الفصل الثامن والعشرون
بسم الله الرحمن الرحيم
قبل نبدأ في قراءة الرواية حابة اقول انه الرواية دي قيد الكتابة .. يعني ان شاء الله اول ما الكاتبة تنزل بارت انا بانزل ..
قراءة ممتعة
بعد كلامو دة بقيت عايزة اعاين ليهه بس م قادره، واحساس انو هو ماسك يدي حسسني بشعور احسن م̷ِْن الكنت عليه اول، وشبه هديت، ويدي فجأة بقت باردة وهو مكمل سواقه عادي فجأة جاتو مكالمه، عاين لي جريت يدي منو، شال التلفون وقال:
اي ي احمد، لٱ ماشي اوصل شهد دي البيت وجاين راجعين، داير العربيه انت ولا شنو؟ لو دايرها سَآعهْْ وشويه كدة بنكون هناك تعال، حاجات وين ورا في العربيه؟ليهه م گلمتِني قبيل ياخ كنت شوفتهم ليك، طيب ابشر بتأكد ليك منهم، انت مشيت سوقت البوكس م̷ِْن هناك ولا لأ؟ ليهه؟
سايقو عبدالرحمن قالو ليك كدة؟
ټمٱم، لٱ خليهو م تتصل عليه، يا احمد قلت ليك م تتصل انا بحل الموضوع ټمٱم؟ يلا في امان •اللّہ̣̥،
قفل واخد نفس كدة وهو باين عليه الضيق، عاينت ليه مسافه قلت ليه مالك؟
قال لي انا؟ ماف شي
سكتت، وهو وبقى يمسح في جبهتو والحركه دي م بعملها الا وهو متضايق
وصلنا البيت، فتح لي الباب دخل معي ولع لي الأنوار وقال لي بنتظرك برة شوفي احتياجاتك واطلعي
قلت ليه ماشي،
في كدايس فجأة جو يتشاكلو في نص الحوش وانا كنت داخله على الهول ف وقفت
ضحك وقال لي بنتظرك في الحوش هنا طيب يلا اسرعي،
دخلت اول حاجه عملتها استحميت بسرعه والجو بارد والمويه ابرد، شلت عراريق وسراويل خفيفه لي ابوي عشان جسمو بسخن، وشلت ملابس لي امي ومهند لبست عبايتي وجيت طالعه وانا برجف،
قال لي خلاص؟ قلت ليه ايوة، وعلى فكرة ممكن تدخل تستحم لْۆ عايز وكدة، قال لي لٱ انا استحميت قبيل احمد جاب لي غيارات في العربيه
قلت ليه ټمٱم طيب يلا، طلعنا وانا اسناني بتضرب في بعض وكلام م قادرة اتكلم، اول م ركبنا سمع صوت اسناني قال لي بردانه ولا مالك انتِ استحميتي؟
هزيت ليهو راسي
قال لي حمام انتحاري عديل في برد زي دة
قلت ليه اعمل شنو ريحتي كلها مستشفى مستشفى،
ضحك وقال لي ودي كيف دي؟ دقيقه،
رجع لي ورا في شنطه فتحها طلع منِْها حاجات كتيرة ٱڅڑ حاجه قال لي هاك، دة جاكت برد جابو لي احمد مع الملابس
قلت ليهو لٱ خليهو انت حتحتاجو اكيد دة م برد زول يمشي فيهو ساي و...
فجأة لقيتو بلبسني ليهو وبقول لي بتحبي تصرفي عربي كتير في حاجات م بتسوى، وهو مقرب مِڼّي وبلبسني ليه انا جمبو زي الشافعه، واعاين لي مرة ومرة ازح وشي منو،
بعد م دخل لي يدي فيهو قال لي كدة ټمٱم وحتحسي بنفسك افضل، ودة المكيف قفلناهو والقزاز كمان م حنخلي فِيَه منفذ،
فجأة في زول دق باب العربيه
سامر عاين لي ونزل القزاز
سلام عليكم
كان عمو اسماعيل
قلت ليهو اهلين عمو اسماعيل گّيَفْ الّحّال ٱن شْاءِ اللٌہ بَخّيَرٌ؟
سامر قال ليهو مرحب السلام
عمو اسماعيل قال لي في شنوو مالكم ي ناس، حاج الصادق مالو ليكم يومين غايبين واظن قالو عيان خير؟
قلت ليهو والله ي عمو ابوي تُعباُنٌ شديد للإسف والكلى ضمرت
قال لي لٱ حول ولا قوة الا بالله، متين ووين هسي هو وليهه ماف زول كلمنا ياخي معقوله؟
قلت ليه كل شي حصل فجأة والله ي عمو تعب بس سقناه ومسكوه هناك
قال لي في اي مستشفى؟
قلت ليه مستشفى ال..
قال لي ماشين انتو هسي؟ سمح استنوني جاي معاكم، لٱ حول ولا قوة الا بالله معقوله م بتكلموني بحاجه زي دي حاصله مع اخوي؟
قلت ليه خليك ي عمو وتعال بكرة الصباح هسي م بدخلوك لانو ماف زيارة
قال لي سمح وين قلتِ لي مكانكم؟
قلت ليه مستشفى ال...في العنايه،
قال لي اكتبي لي رقمك كدة،
بقى يقول ي شافي ي معافي، اللهم اشفه شفاءً لٱ يغادر سغماً ي •اللّہ̣̥ ترفعو،
نبرتو وهو بدعي حسستني انو صح ابوي دة وضعو صعب دة بالحاله م شاف شكلو بعينو
سجلت ليه الرقم، قال لي بكرة بدري بكون معاكم بإذن •اللّہ̣̥ تعالى،
اتحركنا، قلت بنبرة حزينه بالحاله م شاف شكلو بدعي كدة لْۆ شافو حيعمل شنو سامر قال لي ي شهد الناس بتمشي للموت وبففقدو فيهم الأمل وبعيشو، كل العلينا انو نحن نوكل امرنا لي •اللّہ̣̥ بس
قلت ليه ونعم بالله
قال لي حاولي تاكلي حاجه قبل م.نصل المستشفى يلا، ولو بسيط ي شهد حاولي، جوع وبرد الاتنين م بجو، يلا اسمعي الكلام
شال كرواسون ومداهو لي، لما م شلتو وفتحو ورجع مداهو تاني وهو ساكت وبعاين لي، شلتو، قال لي م تمسكيه في يدك اكلي واسمعي الكلام يعني انا مستغرب زول بحنسوه في بطنو، حتى لْۆ م عايزة لآزٍمٍ تاكلي م سمعتي ب حاجه اسمها تعلم اساليب البقاء؟ بديت اكل علشان اسكتو مِڼّي بس واندحت لغايه م خلصت الفي يدي كلو لمن خجلت قدامو
وصلنا المستشفى، م كان في طريقه ندخل طبعاً اتصلت على احمد جا طالع لينا برة، احمد قال لي اعمامي وعماتي وحبوبه جو
لمن حسيت بكتمه نفس، قلت ليه وين هم هسي؟
قال لي جوة
قلت ليه دخلو كيف؟
قال لي حبوبه وقعت ف شالوها دخلوها والبقيه دخلو رجاله نظام امهم وم بخلوها براها حيرو بتاع الامن زاتو
سامر ضحك
قلت ليهو وهسي حبوبه كيف؟ قال لي شديدة ولضيضه الوقعه دي حركه م̷ِْن حركاتها ساي، المهم هم م حيقعدو حيطلعوهم اكيد، ف شنو هاك، طلع لي قروش قال لي جيبي ليهم عشاء ټمٱم و...
سامر قاطعو قال ليهو ي حبيب شنو الحركات دي جيبي ليهم عشاء وبتاع، احترمني شويه
احمد قال ليهو لٱ م..
سامر قال ليهو.خليك مع الجوة المستشفى مع عمي وصحتو، البرة ديل خليهم علي م تخاف عليهم، يلا ادخل وصل الحاجات دي للجماعه جوة وم تشيل همهم،
مهند قال ليهو تسلم ي كلس م بتقصر عارفك والله بس م دايرين نتعبك معانا كمان يااخي،
سامر قال ليهو اتوكل يلا كأنك م قلت شي،
بقيت اعاين لسامر، مهند دخل عاين لي لقاني بعاين ليه،
قلت ليه جد انت م قصرت ولغايه هناك جزاك •اللّہ̣̥ خير و..
قال لي اركبي العربيه يلا، وانا لسه بعاين ليه، قال لي يلا ي شهد
ركبت واتحركنا، مشينا مطعم كدة نزل وقال لي الجو بارد خليك في العربيه، مشى عدى قريب النص سَآعهْْ وجا راجع شال اكياس،
قال لي جدجد يعني برد برد شايل عيالو وجاي
قلت ليه اديك الجكت؟
قال لي لٱ
وصلنا المستشفى لمحتهم م̷ِْن بعيد اعمامي وعماتي ومعاهم نسوان اعمامي الما بغبوني
قلت ليهو ياهم قاعدين قدام المستشفى،
قال لي ټمٱم انتِ انزلي شيلي معاك الاكياس دي وانا بلحقك
قلت ليه طيب
نزلت شلت اكياس الاكل ومشيت عليهم،
سلمت عليهم واخدوني بالاحضان والببكي ببكي،
واحدة م̷ِْن عماتي قالت لي ليهه م بتكلمونا م̷ِْن اول يوم انتِ وامك، اخونا م̷ِْن لحمنا ودمنا في حاله زي دي ونحن م نعرف الا متأخر، اها كان مات برضو كنتو حتحدثونا بعد الدفن ولا كيف؟
واحدة م̷ِْن نسوان اعمامي قالت ليها ايا والله كتر خيرو مهند الحدثنا
عمتي قالت ليها دي وامها ما فيهم خير ولا بركه حسبي •اللّہ̣̥ ونعم الوكيل فيهم
عمي التاج نهرهم وقال ليهم دة م وقتو بشلتكم هسي برجعكم مكان م جيتو، م اسمع لي صوت واحدة فيكم نسوان نقناقات وم فيكم بركه،
عمتي قالت ليهو هي گلآمَييّ م صح؟
قال ليها كان فتحتي خشمك دة بحت ليك طقم اسنانك دة كلو بالعكاز دة، الناس في شنو وانتو في شنو؟جيتكم اخير عدمها
قلت ليهم دة العشاء و...
فجأة سمعت صوت بقول السلام عليكم،
اتلفت لقيتو سامر،
قالو ليهو وعليكم السَلٱمٌ عَلْيگمّ-ۈرحْمٌّة ٱللّہ ۆبُرگّاتہ، سلم على اعمامي والرجال المعاهم ورفع يدو للنسوان، كان شايل فرشتين حقات ارض، فرشهم ليهم
عيني على عماتي كلهم شايفاهم بتوشوشو طبعاً دة موضوع بالنسبه ليهم
عمي التاج قال ليهو بارك •اللّہ̣̥ فْيَگ ي ولدي، انت صاحب مهند ولا شنوو؟
انا سكتته وسامر سكتت وعاينت لي عماتي لقيتهم بعاينو منتظرين الرد بتاعو،
فجأة جات واحدة قالت: السلام عليكم، اها ي ولدي م قلت لي كلهم شاي ولا جبنه ولا شنو عشان اجهزهم؟
سامر قال ليها شوفي كل زول بطلب شنو
قالت ليهم اها ي جماعه شاي ولا قهوة،
كل واحد فيهم طلب حاجه، وبدو يتعشو انا قعدته بعيد، وسامر في اتجاه تاني ماسك تلفونو، لغايه م الليل دخل في البرد داك كلهم نامو في الفرشات،
وانا م بين نايمه وصاحيه تلفوني ضرب، رفعتو لقيتو سامر، بقيت اتلفت شيايفاه قصادي من بعيد،
فتحت الخط، قال لي الجو بارد شديد قومي تعالي العربيه،
قلت ليه لٱ م بردانه انا
قال لي شهد لٱ إله الا •اللّہ̣̥، دة برد بس برد ومعاه غبار كمان، قومي ي شهد اسمعي الكلام وم تعاندي،
قمت مشيت عليه فتح لي باب العربيه،
ركبت رجع لي الكرسي لورا ٱڅڑ حاجه وقال لي يلا كدة ټمٱم، نومي واخدي راحتك
عايز ينزل قلت ليه وانت ماشي وين؟قلتها ليه بطريقه غريبه كدة وبنبرة خوف
قال لي البرد والسهر دة شغلتنا كمان، ماشي اشرب لي كبايه قهوة وكدة للصباح، المهم العربيه دافيه ولو حسيتي نفسك بردانه الشنطه الورا دي فيها اقمصه كُم كامل تقدري تدبليها مع الجاكت دة
حسيت اني عايزة اقول ليه خليك م تنزل لأنو جد الجو برد برد مع غبار وتراب بس م قدرت وخليتو ينزل بملابسو الخفيفه ديك مشى على خالتو بتاعه القهوة وقعد جمبها، وانا براقب فِيَه وهو قاعد وماسك تلفونو ولا متأثر، م عارفه شرب كم كبايه بس حرفياً قلبي وجعني عليه وم نمت الا في ساعات الصباح الاولى
فتحت عيوني ونزلت م̷ِْن العربيه شايفه اهل ابوي كلهم قاعدين وبشربو في الشاي اظن، وعيون عماتي علي،
مشيت قلت ليهم صباح الخير
قالو لي صباح النور
واحدة م̷ِْن نسوان اعمامي قالت لي م حرام عليك تنومي في العربيه المكندشه دي وتخلينا نحن للسفايه والتراب دة؟
عمتي ضحكت و قالت ليها اجي انتِ مطلقه يختي؟ كدة جربي تطلقي م̷ِْن اخوي دة وشوفي احتمال يتغير معاك بعد الطلاق وترجعو احسن!!
قالت ليها اجي هو و انا مرتو م اتغير معي يتغير معي وانا طليقتو؟
عمتي قالت ليها الحرام دة م طعمو براه بقولو كمان
اتغاضيت عن كلامهم واتحركت من جمبهم مشيت على بوابه المستشفى قلت للأمن ممكن ادخل؟
قال لي اتفضلي، دخلت،
مشيت على مكان ابوي مرقد، لقيت سامر ومهند وعمي التاج واقفين،
عمي قال ليهو انا زاتي بعمل الفحوصات والفيها الخير ربنا يسهلا،
مهند قال ليهو بإذن •اللّہ̣̥ خير
قلت ليهم صباح الخير ابوي اصبح كيف احسن؟ نتايج الفحوصات طلعت ي مهند؟
قال لي لسسه،
مشيت على غرفه ابوي سامر قال لي شهد وجا وراي،
قلت ليه ڼعمْ؟ً
قال لي نايم هسي خليهو، امك زاتها م معاهو حجزنا ليها غرفه تحت عشان ترتاح فيها ممكن تمشي عليها
قلت ليه م عايزة اتكلم معاه عايزة اشوفو بس
سامر قال لي اقل حركه بتصحيه وهو محتاج راحه الدكتور قال ف ممنوع الدخول اساساً اسمعي الكلام،
قلت ليه طيب امي في اي غرفه تحت؟ قال لي رقم 37
نزلت مشيت عليه لقيتها راقدة م بين نايمه وصاحيه، قالت لي جيتي؟
قلت ليها اصبحتي كيف؟
قالت لي الصداع داير يكسر راسي، جبت ليها مويه وحبوب، قالت لي عماتك واعمامك ديل دايرين زول يقيف فيهم، يطبخ ليهم ويجيب ليهم الشاي والقهوة والا بكرة يشيلو حالنا
قلت ليها في الحالتين شايلنو
قالت لي ي بتي نحن نعمل الصح الباقي م علينا بيهو، قلت ليها امي هسي دة وضع يفكرو فيهو في اكل نحن الفينا مكفينا م ناقصين، هم الساكنين في الخرطوم ديل ليه م يعملو اكل ويجيبوه معاهم نحن في مرض ابوي ولا نشتغل ليهم خدمات؟ قالت ليّ شيل الحال ي بتي شيل الحال، المهم هسي امشي البيت شيلي اشتري خضار شوفي الناقص واشتريهو التلاجه عموماً ملانه واطبخي املي الحلل وستفي كم عمود جيبيهم،
قلت ليها طيب حاضر،
قبل م اطلع اتصلت علي جمانه، قالت لي ي بت انتِ وين لٱ واتسب، ولا بتردي مكالمات
قلت ليها في المستشفى ي جمان ابوي عيان شديد ومرقد
قالت لي كذابه، واي عمو مالو واي مستشفى؟قلت ليها الكليتين فشلو ي جمان، قالت لي لٱ حول ولا قوة الا بالله، هسي كيف وعملتو شنو؟ قلت ليها حيتبرع مهند، منتظرين النتائج بس، قالت لي وين وين اي مستشفى جايه عليك، قلت ليها في مستشفى ال...لَگِنْ راجعه على البيت، عايزة اطبخ
قالت لي خلاص بتحرك اجي عليك في البيت،
قلت ليها طيب ټمٱم منتظراك
طلعته لقيت مهند وسامر جاين علي، مهند قال لي امي نايمه؟
قلت ليهو مصدعه قالت لَگِنْ شبه نايمه، قال لي ماشه على الجماعه ديل برة
قلت ليه لٱ انا حأمشي البيت اطبخ وكدة، انت امشي عليهم وظبط ليهم موضوع الفطور لانو الزمن ضيق
قال لي ټمٱم،
تعالي، ساقني على جنب وطلع لي قروش اداني ليها، قلت ليه معي حقات امس، قال لي خليهم معاك يمكن ينقص ليك شي، وانتِ جايه جيبي معاك اغطيه للناس دي ملايات تقيله او اي شي
قلت ليه طيب حاضر، مهند دخل لي امي وانا اتقدمت
سامر قال لي يلا خليني اوصلك
قلت ليه لٱ خليك بمشي براي عِن.̷̷̸̷̐ديّ دخله للسوق
قال لي ټمٱم واتقدم قدامي،
طلعنا برة ركب العربيه واتحرك عمل يوتيرن وجا وقف بيها قدامي ونزل القزاز قال لي يلا اهلك بعاينو لينا م تركبي راس اسمعي الكلام، فتحت الباب وركبت،
بقى يعطس، قلت ليه بردان
قال لي لٱ بس الغبار،
مشينا السوق دخل اشترى معي الحاجات كلها وم خلاني ادفع جنيه، ونحن طالعين اتصلت علي جمانه قالت لي جمب البيت انا انتِ وين؟ قلت ليها قربت اصل،
سامر ضحك
قالت لي اقعد وين؟
قلت ليها مظله ابوي دي خليك جمبها بس بجي عليك هسي
بعد قفلت قال لي لْۆ عرفتك انتِ وين حتموت
قلت ليه طيب وصلني سريع
قال ليّ بس كدة؟ طيب حاضر
في دقايق وصلني، قال لي اجيكم الساعه كم انا ماشي على البيت استحم واغير وكدة
قلت ليه امشي ارتاح واخد ليك نومة، نحن بنرجع برانا
قال لي بعد 3 ساعات كدة بكون هنا الوقت داك بتكونو جهزتو،
نزلت لقيت جمانه واقفه ومن الزعل وشها كلو احمر،
قالت لي لٱ بالله لسسه بدري و اول م شافت سامر سكتت،
سلم عليها،
دخل لينا الاكياس البيت وهي بتقرص فيني وبترفع لي في حواجبها
لما جا طالع قال لي يلا زي م قلت ليك بجي عليكم بعد 3 ساعات كدة بتصل عليك بنبهك خلي تلفونك جمبك
قلت ليه طيب ماشي اول م اتحرك قالت لي هو مالو كل مرة ببقى اتراكتيڤ كدة؟
بقيت اعاين ليها
قالت لي نساني مرض عمو، المهم حمدلله على سلامتو كيفو هسي ان شاءالله احسن؟طمنيني
قلت ليها م شديد
قالت لي كيف كيف؟
قلت ليها تُعباُنٌ بجد ي جمانه، وحرفياً كدة وبدون مقدمات انتكس كدة ودي اول مرة يصل الحد دة، ي خوفي تحصل ليه حاجه ي جمانه انتِ متخيله لْۆ ابوي دة حصلت ليهو حاجه انا ممكن اللقط ورق م̷ِْن الشارع عديل؟،
حضنتني قالت لي حبيبي، حاسه بيك والله م تقولي كدة، خلي إيمانك بربنا كبير وان شاءالله يقوم بألف خير وسلامه، م محتاجه تحكي لي احساسك بفقد الابو، لأنو الوجع دة انا م قدرت بعدو اخطي خطوة، عارفه ي شهد مهما الزمن مشى بتحسهو واقف، حياتك بتحسيها واقفه، ضهرك بتحسيهو مكسور، ما مأمنه لي شي لٱ للدنيا ولا لي شي، بتخافي يحصل معاك شي لانك عارفه م عندك البقيف فْيَگ وكان في م بكون زي ابوك، طول م ابوك جمبك بالنسبه ليك كل شي محلول مهما بلغت عظمة الحاجه الانتِ مارة بيها هي حتكون هينه بالنسبه ليك لانك ضامنه وجود ابوك جمبك
وهي بتتكلم معي وبتبكي بقيت انا اهدي فيها..
بدينا نشتغل وهي بتساعد فيني، قالت لي سامر معاكم م̷ِْن متين؟
قلت ليها ليه يومين
قالت لي بغض النظر عن العملو بس جنتل ع فكرة
سكتت وقلت ليها اخوك م طلع م̷ِْن السجن صح؟
قالت لي لٱ ي بت الا 6 شهور ع حسب كلام صخر،
قلت ليها وبعدها؟
قالت لي دة المخوفني ي شهد لانو دة م حل، دة شي مؤقت بس
قلت ليها واجهيهو، واحكي لأخوانك شوفي اقرب واحد ليك فيهم واحكي ليهم، قعديهم في الارض وختيها ليهم بالنقطه والشوله
قالت لي صعبه م بقدر وامي قالت لي م عافيه ليك لْۆ اتكلمتي تخيلي؟
قلت ليها ي زوله امك عفو •اللّہ̣̥ بتعرف ليهو شنو وهي مستبيحه حاجه زي دي؟والحصل ليك ممكن يحصل لواحدة م̷ِْن اخواتك، اتكلمي مع اخوانك على طول
قالت لي عمر حسس بي م ټمٱم وجا واتصل علي قال لي اجهزي عايزك في مشوار، عزمني طلعه وحاول يفهم مالي والناقصني شنو وموالات زي دي بس م قدرت احكي ليهو
المهم هسي علشان م اقعد في البيت وكدة على بال م الجامعه تفتح نزلت لي كورس بتاع لغه فرنسيه في معهد، بطلع م̷ِْن الصباح برجع المساء وامي م بتقدر تسألني مشيت وين ولا عملت شنو
قلت ليها ي ستي ان شاءالله بتهون وربنا بفرجها م̷ِْن عندو واخوك ان شاءالله ربنا يسخطو اكتر م هو مسخوط، بس جد جد ي جمانه يمكن م اخوك يعني الحاجه دي م بتدخل العقو اخو و..
قالت لي شهد انا وعمار نسخة م̷ِْن بعض، ملامح على شكل على غيرو لما الناس بتسألنا انتو توأم؟ بيتنا م فيهو زول م بشبه التاني
بقيت اعاين ليها قلت ليها فعلاً بتتشابهو ودة البحير هنا،
قالت لي عارفه ي شهد بقيت اخاف ي شهد، اخاف م̷ِْن الدنيا دي كلها م قادرة حتى اتعامل مع زول بشكل طبيعي، هسي ركبت مواصلات رغم انو معي قروش الترحال بس براي وفي عربيه مقفوله وراجل؟ بالليل بقت تجيني هلوسات لمن بتشنج م̷ِْن الخوف ي شهد وملابسي بلقاها زي الكاشحين فيني مويه، والحمام بأمنو علي، والغرفه بقفلها حتى انوم والمزعلني اكتر اخواتي م عارفيني انا عايشه شنو، وامي العارفه وعارفه وضعي ي شهد م جربت حتى تتطبطب علي وفي نفس الوقت م بتغمض ليها عين علشان ولدها الوصلني الحاله دي في السجن
ختيت الفي يدي وحضنتها، قلت ليها انا هنا وعارفه انتِ مارة بشنو واسفه شديد لأني مقصرة في حقك بس والله مدسوسه في دعواتي دايماً معاك للأبد وقت م احتجتيني، تعالي اقعدي معي الفترة دي دامو ماف،
قالت لي اخواني البقيه م برضو، عارفه والله ي شهد وإلا م كنتِ اول واحدة فكرت اللجأ ليها، كفايه علي سؤالك عني واهتمامك بي، والعملتيهو انتِ وصخر حسن في وضعي كتير حتى لْۆ حل مؤقت على الأقل اعدي الفترة دي علّى خير
قلت ليها بتعدي بإذن •اللّہ̣̥ تعالى حنعديها مع بعض ومهما ضاقت بتفرج، قالت لي يلا هي اسرعي راجلك هسي بجي
قلت ليها قصدك طليقي حبيباه اظنك نسيتي
ضحكت قالت لي حترجعو ي شهد وتفي في وشي لْۆ م رجعتو وانا مستنيه اليَوُمًًِ دة
قلت ليها احسن نرجع شغلنا علشان م اشخطك 111 هسي في وشك دة
خلصنا شغل وفي ملابس غسلتهم، وهي عملت كيك واخدنا لينا نومة صحيت مخلوعه بصوت التلفون بضرب، رديت بخلعه الو؟
سامر قال لي بسم •اللّہ̣̥ مالك نايمه ولا شنو مخلوعه كدة؟
قلت ليه ايوة شبه نمت
قال لي جاهزين اجي عليكم ولا اخليكم تاخدو نومتكم؟
قلت ليه لٱ تعال،
قال لي ټمٱم، قفل وتاني رجع لي، قال لي اسمعيني حاولي أُكلي في البيت طيب؟
قلت ليه ټمٱم
قمنا استحمينا صلينا العصر على بال م.نجهز هو جا
وصلنا المستشفى نزلنا الاعمدة والحاجات وديناها على مكان عماتي قاعدين، وكنت جايبه ليهم ملايات واغطيه وكم مخدة،
عمتي قالت لي گلآمَگ دة يعني م تجو البيت ولا شنو؟
قلت ليها بحماقه ليهه فهمتي كدة؟
قالت لي عشان قمتي ماشه م̷ِْن هنا وشايفانا قاعدين بسجم رمادنا دة م̷ِْن امس كان تقولي لينا ارح ارتاحو ساي واستحمو وغيرو ملابسكم وتعالو راجعين، ولا عشان معاك فلان الطالعه ونازله معاهو ساي دة، م تنسي دة بيت اخوي، لمن يكون بيت راجلك و لمن تبقي مرة مع النسوان وتمسكي ليك في راجل وم تطفشيهو م̷ِْن العقد بعدين تعالي اعملي حركات البنات دي
قلت ليها ټمٱم ومشيت خليتها ودموعي في طرف عيني
جمانه جات وراي قالت لي دي مالها مقابلاك؟
سكتت، م̷سكتني قالت لي شهد بدل تردي عليها بتسكتي وتتبكي انتِ غبيه؟
مسحت دموعي سامر جا علينا لما شافني بمسح في دموعي اتلفت منو،
قال لينا خير؟
قالت ليهو ماف شي اتضايقت شويه بس
قال ليها م̷ِْن؟
سكتت
قال لينا طيب تعالو ادخلو زمن الزيارة دة اصلا، كناً شايلين حاجات لناس امي دخلناهَا بالتحنيس، وصلنا غرفه امي وحبوبه، جمانه سلمت عليهم وقعدنا، قلت ليها حأمشي اشوف ابوي،
امي قالت لي ممنوع هسي منعونا نشوفو
قلت ليهم ليهه؟
قالت لي بس كدة قالو ي نلتزم والا م حيدخلونا تاني لْۆ عاندنا
مهند وسامر جو داخلين مهند قال لينا ابشرو بالخير الفحوصات حقت الانسجه طلعت مطابقه، بقدر اتبرع لأبوي بالكليه، وعمي التاج برضو فحوصاتو مطابقه،
قلت ليهو.جد ي مهند؟ وقمت حضنتو وانا ببكي وبقول ليه الحمدلله، الحمدلله ي رب
امي بقت تبكي وتقول الحمدلله الف حمد وشكر ليك ي رب،
قلت ليه طيب حيعملوها متين؟
قال لي على طول خلال الاسبوع دة قالو بس حيحددو الزمن وكدة،
قلت ليه طيب حلو، الحمدلله يارب
فعلاً مواعيد العمليه اتحدد، يومين واليوم التالت كانت العمليه علشان في فحوصات كانت بتتعمل لمهند،
كل م المواعيد تقرب كل م التوتر بزيد، يوم بكرة العمليه جيت عايزة ادخل لي ابوي منعوني، ومهند قال لي سامر قاعد بلعب مع ابوي ليدو في الغرفه، اتناقشت مع الامن لغايه م سمح لي ادخل، لقيتهم بضحكو وبتونسو ساي، عِن.̷̷̸̷̐ديّ كم يوم م شوفتو وقلبي اتشق نصيني لما شوفتو، ابوي بقى عبارة عن قطعه قماش لونها اسود، وملامح غريبه م ياهو ابوي ولا ياها ملامحو، ابوي الشاب السمح الملان هيبه بقت ملامحو ملامح زول عمرو 100 سنه ولفوق،
م قدرت اخفي ملامح صدمتي بشوفتو
قال لي المبروكه بصوت خافت
تعالي كدة واقفه مالك،
الغنيه ديك بتقول شنو؟
ا بقيت تمر بينا، ومحال تجي علينا..
ليك كم يوم م جيتي على ابوك صبحتي عليهو؟قلت ليهو قول الكلام دة لنفسك اصلاً انا الزعلانه مڼڱ م قاعد تقول ليهم عِن.̷̷̸̷̐ديّ بت لْۆ جات دخلوها لي طوالي، م عندك لي زمن لَگِنْ عندك زمن تلعب ليدو وبتاع
مد لي يدو عاينت ليها كانت م في شكلها الطبيعه، حاجه كدة منفوخه ومتورمه
سامر كان بعاين لي، ضحك، ابوي ضحك معاه وقال ليهو شوف الغيرهه دي بتبقيها سمحهه كيف بالله
سامر قال ليهو شغاله خدمات للجماعه برة عشان كدة م بتجي عليك
ابوي قال ليهو تقاطعهم طوالي، اوعى تكوني ماسكة خدمة الناس دي كلها براك؟
مسكت يدو وحضنتو باسني في راسي مسافه وهو ساكت، قال لي كلها ساعات بس ي ارتحتو انتو م̷ِْن المستشفى وجريها ي كمان اراد •اللّہ̣̥ و ارتحت انا م̷ِْن الدنيا دي كلها،
قلت ليه ابوي م تقول كدة ياخي
قال لي ي بتي اها إرادة ربنا في شي فوق ليها؟ الموت دة كان جا م بدي خبر
كلام ابوي عن الموت بخنقني، دموعي جات جاريه قلت ليه انت خلاص م تتكلم عنو بس
ضحك وقال لي سمح سكتنا عاين لسامر وقال ليهو شايف حكم القانون دة كيف؟
بالليل سامر لقاني قاعدة على جنب وماسكه سبحتي وبسبح وببكي،
قعد جمبي،
قلت ليهو مهند مع الدكتور لسه؟
قال لي ايوة، كيف انتِ؟
سكتت
قال لي هاك
عاينت ليه
قال لي عارفك طالما قاعدة هنا معناها بتبكي لمن مصدعه اكيد، دي حبوب ومويه اخدي حبه واشربي مويه، حأمشي م̷ِْن الكشك داك اجيب شاي باليانسون بروق الاعصاب بيقولو كدة،
فعلاً كنت مصدعه اخدته حبه شويه كدة جا راجع قال لي هاك، اخدته منو الكبايه
قال لي ان شاءالله يوم بكرة دة حيعدي على خير وعمي ربنا برفعو بإذن •اللّہ̣̥
قلت ليه طيب ليهه انا عِن.̷̷̸̷̐ديّ احساس غير كدة؟
قال لي حاولي تفكري بصورة إيجابيه ي شهد
قلت ليهو حاولت بس كلامو برجعني نقطه الصفر
بقى يعاين لي قال لي كل م بسطتي الحاجه جواك وقللتيها كل م تجاوزها بقى ليك اسهل صدقيني
سكتت مساااافه حتى
قلت ليه انت بتعمل كدة؟
قال لي ايوة
قلت ليه في حاجه اي حاجه؟
قال لي اي اي حاجه مهما بلغت شدتها وعظمتها عندي
قلت ليه بقى عندي فضول اعرف انت قللتني لأي درجه جواك لمن هنت عليك و اتجاوزتني بسهوله كدة؟
سكتت
وانا زاتي سكتت واتخلعت م̷ِْن نفسي وانا بقول الكلام دة علشان لٱ دة وقتو ولا مكانو المناسب ولا في سبب منطقي يخليني اقول ليه كدة، فجأة الجو اتوتر م بينا، وحصلت لحظِهّ ; .. صمت بعدين جاتو مكالمه شال تلفونو واتحرك مشى وانا عضيت صباعي م̷ِْن الزعله، هسي حيقول علي شنو عايزة استغل الوضع وبتاع بقيت شايفه كرامتي قاعدة على جنبي وبتبكي
م نمت للصباح، صباح اليَوُمًًِ مشيت على مهند لقيتو مجهزنو للعمليه، اتونست معاه شويه اتصلت علي جمانه قالت لي في باب المستشفى جايه عليك وين انتِ؟قلت ليها فوق، مشيت على غرفه ابوي لقيت واقفين فِيَه دكاترة وممرضين وعمي التاج وسامر وقفت في الباب م قدرت ادخل بقيت اعاين ليه م̷ِْن بعيد ودموعي على وشك تنزل، م كنت حاسه إني حأشوفو تاني، كانو بلبسو فيهو وهو بتونس معاهم وبضحك عادي، سامر لما شافني جا علي ومسكني م̷ِْن الباب وطلعني برة،
قال لي اتفقنا على شنو؟ مش قلنا م ينفع يشوفك وانتِ بتبكي؟
قلت ليه م قادرة ي سامر، حاسه نفسي م حأشوفو تاني، خايفه، خايفه عليهو شديد م̷ِْن العمليه دي، خايفه م̷ِْن كلامو البقولو انت م سامعو بقول في شنو؟ ابوي داخل مستسلم، م عندو رغبه في الحياة دي وبتكلم عن موتو انت فاهم ي سامر؟
انا سمعتو امس وهو بقول ليكم جيبو لي كفني هنا وكان مته م ترجعوني البيت ومن هنا طلعوني للمقابر على طول سمعتو ي سامر سمعتو انا، بقولو انو الزول المودع بكون شايف موتو بعينو وبتكلم عنو كتير، اها ابوي دة الشايفو لانو ياما مرض وياما تعب عمرو م كان بذكر الموت كدة، عمرو م كان بتشهد في الدقيقه مليون مرة كدة، هسي سمعتو بقول للدكتور م تنسى تشيلني الشهادة زي م وصيتك وختيتها ليك في زمتك،
اقرب غرفه سامر جراني دخلني فيها وضماني عليه وهو ساكت مسافه، بعدها قال لي ممكن تهدي وتطلعي الأوهام دي م̷ِْن راسك؟
مالك ياخي قلنا ليك حيطلع بألف سلامه، حاولي روقي ي شهد واستغفري خوفك عليه مُبرر ومتفهمك انا، ابكي وقولي العايزاه هنا في اللحظه دي بس اول م نطلع م̷ِْن هنا عايزك تمشي تتكلمي معاه وتبسطي عليه الموضوع انتِ لأنو بي قدرتو الفيهو دي حيدخل العمليه وملامحك م بتغيب عن نظرو لحظِهّ ; .. م حتكوني خايفه عليه اكتر م̷ِْن خوفو عليك م̷ِْن الدنيا دي كلها
وبعدين انا هنا جمبك مشيت وين يعني؟ م حخليك ابداً
كنت ببكي وانا م واعيه انا وين بالضبط واخدته كم دقيقه في المكان الضيق دة، بس كان كفيل بي انو يخليني اهدأ للحظهه
حسيت بيه وهو برفع في راسي وبمسح في دموعي وبقول لي يلا عشان الزمن م نلقاهم طلعوه ...
❖
حقيقةً الوالد هو البربي، وحقيقةً القرابه عمرها م كانت بالدم بس، وصدق القال العندو بت م يخاف على نفسو في الدنيا، فعلاً البنات في بلدنا بيوت، م شفت خوف م̷ِْن الفقد زي خوف شهد على ابوها، على قدر م حاولت لقيت نفسي فاشل تماماً في اني اهديها واطمنها، ماف شي كان ممكن ينجح في انو يهديها او طمنها غير شوفه ابوها قدامها، دخلت على ابوها الغرفه وم خلت مكان في راسو ويديهو م باستو، اترمت في حضنو واخدت ما اخدت م̷ِْن الزمن وهي حاضنه دموعها في عيونها برضو،
كل القالتو ليه مستنياك هنا انا،
حقيقي تخيلت حجم الحال الحقيقي الممكن تكون فِيَه لولا قدر •اللّہ̣̥ ابوها دة حصلت ليه حاجه،
انفجرت بكا بعد م طلعوه، وم هدى ليها بال ووقفت بالساعات الطوال وهي ماشه وجايه بين المصلايه والمصحف والسبحه في يدها وسؤالها عن الزمن والحاصل، كنت بين لحظِهّ ; .. والتانيه بمسكها بقعدها وبمسك يديها بعاين ليها ولحالتها ف بغلبني القول لانو ماف شي كان قادر يهديها، بتقول لي م قادرة خليني اتمشى ي سامر
لمن طلع الدكتور وبشر بنجاح عمليه الزراعه م شفتها بتجري او بتبكي، شفتها ساجدة وبتبكي، جيت اتكلم م لقيت شي يتقال والأولى كان اني اضمها علي في اللحظه دي وانا ساكت!
❖
الحاجه الكان ممكن افقدها لولا قدر •اللّہ̣̥ وبابا حصل ليهو شي ما اظن عمري كلو اقدر القاها، عشت سنين طويلة خايفة من فقدو احساس سماعي للدكتور وهو ببشر بنجاح العمليه شال مِڼّي خوف السنين ديك كلها، اخيراً ابوي حيرتاح، م حأشوفو بغسل تاني، م حأشوفو بتألم بالساعات، م حأشوف لونو شاحب، احساس انو هو طلع كويس وحيبقى كويس دة كان كأني امتلكت الجنه
كنت بسأل سامر هو كويس؟ بقول لي ايوة،
طيب مهند كويس؟
بقول لي كمان ايوة الاتنين كويسين،
م كنت قادرة اوقف بكى،
جمانه جات بقت تتكلم معي وبتهدي فيني وبتبكي في نفس الوقت قالت لي:
المفروض تضحكي وتنبسطي ي شهد وتحمدي ربنا الف مرة صدقيني زي م بقول ليك كدة
في حاجات كتيرة عشتها في حياة بابا بعد موتو ربنا يرحمو عمري ما حلقاها تاني زي الامان الكان موفرو لي، عمري م اتوقعت في يوم انو يجي يوم وافقدو ابدا، هسهً حعيش للأبد بالم فقدو..
ما قادرة اوقف الالم الانا حاسه بيهو مهما شغلت نفسي بحاجات تانيه ومهما حصل معي بجي صوت بزكرني انو هسه مافي واني فقدتو للابد فقدت الانسان الوحيدالبحبو وبحبني وبقيف فيني وبحميني ولْۆ خدشتني شوكه بزعل علي.. فقدت ظهري وسندي الوحيدين فالحياة دي، مافي وجود فالحياة دي حينسيني او يعوضني غياب ابوي ي شهد ف شنو علشان كدة بقول ليك انبسطي انو ربنا كتب ليهو عمر جديد لْۆ العمر بينشرى انا اول واحدة بشتري لبابا عمر اضعاف عمرو المات بيهو
❖
اتطمنا علي مهند بس م خلونا نشوف ابوي
نهايه اليَوُمًًِ جمانه قالت حتمشي البيت، المستشفى كان ملان بأهل ابوي وامي كلهم كانو واقفين،
قلت ليها طيب ممكن سامر يوصلك،
قالت لي لٱ بركب مواصلات،
سامر قال ليها خليني اوصلك؟
بقت تعاين لي قالت لي لٱ ي شهد خليكم اصلاً المستشفى ملان وكدة، بحتاجوكم
قال ليها طيب أأجر ليك عربيه م اشكال
قلت ليهو لٱ خلاص عاين نحن نوصلها مع بعض
بقى يعاين لي،
قلت ليها جمانه بدون نقاش لانو الدنيا ليل ټمٱم؟
طلعنا ركبنا سامر اتحرك وسايق بأقصى سرعه، وصلناها قالت لينا شكراً لي بكرة ان شاءالله
قلت ليها م تتعبي نفسك م قصرتي،
قالت لي بطلي هبل ويلا
بعد م اتحركنا كان لآزٍمٍ ابرر لسامر الموقف، ف اتجبرت احكي ليه انو.جمانه بتخاف
قال لي م̷ِْن شنو؟
قلت ليه بتخاف تركب مع زول براها
قال لي م فاهم ممكن اعمل ليها شنو؟طيب والمواصلات
قلت ليهو الموضوع م ليهو علاقه بيك او بزول غيرك بس
سكتت
وهو م سألني
قلت ليه مش زمان كنت بحكي ليك عن اخوها بضربها وكدة؟
قال لي ايوة
قلت ليه يعني يعني بس دة السبب
قال لي طيب، وم اتكلم تاني
رجعنا المستشفى،
وعدت الايام لغايه م خرجونا البيت،
تاني يوم سامر واحمد جو م̷ِْن الصباح كانو شايلين خروفين، ضبحوهم وعدو الساعات الاولى فطرو بس ومشو،
بعد اسبوع، مهند ضبح كان عاملها ضبيحه كبيرة في الحله واهل ابوي اصلاً قاعدين والبيت ملان، ، ف في يوم سمعت اعمامي بالصدفه بتكلمو عن سامر ووقفتو وشهامتو وبشكرو فِيَه وبقولو لي ابوي كيف تضيع زول زي دة م̷ِْن البت وكيف تخلي الطلاق يحصل كان تتريس وتشوف الحاصل وتفهم مالهم و...الخ
عمي التاج قال ليهو هسي م حصل شي نحن نجيبو ونقعدو ونفهم منو الحاصل شنو ونحل الموضوع بس ولا شنو ي جماعه؟ الزمن دة الناس بتشتري رجال والولد مكمل الرجاله يعني والله مهند م وقف وقفة مرضك دي زيو ي عبدالله،
هم شفع بتحصل بينهم الخلافات لَگِنْ نحن الكبار م نجاريهم، انا حاولت افتح معاه الموضوع وحسيت في تجاوب منو بس م اتعمقت قلت اخليه لي وقتو، وبما هسي نحن كلنا متجمعين ماف وقت احسن م̷ِْن كدة
سامر اليَوُمًًِ دة فعلاً كان جاي، بس الموضوع دة باقي لي حار، حيقول علينا شنو استغلالين؟ عشان وقفت معاهم عايزين يرجعو لي بتهم وهو بذات نفسو الخلاني وقال لي الموضوع دة انتهى وقفل على كدة، شكلي حيكون كيف قدامو لْۆ رجعوني ليه بالطريقه دي؟ م̷ِْن غير م يقول حتى، وانا متأكدة لْۆ كل الرجال الكانو بتناقشو ديل فتحو ليه الموضوع م حيرفض ابداً بس علشان يرضيهن، وعلشان وضع بابا، وعلشان الموقف ممكن يكون بايخ لْۆ رفض هو ممكن يوافق ك مجامله سامر وانا بعرفو
اتصلت عليه، قلت ليه جاي علينا اليَوُمًِ؟ً
قال لي ايوة،
قلت ليه طيب ممكن اللاقيك قبل م تجي البيت برة البيت وكدة يعني؟
قال لي ممكن خير ان شاءالله؟
قلت ليه خير عايزة اتكلم معاك في موضوع كدة بس
قال لي ټمٱم
قلت ليه لما تصل بس نبهني خليني اطلع ليك
قال لي طيب..
عدت كم سَآعهْْ وانا كنت شغاله داخله وطالعه في البيت بنضف وبكنس وبمسح لغايه م اتصل قال لي في شارع الزلط الرئيسي واقف،
طلعت مشيت عليه، ركبت سلمت عليه قلت ليه معليش حاخد م̷ِْن وقتك كم دقيقه
قال لي احكي سامعك
كنت متوترة وبلعب في صوابعي
قلت ليه عاين انا عارفه انو انت وقفتك جمبنا في مرض ابوي وكدة عملتها م̷ِْن باب الواجب والاصل، وجدجد انا مقدراها م قصرت ابداً وجميلك دة على العين والراس وربنا ينولك ثوابو،
بس اهلي تفكيرهم غير كدة، اهلي بقصد بيها اعمامي واهل ابوي عموما، شربكتً صوابعي وانا متوترة زيادة قلت ليه ف م̷ِْن الاخر عشان م ادخل واطلع ليك بجاي وبجاي هم حيتكلمو معاك عشان ترجعني، وانا بقول ليك كدة علشان م تتفاجأ لما يختوك امام الامر الواقع بعدين، المهم عايزة اقول ليك م تخليهم يقنعوك ويخلوك تتراجع عن حاجه انت ماخد فيها قرارك سلفاً وموضوعها منتهي بالنسبه ليك، م تعمل حاجه انت م عايزها تحت تأثير الضغط او الاحترام للموجودين او غيرو، زي م جيت و قلت لي ابوي انا بتك دي م بقدر استمر معاها، عايزاك تقول ليهم البينا دة كان قسمة وانتهت، وانا عارفاهم لوايق بس م تركز معاهم وخليك عند موقفك
هو كان ساكت وبعاين لي وانا سكاتو دة لخبطني، ياخ عندو نظرات كدة تهد الحيل
لمن م قدرت اكمل كلامي قلت ليه وبس، وبس كدة يعني حبيت اخليك في الصورة علشان م تتفاجأ وكدة
سكتت مسافه وقال لي طيب خلينا نخليهم هم على جنب، وإفترضي انو دة قراري انا، انتِ حيكون رايك شنو؟
ي دوب اتلخبطته كويس، واتسمرت في مكاني وبقيت اتلفت
قال لي قلتِ لي في المستشفى عندي فضول اعرف قدر شنو انا قليله عندك لمن هنت عليك واتخطيتني بالسهوله دي،
انتِ الحاجه الوحيدة العمرك م كنتي ولا حتكوني قليلة عِن.̷̷̸̷̐ديّ ي شهد، انتِ حتى وانتِ قليله انا بالنسبه لي بتوزني الدنيا دي كلها، حتى القليل مڼڱ كتير بالنسبه لي، م حصل اخدت قرار واتراجعت عنو خطوة واحدة بس عشانك ممكن ارجع الف ميل وإذا إتطلب الامر ممكن ارجع لنقطه الصفر وابدأ م̷ِْن جديد معاك، انا عارف قدر شنو كنت مرهق بالنسبه ليك وهسي م طالب مڼڱ تجاهدي معي ابداً بس كل الطالبو مڼڱ إنو تتقبلي نقصي قبل محاولاتي في السعي للكمال...
اعفو لي يخوانا، انا زاتي فترت ليكم م̷ِْن الشحتفه دي وروحي بقت محرقاني شديد بس •اللّہ̣̥ يسهل، وادعو لي بالله عليكم