قال لي لأ، في اجراءات طلوع مفروض تتعمل حتى تطلع، اليَوُمًًِ البعدو

قلت ليه اها، حمدلله على السلامه

قال لي •اللّہ̣̥ يسلمك، بس في وضع زي دة كان على الأقل تتصلي على احمد طالما مهند ماف، لأنو دة وضع بحتاج وقفه راجل ي شهد

قلت ليه لٱ م بحتاج وبعدين اكلف الولد مستشفى ومرمطه لييهه؟

قال لي م بحتاج؟ طيب هسي ابوك البرفعو وبختو منو ي شهد؟ قلت ليه انا وامي

قال لي وبتقولي م بحتاج؟ ؟؟

سكتت

وقف قدام صيدليه قال لي خليك انتِ الجو بارد جيبي الورق، شالو ونزل، جا راجع،

تاني اتحركنا مشينا كذا صيدليه حتى لقينا واحد، وكذا صيدليه حتى لقينا التاني،

جاتو مكالمه، قالو الو؟ايوة ي دكتور، قريبين؟ طيب ټمٱم، يديك العافيه ان شاءالله، اابشر عديله برجع ليك طوالي، تسسلم ي دكتور عمار مردودة ليك ان شاءالله

قفل قال لي كويس انو لقيناهم، وعمل يوتيرن، رجعنا المستشفى، قعدنا في مصطبه كدة قال لي لْۆ بردانه اقعدي في العربيه، قلت ليه لأ انا ټمٱم، بعد نص سَآعهْْ كدة جاتو مكالمه، رد وقال الو؟ ايوة، طيب ټمٱم، انا قدام المستشفى زاتي،

قام على حيلو ومشى، فجأة جا اسعاف وقف قدامو، سلم على زول ومشو على بوابه الطوارئ، طوالي فتحو ليهم دخلو، سامر جا قال لي يلا،

قلت ليه اجي وين في شنو؟

قال لي تعالي، مشيت وراه قال لبتاع الامن، السرير الدخلو الاسعاف هسي دة تابع لمريضنا نحن مرافقين،

العسكري قال ليهو مرافقين كنتو وين ومخلين مريضكم مع منو؟

سامر قال ليهو والله مستشفتكم اجبرتنا نخلي مريضنا بدون مرافق ونطلع نفتش لينا سرير يدخلو بيهو العيان حقنا غرفه العنايه المركزة في اي استفسار تاني؟

العسكري قال ليهو م تضايق ي حبيب الف سلامه وربنا يصلح الحال، اتفضلو

قال ليهو العفو ي سعادتك ماف ضيق، تسلم ي حبوب

دخلنا وقفنا جمب الاسعاف نزلو منو سرير، بقيت واقفه زي الهبله وبعاين لي سامر،

قال لي وين ممكن نلقى الدكتور عشان نتفاهم معاه؟

قلت ليه انت جبت السرير م̷ِْن وين؟

قال لي الدكتور مكتبو وين؟

قلت ليه معي رقمو دقيقه،

اتصلت عليه المكالمه الاولى م رد، المكالمه التانيه رد قال لي مرحب

قلت ليه دكتور معاك شهد بت حاج عبدالله مّرَيَضّ الكلى

قال لي ايوة اتفضلي

قلت ليه ي دكتور نحن جبنا سرير ICU م̷ِْن برة عشان وضعو وكدة قلنا م نتأخر يمكن م نلقى شواغر،

قال لي كويس جداً خير م عملتو، هسي وين انتو؟

قلت ليه نحن تحت لسسه م دخلناه،

قال لي ټمٱم انا بتصل للإستقبال عشان يرفعوه بالمصعد

قلت ل