الفصل الثالث والثلاثون
سامر انتبه لي لقاني شبه عايزة ابكي، ف سكت، وانا ساكته وبحاول امنع دموعي تنزل بقيت بعضي في شفايفي نظام اتماسك وكدة ومسحت دموعي بسرعه، وهو لسسه بعاين لي،
قلت ليه المهم هسي بعد الجهد دة كلو هو بقى على شنووو؟
في محاوله لي إني اتصرف بصورة طبيعيه وانا م̷ِْن جواي عايزة ابكي لسسه بجد
قال لي م عارف والله ي شهد، م اتعمقت معاه ولا رجعت فتحت معاه الموضوع واستفسرت، المهم دة كل الحاصل
قلت ليه طيب،
فضلت ساكته وهو ساكت بعد مسافه قلت ليه زين كيفو مشتاقه ليه والله هو كويس؟
قال لي الحمدلله مع المدرسة بس
قلت ليه حاول جيبو لي اسلم عليه وكدة لْۆ لقيت وقت
قال لي حاضر م عندك مشكله الجمعه يكون معاك بإذن الله تعالى
شبكت يدي مع بعض وسكتت مساافه لقيت ماف شي يتقال وانا اصلاً م قادرة اتكلم قلت ليه انا حأنزل علشان م عايزة اخلي فجر فترة.اطول م̷ِْن كدة براها وكدة
قال لي بقت كيف هي كويسه؟
قلت ليه الحمدلله
قال لي قابلتو بيها دكتور؟
هزيت ليه راسي بمعنى لٱ،
قال لي حاولو قابلو بيها زي م قلت ليك وحاولو طلعوها م̷ِْن ال 4 حيطان دي
قلت ليه ټمٱم، يلا
قال لي يلا سلام،
نزلت وانا ي دوب دموعي جات جاريه كويس، دخلت الداخليه وم دخلت الغرفه قعدته في مكان الضيافه وانا ببكي..
❖
م̷ِْن ضيقي قلت القلتو قدام شهد م̷ِْن غير م اراعي للهي ممكن تحس بيهو، طلعت م̷ِْن بالي فكرة حساسيتها م̷ِْن موضوع زي دة، على قدر م كنت متضايق وحسيت اني ارتحت لما حكيت ليها على قدر م اتضايقت اكتر بشوفتي لردة فعلها ومحاولتها في انها تخفي الحاجه دي وانا متأكد انها حصلت بصورة تلقائيه مننا نحن الاتنين حتى م قدرت اشرح ليها اني م قاصد ومشيت الموضوع عادي
بعد اتحركت إتذكرت زين وكلامي ليه قبل اسافر، اتصلت على ندى كان لآزٍمٍ اتصل عليها، الو ندى؟
اهلين سامر كيفك؟
ټمٱم الحمدلله وانتِ؟
الحمدلله، اها وصلتو كيف؟ اخيراً لقيت شبكه؟
وين ياخ نحن رجعنا في نفس اليَوُمًًِ اساساً
قالت لي لٱ ياااخي؟ يعني هسي انت في الخرطوم؟
قلت ليها ايوة ومتصل عليك عشان اقول ليك جاي عليكم، جهزي نفسك وزين عشان نطلع لأنو انا واعدو وكدة ف م عايز اخلف وعدي معاه وانا فاضي هسي م وراي شي
قالت لي خلاص طيب ټمٱم، على بال م تصل بنكون جهزنا..
❖
رجعت الغرفه لقيت فجر بتسرح في شعرها، قالت لي هلا، بشري اتصالحتو عملتي القلت ليك عليه؟
كان واضح اني ببكي، قالت لي مالك بتبكي؟اتشاكلتو تاني؟
قلت ليها انا؟ م قاعدة ابكي،
قالت لي ي بت واضح انك بتبكي، مالو معاك لسسه في حركاتو الوهميه ديك معاك؟
سكتت..
قالت لي اصلاً الرجال اذى ي بت صدقيني، انا زاتي م عارفه بنعمل ليهم قيمة وبنستهلك نفسنا معاهم لييييهه رغم إنو في البستحقوها يعني وشاريننا جدجد
دموعي جات جاريه، قالت لي ي بت انتِ عويرة؟ م نفع معاك لقيتيهو بستنفذ طاقتك طوالي ختي ليهو النقاط في الحروف ي كدة ي كمان خليني في حالي انا م مجبورة عليك، م̷ِْن متين انتو في الحال دة ايييييييك ي شهد انتِ زاتك روحك طويله ياخ دة سغيل ووهمي وطايرة ليه في راسو دة اذا م̷ِْن هسي كدة م بالك لما تازوجو وتتورطي؟ خليني اردح ليهو بس كدة اهدي كدة وفهميني مالو معاك
فضلت تتطبطب علي لغايه م نمت وهي نامت جمبي،
اليَوُمًًِ التاني قلت لي فجر عايني ارح معي البيت،
قالت لي لييييهه؟
قلت ليها م حاسه انو لآزٍمٍ تقولي لي ابوي حمدلله ع السلامه؟ لأنو هو سأل مڼڱ ع فكرة وامي برضو
سكتت
قلت ليها م عارفين شي انا قلت ليهم عيانه بس +حبوبه قاعدة وكلامها كتير م بتريحني وانا براي ارح عليك •اللّہ̣̥ ومنها ننزل الجامعه م̷ِْن البيت وجمانه لْۆ جايه تجي علينا هناك فكرة صح
قالت لي طيب ټمٱم
إتصلت على أبوي قلته ليه راجعه البيت ومعي فجر، م عايزاكم تسألوها مالها وليه عملت كدة او حتى تفتحو معاها الموضوع وتبينو ليها انكم عارفين
قال لي ټمٱم ماف مشڱلهِ
قلت ليه حذر امي وحبوبه ي ابوي عليك •اللّہ̣̥ انا فهمتها انكم م عارفين
قال لي كويس،
مشينا البيت، اول م وصلنا لقيت صخر قاعد مع ابوي في نص الحوش،
جيت اسلم عليه قال لي اصلو م مفروض اسلم عليك
قلت ليه لييييهه؟
قال ليهو شوف ي عمي كمان بتسأل ليه؟
قلت ليه حمدلله على السلام ياخ كيفك؟
قال لي الحمدلله،
سلم على فجر، وفجر قالت لي ابوي عمو ي عمو الشوق والله والف حمدلله على سلامتك
قال ليها بتي المقاطعانا حبابك تسسلمي م̷ِْن كل شر ي رب
ضحكت قالت ليهو م مقاطعاكم لَگِنْ ظروف والله ي عمي، سلامات م تشوف شر ي رب
ونحن واقفين مهند جا شايل العصير، سلم على فجر وخليناهم ومشينا على ناس امي،
استقبلوها بشكل ظريف وم ادوها اي احساس بإنهم عارفين مالها دي اهم.نقطه عدت الساعات وكم يوم وهي ك زوله فرفوشه الطبيعي بتاعها انها تعمل جو في البيت حتى مع مهند اخوي دخلت فيهو سريع..
بالليل فجأة جاتني مكالمة، صخر..
فتحت الخط وقلت ليه سعادتك شخصياً
ضحك قال لي في عينك ي كعبه
قلت ليهو انا برضو ولا انت؟
قال لي مشتاقين ياخ
قلت ليهو كتييير وربي الخبر؟ وحمدلله ع السلامه مرة تانيه متين الجيه؟
قال لي م̷ِْن كم يوم لَگِنْ م شايفك وين وين ي زوله؟بسأل مڼڱ جمانه
قلت ليه موجودة والله جري بس
قال لي مع الجامعه وكدة؟
قلت ليه نازله السمستر الاخير بكرة ان شاءالله
قال لي خلاص لما تبقي طالعه اتصلي علي بتطلعي كم؟
قلت ليه لٱ م تتعب نفسك ياخ و..
قال لي ي بتنا اصلاً انا عايز اللاقيك وعندك عندي شكله طويله عريضه لآزٍمٍ تاخديها فرض عين معقوله ي شهد عمي يمرض ويحصل معاه كل دة وم تفكري ترفعي سماعه التلفون تكلميني حتى؟
قلت ليه الحمدلله الموضوع عدى على خير وبعدين لْۆ انت كنت هنا معليش بس انت برة البلد وفي اجازة خاصه
قال لي حتى لْۆ م هنا تفتكري بتغلبني الجيه؟
قلت ليه حصل خير
قال لي عموماً الف الحمدلله على سلامتو دة الاهم والمهم جداً إني ماخد في خاطري مڼڱ
قلت ليها •اللّہ̣̥ يسلمك ي رب وبعدين عمو اسماعيل م قصر والله سد مكانك بزيادة ف معليش بالجد لْۆ زعلت
قال لي دة الواجب ي شهد ياخ المهم بيناتنا الشبكه ټمٱم؟
قلت ليه طيب ټمٱم
قفلت منو..
صباح اليَوُمًًِ التاني جهزنا للجامعه، مهند مهند لاقانا وهو ي دوب صاحي قال لي شربتو الشاي؟
هزيت ليهو راسي بمعنى ايوة
قال لي محفظتي في الصالون امشي افتحيها وشيلي العايزاه
قلت ليه العايزاه العايزاه
قال لي لْۆ م عارفك عويرهه ساي م كان قلت ليك امشي شيلي العايزاه، المهم شيلي كفايتك وزيادة
ضحكت قلت ليهو ماشي،
دخلت الصالون ابوي كان مافي، شلت زي م قال لي مهند جيت طالعه لقيت ابوي وصخر قاعدين قدام الباب بشربو في الشاي وبتونسو وابوي كان بقول ليهو مبروك ليك ي ولدي ياخ الف مبروك
قلت ليهم صباح الخير
ابوي قال لي صباح النور خلاص طالعين؟
قلت ليهو ايوة
صخر قال لينا الطلبه الغلبه..
قلت ليهو إهٍٍََلٌٍٍََْيٌٍَن ي سعادتك
ضحك
ابوي قال لي م طلعتو متأخرين؟ نومتو ولا ياها مواعيدكم؟
قلت ليهو ياها مواعيدنا ي ابوي محاضراتنا متأخرة اصلاً هههه
قال لينا حظكم سمح انا زاتي على مشيه بس عمي غصبني على الشاي والونسه جرت خلوني اوصلكم في طريقي
انا واثقه انو.كان منتظرنا بس دي حركه منو ساي
ابوي قال ليهو م بأخروك؟
قال ليهو.ابداً ي عمي في طريقي،
كان مغير عربيتو،
اول م ركبنا قلت ليهو ي سلام عربيه جديدة وحركات ي سعادتك الف مبروك
قال لي تتبارك ايامك ي بتي، سعادتك دي حتزعلني فوق م انا زعلان مڼڱ
قلت ليهو حاضر ي حاج طيب
ضحك قال لي اي ممكن كدة، بعدين في زول بقى هااادي كدة مالو؟عاين لي فجر بالمرايه
فجر ضحكت وقالت ليهو.زهجه اول يوم في السمستر بس م اكتر ↙
قال ليها لٱ ياخ زهجانين؟
قالت ليهو شديد زهج وسخانه وقرف
قال لي شهد وانتِ وضعك كيف؟
قلت ليهو انا زهجانه م̷ِْن السودان كلو يابا
ضحك قال لينا إذاً نحلها، عمل يوتيرن،
قلت ليه وين وين؟
قال لي نحل موضوع الزهج دة خلوني اعزمكم فطور ظريف في مكان ظريف نفطر برواق بعدين لْۆ وراكم جامعه وبرنامج م حنك
قلت ليه وانت م عندك مواعيد؟
قال لي نحن شغالين لشنو؟ مش عشان نخدم الوطن والمواطن؟ اها المواطن زهجان لآزٍمٍ نفرفشو زي م بقولو
فجأة جات مكالمه م̷ِْن جمانه، قالت لينا وين؟
قلت ليها انتِ الوين؟ نحن حنتأخر شويه إذا م طلعتي خليك
قالت لينا طلعته حتتأخرو وين يعني؟ ربع سَآعهْْ كدة؟
قلت ليها جمانه ربع سَآعهْْ دي شنو؟
تلفونها فصل، قلت لي فجر ارجعي ليها م معي رصيد
صخر قال ليّۓ خليها انا برجع ليها دقايق،
إتصل عليها فتحت الخط وهو فاتح الاسبيكر..
قال ليها يااااا بت
قالت ليهو هلاااااا
قال ليها وين انتِ؟
قالت ليهو موجودة
قال ليها عارفك موجودة اقصد وين انتِ هسي؟
ضحكت قالت ليهو ماشه على الجامعه
قال ليها طيب اقرب سنتر ممكن اللاقيك فيهو؟
قالت ليهو هسي؟ مواعدة البنات صعبه
قال ليها 5 دقايق م اكتر
قالت ليهو طيب انا في ...
قال ليها ټمٱم ربع سَآعهْْ وبكون عندك
فصلت منو بدقيقتين ورجعت لي فجر، قالت ليها عايني انا في زول عايز يلاقيني برضو حتأخر شكلي لما توصلو ادوني خبر
فجر قالت ليها زول منو؟ قلت ليها زول منو؟
قالت لي صخر ي شهد قال عايز يلاقيني، ضرب لي هسي بعد قفلت منكم المهم بشوفو وبديكم خبر
قلت ليها ماشي،
قفلت منها صخر بقى يضحك قال لي م بتدسو شي م̷ِْن بعض انتو؟
قلت ليهو دي حاجه بتتنافى مع قوانين الصحبه لْۆ سمحت ↙
وصلناها بقى يضرب ليها بوري، نزل القزاز جات، وعلشان العربيه مظلله م شافتنا، فتحت الباب وركبت، فجر قالت ليها وه..
انا قلت ليها صباح الخير يعسل
قالت ليها اقسم بالله انتو كلاب، وصخر بضحك،
قالت لينا دة شنو وفي شنو وماشين على وين؟
صخر قال ليها قالو زهجانين عايزين نروقهم في اول يوم للسمستر
قالت ليهو بالله؟ وزهجانين مالهم؟
قال ليها م مهم المهم م يزهجو، مشينا مسافه دخل محل جا طالع شايل حاجات في كيس، شبه اكل، فجر قالت لي وبعلي هو مالو كل مرة ببقى سمح كدة؟
جمانه قالت ليها جنتب جداً ع فكرة راجل بجد م̷ِْن الناس البتفرض عليك تحترمها
فتح باب العربيه قال لينا اتوكلنا؟
قلت ليهو ماشين وين نحن؟
قال لي ماشين بس،
ركب العربيه واتحرك،
بقينا ماشين وهو شغل اغاني وجارانا الونسه والمواضيع
قلت ليهو صخر انت خاطفنا؟ نحن طلعنا برة الخرطوم
قال لي اي
قلت ليهو.ماشين وين؟
قال لي الجبل
جمانه قالت ليهو.جبل؟
قال لي ايوة جبل اولياء، جو ظريف، ناكل سمك، وننهي موضوع الزهج دة
بالفعل مشينا، وكان اللطف يوم حرفيا، ضحكناً واتونسنا ولعبنا، ولقينا ناس بغنو قعدنا وشلنا معاهم، نسينا موضوع الجامعه واهم شي اكلنا اظبط سمك على قدر م نقدر، جمانه وفجر اتلمو مع شله قاعدين يغنو وانا قعدته بعاين ليهم م̷ِْن بعيد جا صخر قعد يتونس وياخد ويدي معي في الكلام وبقينا نعلق على الماشي والجاي ويحكي لي عن المكانات المشاها في السودان وبرة السودان، واماكن العمليات والمهمات الودوهو ليهَ اآ وكدة، قلت ليهو غايتو بختتك نفسي اللف السودان دة كلو زيكك يخخخ
قال لي م طلبتي حاجه..
قلت ليهو حتجيب لي السودان على شكل هديه اطلس قال لي انتِ كان خليتي قوة الراس والعناد دة وقلتي خير بسوقك انا بنفسي اي مكان
سكتت لأني انا فاهمة هو قاصد شنو وبقيت اتلفت، قال لي بالمناسبه خليني اسألك مش المفروض انو اخد مساحه كافيه بعد كدة؟
بقيت اعاين ليه
قال لي ٱڅڑ مرة اتناقشت معاك في الموضوع دة كان ردك انو محتاجه تاخدي مساحتك رغم انو كل شي انتهى واقعياً كدة صح؟
قلت ليه هو مش المفروض ينتهي م̷ِْن عِن.̷̷̸̷̐ديّ اول؟ يعني مش المفروض الحاجه تنتهي جواي اول حتى نحسبها انها انتهت؟
قال لي اها، المهم هو وين هسي ظهر تاني ولا م̷ِْن ديك وعيك مشى بي عدلو؟
قلت ليهو إييييك حاصله معاهو حاجات كتيرة اتسجن في موضوع خالو الحكيت ليك عنو داك وموالات طويله المهم خلاصتها إنو في مرض ابوي كان طلع وسمع بالحاصل لأبوي ف جا وقف معانا وكدة
قال لي اهااااااا مرض ابووك، قالها بنبرة غريبه كدة
قلت ليهو ايوة مرض ابوي،
قال لي طيب وهو سمع م̷ِْن وين؟ كلمتيه انتِ؟
هزيت ليهو راسي بمعنى لأ، بس عرف بالصدفه م̷ِْن احمد صحبو
قال لي واحمد صحبو عرف م̷ِْن وين زاتو؟
ضحكت قلت ليهو صخر مالك؟
فجأة البنات جو والموضوع اتقفل،
ختمناها بي انو نتصور واتهابلنا هبل هو نفسو م كان متوقعو مننا حتى جينا راجعين نهايه اليَوُمًِ، ً
بعد م وصلنا جومانه قلت ليه انت م حتوصلنا لي جوة الحله طبعاً
قال لي ليه؟
قلت ليه علشان مهند ممكن يشوفنا، وعلشان ابوي
قال لي م عاملين شي غلط
قلت ليهو ايوة بس كدة ..
قال لي حاضر طيب
قلت ليهو بس شكراً بالجد اليَوُمًًِ كان ظريف شديد بسببك م قصرت عزيتنا
قال لي عندنا كم شهد في الحي نحن لمن تزهج وم نعزها؟
فجر قالت ليهو اهااااا يعني م عشان فجر زهجانه؟
بقى يضحك.
دخلنا البيت صخر اتصل علي، قال لي ي بت
قلت ليهو ايوة؟
قال لي عايزة اقول ليك شنو إن شاءالله م اكون ضايقتك بأسإلتي اليَوُمًًِ واتطفلت عليك بزيادة
قلت ليهو العفووو ياخ معقوله ي صخر بطل هبل
قال لي م حابي فكرة انو اضايقك وابقى ضغاط معاك بس زولك دة م زول، وم انسان مسؤل ولا راجل حتى عشان اكون واضح معاك ي شهد لانو العملو دة ماف راجل بعملو اقل م يقال عنو انو جبان وجبان شديد وم عندو ااااي شخصيه، وم عايزك ترجعي تاني تمري بالمريتي بيهو الفترة الخلاك فيها ديك، بعيداً عن كل شي انتِ زوله بتهميني شديد والشينه م برضاها ليك انا ف شنو عشان كدة حكمي عقلك قبل قلبك، في مقوله بتقول "الغلطه التانيه ذنب السامح م ذنب الكررها"اتمعني فيها وافهميها كويس
قلت ليهو عارفه ي صخر والله ومقدرة شديد وعارفه إنك عايز مصلحتي
قال لي ومصلحتك ي شهد عمرها م بتكون مكان وجعك فاهماني انتِ؟
قلت ليهو ايوة
قال لي "ما حتبكي عليه للأبد، بس كنتِ حتبكي منه طول عمرك.
دي واحدة م̷ِْن اصح أقوال أمهات ي ريت تستوعبيها ي شهد علشان انا خايف م̷ِْن رجوعك للنقطه الخلاك فيها قبل
قلت ليه حاضر..
قال لي نسّْيتً الموضوع الاساسي متصل عشان اقول ليك عندك حاجه جايبها ليك معي م عارف اذا حتقدري تاخديها ولا اخليها بكرة؟
قلت ليه خليها بكرة بإذن •اللّہ̣̥
قال لي طيب.
الفترة الجا فيها سامر وقال لي ابوي انا وشهد البينا قسمة وانتهت كانت علاقتي شبه سيئة مع فجر وجمانه، ولما امو واخوه جابو لي القسيمة كنت في حاله م يعلم بيها الا •اللّہ̣̥، قدام امي وابوي بمثل اني كويسه واني متماسكه، وانو الموضوع م فارق معي بس واقعياً انا كنت اشد هشاشة م̷ِْن جواي، وماشه بالصبر، لغايه م في يوم طلعت بمزاج سيء للجامعه، كالعادة لاقاني صخر، م كنت طايقه الركوب معاه كنت عايزة افرغ الفيني دة بالمشي وم عايزة اديه احساس بالشي الحاصل معي، وهو كان رافع جيرانا معاه ف اصر علي وم حبيت احرجو، ركبت وهم بتونسو وانا في عالم تاني لغايه م هم نزلو م حسيت بيهم،
صخر حاول يتكلم معي كلمتين ورا بعض كنت برد عليه بأخر نفس
قال لي مالك ي شهد انتِ كويسه؟
قلت ليه ابداً ماف شي
قال لي ناس البيت كويسين؟
قلت ليه الحمدلله
قال لي طيب في شنو م طبيعيه؟
قلت ليه ماف شي ي صخر مصدعه بس
قال لي طيب ندخل الدكتور؟
قلت ليه لٱ بس نزلني في المواصلات انا ټمٱم
اتحرك وهو ساكت، وقف العربيه نزل قال لي دقايق، مشى وجا راجع شايل حبوب م̷ِْن الصيدليه ومويه، قال لي هاك،
قلت ليه م بحتاج بس شكراً
قال لي اشربي ونتفاهم بعدين،
فضل ساكت لغايه م وصلني الجامعه قال لي لْۆ حاسه نفسك م ټمٱم ارجعك البيت ي شهد مش احسن؟
قلت ليهو لٱ انا ټمٱم
قال لي بتطلعي الساعه كم؟
قلت ليه م عارفه م عِن.̷̷̸̷̐ديّ الجدول
قال لي طيب لما تعرفي اتصلي علي ټمٱم؟
قلت ليه ټمٱم
قال لي م تمشيني حتتصلي؟
قلت ليه حتصل
م عارفه دخلت الجامعه وعديت اليَوُمًًِ كيف لانو سلفاً علاقتي بالبنات 0، وقفلت تلفوني لغايه م رجعت ونمت صحيت نص الليل وانا متضايقه،
صليت وقريت قرءان شويه وفتحت التلفون،
لقيت محاولات إتصال كتيرة م̷ِْن صخر،
ورساله محتواها "لْۆ لقيتي مكالماتي دي ارجعي لي "
رسلت ليهو واتسب، قلت ليه اسفه ي صخر تلفوني كان قافل شكراً على إتصالك
الغريبه كان اونلاين،
رد علي بعد رسالتي بدقيقتين، قال لي المهم انتِ كويسه؟ اتحسنتي؟
قلت ليهو ايوة الحمدلله
قال لي الحمدلله
فتحت الرساله وم رديت بحساب انو المحادثه خلصت
رسل لي شهد..
رديت ليهو ب ايوة؟
قال لي مالك انتِ؟ الحاصل معاك شنوو احكي لي يمكن اقدر اساعدك
قلت ليه ماف شي
قال لي شهد انتِ بتتكلمي مع زول ضابط يعني رمشه عينك دي بقدر احددها إذا طبيعيه ولا وراها شي، ف شنو احكي لي، وم تخافي اعتبريني اخوك، اعتبريني ابوك، صحبتك، اي شي
م رديت بعد فتحت الرساله
قال لي منتظرك انا ي شهد، احكي
قلت ليهو م عارفه ابدأ ليك م̷ِْن وين او افهمك كيف لأني انا زاتي م فاهمة شي،
قال لي محل م تبدي ابدي حأفهمك انا
قلت ليهو فجأة جا وقال لي ابوي انا وشهد البينا قسمة وانتهت، م كنت مصدقة وقلت يمكن حاصل ليه ظرف، مضغوط، غيرو ومخلياه على راحتو، فجأة هسي قبل كم يوم امو واخوه جو وسلمو ابوي القسيمة و...الخ
ماف زول وقف معي وسندني وواساني وطبطب علي قدر وقفة صخر معي، كان متابع يومي بمشي كيف بالحرف، ومخلي بالو م̷ِْن تفاصيلي، هون علي ايام كتيرة صعبه وحسيتها انها م بتمشي ومشت فعلاً زي م قال هو، علشان كدة عاذراه تماماً على اي حرف بيقولو، وعاذره كراهيتو لسامر لأنو هو الوحيد الشافني وانا ببكي عليه وسمعني وانا بحكي بخرقه عنو وطبطب علي وقتها، كل الايام السوداويه الكنت عايشاها الفترة ديك هو شاركني فيها، صخر وصل لمرحله انو كان بحجز لي احضر إيڤنتات لبتاعين تنميه بشريه على امل إنو استفيد م̷ِْن البتقال، فعلاً جزء كبير منها فادني، فعلشان كدة الحاجه الوحيدة البقدر اقولها عنو انو "معرفه اولاد الأصول دهب"فعلاً ..
❖
في جانب ٱڅڑ..
نادي اخواتك البقيه ي بت قلت ليك
يمن: حاضر ي ابوي
في شنو؟
اقعدي لمن اخوانك يجو
بعد مضي 5 دقايق،
نوال: خير ي راجل مالك جامع الاولاد الليله م̷ِْن جيت كدة لقيت ليك بيعه كبيرة داير تقسمها علينا ولا شنووو؟
يسرا: والله عاد بالحيل مفلسين اشتقنا للأكل السمح زاتو
ماف اي قروش في الموضوع، بس انتو بقيتو ناس كبار وواعين وفي امور عائليه مفروض نتناقش فيها او على الأقل انتو تكونو على علم بيها
لحظِهّ ; .. صمت..
انا اتزوجته ي اولاد، ومن غير م تتخلعي وتتبكي ي منال انتِ عارفه مسبقاً اني عِن.̷̷̸̷̐ديّ النيه في الخطوة دي، غيبته الغيبه دي عشان الموضوع دة، ودي سنه رسولنا الكريم يعني م مخالف لٱ شرع ولا عقيدة، واظن يعني بعد سنين التعب دي كلها انتو بعد كدة بقيتو شباب كبار وواعين والمتزوج منكم متزوج وعندو اولاد، يعني بتقدرو تتحملو مسؤليه نفسكم بنفسكم وم تنتظروني، عبدالرحمن، احمد بتقدرو تشيلو البيت،
ملهم بتقدر تقري نفسك
يسرا وياسمين كمان بتقدرو تتحملو مسؤليه نفسكم وتقرو م̷ِْن مصروفكم الخاص، اختكم الصغيرة يمن دي اتشاركوها فيما بينكم، بجاي وبجاي الدنيا بتمشي ان شاءالله
نوال: عرست؟ عرسته كيف يعني؟ يااااااخي اتفووو عليك، اتفوو على المواقف الوقفت فيها معاك وقفه رجال، الأولاد انت بتعرف ليهم شنو؟ ربيتهم؟ كبرتهم؟ لبستهم اكلتهم؟ عارف ليهم شنو انت؟ انا الدهب الاحمر طلعتو ليك دي اخرة جزاتي؟
عمرة ساااي لبيت الله م وديتني ليها وشكرتني على العملتو ليك وعمري الضيعتو في دربك م̷ِْن سجون لي غيرو، استحملت كل سرقتك ونهبك للناس ووقفته معاك لما الرجال قنعو مڼڱ ورمو طوبتك انا وقفت فْيَگ وجاي بطولك وعرضك تقول لي بعد العمر دة انا عرست؟ ياخي احترم سنك علّۓ الاقل حسبي •اللّہ̣̥ ونعم فْيَگ، حسبي •اللّہ̣̥ ونعم الوكيل فْيَك..
❖
سامر، انا اصريت اللاقيك اليَوُمًًِ لأنو الموضوع مهم شديد، خالتك دي ي سامر براها البيت، وصراحه وضعها صعب جدا، بقتً اقرب للإدمان، هي عايشه على المسكنات والمنومات وم اعتقد دي حاجه في صالحها، حاولت اتكلم معاها وانصحها انو الوضع الفيهو دة.م ټمٱم بس م اعتقد انها قادرة تستوعب نصايحي، وهي براها يعني حتى امها سافرت، وماف زول يخلي بالو منها ف م عارف يعني هي في مرحله م ينفع تكون فيها براها وانت عارف هي مارة بشنو بالضبط
عارف ي دكتور عمار واتكلمنا مع بعض في النقطه دي، ومتابع معاها بشكل يومي.
برضو م كفايه ي سامر، محتاجه زول يكون معاها في البيت،
ي دكتور انت عارف انا البيت دة بالنسبه لي شنو ف صعبه علي قعدتي في البيت دة
طيب سوقها معاك بيتك دة حل وأسلم ي سامر، الدنيا م معروفه وانا شخصياً جد م عارف اقدم ليها شنو واساعدها عشان كدة انت مربط الفرس بالنسبه لي، في فترة صعبه شديد ومحتاجه رقابه وإلا يومي حالتها حتسؤ وحتى المهدئات والمنومات م حتعمل ليها شي
طيب ټمٱم، حأسوقها معي البيت ممكن
يكون احسن اصلاً قعدتها في البيت دة في حد زاتها غلط انت فاهمني؟
فاهمك ي دكتور.
❖
في الجامعه..
فجر: رجعنا للمعط تاني
قلت ليها اهم شي ٱڅڑ رجعهه
جمانه قالت لينا بسم •اللّہ̣̥ اوله واخره
ونحن قدام القاعه فجأة جا عامر ماشي فينا،
فجر قالت لينا اجي دة مش عامر؟
قلت ليها ايوة
جُمانه قالت لينا شوفتو وحضرت نفسي اسم عليه مالو دة؟
فجر قالت لينا م تستغربو عاينو الجايه وحتعرفو مالو م سلم
عاينا قدامنا لقينا سمهدل جايه وشايله بيبي في يدها
كانو حلوييييين حلاة الدنيا عليهم مطقمة مع البيبي بتاعها، بقينا نعاين ليها لغايه م وصلتنا
فجر قالت بصوت خااافض الخسيسه ام وش
قالت لينا ازيكم ي مزز كيفكم ان شاءالله بخير؟
جمانه قالت ليها الحمدلله وانتِ؟وماشاءالله البيبي ربنا يحفظو يختي ي كميله وباستها
قالت ليها تسسلمي عقبالكم
قلت ليها ماشاءالله كبرنا
قالت لي شديد هههههههه
فجر بس الكانت عامله روحها م مركزة وم شايفاها، وهي طبعاً كان لآزٍمٍ تخلق ليك موقف مستفز تعكر بيهو صفانا
قالت ليها فجر واااو ماشاءالله دة شنو الانجاز دة اجازة 3 شهور بس خلتك تنقسمي النص كدة؟
اجتهاد شخصي ولا حب ونفسيات يختي نوريني النمشي على خطاك؟
فجر قالت ليها نفسيات ايوة لَگِنْ نفسيات عاليه ونيه نضيفهه وراحه ضمير اهم شي ي حلوة وشويه رياضه بس م اكتر
قالت ليها عاد لَگِنْ بقيتي حلوة ورهيييبهه
فجر قالت ليها في الحالتين حلوة يعسل
قالت ليها م محتاجه نقاش بس السمن دة يكوسو ناس شهد تاني بعد كدة، شهد انتِ كمان ضعفتي فوق م انك ضعيفه وحرقتي زيادة ي بت مالك اوعى يكون م̷ِْن العملو طليقك دة بس؟ سمعتي بيهو؟
طبعاً البت الخطبها بت خالتي لزم، انا لغايه اللحظه مصدومه وم مستوعبه، متين عقدتو ومتين لحقتو تنفصلو لمن يخطب تاني وكمان بت خالتي؟، راسي جااااااط والله م قدرت استوعب شي لما شوفتو قدامي في بيت ناس خالتي •اللّہ̣̥ يرحمها، قدر م فتشت رقمك عشان اتصل عليك وافهم مڼڱ الحاصل واصدق انو جد انفصلتو واعرف الاسباب علشان لْۆ م زولاً نافع بت خالتي م اخليها تتورط هي زاتها م ناقصها والفيها مكفيها م لقيتو لانو تلفوني القديم باظ ودة جديد ولا رقم واحدة منكم م عِن.̷̷̸̷̐ديّ، عااااد م عجبني ي شهد، بت خالتي سألتها بتعرفيهو م̷ِْن وين وكدة الغتيته قالت لي بس المهم بعرفو طلع متبني ليهو ولد وهي شغاله في حضانه وهو كان بمسكو ليها، اتقدم ليها رسمي واي شي لَگِنْ انا قلت ليها م تستعجلي توافقي لمن اشوف شهد اول وافهم منها الحاصل شنو حتى لَگِنْ بالواقف كدة م ينفع الموضوع داير ليهو قعدة وعليك •اللّہ̣̥ ي شهد كان زول م ټمٱم م تدسي مِڼّي بت خالتي دي مسكينه شديد ويتيمة امها متوفيه واحدة لي ابوها وشايلاهو هو م بشوف...
❖
ي سامر
ايوة ي احمد كيفك؟
ټمٱم الحمدلله وانت؟وين ي زول انت؟
موجود والله بس الموضوع القلتو ليك داك شاغلني حبتين
اهاااا طيب اسمعني خالي دة قال بتصل عليك م بترد او تلفونك.م بدخل معاه، هاك ليه ها
قلت ليه طيب،
بهد دقيقة..
ي ابني السَلٱمٌ عَلْيگمّ-ۈرحْمٌّة ٱللّہ ۆبُرگّاتہ
اهلين وعليكم السلام ي استاذ
كيفك ان شاءالله بّخْير ونعتذر جداً للإزعاج ياخي
{العفو ي استاذ اخد راحتك حبابك
قال لي مشغله ليك واي حاجه لَگِنْ اعفي لي محتاج اقعد معاك ضروري جداً
قلت ليه خير ان شاءالله؟ اليَوُمًِ؟ً
قال لي م عايز اضغطك لَگِنْ اذا ممكن اليَوُمًًِ
قلت ليهو طيب ابشر، سَآعهْْ بالكتير بكون معاك
قال لي خلاص في انتظارك ي ابني، بس لما تصل اتصل علي انا بطلع ليك
قلت ليهو ټمٱم
رغم اني زهجان وقافله معي واموري جايطه برتب في البيت عشان خالتي جايه بس اتوكلت وطلعت عليه،
اول م وصلت اتصلت عليه جا، ركب قال لي كيف الحال ي ابني ياخي واعفي لي بعتذر جداً
قلت ليهو ي استاذ م بحتاج ابداً في وقت حبابك
قال لي •اللّہ̣̥ يكرم اصلك ي ابني، الموضوع حساس شويه م ينفع نناقشو في البيت اذا في مكان هادي نقعد فِيَه
قلت ليهو جدا..ً
اتحركنا لقينا مكان قعدنا فِيَه،
قال لي انا شربكتك في اموور ومواضيع م ليك فيها وكترتها عارف اوعى تقول استغلالي
قلت ليهو ي استاذ جميلك م بتنسي والله فداهو اي شي
قال لي م عارف حتساعدني ولا كيف كيف لَگِنْ حأقول ليك العندي ودايرك بكل جسارة تديني ردك بدون م تحس بحرج او ردك يكون عاطفي عشان انا خال صحبك او غيرو، عايز جواب منطق وموقف اتفقنا؟
قلت ليهو ابشر
قال لي •اللّہ̣̥ يبشرك بالخير، طبعاً ي ابني انا حكيت ليك قصتي البخصوص سفرتي ديك كلها، وانا جدجد الموضوع دة عمرو م فرق معي لَگِنْ هسي فارق معي، يعني طريقه ميته البت المسكينه دي وكدة خصوصاً انو انا السبب في كدة وكدة، والقصه م قصه البتت دي وخلاص في 100 غيرها لأسباب مختلفه ممكن يحصل معاهم كدة في المنطقه ديك، يعني ديل م بشر ديل ممكن نقول عليهم سفاحين ومافي قانون لانو اصلاً هناك القانون غايب شهادة وفاة للميت م بتطلع،
ف انا ي ابني عايز اسعى في الموضوع دة لغايه م اجيب اخرو
انا ساكت وبعاين ليه بثبات بدون اي رد فعل
قال لي طبعاً بدون اقارب الميته حاجه زي دي صعبه، لآزٍمٍ اهل الميته ديل هم يحركو الموضوع، وزي م حكيت ليك موقف اختها ف انا غسلت يدي منها لَگِنْ انا بقدر اعمل حاجه،
بقدر اثبت قانونياً انو الزوله دي انا كنت متزوجها بالمحكمه الشرعيه بواسطه القاضي، وبقدر اجيب شهود على الحاجه دي، م مهم كيف المهم السبب في اني اعمل كدة.هو إنو الزوله دي انا عِن.̷̷̸̷̐ديّ منها بت وحيه ترزق الحمدلله طول وعرض، م تستغرب انا زاتي عرفتها قريب، هي الوحيدة البتقدر ترفع قضيه على العايزاه منهم او عليهم كلهم وبعدها تخلي الباقي علي..
طبعا انا بقيت اعاين ليه بإستغراب وتهكم كدة،
قال لي عارفك مستغرب والموضوع دة جوطتو ومعمعتو طويله، المهم انا طالب مساعدتك المرة دي برضو ي ابني
قلت ليهو برضو م قادر افهمك انا حأساعدك كيف في حاجه زي دي؟
قال لي بتقدر تساعدني بي إنو تقنع لي البت تاخد حق النسب مِڼّي، يعني تخلي البت تتنسب لي انا ك والدها بالتحليل وبشكل رسمي في الأوراق الثبوتيه
قلت ليهو برضو م فاهمك اقنع البت منو هي ي استاذ براحه علي كدة واحدة واحدة؟
قال لي شهد مرتك انا بقصد، عشان كدة جيتك وقلت ليك زول بساعدني غيرك ماف، ، شهد ياها بتي م̷ِْن الزوله الميته ديك، قد تتصدم وانا زاتي كنت زيك، فجأة جات خالتها م̷ِن فترة طبعاً دي الفترة الكانت عايزة تشتكي اعمامها وكدة، المهم وعرفتني عليها وكمان قعدته معاها في بورتسودان قبل موضوع قضيتك دة إيه رايك، بس هسي الموضوع مختلف م بقدر اطالبها بصورة مباشرة في الموضوع دة ف قلت اللجأ ليك انت واشوفك اذا حتقدر تساعدني في الموضوع دة ولا لأ؟يمكن تقدر تمهد ليها بصورة احسن مِڼّي لانها بتتعانل معي بحساسيه زيادة..