الفصل الحادي والأربعون

كل المتذكراه انو قام م̷ِْن جمبي مفزوع وجرى دخل الغرفه،

لحقتو بقيت اسألو في شنو وانا حيلي في اللحظه دي اتهد وم في بالي غير انو ابوي اتوفى،

قال لي بصوت برجف دي يسرا بتقول انو امي اتوفت،

فتح الدولاب

قلت ليه لٱ حول ولا قوة الا بالله، مالها؟

قال لي م عارف انا ي شهد م عارف

على بال م يلبس طلعت لي عبايه لبستها وجريت الطرحه طلعت معاه،

سامر كان سايق وم شايف قدامو وجسمو كلو برجف، وبتصل مكالمات بس ماف زول برد عليه،

وصلنا وكان في ناس كتيرة قدام البيت، رجال، ونسوان داخلين ومارقين،

سامر دة انا م عارفاه نزل مشى كيف بي الحاله الهو عليها ديك كيف، م̷ِْن الباب الرجال استلموه وبعزوه، وهو بتجاوزهم وداخل وانا وراه، دخلنا البيت اصوات البكى كانت بتتعالى في المكان والصراخ،

اول واحدة لقيناها في وشنا تماضر، جات علينا و

بقت تقول سامر، وب م̷ِْن الجاتنا ي سامر وااااااي ي سامر فاتت و فارقتنا ي سامر فارقتنا ...

فجأة جات يمن جاريه وحضنتو وهي بتقول ليهو سامر امي ماتت، ماتت ي سامر كانت كويسه ي سامر م عليها شي والله م عليها شي ي سامر

سامر دموعو جات جاريه وهو حاضن يمن،

في وقفتنا دي طلعت ياسمين بتصرخ، وفي مرة.بتتكلم معاها وماسكاها وبتقول ليها ادعي ليها، ادعي ليها واصبري ي بتي هاك اشربي المويه دي اشربيها انتِ لسسه م قادرة تقيفي، كانت بتصرخ وبتقول واااااااي يخواني، م قادرة يخواااني م قادرة، فااتت وخلتنا خلاص، قصت قلبنا يخوانا نحن تاني نقول ي منو، واي م̷ِْن الجاتنا وفجعتنا،

جا عبدالرحمن بقى يتكلم معاها لانها بتصرخ بأعلى صوتها وبقول ليها قفلي، قفلي قلت ليك بلطشك انا،

المرة وقفت في نصهم، جات على سامر وهي بتصرخ

وااااااي ي سااااامر وااااااي ي سامر ماتت، فاتت وخلتنا ي سامر، كانت كويسه، كويسه والله العظيم كويسه تعبت شويه وم لقينا ليها اكسجين بس واترمت في حضنو بقى ماسكهم هم الاتنين، بعد مساافه ياسمين غمرت،

شالها ودخلها جوة وانا وراه، دخلنا الهول كانت في صوت بكى ونسوان بصبرو وبقولو استغفري،

والصوت كان بقول: تاني البحضن لي اولادي منو، البقالدني منو، البشيل معي الصعب منو، ربت وكبرت معي وفاتت خلتني يخواني، ام اولادي يخوانا فاتت خلاص لٱ حول ولا قوة الا بالله، اللهم لٱ اعتراض في حكمك ي رب، ي رب تصبرنا، ي رب تصبرنا، ي •اللّہ̣̥..

فجأة عيني وقعت على ام سامر..

ومرة بتقول ليها استغفري ي منال، استغفري وادعي ليها ربنا يعظم اجرها..

منال؟

عاينت لسامر هو زاتو كان واقف مخلوع وملامح وشو م بتتفسر، اقرب لي انو في نفس الحيرة الانا فيها

نحن كنا فاهمين غلط؟

امو قامت م̷ِْن محلها وجات عليهو بسرعه ومسكتو وبقت تبكي فيهو وتقول ليهو كبيرتنا ماتت ي سامر، الساندانا وعمود البيت الوحيدة الباقيه لينا ماتت ي ولدي، واي م̷ِْن حرقتها ي ولدي واااااااي..

دموعي جات جاريه، يعني الحبوبه هي الاتوفت طلعت وانا ببكي ومسكت يمن وبقت تبكي فيني،

قالت لي كويسه ي شهد م عليها شي والله، بس اتضايقت شويه شلناها وديناها المركز دة عشان تاخد اكسجين قالو.مافي، وديناها مستشفى ال... برضو مافي، لفينا كذا حته م لقينا، ٱڅڑ مستشفى دخلناها فيها بقينا نحلفهم يشوفوها مالها لانها بقت م بتتحرك بس لما جا الدكتور قال لينا ميته عندها نص سَآعهْْ تقريبا يعني تخيلي كنا شايلنها حايمين بيها ونفتش ليها في الاوكسجين وهي ميته ي شهد

كانت بتتكلم وهي بتبكي وصوتها منتهي

سامر جا طالع رغم انو وشو مخطوف ولسسه مصدوم وبحاول يستوعب بس برضو كان متماسك، لسسه الجنازة م كان طلعوها

سامر داخل ومارق واي شي محتاجنو جابو ليهم..

م̷ِْن الحاله الهم فيها شكلهم كانو متعلقين بي حبوبتهم شديد، لما مطلعين الجنازة يسرا دي كانت جاريه ورا البوكس عديل لْۆ م مسكوها، كلهم وقعو في نص الشارع وببكو، حرفياً كان يوم مأساوي شديد، بكيت معاهم لمن بقيت م حاسه بصوتي، يمن اغمى عليها وبقيت انا معاها،

بعد الرجال جو م̷ِْن الحنازة سامر جا شايل حاجات، كل حاجه ممكن يحتاجوها للمطبخ جابها..

ياسمين كانت لسسسه بتبكي وبصورة انهيار كدة، قالت ليهو دفنتوها وجيتو ي سامر، خليتو يمة وراكم وجيتو ي سامر؟

في بنات قالو ليها ياسمين استغفري

قالت ليهم م تقولو لي استغفري عايزاها انا عايزاها امبارح زي الزمن دة كنت بتونس معاها يخوانا كيف ماتت، سامر جا ماري بجمبنا، في ناس قالو ليه شوف اختك دي اتكلم معاهَ اآ، كانت قاعدة في الارض وتبكي

قال ليهَ اآ قومي م̷ِْن مكانك دة يلا بي نهرة،

مسكت فِيَه قالت ليه امس زي الزمن دة كانت هنا ي سامر قاعدة تتونس معي في مكانها داك، نحن م عندنا غيرها كبير ي سامر م عندنا والله، حبوبه خلاص ماتت والله م قادرة م قادرة ي سامر

وبقت تبكي في حضنو، وانا والناس كلها واقفين نتفرج، وشبه داخت كدة ساقها قعدها في السرير وقال لي شهد اعملي سكر وملح سريع كدة..

في مرة قالت ليهو البت دي بتموت دي المرة الكم تدوخ ودوها المستشفى خلوها ترتاح هناك احسن

دخلت المطبخ الناس بتعمل في الشاي شلت كبايه عملتو فيها وجبتو لقيت سامر ماف، في مرة.جمبها اديتو ليها قالت ليها هاك اشربي

قالت ليها م عايزة.انا م عايزة

ياسمين كانت لابسه عبايه وطرحتها في كتفها وشعرها مفكوك ساي

المرة قالت ليها ي بتي اسمعي الكلام بتموتي، سامر جا داخل شايل لوح تلج نادتو تماضر قالت ليهو ي ي سامر تَعاّإاّإلّ شوف اختك دي حالفه م تشرب السكر دة وهي حيلها م شايلها لمن ترجف تَعاّإاّإلّ اتكلم معاها تعبتنا معاها وغلبنا النعملو ليها

جا قال ليها ياسمين شيلي اشربي يلا اسمعي الكلام

قالت ليهو.م عايزة ي سامر م عايزة

قال ليها اسمعي الكلام انا بتكلم معاك يلا سرعه بطلي البتعملي فيهو دة

شالت شربت منو، كان في اولاد بعلقو في صيوان في الحوش، قال ليها لمي شعرك دة واللبسي طرحتك دي وقومي م̷ِْن هنا يلا، واتحرك مشى..

تماضر قالت ليها بتجيبي ليك عين اسمعي الكلام لمي شعرك دة البسوى والما بسوى كلو يعاين فْيَگ اسمعي كلام سامر وعاينت لي بي طرف عينها ..

وانا قاعدة.مع يمن بنغسل في العدة وبنرتب في الحوش العصر جات مرة كبيرة في العمر قالت ليها ماشاءالله ي بناتي، دي صحبتك؟

يمن قالت ليها لٱ دي مرت سامر اخوي ي عمتو

قالت ليها بخلعه عليك •اللّہ̣̥، دي مرتو العرسها وم عزمنا ليها؟

يمن قالت ليها عمتوووو..

قالت ليها بالحيل زعلانه منو الولد دة لانو دي م اخلاق زول عديل وفيهو رجاء،

يمن قالت لي شهد شيلي الصينيه دي ارح

شويه كدة فجأة بقيت احس معظم الناس بتعاين لي وبتهامسو مع بعض،

وتحت تحت بسمع دي ياها مرتو، دي ياها المسكتو منهم...الخ

كنت مباريه يمن بس عشان م اقعد براي والمكان البلقاه فاضي بقعد فِيَه، بالجد المات فقد روحو خلو موضوع موت المرة القبرها لسسه م جف نهائي ومسكو فيني انا، لغايه م الحمدلله جات خالتو نور وزين، خففو علي ضغط شويه، اثناء م نحن قاعدين وبنتونس جات نفس المرة الكبيرة ديك قالت ليها ي بت نور گّيَفْ الّحّال ٱن شْاءِ اللٌہ بَخّيَرٌ ي بتي

خالتو نور قالت ليها الحمدلله بخير ...

قالت ليها والله زعلانه مڼڱ انتِ وود اختك زعل م بعدو زعل

قالت ليها ليه ي خالتي خير ان شاءالله ي ساتر؟

قالت ليها يعني انتو الولد دة تطلعوه م̷ِْن بنات البيت البسدو عين الشمس ديل كلهن وكمان فوق دة م بتعزمونا نحن اهلو الربيناهو ووقفنا فيهو؟ دة شنو دة ي نور ي بتي؟وبعدين البيت دة م ياهو ملااااان بنااات في الضلام يضون لون، شعر، جسم، ادب، اخلاق، الناقصهم شنو لمن يمشي يفتش برة؟

بقيت اتلفت،

يمن قالت ليها عمتووووو؟

قالت انتِ اسكتي خليني

نور قالت ليها قسمة ي خالتي قسمة، وبعدين م تلوموهو لانو قبيييل البتقولي عليهو ولدكم دة وقت حصل ليهو الحصل كلكم طرفتو بعيد ووقفتو ورميتوهو لغايه م طلع ماف زول فتش دربو حتى ناس البيت الهنا ديل كان ناسيه اذكرك وعموماً سامر دة هو م̷ِْن زمان مارق م̷ِْن البيت دة وماشاءالله ربنا بارك ليهو في عرسو وبقت ليهو العوض السمح..

يمن قالت ليهم يخوانا الميته دي لسسه قبرها م جف على فكرة بتبالغو يعني عمتي رجاءً دة شنو البتعملي فيهو دة انتِ؟

المساء سامر ناداني، قال لي ترجعي البيت مع ناس خالتي ولا تمشي بيتكم؟

قلت ليه لييييه؟

قال لي انا واقف في الرجال م بقدر اوصلك زي م شايفه براك م بقدر اخليهم براهم

قلت ليه طيب م ماشه انا حقعد معاك هنا

قال لي ي شهد على الاقل انا محتاج اسبوع عشان ارجع م̷ِْن هناك براك شايفه محتاجين وقفه والضيوف والناس كتار م ينفع اخليهم وارجع وهنا لْۆ قعدتي حتتعبي ي شهد وم̷ِْن هسي الحاجه دي باينه عليك

قلت ليه انا كويسه

قال لي ټمٱم اسمعي الكلام اذاً وم تعاندي خلينا اقوم بالواجب وارجع اسوقك طيب؟

قلت ليه طيب انت كويس؟ م̷ِْن الصباح واقف على رجل واحدة...

اخد نفس وقال لي بي تنهيدة الحمدلله انا ټمٱم

قلت ليه طيب

قال لي حتمشي مع ناس خالتي؟

قلت ليهو لٱ حمشي بيتنا بالمرة اطمئن عليهم وكدة عشان م قعدته معاهم

قال لي ټمٱم اجهزي واطلبي ترحال وكلميني لما تطلعي

قلت ليه حاضر

طلعت مع خالتو نور وزين، لاقانا في الشارع قال لي خلاص؟

قلت ليهو ايوة،

طلع قروش اداني ليها وقال لينا خلو احمد يوصلكم انا كلمتو

قلنا ليهو ټمٱم

احمد جا قال لينا يلا ي جماعه نطلع،

هم ركبو وانا فضلت واقفه، قلت ليه سامر خلي بالك م̷ِْن نفسك

قال لي حاضر ي شهد وانتِ كمان، بتصل عليك طيب؟

قلت ليهو ټمٱم

❖

حكمه •اللّہ̣̥ مما قمت ربنا مسهل لي كل اموري ومديني كل الفي خاطري، عمرو ربنا م حرمني م̷ِْن حاجه كانت نفسي فيها، ڼعمًْ ربنا كانت دايما بعطاؤ الدائم علي في تحقيق رغباتي وتسهيل اموري، حياتي كلها كانت عبارة عن ڼعمًْ، ف بالمقابل المرة الاولى الجاني فيها الحرمان كان متمثل في شهد، اكتر حاجه اتمنيت ربنا يكرمني بيها وبعدها كان حرمني اااي شي تاني ان شاءالله عافيتي انا راضي، م عارف انا كنت جبان ولا مالي، لدرجه اني احب البت دي م̷ِْن لما كانت في الثانوي واكون مراقبها كدة وكل مرة أأجل رغم اني عارف انو لْۆ قلت دايرها م حترفض م̷ِْن قبل اهلها، م عارف سكوتي دة كان عشان القسمة، ولا عشان ربنا كاتب ليها الخير في الزول دة وانا م بستحقها ولا عشان شنو، حتى بعد عقدت وحصل بينهم الحصل وجات لجأت ليّ وحكت لي كل الحاصل بينهم كنت متأمل انو في قسمة بينا وانو ربنا بعد دة.كلو كاتبها لي بس برضو م لقيت نفسي قادر ابادر واصارحها وأجلت الموضوع لغايه م تتخطى الفترة، دايماً بقدر اكون حضور لأي شي بخصها وهي بتحتاجني فيها الا لما يكون الموضوع متعلق بمشاعري تجاها بلقى روحي اضعف م̷ِْن انو اعترف ليها، عمري م خفت على خسارة شي قدر خوفي م̷ِْن خسارتها، وم فرق معي شي غير موال إني اترفض م̷ِْن جانبها، بالإضافه للصراعات الحأدخلها فيها مع اهلي ودي قادر إني اسيطر عليها بس مشكلتي الأكبر كانت التأجيل، كنت دايماً ضامن وجودها قدامي م كنت بعاين للجانب بتاع انها بتكبر وانها داخله على مجتمع جامعه و...الخ، إطمئناني في إنها حتكون اكيد م̷ِْن نصيبي بدون م اخطي خطوة حتى في إظهار مشاعري ليها كان سبب في خسارتي ليها، وحتى بعد بادرت بادرت بطريقه غير مباشرة وفي الزمن الغلط، هي بتستحق الاحسن فعلاً وانا كنت شايف نفسي بستحقها شديد، حقيقةً ليت النوايا تُرى، واسوأ شعور حاسيهو انها الزوله على مدى سنين طويله كانت قدامي ف انا بعد الجبن الكنت فيهو دة كلو زعلان على اني فقدتها، كل م اقعد مع نفسي م بحس بي شي غير في استمراري في جلد الذات والتحسر عليها ...

❖

في قعدة في حوش الوفاة..

عايني ي امي مدام اصلاً هسي حصل الحصل وكل الناس دي متجمعه كلمي اعمامي يفتحو الموضوع مع سامر ويناقشوه، كلميهم هم بسمعو.گلآمَگ بالحيل، خلي يضغطوه، وسامر م بكسر كلمة كبير، خليهم يقولو ليه مدامك عرست ورضيت لنفسك رضي لينا نحن كمان،

خلي عمي الخضر يختو امام الامر الواقع قدام الرجال وانتِ عارفه سامر بحترمو كيف..

سمح ي بت كدة خلي بعدين بنادي الخضر بتكلم معاهو اصلاً هي زاتو شن العروس الجايبها؟اكلت عقلو ساااي الولد اظنها عملت ليهو مصيبه كتبتو م بعيدة عليهن بنات الزمن ديل،

تماضر: اصلاً دة الحاصل اكيد، ي جماعه البت مسكتو مننا رسمي وقدرت تعمي بصيرتو وترجعو بعد فكه دربهَ اآ دة شي سااي يخوانا بالعقل كدة؟

❖

حبيبي

كيفك؟

ټمٱم انت كيف طمني عليك

الحمدلله

م̷ِْن صوتك واضح انك تُعباُنٌ بس عمرك م حتقول

مرهق والله ي شهد بس هانت كلها كم سَآعهْْ والصيوان يترفع تاني ماف شي بقعدني ان شاءالله بكرة نكون في بيتنا بجي بسوقك المساء

طيب حاضر خلي بالك م̷ِْن نفسك

اثناء م انا بتكلم معاه..

سامر،

ايوة ي ياسمين

دقيقة ي شهد خليك معي

فاضي تمشي معي المستشفى؟ عِن.̷̷̸̷̐ديّ مقابله و فحوصات عايزة امشي اعملها وماف زول يوصلني وم بقدر أأجر رقشه او عربيه خايفه ادوخ في اي وقت وكدة

ا، طيب بس دقايق وبرجع ليك

قلت ليه افصل مڼڱ شكلك مٍشغوٍلًً وم فاضي وكدة..

قال لي مين قال كدة؟

قلت ليه م ضروري زول يقول، امشي وديها وبعدين نتكلم

دقيقة خليك معي..

ي ملهم، ملهم

ايوة ي سامر

هاك دة مفتاح العربيه ياسمين دي قالت انو عايزة تمشي المستشفى تعمل فحوصات ولا شنو م عارف، ف وصلها وهاك دي في حال احتجتو حاجه للفحوصات ټمٱم؟

قال ليهو ټمٱم

رجع قال لي فضيت ليك كدة ولا م فضيت ليك؟ واعفي لي فترة الاسبوع دي كنت م بلقى طريقه احك بيها راسي حتى ي شهد ف يمكن كنت مهملك حبتين وم بسأل

قلت ليهو حبيبي عادي والله انا عارفه وضعك ومقدراه يعني لْۆ فاضي اكيد..

قاطعني وقال لي لْۆ م فاضي مفروض افضى ليك حتى لْۆ 5 دقايق صح؟

سامر اها؟

ايوة ي ياسمين اديت مفتاح العربيه لي ملهم هو حيوصلك

وااااي يعني م حتوصلني انت؟ ملهم م بعرف يسوق ي يا سامر..

بعرف ي ياسمين اليومين المضت دي كلها كان سايقها وبجيب بيها الاحتياجات خليه يوصلك واكسبو الزمن عشان م تتأخر والدنيا ليل

طيب..

م بتتخيلو التصرف دة بسطني قدر شنو واثقه انو.عمل كدة علشان انا م اتحسس بس

❖

صباح اليَوُمًًِ التاني ونحن بنشرب في الشاي في الصيوان، قالو لي تعال ي ولدي..

مكن في لمة غريبه كدة كلها جلاليب وانا اصلاً م ارتحت ليها..

مشيت قعدته حاج الخضر دة هو.الكبير في الاسرة دي عمرو فوق ال 80 سنه،

قال لي انت طبعاً ي ولدي الناس دي كلها ماخدة في خاطرها منك، ، شفت الناس القاعدة هنا دي؟ كلها زعلتها مڼڱ

قلت ليهو كيف ي خال؟

قال لي وزعلتني هسي زيادة بسؤالك دة، م عارف كيف زعلت الناس دي يعني ولا بتتغابى؟

انت راجل وكبير ايوة بس مهما بقيت كبير م بتكبر على اهلك وناسك وعزوتك، طلعت م̷ِْن بنات البيت وعرست وحتى في العرس م طريتنا لٱ بّخْيرٌ ولا بشر، ولا فكرتنا حتى وعرسك دة سمعنا بيهو سمع هل دة تصرف صح مڼڱ؟

مرة شنو البتخلي في دربها اهلك وبتقاصدهم ي ولدي؟

وهو زاتو بنات البيت ديل مش ياهو انت سترهم وغطاهم؟كيف بتفوتهم؟ وبتمشي ورا واحدة تمسكك وتخليك تنقطع م̷ِْن اهلك؟ ..

قبل يتم كلامو قلت ليهو عمي الخضر لٱ إله الا •اللّہ̣̥؟

قال لي محمد رسول •اللّہ̣̥

قلت ليه انا حصل لي الظرف الاحتجت فِيَه القعدة دي وم لقيتكم فِيَه مع احترامي ليكم كلكم بس كل الجلاليب الهنا دي م شفت منها زول.

اضافه لي إنو البنات ديل م عارف الجدة شنو لَگِنْ هم قدامي م̷ِْن صغار وربيتهم انا دة بي يدي يعني م عميان منهن لكن م شايف لي واحدة فيهم اكتر م̷ِْن اختي، وكان عرسته واحدة فيهم الا تبقى علي زي ضهر امي واحد،

الستر والغطى دة ببقى الا بالعرس؟قول عرست واحدة فيهن اها البقيه استرهم واغطيهم كيف؟و هم متين بقو م مستورات يعني عشان انا استرهم؟

علاقتي مع مرتي م بقدر ادخل ليك في تفاصيلها والاحسن م نفتح موال العرس دة لانو خلاص البقى بقى وانا واقعياً زول عرست واستقريت الحمدلله وبقى عِن.̷̷̸̷̐ديّ بيت واولاد مسؤل منهم وم باقي على غير البيت دة نهااائي كدة ټمٱم الصورة وضحت اظن، والسلام عليكم يخوانا متجمعين في الحرم ان شاءالله..

❖

صخر

جمانه كيفك؟

الحمدلله عاين م جاي بعد كدة؟

وين؟

الخرطوم حيكون وين يعني؟

والله ي جمانه بحاول اجي ان شاءالله

شنو بحاول اجي مهمتك دي لسسه؟

قربت تخلص بس احتمال كبير اتنقل

تتنقل؟ وين؟

السعوديه

شنو؟ كيف يعني حيسفروك السعوديه؟لشنو وكيف؟

لسسه ماف شي اكيد بس في قرار م̷ِْن النوع دة طلع ومعاه ترقيه، ف منتظرين مِڼّي رد لسسه

طيب وانت ردك شنووو؟

م عارف والله ي جمانه لسسه بفكر

بتفكر في شنو اكيد م حتوافق طبعاً صح؟

م عارف برضو، الموضوع م ساهل لْۆ رفضته حتحول للصالح العام وحدخل في موالات، انت قال ليك نحن العساكر ديل حياتنا دي حقتنا؟

صخر؟؟

ايوة

في شنو انت مالك ليك فترة م ټمٱم حتى في نبرة صوتك..

ماف شي والله ي بتي انا ټمٱم

حتى لْۆ م ټمٱم وفي شي انا بقدر اقدمو ليك قول لي ي صخر بليييز

حاضر بس ماف شي والله ولو في اكيد بقول ليك، الشي الوحيد البتقدري تقدمي لي انك تبقي عافيهه وتخلي بالك م̷ِْن نفسك وخليك عارفه انو انا دايماً يعني حتى لْۆ حصل ووافقت بالسفريه دي ف انا م بنقطع مڼڱ ولا حأخليك اي شي حاصل ليك انا عِن.̷̷̸̷̐ديّ الموجود هنا وبقدر يقوم بالواجب ...

قلت ليه طيب بس م توافق ياخ انت مش قبل فترة قلت لي فترت وعايز ارتاح واستقر بعد كدة وحكيت لي عن قلق وخوف امك عليك م̷ِْن دخولك الجيش لغايه هسي وكيف هي تُعباُنٌهْ معاك وانت ماخد ذنبها؟طيب هسي الجدة شنوو ي صخر

ماف شي ي جمانه بس الموضوع م ساهل وجات كدة فجأة دفعتنا اترقت واتوزعنا كدة، يلا برضو هو تغير، والكاتبه •اللّہ̣̥ بتحصل

ايوة انا بعرفو م̷ِْن فترة م طويله بس حد عرفتي بيهو البتكلم معي م صخر ابداً لٱ نبرة الصوت ولا اسلوب الكلام دايماً كان بتكلم بي همة كدة وبي بهجه حالياً العكس، ، م قدرت اعرف هو متضايق مالو ولا الحاصل عليه شنو عشان اقدر اساعدو زي م هو م قصر معي..

❖

شلت مفتاح عربيتي واخدته بعضي ومشيت بيتنا م مشيت لي شهد لاني متضايق جداً وشهد حتى لْۆ م بينت ليها حتعرف بأقل تغير مِڼّي في نبرة صوتي او غيرو، وم بقدر اضبط نفسي انا لما اكون متضايق واثق م̷ِْن كدة.

قفلت التلفون ورقدته نمت، لما صحيت لقيت الساعه ماشه لي 10 مساء، كنت مرهق شديد ف رجعت تاني نمت وم صحيت الا صباح اليَوُمًًِ التاني،

❖

حنتك دي طلعت ختي ليك حنهه مع الدخان دة ي بت،

حبوبه لأ طبعاُ م حأخت حنه والناس دي عندها وفاة

عندها وفاة انتِ ذنبك شنووو؟ اسبوع حداد خلاص كفايه انتِ عروس

لأ ي حبوبه شينه والله م بقدر

خليها ي عمتي كبرت وبقت ست بيت وزوله واجب خلاص هو الدخان امس كان بي تحنيس.

اها الليله الراجل جاايك؟

م عارفه والله تلفونو م̷ِْن امس قافل

بكون مع جوطه الوفاة دي ي حليلو مسكين والله ي بتي •اللّہ̣̥ اداك سعد سمح خلاص ان شاءالله سعد البنيات كلهن

فجأة جاتني مكالمه، افتكرتو هو مشيت بسرعه على تلفوني لقيتها جمانه،

فتحت الخط قالت لي ي سجم برسل ليك واتسب م بتردي مالك؟

قلت ليها م فاتحه مالك خير؟

قالت لي م عارفه ي شهد بس متضايقهه شديد

قلت ليه م̷ِْن شنووو بسم •اللّہ̣̥ ي ساتر؟

قالت لي كدة بس م م̷ِْن شي محدد بس زهجانه وقافله معي احسن الجامعه وقتها الشغاله ي شهد

قلت ليها خير اخوك تاتي؟

قالت لي لٱ م اخوي،

شهد لْۆ زول بهممك امرو وحاساهو متضايق م̷ِْن شي وم عايز يحكي ليك وبعد م كان بدأ يقرب مڼڱ فجأة ابتدأ يبعد دة بتتعاملي معاه كيف؟

يعني انتِ فاهماني صح؟

قلت ليها عموماً اذا سألتو مرة واتنين وتلاته وم حكى م حأسألو تاني لانو يعتبر تطفل مِڼّي وعدم احترام لخصوصيتو، اذا هو كان مؤهل انو يحكي اكيد حكى ليك

وفكرة انو يقرب ويبعد براه دي فكرة مزعجه جداً وانت عارفه وضعي مع سانمر اقرب لي كدة، ف الاحسن تخليه براحته وفي حاله براه حيحس ويفهم انو في استجابه مڼڱ في البعد ف حيجي يسألك او حيرجع زي اول..

قالت لي م عارفه والله ي شهد انا واثقه انو في شي مضايقو لدرجه انو..

المهم ي شهد هحاول م اضغط عليه واخفف عنو بي طرق تانيه عسى ولعل اقدر اساعدة

دة منو دة هو؟

زول بس

اهااأااا زول م̷ِْن وراي يعسل؟

بحكي ليك فيما بعد لانو انا زاتي م عارفه بهمني امرو لشنوو بس بقيت شايله همو فجأة

طيب •اللّہ̣̥ يخفف عنو حبيبي

امين.

❖

المساء اتحركت مشيت على شهد، عندي شغله كدة قبل م اتحرك امشي عليها مظيت قضيتها بعدين مشيت عليها،

اول م وصلت استقبلني عمي،

قال لي تقعدو تتعشو قلت ليه والله ي عمي على مشيه والعشاء دة اعفيني منو لانو هسي اتغديت مع ناس احمد وطلعت

قال لي خلاص تشرب معي القهوة

قعدنا شربنا القهوة واخدنا وادينا مع بعض بعدين طلعنا،

اول م ركبنا العربيه قالت لي انا جعانه ليه م خليتنا نتعشى

قلت ليها شهد انا قلت م داير عشاء انتِ المنعك شنوو؟

قالت لي استعجالك كل شويه ممسكل لي

قلت ليها ټمٱم هسي الحل ارجعك تتعشي يعني؟

قالت لي ترجعني؟ طيب ټمٱم حلو رجعني احسن ايوة، وربعت يديها، دخلنا في دوامات زعل

ضحكت، قلت ليها ټمٱم طيب

بقينا ماشين بركنت على جنب نزلت طلبت عشاء سفري م̷ِْن مطعم وجيت،

قلت ليها دة العشاء الجايب الزعل دة كدة ټمٱم؟

قالت لي م عايزة والزعل م عشان العشاء افهم

قلت ليها ټمٱم نعدي اليَوُمًًِ دة على خير

قالت لي عديهو إذاً ونزلت القزاز

سكتت عشان لْۆ طولت في النقاش حتزعل اكتر حافظها انا، وصلنا البيت نزلت، قلت ليها اصلاً حأدخلها جوة البيت م تنزلي

م ردت،

فتحت الباب دخلت وعلى بال م ابركن العربيه وكدة جيت لقيتها بتلبس..

قلت ليها العشاء ي شهد

سكتت

مشيت عليها مسكتها وضميتها علي،

قلت ليها قولي لي الكلمة الانا قلتها وزعلتك عشان افارقها

بقت ساكته

قلت ليها اها سامعك انا

قالت لي قلت لي ارجعك يعني؟

ضحكت قلت ليها وانا حرجعك يعني تفتكري؟

قالت لي حتى لْۆ رجعتني عادي م مشتاقهه ليك انا اصلاً ولا شي

ضحكت قلت ليها بس انا مشتاق ليك، وشديد كمان، اليومين المضت دي م كنت محتاج حاجه غير وقفتك معي

قالت لي شلت همك م عارفه ليه بس حسيت انو كنت مضغوط، سامر انت ليييه بتعامل الناس دي كدة؟ يعني دي ناس اذتك، كيف قادر تتعامل معاهم عادي كدة؟

قلت ليها شهد بغض النظر عن كل الحاصل منهم ديل ناس اهلي انا قمت وسطهم وعشت معاهم عمري دة كلو وحبوبه الاتوفت دي واحدة م̷ِْن الناس الوقفت فيني انا لما عرفت انها المتوفيه ي شهد والله الدنيا ضلمت في وشي اكتر م هي ضلمه، مهما اتناسيت م بقدر انسى اني اتحسبت ولدهم في يوم م̷ِْن الايام، كيف اقدر اخليهم في وضع زي دة براهم؟

قالت لي حبيبي م قاصدة انو تخليهم بس..

❖

قاطعني وقال لي بس انا مشتاق ليك شديد..

م عارفه هو بفكر كيف، بس يوم السمعنا خبر الوفاة شفت لهفتو وخو فو على امو، وشفت قدر شنو سامر دة متعلق بالناس دي وقدر شنو هو حاسبهم اهلو لدرجه انو نسى كل شي في لحظِهّ ; .. وجرى عليهم..

ولا انا القلبي قاسي شديد؟يعني هسي انا لْۆ كنت مكان سامر كنت ممكن اتصرف كيف؟

وحتى انو هو م خلاني اطول معاه النقاش في الموضوع دة وعلى طول قفلو وشغلني..

الصباح صحاني قال لي صباح الخير، قلت ليه صباح النور مالك صاحي بدري كدة الساعه كم؟

قال لي صليت الصبح في الجامع واخدته لي نوم ساعتين بدري وين؟

قلت ليه طيب ورجعت رقدت

قال لي قومي قومي عايزك

قلت ليه في شنو؟

قال لي اجهزي طالعين

قلت ليه طالعين؟ ماشين وين بسم •اللّہ̣̥

قال لي طالعين بس يلا قومي م عندنا زمن للتأخير

إفتكرت انو ماشين بيت الوفاة، ف م جادلتو نزلت طلعت لي عبايه

ودخلت الحمام وجيت جهزت،

طلعت بنادي عليه جاني صوتو م̷ِْن المطبخ، مشيت عليه لقيتو مجهز الشاي

قلت ليه مش مستعجلين وماف زمن؟

قال لي م لدرجه انو نطلع بدون شاي،

شربنا الشاي وطلعنا وم سألتو تاني م̷ِْن اتحركنا وانا بتونس معاه بس م قلت ليه ماشين وين على اساس انو ماشين بيت اهلو بس فجأة لقيتو انو الطريق الماشين فيهو م ليهو علاقه بي بيت اهلو.

قلت ليهو الشاهين بالجد نحن ماشين وين؟

قال لي على وشك خلاص قربنا شيلي الصبر،

سكتت، شويه كدة بركن جمب مبنى كبير كدة،

قال لي يلا،

نزلت وفجأة عيني وقعت على لافته مكتوب فيها جامعه ال...

ياها جامعه المنحه زاتها القالها لي،

قلت ليه ساااامر؟

عندو شنطه شالها ومسكني م̷ِْن يدي قال لي زمن مافي المنحه حتطير م̷ِْن يدنا لآزٍمٍ نلحق نسجل..

قلت ليهو.حنسجل ساااي كدة بدون اوراق

قال لي اي انا قلت ليك زول خلا ساااي بس كمان عِن.̷̷̸̷̐ديّ العقل البفكر وكان م متنا شقينا القبور

ضحكت

كان في زحمه خلق بتاعه طلبه مبالغه، قالو لينا نمشي نعمل الفحص الطبي، مشينا عملناه، شلنا النتيجه ورجعنا للتسجيل، كان شايل اوراقي في الشنطه، قلت ليه جبتهم م̷ِْن وين؟ قال لي الغايه تبرر الوسيله لْۆ گلّمّتگُ حتقعدي تتماطلي وتطلعي لي بألف عذر، الناس كانو كميه، وبالصف والشمس حارة والسخانه، هو واقف وانا بكون واقفه جمبو على طول علشان الشمس م تجيني وهو طويل ف بتكون فيهو.هو

عملنا اجراءات التسجيل وطلعنا حوالي الساعه 3 تقريبا، طلعناً قال لي عايز قهوة، قلت ليه اعملها ليك في البيت

قال لي ټمٱم

قلت ليهو يعني هسي انا بعد م اتخطيت مرحله اني طالبه تاني رجعتني لنقطه الصفر،

قال لي طالبه وانتِ مرتي بتفرق

قلت ليهو ايوة فعلاً بتفرق لانو حيبقو علي مسؤليه بيت ومسؤليه دراسهه الاتنين مع بعض

مسك يدي وقال لي ان داير ارمي عليك مسؤليات ي شهد ما خطيت خطوة زي دي، البيت فيهو منو مش انا وانتِ بس؟

مسؤليه دراستك هي فرض عين عليك طبعاً اما مسؤليه بيتنا فرض عين علينا نتحملها مع بعض، وانا هعمل كل البطلع بيدي عشان تاخدي مساحتك في دراستك وان شاءالله ضغوطات دي الا اضغطك في الدراسه بس لانو م حيكون في لعب

ضحكت وقلت ليه والله حأتجرس وانت خليك قدر گلآمَگ بس

قال لي اتجرسي وانا موجود

صحيت نص الليل نزلت شربت مويه وجيت عايزة نوم عاينت ليهو،

ختيت يدي في وشو وقربت منو، قلت ليه سامر؟

سامر؟

بقيت اصحيه بصورة جادة

فتح عيونو قال لي شهد مالك خير؟

قلت ليه عايزة اقول ليك حاجهه

قال لي قولي في شنووو؟

قلت ليهو اصحى كويس اول حتى،

قال لي سامعك انا قولي

قلت ليهو انا بحبك شديد

غمض عيونو شبه نايم وهو مبتسم

قلت ليه جادة معاك انا على فكرة

ضحك قال لي الساعه كم؟

قلت ليه م عارفه بس م محتاجه زمن محدد اقول ليك اني كدة صح

جراني رقدني في حضنو قال لي انا زاتي كل ليك خليك م̷ِْن الزمن

قلت ليه طيب سؤال جاوبني عليه

قال لي سامعك

قلت ليه انا بالجد بهمك للدرجه دي؟

قال لي بتهميني دي شنو؟

انتِ مرتي يعني لْۆ هماني امرك وبقيتي اولى اهتماماتي واولوياتي حتكون م̷ِْن نصيب منو طيب؟

ومنو الأولى بيها؟

قلت ليهو انا،

ضحك قال لي بتسألي وبتجاوبي على نفسك

بعد اسبوع م̷ِْن الكلام دة فجأة يوم جمعه جا قال لي شهد تعالي كدة، دخلنا غرفه كدة جايطه، قال لي عايز اصينها

قلت ليهو حتعملها شنووو؟

قال لي غرفه مذاكرة لزوله كدة.متجرسه م̷ِْن مسؤليه القرايه ورامياها فيني وفي البيت

ضحكت

قال لي اها نبدأ صيانه؟ الالوان الممكن تكون مريحه شنووو؟

قعدنا نختار في الألوان،

جاب البوماستك خلطنا الألوان وضربناه او هو ضربو وانا شغاله ليه ونسه وتطبيل

جاب لي مكتبه صغيرة، ودرج مذاكرة وسريرين، وصلح التكيف، وجاب لي سَآعهْْ كبيرة

عدينا اسبوع كامل بنظبط فيها برانا طبعاً مرة نتشاكل ونزعل، ومرة نشاغل بعض ونتونس ونبطل شغل اخر حاجه بعد م خلصنا قال لي عارفه انا في حساباتي انو اخليك تذاكري فيها برواق بدون م ازعجك، بس شكلي هعمل العكس

قلت ليهو خلاص عاين لما نتشاكل الطرف الزعلان يرحل هنا ويخلي الغرفه التانيه للنكدي رايك شنو؟

قال لي عرض مغري شديد وشكلي حأسكن هنا انا اذاً

ضحكت قلت ليه غبي دة بدل م تقول لي •اللّہ̣̥ لٱ جاب زعل؟

قربني عليه وقال لي اعتبريني صحبك القريب، اخوك الظابط شديد، ابوك، اي شي، ولما تزعلي مِڼّي اشكيني لي، لْۆ م لقيتيني منصف معاك فتشي زول برة احكي ليهو،

ضحكت وبقيت بلعب ليهو في زازرة فنيلتو، قلت ليهو اشكيك ليك كيف يعني؟يعني اجي اقول ليك ي سامر سامر دة انا م طايقاهو؟

قال لي وحتلقيني بطبل ليك وبقول ليك كونو يوصلك مرحله انك تكوني م طايقاهو معناها هو م بستاهلك انتِ تستاهلي احسن من كدة

بقيت اضحك

قال لي معناها اتفقنا

قلت ليهو.حتطبل لي لما ازعل مڼڱ واشكيك ليك دايماً ي سامر؟

قال لي حأطبل ليك ي شهد حأطبل ليك في حدود المعقول بس غير كدة...سكت

قلت ليهو اها غير كدة شنوو؟

باسني وقال لي •اللّہ̣̥ لٱ جاب زعل ولا جاب اليَوُمًًِ الحيخلينا كل واحد في اتجاه، انا وبيتنا عمرانين بيك ي شهد ...