الفصل الرابع
بسم الله الرحمن الرحيم
قبل نبدأ في قراءة الرواية حابة اقول انه الرواية دي قيد الكتابة .. يعني ان شاء الله اول ما الكاتبة تنزل بارت انا بانزل ..
قراءة ممتعة
واليوم التاني برضو نفس الشي،
كنا بنجهز جزء من حاجاتنا من بالليل، بنمشي الجامعه وبنجي راجعين نجهز نفسنا ونمشي الشغل،
وزودنا بقينا نعمل شيبس وطعميه ومعاهم مخلل وسلطات وكدة، الشغل م ظابط شديد بس قلنا نشكل احتمال نجذب الناس اكتر وجواي كان في حبه يأس لاني قلت اشتغل علشان اظبط موال رسوم السمستر وقدامي كم اسبوع بس قبل م ابوي يعرف
بعد م عدى اسبوع، في يوم فجأ جا زول قال لينا عايز 30 فطيرة اقاشي،
قلته ليهو والله م اظن يلحق معليش، قال لي خلاص م مشكله شكليهم لي جزء اقاشي، وجزء طعميه وشيبس مش في؟
قلته ليه حتى الفطيرة م حتلحق الا تنتظرني اعملها وكدة اذا عندك وقت
كان زول كبير في العمر
قال لي خلاص م مشكله بنتظر لما تطلع انا في العربيه ديك،
قلته ليه حاضر،
جهزناهم ليهو وشلتهم وديتهم ليهو وفجأة عاينت كانت معاه واحدة بت صغيرة عديل بالنسبه ليهو ومتحننه كان ماسك يدها وبتونسو وبضحكو م̷ِْن طريقتهم الكانو عليها مستحيل تكون بتو لما شافني خجل فك يدها قال لي الحساب كم؟
وريتو ليهو
البت قالت ليّۓ بالجد الاقاشي حقكم خرافي، اشترت منكم صحبتي ووصفت لي مكانكم ي حلوة
قلته ليها تسسلمي بالهنا
الراجل حاسبني واتحركت خليتهم، قلت لنفسي 30 دي حيعملو بيها شنوووو ؟؟
بس عموما دي كانت ضربه جزاء ياخ، 30 فطيرة حته واحدة نحن م كنا بنبيع في اليوم كلو اكتر من 20 ابداً
والغريبه بعد يومين برضو جا والمرة دي طلب برضو 20، قال لي ان شاءالله تكون في وعندكم مشروبات ولٱ لٱ؟
قلته ليهو والله هحاول اظبطها ليك، لا م عندنا مشروبات والله
قال لي تمام بنتظرك ماشاءالله ي بتي ربنا يوسع في رزقكم،
قلته ليهو امين ي عمو تسلم،
قال لي عندك رقم تلفون عشان تاني لو جاي انبهك قبل م اجي؟
م ارتحته ليهو وقبل م ارد بالرفض
فجر قالت ليهو ايوة ي عمو هاك سجل: 091
بعد مشى قلته ليها م كان تديه،
قالت لي ي هبله، دة ضربه جزاء كبيرة وممكن يجيب لينا زباين عديل ها
❖
في جانب تاني:
راجع البيت ي مان ولا على وين؟
اي تعبان ماشي استحمى وارتاح
شارع النيل كيف وكيف؟
لٱ م قادر والله ي مان م̷ِْن هنا والبيت بس
ياخي ارح معانا بيت شنو عندك شنو في البيت انت؟
وين ماشين انتو؟
ماشين النيل حنشرب قهوة بعداك حنبقى مارقين م بنتأخر
طيب امشو م ماشي انا،
سنهوري عليك الله بطل ياخ ارح كدة كدة انت طريقك بالنيل لانك حتلقى الزحمه في كل الشوارع التانيه انزل اشرب معانا القهوة لما الزحمه تخف امشي البيت،
لا ي مان والله م قادر اعفيني الليله، يلا في امان الله
طيب يلا سلام
كنت تعبان ومرهق وحاسي اني م قادر اسند نفسي، في الفترة الاخيرة دي دايماً بقى بحصل معي كدة بعد اي مباراة اللعبها ف على طول بمشي البيت باخد منوم عشان اقدر انوم ودة الكنت ماشي اعملو اليوم، وانا في طريقي في عززز الزحمه دي جاتني مكالمه، كنت مركب السماعه وانا سايق موتر م عِن.̷̷̸̷̐ديّ طريقه اطلع التلفون رديت على طول،
سامر..
ايوة ي حاج
وين انت في البيت ولا وين؟
في الشارع جاي على البيت خير في شنو
قال ليّ خلاص كويس خالص انا في شارع النيل ورا جامعه الخرطوم عربيتي اتعطلت هناك تَعاّلّ علي كدة لأني حاسي بنفسي م ټمٱم السكر عندي زي النازل كدة
قلته ليهو جمب وين ي حاج؟
قال ليّ جمب ...
قلته ليهو تمام مشيت عليهو، صلحنا العربيه بعدها اتحركنا، خليتو يتقدم...
في الكشك..
السَلٱمٌ عَلْيگم ي بتي
كان عمو الطلب مننا 20 و 30 داك زاتو،
قلته ليهو اهلين عمو كيفك؟
قال ليّ الحمدلله، عندك حاجه جاهزة سريع كدة تسد الجوع عمك الليله فايته فيهو جوعه شويهه وعندو السكري هههههههههه
قلته ليهو لا الف سلامه حاضر دقيقه وتكون عندك عايز شنو؟
قال لي اي حاجه ي بتي م فرق
قلته ليهو حاضر، كان واضح عليه انو تعبان شديد وجعان وهزيل كدة،
لفيت ليهو الفطيرة واديتها ليهو بدأ ياكلها قبل م يتحرك، بعدها دخل يديهو في جيوبو مساافه، حتى قال ليّۓ دقيقه بس، مشى فتح عربيتو وفضل فيها مسااافه بعدها جا راجع قال لي ي بتي والله محفظتي شكلها وقعت م عارف رميتها وين
قلته ليهو م مشكله ي عمو عُاَدّيَيّ بتحصل
قال لي طيب هسي ادفع ليك كيف؟
قلته ليهو خلاص ي عمو و•اللّہ̣̥ م مشڱلهِ، فجر قالت ليهو انَت زبون لْۆ م عندك تاكل ي عمو م تتمسك
بقى يحلف، ونحن بنحلف، لغايه م قال لينا خلاص انا بحل الموضوع دة، فجر قالت ليهو ممكن المرة الجايه نخصم حقها ي عمو م حنك خلاص والله قالينا لٱ انا بحلو قلته ليكم واتحرك مشى
بعد 20 دقيقه فجأة جاتني مكالمه،
رديت الو؟ قال لي الو السَلٱمٌ عَليكم؟
قلته ليهو وعليكم السلام
قال لي اي ي بتي معاك عمك القبل شويه طلبته منكم فطيرة وم سددته ليكم لأنو محفظتي م لقيتها
قلته ليهو ايوة صّْْح اهلين عمو،
قال ليّ انا هسي جمب.. تعالي شيلي قروشك لانو الزحمه م بقدر اجي عليك بالعربيه،
قلته ليهو جيبها مرة تانيه ي عمو م مشڱلهِ،
قال لي لا ي بتي والله الحق دة حق، وبالمرة جيبي ال 7 الخليتهم وزيدي عليهم 3 تاني وتعالي استلمي حقهم،
بس انا م قادر ارجع واصل المحل لأنو الطريق زحمه،
م اتطمنته نهائي بس قلته ليهو ټمٱم، حكيت ليّۓ فجر قالت لي ارح انا بمشي معاك نشوف فهمو شنو عمك دة وانا عِن.̷̷̸̷̐ديّ صاعق حاول يقل ادبو بنشفو ليك طوالي بلا قلهه ادب
جهزنا القال عليهم ومشينا عليهو واتصلنا وصف لينا مكانو م بعيد مننا كم خطوة بس، لما صلناهو كان واقف مع زول اول م شافنا اشر علينا والزول اتلفت وكانت الصدمهه
لحظهه صمت مليانهه نظرات كدة وهجمه،
الراجل قال لينا معليش ي بناتي عزبتكم لكن أُحرجت شديد تقولو عمنا دة بتاع حركات وهو عارف انو م عندو قروش م حبيت امشي بدون م ادفع حقكم حتى ولو جنيه القرش دة ياهو القرش، ضربت لولدي سامر دة م كان بعيد مني لانو اصلاً صلح لي عربيتي قبل شويه خليتو يجيب ليّۓ قروش
فجر قالت ليّۓ بصوت خافض اجيييي ي شهد انا بتخيل ولا ياهو؟
الراجل قال لينا الحساب كلوو كم عشان م أأخركم من محلكم؟
قلته ليهو اااا الحساب كلْۆ ...
قال لينا تمام اتفضلو
قلته ليهو م معي فكه هنا استنو..
قاطعني وقال ليّۓ لا خليها في حساب المرة الجايه كدة اتعادلنا يلا، سامر ي ولديانا بتقدم ټمٱم؟
قال ليهو تمام وكان متوتر كدة
الراجل ركب عربيتو واتحرك، فجر قالت ليهو گّيَفْ الّحّال ٱن شْاءِ اللٌہ بَخّيَر؟
قال ليها الحمدلله
قالت ليهو عن إذنك ومسكتني واتحركنا قالت لي ان شاءالله م يكون متواصل مع مهند ولا ابوك علشان نحن بيتنا كدة حيتخرب ي شهد
قلته ليها م بقدر اجزم ليك
قالت ليّۓ طيب هو عرفنا مش ي شهد
قلته ليها واضح انو عرفنا للإسف
قالت لي خلاص اتصلي كلمي عمو بالحقيقه احسن مما يعرف م̷ِْن بره
قلته ليها لٱ م بقدر ي بت، بس امي عارفه حأحكي ليها الحصل علشان لْۆ في اي شي تكلمني
بس معقوله عمك دة اذا دة ولدو معقوله معرس ليه واحدة اصغر م̷ِْن ولدو؟
فجر قالت ليّۓ بتقولي في شنو انتِ؟
قلته ليها خلاص ماف شي
❖
اليَوُمًًِ التاني فجأة سمعت صوت زول بسلم رفعت راسي شوفتو واقف في وشي واتصدمت لما شفتو طبعاً يعني م عرفت اقول شنو وفجر بقت تقول ليهو اهلين، كيفك
قال ليها بإندها الحمدلله، انتو كيف وكيف الخال ان شاءالله بخير؟
فجر قالت ليهو الحمدلله،
قال ليها م شايفو وين هو اسلم عليهو،
فجر سكتت وقلعت عيونها وسكتت مسافه حتى قالت ليهو عندو شغله بقضي فيها قريب حيجي، عايز حاجه نحن بنساعد فيهو وكدة
قال ليها ي سلام ياااخي دي حاجه كويسه والله خير م فعلتو، كنت ماري وشوفت المحل فاتح قلت اديهو طله وكدة ابوي امبارح بالحيل شكركم طلع زبون كمان ان شاءالله الكشك المريح وكدة لقيتيهو
فجر: مريح وبس مريح شديد بالجد ياااخي م قصرت ربنا يعظم اجرك
قال ليها العفووو وموفقين ان شاءالله، قبل م يتحرك في زول جا وقف قال لينا السلام عليكم، قلته ليهو وعليكم السلام اتفضل،
قال لينا عايز واحد فطيرة اقاشي، واتنين طعميه
بقى يعاين لي لأنو طول فترة كلامو مع فجر انا م فتحت خشمي معاه،
بعدها قال لينا عن اذنكم،
اتحرك، فجر قالت لي شهد انتِ ثغيله ولا شكراً ساي م كلفتي نفسك تقوليها ليه،
سكتت، انا م بين محرجه منو وداخله في ضفوري وم بين مُستَفَزة منو هو واختو،
❖
ركبت موتري واتحركت بس نظرات البت لي بقت معلقه في راسي، انا م عارف هي شايفاني شنو او كارهاني لشنو رغم اني عملت كل البطلع بيدي عشان احل الموضوع دة وم نكون سبب في اي خسارة ليهم او اذى،
وقفت موتري وطلعته تلفوني،
الووو؟ وين انتو، يعني وصلتو ولا لسسه؟
خلاص خليكم مكانكم جاااي عليكم
رجولي ساقتني رجعتني تاني للكشك،
لقيت البت المعاها بتستقبلني مرة تانيه وبتقول لي اتفضل وهم شبه مستغربين،
قلته ليهم متفق نتلاقى مع اصحابي هنا في النيل ونتغدى، بما انكم فاتحين حأطلب منكم،
❖
فجر: طيب تمام اتفضل على طول ورينا عايز شنو
ممكن المينيو؟
بقينا انا وفجر نعاين لبعض، بعدين ابتسمته ليهو بغيظ وقلته ليهو للأسف م جهزنا مينيو لانو حاجاتنا محدودة
فجر قالت ليهو اقاشي، صوابع شيبس، طعميه بالشيبس وفي فطاير جاهزة اذا حابين طبعا، ً
الولد قال لينا طيب مافي مشكله، جهزو لي الكميه البتقدرو عليها لانو نحن كتار،
فجر قالت ليهو كم يعني؟
قال ليها هم كتار وجاين تمرين كورة ف قيسي على كدة
فجر ضحكت قالت ليهو عايزين خروف ديل
ضحك قال ليها مع الخروف حياكلوني انا، المهم شوفي البتقدرو تجهزوه واديني خبر، انا في المحل التاني جمبكم دة حأشرب شاي،
قالت ليهو طيب بس لما يجهزو وكدة حأوريك كيف،
قال ليها معاك تلفون صح سجلي رقمي،
قالت ليهو طيب، سجلت الرقم، بعد م مشى قالت لي شهد
قلته ليها اها؟ قالت لي استلطفتو، شايفه اولادي في عيونو
ضربتها وقلته ليها م كفايه العولاق العندك يلا ارح نشتغل ي بت
بدينا نجهز ليهو في طلباتو،
قدرنا نطلع م̷ِْن 15 ل 20 قطعه فطيرة،
فجر اتصلت م رد،
تاني رجعت اتصلت م رد،
قلته ليها رسلي مسج، بالفعل رسلت رجع ليها، فجر كانت بتجهز في الاكياس قالت لي ردي،
رديت قلته ليهو الو؟
قال لي اهلين
قلته ليهو الحاجات جهزت ممكن تجي تاخدها،
قال لي طيب ابشري،
م عدة 5 دقايق جا المحل،
قال لينا تسسسلمو ممكن الحساب؟
فجر قالت ليهو الحساب ...، دخل يديهو في جيبو بعدها سكت مسافه وقال ليها عندكم حساب بنكك؟
قالت ليهو ايوة،
قال ليها طيب حلو اديني ليهو،
اخد رقم الحساب بعد مسافه رفع لينا التلفون ورانا الاشعار قال ليها كدة تمام؟
قالت ليهو شكراً
قال ليها العفووو موفقين وتحياتنا للعم كمان.
❖
اليوم التاني مما فتحنا كان ضاغط والناس الجايه تسأل عندنا شنو كتيرة وبتطلب الفي، فجأة بقت في حوالينا حركه غريبه علّۓ غير العادة، واليوم البعدو برضو، وكانت الحركه الغريبه دي واضحهه حتى فجر لاحظت معي، و بقينا نخلص العندنا قبل 9 ونرجع الداخليه،
في يوم جات واحد صغنن وكيوت كدة انا كلامها فيهو لهجه سعودي ولا خليجي كدة م عارفه المهم قالت لينا بس انا چعانه وسمعت انو اكلكم مرره حلو ف وانا ماره صدفه م̷ِْن هنا قلت اشوفكم واكل م̷ِْن زوقكم
فجر قالت ليها حبيبتي تأمري عايزة شنوو
البت قالت ليها اي شي المهم اجرب لأنو صراحه الريڤيهوهات عنكم مررره حلِۈۋوهّ والطريقه البتقدمون بيها تشهي الأكل من عندكم صراحه، اول مرة شوفت واحد منزل ريڤيو عنكم في بوست وبعدها كل القالو جربو اكلكم عجبهم
قلته ليها حبيبي تسسلمي فرحتينا
فجر قالت ليها البوست نازل وين حبيبي؟
قالت ليها في قروب اسمهه...
بعد رجعنا الداخليه وانا بتونس مع فجر وبنتناقش انو فجأة الشغل بقى ظابط وسمبتيك وكدة وانا م بين صاحيه ونايمه، فجر قالت ليّۓ زكرتيني،
قلت ليها شنوووو؟
فضلت ساكته ومركزة في تليفونها وانا شبه نمت فجأة قالت لي
سااامر الشاهين سنهوري،
فتحت عيوني قلته ليها بصوت ناعس وعيوني مزغلله شنووو؟
قالت لي المُنزل بوست ريڤيو عننا في قروب المطاعم وعامل لينا اعلان اسمو سامر الشاهين سنهوري...