الفصل التاسع عشر
بسم الله الرحمن الرحيم
قبل نبدأ في قراءة الرواية حابة اقول انه الرواية دي قيد الكتابة .. يعني ان شاء الله اول ما الكاتبة تنزل بارت انا بانزل ..
قراءة ممتعة
بقيت بتمتم وانا بعاين ليها والدموع على جفوني واقفه م عايزة تنزل، وصوتي حاساهو اختفى، في اللحظه ديك غير فقدته حواسي كلها في لحظِهّ ;.. حتى الإستيعاب، وضعي كان في حاله صدمه لٱ قادرة ابكي، لٱ قادرة اتكلم ولا قادرة استوعب،
كملت كلامها ب لْۆ سألتي نفسك هو ليهه متمسك بزين؟ ولييهه ولد شاب في العمر دة يتبنى ليه طفل ويتحمل مسؤليه زي دي وهو لٱ متزوج ولا مكون أسرة؟ لو رجعتي وبحثتي عن الموضوع دة حتلقي إجابات كامله على كلامي دة،
شدي حيلك واضبطي اعصابك واستغفري امسكي في الاستغفار دة وان شاءالله عوجه م بتجيك ي بتي، واهو قدر اخف م̷ِْن قدر، وانا والله م كنت دايرة اجي واحكي ليك نهائي لَگِنْ ضميري اولاً تاني شي سامر طول مننا وجبنا سيرتو حتى يمن حكت لي إنك انتِ كمان بتسألي عن سامر، وبعدين سألتي عن زين وكنتِ فاكرة انو معانا، وبعدين شلتي رقم احمد،
قَلبي اكلني وقلت اكيد في شي م ساي، اتصلت على احمد وحكى لي كل شي، قلت مدام الموضوع والمبادرة جات منو هو انا كمان اقول الفي ضميري وابرئ زمتي، اها ي بتي انا على مشيه، تطلعي معي؟
سكتت
قالت لي استغفري ي بتي وقوي قلبك دي الحياة كدة اصلاً م تضعفي نهائي بالعكس تنبسطي انو ربنا فتح بصيرتك قبل الفاس تقع في الراس،
فجأة جاتها مكالمه وهي بتتكلم،
ردت وقالت الو؟وعليكم السَلٱمٌ عَلْيگمّ-ۈرحْمٌّة ٱللّہ ۆبُرگّاتہ، ايوة طلبت، انا في... قريب يعني؟
خلاص تمام
قالت لي ي بتي زي م قلت ليك الموضوع دة احفري ليهو هنا وادفنيهو عليك •اللّہ̣̥ ي بتي الكلام دة م تقوليهو لي جن احمر، اها دة بتاع الترحال إتصل،
الوو؟ وصلته؟ خلاص طالعه عليك،
وصل ي بتي قومي ارح نوصلك في طريقنا واستهدي بالله
م كنت قادرة اتكلم بس دموعي جاريهه
قالت لي تقعدي ترتاحي شويه حتى تطلعي؟
خلاص اقعدي ارتاحي ي بتي واهدي بعدين اطلعي، يلا ابقي عافيه،
طلعت وخلتني في حاله م يعلم بيها إلا •اللّہ̣̥، م عارفه هل الدنيا كانت ممطرة ولا الدموع الفي عِيوني هي الخيلت لي كدة، م كنت شايفه غير ضباب وسيل بتاع دموع جاري م̷ِْن عيوني،
عشان استجمع نفسي عديت قريب الساعه في المحل حتى اني كنت ببكي بصوت،
❖
ي امي جيتي؟ مشيتي وين انتِ اتأخرتي كدة بتصل عليك م بتردي
مصدعه شديد كدة جيبي لي مويه، وافتحي الشنطه دي طلعي لي منِْها حبوب كدة،
مشيتي وين انتِ ي امي؟
م تكتري فيني الكلام ي بت مشيت محل مشيت في شنو مالك بترضعي فيني انتِ؟اديني الحبوب دي ودخلي لي الشنطه دي جوة الدولاب في الضلفه الفوق ختيها
طيب ي امي،
هاك دي الحبوب،
ناوليني مويه كدي،
كويس، هاك دي المويه،
دخلي لي الشنطه دي الدولاب زي م قلت ليك ختيها ركن بعيد في اول ضلفه واقفلي الدولاب بالمفتاح وجيبي لي
دخلت الغرفه وفتحت الدولاب وانا برفع الشنطه انتباني الفضول ليهه امي حريصه على انو الشنطه تتخت فوق واخر ركن في الدولاب وعايزة يتقفل عليها بالمفتاح؟
فتحت الشنطه وقلبتها بسرعه ف إذا بي اسمع بصوت امي بتقول:
ي بت وينك؟ ياسمين؟
قلت ليها ڼعمًْ
قالت لي لسه شنطه هي ولا عربيه، جيبي لي المفتاح دة سرعه،
قلت ليها طيب جايه بس ابى يقفل عشان كدة
فتشت بسرعه طلعت ظرف والظرف جواه حاجات قلبتها بسرعهه وبعدها وقفت وانا بقول لنفسي، امي شايله معاها جواز سامر لشنو؟ ودي منو دي سارة دي؟ سامر عندو اخت م̷ِْن متين؟
❖
طلعت م̷ِْن المحل ومعظم الناس منتبهين لي وقفت في الشارع وم عارفه اتجه وين، جاني فقدان ذاكرة لحظي، ولما استوعبت ومشيت بإتجاه المواصلات والزحمه والناس والشمس، اتفقعت بكى بصورة هستيريه، حتى معظم الناس اتجمعو فيني منهم الكان بسأل مالها، ومنها الكان بقول المات ليها منو، ومنهم الكان بهدي فيني وبقول لي استغفري ومالك حاسه بشنو، ومنهم الجاب لي مويه، في بت قالت ليهم خلوها تبكي، شكلو البكى متنفس ليها في اللحظه دي ف شنو ابعدو منها وخلوها على راحتها وادتني مناديل،
دة الوحيدة الحسيتها فاهمة إني ماره بصدمه صعب تتقال او تتشرح، فضلت قاعدة معي وانا في الحاله دي وادتني مويه وطبطبت على كتفي وقالت لي بغض النظر عن انتِ عايشه شنو وحاسه بشنو صدقيني بتهون، بتعدي، بس انتِ قولي ي مهون..
قعدت معي لغايه م جات مواصلاتي حجزت لي وركبتني ودفعت لي حتى مشت...
بيتنا البصلو في ساعه وزيادة حسيت نفسي وصلتو في ثانيتين،
م كنت عايزة اصل البيت، اصلو كيف بحالتي دي؟
حأقول ليهم مالي؟
احكي ليهم شنو؟ بالإتقال لي دة؟ حيقولو مجنونه حتى لْۆ حلفت مصحف أإأذأإأ انا نفسي م مستوعبه هم كيف حيستوعبو؟
دعيت انو ابوي م يصادفني لٱ قدام البيت ولا لما اصل، لانو اول حاجه بعملها بعاين لملامحي م زي امي،
وصلت البيت والحمدلله م لقيتو في الشارع والمحل بتاعه قافل، دخلت البيت وعلى طول دخلت الحمام غسلت وشي واتوضيت، مشيت بإتجاه المدخل امي كانت في المطبخ م حسستها اني جيت وطوالي دخلت غرفتي،
قلعت ملابسي وشلت المصلايه وقفت فيها، م عارفه انا وقفت في المصلايه ليه وحأصلي اي وقت المهم كنت حاسه اني عايزة اصلي، عايزة اصلي علشان ابكي مع كل سجدة،
م عارفه صليت كم ركعه بس كل المتذكراه اني أطلت الصلاة ومع كل صلاة كنت بزيد في البكى، م كلام المرة دي بس، في تفاصيل كتيرة لما اربطها مع بعض بتطلع هي القصه
بتقول انو سامر سافر امريكا وفعلاً انا سمعت صوت بدل على انو في المطار
هو بقول انو م بعرف انجليزي بس تلفونو بالإنجليزي وسرعتو علي في الرد وتلافي الموضوع لما سألتو
مزاجيتو المتقلبه، زين، تضخيم موضوع صورة امو يوم عيد ميلادهه
كلها مؤشرات بتخليني م اكذب السمعتو حتى لْۆ انا عايزة غير كدة،
طيب ليهه؟ ليهه انا بالذات؟
شلت تلفوني وانا م بين عايزة افتح المتصفح وم بين لا م عايزة،
بقيت في صراع عايزة اشوف واقرا الكلام القالتو دة عشان استوعب في نفس الوقت حاسه اني لْۆ قريت حأصدق وانا م عِن.̷̷̸̷̐ديّ رغبه في كدة،
فجأة امي جات قالت لي ي بت شهد؟ بسم •اللّہ̣̥ جيتي متين انتِ ي بت؟
قلت ليها قبل شويه
قالت لي سمح اخت ليك اكل دقيقه، شربتي مويه؟
قلت ليها م عايزة، حأنوم
قالت لي تنومي جعانه؟
قلت ليها اي ي امي حأنوم جعانه لاني نعسانه..
قالت لي سمح مصدعه ولا شنو؟
سكتت
رقدته في السرير ورجعت ابكي، شلت تلفوني دة ويدي بترجف فتحت المتصفح، بقيت اكتب في محرك البحث وامسح، اكتب واغمض عيوني م اكمل، لغايه م ٱڅڑ لحظِهّ ; .. ضغطته على بحث،
بحثت وقلبت وقريت مقالات طويله عريضه وفتحت ڤيديوهات يوتيوب وسمعت اراء الاطباء عنو وكل الفهمتو انو كان مدرج تحت قائمه الامراض اللي ليها علاقه بالصحه النفسيه لغايه م تمت إزالتو وتم التأكيد على انو مرض اسبابه بيولوجيه زيو زي التركيبه الجينيه للإنسان او البنيه الدماغيه المتعلقه بالتأثيرات الهرمونيه على الدماغ وتحديداً متين؟ في فترة التكوين الجنيني، يعني الحاجه دي بتكون قبل الولادة حتى،
قفلت المتصفح وقفلت تلفوني ورميتو بعيد مِڼّي وانا بقول لنفسي مستحيل، مستحيل سامر يكون كدة، ابداً اكيد المرة دي مخرفه ساي واصلاً الحاجه دي مستحيلهه،
بعدين برجع بتذكر الجوازين، تشابه الاسماء، تأشيرات السفر،
سامر عمره م جاب لي سيرة انو عندو اخت اذا افترضنا انها اختو
طيب دة شنو دة م قادرة اكذب الشافتو عيني وم قادرة اكذب عقلي وقلبي
عديت كم يوم وانا في الحاله دي؟
30 يوم، وكل يوم حالتي في سؤ اكتر م̷ِْن القبليها، لدرجه انو ابوي بسوقني الدكتور بعمل لي فحوصات بلقاني كويسه برجعني البيت، بكذب بقول ليهم تعب وإرهاق م̷ِْن الجامعه،
بمنعوني المشيه بس برفض وبمشي واحياناً م بمشي بكون لافه في الشوارع بس،
في يوم امي جات وقفلت علي الباب قالت لي ي بتي، اسمعيني اوعى تكوني عملتي كدة ولا كدة مع الولد دة وجبتي لينا مصيبه؟
بقيت اعاين ليها بصدمه، ابداً م اتوقعت منِْها كلام زي دة
قالت لي اتكلمي ي شهد عملتي شي؟عارفه عماتك لسانهم طولو مترين نقول شنو للناس ي بتي؟ لْۆ عملتي شي اتكلمي خلي الولد يجي ويلم الموضوع ويتم العرس وهو كمان فص ملح وداب لٱ هو لٱ ولدو، متشكلين انتو ولا مالكم، دي 4 شهور لٱ حس لٱ خبر لٱ ه̷̷ََُْذآ ولا ذاك، مُشُگلتگُ م بتتكلمي نسوي شنو في الدنيا دي نحن الهموم لازمانا كدة
قلت ليها نمشي الدكتور؟
سكتت
قلت ليها وكلي قرف اقفلي وراك الباب وانتِ طالعه
زادت علي السؤ بكلامها دة، قرفتني م̷ِْن نفسي اكتر م انا قرفانه م̷ِْن وضعي،
فضلت على الحاله دي
لغايه م في يوم اتصل علي أحمد، قال لي ي شهد ضروري اللاقيك،
قلت ليه وين؟
قال لي انتِ وين هسي؟
قلت لييهه انا في البيت،
قال لي طيب بتقدري تطلعي؟
قلت ليه ايوة
قال لي ټمٱم،
جهزت، لما جيت طالعه ابوي قال لي ماشه وين ي المبروكه، قلت ليه قريب هنا ي ابوي ماشه اجيب لي حاجات وجايه،
قال لي امشي معاك؟ قلت ليه لٱ ي ابوي بمشي براي وبجي، قال لي سمح هاك عشان لْۆ قروشك قصرت ولا حاجه، طلع لي 500 اداني ليها، شلتهم وطلعت، وقفت في الزلط لغايه م جا احمد قال لي اركبي ي شهد،
ركبت قال لي كيفك الأخبار؟
قلت ليه ټمٱم الحمدلله،
قال لي ناس البيت كيفهم؟
قلت ليه الحمدلله،
قال لي الحمدلله
قلت ليه خير؟
قال لي لٱ خير ان شاءالله، حسيت بيه زاد السرعه
قلت ليه ماشين وين نحن؟
قال لي شيلي الصبر ي شهد لما نصل حتفهمي كل شي،
فضلنا ماشين وانا بقول ليه فهمني؟
قال لي بفهمك والله ي شهد بس نصل،
فضلنا ماشين وماشين لغايه م فجأة عمل يوتيرن ووقف جمب خماسيات كورة كدة، نزل وقال لي تعالي ي شهد،
بقيت اتلفت،
قال لي تعالي تعالي، نزلت ومشى على اتجاه الملعب، كان فاضي فِيَه زول واحد بس جاري فِيَه،
قال لي قربي ي شهد، قربت وانا مترددة وبقول ليه فهمني؟
قال لي حتفهمي بس قربي،
لما قربت وعاينت لقيت انو الجاري جوة الملعب دة سامر، هو الشاهين نفسو م غيرو،
شعر جسمي غز وخوفت صراحهه للحظهه جاتني رهبهه،
احمد قال لي م فاهم الحاصل شنو بينكم بس اعتقد انو دي افضل فرصه تتفاهمو فيها، ادخلي عليه اساساً الملعب فاضي، واتكلمي معاه ي شهد،
قلت ليه هو جا متين؟
قال لي عندو يومين كدة
قلت ليه طيب وكان وين؟
قال لي شهد، ادخلي واتكلمي معاه احسن
دخلت الخماسيات ومشيت عليه، كان جاري والعرق نازل م̷ِْن جسمو لدرجه انو ملابسو مبلولهه،
اول م شافني ماشه عليه وقف وبقى يعاين لي وانا بصراحه كنت حاسه انو رجولي م شايلاني م عارفه وصلتو كيف وهو كان باخد نفسو وبلهث،
وقفت قدامو وانا متنحهه وبعاين لشكلو هو والعرق شاقي طريقو في وشو الملان باللحيهه،
مفروض اقول شنو؟ مشتاقهه ليك؟طلعت م̷ِْن لساني على شكل كنت وين؟ ودة شنو البتعمل فيهو دة؟ انت فاكر نفسك زين؟ دي شنو التصرفات الطفوليه البتعمل فيها دي؟ممكن افهم؟
وهو كان لسه باخد بيشيل في نفسو ومتفاجأ بوقفتي قدامو،
قلت ليه نحن بنلعب ولا حاجه بنلعب؟لْۆ بنلعب كلمني
هو كان لسسه ساكت،
وانا لسه بعاين فِيَه، ومنتظرة منه رد
قال لي انتِ الجابك هنا شنوو؟
قلت ليه نعم؟ الجابني شنو؟ هسي بقى الجابني شنو؟طيب م تسأل روحك انت غلطتهه في شنو؟م ممكن تكون كدة ياخي
قال لي انا كدة ي شهد زي م قلت ليك قبل
قلت ليه قلت لي متين؟
قال لي م تجوطي انتِ جايه تتناقشي ولا تجوطي؟
قلت ليه جايه افهم، جايه افهم انت مالك ودي شنو التصرفات دي بين يوم وليله تتغير وترسل رساله م مفهومه وتختفي وتغيب 4 شهور واجي اللقاك هنا، ماخدني م̷ِْن الشارع انت؟ على الأقل كان تحترم الراجل الإستقبلك، الراجل العقد ليك، زي م جيت وطلبتني م̷ِْن راجل تَعاّإاّإلّ اقعد قدام الراجل دة وقول ليهو بتك انا بدون سبب م عايزها على الأقل حافظ على احترامك قدامو م تبقى جبان،
قال لي دي مشكلتك انتِ هسي؟
طيب تمام ارح هسي لي ابوك
وقفت مصدومه، سامر البتحايل علي داك مافي، سامر البطلع لي اعذار حتى لْۆ م منطقيه مافي، زول تاني خالص،
اخدت نفسي مسافه وقلت ليه طيب ي سامر م تنهي الموضوع دة وم تخطي عتبه بيتنا مالم تجيب معاك ورقتي في يدك فاهم ولا لأ؟اتحركت م̷ِْن جمبو وفي بكيهه حارهه واقفه في حلقي، لما وصلت احمد لقيت تفسي ببكي بطريقه هستيريه،
قال لي شهد في شنو؟ مالكم؟ اتكلمتي معاهو قال ليك شنو؟
قلت ليه احمد وديني البيت
قال لي شهد
قلت ليه احمد وديني البيت قلت ليك ولا خليني امشي براي،
قال لي طيب خليني ات..
اتحركت مشيت قال لي طيب تعالي، تعالي م اتلفت عليه كملت طريقي، ركب العربيه ولحقني قال لي اركبي ي شهد، اركبي م تخلي منظرنا بايخ قدام الناس،
ركبت،
قال لي ي شهد
قلت ليه احمد م تفتح معي الموضوع رجاءً م عايزة اسمع اي شي، انتهى تمام، وسامر لْۆ بقى قبلهه تاني م بصلي عليها لأنو م يستاهل...
رجعت بيتنا ودخلت الحمام وفتحت المويه حتى بقيت ابكي، بكيت بكل الوجع الفي الدنيا دة لأني م حصل اتنازلت التنازل دة لزول، م حصل بادرت و مشيت لزول غلطان في حقي عشان اتحايل عليه، عشان افهم هو مالو، رميت كل الجات وقالتو ليّ امو داك كلو كلو وكان عِن.̷̷̸̷̐ديّ استعداد اني أصدق اي حرف يطلع منو ك مبرر للهو عملو، بس هو لأ، صداني وكسر بخاطري بكل البرود الفي الدنيا دي، بدون توضيح، بدون تبرير، بدون خجله او استحاء م̷ِْن تصرفو العملو، بدون اي شي، اذا انا بهون عليهه عادي للدرجه دي تمسكي بيه بعد دة كلو عبارة عن رخصهه بس م اكتر، م بهمني هو منو، م بتهمني حياتو شكلها كيف م بهمني امو قالت شنو م بهمني اي شي، جيت راجعه منو وانا م حاسه غير بطمام البطن منو ومن عرفتو ومن نفسي لأني إستحملت كائن زي دة وانا اصلاً في غنى عنو،
طلعت م̷ِْن الحمام، لاقيت ابوي قال لي ي زوله وين انتِ مشيتي اتأخرتي كدة؟
سكتت
قال لي انا قلت البت ماشه قريب وجايه لَگِنْ اتأخرتي مشيتي وين؟
قلت ليه مشيت لاقيت سامر ي ابوي،
امي نطت قالت لي جا؟ جا متين؟ ومالو م جانا هنا في البيت؟ لاقيتيهو وين؟
قلت ليهم لاقيتو في ملعب خماسيات
ابوي قال لي ملعب؟ ملعب كورة يعني؟
قلت ليهو ايوة
امي قالت لي اجي ولشنو؟وهو مالو م بجي البيت عميان م̷ِْن الدرب لمن انتِ تمشي ليهو؟ هسي غايب عندو كم فترة؟
قلت ليها مالو م بجي؟غايب لشنو؟ حاصل عليه شنو دي حاجات لما يجي تسألوها منو، المهم ي ابوي انا الولد دة تاني م دايراهو لٱ بالحلال لٱ بالحرام م عايزاهو، وان جا وقعد معاك م دايرة منو غير ورقتي يجيبها لي،
امي قالت بصرخهه الليلهه وب، شنو؟ كيف يعني؟ دة شنو البتقولي فيهو دة ي بت كيف م دايراهو في شنو مالكم ي سيد النبي
قلت ليها زي م سمعتي ي امي م عايزاهو، ابداً م عايزاه،
في وقفتنا دي، جرس الباب دق،
ابوي لسه م فتح خشمو وامي بتولول، ابوي مشى على الباب وانا دخلت غرفتي، امي جات لاحقاني وهي بتقول لي انتِ دايرة تجنيني؟ دايرة تجنيني ي بت؟مالكم في شنو مالك مع الراجل ي بتي •اللّہ̣̥ يرضى عليك م مقصر مڼڱ في شي، تصرفاتك البتتصرفيها هنا وزعلك وحردانك دة نحن اهلك مجبورين عليهو هو م مجبور، واقع العرس غير واقعنا نحن اهلك الراجل م بشبه ولا حيشبه ابوك سواء في التعامل او في غيرو، دلع ابوك دة حاجه والراجل حاجه م تتوقعي انو يعاملك المعامله الانتي راسماها في راسك م تتغشي ي بتي
قلت ليها امي انا م ناقصه والله الفيني مكفيني اقسم بالله الفيني مكفيني م ناقصه م ناقصهه ياخي وبقيت ابكي..
❖
طال الزمن او قصر المفروض مفروض، إنو انا اقعد مع ابو شهد واختو في الصورة م عشان واجب، عشان انا بحترمو جداً وهو زول خلوق شديد وفي مقام والد، عشان كدة رجولي ساقتني بعد موقف شهد وجابتني بيتهم، دقيت الجرس فتح لي هو نفسو
سلام عليك ي عمي
قال لي اهلاً اهلاً ي ولدي حبابك گّيَفْ الّحّال ٱن شْاءِ اللٌہ بَخّيَرٌ ياخي والصحه، استقبلني بكل بشاشه الدنيا دي، دخلت سلمته على والدة شهد، قالت لي وين انت ي ولدي اختفيت فجأة كدة الحاصل شنو الزول لما يغيب بتكلم ي ولدي او بجي بودع عشان الدنيا دي م معروفه اليَوُمًًِ نحن في وبكرة ناف
قلت ليها معليش ي عمتي حقك علي فعلاً گلآمَگ صح
عم عبدالله قال لي الجو ساخن جوة دقيقه، شال كراسي شلتهم منو طلعتهم برة، جاب التربيزة، مويه وعصير وقعدنا،
قال لي قبل م تقول اي شي ي ولدي هسي انت غايب ليك كم؟
قلت ليه 4 شهور
قال لي سوقت الولد جيت قلت لي ي عمي انا سايقو؟ م هو في النهايه قاعد معي انا في بيتي انا م في بيت شهد صح ولا لأ؟
قلت ليه صح ي عمي،
قال لي البت دي في ال 4 شهور دي م بكضب عليك م ظهرت لي اي شي ولا قالت لي في مشڱلهِ لٱ دة لٱ دة، رغم انها كل الفترة دي كانت م كويسه، يوم واليوم التاني ماشين المستشفى مالها م فيها شي،
انا والله قبل كدة قلتها ليك بتي دي واحدة هي باقيه لي الولد والبت وم بجامل ولا بساوم فيها وهي م بتقول مالها بطنها بير شفت البير؟ بس دي شهد،
اليَوُمًًِ قالت لي ابوي انا طالعه، ماشه وين؟ قالت قريب،
مشت واخدت وقتها وجات راجعه، م جات زي م مشت جات باكيه، باكيه وبتقول عديل كدة انها شنو م دايراك، هسي ي ولدي بدون لف ودوران وخوض في التفاصيل، البت دي م نفعت معاك؟
حسيت كلامو ونبرتو معي نبرة زول مهموم وموجوع وملانه عتاب
سكتت
قال لي م تتردد ولا تخاف ولا اي شي ونحن بينا الاحترام بس لْۆ م نفعت معاك قول لي هسي دي عشان شنو نحسم الموضوع دة في اللحظه دي وكفى •اللّہ̣̥ المسلمين شر القتال
قلت ليه ي عمي صلي على النبي؟
قال لي الف على الحبيب
قلت ليه المشكله ابداً م في بتك
قال لي عارف كدة انا
قلت ليه م شفت منها غير كل خير، واحسن منِْه ِْ̨̐ا ان لفيت الدنيا دي كلها م بلقى لَگِنْ ي عمي انا والله استعجلت، لقيت روحي استعجلت شديد بخصوص الموضوع دة وانا م جاهز ليهو
كل القالو لي يا زول ابشر، ابشر تب م عندك عوجه دة الانا دايرك تقولو بالدغري ولو جيتي بعد عقدته بساعه وقلت لي گلآمَگ دة بتلقى مني نفس ردة الفعل، طالما بتي بتقعد حداي انا بعرف اخليها تبقى كويسه كيف اصلو م مشڱلهِ.
كان موقف ملان بكل إحساس السؤ الفي الدنيا، بكل الإستصغار والألم والخجل والاشمئزاز واي شي كعب كان في اللحظه دي، اصلو م حسسني انو متضايق، او مزعوج، عاملني كأني م عامل شي ولا كأنو الحأنفصل عنها دي نفسها بتو الكان فرحان ليها فرح العقد داك، وفوق دة كلو حلف علي الا اكمل العصير الفي الكبايه حتى امشي..
عصير؟ اي عصير دة؟اي طعم كان في العصير واي نفس هي في عشان اشربو، م حصل لي موقف في حياتي خلاني ضعيف قدام نفسي وحسسني بالنقص قدر الموقف دة، بس دة كان أفضل الخيارات القدامي، إني انهيها افضل بمليون مرة م̷ِْن إني اكمل فيها...
❖
بثينه
ڼعمًْ ي راجل
إن سمعتك مارقه تنهيدة ساي قدام البت دي ولا جايبه سيرة الراجل دة قدامها م تلومي الا نفسك
وبعلي، قصدك شنو ي راجل؟ كلامها صح؟ في شنو مالو معاها ولا مالها معاهو؟
طلاق تلاته ي مرة كان فتحتي الموضوع دة تاني الا تبيتي باقي اليَوُمًًِ دة في بيت اهلك سامعه؟
انا امها ي الصادق امها
امها سمح اقيفي في راسها م تخليها
❖
ابوي جا داخل الغرفه لقاني راقدة وببكي، كان بعاين لي بحسرة وكسرة خاطر وواضح عليهو علامات الزعل،
قال لي كان قبيل جيتي قلتِ لي مزعلني ي ابوي كان خليتك وصلتي للحاله دي؟
زدته في البكى
قال لي هسي م فات شي، بقولو بيت الجدري ولا بيت النقري، والباب البجيك منو الريح سدو واستريح، مكاناً م بتلقي فيهو راحتك ماشالو لشنو؟
راجلاً م بحترمك باقيه عليهو لشنو؟
عرساً قبل م تدخليهو يومي دمعتك جاريه مكملاهو لشنو؟
مش حسيتي نفسك ما مرتاحه معاهو نهائي م تترددي تعالي قولي لي ي ابوي م مرتاحه معاهو ليهه الخوف؟ كسر رقبه هو؟ لأ طبعاً ي بتي، هسي هو كان معي
لما قال كدة قلبي عايز يطلع م̷ِْن محله، بالسرعه دي؟ مستعجل للدرجه دي؟ رغم الصوت الجواي دة كنت مستنيه يقول لي كلام عكس توقعاتي وينافي الصوت الجواي دة
بس ابوي م قال غير انو حسمت معاهو الموضوع، الموضوع دة انا خلاص حسمتو وطلع خلاني على كدة، م كان محتاج تفسير طبعاً الحاجه لما تتحسم عند ابوي معناها انتهت
وبكدة، فعلاً انتهت طالما دة كان كلام ابوي.انا م زولهه فضوليه، ولا زولهه بدقق في التفاصيل، ولا زوله بتحب التفكير والارهاق الذهني انا زوله بشوفي القدامي وبس وطالما القدامي انتهى برميه وراي
❖
م̷ِْن بيت اهل شهد اتحركت على اتجاه انا ماشي؟ م عارف ابداً بس كنت ماشي، لافي في الشوارع، وقفت في ميدان ولفيت فِيَه جري ما لفيت بدون عدد لأني ماف شي بحتويني غير الكورة وتمارينها، والإرهاق كل م ارهقت نفسي انا تمام،
رجعت البيت حوالي الساعه 12 م، اول م وصلت شايف لمه بتاعه شباب في الشارع، وقفت عربيتي ونزلت وواضح انها كانت مشڱلهِ، وفي شارعنا وقدام بابنا،
لقيت ملهم بقول انت لْۆ راجل تعال، ولو عامل سكران ومجنون انا اجن منك، عاينت بالاتجاه التاني لقيت الطرف التاني كالعادة خالي سكران وعامل برنامج
م̷ِْن غير م اسأل في شنو قلت لي ملهم تعال ي زول
قال لي والله كان دخلت الا كان ابقى م راجل زي م قال هو الليله
خالي قال ليه م اصلو م راجل، زيك زي ال...الواقف جمبك دة ي...
ملهم عايز يقوم عليه ويمشي مسكتو
قلت ليه في شنو مالك؟ مالو معاك؟
قال لي انت م سامعو بقول في شنو اكتر م̷ِْن كدة حيكون مالو؟ سكران يتم باقي سكرو وقله ادبو في بيتهم مش نحن نسمع فارغتو
قلت ليه ملهم السكران في زمة الواعي، انت اوعى منو واعقل، ارح ادخل وم تفرج عليك الناس في شكله مع زول م واعي، او سوق اصحابك وامشو م تشتغلو بيهو هو هسي مبرمج بيكم بس م اكتر
قال لي مش هو م واعي؟ مش عامل مجنون؟ يلا كلنا بنعرف الجن وانا الليلهه اجن منو بس،
خالي م̷ِْن هناك قال ليهو منو مجنون؟ انا مجنون؟انا مجنون ي...الخ اللفاظ كلها اقل م يقال عنها بذيئه، وملهم قاعد على الهبشه والحاجه دي فوروتو، اتفك مِڼّي ومشى استلمو ووقع فِيَه ضرب واشتبك معاه شديد لدرجه انا نفسي م عارف كنت بحجز كيف والشباب واقفين نص بصفر ونص بحجز معي والمشكله كبرت طلعت خالتي وحبوبه وطلعت بجاي امي واخواتي واحمد، كنا بنمسك ملهم بجاي بمشي ليهو بجاي،
الاصوات كانت كتيرة علي وانا سلفاً وصلت البيت بالعافيه وفاقد تركيزي
سامع الاصوات ي سامر امسكو، ي ملهم لأ، حسبي •اللّہ̣̥ ونعم الوكيل فيكم تتحامو وتضربي لي ولدي، والله م بخليكم، والله م بخليكم،
كل العارفو إني كنت سامع بس م شايف، بحجز بدون فهم دة منو وبعمل في شنو.
❖
بعد مرور 6 شهور..
ي ابوي، عليك •اللّہ̣̥ ي ابوي خلينا نمشي، خلينا نغير جو شويه وبإذن •اللّہ̣̥ ي ابوي لٱ حيضايقني كلام واحدة م̷ِْن عماتي ولا هزعل ولا اي شي ي ابوي، والله انا كنت منتظرة اجازة السمستر دي بفارق الصبر عشان نطلع م̷ِْن الخرطوم دي
ي بتي اهلي و..
انت عارفهم وانا عارفاهم وان شاءالله م بتحصل مشڱلهِ، طلعني م̷ِْن الخرطوم دي عليك •اللّہ̣̥ ي ابوي والله العظيم سَآعهْْ زيادة فيها حأخنق فوق م انا مخنوقهه عليك •اللّہ̣̥ ي ابوي سفرنا، عليك •اللّہ̣̥ ي ابوي سفرني براي لْۆ انتو م ماشين
خلاص سمح،
حتسفرنا؟ حنمشي يعني؟ولا حتسفرني براي؟
اي مش بتدوري السفر انتِ؟خلاص سمح اها نسوي شنو غير نقول سمح؟
براي؟
براك كيف؟في قدامي حجل بالرجل
قصدك في طرفك
اي بس ياها، بس نجهز امورنا ونبقى على مشيه
خلاص اتفقنا
البدايات احياناً اماكن، بيقين تام
اعتقد ان عروس البحر الاحمر هي بدايتي جملهه وتفصيل...
❖
يُقال : ليس كل ما يتمناه المرء يدركهه، تأتي الرياح بما لٱ تشتهي السفن
كنت امرئ لم يتمنى سوى السكينهه، والبعض م̷ِْن الراحهه والقليل القليل م̷ِْن الهدؤ..
هل كنت متطلعاً للحد الذي أستحق فِيَه أن أعاني م عانيتهه؟
وهل كان علي رفع شراع الإستسلام على سفينتي والقبول بالهزيمه والغرق، ام إعتماد قول ذلك الشاعر حين قال منافياً لما قال المتنبي:
تجري الرياح كما تجري سفينتنا، نحن الرياح ونحن البحر والسفن...
وسط غرفه مغلقه يكسوها الظلام، لا يظهر فيها غير وميض ضؤ شديد البياض في الجهه الجنوبيه العليا م̷ِْن السقف، وحشرات تنخر في مسامات الجسم لتستلذ بما تستلذ به،
واصوات صراخ في الخارج مختلطه بأصوات عصى متلاحمه مع الحديد تنادي..
اصحى يا هي اصحى، اصحى، قوم ي عاطل، تصحى ولا نجي نصحيك بكيفنا وبطريقتنا، وفي غضون ثواني إذا ب ماء تقتحم الجسد وتعلن إستقرارها على ما نُسج لنغطي به اجسادنا..
انا الشاهين، وهذهه قصتي...
لي بعد بكرة ان شاءالله كان ربنا حيانا +محتاجه دعواتكم شديد، ادعو ليّۓ ربنا يسهل اموري الجايطهه دي ↗
كسرهه
التاريخ يخوانا، التاريخ سامر مواليد 1988، م 1899، وسافر سنه 1997 معليش قبيل لخبطته وعدلت بس التعديل م ظهر ليكم ↗