الفصل السادس والثلاثون

اخدتهه لي سكته وانا بسمع فيهو ودموعي في طرف جفوني

مسحتها بسرعه قبل تنزل وبقيت اعاين بالشباك ويدي بترجف..

قال لي شهد

ي بت ..

قلته ليه انت ببساطه هسي بتقول گلآمَگ دة كأنك بتحملني المسؤليه اللي هو انا م استحملتك علشان كدة طلقت مش دة الفهم العام بتاع گلآمَگ؟

قال لي دة الفهمتيهو؟؟

قلت ليهو ايوة دة الفهمتو م̷ِْن المغزى بتاع گلآمَگ حتى ولو بصورة غير مباشرة انت شايف انو انا السبب م علشان انت متسيب او عديم مسؤليه او غيرو، ياخي منو القال ليك م حستحمل؟نحن عاقدين يعني العلاقه دي نحن طرفين فيها انت نهيتها بمنتهى البساطه م̷ِْن غير م ترجع لي، ولا تقعد معي ولا تشرح لي ولا اي شي، انت ي سامر ..

بقيت ببكي وبمسح في دموعي وهو ساكت..

قلت ليهو ياااااخي اضعف الإيمان م تحسسني إني م بستاهل، ياخي خت نفسك مكاني هل كان الموضوع دة عادي حيكون بالنسبه ليك؟

امي، ابوي، اهلهم، الجيران، لما يقولو انفصلو مالهم، عارف جواب قسمة وانتهت دة في تحتو.الف إستفهام؟ ؟؟

انت احترام م احترمتني، فجأة اختفيت وفجأة ظهرت وقلت خلاص الموضوع انتهى العقد دة لْۆ كان لعب شفع حيكون عندك جديه ومسؤليه اكتر م̷ِْن كدة،

قال لي شهد، عارفه مشكلتنا الاساسيه شنو كانت وللأن قايمة؟ اننا م قادرين نتفاهم

قلت ليهو م ودة البتعملو انت، انت م اديتني فرصه افهمك حتى

قال لي لٱ بسبب انو انتِ بتفهمي العايزة تفهميه بس ي شهد بتفهمي الدايراه م عندك شي وسط وبالصورة دي حتى لْۆ كنا بقينا في بيت واحد برضو م حنستمر

بقيت اعاين ليهه..

قلت ليه صح، فعلاً انت صح، واقول ليك شي كويس انو خطيت الخطوة دي اصلا، بسً اضعف الإيمان لما انت اتخذته قرار زي دة تتحمل مسؤليتو وتعترف بي اغلاطك مش تحملها لغيرك،

سكت

قال لي طلعت ليك عيوبي كلها قدام وانا..

قلت ليه عارف طلعت بشنوو م̷ِْن گلآمَگ دة كلو؟

م رد

قلت ليه إنو انت متسبب بس ي سامر م اكتر، عايز ليك سبب ولقيتو، وحقيقةً على قدر م كان عِن.̷̷̸̷̐ديّ فضول اعرف انت سبتني ليه على قدر م قرفت في اللحظه دي، ي ريتك م بررت، ي ريتك لْۆ اكتفيت بي إنها قسمة وانتهت وخلاص.

فضلت ساكته وببكي، قلت ليه نزلني هنا ..

م رد علي

قلت ليه نزلني لْۆ سمحته

زاد السرعه وهو ساكت..

وصلني الجامعه عايزة افتح الباب لقيتو مأمن..

قال لي ي شهد صلاتك على النبي

قلت ليهو سامر افتح ليّ الباب

قال لي في الحالتين حأفتحو، بس الشي العايزو مڼڱ إنك تفهميني والله العظيم تلاتهه ي بت الناس ابداً م هنتي علي في يوم ولا حتهوني، بس انتِ هسي عندك خلفيه كامله عن حياتي ف انا جيتك وحكيت ليك بقناعه إنو حتكوني اكتر تفهماً لي م̷ِْن اي وقت مضى ي شهد..

قلت ليه ټمٱم، ممكن تنزلني لْۆ سمحت؟

بقى يعاين لي وهو ساكت

بقيت احاول افتح في الباب، فك التأمين نزلت ومشيت وانا م شايفه قدامي..

❖

دة مالو الليله م براهو؟

خليهو م تسألو

م سائلو بس لفه الميدان دة كتير شكلو قافل بي كلو

كدة.خليني امشي عليهو ..

بعد 3 دقايق..

سامر اها بشششر اتلاقيتو مع شهد وحكيت ليها كل شي واتفاهمتو ان شاءالله؟

مالك ساكت ي سامر كدة اقيف وبطل البتسوي فِيَه دة لفيت الميدان دة مليون مرة وبعدين انا بسألك جاوبني،

اقول ليك شنو ي احمد؟

احكي لي الحصل، لقيتها ولا لٱ؟

ايوة لقيتها..

طيب كويس اتفاهمت معاها وشرحته

ليها واتفهمتك ان شاءالله؟

لحظِهّ ; .. صمت..

سامر عووووك ها؟؟ هاك كدة اشرب مويه..

اتكلمت معاها ايوة

قالت ليك شنوووو طيب؟

يااااخي اتكلم م تخليني اسحب مڼڱ الكلام كدة ي مان

م قالت شي..

كيف م قالت شي؟

قلت ليها شنو انت؟ حكيت ليها الموضوع الاساسي الخلاك تعمل كدة ي سامر ولا دخلته ليها بجاي ومرقت ليها بجاي؟

لحظِهّ ; .. صمت..

ساااامر م تسكت قول لي مش انت ماشي م̷ِْن هنا على اساس انو تقول ليها الحصل م̷ِْن النقطه للسلام عليكم؟

حكيت ليها القدرت عليه ي أحمد..

والموضوع الاساسي؟

احسن م تعرفو..

كيف يعني احسن م تعرفو؟ والبينكم دة حيتصلح كيف ي سامر لْۆ م عرفت؟ سامر عليك •اللّہ̣̥ بطل امورك دي

ما امور ولا اي شي ي احمد بس صدقني حتى لْۆ عرفت م حيتغير شي..

اذاً م̷ِْن حقها تعرف وم تفترض إفتراضيات م̷ِْن عندك ساي..

اقفل الموضوع ي احمد انت زاتك م قادر تفهمني ياااااااااااخ ..

لٱ فاهمك ي سامر فاهمك كويس اكتر م̷ِْن روحك بس م شايف كترة السكوت دي بتضيع مڼڱ حاجات خصم على نفسك وحياتك في الوقت الإنت لْۆ فتحت فيهو خشمك حاجات كتيرة ممكن تتغير...

❖

رجعت البيت وانا اصلاً م عارفه اليَوُمًًِ عدى كيف، كانت في عربيه قدام الباب إستغربت قلت ي ربي دة سامر؟ الجابو شنو هنا تاني؟

اترددت قلت م ادخل البيت عايزة ارجع شايفه عمو اسماعيل برفع لي في يدو، قلت ليه اهلين عمو، وفتحت الباب ودخلت،

ادخل اتفاجأ بي ابوي مفرشين ليه في نص الحوش وقاعد معاهو راجل،

الراجل منو؟

المحامي عبدالله..

فضلت وااااقفه في الباب مساااااافه وهم زاتهم لما شافوني اتخلعو، ابوي على غير عادتو معهما كان الضيف منو لما يشوفني بتكلم معي المرة دي بقى ساكت وبعاين لي

صلحت طرحتي وجيت مارة م̷ِْن غير م ارفع راسي

ابوي قال لي ي لي ي بتي م بتسلمي؟

قلت ليه السلام عليكم ي ابوي

قال لي وعليكم السلام،

طوالي دخلت امي كانت واقفه بتتصنت ليهم بجمبه الحيطه،

قالت لي بصوت خااافض، شفتي دة كمان جا لاحقنا لي هنا، الليله عاااد ابوك ووووووووب م̷ِْن ابووووووك

قلت ليها جا متين؟

قالت لي قبل شويه..

دخلت غرفتي طلعت تلفوني إتصلت على احمد، مكالمة مكالمتين التالته رد قال لي شهد ي شهد..

قلت ليه احمد كيفك؟

قال لي ټمٱم الحمدلله وانتِ؟

قلت ليه م ټمٱم، احمد لْۆ سمحت ممكن طلب؟

قال لي اتفضلي

قلت ليه خالك المحامي معانا في البيت، لْۆ م مشى او لْۆ م جيت سوقتو م حيحصل خير صدقني،

قال لي شنو ي شهد م فاهم؟ خالي منو بتقولي في شنو انتِ؟

قلت ليه خالك عبدالله المحامي

قال لي خالي عبدالله الجابو عندكم شنو؟

قلت ليه اسأل صحبك الوصف ليهو البيت، وقول ليهو شهد قالت ليك حاول م تتخطى حدود الوقاحه اكتر م̷ِْن كدة، ورجاءً ي احمد إتصل على خالك دة خليهو يتفضل يطلع برة بيتنا

قال لي شهد انا جد م فاهمك بتقولي في شنو؟

قلت ليه انت اتصل عليه، وهو وسامر بفهموك.

قفلت الخط رجع لي كم مكالمة م رديت..

❖

دي شهد؟مالها

اتصلت وكانت بتقول في كلام م مفهوم م عارف..

كلام شنووو؟

قالت خالي معاهم في البيت، وقالت لي اتصل عليهو يتفضل يطلع م̷ِْن بيتنا عشان ممكن اليحصل م خير،

خالك في بيت ناس شهد؟

اي في شنو فهمني وخالي الوداهو ناس شهد شنو وعرف بيتهم كيف؟ سألتها قالت لي خلي سامر وخالك يفهموك...

❖

ابوي رغم ليونتو طبعو حاد وقلبو حار شديد، وفي لحظات الزعل م بعرف غير شيل العكاز والسكين، لْۆ قابلك بعدها م بشوف قدامو، دي واحدة م̷ِْن الحاجات الخلتنا نطلع م̷ِْن البيت الكبير في بورتسودان، كان بزعل شديد خصوصاً لما الموضوع يكون متعلق بي انا ف هو م بشوف تاني، خايفه شديد وم قادرة افهم هو لغايه اللحظه محافظ على اعصابو كيف، ُ حاسه انو دي حاجه م بتبشر بالخير، ولا ي ربي الراجل م قال ليهو هو منو؟ لْۆ م كنت فاهمة ابوي معليش..انا وامي بقينا واقفين على رجل واحدة، ومخيطين البيت خياطه وامي بتدعي وبتقول يارب تستر، ي لطيف، ي رب تجيب العواقب سليمة، قالت لي م ضرب لي نبهني حتى شوفي الناس دي بالله، ولا حتى خالتك ضربت لي بس جا كدة، ابوك عيان وزعلو كعب انا عارفاه •اللّہ̣̥ يستر بس...

فجأة سمعت ابوي بقول بثينه، ي بثينه،

قالت ليهو.ڼعمًْ ي حاج وطلعت بسرعه

قال ليها نادي شهد دي كان ارتاحت وغيرت

قالت ليهو.سمح،

جات قالت لي امشي على ابوك كدة..

طلعت مشيت عليهو، زح لي جمبو وقال لي اقعدي، بقيت اعاين ليهو

قال لي تعالي اقعدي اقعدي..

قعدته

سكت مساااافه وانا قَلبي حيطلع م̷ِْن محلو، م خايفه م̷ِْن شي غير الهدؤ الهو فيهو دة

قال لي الزول دة بتعرفي

بقيت اعاين ليهو وساكته علشان افهم تعابير وشو والراجل بعاين لي ..

قال لي بتعرفي؟لاقاك قبل كدة؟

هزيت ليهو راسي بمعنى ايوة

قال لي بتعرفي؟

قلت ليهو بصوت خافض ايوة

قال لي لاقاك وين؟

قلت ليهو اول مرة شوفتو في بورتسودان، جا هو ومعاهو مرة البيت..

قال لي يعني عارفه هو منو؟

قلت ليهو ايوة.

سكت مساااافه قال لي طيب الزول دة عندو موضوع كدة بخصك، وداير رايك فيهو، حسب قولْۆ إنو عايزك تنسبي إسمك لي إسمو، عشان...الخ

اها انتِ رايك شنو؟انتِ بعد كدة بقيتي زوله كبيرة وبتقدري تاخدي قراراتك بنفسك ودة م̷ِْن حقك طبعاً وزي م بقولو الضفر م.بطلع م̷ِْن اللحم

قلت ليه لٱ،

بقو يعاينو لي الاتنين..

قلت ليهو انا م زوله كبيرة مهما كبرت ماف زول حيكون وصي علي غيرك وإسمي دة م بتغير اياً كانت الاسباب، ، انا م معترفه بيهو ك والد لي كيف اعترف بيهو في الورق، انا قمت ولقيتك انت ابوي واسمي في الورق شهد الصادق م فاهماك ي ابوي كيف بتاخد رأي في حاجه زي دي ومتوقع مني شنو اساسا؟ً

وي استاذ انا جد تعبت م̷ِْن الموضوع دة، هسي قدام ابوي انا م موافقه ابداً على البتقول فيهو انت دة، حتى لْۆ الموضوع بالنسبه ليك اسم على ورق انا بالنسبه لي اكبر، رجاءً حاول تستوعب النقطه دي لأني في كل الأحوال م حوافق ټمٱم؟عن إذنك ي ابوي، قمت اتحركت مشيت على ناس امي.

❖

ي خالي ..

اي ي احمد،

وين انت م̷ِْن قبيل بتصل عليك م بترد؟

ماشي على البيت خير ان شاءالله؟

ماشي على بيتنا؟

ايوة

خلاص ټمٱم جاي عليك

في شنو؟

جاي عليك لما اجي.

قال ماشي على البيت،

يعني طلع م̷ِْن م̷ِْن ناس شهد؟

ايوة طلع شكلو.

شكلو ولا متأكد ي احمد؟

ي سامر ياخ مالك قلت ليك طلع قال ماشي على البيت، وبعدين انا مستني مڼڱ جواب على سؤالي، شنو المفروض افهمو منكم انتو الاتنين دي المرة الدليشون اسألك السؤال دة وانت بتتجنبو؟

م تسكت فهمني..

طيب، خالك ابو شهد

دة شنو دة هسي؟ خالي مالو وابو شهد مالو قول جمله مرتبه بطل حركاتك دي..

خالك ي احمد ابوها لشهد الحقيقي، والحاجه دي انا عرفتها بالصدفه زي زيك واحد

دقيقة ..

اعمل حسابك في الطريق وانت سايق..

كيف يعني خالي ابوها لشهد الحقيقي؟ وعمي الصادق دة يطلع شنوووو؟

ي زول، م.تجنني اتكلم عديل بالله

احكي ليك..

اي احكي

طيب اسمع..

...الخ

لٱ حول ولا قوة إلا بالله، لٱ إله لٱ •اللّہ̣̥..خالي؟شهد؟

انا كمان لما عرفت اتصدمت زيك

طيب شهد لييييه م قالت لي؟ معناها لما لاقيتها في بورتسودان وقعدت معاه كانت عارفاه هو منو...

ايوة وم كانت حتقول ليك،

بغض النظر عن كل شي خالي م م̷ِْن حقو طبعاً يطالبها بحاجه زي دي ولا بأي صورة م̷ِْن الصور وانا لْۆ مكانها بغزو سكين عديل، جد دي انانيه من خالي يعني بكل المقااايييس مستحيل اطلب حاجه زي دي في حاله زي دي اياً كانت الاسباب..

خالك شايف الموضوع ساهل وكلو حبر على ورق..

يعني هسي في الحلقة الأخيرة شهد بت خالي وانا ود عمتها؟ ؟؟

سكتت وانا بعاين ليه..

ي ندى،

سمهدل كيفك؟

ټمٱم الحمدلله وانتِ؟

م ټمٱم والله ي ندى

لييييهه مالك؟

سامر مما ساق زين لٱ إتصال، ولا مكالمة، ولا اي شي ي ندى، م عارفه اعمل شنو حتى مكالمة.م رد عليها، وم قادرة اتصل عليهو تاني لانو مستحيل م يكون شاف المكالمات

انتِ عويرة اتصلي واتحججي بي زين، قولي ليهو حبيت اسأل م̷ِْن زين وكدة

ما هو م برد علي اريتو لْۆ برد

حاولي كذا مرة،

طيب

او ممكن ترسلي ليهو واتسب، وقبل م ترسلي ختي اظبط صورة ليك بروفايل فهمتي؟وقولي ليه اشتقت لي زين فارق معي شديد، وانت كمان، بدون م تلحقيها كلمه اشتقت ليك، بس خليها وانت كمان

طيب ټمٱم حاضر...

❖

صخر..

ست البنات هلا زارتنا البركة والله

ههههههههههه دايمة عليك البركة ان شاءالله.

تسسلمي ي رب، م اكون اتأخرت عليك؟

لٱ والله ابداً اصلاً انا م اكون اخدته م̷ِْن زمنك،

لٱ ابداً ياااااخي معقوله؟ لْۆ مافي زمن نفضى ليك ي جمانهه ياخ اخدي راحتك

تسسسلم بالجد، المهم حبيت اشوفك عشان اشكرك بالجد على وقفتك معي، جد انا ممتنه ليك جداً و...

مقاطعه..

اهاااا قمنا للعوارة، ي بتنا شنو شكراً وبتاع، الموضوع ابداً م بحتاح شكر، جد كنت متمني الموضوع م يكون معقد كدة عشان اقدر اقدم ليك البطلع بيدي، بس انتِ اخترتي انو م يكبر والا كان اخوك العامل فيها مجنون دة نحن اجن منو والسلاح زاتو بسيط عليهو دة تتفضى في راسو دوشكا

لٱ م بحتاج زي م شرحت ليك امي متأزمة شديد م̷ِْن سجنتو دي، وبعدين الأهل واخواني وكدة

خليك م̷ِْن ديل كلهم فكري وقولي "وانا"في سبيل انو تغطي عليه م̷ِْن ديل كلهم انتِ الضايعه في النص، طيب هسسي لما يطلع حتعملي شنووو لأنو تقريباً م باقي عليهو كتير ..

م عارفه والله، م فكرته لسسه،

لْۆ طلع وحصل اقل شي ي جمانه انا موجود م حخليك، حتصل عليك ليل نهار عشان اتطمن حتى لْۆ م اتصلتي ف شنو م تتفاجئي م̷ِْن مكالماتي، وصدقيني لْۆ خليتيه علي ححل ليك الموضوع دة م̷ِْن جذورو،

بس في كل الأحوال رقمي عندك وحتى الاحتياط معاك حخليه شغال عشانك، اقول ليك حاجه؟ نطلع م̷ِْن هنا نمشي نشتري صاعق كهربائي خليه معاك احتياط قرب مڼڱ اديه الفيه النصيب واتصلي علي

ضحكت..

جادي معاك انا، وم تخافي ي جمانه إذا م.عايزة.تحتكي بيه شديد ممكن نقدم لوظيفه دوامها ببدأ الصباح وبخلص المساء بي ترحيلها وكل شي رايك شنو؟

ايوة.ممكن بس دة.الحيوظف واحدة ي دوبها شبه متخرجه وم عامله خدمة او كدة منووو؟

خلي الموضوع دة علي انا بظبطو ټمٱم؟

ماااا..

ما شنوووو ي بتنا؟

خليهو علي انا الموضوع، خلصتي جامعه بجاي حتنزلي شغل بجاي، والخدمة بس وريني حتعمليها وين بعدين وانا بظبط ليك موضوعها

قلت ليها شكراً بالجد ي صخر م قصرت..

المهم السبب الرئيسي لي إني اللاقيك دة..

دة شنو؟

هديهه

هديه لي اناااا؟

اجل

بقى يعاين لي ويضحك، فتح الكيس طلع البوكس..

قلت ليهو م عرفت اجيب ليك شنو او انت بتحب شنو ف اتوكلت وجبت ديل ان شاءالله يعجبوك

ي جمانه خليك م̷ِْن الفيها شنو، انا اول مرة تجيني هديه

جد؟

جدجد والله، اول مرة

شكراً يااااخي جدجد شكراً

قلت ليه العفوو زي م الشرطه في خدمة الشعب، الشعب كمان في خدمتها

قعد يضحك وقال لي في وقت ي جمانه حبابك

قلت ليه م بتقصر والله..

قال لي وم تقعدي تحسبي الحسابات بتاعه م عايزة اخد م̷ِْن وقتك وحركات البنات دي، اعتبري وقتي كلو ليك إتفقنا؟ ...

طيب حاضر.

❖

ي خال، م حأقول ليك ليه م حكيت لي بخصوص شهد والكلام دة كلو لأنو هسي م بفيد، لَگِنْ ي خالي منطق منطق كدة المرة ماتت وشبعت موت، وانت لما فوتها م رف ليك جفن، م ممكن تجي بعد السنين دي كلها تطالب البت بي إنها تعدل اسمها بي اسمك، خالي البت اختاها، انا والله ضربت لي خلعتني، الناس ديل مساكين وفي حالهم والفيهم مكفيهم م تزيد العليهم سااااي، وانا والله ي خالي الحاجه الما برضاها لنفسي م برضاها لي غيري، إن عارف الموضوع وعارف قضيه سامر بتخليك تتشربك في البت كدة م خليتك تمسكها زاتي، وبعدين م تتحجج بالقضيه ي خالي انا فاهمك وبفهمك اكتر م̷ِْن نفسي حتى انت شايف البت بتك ودايرها تتنسب ليك بس لٱ اكتر ولا اقل والا حتستفيد شنو م̷ِْن محاكمة ناس قتلو بتهم قبل 20 سنه وزيادة؟هي زاتها حتستفيد شنو؟

في النهايه هم بتحاكمو والقضيه بتتقفل وانت عايز تكون كسبان القضيه وكسبان الفهم الفي راسك...

❖

ابوي م̷ِْن يوم الحصل م فتح الموضوع دة تاني بالعكس اتناساهو تماماً وبقى يتعامل معي كأنو م حصل شي، بس في راسي بقت تجيني افكار، يعني سامر م اتغير الا بعد شاف الصورة في الهديه الجبتها ليه في عيد ميلاده، معقوله هو خاف إني اعرف بموضوعو الإتقال في المحكمة داك؟ ولا امو كانت قاصدة كأنها كانت بتوصل ليه معلومة إنها حتوريني ك تهديد لييييهه علشان الموضوع نقطه ضعف سامر وكدة هي ماسكاه م̷ِْن يدو البتوجعو؟ طيب حتستفيد شنو هي؟

❖

يوم في الجامعه اتصل علي احمد،

قال لي شهد

قلت ليه احمد ي احمد

قال لي خبرك والحاصل معاك؟

قلت ليه الحمدلله كلو ټمٱم

قال لي، وين وين؟

قلت ليه في الجامعه

قال لي محتاج اتكلم معاك بتطلعي الساعه كم كدة؟

قلت ليه اليَوُمًًِ صعبه ممكن بكرة؟

قال لي اتفقنا بكرة ان شاءالله،

هو تقريباً عرف بالحاصل وعايز يتكلم معي بخصوص الموضوع بتاع المحامي نفسو..

اليَوُمًًِ التاني مشيت لاقيتو،

قبل م يفتح خشمو قلت ليه احمد لْۆ حتتكلم معي بخصوص موضوع خالك وعايز تقنعنعي انت كمان احسن تقفلو

قال لي ابدا، واذاً الموضوع بضايقك رغم اني جاي وعتبان عليك لكن برضو م حيتفتح

قلت ليه اذا ممكن م يتفتح،

قال لي ټمٱم حاضر ي شهد، المهم كيفك والجامعه كيف؟

قلت ليه الحمدلله ماشي الحال

سكتنا مسااافه وهو بشرب في قهوة وبعاين بالشباك برة

م عارفه نفسي قالت لي شنو فجأة لقيت نفسي بقول ليه: ممكن سؤال؟

قال لي احكي

سكتت..

قال لي قولي مالك ساكته؟

قلت ليه بخصوص سامر السؤال..

قال لي طيب كويس إنو اتفتح موضوعو، شهد الزول دة انتِ ظالماه والله وانا بتكلم معاك ك زول بهمني امرك قبل م يكون بيني وبينك في قرابه وم كزول صاحب سامر انت من زمان زي اختي، جد هو م زي م انتِ متخيله

قلت ليه يعني هو م ظالمني؟ حتى انت ياحمد؟

قال لي هو م بفكر لما يتصرف، صدقيني الحصل دة كلو حصل في لحظِات ضغط عليه ..

قلت ليه ضغط؟ ضغط شنو البخليك تطلق ي احمد، يعني لْۆ.كل زول بحس نفسو مضغوط بمشي بطلق م حيكون في اتنين متزوجين في البلد دي بلاش حجج واعذار واهيهه دة م لعب عيال

قال لي برضو م فهمتي القصد،

سكت وبقى يعاين لي

قلت ليه طيب فهمني ممكن؟

عاين لي تلفونو ورجعو

قلت ليه احمااااااد؟؟؟

قال لي الموضوع معقد ومشربك شديد ي شهد، هو مفروض تعرفيه م̷ِْن بدري وابدر م̷ِْن كدة او على الأقل الخطوة دي مفروض تجي م̷ِْن سامر نفسو بس هو م خطاها لأسباب كتيرهه الوقت داك،

قلت ليه اللي هي شنوووو؟

سكت..

قلت ليه احمد م تحرق اعصابي ممكن؟

قال لي متزوج، متزوج واحدة م̷ِْن اصحاب الهِمم أخت واحد صاحبنا...