الفصل الثالث عشر

بسم الله الرحمن الرحيم

قبل نبدأ في قراءة الرواية حابة اقول انه الرواية دي قيد الكتابة .. يعني ان شاء الله اول ما الكاتبة تنزل بارت انا بانزل ..

قراءة ممتعة

قفلت الخط وخلتني حتى التلفون م قادرة انزلو م̷ِْن يدي وبحاول استوعب هي كانت بتقول في شنووووو،

بعد 5 دقايق حتى سمعت اسم شهد، شهد

اتلفت لقيتها جمانه،

قالت لي المحاضرة بدت قالو ارح،

فضلت واقفه،

قالت لي يلا مالك ي بت لْۆ م استعجلنا م بدخلونا يلا ي شهد

قلت ليها ادخلو انتو بلحقكم

قالت لي ماشه وين؟

قلت ليها بصوت عالي جمانه قلت ليك بلحقكم يااالخي

، مشيت سندته نفسي في بينش كدة وقعدته م حسيت نفسي عايزة ابكي، ابكي ليييهه؟

بقيت استرجع مواقفي معاهو، ماف موقف حلو ويشفع ليهو عِن.̷̷̸̷̐ديّ، في حلقه مفقودة فيهو،

انا على الاقل حبيت اكون واضحه معاهو وحكيت ليهو علشان هو يكون على علم والحاجه دي تجي مِڼّي انا قبل م تجي م̷ِْن اهلي، بس هو ..

قمت على حيلي وطلعت م̷ِْن الجامعه، وقفت ساعتين في المواصلات، وصلت البيت لقيت ابوي بصلي وامي جمبو بتفرم في خدرة، وزين نايم جمبها في السرير

قالت لي جيتي؟

م رديت عليه

قالت لي ي بت م بتسلمي مالك؟

سكتت

قالت لي شهد

رميت ليها الشنطه في الارض وقلت ليها م شهد م اسمي شهد،

امي وقفت البتعمل فيهو وبقت تعاين لي بخلعه كدة لانو م حصل عليت عليها صوتي بالطريقه دي ولا بالغلط

قالت لي بسم •اللّہ̣̥ ي بتي مالك في شنوووو الفيك شنوووو؟

ابوي سلم وسبح واتلفت بقى يعاين لي

قلت ليهم انا العايزة اسألكم وي ريت تجاوبوني وم تستغبوني عشان انا بقيت كبيرة ومن حقي اعرف، زي م في يوم جيتو وقعدتوني وقلتو لي انتِ م بتنا، هسي انا عايزاكم توروني بنفس العقليه ديك انا بت منو؟ اهلي منو؟ جبتوني م̷ِْن وين؟

امي وابوي علامه الإندهاش والصدمه بقت في وشوشهم

قلت بيهم م تسكتو عايزة اعرف هسي هسي انا بت منو، وإلا والله اطلع للشارع الجبتوني منو..

ابوي قام على حيلو قال لي ي بتي مالك في شنو؟مش طلعتي الصباح كويسه؟

قلت ليهو وهسي انا كويسه مالي م فيني شي، كونو عايزة اعرف انا منو دة غلط؟

امي فضلت ساااكته

قلت ليهو ي ابوي انت دايماً لما تكون قاعد مع ابوي بتتكلم عن موضوع انو انا بتكم دة، وانا سمعتك اخر مرة قلت انك حتكلم سامر بالحقيقه دي، انا م عِن.̷̷̸̷̐ديّ مشكله انو يعرف ابداً وقبل م انتو تقولو انا قلت ليهو،

اتصلت علي اختو وقالت..

بقيت ابكي

كملت كلامي وانا ببكي وقلت ليه قالت لي انو هم عرفو انو انا بت حرام م̷ِْن اخوهم وانو امو وابوهو رافضين، وقالت..

قالت انو هو..

سكتت م كملت گلآمَي وبقيت ابكي، بكيت قدرتي حتي مسحت دموعي وقلت ليهم المهم انا هسي هسي عايزاكم توروني محل جبتوني، فهموني، لْۆ انا عِن.̷̷̸̷̐ديّ اهل رموني وانتو بتعرفوهم كلموني علشان، علشان م̷ِْن حقي اخد حق النسب غصباً عنهم، حتى لْۆ بت حرام انا ذنبي شنوووو؟ ليه تتصل علي وتقول لي عرفنا انو انتِ بت حرام؟واهلي رافضنك؟ هل دي حاجه بتعيبني؟ هل انا عِن.̷̷̸̷̐ديّ ذنب في دة؟انا عارفه اني كدة بس حتى لْۆ مقطوعه م̷ِْن شجرة دة م شي اتعاب بيه

امي دموعها بقت جاريه،

ابوي قال لي بصوت مبحوح ي بتي

قلت ليهو م بتك، انت حتى بينك وبين نفسك م معترف بي، بتقول لي الابو هو البربي م هو البولد وانت ربيتني م̷ِْن انا عمري يوم بس برضو م معترف بي،

وانتِ ي امي حتى اهلك واخواتك كانو كل م يلقو فرصه يقولو لي الكلمه دي وينبزوني بيها، عمرهم م عاملوني كأني بت م̷ِْن بنات البيت، م̷ِْن قمت وانا م̷ِْن عقدة وبسأل مالي فيني شنو م بتعامل زي زي اي زول وسط اهلكم، حتى نظرات الناس ليّ لما اكون وسطكم او في مناسبه بتكون غريبه

إتكيت في الحيطه واديتهم ضهري وبقيت ابكي زي الشافعه، ابوي قال لي إستهدي بالله واستغفري الكلام البتقولي فيهو دة م ليهو اي اساس م̷ِْن الصحه، حصل شوفتيني عاملتك معامله غير معامله ابو مع بتو؟انا بفضلك على مهند ولدي عشان بقيتي لي الاتنين،

طلعت م̷ِْن حوش ابوي الحداد ومداد وقاطعتهم عشانك، امك دي منعت اخواتها الجيه لبيتي عشانك دة كلو عشان شنو؟

مش عشانك؟

سكتت وبقيت اتنهد

امي قالت لي م شايفنك غير الاخت، والبت والولد والأهل واي شي، گلآمَگ الهسي بتقولي فيهو دة عيب شديد، على الأقل بدل م تشوفي لكلام الناس شوفي لينا نحن ديل،

ابوي قال لي عندنا منو غيرك وعندنا شنو في الدنيا دي غيرك؟ مهند؟ بتمشي تخلينا لمهند؟

لفتني عليه قال لي بتكلم معاك ردي بتخليني لي مهند؟

زدته في البكى

قال لي انا مكان م بحترموك فيهو لٱ بخليك فيهو ولا بوديك ليهو زاتو، ونحن الما راضين بالعرسه دي مش هم الما راضين، وانا هسي دي بتصل عليهو، م عِن.̷̷̸̷̐ديّ بت بياخدها، كان داير ولدو اللجي يشيلو بلاش كلام فارغ، دقيقه،

دخل الهول شال تلفونو وطلع الشارع،

امي قالت ليّ عتبي على سماعك لكلام الناس دة، كان بتشوفي لينا نحن، بس نحن انا وابوك ماااااااا بهزك كلام زول، م بهزك ي بتي خلي يقولو اليقولو ونحن بنعرف نرد ليهم ونوقفهم في حدودهم وانا الليله والله العظيم تلاته كان قبيل بعرف بيت اهل سامر دة كان مشيت وعملتهم فرجه الجهلاء المتخلفين، احمدي ربك حمداً كثيراً طيباُ مباركاً فِيَه، ربنا م دايرك تقعي في ناس زي ديل، انا زاتي م ارتحته للولد دة، ولا ارتحت ليهم •اللّہ̣̥ اكبر عليهم الما محترمين م̷ِْن يوم مشيتي ليهم وجيتي ماكي ياكي عرفتهم م ټمٱم، ي بتي انتِ تتوزني بالدهب مالك ومال العواليق يلا،

دخلت الغرفه وقفلتها علي وبقيت ابكي، بكيت لمن نمت،

صحيت الساعه 6 صباحاً على صوت امي بتصحي فيني

رفعت راسي لقيتها لابسه توبها قالت لي قومي سامر دة جا قال داير يتكلم معاك

قلت ليها م عايزة اللاقيه ولا عايزة اشوفو

قالت لي قاعد مع ابوك في الصالون قومي عشان ابوك زاتو بناديك

قلت ليها م قايمه، م ماشه، م عايزة اشوف خلقتو دي

قالت لي اسمعي كلام ابوك، خليهو هو

رقدته وجريت التوب اتغطيت بيه

بعد 5 دقايق سمعت ابوي بقول وينها هي البت دي، شهد، ي بت،

دخل الغرفه رفعت راسي، قال لي قومي على حيلك الولد دة في الصالون براي

قلت ليه ابوي انا موقفي واضح م عايزاهو، م عايزة اشوف وشو وخلقتو دي؟

قال لي كلنا موقفنا واضح ومعاك لكن انا بتكلم معاك قومي غسلي وشك وامشي اقعدي معاه اسمعيه عايز يقول شنو بعدها كان بقيتي على رايك دة حرم انا زاتي رجلو م بخليهو يختها في البيت دة، يلا قومي غسلي وشك دة واللحقيني م اجيك راجع تاني او اناديك فاهمة؟

كان بتكلم بصوت حاد

طلع، امي جات قالت لي يلا •اللّہ̣̥ يرضى عليك م تكسري كلمه ابوك يلا،

نزلت غسلت وشي وطلعته مشيت الصالون لقيت سامر في وشي، طبعاً لابس على •اللّہ̣̥ وسخاااانهه وكلها زيت، واغبش والتراب ماليهو وشعرو ملان قش وحالتو حاله،

ابوي قال لي اقعدي هنا، اشر لي على السرير التاني،

قعدت، قال لي تسمعي الكلام م̷ِْن الأول للأخر بعداك م يصح الا الصحيح، كان بقيتي موافقه بعد كلامو البقولو ليك دة ف بها، كان لٱ كمان ف بها،

راحتك دي فوق كل شي، والحقارة دي م حقت بنات رجال سامع ي ولدي؟ انا البت دي م كبرتها لغايه م شايفها انت قدامك كدة عشان يحقرو بيها، انا دة م قاعد ارفع صوتي عليها خليك م̷ِْن انو اسمعها كلام كعب

هسي انا بخليكم اقعدو واتفاهمو واياً كان البحصل ف هو لخير

طلع خلانا،

انا منزله عيني في الارض وبهز في رجلي، سامر قال لي شهد

م رديت عليه،

تاني قال لي شهد ارفعي راسك دة هنا انا بتكلم معاك

م رديت عليه برضو

قال لي انا بتكلم معاك ارفعي راسك دة ..

ي دوب نزلت راسي كويس وانا ساكته

قال لي طيب، ممكن اعرف الإتصل عليك منو م̷ِْن بيتنا وقال ليك شنو بالضبط؟

فضلت ساكته

قال لي جاوبيني انا بسألك

م رديت عليه

قال لي م هو السكات م بحل مشڱلهِ ولا حيخلينا نوصل لنتيجه ابداً

قلت ليه عايزني اقول ليك شنووو؟ اهلك قالو كل حاجه، اقول ليك قدر شنو انت مقرف وقذر؟

اقول ليك انك جبان؟

اقول ليك انك منافق وكذاب واناني؟

بقى يعاين لي م قادرة احدد نظراتي غضب مخلوطه بإندهاش واستغراب، مخلوطه بعتاب

قلت ليه م خليت لي سبب واحد احترمك بيه،

قال لي تمام برضو م قلتِ لي منو المن اهلي اتصل عليك؟

قلت ليه علشان قال حقيقتك حتحاسبو؟ ماشي ليه شنوووو حتكسر رقبتو؟

قال لي انا م بغلبني اعرف هو منو، انا عايز اعرف م̷ِْنك انتِ

قلت ليه م ضروري تعرف المهم هو كتر خيرو م قصر ووراني انت شنووو، نفسي افهم ليييهه الكذب؟

لْۆ قلت لي ي شهد عايز اتزوجك عشان تربي معي زين دة الدنيا كانت انتهت؟

لْۆ قلت لي زين دة ولدي بدل السيناريو الطول وعريض المألفو داك كنت ماشه اكسسسر رقبتك ولا خاته ليك سيف في رقبتك؟

لْۆ قلت لي سيف دة م لاقي ليهو مكان يلمو واهلي م بوافقو يكون في البيت عشان انا جابو ساي فكرك حيكون مشڱلهِ اساعدك بدل م تستغلني وتكذب علي وتستغباني كدة؟

قال لي طيب الكلام دة كلو وصلو ليك اهلي صح ي شهد؟وانتِ صدقتيهم واخدتي موقفك بدون م ترجعي لي

قلت ليه ارجع ليك؟ ارجع ليك في شنو والكلام جاي م̷ِْن نص بيتكم؟ ارجع ليك في شنو وانت ماشي تقول لي اهلك شهد دي بت جايبنها م̷ِْن الشارع ومربنها، ارجع ليك في شنو وانت بتقول لي اهلك معرسها عشان زين؟

لْۆ رجعت ليك بكل بساطه حتنكر وحتكذب بس الحمدلله تصرفاتك كانت فاضحاك قبل كلام اهلك، اكتر حاجه مقرفاني مڼڱ اني لما رسلت ليك وحكيت ليك عن انو انا منو دة كان احتراماً للبينا وعشان اكون واضحه معاك، حبيت اخليك في الصورة واحكي ليك قبل م ابوي يمشي ويحكي ليك، قلت زول عاقل، زول متفهم، زول تفكيرو م محدود واكيد م حيكون عندو مشڱلهِ في الحاجه دي ولا فكرت انو حتطلع الموضوع دة م̷ِْن الشات البيني وبينك، بس بسم •اللّہ̣̥ ماشاءالله عليك م عدت كم سَآعهْْ ولقيت اختك متصله علي وبتقول لي بكل وقاحه نحن عرفنا انو انتِ بت حرام، سامر حكى لينا..

قال لي بس دة الانا عايز اعرفو، اختي منو الإتصلت؟

قلت ليهو بتفرق في شنو؟ م بتفرق في شي، وانا خلاص كلامي واضح وقلتو لي ابوي، م عايزاك وخلاص انتهينا

عايزة اطلع قام وقفل الباب،

قال لي دقيقه، عايز اتقالع معاه افتح الباب قال لي بنهرة م بتطلعي م̷ِْن هنا مالم الموضوع دة يتحسم فاهمة؟ وبعداك انتِ حرة، اقعدي هناك يلا، وقفت وربعت يدي

طلع تلفونو صغير كدة واتصل مكالمه، م ردو ليه، تاني رجع اتصل، برضو م ردو ليه، تاني اتصل،

بعدها قال: ي حاج كيف، صباح النور، الحمدلله امي دي جمبك؟ بتصل عليها م بترد ولا في زول م̷ِْن الباقين برد،

ټمٱم اديني ليها، صحيها اديني ليها ي ابوي عايزها هسي،

ټمٱم

بعد 3 دقايق

فتح الاسبيكر

امو قالت ليه اي ي سامر كيفك ي ولدي صباح الخير

قال ليها صباح النور

قالت ليه اصبحت كيف طيب؟

قال ليها الحمدلله

قالت ليهو الحمدلله، اها جاي الليله؟ امبارح م جيت اتوقعتك تجي

قال ليها ان شاءالله

قالت ليهو صوتك مالو تُعباُنٌ عيان ولا شنو ي ولدي؟ مالك فْيَگ شنو؟ خير ان شاءالله

قال ليها ي امي انتِ تلفوني الكبير عندك ولا وين؟

قالت ليهو اي عندي، ختيتو ليك في الشحن م̷ِْن يوم مشيت، هسي مقفل خاتاهو ليك في الدولاب، ياسمين شالتو فتحت بيهو شبكه لَگِنْ م خليتها قلعتو منها ورفعتو ليك فوق

بقى يعاين لي، وانا بعاين ليهو، قال ليها اتصلتي على شهد انتِ ي امي؟

قالت ليهو ابداً ي ولدي، رقمها زاتو م عِن.̷̷̸̷̐ديّ، ليه في شنوووو؟

قال ليها ماف شي،

قالت ليهو خير ي ولدي مالك؟ صوتك ماهو طبيعي،

قال ليها ماف شي ي امي قلت ليك

قالت ليهو سمح الليله اتحرك تَعاّل ارتاح، واعمل حسابك م̷ِْن الحشرات والعقارب ونصايب الدنيا ديل

قال ليها ټمٱم

قالت ليهو سمح يلا انا زاتي قايمه اسوي الشاي بعد كدة، صحيت صليت الصبح وشالتني نومه، يلا ي ولدي، كان جاي الليله كلمني اطبخ ليك شنو،

قال ليها برجع ليك ي امي

قفل منها الخط وبقى يعاين لي مسااافه حتى قال لي لْۆ رجعتي لي كان فهمتي مِڼّي كل شي، كان سمعتي مِڼّي افضل م̷ِْن تسمعي عني،

تلفوني الكبير م معي م̷ِْن يوم اتكلمت معاك ناسيهو في البيت لانو الخلا النحن بنمشيهو دة م فيهو شبكه اساسا، نًسّْيتً التلفون في البيت وبعد اتحركت حتى امي اتصلت وقالت لي نسّْيتً تليفونك في السرير ف قلت ليها انو هو م مشحون سلفاً ف اشحنيهو وخليهو لمن ارجع، شايفه حالتي دي؟

جاي بيها م̷ِْن الخلا فوق مسافه كم كيلو بسرعه م مَسمََّوُوُح بيها خاشي لي حمار و في كم بهيمه في الطريق عشان ببساطه حضرة سيادتك بتغلبك مكالمه مدتها دقيقه تقولي فيها شي حاصل معاك شنو وتتريثي..

قلت ليه واختك مصلحتها شنو تقول عنك كدة ها مصلحتها شنوووو ممكن افهم؟انا م كذابه دة كلام اختك

قال لي مستحيل تقولي انا غلط

قلت ليه ايوة م غلط لْۆ في غلط ف هو غلط اختك م̷ِْن كلامها واضح انهم م عايزني ودة كلام اهلك حتى ولو امك م عارفه بس اختك م نقلت غير راي اهلك وزادت عليهم شويه وليه م يكون كلامها صح؟ ليه م تكون اصلاً دي افكارك وفعلاً انت عايزني عشان اربي ليك زين وخلاص؟ في النهايه هي اختك يعني بتعرفك اكتر مني، والحاجه دي واضحه في اسلوبك وتعاملك معي، تتصل على كيفك، تهمل على كيفك، حتى طريقه كلامك معي جافه اديني سبب مقنع يخليني م اصدقها

قال لي العرس دة بغلب زول؟ انتِ ماف غيرك في الدنيا دي؟

شهد انا زول خلا، عارفه يعني شنو زول خلا؟الحته الانا فيها دي لْۆ قلت دايرهم 4 حته واحدة وقلت م عِن.̷̷̸̷̐ديّ بي اخوي واخوك ساي بدوني ليهم لْۆ اصلاً الموضوع زين ف هو م واقف عليك انت ابداً ِ الولد دة انا متبنيهو عِن.̷̷̸̷̐ديّ 3 سنه وداخل على الرابعه، وبعدين هو كان ولدي وعندو ام البخليني اربيهو بعيد م̷ِْن امو شنو؟ والبخليني افتش ليهو ام م̷ِْن برة شنو؟زي م بقيت راجل وجبتو البخليني م ابقى راجل واعرسها شنو؟

وبعدين انا لما اقول ليك انا م̷ِْن قمت زول خلا وبهايم ساي مفروض تستوعبي كلامي يعني التعامل البتتمناهو اي سندريلا وبتتوهم انو يتقال ليها ويتعمل ليها وتتعامل على اساسو دة انا الا يشرحو لي في سبورة، انا م بعرف اتعامل مع البنات عموما، ولاً بعرف كيف بتفكرو، اهمال دة تشتكي لي منو لما تكوني معي في بيت واحد وأقصر في حقك م̷ِْن كل النواحي، اما هسي اهمالي دة م ليهو غير تفسير واحد انو انا شغال، بعيد، م عِن.̷̷̸̷̐ديّ شبكه لْۆ داير اتكلم الا امشي لي حته بعيدة او اطلع لي في قعر شجرة، طريقه كلامي جافه عشان الشبكه ي دوب بتخليني اقول كيفك وبتفصل قبل اتم كلامي، حاولت اكون الزول الدايراهو انتِ ودايراهو اي بت غيرك بس الموضوع دة زاتو داير ليهو زول متفرغ، فاضي وعندو زمن للتفكير، م زول مدروش وشايل مسؤليات وعينو طالعه زي، انا كان عديت يومين في الخرطوم البقيه بكونو في الخلا، وحتى اليومين البعديهم ديل بتلقيني سايق ترحال عشان دي حياتي كدة، دة وضعي كدة، دي ظروفي انا زول م̷ِْن قمت زول مسؤليات عشان اكون واضح معاك م̷ِْن هسي ي بت الناس ..

قلت ليه بغض النظر عن كلامك الاخير دة، اهلك عندهم راي هم ادرى بيهو، والا اختك ليه تقول كلامها دة يلا قول لي

قال لي بصوت حاد م اختي، م اختي ي شهد ياسمين م اختي، ديل م اهلي، انا زاتي م عِن.̷̷̸̷̐ديّ اهل، البقول ليها امي دي صحبه امي، وياسمين بتها وكل الإستقبلوك في البيت ديل اخوان ياسمين، انا الما عِن.̷̷̸̷̐ديّ اهل لأنو امي متوفيه م̷ِْن وانا عمري 10 سنين، وابوي متوفي م̷ِْن عمري سنه او اقل م̷ِْن سنه م شوفتو وم بعرفو زاتو هسي كان وقف قدامي م بعرفو، يعني انا م̷ِْن قمت يتيم ي شهد ټمٱم كدة؟...

ِ