الفصل السادس عشر
قلت ليهه اصلاً انا قلتها لاني م عرفت اقول ليك شنو ممكن يخفف عليك وسط كل الضغط الانت فيهه دة ولا قادرة اقيف جمبك حتى..
قال لي وجودك براه بخفف حتى وإن م قلتِ شي..
قلت ليهه حترجع متين؟ حتطول هناك؟
اخد نفس عميق واتنهد وقال لي والله م عارف ي شهد م عارف، الحاج لسسه م بلغ الصحه تماماً لسسه محتاج يشيلوه ويختوه ويساعدوه في الحركه، احتمال يحتاج يرجعوه المستشفى تحت اي لحظه م معروف الظرف البرجعني تاني شنو بس مشيتي دي مهمة حتى وان م قضيت بيها كل اغراضي
قلت ليهو اهاا طيب ربنا يسهل عليك ان شاءالله
قال لي زين الترحيل اخدو؟
قلت ليه ايوة م̷ِْن الصباح بدري
قال لي وعمي وين؟
قلت ليه مشى السوق يجيب الخدار بتاعهه ولسه م جا
قال لي ي شهد عمي دة وضعو م بسمح ليهو التعب والشقى دة كلو، انا شايف انو احسن م تخليه يُشَتغلً وان نقص ليكم شي انا قاعد بسوي في شنووو؟
قلت ليه سااامر تاني عايز ترجع تفتح الموضوع دة؟
مش قلت ليك انو م تحاول علشان م نزعل م̷ِْن بعض؟ انا م عايزاك تصرف علينا ي سيدي ولا تدخل علينا قرش نحن بنعرف نظبط امورنا وبعدين مرتبي الباخدو مڼڱ على قروش إيجار الكشك مظبطين امورنا وابوي بس م بحب يقعد ساااي
قال لي طيب ي شهد اعمل ليك شنو؟ يعني لٱ راضيه تقبلي زيادة في القروش البديك ليها ولا عايزة تخليني اساعد
قلت ليه لانو ببساطه نحن م محتاجين مساعدة شكراً واحسن نقفل الموضوع
عاين للشارع بي ضيق حتى قال لي انتِ م̷ِْن قمتي شافعه بقوة راسك دي؟
ضحكت قلت ليه لٱ كنت مسكينه
قال لي ومدلعه شكلك لانو الطبعاع دي م طبعاع زول قام مسكين
قلت ليه وانت شكلك قمت بتاع مشاكل النوع القليل ادب داك
قال لي كيف؟
اشرته ليه على ضربه في جبهتو جمب حاجبو وقلت ليه واضح م̷ِْن دي شكلك اتفلقت كتير، بحاول اتخيل شكلك وانت صغير م قادرة ي ربي كنت كيف كل الوقت صاري وشك وملامحك وجادة جادة كدة
قال لي حتنزلي ولا اتحرك واسوقك معي؟
حسيتو اتضايق م̷ِْن كلامو لانو قالها بنبرة حادة كدة
قلت ليه انت اتضايقت مني؟
قال لي لا ابداً بس الزمن عشان كدة لآزٍمٍ اصل هناك بدري
قلت ليه اهاااا طيب، اول م تصل كلمني، وخلي بالك م̷ِْن الطريق وانت سايق ماشي؟
قال لي حاضر ابشري وانتِ كمان خلي بالك
قلت ليهه يلا في امان •اللّہ̣̥
نزلت م̷ِْن العربيه ووقفت ورفعت ليه يدي لغااايه م مشى وانا داخله على البيت فجأة سمعت صوت بقول لي الناس الكعبهه..
اتلفت وقلت بصوت عالي
صخررررر؟ جيت متين انت؟
كان شايل حاجات شكلو جاي م̷ِْن البقاله
مشيت عليه مديت ليهو يدي قال لي م حأسلم عليك، لما تعرفي تسألي حتى
قلت ليه اقسم بالله اتصلت عليك كتير م حصل رقمك دخل معي، ورسلت رسائل كميه بتطمن عليك فيها وابوي بسأل عنك عمو اسماعيل
بقى يعاين لي وهو ساكت
قلت ليه وربي فقدتكك وع فكرة انا الما حأسلم عليك لانو إذا م بتنزل عندك مكالمات رسايلي بتنزل م حصل رديت عليها لْۆ مهتم حترد حتى لْۆ كنت في بلداً طيرها عجمي وربعت يدي
ضحك وقال لي نظام عايزة تقلبي السحر على الساحر؟
قلت ليهو لٱ بس انت عايز تقنعني انو مما سافرت م اتصلت ولا راسلت زول؟
لٱ طبعا، ً يبقى انا الزعلانهه وم تتكلم معي
قال لي نحن كنا في الحدود والله ي شهد يعني مافي اي وسيله تواصل مع زول، لَگِنْ طالما زعلانهه نراضيك طوالي ي شهد حتى لْۆ م غلطانين، عندنا كم شهد نحن
قلت ليه محاوله فاشله م اقنعتني وزعلانهه برضو
قعد يضحك قال لي حاضر، هحاول وان م رضيتي برضو هحاول مش عش انك انتِ المحاوله زاتها تبقى فرض عين
المهم طمنيني عليك، كيفك وعمي وعمتي كيفهم
قلت ليه الحمدلله فاقدنك وبسألو مڼڱ دايماً والله م بتتخطى دعواتهم وانت طمني عليك كيفك وجيت متين؟
قال لي امس بالليل والله ي شهد جاتني صحيه كدة وهسي راجع انوم، مهند كيف ان شاءالله منو خبر؟
قلت ليه الحمدلله ٱڅڑ مرة اتصل كان كويس في مصر قال
قال لي اهااا كويس والله
قلت ليه طيب شكلك تُعباُنٌ شديد م محتاج تقول، امشي البيت م امسك بيك زمن وبيناتنا تلفونات
قال لي والله م شايف قدامي حتى هههه، خلاص ټمٱم لي بعدين
قلت ليه ماشي، يلا مع السلامه ودخلت البيت.
❖
حدود؟ اي حدود دي ي شهد الممكن تبعدني مڼڱ او تمنعني حتى م̷ِْن التواصل معاك؟ الحدود البيني وبينك رغم القرب البينا مسافتها اعظم، اعظم ي شهد.
❖
ياسمين
اي ي امي
بتعملي في شنو هنا انتِ؟
بنضف ي امي سامر غرفتو دي ليها ميه سنه بنفس وضعيتها وحالها دة، حبيت اغير منها شويه
يعني هسي ي بتي خليتي كل شغله البيت دة وبقيتي في غرفه سامر؟
دقيقه، عايزة انضف تحت الدولاب دة
نادي ملهم يحولو معاك دامك عايزة تغيري وضعيه الغرفه،
كلميهو انتِ ي امي
دقيقه طيب
ملهم، ملهم ي ولد
اي ي امي
تَعاّإاّإلّ هنا كدة،
ملهم جا داخل،
شيل معانا الدولاب دة ختو بي جاي
ياخ والله انتو عوارض ياخ عوارض، شيلو ارح
اثناء م بحركو
في الدولاب..
ياسمين: دقيقه دقيقه في شنطه تحت ولا حاجه
امهم قالت ليهم خلوها انا بجرها دقيقه، نزلت شالت الشنطه،
قالت ليهم دي شنطه شنووو، كدة
فتحت الشنطه، وهي بتطلع في الجواها واحدة واحدة
ياسمين: دي شنووو؟
فيها شنو الشنطه ي امي؟
امي؟
امها بتردد وخلعه قالت ليها ها؟
قالت ليها بسم •اللّہ̣̥ ي امي مالك؟
ودي شنو الصورة دي كدة، دي منو الفي الصورة دي ام سامر ي امي؟
امها دخلت الورق والحاجات في الشنطه بسرعه وقالت ليها سامر كان جا م برضى ولو عرف هبشو ليهو حاجاتو بقوم الدنيا وم بقعدها كدة النختها ليهو عِن.̷̷̸̷̐ديّ لمن يجي..
❖
بعد م رجعت البيت، شلت تلفوني وكتبت استوري محتواها "حيتذكروكا بيااا، حيقولو جنن البِنيهه"...
بعد ساعهه سامر اتصل علي
اول م فتحت قلت ليه حبيبي وصلت؟
قال لي نعم؟ م سامع؟
قلت ليها الشاهين طيب وصلت ي سغيل
ضحك وقال لي لسسه، بس لقيت مكالمتك والتلفون صامت
قلت ليه ايوة صح اتصلت اتطمن عليك واشوفك وصلت وين
قال لي طيب خليك بتتكلمي معاي وم تقفلي
قلت ليه م صح تتكلم بالتلفون وانت سايق
قال لي حيحصل لي شنو يعني؟ الموت علينا حق والبقتل اليَوُمًًِ
قلت ليه برضو لأ ممنوع
قال لي طيب دقيقه،
ركبت السماعه، في شي تاني؟
فضلت اتكلم معاه قرابه الساعتين م حسيت بالوقت اصلاً وم مستحضره كنا بنقول في شنو بس المهم كنا بناخد وبندي في الكلام لأنو سلفاً لْۆ وصل تاني ماف طريقه كلام معاهو...
❖
في غرفهه مظلمهه دخلت منال ام سامر وعاينت برة الغرفه يمين وشمال عشان تتأكد انو ماف زول شافها وهي داخبه، قفلت عليها الباب وولعت إضاءة خافضه وطلعت كل الحاجات الفي الشنطه اللقتها تحت دولاب سامر وفرشتهم قدامها وبقت تقول لنفسها:
كل الحاجات دي سامر محتفظ بيها، كلهم معاهو، إذا هو محتفظ بكل دة معناها لسسه متذكر كل شي، والغريبه انو مرة سألتو قال لي إنو م عندو شي وم متذكر وين مكانهم، وحتى ديل، ديل بعضمه لسانو قال لي شالتهم خالتي، يعني كان بكضب
❖
في بيت اهل شهد..
الصادق!
اي ي مرة
الصادق دايره اقول ليك شي
قولي في شنو ي مرة؟
الصادق البت كبرت وبقت مرة، وماشه على عرس، والدنيا م معروفه، م معروف متين ربنا ياخد امانته، اها بس قول لي ي الصادق نحن حندس م̷ِْن البت دي كدة لمتين؟لْۆ ربنا بكره اخدني واخدك وم معروفه الظروف البت دي حتقول ي منو؟
المرة قلبها مقطوع، فتشتني لمن لقتني، وم دايرة مننا شي غير انو نقول الحقيقه للبت، الظلم •اللّہ̣̥ م برضاهو ي الصادق، بكرة بتموت والله بسألك منها، تقول لي ربنا شنوووو؟
اي مهند م ولداً هدي ورضي لَگِنْ في النهايه ولدك، شهد بتنا وحته مننا لَگِنْ برضو نحن •اللّہ̣̥ بسألنا منها، الانانيه في كم ي الصادق؟ م سمعت كلامها يوم الاخت خطيبها دة اتصلت عليها وسمعتها السمعتو ليها؟ م شفت حالتها ي الصادق؟ الضمير ي الصادق، الضمير حي ضميرك.
لما ربنا سبحانهه وتعالى يسألنا منها ي بثينه يوم الوقف العظيم اشهدي لي، ضميري هسي بقى ميت ي بثينه؟ كتر خيرك وانتِ عارفه انا قاصد شنو كويس! !..
ي راجل سمح شوفها ساي واقعد معاها ي الصادق، اسمعها يمكن شويه قلبك دة يلين
ي مرة هوي لٱ بقعد مع زول ولا عِن.̷̷̸̷̐ديّ قلب بلين، داك القانون العندو عِن.̷̷̸̷̐ديّ حاجه ياخدها
بثينه لٱ إله الا الله؟
محمداً رسول •اللّہ̣̥ ي الصادق
البت دي بتي، في الاوراق الرسميه بتي، إن جا جن احمر م بغالطني فيها، والعندو حاجه الليمشي يطالب بيها بالقانون، بس اوعى تجي تقولي لي زيد ولا عبيد، سامعاني ي بثينهه؟
الكلام دة واضح؟
واضح ي الصادق واضح...
❖
في يوم وانا قاعدة مع ابوي وزين برة في محل الخدار وبرتب معاهو، سمعنا صوت بقول السلام عليكم،
ابوي قال وعليكم السَلٱمٌ عَلْيگمّ-ۈرحْمٌّة ٱللّہ ۆبُرگّاتہ،
كانت مرة،
كيفكم ان شاءالله بخير ي جماعه؟
قلت ليها الحمدلله، ابوي قال ليها اتفضلي،
م غريبه علي شفتها في مكان
قلت ليها امي دي طلعت لَگِنْ اتفضلي
ابوي قال ليها خشي على البيت هسسه بتجي،
سوقتها ودخلتها البيت،
قالت ليّ م عرفتيني؟ كان جيت المرة الفاتت وكنتِ ملتهبه،
قلت ليها ايواااا صح اتذكرتك،
ضيفتها وقعدته اتونس معاها لغااايه م امي جات، طلعت لقيت ابوي قاعد معاهو صخر وشايل زين،
اول م شافني قال لي اووووو السيدة العروس
بقيت اتلفت م عرفت ارد بشنووو
قلت ليهو صباح الخير،
قال لي صباح النور، ماف جامعه ولا خلاص العريس حماك ليها
ابوي ضحك قال ليهو عريس بحمي الجامعه دة زاتو م حبابو
قلت ليه سامع كلام ابوي؟
ضحك قال لي خلاص سمح اها لسسسه الزول دة م عايز يجي يتم الشغله دي؟م عندنا بنات خطوبتهم بتطول ولا شنو ي عمي
قلت ليهو متين هو؟ هسي م̷ِْن سافر م تم شهر وزيادة لسسه
قال لي مش انتِ قلتي انو ماشي و جاي يعقد بالمرة انا م̷ِْن جيت تميت شهر واسبوعين
قلت ليهو يلا هو سافر يوم م انت جيت
قال لي يعني قصدك انا رجلي حارة؟
ضحكت وابوي ضحك وقال ليهو حاشاك والله
بقيت اعاين ليهو بغيظ
ضحك قال لي م تزعلي بس انا زول اخوك زي زي مهند وعايز الزول دة يجي واقعد معاهو ونشوف البحصل شنو بالواضح كدة م تعليقه وانا داير البت دي ويمشي على كدة ولا شنو ي عمي؟
ابوي قال ليهو اي صح كلامك ي ولدي، هو زاتو سفرتو جات فجأة وموضوع مرض ابوه كمان م خلاهو والشغل هناك م بمش بدونو شان كدة رجع لَگِنْ قال لي ي عمي المرة الجايه انا بجي زول عقد ان شاءالله، قلت ليه ربنا يقدم الفيهو الخير
صخر قال ليهو ان شاءالله يجي وم يحصل الا كل خير
❖
سامر
ي عيون
سامر زين فاقدك شديد وانت م بتتصل غير في الاسبوع مرتين تلاتهه
قال لي هانت ي شهد هانت
قلت ليه ماشي
قال لي واضح انو زين فاقدني شديد م̷ِْن نبرتو
قلت ليهو ايوة شديد
قال لي ومشتاق لي شكلو
قلت ليهو اي ي حليلو المسكين
قال لي الغريبه م برفع سماعه التلفون وبتصل ويقول لي انا مشتاق ليك نهااائي ي ربي زين مالو بخيل كدهه؟
سكتت
ضحك
قلت ليهه سغيل
قال لي قريب ي شهد راجع خلاص شبه خلصت اموري ورتبتها
قلت ليه بجد؟
قال لي ايوة الحمدلله
قال لي كلمي عمي بكدة
قلت ليه اكلمو بشنوووو؟
قال لي انتِ بس كلميهو إني جاي وهو حيفهم
قلت ليهو انا عايزة افهم برضو
قال لي لا انتِ تفهمي بعدين برواقهه
❖
الشاهين..
ي حاج كيف ان شاءالله طيب
اهلاً اهلاً ي ولدي، ټمٱم الحمدلله كيفك انت ان شاءالله بخير؟
بخير الحمدلله ي ابوي، انت كيف صحتك ان شاءالله اتحسنت؟
الحمدلله ي ولدي الحمدلله بألف عافيه والله
الحمدلله ي حاج، ي حاج طبعاً انا جاي، قدامي فترة 15 يوم لي شهر جاي خلاص عِن.̷̷̸̷̐ديّ شويه امور بقضي فيها، جاي اتم العرس وكدة، لَگِنْ قبل م اجي دايرك تمشي انت ي ابوي وتطلبو البت دي م̷ِْن اهلها بشكل رسمي عشان م ينقص شي
جداً ي ولدي م عندك اااااي مشكله، طوالي نمشي نطلبها ليك، وبدل الخطوبه والتكاليف كان عقدتهه مرة واحدة ي ولدي يكون احسن، عشان تجي بس تتم مناسبتك وتسوق مرتك وتمشي وخير البر عاجله
انا زاتي شايف العقد احسن ي حاج والله لَگِنْ م عارف البت واهلها رايهم شنو كمان عشان كدة
ماف راي ي ولدي نمشي نطلبها ونعقد لغايه م انت تجي تتم الباقي
خلاص ي حاج انا م عِن.̷̷̸̷̐ديّ مشڱلهِ البتشوفو مناسب اعملو.
وكمان ي ابوي في موضوع تاني داير اتكلم معاك فيهو
اتفضل ي ولدي
طبعاً انت كان قلت لي خلي عبدالرحمن يسكن في البيت لغايه م تحتاج ليهو يفضي ليك، الجزء الفوق انا اجرتو وخصصتو ليّ زين وإحتياجاتو لانو السنه دي شويه ضاغطه علي وزي م بقولو كبيسه، والجزء حق عبدالرحمن دة هو الأنا حأسكن فيهو بعد العرس يتم بإذن •اللّہ̣̥، ف م عارف افتح الموضوع دة كيف معاهو، قلت اشوفك انت تفتح معاهو الموضوع وتتكلم معاهو بخصوص الموضوع دة عشان البيت داير صيانه وكدة
اي صح ي ولدي م̷ِْن غير م تقول انا كنت هفتح معاهو الموضوع دة بس قلت اشوف نهايه موضوع عرسك دي بتبقى على شنو، لَگِنْ خلاص مدام بقيتو على نور، هسي دي اقفل منك وارجع ليهو اكلمو، هو زاتو البيت هنا وسيع يرجع يسكن معانا هنا
قلت ليهو تمام بس، م تضغطو خلي ياخد راحتو بس عشان انا كلمت احمد وقال لي شوفهم لانو انا حأسوق ناس يمشو يشوفو البيت محتاج صيانه شنو وكدة.
❖
بعد المكالمه..
دة ولدك
سامر؟
اي
مالو قال شنوووو؟
داير يفضو ليهو بيتو
اي بيت؟
كيف اي بيت ي منال؟ سامر عندو كم بيت؟ بيت عبدالرحمن القاعد فيهو دة
كيف يعني يفضي ليهو البيت؟ وعبدالرحمن يمشي وين؟
لمن عرس كان قاعد وين؟
دة كلام شنو دة؟ عبدالرحمن يرجع تاني يسكن معانا هنا في البيت الضيق دة؟ كدة قول كلام عديل البيت دة م بشيلنا هو هسي ي •اللّہ̣̥ شايلنا ي معتز
يسكن زي دة بس او يبقى راجل مع الرجال ويأجر كان م بلقى راحتو هنا في الاخير هو المجبور، بس الولد داير بيتو للعرس وهسي كان بتكلم معي ياهو قدامك متصل بخصوص الموضوع دة وقال عشان الصيانه وكدة
هو نازل للعرس عديل ولا شنووو؟
اي شكلو نازل زول العرس، حسب كلامو قال شهر بالكتير
سمح كان جينا للحق هو ومرتو م خفاف م̷ِْن فادي وأولادو، ولٱ شنوووو ي حاج؟
ي مرة •اللّہ̣̥ دة شافو بالعين ولا بالعقل؟ كيف اقول ليهو تَعاّل اسكن معانا وخلي بيتك لي اخوك وانا زول اديتو كلمه م̷ِْن يوم جيتي قلتِ لي كلمو خلي يخلي عبدالرحمن يسكن في بيتو لغايه م يحتاجو، دة مش كان كلامك؟ هسي الجدة شنوووو؟ ولدك مسكننو السنين دي كلها هسي خلي يبقى راجل ويتحمل مسؤليه نفسو وأولادو وبس
سمح م في جزء فوق، خلي يسكن هو في الجزء الفوق الإيجارات بقت غاليه وم بتنقدر براك عارف وضع ولدك
ي مرة انتِ مجنونه؟ كان مجنونه كلميني؟
ماشي وين هسي انت؟
ماشي مكان ماشي م شغلتك.
سمح انا بعرف شغلتي ..
❖
تماضر: وووووووب ووووووب م̷ِْن الجاتكم ي سهام ي اختي وووووب اللحقي
ي بت بسم •اللّہ̣̥ مالك في شنوووو؟
م سمعتي؟
بري م سمعته في شنووووو؟
سامر قال دايركم تفضو ليهو البيت عشان هو حيسكن فيهو،
كيف يعني؟
عديل كدة ي سهام سمع اضاني سمعت الكلام دة بقولو عمي معتز لي عمتي هسي دي، اتخيلي بس ي سهام، في الإيجارات الغاليه دي ووضع البلد الصعب دة لٱ عمل حساب للخوة، ولا حساب للوضع والظروف، ولا حساب للأولاد ساي وبكل قوة عين قال لي عمي.كدة شوفي عليك •اللّہ̣̥ نحن بقينا في زمن صعب كيف
وعمي قال ليهو شنوووو؟
قال ليهو بتكلم مع عبدالرحمن وكدة، عشان هو قال داير يصين البيت يعني بالكتير كدة بعد شهر بس اتخيلو الما فيهو فايدة ولا خير
❖
في الجامعه ...
عاينو مالكم منفسنات ومتمحنات كدة؟ بقيتو تشبهوني
فجر قالت لي انا م منفسنه بس لَگِنْ شوفي فلانهه دي مالها
قلت ليها جمان، مالك ي بت الناس زي المكسورة ليك رقبه؟
قالت لي ماف شي
قلت ليها ماف شي اسمو ماف شي انتِ م شايفه حالتك؟
قالت ليّ ماف شي والله ي شهد زهجانه بس
قلت ليها م̷ِْن؟
قالت لي ماذن اخوي وبيتنا واهلي وحياتي وكل شي
فجر قالت ليها ماذن كراشي؟مالو معاك السمح؟
سكتت ودموعها جات جاريه
قلت ليها جمانه؟
قالت لي م̷ِْن ابوي اتوفى بقى تعاملو معانا رف، وكلو نهر وشكل وصوت عالي،
م مخلي لينا نفس، امس عشان بس قلت م عايزة غداء عمل لي موضوع وموال استجواب، اتغديت وين، ومع منو و...الخ
كلامو كلو شكوك وقرف كرهت نفسي لْۆ طلعت الباب ساي بستجوبني، ولو اتأخرت دقيقه في الشارع عشان زحمه الطريق بستجوبني، وهسي قال شنو حيخلي ود عمي البكرهو زي عيوني يرحلني قال عشان شنو؟ عشان عاطل وم لاقي شغل، كأني م عارفه انو انا م فاهمة طريقه تفكيرو
قلت ليها م تزعلي مني بس حظك، ي بختك بيهو، اخوك بخاف عليك وعايز يعمل ليكم الف حساب، لانو بعد وفاة ابوك انتو تحت وصايتو ومسؤليتو
قالت لي شهد انتِ بتقولي كدة؟ انا بقول ليك انو بشك فيني لدرجه تلفوني دة بقى يشيلو يفتشو، اي خوف دة؟ دة م اسمو خوف دة اسمو تسلط ونفس وسخانهه
فجر قالت ليها اي بتكون دي عمايلو بتخليهو يشك كدة اصلاً كل إناء بما فِيَه ينضج
عاينت لي فجر ورفعت ليها حواجبي
قالت لي م ترفعي لي حواجبك المافي ديل زعلني بجد
قلت ليها طيب ي جمانه انتِ م ممكن تتكلمي معاهو وتفهميهو انو انتِ م بتعملي في شي غلط؟
قالت لي ابرر ليهو قصدك؟ ي شهد ابرر في حاله اني عملت شي غلط، فجر كانت مستاءة مستاءة شديد وقدر م •اللّہ̣̥ اداها قدرة بكت ومشت بيتهم، رجعت البيت وانا زعلانه على حالتها، واتصلت عليها تلفونها مقفول،
سامر اتصل علي رديت عليه..
قلت ليه مساء الخير
قال لي مساء النور كيفك؟
قلت ليه الحمدلله،
قال لي مالو صوتك عيانه ولا شنووووو؟
قلت ليهو لا ماف شي
قال لي طيب مالك في شنوووو؟ في زول م̷ِْن ناس البيت حصل ليهو شي؟
قلت ليه لٱ ابداً بس متضايقهه شويه
قال لي طيب
قلت ليه م حتسألني من شنووو؟ انتو ليه كدة؟ يعني لٱ احساس لٱ ضمير
قال لي كيف؟
قلت ليه كدة
قال لي انتِ لْۆ دايرة تقولي كان قولتي م̷ِْن غير سؤال صح؟طالما م قلتِ يبقى دة خيارك ويحترم،
قلت ليه م̷ِْن باب الذوق تسأل
قال لي م بتسميه تطفل؟
قلت ليه اتطفل، علي انا اتطفل تمام؟
قعد يضحكك
قلت ليه م تغيظني زيادة
قال لي طيب بكل تطفل كدة احكي لي مالك؟
قلت ليه ابيت، ابيت
قال لي طيب ټمٱم
قلت ليهو ياخ انت غياااظ وسغيل م ممكن تكون كدة
قال لي مالك ه؟
قلت ليه طيب انا هحكي ليك لاني متضايقه م لأنك تستاهل عندي صحبتي...الخ
قال لي طيب وين المشكله؟
قفلت الخط في وشو م̷ِْن الزعل والحماقه
رجع اتصل علي مكالمه واحدة بس لما م رديت م رجع تاني الا بعد يومين انا اتصلت،
قلت ليه انا المفروض اكون زعلانه وانت المفروض تراضيني
قال لي وانا حاولت اتصل لاحظتي؟
قلت ليه مرة واحدة بس؟ويومين م حاولت تتكلم معي، هو انا بهون عليك كدة؟
قال لي شهد
قلت ليه م شهد ليييهه انت احياناً بتكون قاسي كدة؟
قال لي قلت ليك قبل دي طبيعتي كدة ي شهد، يعني انتِ زعلانه مِڼّي بسبب موضوع انا م لي دخل فيهه
قلت ليه انا حكيت ليك الموضوع بكل تفاصيلو وانت بكل برود قلت لي وين المشكله؟
قال لي ايوة ي شهد، واضح انو بعمل كدة م̷ِْن خوفو عليها يعني فكرك بعمل كدة ليييهه؟ نحن بنختلف عنكم انتو، نحن بنحتاج انو نخت عاطفتنا على جنب ونتعامل مع المواضيع بمسؤليه وحساسيه حتى وان بالغنا فيها ف نحن على حق
قلت ليه في فرق بين انك تكون مسؤل وبين انك تكون مّرَيَضّ، اختك لْۆ صاحبتها كل شي عندها بفرق، بس لما تتعامل معاها بعداوة زي الكأنها قاتله ليك رقبه هنا ي دوب انت خسرتها و..
حرررم مشتاق ليك
اول م سمعت الكلمه دي سكتت
ضحك وقال لي سامعاني؟
قلت ليهو احم ايوة سامعاك
قال لي طمنيني كيفك وكيف زين واهلك؟
قلت ليهو ټمٱم الحمدلله بسألو مڼڱ
قال لي يسأل منهم الخير ي رب، المهم ي شهد بطاريتي ضعيفه، داير اقول ليك شنو، قبل يومين اتكلمت مع الحاج عشان يجو يتقدمو قبل م اجي انا وكدة، ف الحاج قال انو هم بجو يعقدو بالمرة
قلت ليهو كيف يعني يعقدو؟يعقدو وانت ماف؟ يعني انت م تحضر العقد؟
لحظات العقد الراسماها في راسي ديك كلها طارت في اللحظه ديك وخلتني افقد النطق
قلت ليهو لا، م عايزة عقد وانت ماف م، عايزة م عايزة قال لي ي زوله بفرق في شنووو مش في الاخير اسمي على القسيمه؟
قلت ليهو بصوت طفولي لا م عايزة لٱ
قال لي طيب
قلت ليهو هو شنو الطيب؟
قال لي مش انتِ م عايزة عقد طالما انا مافي معناها منتهي
❖
في مكالمه بين الشاهين ومنال امه..
ي سامر ي ولدي
اي ي امي
موضوع العرس دة مش كأنك مستعجل ليهو شويه ومستعجلنا معاك؟
والله ي امي متأخر عديل كمان الشعر زاتو شاب هههه
اي عارفه ي ولدي انا قصدي مستعجل في الإختيار، يعني البت دي هسي خلاص انت بقيت عليها بقيت عليها؟
اي ي امي
ي ولدي استخرته
كان استخرته للمرة الألف ي امي انا باقي عليها
سمح ي ولدي اتمهل شويه، بنات حواء ديل راقدات والف مين تتمناك، يعني البت م على قدر كدة ي ولدي
امي صلاتك على النبي؟
الف على الحبيب ي ولدي
دايرها ي امي
خلاص سمح ي ولدي كان دة ٱڅر گلآمَگ
اتكلمت مع خالتي نور بالنسبه للتجهيزات وكدة، اتكلمي معاها ونسقو مع بعض وشوفو المطلوب وكلموني بالحسابات
كلمت خالتك نور؟ م اتصلت علي لكن
ي امي قفلت منها قبل دقيقه م̷ِْن اتصالي بيك
خلاص سمح
ي عمتي، اها ي عمتي الحصل شنو؟ قال ليك شنووووو اتكلمتي معاهو؟
لٱ والله ي بتي م قدرت افتح معاهو الموضوع او هو زاتو م اداني فرصه، مستعجل شديد لدرحه انو كلم خالتو نور عشان تجهيزات الخطوبه قبل م يكلمني او يستشيرني حتى، م̷ِْن غير م يستشيرني او يرجع لي حتى كلم خالتو نور وبقول لي انا ارجعي ليها ونسقي معاها، مخير •اللّہ̣̥ ي الدنيا...
❖
ي بت انتِ لسسسه حتتحبسي؟ يعني م اتحبستي؟
هي خطوبه اتحبس ليها؟
اتكلمن معاها عليك الله ي بناتي، انا فترت منِْها، فاكرة انو الخطوبه دي يعني الناس تجي تلقاها غبشه وحالتها بالبلا كدة، انا دي فترت ورفعت يدي منها، عروكات وعملتها، ماسكات عملتها، كريمات جبتها، مديدة عملتها حله في التلاجه، ماف شي م عملتو
والبت م دايرة تسمع لي كلمه، ودايرة تمشي الجامعه كمان شوفو جنس الحاله الانا فيها دي؟
فجر قالت ليها خليها علينا ي خالتو م تشيلي في بالك اصلاً انا جايه وجايبه معي شنطتي عشان الموضوع دة بس انتِ جيبي لينا المفراكه نحن حنتفاهم معاها برواق،
ضحكت
قالت لي م تضحكي عايزة تسودي وشنا قدام اهل راجلك يقولو عليك شنو؟ يلبسوك دبله الخطوبه وانتِ كدة؟
سكتت
قالت لي م̷ِْن هنا لغايه م الخطوبه دي تخلص مافي جامعه، انا زاتي م حأمشي بس جمانه حتمشي عشان براك عارفه وضعها وكدة، المهم انتِ خلي لينا نفسك ونحن بنظبطك.
عدت الايام يوم ورا يوم لغايه م جينا لليوم المنتظر، يوم الخطوبه، كان يوم جمعه، صحيت لقيت مكالمات م̷ِْن صخر، رجعت اتصلت عليه رد،
قلت ليه صباح الخير
قال لي صباح النور
قلت ليهو دي شنو كميه المكالمات دي عملت اي مصيبه انا كدة قول لي
ضحك قال لي =ههههه •اللّہ̣̥ لٱ جاب مصايب بس اتصلت عشان اشوف أإأذأإأ محتاجين شي او ناقصكم شي، عارفك م حتقولي بس مفروض تفهمي انو انا ومهند واحد وانا ماخد مكانو اليَوُمًًِ
قلت ليهو انت عارف لْۆ محتاجه لي حاجه م بلجأ لي غيرك صح؟
قال لي يعني كلو تمام؟
قلت ليه اجل ڼعمًْ بلى كذلك يباشا
قال لي طيب الحمدلله اذا نقص اي شي او في اي شي اتصلي علي ي شهد تمام؟
قلت ليه م حتجي؟
قال لي كيف يااااخ معقوله انا بقول ليك مكان مهند وانتِ بتسألي سؤال زي دة؟ يلا ي زوله مع السلامه لي بعدين نشوف الراعي الجايبه لينا دة
قلت ليهو في عينكك ↗
ضحك وقال لي يلا سلام
❖
في مكالمه ما ل سامر..
سامر عايزة اسألك سؤال كدة اتمنى م يضايقك
احكي
حكيت لي شهد؟
عن شنووو؟
انت فاهم انا بتكلم عن شنو ف م تراوغ..
لحظِهّ ; .. صمت
تمام م تجاوب بس لازم تفهم انو هي م̷ِْن حقها تعرف حتى ولو الحاجه دي م حتأثر في علاقتكم وهي م حتأثر بس عشان لْۆ عرفت فيما بع..
"قفل الخط "..
❖
في بيتنا الاصوات كانت بتتعالى، هنا امي بتتكلم وبتقول هيبات اها كل شي جاهز؟بس فضل لي انزل الحلل دي م̷ِْن النار،
البت دي لسه م جهزت؟
العصير؟ عشان الناس ديل قربو
اي ي بثينه م باقي عليهو شي،
فجر قالت ليها والضيافه جاهزة ي خالتو بس •اللّہ̣̥ يخليك روقي عشان م توترينا معاك،
جمانه قالت ليها ههههه حال ام العروس عاد،
انا في الغرفه بتكلم مع الشاهين،
قال لي اهلي م وصلو لسسه؟
قلت ليه لسسسه،
قال لي ياخ معقوله؟ اتأخرو شديد
ضحكت قلت ليه الشفقه تطير مالك مستعجل كدة؟
قال لي لٱ بس في كلامهم انهم م̷ِْن قبيل طالعين دقيقه ارجع اشوفهم وصلو وين..
قلت ليه الشاهين روووق، ع فكرة انا المتوترة اكتر
قال لي ماف شي بوتر هم م حياكلوك،
حيخطبوك لي سمعتي حيخطبوك لي
جات فجر داخله قالت لي انتِ لسه؟ شهد الناس على وصول يلا بسرعه يلا،
قلت ليه يلا مع السلامه،
قفلت منو وبديت اللبس، قلت لي جمانه، جمانه ديل ملابس ابوي، هو هسي حيكون داخل ومارق وم جايب خبر لي روحو حأمشي اتكلم معاهو عشان يجهز،
قالت لي جيبي انا بوديهم ليهو
قلت ليها لٱ خليهو،
طلعت مشيت لقيتو برتب في السراير، قلت ليهو اتوقعت انو اجي اللقاك م جاهز يلا ي ابوي عشان ضهر الجمعه م يفوتك زاتو،
قال لي دة شنو العملو ليك في وشك دة؟
قلت ليهو شين؟ اغسلو؟
قال لي لٱ بس الشغله جديدة علي ههههههههه
قلت ليهو حلوة كدة ولا بدون
قال لي بتي حلوة في الحالتين، يلا خليني اجهز
قلت ليه تمام
رجعت غرفتي وفضلت قاعدة وحركه الناس والدخله والمرقه وترتني فوق م انا متوترة وزايداها علي فجر بكلامها،
فضلت على الحاله دي لغايه م امي قالت وصلو،
قوله وصلو دي انا قلبي حسيتو طلع م̷ِْن محلهه وفجأة حسيت البيت دة كلو قايم وقاعد، امي واخواتها وبناتهم ومعاها صحباتها برضو، وعماتي اتنين، ابوي م خلا زول م اخوات امي واخوانها، ولا زول م̷ِْن اخوانو واخواتو م عزمو، اتنازل هو وعزمهم عشاني، عشان م يحسسني إني وحدانيهه وم عِن.̷̷̸̷̐ديّ اهل فعلاً في اليَوُمًًِ دة،
وانا في الغرفه سمعت اصوات الناس وهي بتسلم، وفجر وهي بتقول اتفضلو،
وامي بتقول يلا ي بنات ضيفو الناس،
وصوت خالتو هيبات بتقول الرجال لحقو صلاة الجمعه بس جهزو ليهم ضيافتهم في الصالون، والونسه والتعارف بدأ ونحن م̷ِْن الحته الفلانيه...الخ
وسط دة كلو بعد سَآعهْْ إتصل علي سامر،
فتحت الخط قلت ليهو سامر كويس إنك اتصلت هم وصلو و انا متوترة شديد، ف اتردد على مسامعي:
بسم •اللّہ̣̥ الرحمن الرحيم، الحمدلله رب العالمين، إن استخرت •اللّہ̣̥ تعالى، وتوكلت على الله، وزوجتك ي سامر، ابنتي، وموكلتي، وقرة عيني وتاج رأسي شهد
وبعدها سمعت صوت تاني بقول ردد وراي..
إني استخرت الله وقد قبلت زواج إبنتك و موكلتك الانسه شهد الصادق، البكر البالغ الرشيد لنفسي، وبنفسي على كتاب الله وبسنه رسول الله صلى •اللّہ̣̥ عليه وسلم
وصوت تاني بردد وبقول زوجتك إياها.. وبيتبعهه صوت بقول قبلت زواجها...