الفصل التاسع
بسم الله الرحمن الرحيم
قبل نبدأ في قراءة الرواية حابة اقول انه الرواية دي قيد الكتابة .. يعني ان شاء الله اول ما الكاتبة تنزل بارت انا بانزل ..
قراءة ممتعة
قلت ليها م فهمت هو جابها لشنوووو يعني؟
قالت لي شهد م تستجوبيني انا م عارفه المهم دي حاجهه لطيفه منو صراحه، لما عرف بالحصل اتصل وسأل وإهتم، وجاك في الجامعه وجاب ليك هديه كمان اظن دي حاجات تستحق الشكر ي شهد صح؟
سكتت
قالت لي زوقانياً كدة المفروض تتصلي وتشكريهو
رجعت البوكس الدولاب وقلت ليها امي عملت شنو يتأكل
شالت تلفونها وقالت لي عموماً دة رقمو رسلتو ليك واتس تقدري تتصلي عليه او ترسلي ليه مسج شوفي البريحك واعمليه وم تبقي انسانه دمك خنزيري وطلعت مشت
فتحت الرساله لقيت ياهو نفس الرقم الكان مرسل لي وحظرتهه،
بقيت قاعدة وبعاين ليه م بين ارسل وم ارسل،
وانا بتكلم مع نفسي...
ايوة يعني انا م جبرتهه يعمل دة كلو هو عمل كل دة م̷ِْن تلقاء نفسه انا ذنبي شنووو يتفرض علي اشكره او غيرو،
بس برضو فجر كلامها صح ي شهد منطقياً كدة انتِ مفروض تعملي القالتو
طيب حأرسل
فتحته الشات حقه، رفعت البلوك ورسلت : السلام عليكم، شكراُ.
وطلعت م̷ِْن الشات
خليت تلفوني ومشيت المطبخ..
❖
عملت كل اللازم ي خالتي، اي هسي العمال شغالين صيانه وتركيب وان شاءالله اسبوع قدام الترميم كلو بكون خلص واتشطب ابشري، طيب م عندك اي مشكله بشوف ناس يشتغلو الحديقه انا رسلت ليك كل الخيارات الممكن تتصمم على اساسها بس منتظر منك رد عشان ابقى عليها، تمام، الحاجه والجماعه ديل كلهم كيف ان شاءالله كويسين؟
الحمدلله، لا م مشكله بتكلم معاها في وقت تاني ان شاءالله، يلٱ في امان الله ي خالتي الله يعافيك ي رب
اول م خلصت مكالمه مع خالتي نزلت عِن.̷̷̸̷̐ديّ رساله، فتحتها وكان المحتوى
"السلام عليكم شكرا"ً
هو مستفز نوعاً ما وخالي م̷ِْن اي تعبير بس
بقولو فاقد الشيء لٱ يُعطيه"مُلحد انا بالمقوله دي وفهمها ومؤمن تماماً بمرادفها البقول "فاقد الشيء يعطيهه ببزخ"
اعتقد انو نحن اتولدنا عشان نطبق محتوى المقوله دي،
في مكالمه اُخرى..
الووو،
ي ولدي گّيَفْ الّحّال ٱن شْاءِ اللٌہ بَخّيَر
تمام الحمدلله انتو كيفكم
تمام الحمدلله لكن زين دة شويه محموم كدة
كيف محموم لييييهه مالو ومن متين ليييه م كلمتوني؟
والله م̷ِْن جا م̷ِْن الروضه اخد ليهو نومه صحى محموم،
وين هسي انتو ي عمتي؟
نحن في المستشفى، لسسه م دخلنا الدكتور ويزن دة يبكي قال لي الا دايرك م̷ِْن قبيل
اديني ليهو كدة..
الو، يزن ي ولدي مالك؟الواجعك شنو قول لي كدة، خلاص انا جاي اي م تبكي انت حاضر؟ انت زول راجل ياخ في راجل ببكي؟قلنا شنو نحن المرة الفاتت؟خلاص م تبكي عشان نتفاهم، قول لي المزعلك شنووو؟انا جاي والله جاي،
الووو؟
اي ي عمتي، قال م بدخل الدكتور الا انا اجي؟خلاص انا جاي عليكم في اي مستشفى انتو؟ جاي عليكم
طيب تمام...
❖
وانا ماشه انوم فتحت الشبكه نزلت عِن.̷̷̸̷̐ديّ رسائل، م̷ِْن نفس الشخص طبعاً وكان محتواها "العفو، كيفك ان شاءالله انتِ بّخْيرٌ واتحسنتي؟
فتحت الرساله وم رديت
اليوم التاني فجأة ونحن في الجامعه نزلت منو رسائل بتقول الحمدلله، الله يعافيك ي رب م مستاهله شكر.
طبعاً استغربت لاني م رديت ليهو على رسايلو الفاتت اصلاً هو برد على روحو
فتحت الشات ورسلت استفهامات بعدها لاحظت ردود في الشات بتقول "الحمدلله وانت كيفك وبالجد شكراً ياخي م قصرت جزاك •اللّہ̣ خير واحسان انبسطت بالهديهه الجبتها لي شديد الله يسعدك ي رب كانت مني بس انا م كتبتها
فجر كانت قاعدة بعيد مِڼّي وبتتونس مع شباب كدة، مشيت ليها ومسكتها وجريتها م̷ِْن نصهم وهي بتقول لي حيلك حيلك مالك؟
قلت ليها امس بالليل انتِ شلتي تلفوني
بقت تعاين في ضفورها بي استفزاز كدة
قلت ليها فجر؟
قالت لي اي كنت عارفاك لتخه وسخيفهه وثغيلهه وحترسلي كلام زي وشك كدة
بقيت اعاين ليها
قالت لي بصوت طفولي الولد جنتل يعني مافي داعي للبجاحه ي شهد م تبقي اوڤر زي م بتعرفي تشكري صخر اشكري دة،
قلت ليها علاقه صخر بي دة شنووو؟
قالت لي المواقف دة عمل ودة عمل وم قصر برضو و...
قبل م نتم كلامنا سمعنا صوت بيقول بناااااااات
اتلفتنا وبصوت واحد قلنا ليها سمهدل
فجر بقت تكورك وهي جات جاريه وحضنتنا، فجر قالت ليها العرس غيرك ي كلبهه
قلت ليها بالجد عاينيها بقت سمحه كيف بالله
ضربتنا قالت لينا يعني كنت م سمحه؟
فجر قالت ليها كيفك وكيفو عامر؟
قالت ليها ټمٱم جا معي هسي بس ببركن في العربيه وكدة
قلت ليها حلووو طيب
فجر قالت ليها احساسك كيف وراجلك جايبك الجامعه بالعربيه وقبل م ينزل يحضنك ويقول ليك خليّ بالك م̷ِْن نفسك حأشتاق ليك.
ضربتها وقلت ليها فجر عيب
سمهدل ضحكت وقالت ليها كل دة حصل بس م حأشتاق ليهو لانو 24 سَآعهْْ حيكون في قدامي
قلت ليها كيف؟
قالت لي اقنعتو ينزل الماستر هنا ووافق عشاني، اضافه ليّ انو حيعمل دورات تدريبيه وورش حسب اتفاقو مع ادارة الجامعه منها يكسب زمنو و يقرا، ومنها يخلي بالو مني
فجر قالت ليها واااااي وافق ينزل الماستر عشانك، عايزة اعرس، عايزة زي دة انا
ضحكت وقرصتها وقلت ليها طول م انتِ بتقولي علّ إكساتك باطلين عمرو ربنا م حينصرك
قالت لي اسوي شنو عاااد م صحي كلهم باطلين يعني جنس البكون عمرو فوق ال 35 وبقول ي دوب عايز يبني مستقبلو.دة انا اسوي بيهو شنو؟ دة داير ليهو واحدة مواليد 2010 تنتظرو حبيبتي انا زمن مافي
اتفقعنا ضحك بصوت عالي لغااايه م فجأة سمعنا صوت بقول لينا سلام،
اتلفتنا لقيناه عامر،
فجر قالت ليهو اوووووو السيد العريس منوووور يااااخي
قال ليهو فجر زولتي شديد يااااااا وسلم عليها بالكتف وشبكها ليك الاخبار والله مشتاقين ياخ
قالت ليهو والله م باين، العرس غيرك
ضحك وقال ليها معقوله ياخ انا العرس يغيرني عليك، انتِ م عارفه اني حأدبل بيك؟
ضحكت وقالت ليها سما اها كيف وكيف ابقى ضرتك عادي؟
سما ضحكت وقالت ليها قدام
حسيت انو سمهدل اتضايقت، قلت ليهو احم نحن هنا ي عامر،
جا سلم علي وبقينا نتونس، لما بقينا طالعين عامر قال لينا الا اوصلكم في طريقي،
فجر كانت لآزٍمٍ ترجع الداخليه بعد كدة علشان حاجاتها كلهم هناك وكدة قالت ليه نحن طريقنا م واحد، انا راجعه الداخليه وشهد ماشه بيتهم، قلت ليه انا مواصلاتي متوفرة ي عامر بس فجر ...
قاطعني وقال ليّۓ لٱ مرتي دي خليها انا بوصلها مكان م ماشه عِن.̷̷̸̷̐ديّ كم فجر انا، فجر بقت تضحك بصوت عالي وقالت ليهو حبيبي حبيبي م اتحرم منك ي رب وسمهدل برضو كانت بتضحك، افترقنا في الطريق خليتهم هم يوصلوها وانا ركبت مواصلات، وصلت وانا بفكر في طريقه عامر قدام مرتو يمكن انا مكبرة الموضوع بس يعني لْۆ انا كنت مكانها الحركه م حلوة بالنسبه لعريس حنتو م طلعت من ضفورو، سمهدل م صحبتنا شديد على قدر م عامر صاحبنا بس برضو الحساسيات دي احياناً بتحصل،
وانا في طريق البيت فجأة وقفت عربيه قدامي، اتفاجأت بي انو دة صخر منزل القزاز وقال لي شهد اركبي،
قلت ليه گّيَفْ الّحّال ٱن شْاءِ اللٌہ بخير، م بحتاج المسافه قريبه، قال لي اركبي ي زوله انتِ هبله، في اولاد كانو قاعدين في مسطبه وبعاينو اول م ركبت بقو يكوركو ويصفرو ويقولو غرفها، غرفها، اخت مهند غرفوها،
صخر رفع القزاز وداس بنزين شديد وبقى لافي في الحته النحن فيها دي وبفحط ومقوم الغبار، بعد مساااافهه وقف ونزل القزاز وقال ليهم اتعلمو تحترمو بنات الحله الهم زي اخواتكم ي عطاله ورجع رفع القزاز واتحرك
طبعاً انا جسمي كلو برد م̷ِْن الخوف،
قال لي م تركزي معاهم ديل مراهقين ساااي وعطالهه
سكتت
قال لي بالمناسبه اها عملتو شنوووووووو؟ ابوي حكى لي الحصل وكنت جاي لي عمي الصادق لَگِنْ والله ي شهد الفترة دي مضغوط ضغطه عجيبه، احكي لي كدة، لقيتو حل؟ والله هو زاتو بالغ المفروض يكلكم م̷ِْن بدري يعني عشان ترتبو اموركم وتشوفو حلول، انا قلت لي ابوي ممكن نتكلم مع عم الصافي دة ونخليهو يديكم مهله يعني في الاخير الدنيا رايحه ماف داعي للموقف العملو دة
قلت ليهو حلول بالنسبه لشنووو م فهمت؟ وموقف شنووووو معليش؟
قال لي انتِ م عارفه؟
قلت ليهو م عارفه شنوووو؟
قال لي حاج الصافي قال نازل السودان وعايز يبني الجزء الانتو ساكنين فيهو خلال فترة شهر وكدة،
قلته ليهو بإستغراب كيف؟ ومتين الكلام دة؟
سكت وبقى يعاين لي مستغرب
قلت ليهو صخر انت متأكد؟
قال لي والله ي شهد دة كلام ابوي، وانا م عارف انو انتِ م عارفه
خلاص بقيت م عارفه اقول شنو بقيت اهززز في رجولي ومتوترة شديد، معقوله حتى في دي ابوي وامي اختارو يسكتو وم يكلموني،
صخر قال لي لَگِنْ ي زوله بتتسهل م تشيلي هم ابداً
، اول م وصلنا وانا نازله قال لي لْۆ احتجتي حاجه ي شهد رقمي عندك م تترددي تمام؟
قلت ليهو طيب شكرا، ً
نزلت ومشيت البيت وانا دمعتي في طرف عيني، انا م عارفه فجأة كدة كل شي بقى علينا ليهه، نقوم م̷ِْن دة ونقع في دة والله البيت دة الحاجه الوحيدة الكنا بنحمد ربنا عليهو، اي هو م حقنا وقاعدين فيهو ساااي م̷ِْن انا قمت عايشين فيهو بس برضو بالنسبه لوضعنا نحن ي دوب قادرين ناكل ونشرب واهو مصاريف دراستي وعلاج ابوي، دة البنطلعو م̷ِْن الشغل،
ابوي لاقاني في الباب كان بتوضأ للمغرب، قال لي المبروكهه مالك متأخرة اليله؟
قلت ليه مواصلات بس، مساء الخير
قال لي مساء النور، اها ارتاحي شويه عشان الغداء
قلت ليه برضو م اتغديتو؟اها انا كان مته البتغدأ معاكم منوووو؟
م عارفه قلت الجمله دي كيف والله بس كنت مخنوقه وطلعت مني
ابوي قال لي الموت علينا حق، كان متي نضبح خروفك ونشرب شاي بزلابيه وقهوة وٱڅڑ ونسه وضحك في الصيوان ونقول والله كانت زوله كويسه بس المات فقد روحو خلاص انتِ بس موتي وخلي الباقي علينا، كان بقول كدة وهو بضحك نظام يغيظني
تلقائياً لقيت نفسي بضحك معاه، قلت ليه كويس وانا زاتي بعمل زيك كدة، مشيت خليتو وانا حاسه بتأنيب الضمير كيف قلت كدة؟
في الغداء قلت ليهم انتو داسين مِڼّي حاجه؟
ابوي عاين لي قال ليّۓ حاجه زي شنوووو؟
اتلفت لي امي وقال ليها الكيك العملتي قبيل دة دسيتي منها ي مرة ولا شنووو
امي ضحكت قالت ليهو بري هداك ليهو في التلاجه انا اصلاً عملتو ليها
قلت ليهم صخر حكى ليّ انو حاج الصافي قال نازل السودان و عايز يبني بيتو، ليهه م كلمتوني؟
اها المرة دي لْۆ مبرركم م منطقي هزعل بجد وحأكون على قناعه انو انتو م حاسبني بتكم
بقو ساكتين قلت ليهم وهو كذلك و قمت خليت ليهم الغدأ،
الإيجار دة حمل تقيل علينا، مستحيل نقدر نأجر خصوصاً انو الإيجارات طايرة السما، طيب حنعمل شنو؟ مديهم فترة شهر، وم عارفه الشهر مشى منو كم، لآزٍمٍ اللقى حلول سريعه للموضوع دة
نزلت ستوري في الواتس وكتبت
"في حوجه ماسهه لشغل، إذا في زول لغتو الإنجليزيه ضعيفه، او اذا بتعرفو ناس محتاجين مدرسين خصوصين لطلبه مدرسه انا موجودة يكلمني "بي اي مرتب م عِن.̷̷̸̷̐ديّ مشكله
رفعت الاستوري دي وقمت صليت العشاء وبعدها صليت ركعتين ومسكت المصحف وقريت سورة البقرة كلها ونمت،
صباح اليَوُمًًِ التاني مشيت الجامعه، فجر قالت لي شفت الاستوري بتاعك امس وم فهمت شي لكن عملت ليها اسكرين و رفعتها مالك؟
قلت ليها بحكي ليك بعدين، المهم انا لآزٍمٍ اللقى شغل يطلع ليّ دخل كويس، لآزٍمٍ اشتغل ي فجر
قالت لي تاني ي شهد م بتتوبي؟ مش كفايه المرة الفاتت
قلت ليها بزهج فجر انا عايزة اشتغل علشان محتاجه م علشان اللعب فهمتي؟
اثناء م بنتكلم جاتني مكالمه،
رديت
الو السلام عليكم؟
كان صوت مرة قالت لي وعليكم السلام، لو سمحتي بسأل عن اعلان انتِ كاتباهو انك عايزة تدرسي لغه انجليزيه خاص وكدة
قلت ليها ايوة اتفضلي
قالت لي انا عندي طفل عمر 6 سنه في الروضه عندهم انجليزي بس برضو عندو مشاكل حبتين ممكن تمسكيه لي؟
قلت ليها ټمٱم م عندي مشكله ايوة،
قالت لي طيب الحسابات كيف وكيف؟
قلت ليها والله شوفي المناسب بس م عِن.̷̷̸̷̐ديّ مشڱلهِ،
قالت لي طيب، حتجيني في البيت ولا ارتب ليك تمشي ليه في النادي؟
قلت ليها م عِن.̷̷̸̷̐ديّ مشڱلهِ البتشوفيه مناسب بس حيكون 4 ايام في الاسبوع عشان الجامعه وكدة وي ريت يكون العصر
قالت لي ټمٱم طيب، م عندك مشڱلهِ العصر، 4 ايام في الاسبوع، حأرتب الموضوع واديك خبر،
قلت ليها ماشي
عدت يومين م اتصلت علي وانا خلاص يئست، وم بقدر اتصل عليها
اليوم التالت كنت في الجامعه لقيت مكالمه منها، رجعت اتصلت عليها، قالت لي معليش انشغلت شويه م رجعت ليك، المهم تقدري تجيني اليَوُمًًِ ولا بكرة؟
قلت ليها اليَوُمًًِ م عِن.̷̷̸̷̐ديّ مشكله بس بكرة احسن،
قالت لي طيب حلو بكرة الساعه 2 حلو معاك؟
قلت ليها ظريف،
قالت لي برسل ليك تفاصيل العنوان واتساب،
على كدة قفلت، اليَوُمًًِ التاني جهزت نفسي وطلعت م̷ِْن الجامعه قبل 2، حسب وصفها مشيت لغايه م وصلت اتصلت عليها لما وصلت، ردت علي وحددت لي الباب المفروض اقيف فِيَه، وقفت ودقيت الجرس فجأة الباب فتح واتفاجأ قدامي راجل م لابس غير بنطلون وبنفخ في سجارتو،
رجعت خطوتين لي ورا، م عرفت اقول شنو غير لفيت وشي منو،
فجأة بقى ينادي ي عبير، عبير تعالي عندك زوله في الباب،
قالت لي اي اتفضلي،
م دخلت جات قالت لي اهلين معليش شكلك اتخلعتي بعتذر گّيَفْ الّحّال ٱن شْاءِ اللٌہ بَخّيَرٌ، اتفضلي،
دخلت وانا مترددة، البيت كان فيهو اصوات صريخ شفع كتار،
قالت لي معليش اتفضلي م̷ِْن هنا الطابق التاني، طلعت وراها فتحت شقه كدة وانا قَلبي في يدي فتحت تلفوني رسلت لي فجر بعد نص سَآعهْْ كدة لْۆ م رسلت ليك رساله اعرفي انا حاصله لي حاجه في بيت موقعو...
رقم الزوله ...
رسلت ليها كل التفاصيل احساس مسلسلات بس
وصلنا الشقه قالت لي اتفضلي، الخوفني اكتر انو الشقه كانت فاضيه فيها بس طقم كراسي في النص وخاتين طربيزة بس
شغلت التكيف وقالت لي دة اهدأ مكان في البيت هههه، في النادي م حينتبه قلت احسن في البيت،
قلت ليها ټمٱم،
طلعت خلتني وانا برجف م عارفه م̷ِْن برودة المكيف ولا الخوف، شويه كدة جات راجعه شايله مويه وبارد وحلاوة في صينيه، قالت لي اتفضلي،
قلت ليها شكرا، ً
فجأة جاتها مكالمه ردت وقالت : اي وين انتو اتأخرتو؟
على قوله اتأخرتو دي قلت لنفسي ي.شهد اجري وانفدي بجلدك
كملت كلامها ب "طيب اطلعو فوق، جهزت ليكم فوق انا ايوة كل شي جاهز في انتظاركم!!
انتظاركم؟ وبعلي ي شهد قومي اجري، الجابك شنو زاتك ي غبيه علّۓ الاقل كان تخلي فجر تجي معاك اخف قدرا، ً
بقيت اهزززز في رجولي،
جا صراخ شفع م̷ِْن تحت، قالت لي الشفع ديل والله بجلطوني يوم، عن إذنك،
قلت ليها بنبرة هلع كدة ماشه وين؟
عاينت لي مستغربه كدة في نبرتي، قلت ليها اقصد الطفل الحأدرسو وين؟
قالت لي هههه مالك خايفه كدة، م تخافي جاي عليك هسي هم بس مشو يشترو دفاتر واقلام وحاجات كدة وجاين راجعين
قلت ليها طيب
طلعت وخلتني حالتي زادت سؤ، خلاص التوتر اكلني اكل، وبقيت اقيف اتلفت واقعد، تاني ارجع اقيف امشي علّۓ الباب وارجع اقعد،
لغاااايه م فجأة اثناء م انا قاعدة وبهززز في رجلي فجأة الباب فتح وسمعت اصوات ضحك ولعب زول كبير مع شافع، رفعت راسي فإذا بعيوني تقع على الشخصيه المألوفه عِن.̷̷̸̷̐ديّ، مألوفه شنو م بتغباني عديل،
وقفت بخلعه على حيلي وعلى وشي علامات الإستفهام؟
وهو نفس الشي كان واقف بي صدمه كدة
وفي النص كان طالع صوت الشافع وهو بقول ليهو باب هاك اعمل لي دي زي هسي، بابا هاك اعملها لي،
بعد مسااافه قال لي السَلٱمٌ عَلْيگمّ-
قلت ليه بصوت خافض وعليكم السلام
قال لي انتِ صحبه الإعلان؟
قلت ليه بضيق نفس اللف والدوران م حبابو تمام؟
قال لي نعم؟
قلت ليه اعلان نازل في الاستوري حقي يعني حتكون صحبتو منو بالضبط؟وبعدين مخلي مرتك تتصل علي وتجيبني هنا فهمك شنو يعني؟عايز شنو انت؟ قلنا ليك شكراً وم قصرت تاني شنووو؟انا طلبت مساعدتك؟
قال لي ي بتنا انا الإعلان ظهر ليّۓ في استوري صحبتك لأنو هي الكانت منزلاه وم عارف زاتو انو انتِ صحبه الإعلان، اضافه لي كدة نحن فعلاً عندنا فترة بنفتش لمدرسه لغه انجليزيه لما شفت الإعلان عملت ليه اسكرين ورسلتو لي سهام عشان تتواصل معاك، يعني دي م مساعدة شخصيه ولا شي دي خدمة وعليها مقابل
سكتت وبقيت اهززز في رجولي وماسكه شنطتي طبعا، ً
قال لي هي اختارت هنا لانو هادي وماف إزعاج بس لْۆ عندك اي رأي او خايفه م̷ِْن شي م مشڱلهِ نشوف غيرو،
قلت ليه اخاف م̷ِْن شنو ماف سبب يخليني اخاف،
قال لي طيب يعني م عندك مشكله؟
سكتت..
فجأة قال للولد زين يلا سلم على استاذتك
الولد قال ليهو خلي تقول اسمها الأول مش انت قلت لي م تسلم علّۓ زول م بتعرف اسمو؟
ضحك وقال ليهو لٱ اسمع الكلام وسلم عليها يلا، نزلو وجا علي مد لي يدو
سلمت عليه قلت ليه كيفك ي جميل؟
قال لي انا اسمي زين م جميل، ضحكت قلت ليه طيب
قال لي انتي بتقري وين في المدرسه ولا في الروضه؟
قلت ليه في الجامعه انا
اتلفت على ابوه وقال ليه بابا انت كذبت علي وقلت انها بتدرس في مدرسه،
الولد كان حلااااااتو وكلبووووظي قوله حلاتو عليه بسيطه وحالقين ليه حلاقه الاولاد الكبار ديك
سامر قال ليّ..
ايوة سامر نفسو م غيرو المهم قال لي دي شنطه فيها كل احتياجاتو، شلتها منو فتحتها لقيت فيها دفتر، واقلام ولعبه تركيب الحروف، ومذكرات عليها جُمل انجليزيه ورسومات وكدة
قال لي لْۆ احتجتي اي حاجه كلميني،
قلت ليه طيب
تمام.
فجأة جات المرة داخله وهي بتقول سامر، سامر اذا فاضي ممكن دقايق؟
قال لي اخدي راحتك عن إذنك، زين جيب التلفون دة بعد كدة كفايه
قال ليهو لٱ
سامر قال ليهو اتفقنا علّۓ شنووو؟
يلا سرعه جيب التلفون قالها بنبرة حادة شديد وقاسيه، الولد شال التلفون وداهو ليهو، بعدها بنفس النبرة قال ليهو يلا امشي اقعد جمب استاذتك واسمع الكلام فاهم؟
هزززز ليهو راسي
قال ليهو قول حاضر !!
قال ليهو حاضر
بعد م هو طلع الولد خت وشو في الكرسي وبقى يتنهد بأعلى صوت ليهو
قمت مشيت عليهو مسكتو قلت ليهو زيين،
كان م عايز يطلع صوت انو ببكي بس صوت تنهيداتو كانت عاليه،
قلت ليه تعال
زح مِڼّي مسكتو وضميتو علي، بقيت اهدي واحنس فيهو،
فجأة ابوه جا داخل شايل ليه عصير في كبايه وشيبس لقاني حاضناه،
قال ليهو زييين؟ مش قلنا الراجل م ببكي وم بزعل،
رفع راسو واتلفت عليهو ودموعو جاريه وقال ليهو لَگِنْ م قاعد ابكي انا ومسح دموعو،
قطع قلبي
جاب العصير والشيبس ختاهم ليهو وشالو طلع بيه برة شويه كدة جابو راجع وشو مغسل وخت ليهو التلفون علّۓ جنب وقال ليه يلا ي بطل زي م اتفقنا اول م تخلص اللعب بيهو
بديت معاهو، الغريبه انو حافظ حاجات كتيرة بالنسبه لعمرو وكدة، بعد م خلصت وقمت طالعه قال لي خليني اوصلك في طريقنا،
قلت ليه لٱ
قال لي لٱ اصلاً انا وزين طالعين النادي حنوصلك معانا لانو الزمن اتأخر
قلت ليه طيب،
طلعنا لقينا عربيه واقفه كانت فيها علامه تاكسي نزلها وركب وانا ركبت ورا،
قال لي لْۆ م مرتاحه هنا ممكن نشوف مكان عام، يعني ممكن كافيه او غيرو،
قلت ليه تمام
سكت مسااافه وهو بتكلم مع ولدو وولدو بلعب في التلفون، قال لي بتدرسي تربيه انتِ
قلت ليه لٱ، بدرس ترجمه لغه انجليزيه
قال لي طيب ظريف، اللغه الانجليزيه بقت اللغه المعتمدة عموماً
قلت ليه فعلاً
بعد مساااافه قال لي انا زاتي كنت مفكر ادخل لي كورس لانو عايز اقدم لي منح ولغتي م على قدر كدة، يعني دي فرصه لْۆ عندك زمن تساعديني في الموضوع دة
سكتت مساافه حتى قلت ليه مشكلتك شنووو في الانجليزي،
قال لي عموماً كدة م على قدر كدة فيهو، نحن ناس عربي ساي
قلت ليه طيب ټمٱم م عِن.̷̷̸̷̐ديّ مشڱلهِ
قال لي اعتبر نفسسي طالب مع زين؟
قلت ليه تمام.
رجعت البيت اتصل علي صخر، سألني م̷ِْن احوالنا وناس البيت وكدة بعدها قال لي ي شهد انا زول زي ود البيت، وعمي الصادق دة في مقام ابوي وهو زول مرض وكدة وكلنا عارفين الظروف في البلد دي بقت ماشه كيف والحاله العامه صعبه شديد والإيجار دة عشرة في البيت م بقدروه اقل إيجار 25 الف ي شهد، عشان كدة انا اصلاً عِن.̷̷̸̷̐ديّ بيتي الفي الشارع التاني دة باني فيهو غرفتين وهول ومطبخ، وم عليهو شديد كدة لسسه وم عايز أأجرو، وطالما هو فاضي لي فاضي انتو تقدرو تقضو بيهو غرضكم لغايه م ربنا يسهلها وكدة،
قلت ليه صخخخر شكراً بس بالجد لٱ انا لٱ ابوي بنقبل حاجه زي دي وانت خيرك علينا سابق ومواقفك معانا م بتتعد بس بالجد شكراً
قال لي عشان عارف عمي م حيوافق گلّمّتگُ انتِ اول، ي شهد الناس بالناس والكل برب العالمين، وانتِ عارفه انا ومهند دة م̷ِْن قمنا اخوان لبسنا واكلنا ونمنا مع بعض، ف ي شهد حتى لْۆ مهند بقى طايش في يوم انا اخوهو وبقيف فيكم وبسد خانتو، انا بس م عايزك تعارضي لما اجي افتح الموضوع لعمي، وعايزك تساعديني في إقناعو لانو بسمع گلآمَگ،
سكتت،
قال لي شههد
قلت ليهو ايوة معاك
قال لي ختي في بالك إنك زوله بتهميني شديد شديييد ف لو سمحتي لما احاول مساعدتكم م ترفضي وتحسسيني إني غريب، انتِ بس ختي في بالك إنك بتهميني وخلي علي بقيه المواضيع البتهمك انا حأهتم بيها...
الاحداث بتجوط علشان تترتب ي شباب ف شنووو شيلو الصبر