الفصل الثاني عشر
بسم الله الرحمن الرحيم
قبل نبدأ في قراءة الرواية حابة اقول انه الرواية دي قيد الكتابة .. يعني ان شاء الله اول ما الكاتبة تنزل بارت انا بانزل ..
قراءة ممتعة
وقت م تضيق الدنيا هي في عيونك واسعهه
بعد الكلام دة حصلت لحظه صمت م بينا ..
قال لي وبعدين تعالي هنا، لما خايفه تخسريني مشحتفاني وراك كدة مالك؟
نظام انا تقيله واجري وراي يعني؟
فضلت ساكته وهو بضحك، والله انتو البنات بتاعين حركات بشكل
قلت ليه حركات في عينك
ضحك قال لي اي واحدة؟
قلت ليه ثغيل
رجع ضحك تاني وقال لي بالمناسبه اهلي حابين يتعرفو عليك ف يوم الجمعه حأجي اسوقك إنتِ وزين عشان عازمننا غداء
قلت ليه ك ك كيف يعني عازمني؟ امشي بيتكم يعني؟
قال لي اي ي شهد مالك قايلاها بخوف كدة؟
قلت ليه بس استغربت، يعني المفروض يحصل العكس صح؟
سكت مسافه حتى قال لي ايوة بس م فرقت ي شهد لْۆ اتعرفتي عليهم ولا عندك مشكله؟
قلت ليه الا اشاور امي وابوي حتى م بقدر اقول ليك كذا او كذا+ممكن سؤال؟
قال لي اسألي؟
قلت ليه يوم جيت لي ابوي، ليهه اهلك م جو معاك وجبت معاك صحبك وابوهو وكدهه، يعني طالما اهلك عايزين يتعرفو علي وكدة دي كانت فرصه انك تجيبهم صح؟
سكت م رد علي
قلت ليه انا بقول ليك كدة علشان حتى ابوي استغرب م̷ِْن النقطه دي وسألني إذا ابوك متوفي قلت ليه لٱ عايش..
سامر قال لي كل شي حصل بسرعه وانت م اديتيني فرصه اتفاهم معاك حتى، كلمت الحاج و.. الو..
الووو؟
شهد، سامعاني
الووو اي بس صوتك بقطع؟
الووو..
الخط فصل رجعت اتصلت التلفون خارج نطاق التغطيه، رجعت اتصلت م داخل،
شويه كدة اتصل رديت عليه
قال لي ي شهد الشبكه عِن.̷̷̸̷̐ديّ هنا كعبه وبتقطع سامعاني كدة؟
قلت ليه لا صوتك بقطع
قال لي طيب كدة؟
صوتو كان بقطع فعلا، قلتً ليه ټمٱم لي بكرة طيب تصبح على خير،
نمت على كدة،
اليوم التاني عدة كلو م اتصل والبعدو برضو م اتصل 3 يوم م اتصل علي هو كان في جواي في قلق عليه بس فكرة اني ابادر واسأل.
وانا في الحوش بغسل في الملابس وامي بتعمل في الجبنه، وزين جمبي بلعب بالمويه، امي قالت ابو الولد اليومين دي مالو منقطع، اوعى تكوني طفشتيهو بحركاتك
قلت ليها م عارفه والله،
قالت لي م بتصل عليك
هزيت ليها راسي
قالت لي اتصلي عليهو شوفيهو مالو تكون حاصله ليهو مصيبه زمان ساي ولا تلفونو اتسرق،
قلت ليها لْۆ اتسرق هو بعرف طريق البيت، اتصل قبل 3 يوم وكانت شبكتو كعبه شديد
قالت لي بعيد يعني ولا شنووو؟ وبعدين تعالي النسألك هو شغال شنو ي بت؟
قلت ليها م عارفه
قالت لي اجي كيفن م عارفه؟
قلت ليها امي م عارفه شغال شنو م حصل قال لي ولا دخلت معاه في تفاصيل تعاملي معاه في حدود الشغل وبس
قالت لي لَگِنْ شغلو عندو قروش، هو اهلو م̷ِْن وين؟
قلت ليها م عارفه ي امي والله م عارفه، لَگِنْ اخر مكالمه قال لي انو يوم الجمعه عازمني بيتهم عايز يعرفني ع اهلو
قالت لي كيفن يعرفك على اهلو؟ تمشي معاهو يعني؟ عاااااد جنس دة لٱ سمعنا بيهو لٱ شفنا، معروف اهل الولد هم البجو يتعرفو على البت واهلها م هي التمشي ليهم يقولو عليك شنو كان مشيتي؟
قلت ليها امي انا م قلت ماشه انا بحكي ليك الحصل بس
قالت لي سمح م تمشي، لْۆ سألك قولي ليه م بقدر امشي
قلت ليها حاضر ي امي، نزلي لي الملابس دي م̷ِْن السلك عشان اعلق العندي ديل..
سامر م اتصل اليَوُمًًِ الرابع اللي هو كان الخميس،
م حسيت انو مفروض اسألو مالو م اتصل علي او كان وين لأنو هو م̷ِْن تلقاء نفسو م قال
بس سلم علي وقال لي كلمتي اهلك؟
قلت ليه بخصوص؟
قال لي بخصوص ٱڅڑ مكالمه انو يوم الجمعه حأسوقك تتعرفي على اهلي
قلت ليه م قدرت اقول ليهم
قال لي ليييهه؟
قلت ليه كدة بس
قال لي أتصل على عمي اكلمو؟
قلت ليه لٱ م ينفع
قال لي ليه م ينفع؟ حأستأذنو إني جاي اسوقك اوديك اعرفك على أهلي بس
قلت ليه عاين ي سامر م ينفع تتصل على ابوي تحت اي لحظه انت عايزها وتطلب منو انك جاي تسوقني او جاي تشوفني، م ينفع تجي تحت اي لحظه عندنا في البيت، زمان الموضوع كان عادي هسي لٱ الوضع اتغير، كلمني خليني امهد الموضوع لي ابوي
قال لي الوضع اتغير دي قصدك بيها انك بقيتي خطيبتي
سكتني الثغيل
قلت ليه المهم دة الحاصل
قال لي طيب ابشري، هسي بكرة الموضوع قائم انا كلمت اهلي وهم م̷ِْن هسي بجهزو في نفسهم م حلوة اقول ليهم م جايه عشان م كلمت اهلها، كلميهم واديني خبر مستنيك
قلت ليه م ممكن تفرض علي كل حاجه انت كدة
قال لي شهد بس المرة دي حاولي تتفهمي الموقف حاضر؟
سكتت
قال لي هاااااا؟
قلت ليه طيب
قال لي مستني مڼڱ خبر يلا
قفل التلفون،
حرفياً م قادره افهمو، ولا مبسوطه بالانا فِيَه معاه دة، يعني يمكن احساسي تجاهو كان انجذاب عادي بس هو من قريب م الشخصيه المبهرة بالعكس هو طباعو سيئه شديد همجي شديد في كل حاجه وم عندو احترام لشي، وقت م عايز بجي ووقت م عايز بمشي،
مشيت لي امي وهي بتكوي في ملابس ابوي، قلت ليها م قلت ليك خليهم اكويهم، قالت لي شايفاك م فاضيه قلت اطرحهم ليهو، ابوك مشى سوق الخدار للأن م جا
قلت ليها اتصل سامر،
قالت لي اها قال مالو ان شاءالله كويس؟
قلت ليها م سألتو وم قال
عاينت لي قالت لي ي بتي اتلحلحي، ي بتي بطفش الليله ووووووب علينا زول غاب اربعه يوم م بتسألي خبارو غايب؟
قلت ليها م سألتو ي امي وخلاص، المهم قال هو كلم اهلو انو جايبني ليهم الجمعه يعني بكرة، وم بقدر يقول ليهم م جايه عشان م حلوة
قالت لي اهلو مالهم هم م بقدرو يجو محننين؟ تمشي ليهم انتِ ليه ياتو يوم واحدة لٱ جو خطبوها بشكل رسمي ولا جو اتعرفو عليها كابست ومشت للناس هي قبل؟ دي حقارة ولا نفهمها شنووو؟
سكتت وانا بعاين ليها
قالت لي الخفه م حبابها والغالي بغلاتو ي بتي خلي هم يجو بعداك لْۆ عايز يسوقك او هم يعزموك ممكن
قلت ليه بصوت هزيل ي امي سمح اسوي شنو هو قال اهلو لمن بدو يجهزو نفسهم
قالت لي كويس قولي ليه يجهزو نفسهم ويجونا
قلت ليها امييييي
قالت لي انتِ ماشه؟ اعترفي ي الرخيصه
سكتت
قالت لي سمح كلمي ابوك كان قال ليك امشي داك الشارع
قلت ليها انا لْۆ قادرة اكلمو م جيتك
قالت لي لٱ بكلمو لٱ شي وانتِ عارفه ردو، قلت ليها بنرفزة طيب ياخ م تكلميهو
دخلت الغرفه ومسكت تلفوني،
بعد المغرب ابوي قال لي اعملي لي الجبنه عملتها وجبتها ليهو، عايزة امشي قال لي بكرة طالعين الساعه كم؟
وقفت اتسمرت في مكاني
سكتت سااي حتى قلت ليه شنووو؟
قال لي بكرة بجيك الساعه كم شان تمشو لي اهلو؟
قلت ليه ابوي
قال لي الصاح يجي يستأذني انا اول صّْْح؟
قلت ليه والله هو عايز يتصل ويستأذنك بس انا ابيت وقلت ليه خليني انا امهد ليهو
قال لي كويس بس ي بتي انو يسوقك يوديك بيت اهلو قبل م هم يجو يتعرفو عليك م صح صح كلامي؟
هزيت ليهو راسي بمعنى ايوة
قال لي لكن احتراماً ليهو عشان اتصل واستأذن جهزي نفسك وامشي
قلت ليه اتصل؟ يعني امي م كلمتك؟
قال لي گلمتِنييّ لَگِنْ هو اتصل كلمني اول وم قدرت اقول ليهو لا
قلت ليهو اهاااا
قال لي جهزي نفسك واللبسي كويس وامشي واعملي حساب حتى لرمشه عينك دي
قلت ليه حاضر..
م اتوقعت ابوي يوافق بس واثقه انو انا لْۆ كلمته م كان وافق الحمدلله جات منه هو..
زين كان قاعد مع ابوي في السرير قال لي سامعه، جدو قال ليك اعملي حسابك
قلت ليه انت اسكت
ابوي ضحك قال ليهو انََت تمشي معاها تحرسها كويس
قال ليهو حاضر
جريت دخلت غرفتي وضربت لي فجر اول م فتحت قلت ليها عايني بكرة ماشه البيت مع سامر
قالت لي نعم؟ كيف يعني ماشه البيت مع سامر دي قلهه ادب جديدة
ضحكت قلت ليها متخلفه ومخك شمال دايماً اقصد ماشه بيت اهل سامر، خشي القروب اختاري معي حاجه اللبسها برسل ليك صور يلا
قالت لي انتظري
قلت ليها م عِن.̷̷̸̷̐ديّ رصيد باي
طبعاً انا لبسي كلو عبايات، يعني حتى ملابسي محدودة م كنت بقول عايزة ملابس او كدة حسب وضعنا وكدة بس بشتري عبايات علشان بتخفف لي
طلعت كل صوري بالعبايات العندي ورسلتهم في القروب حقنا نحن ال 3، قلت ليها الأحلى اي واحدة؟
رسلت لي إيموشن
قلت ليها مالك
قالت لي شهد بطلع اكفتك، عايني انتِ جادة ماشه بعبايه؟
سكتت
قالت لي والله العظيم م جادة
قلت ليها اها امشي بشنو؟
قالت لي شهد بطلي هبل،
مشكلتي سمينه وانتِ هلفوته ملابسي م بتجي قدرك والا كان ركبت هسي وجيتك بشنطه ملابس
قلت ليها هلفوته في عينك اسمها رشاقه، اسمو عود فرنساوي ي هبله ي طبله
ضحكت قالت لي طيب ي ام عود فرنساوي انتِ المفروض تلبسي فستان حاجه كدة كيوت فهمتي؟
قلت ليها طيب دقيقه، طلعت فساتيني العندي واتصورت بيهم ورسلتهم،
قالت لي ماف احلى؟
قلت ليها لا
فجأة دخلت جمانه قالت لينا بتنضمو بتقولو في شنوووو؟
فجر قالت ليها كويس جيتي تعالي شوفي الاخت ماشه بيت اهل سامر بعبايه وهم اول مرة يشوفوها
قالت لي محن،
رسلت ليهم قلب مكسور
جمانه قالت لي ماشه متين انا عِن.̷̷̸̷̐ديّ فساتين ممكن اجي الصباح اظبطك
قلت ليها م عارفه م حدد لي
فجر قالت لي شوفيهو اكيد حيسوقك العصر ف شنو حنجي الصباح نفطر معاكم خلي خالتو تظبط لينا عصيدة بملاح روب بالله
قلت ليهم ټمٱم اشوفو
اتصلت عليه م رد، رسلت ليه رساله محتواها حدد لي حتجي تسوقني متين؟
رسل رساله بالليل قال لي بعد الصلاة ان شاءالله، م اتصل لاحظو رغم اني اتصلت هو اكتفى بمسج بس
م̷ِْن الصباح فجر جات قبل جمانه، هي صحبت ابوي شديد واكتر مِڼّي اول م جات مسكت فيهو ونسه وكل م تشوف امي تقول ليّۓ ابوي ي عمي هسي قلت لي عرسنا متين؟ انجز ي عمي زمن مافي، خالتو اعملي الفطور عليك •اللّہ̣̥ في واحدة يهون عليها تجوع ضرتها، امي تقول ليها الشيله علي وتضحك عاد ضرتي اعمل ليها صينيه تهز وترز
جمانه جات جابت فساتين دولابها كلهم اظن، بقيت شغاله اللبس واقلع وابقى على دة ولا دة لغايه الضهر اذن حتى رسينا على بر،
بعدها جمانه كانت جايبه مكوة شعرها، قالت لي تعالي اكوي ليك
قلت ليها ماف داعي اصلاً كدة كدة انا محجبه ها هو وينو الشعر البكوهو زاتو
امي قالت ليهم هي قال ليكم مريحاهو كل م يزيد سنت واحد تقوم عليهو تقصو قال تواسيهو
فجر قالت لي البسمع انك بتقصيهو يحلف يقول شعر سبنه الهنديه م تِفتك دي، ي بتي ارحميهو خليهو ينزل الكتف ان شاءالله بعدين طرحه العرس الا تلبسي ليها اكستنشن
قلت ليهم هسي مجتهدة فيهو غايتو بالماسكات الجابها دي
قالت لي يكون حس انو الإصدار دة جايهو بدون شعر اريتك كان جرتك خالتو دي بي شعرها عايني المساير دي ساي طالعه لمنو انتِ طالعه لمنووو
زين تعال، قول لي شهد خالتو ام شعر قصار
قال ليها ابيت
قالت ليهو قول بديك تلفوني تعلب بيهو
هز ليها راسو وقال ليها لٱ عيب وطلع جرى لجدو في الصالون
ضربتها قلت ليها حيوانه، هو ع فكرة لما شافني دخلت الصيدليه وجيت راجعه نزل سأل انا سألت م̷ِْن شنو لما عرف اظن طلبهم بس م عرفت طلبهم كيف وكدة
جمانه قالت لي بس الحركه لطيفهه ي شهد حبيتو
، طلعو مِڼّي بعد الصلاة خلوني شبه نمت، اتصل علي وانا م بين نايمه وصاحيه رديت، قال لي انا في الطريق قريب جاهزين؟
قلت ليه طلعت متين كان تتصل قبل م تطلع
قال لي هسي اتصلت ي شهد ردو كان بي ضيق كدة
قلت ليه ټمٱم بديت اجهز واجهز زين، اصلاً حواجبي ظبطتهم لي جمانه قبل تطلع، وانا اصلاً بستخدم بس ملمع شفايف،
سرحت شعري واحدة بشقه نص ولبست،
م تميت نص سَآعهْْ اتصل علي قال لي انا وصلت،
قلت ليه ادخل طيب سلم على ناس البيت،
جا داخل،
سلم على امي ابوي كان مافي وشال زين،
امي عايزة تعمل عصير قال ليها لٱ والله مستعجلين عشان الزمن ومنتظرننا في البيت ي خالتي
قالت ليهو سمح ي ولدي •اللّہ̣̥ يسهل عليكم،
طلعنا،
م حصل شافني بغير العبايه، م حصل شافني عامله شي في وشي يعني كل الانا عاملاه دة تغير ملحوظ هو ولا كأني عامله شي م عارفه هو نوعو شنو ولا مالو ولا الواحد لما يضمن اصلاً ببقى كدة، اول م اتحركنا زين قال ليهو بابا كان شفت فجل صحبه شهد قالت لي اقول لشهد خالتو ام شعر قصار
انا حسيت اتلفت على زين وانا مصدومه
ولسه كمل كلامو ب "وكمان قالت ليها جاب ليك حاجات الشعر عشان عارف الإصدار الجايهو دة بدون شعر، وقالت ليها بعدين طرحه الزفاف الا تلبسي ليها استكنشن
حسيت انو العربيه واقعه بينا في هاويه، بقيت م قادرة ابدي اي ردة فعل مصدومه وبعاين ليه بس
سامر ابتسم ابتسامه خفيفه بس وجاتو مكالمه رد وعمل روحو بتكلم بالتلفون،
زين قال لي عاين شعرها حلو كيف عملو ليها بالمكوة، والفستان دة جابتو ليها صحبتها حلو ي بابا صح، و جابت ليها فساتين كتيرة لبستهم كلهم
جسمي كلو برد والعبرة وقفت لي في حلقي حرفياً اليَوُمًًِ باظ بالنسبه لي م عارفه لْۆ مشينا هناك وقال كلامو دة انا هعمل شنو ولا حأقبل وين
سحت زي التلجه قدامهم، سامر م ابدى اي ردة فعل بالعكس عمل روحو م مركز وزين بتكلم، وصلنا استوب كدة اشترى ليهو حلاوة قطن عشان يلهيهو ويسكت لانو كان لسه بتكلم
وصلنا البيت انا طبعاً متوترة شديد لدرجه انو يدي بقو تلج، قبل ننزل سامر قال لي خايفه كدة مالك م خاطفك انا على فكرة
مسك يدي وقال لي روقي وبالمناسبه انتِ حلوة شديد ف شنو
جريت منو يدي، عاين لي مسافه وقال لي زين ننزل، نزلو وفتح لي الباب..
نزلت مشى على الباب دق الجرس مسافه حتى فتحو الباب،
طلع واحد قال ليهو اووووو السيد العريس وصلت اخيراً
سامر ضحك قال ليهو زحمه زي الزحمه،
عاين لي مساااافه وعاين لي سامر وقال ليهو ياااااازوول ياها
سامر قال ليهو ااااايوة بس خليك عندك
دة اخوهو الكان لقيناهو في القسم لما اختو ضربت ابوي
قال لي اهلين ياخي الف مرحب گّيَفْ الّحّال ٱن شْاءِ اللٌہ بَخّيَرٌ،
قلت ليه الحمدلله وانت؟
قال ټمٱم والله نورتي وزي م بقولو رب ضارة نافعه
ابتسمت ليه
شال زين وقال ليهو حبيبنا لزم زولي زولي مشتاقين ياخ اتفضلو ي جماعه اتفضلو،
دخلنا، قال لينا تعالو بجاي، دخلنا بحته كدة قال لينا ديل في الغرف دقيقه
سامر طلع تلفونو وعمل مكالمه وقال: اي وصلنا، تمام يلا،
دخل تلفونو وبقى يعاين يمين شمال ماف زول جا او استقبلنا او كدة،
قال لي تعالي مسكني م̷ِْن يدي، وداني بإتجاه كدة وقال حبوبه،
قالت مرحب
قال ليها نحن جينا
قالت ليهو جيتو 1؟مرحب مرحب حبابك ي ولدي اتفضلو، مشينا عليها قامت على حيلها، قال ليها دي شهد ي حبوبه گلّمّتگُ بيها
قالت لي هي يا يمه ماشاءالله وحضنتني قالت لي گّيَفْ الّحّال ٱن شْاءِ اللٌہ طيبه ي بتي؟
قلت ليها الحمدلله وانت ي حبوبه؟
قالت لي طييييبه ي بتي الا الكبر دخل والجسم مابي الوقفه،
قعدتها قلت ليها لسه شباب ي حبوبه كبر وين،
كانت حلوة شديد مشلخه في وشها ومحننها شعرها احمر وعامله مساير ومتحننه وريحه الريحه فايحه منها فوق،
قالت لي اقعدي جمبي هنا، قعدت وبقت تسأل فيني، نحن م̷ِْن وين وكدة،
بعد 10 دقاقيق حتى سمعت السَلٱمٌ عَلْيگمّ-ۈرحْمٌّة ٱللّہ ۆبُرگّاتہ، قمت على حيلي واتلفت
كانت مرة كبيرة في العمر، قالت لي كيفك ي بتي ان شاءالله طيبه، حضنتني وقالت لي نورتينا والله ياااخي معليش م كنا عارفين بوصولكم عشان كدة اعفي لينا ي بتي
قلت ليها لٱ عُاَدّيَيّ
قالت ليهو سامر م نبهتنا عشان نستقبلكم
قال ليها بي ضيق م انا قلت ليكم اني ماشي اجهزو
قلت ليها عادي والله ي خالتو
سامر قال لي دي امي نوال ي شهد، امي دي شهد حكيت ليك عنها
قالت لي حبابك حبابك ي بتي والله زين م اخترت ي ولدي
حبوبه قالت لي م̷ِْن قبيل يعني لٱ استقبلوكم لٱ ضيفوكم عاد دة كلام دة؟ وين البنات ولادة السجم والرماد
سكتت
قالت لي اعفي لي ي بتي انا قايلاهم استقبلوك،
قلت ليها العفوو ي حبوبه ياااخي
قالت ل سامر سوقها دخلها جوة
ام سامر قالت لينا اتفضلو، اتفضلو، رجعنا الهول، جو بنات 3 داخلات، سلمت علي الأولى، التانيه دي وقفت عندها ووقفت عندي وبقت تتلفت تعاين لسامر وتعاين لي، ايوة هي مألوفه عِن.̷̷̸̷̐ديّ وانا مألوفه عندها ايوة هي نفسها الضربت ابوي بعربيتها قالت لي بي تردد كيفك؟
قلت ليها الحمدلله بّخْيرٌ وانتِ؟
قالت لي تمام شرفتي،
جات التالته دي حضنتني بحماس كدة وقالت لي مرت الغالي مستقبلياً حبابك ي حلوة
قلت ليها تحلي ايامك ي جميل
قالت لي كيفك؟
قلت ليها تمام وانت؟
قالت لي مبسوطه بشوفتك بس،
سامر قال ليهم شهد،
شهد ديل ياسمين، يسرا، يمن، شويه كدة جا داخل ملهم وشايل زين، وجود زين دة موترني طبعاً حاسه في لحظه حيصدمني بحاجه م اعرف اودي وشي وين
يمن دي قالت ليهو شهد لَگِنْ
عاين ليها وسكت
قالت ليهو خلاص م تصر لي وشك م عايزة اشغلها ليك
قالو لي اتفضلي، قعدنا، ضيفونا، امهم جات قالت لينا الغداء جاهز م تشربو العصير عشان تاكلو اكلنا عندنا بنات م يبورن
في وقفه امهم دي جات داخله واحدة قالت ليهم يغسي عليكم خطيبه سامر بحالها هنا وم بتكلموني، ازيكك ي حلوة،
قمت سلمت عليها حضنتني زغرت زغروته طويله وقالت لي مبروك ياخي طبعاً هو فاجأنا ومتعود على انو اي شي يكون مفاجأة ف شنو •اللّہ̣̥ يعينك عليهو
ضحكت، وقعدت،
قالت ليهو لكن ي سامر ماف كلام والله حاجه كدة صغنن على إستايلك الاجنبي قلت لي
عاين ليها وسكت
قالت لي اعرفك انا مرت اخوهو الوسطاني تماضر وبعدها
قالت : ياسمين قلتِ لي سمحه، بس م قلتِ لي خالي لحمه وكروش زينا كدهه
حصلت لحظِهّ ; .. صمت ونظرات غريبه متبادله
امهم قالت ليهم خلن النقه وقومو على المطبخ،
ياسمين ويسرا وتماضر ديل طلعو وخلو معي يمن وملهم، في قعدتنا دي جا واحد داخل سلم علي سامر قال لي دة احمد اخوي راجل تماضر، احمد شهد
قال لي حبابك ياخ ومعليش اعفي لينا م جات فرصه نصلكم لأنو والله يوم ماشين عليك حصل لي ظرف وفاة موت ابو صحبي، واعتذارنا للأسرة كمان لمن نصلهم ناس عقد عديل م خطوبه
قلت ليهو العفو والبركه فيكم ي رب،
، م تمينا 5 دقايب جات واحدة داخله، سمحه ماشاءالله هيبه لابسه لبسه كامله ومسرحه شعرها واحدة وفاكاه وشايله تلفونها ويدها التانيه اظنها مكسورة ف ملفوفه ببتاع الكسر داك،
جات قالت م يكون اتأخرت؟
سامر قال ليها لسه بدري،
قام على حيلو قال ليها لسه البتاع دة وحضنها، قالت ليهو لسه ي حبيب خالتك لسه، كان مهتم وبتسأل كان عرفته
ضحك،
قالت ليهو دي شهد؟قال ليها ايوة،
قالت لي صغيرة طبعاً ي سامر ي ولدي انت زول عمرك داقي ال 32 سنه
ملهم ضحك قال ليها براعم ولحم طاعم زي م بقولو
جات سلمت علي بلهفه كدة وحضنتني قالت لي ولدي دة م يغرك شكلو وتقولي في العشرينات شايب عايني جلحاتو دي براها عشرين سنه
ضحكت قلت ليها يعني الفي ال 30 ديل ناس كبار اغير راي
قالت لي لٱ بس فارق العمر المناسب مطلوب معليش م سلمت عليك بشكل كويس اعفي لي الكسر
قلت ليها العفووو وسلامتك ي رب
قالت لي تسلمي وباستني وقالت لي المهم نورتينا وم مشكار لي ولدي سامر بس ي بختك حرفياً، يعني اي هو 75%من صفاتو م حميدة عصبي واخلاقو ضيقه وبارد بس ال 25% مبهرة وكافيه انها تخليك تكملي معاهو
ملهم قال ليهو لٱ حول ولا قوة الا بالله سيحو ليك ي حبيب،
سامر ضحك قال ليهو لاحظت
جات ام سامر قالت لينا الغداء جاهز يلا على الغداء، قبل نقعد مشينا قلت لي معليش ممكن اغسل يدي، قالت لي حاضر ي حلوة تعالي مشيت وراها قبل م اصل هي دخلت المطبخ وقالت: شهد عايزة تغسل يديها
فجأة سمع صوت حاجه بتترمي على الارض طاخ وصوت بقول: شهد، شهد، شهد م تملونا فقر وتقدونا بيها ساااي الوهميه دي
وقفت في مكاني ورجعت خطوتين وبعدها سمعت يمن بتقول ليها نفسياتك وححركاتك دي م تعمليها لينا اليَوُمًِ، ً
جات طالعه فاكراني ي دوب وصلت ابتسمت وقالت لي مويه المطبخ قطعت تعالي الحمام وانا اتصرفت كأني م سمعت،
غسلت ولما رجعنا لقينا في شخصيه جديدة في الصفرة، م غريبه علي برضو وانا م غريبه عليها،
ابو سامر، بعرفني وانا بعرفو م̷ِْن لما كان بجينا في الكشك،
وقف على حيلو وبقى يعاين لي بدهشه واستغراب احساس انو بعرفني
سامر قال ليهو شهد ي ابوي، متذكرها؟
ابوه قال ليهو الشكل مألوف عِن.̷̷̸̷̐ديّ، شهد، شهد
يسرا وملهم بقو يعاينو لبعض ويعاينو لينا
سلمت عليه قلت ليه عمو كيفك
قال لي اهلين ي بتي كيفك؟
قلت ليهو الحمدلله
قال لي اتفضلي ي بتي
قعدته، اول م بدينا ناكل تماضر قالت لي م̷ِْن وين شهد انتو؟
قلت ليها نحن م̷ِْن النيل الابيض
خاله سامر قالت لي ي سلام ياااخي م̷ِْن وين في النيل الابيض الجزيرة ولا كوستي ولا ربك؟
قلت ليها انا قمت لقيت نفسي هنا بس اهلي م̷ِْن قريه م̷ِْن قرى النيل الابيض بتقع قبل الجزيرة
قالت لي اهااااا طيب حلوووو
ام سامر قالت لي بتدرسي وين وبتدرسي شنووووو؟
قلت ليها بدرس جامعه... دبلوم ترجمه لغه انجليزيه
فجأة سمعت ضحكه خفيفه وصوت بقول "دبل نوم"
رفعت عيني لقيت مصدر الصوت ياسمين
يمن حمرت ليها ورفعت ليها حواجبها
خاله سامر قالت لي اهم شي الرغبه، الدراسه في السودان عموماً بقت م بتفرق سواء دبلوم او بكلاريوس شهادات بتتعلق في الحيط، بعد التخريج انت وفلاحتك بس
قلت ليها م رغبه والله لما امتحنت جبت 79.9 وم كانت بتقريني الرغبه الانا عايزاها وفكرة الاعادة طبعاً صعبه عشان كدة اتوكلت وقريت اي حاجه بس
قالت لي كنتِ عايزة تقري شنووو؟
ام سامر قالت لي كنت تقري رغبتك خاص احسن م̷ِْن الدبلوم لانو طلاب البكلاريوس م لاقين شغل وبعدين في مجالات كدة م فيها شغل
ياسمين قالت والانجليزي عموماً م مجال تتقري ليهو جامعه يعني كورسات اونلاين على تطبيقات زي دولينجو وقنوات يوتيوب بتظبط للواحد امورو لانو بقى شبه اللغه الام ماف زول حيكلف نفسو ويجيب ليهو مترجم بقروش هههه
عاينت ليها بسكات
خاله سامر قالت ليها بتقري شنو انتِ؟
ياسمين قالت ليها مختبرات
قالت ليها حتتخرجي وحتجي تتبكي لسامر عشان يشوف ليك واسطه في مستشفى خاص
سكتت يمن ضحكت وقالت ليها إكزاتلي ي خالتو
ام سامر قالت ابوك شغال وين وشغال شنوووو؟
قلت ليها ابوي شغال خدار، عندو محل خدار قدام البيت عشان هو عيان بيعمل غسيل كلى م بقدر على الحركه او المسافات البعيدة عشان كدة
سكتو مساافه حتى قالت لي اهاااا فعلاً في الحاله دي دراسه الخاص صعبه بالذات في ظروف البلد الحاليه دي،
عاينت لي سامر لقيتو ماسك جزرة في يدو عايز ياكلها بس بعاين ليهم
, you are not obligated to answer any question, you can pass
خاله سامر قالت لي الجمله دي
ابتسمت ليها وسكتت
ياسمين قالت ليها Whay? ?نحن بنتعرف عُاَدّيَيّ يعني لْۆ قالت ابوها شغال خدار م شي تخجل منو كان اتضايقت الا اذا هي متحسسه ي خالتو
قالت ليها لٱ بس عشان دة م شي بخص زول
يمن قالت لي شهد م نفسك تحكي لينا اتعرفتي على سامر كيف وكدة؟
عاينت لي سامر ويسرا وملهم وهم كمان عاينو لي بي توتر وقلق، قلت ليها كنت شغاله في كشك في شارع النيل وجا اشترى مني بس
امو قالت لي كشك؟ شغاله شنو في كشك؟
قلت ليها فطاير
ابوهو قال لي ايواااااا صح اتذكرتك، يااااخي م̷ِْن قبيل بحاول اتذكر شفتك وين، كيفك ي بتي ياااخي ان شاءالله انتِ بخير، فقدتك رجعت كم مرة م لقيتك والكشك شغالين فيهو ناس تانين اصحاب ملهم تقريباً
قلت ليهو فعلاً عشان خليتو لظروف الدراسه وأجرناهو
قال لي فعلاً دراسه وشغل الاتنين م بجو الوالد •اللّہ̣̥ يديه العافيه ويوفقك ي رب ونعم التربيه والله مثال حي للمعافرة في الحياة شايفين ي اولاد؟انتو ناس قام م̷ِْن نومو ولقى كومو وبرضو م بعجبكم العجب
سكتو كلهم،
م عارفه اكلت كيف، م بتذكر اني ضقت طعم للأكل اصلا، الجوً كان عبارة توتر واستفزاز،
خلصنا اكل وقعدنا في غرفه الضيافه،
خاله سامر قالت لي م لقينا فرصه نصلكم في البيت وسامر مستعجل عمل كل شي بسرعه، وم ادانا فرصه زي م شايفه ي بتي يدي مكسورة بس ان شاءالله في اقرب وقت نجي ونعمل خطوبه
سامر قال ليها عقد، عاينا ليهو مع بعض لقيناه مركز في تلفونو،
خالتو ضحكت قالت لي شايفه الشفقه والإستعجال؟
قال ليها م شفقه بس خطوبه لا
قالت ليهو سمح انت كان قلت لٱ معناها لٱ ههههههه
ياسمين قالت لي شهد العقد دة اكبر سمبك يعني لولا قدر •اللّہ̣̥ حصل واختلفتو وكدة ي حليلك بتتحسب ليك عرسه انا گلّمّتگ اهوُ
سامر قال ليها الا كان نختلف في اسامي اولادنا غير كدة اختلاف دة مافي
ملهم قال ليهو اووووووو صمت دهراً ونطق كفراً
زين جا قلت ليهو حبيبي تعال، جا وقعد في حضني
ام سامر قالت لي ماشاءالله بعرفك
سامر قال ليها كيف ياخ هو عايش معاها اصلاً
قالت ليهو لا ياااخي يعني انت مقعدو معاها وكدة ايواااا وضحكت
ياسمين قالت ليهو بالجد دي البت المشغلها تمسك ليك زين؟
سامر سكت
قلت ليها ايوة
قالت لي اهاااااااااا
يمن قالت لي حلوووووو اهو زين اتعلق بيك واتعود عليك يعني دي حاجه حلوة شديد
ياسمين قالت ليهو سامر والله كل يوم بتبهرني بي ذكاءك يعني اهو قلت اضرب عصفورين بحجر وتستفيد لأنو كدة كدة م كان عندك زول يهتم ليك بي زين يعني محور العرس كلو داير حوالين زين ظابط طيب
كانت ملامحها بتوحي بالفرح بسخريه كدة
قال ليها لٱ م ليهو علاقه بي زين،
عموماً نحن نمشي ي جماعه لأنو الزمن اتأخر وشهد اهلها بقلقو عليها،
خالتو قالت ليهو م اخدنا راحتنا بس اكيد حنتلاقى في وقت اوسع،
امو قالت ليهو م بدري
قال ليها لٱ نمشي احسن زين يلا اللبس جزمتك
طلعنا الشارع ودعناهم وعايزين نركب في عربيه وقفت قصاد بابهم، نزل راجل م̷ِْن العربيه وفجأة قال بصوت عالي الدخلك شنو هنا انتِ يا...
سامر قفل باب العربيه
الراجل مشى على اتجاه باب ناس سامر وسامر لحقو بسرعه ومسكو، وبقى يقول ليهو ي خال،
والراجل بلز فيهو بإندفاعيه وبقول ليهو فكني انت... كمان
خاله سامر قالت ليهو سامر، سامر •اللّہ̣̥ يرضى عليك
قال ليها خالتي ادخلي جوة، احمد دخلهم واقفل الباب
ملهم واحمد قالو ليهم ادخلو جوة دخلوهم وقفلو الباب وانا وزين واقفين جوة العربيه، وسامر بتقالع مع الراجل وبقول ليه يا خال صلي على النبي
قال ليهو م تقول لي صلي على النبي ي زول زح م̷ِْن وشي وطلع لي ال...م̷ِْن جوة، انت ي حيوان ي تافه بتمسكني انا، انت يا...
كان بتكلم مع سامر بطريقه واللفاظ اللفاظ كدة كلها وقحه وقذره، وابو سامر كان ماسكو بإتجاه وبقول ليهو عايز شنو انت؟لزاهو بكل قوتو لمن وقع هنا ملهم جا ومسكو ضربو، ضربو بنيه وعدلو بالتاني وقال ليه بتضرب منو انت ي زول حيوان ولا شنو كيف تمد يدك على ابوي، سامر بقى في النص بمسك ملهم وبمسك الراجل، احمد اتدخل ومسك ملهم والاصوات بقت عاليه،
فجأة طلعت مرة م̷ِْن الباب القصادهم وقالت بصوت عالي حافظ؟ دة شنو ي حافظ؟
جات مسكتو قال ليها فكيني ولزاها،
هو شكلو كان سكران
وبقى يقول ليها والله بتك دي انا الا اقتلها وادخل بيها السجن، والضربوني ديل كلهم بدخل بيهم السجن، تضربوني انا؟ اصبرو بس والله اقفلكم قفله اصبرو رجع ماشي على عربيتو المرة ماسكاه وبتتكلم معاه وبنقول ليه ي حافظ ي ولدي •اللّہ̣̥ يهديك، ماشي وين انت هسي، كدة تَعاّل معي،
قال ليها بتك م بتسمع گلآمَي..
قالت ليهو غلطانه خليها تعال، لزاها بكل قوتو وقال ليها م تقولي لي غلطانه انا بربيها، سامر مشى مسكو وخنقو وقال ليهو م تحترم نفسك انت ي زول دي امك
المرة مسكت سامر قالت ليهو م تدخل فكو يلا، فكو قلت ليك، جرتو م̷ِْن قميصو، ومسكت الولد ساقتو ودخلت بيهو وقفلت الباب،
سامر صلح قميصو وقال لي ابوهو واخوانو ادخلو البيت وم تخلو خالتي تطلع لمن ارجع تمام؟
قالو ليه ټمٱم، جا ركب العربيه واتحركنا وهو ساكت
زين قال ليهو بابا اتشاكلتو مع الزول لييييهه؟
سامر فضل ساكت
قلت ليه زين حبيبي مش قلت ليك م تسأل اسئله ناس كبار عيب
قال لي حاضر
سكت ورقد فيني لغااايه م نام،
سامر كان ساااايق لمن برجف م̷ِْن الزعل والغضب، وصلنا البيت وقال لي م تحسبي انو اليَوُمًًِ دة مرة علينا، كلمه اسف عليهو بسيطه
قلت ليه لٱ المهم انت روق،
قال لي حاضر
نزلت وقلبي ماكلني عليهو، الحمدلله زين كان نايم عشان م يحكي لي امي وابوي،
امي قالت لي كيف لقيتي اهل خطيبك؟
قلت ليها ټمٱم
قالت لي اها احكي لي
قلت ليها احكي ليك شنووو؟ تُعباُنٌهْ عايزة انوم ي امي،
خليتها ودخلت وانا قلبي قابضني، يعني الجو كان كعب شديد مما مشيت لغايه م طلعت
رجعت اتصلت على سامر لأني قلقانه علي بس م كان برد،
ولما رد رد علي برساله محتواها "كنت بعيد م̷ِْن التلفون، انا تمام "
بس م زاد م̷ِْن كدة
عدت يومين م إتصل ولا فقدني ولا حتى برساله، وتلفونو قافلم عارفه بس حاسه نفسي داخله في علاقه وهميه، بمشاعر وهميه، م قادرة افهم الشخصيه القدامي دي هي شنو بالضبط، م قادرة احدد انا بالنسبه ليهو شنو، هو غريب، وغامض، اهلو غريبين ماف شي حاساهو تمام ابداً
اتصل علي بعد يومين قال لي كان عندي شغل
قلت ليه شغل بتقفل عشانو التلفون؟
قال لي تلفوني فاتح بس الشبكه هي المافي عشان كدة بديك مقفول
قلت ليهو تمام طيب،
قال لي كيفك؟
قلت ليه الحمدلله بس قلقت عليك وحبيت اتطمن
قال لي لٱ انا تمام، ټمٱم ي شهد
قلت ليهو ممكن سؤال؟
قال لي قولي
قلت ليه بالنسبه للحصل في بيت اهلك، م فهمت الزول دة منو وكدة
اخد نفس عميق وقال لي دة خالي ي شهد
قلت ليه خالك؟ كيف خالك م فهمت؟
قال لي قصه طويله ي شهد حيجي يوم واحكي ليك كل شي، في الوقت الحالي اقفلي الموضوع
قلت ليه حاضر
قال لي زين وعمي وامك كيف كلهم تمام؟
قلت ليه الحمدلله كويسين بسلمو عليك
قال لي سلمي عليهم طيب،
بقى يتنهد بصوت خافض كدة
قلت ليه مالك انت كويس؟
قال لي كويس بس قبيل عضتني عقرب كدة وهسي ماخد لي مسكن وم قادر انوم..
قلت عضتك عقرب كيف عضتك عقرب وكيف ووين؟
قال لي بسم •اللّہ̣̥ ي زوله مالك عقرب هي ولا شي تاني؟عادي الحاجات دي بتلقاني في شغلنا دة
قلت ليه سامر انت م ممكن تكون كدة، عضتك عقرب وبتتعامل بالبرود دة وبتقول عُاَدّيَ هو شنو العادي؟
قال لي لأنو عادي ي شهد
قلت ليه مشيت الدكتور؟
قال لي مشيت
قلت ليه هسي كيف؟
قال شهد الكلام دة حصل م̷ِْن الصباح هسي انا كويس بس ألمتني شويه كدة
سكتت
قال لي الوووو؟
قلت ليه سامر انت شغال شنووو؟ العقرب البجيبها للعربيه شنوووو؟
قال لي م ضربتني في العربيه
قلت ليه اها وين؟
قال لي ي شهد التحقيق في شنو؟هسي في مكانك دة ممكن تضربك عقرب صح؟
قلت ليه سامر اللّہ̣̥ يخليك عشان زين خلي بالك م̷ِْن نفسك
قال لي عشانكم انتو الاتنين
قلت ليه طيب تصبح على خير اخد راحتك
قال لي حاضر، يلا وانتِ م̷ِْن اهلو،
❖
عارف اني جايط حياتها وفكرها شديد، وعارف اني مقصر في حقها، وعارف اني مرتكب فيها ذنب ويمكن اكون اناني شديد في الانا بعملو دة بس م عندي حل غيرها، هي ملاذي الوحيد في جوطه الحياة الأنا فيها دي كلها...
كنت بتتكلم مع شهد؟
ياسمين؟
بقيت كيف هسي
الحمدلله،
سامر عليك •اللّہ̣̥ انت الشغله دي م تخليها واكتفي بترحال بس
هههههههه ترحال م بجيب قروش لَگِنْ
لَگِنْ على الاقل م بتموت فيها هسي دي المرة الكم تضربك عقرب؟ وكم مرة ضربك ثعبان؟
دي حاجه كويسه جسمي بقى مضاد للسموم
سامر ياخي بطل عليك الله
طيب اقفلي وراك الباب
حتنوم ولا راجع تتكلم مع مرتك؟
الاتنين
طيب بس كدة تلفونك دة دقايق قبل م اطلع، عارفاك م بتحب الحركه دي بس دقايق هعمل مسكول في تلفوني لاني م لاقياه
هاك طيب،
❖
يوم وانا داخله م̷ِْن الجامعه وصلت باب الهول لقيت ابوي بقول: اي لآزٍمٍ يعرف كل شي ويكون على علم طبعاً ودة م̷ِْن حقو عشان نكون على نور وم نكون غشينا عليهو، وهو زاتو زول عديل وماشاءالله متفهم وواعي م اظن تكون عندو مشڱلهِ في حاجه زي دي وم اظن يهتم ليها لانو هو زاتو مربي زين دة وماشاءالله البشوفو م بقول م ولدو ابداً، انا ان شاءالله بحكي ليهو كل شي في اقرب فرصه اللقاهو فيها،
فهمت محور الحديث بتاعهم جمله وتفصيل م̷ِْن غير م اسمعه م̷ِْن اوله، ايوة صح م̷ِْن حق سامر يعرف انا منو ويعرف جايبني م̷ِْن وين، بس انا شايفه انو يسمع مني انا قبل ابوي احسن، ف هحكي ليهو قبل م ابوي يحكي...
اتصل علي تاني يوم الصباح..
لما شفت مكالمتو قلبي اتقبض، م م̷ِْن عوايدو يتصل علي الصباح وم حصل ابدا، اكيدً مرسل لي بخصوص الرساله الرسلتها ليه بالليل
م قدرت ارد لمن فصل وتاني رجع اتصل
رديت قلت ليه صباح الخير،
قال ليه صباح النوركيفك؟
قلت ليه بصوت مبحوح الحمدلله وانت؟
قال لي الحمدلله
قال لي في الجامعه؟
قلت ليه لٱ في البيت لسه م طلعت، انت لسه شكلك نايم
قال لي وييين ياخ نوم طلعت م̷ِْن 5 ص عِن.̷̷̸̷̐ديّ شغل
قلت ليه شغل شنوووو؟
قال لي شغله كدة،
قلت ليه طيب رسلت ليك في الواتسب م شايفاك داخل،
قال لي اي فعلا، تلفونيً م شاحن و ..
فجأة الخط فصل
رجعت لقيت التلفون مقفول
تاني رجعت برضو التلفون مقفول،
مشيت الجامعه، اثناء م انا بتونس مع البنات،
جاتني مكالمه م̷ِن رقم غريب م رديت عليه لاني م برد على ارقام غريبه،
تاني رجع اتصل، قلت يمكن دة سامر اتصل م̷ِْن رقم تاني عشان تلفونو قفل،
فتحت الخط قلت الووو؟
قالت لي السلام عليكم
كانت بت
قلت ليها وعليكم السلام
قالت لي شهد؟
قلت ليها ايوة
قالت لي معاك ياسمين
قلت ليها ياسمين؟
قالت لي اخت سامر
استغربت طبعاً قلت ليها اهلييين كيفك قالت لي الحمدلله وانتِ؟
قلت ليها الحمدلله
قالت لي معليش متصله عليك كدة لَگِنْ في موضوع مهم عايزة اقولو ليك ولازم تعرفيه ي شهد عشان مصلحتك بس ومن حقك تعرفيه علشان م تتورطي
قلت ليها احكي
قالت لي سامر عرسو ليك مصلحه ي شهد، عشان ولدو بس هو عايز يعرسك،
اكيد مستغربه م̷ِْن كلمه ولدو دي، واكيد هو واهمك بي انو الولد دة ولدو بالتبني وجايبو م̷ِْن التربيه والموال دة، هو بقول لكل الناس كدة وغاشيهم بس في الحقيقه ي شهد الولد دة ولدو للأسف اي ڼعمًْ هو اخوي واي شي بس م برضى الهو بعمل فيهو دة لاني انا كمان بت وم برضى الحاجه دي لنفسي، وعلى فكره اليَوُمًًِ هو كلم اهلي بموضوع انو انت بت حرام
حسيت بصدمه في اللحظه دي..
قالت لي معليش اقصد م بت الناس الهسي انتِ قاعدة معاهم ديل وجايبنك من التربيه، ولما امي وابوي اعترضو ردو ليهم انو هو حيعرسك سواء وافقو او لٱ م عندو شغله بيهم لأنو في الحالتين مصلحتو بتكمن في انو يعرسك عشان زين، ولأنو ابوي رافض رفضاً باتاً يدخل زين بيتنا وكدة، يعني منطقياً كدة لْۆ بالجد جايبو م̷ِْن التربيه فكرك ابوي حيرفض يقعدو معانا في البيت ويكسب فِيَه ثواب ولا نحن حنخليه؟اكيد لٱ ي شهد بس ابوي رفض يخليه معانا في البيت عشان م عايز في يوم ملهم يعمل نفس العمله دي ببساطه، عشان كدة هو مجهجه وم عارف يوديه وين، كل مرة يغير ليه مربيه ويوديه مكان واظن لقاك انتِ السلم الوحيد للحاجه دي عشان تربي ليهو ولدو وبس
انا حبيت انو تعرفي لانو عمرو م حيقول ليك، ولو واهمك بي انو بحبك اعرفي حاجه واحدة ي شهد سامر اخوي وانا بعرفو م بحب غير نفسو، زول مخو مخ شغل وبس اي شي بيكمن في مصلحتو بكون في حساباتو، ياما حصلت مشاكل في بيتنا دة بسبب زين، واليوم لنفس السبب بصورة غير مباشرة حصلت مشڱله طويله عريضه، ولو لاحظتي هو مُصر على العقد ومستعجل ليه ورافض فكرة الخطوبه ليه؟
علشان عارف انو العقد معناها خلاص انتِ تحت عصمتو مهما عرفتي واكتشفتي عنو م بفرق معاه، لَگِنْ الخطوبه بتضمن ليك انك تنفدي بجلدك، انا بس حبيت تعرفي الحاصل كلو والداسيهو منك سامر ونحن اهلو وبنعرفو ومتكتمين عليهو بس م اكتر وصاحب العقل يميز...