الفصل الخامس والعشرون
الراجل كان شبه مصدوم، وم قادر يبدي اي رد فعل، او يتفاعل بي شي، بعاين لي وبعاين لي احمد وهو ساكت..
احمد قال ليهو ي خال، عوك...
قال ليهو كدة انا اتأخرته بشوف الملف وبدرس القضيه وبيناتنا التلفون
احمد قال ليهو جداً انا زاتي اخدته م̷ِْن وقتك اعفي لي، خلاص انا منتظرك بس زي م قلت ليك كل م استعجلت لي في الرد والقرار اسرع بكون اسرع عشان نكسب الزمن
قال ليهو ټمٱم م عندك مشڱلهِ، يلا سلام في امان •اللّہ̣̥
انا كمان حالتي م كانت بتفرق م̷ِْن حالتو، يعني زي م هو كان بوزع نظراتو بيني وبين احمد انا نفس الشي كنت بعاين لأحمد وبرجع بعاين ليهه،
بعد م اتحرك وانا عيوني معاه لغايه م طلع، احمد قال لي عوك..
انتبهت وعاينت ليهه، بحاول استوعب، الراجل خال احمد، يعني مفروض افهم انو احمد ببقى لي ود عمتي،
ود عمتي؟
قال لي شهد في شنوو مالك؟
مسحت وشي قلت ليه، م م ماف شي،
قال لي الجاب ليك القسيمه منو قلتِ لي؟
قلت ليه انت فهمني اول، سامر كيف في السجن للأن؟
قال لي والله ي شهد للأسف هو في السجن كيف م عارف لأنو مافي اثبات ضدو، بس حبوبتو متهماهو بي قتل خالو المفروض هو متشاكل ومتضارب مع ملهم وسامر حجزهم
قلت ليهه حبوبتو؟
هز لي راسو
قلت ليه م فاهمة طيب وخالتو نور وين، وبعدين ملهم قتل كيف يعني؟
قال لي ملهم اتشاكل مع خال سامر البسكر دة، ومن ضمن الايام اليَوُمًًِ داك كان شارب،
قلت ليهو يعني ملهم ضربو م سامر؟
قال لي ملهم ضربو سامر حجزو، اختو وامو مسكوهو عشان يدخلوه البيت اظن ضربهم ال 2 سامر مسكو ضربو، اخدت نفس وختيت يدي في خشمي
قلت ليه وبعدين؟
قال لي لقوه ميت تقرير الطبيب بقول انو الزول دة مات بي نزيف حاد، واتقبض الشاهين وملهم لَگِنْ بجاي وبجاي اتلمو واتفقو على سامر وشيلوه الليله كلها وطلعو ملهم البلاغ اتقيد ضد سامر بس
قلت ليه م جادي كيف يعني؟الحبوبه عرفناها، خالتو نور وين؟ ناس بيتهم، ابوه، امو، اخوانو اخواتو موقفهم شنو م̷ِْن دة كلو؟
ضحك وقال لي شهد الما حقك دة عمرو م ببقى حقك، سامر م عندو اهل الناس ديل كانو مستغلنو، سامر دة انا بعرفو م̷ِْن عمري كم اقول ليك؟ دق الحجر عشان يطلع قروش ويأكلهم، ابوي انا الوالدني كان بقارني بيهو، لَگِنْ ديل م ناس وانا كلمتو لَگِنْ عمرو م سمع كلامي، كان بقول ديل اخواني هسي لقى منو فيهم؟
مشيت للبقول ليها امي دي وقلت ليها ياخي محور المشكله الاساسيه كانت مع ملهم، الزول دة حجز بس، تخيلي قالت ليّ شنو؟
انا ولدي م قتل، وم اتضارب معاهو نقاش عادي وانتهى وخلت كل اصحابو يشهدو انو الناس دي م اتضاربت لَگِنْ حصل ضرب بين سامر وخالو، والله ي شهد لْۆ علي بس اخنقها اللحظه ديك ضلاليه بشكل م طبيعي، هسي ساعي في اني اخلي خالي دة يوافق يمسك القضيه، لأني متأكد ي شهد لْۆ مسكها حيطلع عينهم واحد واحد وانا احلف ليك
بقيت ببكي، قلت ليهو سامر م قال لي كدة لَگِنْ
قال ليّۓ ولو علقو في رقبتو حبل مشنقه م حيقول ليك، الزول دة خلقه كدة بموت بوجعو براه، هسي انا مش صاحبو ولي عشرة عمر معاه؟ والله ي شهد الا اشوفو متضايق وافهمو براي ولا اسحب لي منو كلمه كلمتين
قلت ليهو طيب هسي لْۆ خالك م وافق حيحصل شنو بالضبط؟
قال لي حشوف غيرو لَگِنْ ان شاءالله يوافق لانو لْۆ وافق ياخ...
سكت
قال لي المهم انتِ م تشيلي هم كلو محلول بإذن •اللّہ̣̥ حيطلع، انا بس كنت محتار كيف انتِ عارفه و...
قلت ليه وانا ببكي م عارفه، م قال لي، والله م قال لي ي أحمد
قال لي شهد فاهم انا م̷ِْن غير م تحلفي او تقولي سامر وانا بعرفو، لْۆ كنتِ رجعتي لي كنتِ عرفتي بس عموماً حصل خير
قلت ليهه حترجع متين انت؟
قال لي الخرطوم؟ الليله دي ان خالي وافق بكرة حمام ان شاءالله، لأنو الاسبوع الجاي عندو محكمه ف لآزٍمٍ اسعى في موضوع محامي في حال خالي دة طلع مربوط بقضايا وم عندو زمن
قلت ليه طيب هسي هو كيف، وضعو كويس؟
قال لي الحمدلله كويس م تشيلي هم ي شهد سامر اكتر م̷ِْن اخوي ود ابوي والله لٱ انا لٱ اهلي بنخليهو في محنه زي دي بنقيف فيهو لغايه م يطلع منها وهو زول م هين زول حاره جد وانا متأكد بطلع منها بس هو اليفتح خشمو دة وياخد ويدي مع المحامي البنجيبو
قلت ليه ليه مالو؟
قال لي المحامي الهسي سحبت منو الملف دة قال لي ياخ زولكم دة م متعاون معي ولا بأي شكل م̷ِْن الأشكال عشان اقدر اساعدو، وهو زول البلاغ مفتوح ضدو، وكل اصابع الاتهام والأدله بتشير ليهو هو ف م عارف اعمل ليه شنو
عموماً ي شهد بإذن •اللّہ̣̥ محلوله دعواتك بس، المهم انتِ كيف وناس البيت كلهم كيف؟
سكتت وانا ببكي
قال لي بتتسهل ي شهد م تبكي، بإذن •اللّہ̣̥ بتتسهل زي م قلت ليك
احمد زاتو هو الرجعني البيت، نزلني وقال لي يلا في امان الله سلمي على ناس البيت وبيناتنا الشبكه،
م عارفه رجولي وصلتني لي جوة البيت كيف، لقيت امي بتقطع ليها في باميه وابوي بكوي في جلابيه،
امي قالت لي اتأخرتي كدة وين؟ ابوك دة م̷ِْن قبيل يتصل م بتردي،
سكتت م رديت
قالت لي ي بت طرشتي ولا مالك؟
وين الحاجات م جبتيهم معاك ولا شنوو؟
ابوي قال ليها ي مرة واحدة واحدة ادي البت نفسها دي شنو دي ياخي النقاقه دي،
قالت ليهو ارفع راسك شوفها كدة مالها، ي بت مالك؟
ابوي رفع راسو وعاين لي، قال لي ي بت مالك بسم •اللّہ̣̥؟عايزة ادخل الغرفه قال لي تعالي هنا كدة..
قلت ليهو ماف شي ي ابوي
قال ليّۓ ماف شي كيف ووشك منفخ كدة مالك اتكلمي؟
امي قالت لي سألك واحد م̷ِْن اعمامك ولا نسوانهم ولا مالك؟ اصلاً الناس ديل م فيهم خير •اللّہ̣̥ اكبر عليهم..
ابوي قال ليها ي مرهه!!!
قلت ليهم ماف شي، بس اتصلت علي جمانه وقالت لي طلع قرار م̷ِْن الجامعه انو ننزل الجامعه ونزلو واخدو محاضرات، وبعدين عندها مشڱلهِ في البيت مع اخوها حكتها لي وكانت بتبكي وانا بقيت ببكي معاها بس
امي قالت لي هجمتيني ووقعتي قلبي قلت البت سمعه خبر منو عامله كدة؟
ابوي قال لي يعني هسي نزلوكم مشو ليهم في القرايه كتير؟
قلت ليهو اي مشو والله، عشان كدة لآزٍمٍ امشي بين بكرة وبعد بكرة كدة بالكتير
امي قالت لي وب لَگِنْ م بنقدر نلحق نسوي شنو نلم حاجاتنا وكدة
قلت ليها انا ممكن اتقدم وانتو تعالو لاحقني
ابوي قال لي لٱ م بتمشي براك، نرجع سوا بعد بكرة البيت بتلم م مشڱلهِ،
قلت ليه ټمٱم
فجأة سمعت صوت خضيرة وهي بتكورك م̷ِْن باب الشارع،
شهد، جيتي؟
سلام عليكم شهد في؟
قبل م اطلع جات داخله قالت لي اتأخرتي كدة مالك؟
بقيت اعاين ليها
قالت ليهو عمي الصادق گّيَفْ الّحّال ٱن شْاءِ اللٌہ بَخّيَرٌ؟
قال ليها الحمدلله
قالت لي هاك امسكي اكياسك دي، طبعاً امي لاقتني في الشارع م صدقت إنك مشيتي معي السوق قايلاني غشيت عليها، قدر م حلفت ليها وقلت ليها شهد لاقاها زول بتعرفو في السوق ومسكها شان كدة رجعت براي م صدقت
امي قالت ليها زول منو اللقاها في السوق؟يعني م رجعتو سوا انتو؟
بقيت اعاين لي خضيرة وارفع ليها في حاجبي
قلت ليها زميلنا في الجامعه ي امي، لاقيتو بالصدفه وسلمت عليه هو ساكن هنا ودي كانت مستعجله ومشت خلتني بس
م قدرت اكلمهم لأني عارفه موقفهم م̷ِْن سامر شنو، وعارفه حيتعاملو مع الموضوع كيف، كنت عايزة الطريقه التوصلني الخرطوم اول...
بالليل إتصلت على احمد م رد، رسلت ليه رساله،
رجع لي، قلت ليه احمد اها طمني خالك وافق؟
قال لي والله ي شهد م اداني رد كدة يخليني اكون مطمن واعتمد عليه، قال ملتزم بقضايا تانيه ومزحوم، والقضيه دي م واضحه وشنو م عارف، م حبيت اضغط عليه لاني جيتو م̷ِْن هناك لي هنا وم قدر الحِته دي، لَگِنْ هسي الحاج اتصل علي قال لقى محامي شاطر، مشى هو زاتو وقعد معاه ووافق يمسك القضيه، هسي انا اتحركت راجع على الخرطوم لأنو بدايه الاسبوع سامر عندو جلسه محكمه ف شنو عايز اسلم المحامي الملف واخليهو يقعد مع سامر ويشوف الحاصل شنو، ادعي بس ي شهد ادعي ليهو
قلت ليهو هو خالك دة مش شاطر ومحامي كبير؟
قال لي اي لَگِنْ بتاع حركات وناسات، مع البدفع اكتر وم بمسك الا قضايا كبيرة بدفعو فيها قروش كتيرة رغم اني قلت ليهو بتاخد العايزو
قلت ليه طيب ي احمد هو مش شاف ملف القضيه؟ قال ليك شنو عنها يعني استنتاج كدة؟
قال لي م قال شي، هو شكلو م قرا الملف زاتو ف شنو مشاني ساي
، المهم م علينا بإذن •اللّہ̣̥ م بحصل إلا خير ي شهد م تشيلي هم
قلت ليه طيب يعني سامر هسي في الخرطوم؟
قال لي اي رحلوه جابوه الخرطوم عشان عندو محكمه وكدة
قلت ليه طيب،
قفلت م̷ِْن احمد وبقيت اتقلب وم قادرة انوم وانا بفكر ي ربي سامر حيطلع منها؟ خال احمد دة اكيد لْۆ شاف في شويه امل م كان رفض يمسكها، معقوله موقف سامر ضعيف للدرجه دي؟اتصلت على المره القالت انها خاله امي دي،
اول م فتحت الخط قلت ليها السلام عليكم
قالت لي وعليكم السلام، اهلاً ي بتي كيفك؟
قلت ليها الحمدلله، ممكن تديني رقم الراجل الكان معاك؟
سكتت
قلت ليها ممكن ولا لأ؟
قالت لي رقم ابوك؟ جداً ي بتي، جداً م عندك مشڱلهِ، سجلي عندك ولا ارسلو ليك في رساله؟
قلت ليها رسليه
رسلتو لي واتصلت علي نبهتني بس م قدرت اعمل شي، م قدرت اتصل ولا حتى ارسل رساله، يعني حقول ليه شنو مثلاً؟
صباح اليَوُمًًِ التاني صحينا بدري غسلنا ملابسنا، وبقينا نلم في البيت، والبسأل ابوي بقول ليه جامعه البت فتحت، لغايه مغيب الشمس نحن خلصنا كل شي، وصباح اليَوُمًًِ التاني نحن في البص متجهين للخرطوم،
كنت ملهوفه، خايفه، مهمومه، كل شي جواي ملخبط، افكاري كلها عند سامر رغم كل العملو معي، ورغم إستوهامي بي إني نسيتو لقيت نفسي م اتحركت ولا خطوة بعد سماعي بالحاصل معاه دة، كل همي وتفكيري متمركز في متين نصل الخرطوم، ومتين اشوفو...
الساعات حقت الطريق دي حسيتها سنين، وصلنا الخرطوم،
لقينا مهند مافي في البيت واصلاً تلفونو كان قافل، فتحنا البيت نضفناه وفرشنا، ولما دخل الليل اتصلت على احمد، قلت ليه احمد اها احكي لي حصل شنو؟
قال لي يوم الاحد بإذن •اللّہ̣̥ عندو محكمه ي شهد
قلت ليه طيب، لاقيتو؟ قعدت معاه؟ اتكلم مع المحامي والمحامي كويس ي احمد؟
قال لي كويس ي شهد ياما اترافع عن قضايا وكسبها، وسامر يعني م اتعاطى معاه شديد بس يلا متوكلين على •اللّہ̣̥
قلت ليه يعني م اتكلم معاه؟
قال لي لٱ اتكلم هو
قلت ليه طيب ي احمد عايزة اشوفو انا
قال لي تشوفي منو وانتِ وين؟
قلت ليه في الخرطوم، جينا اليَوُمًِ، عايزةً اشوف سامر ممكن؟
قال لي شهد!
قلت ليه م تقول ليه اني جاياه او انا عرفت، بس تَعاّإاّإلّ سوقني وديني ليه زيارة، قال لي ټمٱم كدة لمن نتلاقى ونشوف الموضوع دة
قلت ليه نتلاقى بكرة الصباح؟
قال لي الصباح؟
قلت ليه ايوة عشان انا حأقول لناس البيت طالعه الجامعه وكدة
قال لي ټمٱم، لما تطلعي اديني تلفون بس،
اصلاً م نمت، انتظرت الصباح لمن يصبح وانا بحسب في الساعات، الساعه 8 جاتني مكالمه م̷ِْن رقم غريب، والمكالمه اتكررت كم مرة وانا طالعه م̷ِْن البيت،
رديت..
الو؟
قال لي السَلٱمٌ عَلْيگمّ-ۈرحْمٌّة ٱللّہ ۆبُرگّاتہ، كان صوت راجل
قلت ليه وعليكم السلام
قال لي كيف الحال ان شاءالله بّخْيرٌ؟
قلت ليه الحمدلله منو معي؟
قال لي خالتك اتصلت علي وقالت شلتِ منها رقمي عشان تتصلي علي، خير إن شاءالله؟
عرفتو دة منو في اللحظه دي،
قلت ليه انا اخدته منها الرقم فعلاً بس م قلت ليها حأتصل،
+ك محامي قريت ملف القضيه الجابو ليك ود اختك فكرت إني اسألك موقف القضيه دي شنو، بس بعدين اتذكرت إنو انت زول بخلت تقدم مساعدتك لي ود اختك القاطع ليك كيلومترات وجايك لغايه هناك واتعاملت معاه بجبن وكسرت بخاطرو سؤال شنو البسألك ليه؟
قفلت منو الخط وانا اصلاً كنت متضايقه واتضايقت زيادة، طلعت لاقيت احمد قال لي م جادة طبعاً جيتي متين على طول كدة؟
قلت ليه المهم اها ممكن اشوفو؟
قال لي اي لَگِنْ بكرة اليَوُمًًِ صعبه مشى ليه المحامي وكدة،
قلت ليه كلمتو إني عرفت؟
قال لي لا
قلت ليه احسن
قعدنا ناخد وندي مع بعض كدة وانا بعاين ليهه، يعني احمد بشهامتو ورجولتو دي ود عمتي بجد؟ وداك خالو؟يعني سبحان •اللّہ̣̥ الدنيا دي غريبه بجد، يعني حتى اختبارات ربنا سبحانه وتعالى للواحد غريبه
قلت ليه ممكن سؤال؟
قال لي اها؟
قلت ليه الراجل داك خالك بجد ولا؟
قال لي قصدك االمحامي؟
هزيت ليهو راسي، كنت مستنيه منو رد غير بس قال لي:
اي خالي شقيق امي على طول، لَگِنْ زول م قاعد، الليله هنا وبكره هناك شغال بالمزاج، مالو بشبهني ولا شنو؟
قلت ليهو لٱ بس كدة،
وقف على لساني سؤال واولادو وين بس م قدرت اسألو وسكتت.
قال لي طيب بكرة نتلاقى الساعه كم؟
قلت ليه هي الزيارات بتبدأ كم؟
قال لي يعني م̷ِْن نص اليَوُمًًِ كدة،
قلت ليه ټمٱم معناها 11 نتلاقى ظريف؟
قال لي ظابط، وعايز اقول ليك شنو عليك •اللّہ̣̥ ي شهد حاولي اتكلمي معاهو واقنعيهو، فهميهو.انو السكات دة ممكن يضيعو جدجد انتِ فاهماني صح؟
قلت ليه ايوة فاهماك، طيب ممكن سؤال؟
قال لي ممكن م تسألي وتقولي ع طول؟
قلت ليه زين وين؟ مع اهل سامر ولا وين؟
قال لي لأ
قلت ليه وين؟
قال لي هو بخير ي شهد
قلت ليهه وين عايزة اعرف؟
سكتت
قلت ليه رجعو الدار؟
قال لي هو كويس ي شهد صدقيني، يلا نمشي خليني ارجعك عشان اللحق اقعد مع المحاامي وكدة
قلت ليه عايزة اشوف زين، ارح نمشي نشوفو ورجعني البيت بعدين
قال لي هسي ماف طريقه لَگِنْ بجيبو ليك
قلت ليه طيب وصف لي وين مكانو انا بمشي ليه خليك انت
قال لي شهد بجيبو ليك صدقيني
قلت ليه انت لييه م عايز توريني مكانو؟
قال لي لانو بس ماف زمن
بقيت اعاين ليه
قال لي بعدين المساء بتصل عليك وبجيبو ليك في البيت ظريف؟
قلت ليه ټمٱم،
رجعت البيت لقيت امي قاعدة في سريرها في نص الحوش ومهمومه، قلت ليها امي مالك؟
قالت لي الولد دة مافي وركشتو مبركنه في البيت،
قلت ليها تلفونو لسه قافل؟
قالت لي لٱ فاتح بس قال عندو شغل بعيد عشان كدة بجي بعد كم يوم
قلت ليها شغل شنو؟
قالت لي بري •اللّہ̣̥ اعلم،
اتصلت على جمانه اتطمن عليها،
قلت ليها انا جيت على فكرة الخرطوم
قالت لي كذابه متين وليه م كلمتيني؟
قلت ليها فجأة، اها انتِ كيف، وقلتِ لي بحكي ليك الحصل كلو بالتفصيل لمن تجي اهو انا جيت ومنتظراك تحكي،
قالت لي طيب نتلاقى رايك شنو نعمل لي فجر مفاجأة في الداخليه؟
قلت ليها ليهه هي هنا م سافرت يعني؟
قالت لي لٱ م سافرت، اتكلمت معاها قبل كم يوم كانت كويسه، ارح ي شهد ياخ نمشي •اللّہ̣̥ يخليك خلونا ننسى الحصل ونقعد زي زمان، م تكبرو الموضوع، بليز
قلت ليها جمانه انا م مكبرة الموضوع عمري بس م حنسى كلام فجر، هي اقرب زوله لي كانت وبكل بساطه قالت لي انتِ م محتاجاني محتاجه طبيب نفسي، طيب هي كانت عارفه انا كنت مارة بشنو الفترة ديك؟ عارفه كلامها دة هزاني قدر شنو؟ عارفه انو انا اتجاوزت سمهدل واتجاوزتكم عشان م ابين ليكم الانا ماره بيه؟
قالت لي ي شهد انتِ م حكيتي
قلت ليها حتى لْۆ عايزة احكي بعد القالتو م اظن احكي، عموماً احسن نقفل الموضوع ي جمانه، والمهم انتِ كيف طمنيني، وصخر عمل شنو لأخوك م حكيتي لي برضو، ان شاءالله م قاعد يعمل ليك حركات بس لسه
قالت لي اخوي في السجن
قلت ليها كذابهه؟ كيف كيف؟
قالت لي زي م بقول ليك كدة
قلت ليها احكي لي الحصل
قالت لي لمن اللقاك ي شهد بحكي ليك، بس بالجد لولاك انتِ وصخر م كنت هعرف اعمل شنو بالجد ي شهد
قلت ليها الحمدلله ي ستي، بس برضو عايزة افهم الحاصل، م تخليني اتحمس واتصل على صخر
قالت لي تلفونو قافل مسافر ه •اللّہ̣̥ يسعده
قلت ليها ايوة صح، قال لي مسافر اجازة مع اصحابو وكدة، عموماً نتلاقى بعد بكرة بإذن •اللّہ̣̥ تعاليني ياخ في البيت طيب
قالت لي بشوف وبديك خبر
قفلت منها، اليَوُمًًِ عدة كلو واحمد م اتصل على اساس انو يجيب لي زين، ، وتلفونو قافل،
قعدته مع ابوي وهو بحضر الاخبار بعد م جبت ليه الشاي، قلت ليه عندك جلسه غسيل متين ي ابوي؟ قال لي نهايه الاسبوع في واحدة، اتصلت للدكتور وحدد لي
قلت ليه ټمٱم طيب،
قال لي بكرة داير امشي اجيب الخدار شان افتح طوالي، قلت ليه خليك، انا وامي المساء بنمشي نجيبو،
قال لي تكونو ريحتوني والله الولد قال بعيد، لْۆ م كدة كان خليتو يمشي يجيبو ويجي،
قلت ليه م مشڱلهِ، هسي انا بطلع انضف ليك المحل والطبليه واخليهم جاهزين،
امي قالت لي وانا زاتي دايرة ابدأ اعوس كسرة واختها برة اطلع لي قرشين تلاته مع الإسكريم وشويه البخور والدلكه البسويهن ديل الامور بتمشي
حسيت انو في حاجه هم م عايزين يوروني ليها، لأنو امي دي كرهتها في الدنيا العواسه، م عارفه هسي الجدة شنو
الصباح اصبح وم صدقت انو اصبح انا بحسب في الوقت بعدد نبضات قلبي لدرجه إني حاساهم واقفات، ملهوفه شديد لدرجه إني عشان اكسر الدقايق طلعت نضفت الشارع قدام البيت، ونضفت طبليه ابوي وغسلتها ورشيت الشارع والمكان مويه عشان الغبار، ورجعت لقيت مكالمات م̷ِْن احمد
رجعت ليه قلت ليه ماسورة
قال لي لٱ والله بس كهربتنا قاطعه وتلفوني م شاحن وين وين؟
قلت ليه في البيت
قال لي 11 قربت
قلت ليه عارفه نتلاقى وين؟
قال لي في ...
قلت ليه طيب ماشي،
في عجله شديدة جهزت نفسي، ابوي قال لي طالعه الجامعه؟
قلت ليهو ايوة
قال لي شيلي قروشك م̷ِْن جيب الجلابيه،
مشيت شلت وطلعت، مشيت المكان المتفقه فِيَه مع احمد وانا متوترة وم عارفه حاسه كدة ليهه، المهم متوترة، وملهوفه، وخايفه، وكل شي، احمد جا اخدني، قال لي اتأخرت في الزحمه،
قلت ليه وين زين؟
قال لي امس زي م قلت ليك كهربتنا قاطعه و..
قلت ليه عربيتك بتشحن بالكهرباء؟
ضحك وقال لي تلفوني قافل، م قدرت اتصل للناس عشان انبهم اني حأجي اسوقو وكدة،
قلت ليه طيب هسي تلفونك مشحون اتصل ونبهم انو نحن حنجي نسوقو
قال لي ټمٱم برسل ليهم رساله عشان انا سايق وهسي حيلقاني بتاع مرور عارض وانا سايق
قلت ليه كلمت سامر؟
قال لي على حد علمو انو انا جاي بس
قلت ليه طيب حيتضايق لْۆ شافني؟
قال لي انتِ ٱخر واحدة ممكن يتضايق م̷ِْن شوفتها الشاهين ي شهد واسأليني انا دة بقول ليك كلامي دة ك اخوه وصحبو وعاجنو وخابزو
سكتت وبقيت اعاين ليهه
قال لي ف شنو حتى لْۆ بين انو متضايق اتجاوزيه وم تتحسسي وقدري وضعو وم تتهوري وتزعلي وتعملي امور البنات دي اتفقنا؟
سكتت
قال لي مشكلتكم الاساسيه العناد والمكابرة يعني واحد عنيد والتاني مكابر وزي م بقولو.اتلم التنتون على التنتن بس
قلت ليه صحبك كدة انا لٱ
ضحك قال لي صحبي دة يا شهد اسكتي بس العليه م شويه، انا بس العارفو.وفاهمو عشان كدة بخت ليه العذر دايماً والله ازعل م̷ِْن الدنيا دي كلها سامر لٱ ي شهد، لأنو زول شاف في الدنيا دي ما شاف اخ بس الحمدلله على كل حال، والله كونو زول يقوم في الدنيا دي يلقى امو وابوهو قدامو دي براها نعمه تحمد عليها ربك صباح ومساء لأنو المُر البتعيشو بدونهم صعب شديد ي شهد، اصعب مما تتخيلي
بقيت اعاين ليه بكسرة خاطر وانا بفكر يوم سامر قال لي انا م̷ِْن قمت يتيم وم عِن.̷̷̸̷̐ديّ ابو
فضلت ساكته وسرحانه لغايه م مشينا حته بعيدة كدة اخر الخرطوم اظن،
قلت ليه دة وين؟
قال لي سجن الهدى
قلت ليه كدة وصلنا خلاص يعني؟
قال لي اي يلا ننزل، نزلنا ودخلنا،
مشى محل كدة دخل وبقى يتكلم مع ضابط،
وانا واقفه والتوتر حيشلني، وانا بعاين حوالي ناس كتار جاين لي اهلهم اظن، وكل زول بي همو، وكل ملامح تحكي قصه،
وقفت قريب الربع سَآعهْْ وزيادة حتى احمد جا قال لي شهد يلا،
قلت ليه حنمشي ليه؟
قال لي اي،
مشيت وراه، فجأة دخلنا مكان كدة، فجأة عيني وقعت عليه قاعد ومنتظر، هو نفسو، بنفس ملامح وشو م اتغير ونفس وتفاصيلو و هدوؤ لما يكون قاعد، ونفس الروقه، خاتي يدو في وشو ومتمحن، واللحيه مغطيه اغلب وشو تقريبا، ولابسً ملابس عاديه م ملابس سجن،
احمد اتقدم علي بخطوة، لما وصلو قال ليهو ي حبيب، لما قام عليهو يحضنو، عينو وقعت علي بقى يعاين فيني وم قادر يكمل سلامو مع احمد،
احمد ضماهو عليهو وقال ليهو الخبر ياخ امس م قدرت اجي، ان شاءالله الامور مشت ټمٱم مع المحامي؟
سامر لسسه كان ساكت..
احمد اتلفت علي قال لي شهد تعالي جاي، م كنت قادرة ارفع عيوني منو اصلاً عشان استوعب احمد بقول في شنو،
احمد قال ليهو لو اتأخرت شويه م كانو حيدخلونا، اخ نسّْيتً في حاجات جايبهم في العربيه م نزلتهم اجيبهم واجي،
طلع مشى، احمد كان متعمد يتصرف بشكل اكتر م̷ِْن طبيعي
حتى حروف السلام بقت تقيله على لساني، بدل م اسلم عليه قلت ليه الدنيا م كانت حتخرب ولا القيامه كانت حتقوم لْۆ قلت لي
بقى ساكت وبعاين لي
قلت ليه ليهه كذبت علي؟ م ممكن تكون كدة يعني جد م عارفه اقول ليك شنو
قال لي گّيَفْ الّحّال ٱن شْاءِ اللٌہ بَخّيَرٌ؟
قلت ليه ټمٱم الحمدلله وانت؟
قال لي الحمدلله
قلت ليه مبسوط م̷ِْن نفسك انت كدة؟
قال لي كيف؟
قلت ليه متحمل مسؤليه حاجه انت م عملتها وكدة؟
قال لي وانتِ القال ليك منو انا م عملتها؟
سكتت وبقيت اعاين ليه
قلت ليه سامر ركوب الراس م حبابو القانون لٱ يحمي المغفلين، وانا بزيد عليها الحمقى كمان خلي القانون ياخد مجراه بالطريقه الصح
قال لي ودة الحاصل
قلت ليه لأ، لما م تتعاون مع المحامي بتاعك يبقى لأ، م هو المحامي دة م فارق معاه في الحالتين كسب او لٱ بياخد قروشو، انت الخسران، ولا اقول ليك زين الخسران؟
بقى يعاين لي وهو ساكت
قلت ليه عاين انا عارفه وانت عارف انو زين م عندو غيرك في الدنيا دي، عايز ترميه نفس الرميه اللقيتو بيها؟
ماف زول بتسجن وم بكون نفسو يطلع م̷ِْن السجن الهو فيهو دة الا كان هو زول م طبيعي،
قال لي ناس البيت كيفهم؟ عمي وخالتي ان شاءالله هم بخير؟
سكتت..
قال لي ومهند في منو خبر ولا لسسه؟
كلامو دة كأنو بسكتني بس بصورة غير مباشرة
قلت ليه الحمدلله، م عندهم عوجه
قال لي دايماً ي رب
قلت ليه جد ي سامر، انا عارفه إنو انا م بعني ليك شي لدرجه انو م عايز تدخلني في الأمور البتخصك، وعارفه نفسي متطفله عليك حاليا، بسً ممكن عشان زين لأنو بتهمني مصلحتو؟ ممكن؟
سامر لسسه كان ساكت..
احمد جا داخل شايل حاجات، قال لينا تفتيش ياخ والله ناس يحيرو زاتهم، اها م قلت لي امس اتكلمت مع المحامي؟
سامر قال ليهو م فايت عليك شي انت
بقيت اعاين لسامر ومركزة في تفاصيلو، م اتغير بس ضعف، وواضحه عليهو علامات الهم والضيق، كنت متماسكه بس فجأة لقيت دموعي جاريه،
سامر عاين لي مسحتها وبقيت اتلفت يمين وشمال، وهو وأحمد بتكلمو وكل شويه يعاين لي ويرجع يعاين لي احمد، لغايه م فجأة قال لي احمد امشو بعد كدة عشان م تتأخرو
احمد قال ليهو م وراي شي ي زول
عاين لي احمد بي حدره كدة
كان بتصرف كأنو متضايق م̷ِْن وجودي هناك، قلت ليه احمد صح خلينا نمشي علشان الزمن وكدة
احمد عاين لي وعاين لي سامر،
وسامر بعاين لي،
قال لي طيب ټمٱم،
وقفت على حيلي وقلت ليه يلا مع السلامه،
قال لي سلمي على ناس البيت
قلت ليه يصل ان شاءالله واتقدمت م وقفت الا قدام العربيه وانا ببكي، ببكي بحرقه وغيظ وزعل واي شعور سيء في الدنيا دي كنت حاساهو اللحظه ديك، يعني تخيل احساس انو تحاول عشان زول م شايفك اساساً ويتعامل معاك بكل برود الدنيا دي ويتجاهلك كمان،
احمد جا عاين لي مسحت دموعي، فتح ليّ الباب ركبت واتحركنا،
قال لي كنت عارف إنو حتطلعي كدة عشان كدة وصيتك قبل م نجي، بس الحماقه تخليها لمنوو
قلت ليهو انا م عارفه هو بتعامل معي كدة.ليهه، م عارفه انا عملت ليهو شنو اصلاً عشان يتعامل.معي كدة، يعني فوق م هو غلطان في حقي كمان مُكابر؟
احمد قال لي طيب روقي، وزي م قلت ليك اعذريهو ي شهد، ختي ليهو بدل العذر الف
مسحت دموعي قلت ليه حنمشي لزين؟
قال لي لٱ بحالتك دي خليني اوصلك البيت اول بعدين امشي لزين
قلت ليه حالتي مالها؟ انا كويسه خلينا نمشي،
قال لي شهد، خليني اوصلك البيت وبعد ساعتين زين بكون عندك ټمٱم؟
وصلني البيت،
امي قالت لي رجعتي بدري مالك؟
قلت ليها خلصت بدري،
قالت لي سمح ارتاحي بقى عليك سفر ونضافه بيت وجامعه كمان
قلت ليها طيب،
دخلت الغرفه وقفلتها علي واتغطيت وبقيت ببكي، م عارفه انا زاتي ببكي عليه، ولا منو ومن تصرفاتو معي، حسسني إنو جيتي م ليها اي اهميه وإني متطفله بس م اكتر، وكل كلامو كان مع احمد، فعلاً انا غبيهه ومتطفله
المغرب وانا بغسل في العدة اتصل علي احمد قال لي في شارع البيت انا اصل؟
قلت ليه ايوة تعال،
طلعت على امي وابوي، قلت ليهم احمد صاحب سامر بتعرفوه؟
ابوي قال لي اي مالو؟
قلت ليه قال جاي وجايب لي معاهو زين يسلم علي
امي قالت لي اجي؟
ابوي قال لي لٱ يااخ جاي هسسي؟
هزيت ليه راسي
قال لي حبابو الف يتفضل طوالي،
امي قالت لي وابوه وين الولد؟
سكتت
رتبت السراير وقلت ليهم هو قريب قال
امي قالت لي في كركدي في التلاجه ازيدو شويه اعملو ليه عصير، م عدت 10 دقايق احمد اتصل قال لي انا وصلت، قلت لي ابوي الزول دة برة تمشي عليه؟
قال ليّ اي، طلع وانا وراه ملهوفه على زين طبعا، ً
وصلنا باب الشارع ابوي قال ليهو اهلا، اهلاًً ي ولدي،
بقى يسلم عليه زين مسك في ابوي وقال ليهو جدو، وم خلاهو يكمل سلامو مع احمد،
احمد بقى يضحك، ابوي شالو قال ليهو الغالي، حبيب جدو م نسيتنا؟
گّيَفك ي رجل انت طيب؟حاربتنا ليهه نحن قلنا الزول دة زعل مننا ياخ ..
احمد كان بضحك،
قلت ليه زين؟
نزل م̷ِْن ابوي وجاني جاري، حضنتو، قبل م اقول ليهو انا زعلانه مڼڱ قال لي انا زعلان مڼڱ
ضحكت قلت ليه انا الزعلانه
قال لي لأ انا الزعلان
قلت ليه ليهه؟ انت م قاعد تجينا ولا قاعد تسأل مِڼّي ولا اي شي،
قال لي الكبار هم البسألو م̷ِْن الصغار وبجوهم
بقينا نضحك وضميتو علي،
ابوي قال لي احمد اتفضل ي ابني،
احمد قال ليهو والله ي عمي على مشيه مستعجله الحاج عندو مقابله مفروض امشي معاه هسي م̷ِْن قبيل يضرب، قلت اخلي الزول دة يسلم عليكم وكدة،
ابوي قال ليهو الف سلامه على الوالد اجر وعافيه لَگِنْ اشرب لينا مويه ياخ
قال ليهو مرة تانيه ي عمي بإذن •اللّہ̣̥، زين اها مشينا؟
زين مسك فيني وقال ليهو لأ،
احمد قال ليهو ي زول شنو بايعني طوالي كدة
قال ليهو تعال، تاني بكرة بنجي بإذن •اللّہ̣̥
زين قال ليهو لأ، ابيت، ابيت، م ماشي مام،
واتضارى ورا ضهري،
احمد قال ليهو زين،
بقى يبكي
قلت ليه احمد طيب خليه معي
بقى يعاين لي،
قلت ليه بكرة تعال سوقو طيب؟
ابوي قال ليهو خليهو الليله دامو م داير المشيه، ولدنا م تخاف عليهو
احمد قال ليهو العفوو يا عمي مافي خوف
ابوي قال ليهو كلم ابوه بكدة واستأذنو لْۆ الموضوع بعمل ليك معاهو مشڱلهِ
احمد قال ليهو لٱ ابداً والله، خلاص م مشڱلهِ بكرة ان شاءالله بجي عليكم بسوقو، قال ليهو زين بكره بدري اتفقنا؟
زين دموعو في طرف عيونو قال ليهو ابيت
احمد ضحك وودعنا واتحرك،
شلت زين ودخلت بيه قلت ليه م مشتاق لي؟
قال لي مشتاق ليك، قلت لي امي، شوفي الجانا منو اليَوُمًِ؟ً
امي قالت ليهو حبيبنا، وجات شالتو وبقت تبوس فيهو قالت ليهو انت كويس؟ والله فرقته معانا فرقه، كيفك ي زول؟
قالت لينا وينو الضيف؟
ابوي قال ليها دة الضيف، داك مشى،
شالت زين وقالت ليهو ولدي، اها كيفك قلت لي؟تعال كدة نقعد برواق..
فضلو ياخدو ويدو معاه ومرة يلعب مع ابوي ومرة مع امي لغايه م نام
رقدتو جمبي وحضنتو وانا بفكر في سامر، وحالتو الكان فيها، ولا مبالتو لنفسو، ولزين، وبرودو معي وتجاهلو لي...
صباح اليَوُمًًِ التاني صحيت على مكالمه م̷ِْن جمانه، قالت لي جاياك وكدة،
رتبت البيت وامي بدت تجهز في الفطور، وزين مع ابوي في الشارع قاعدين مع عمو اسماعيل،
نص سَآعهْْ وجمانه وصلت، واول م شافتني اترمت في حضني وم خلت بكيه م بكتها،
ضيفتها ودخلت غرفتي وبقينا نتونس،
قالت لي احكي لي كيفك، وسامر كيف؟
قلت ليها خليك مِڼّي واحكي لي الحاصل معاك واخوك في السجن عمل شنو؟
قالت لي لقوه سكران وشايل بنقو ف جلدوه و ادوه 6 شهور، ع حسب كلام صخر طبعاً
قلت ليها هو كان بسكر؟
هزت لي راسها بمعني ايوة بس م دايما، ومً بشرب بنقو بسس..
قلت ليها بس؟
قالت لي تقريباً دي حركه عملها صخر عشان يبعدو مِڼّي فترة، حاسه كدة
ضحكت قلت ليها م جادة؟
قالت ليّۓ جد
طيب وامك وضعها كيف؟
قالت لي ه امي زعلها على سجن ولدها اكتر م̷ِْن زعلها علي انا وعلى الحاول يعملو.فيني ه
قلت ليها جمانه الزول لما يكون م واعي ممكن..
قالت لي شهد انا اختو، يعني كان اي زول بسكر وبجي بتحرش بي محارمو يبقى على الدنيا السلام بس
بعدين الشي الخلاني اتأكد انو واعي ي شهد إنو متذكر زمان عمل فيني شنو لما كان مراهق وانا صغيرة،
قلت ليها كيف كيف م فهمت؟
ضحكت قالت لي زي م بقول ليك كدة، عمار اخوي ي شهد بصريح العبارة زمان وانا صغيرة أغتصبني،
لما خلاص فاض بي وحكيت لي امي بعد الحصل دة تخيلي قالت لي شنو؟
قالت لي نسترك كيف هسي؟ كان جا زول اتقدم ليك نقول ليهو شنو؟
قالت لي إنتِ كان جنيتي إتكلمي نوديك الدكتور،
بعدين جات وقالت لي بكل وقاحه الدنيا انو كان صغير وم فاهم للدنيا شي، لما قلت ليها وهسي؟ قالت لي السكران في ذمه الواعي
تخيلي ضربتني عشان اتناقشت معاها في موضوع انو كيف م اكل مع عمار في صينيه واحدة؟
قالت شنو؟ اتعامل معاهو عادي وهو اخوي الكبير،
قاطعتني عديل ي شهد وقالت لي انا م عافيه ليك، وفهمت خالاتي اني مقاطعه عمار عشان م بسمع كلامو وهو بمنعني الطلعات، وخالاتي جو واتكلمو معي، طبعاً سكتت عشان دة موضوع م ينفع يتقال وماف زول بستوعبو،
و كل العملتو انها قالت ليهو م تدخل في البنات ديل طول م انا عايشه، لَگِنْ عمل شنو، وعمل كدة ليهه، ومفروض رجلو م يعتبها عتبه الباب بعد العملو لأ ي شهد، لأ خالص، انا م̷ِْن الخوف بتشنج بالليل امي م هان عليها تتطبطب علي، م هان عليها تجبر كسري ابداً، حتى اخواتي فاهمين انو انا وعمار متناقشين بس قالت لي ماف زول يعرف بالموضوع دة
دموعي جات جاريه، وهي زاتها دموعها جاريه وتحكي وتضحك في نفس الوقت، مسحت دموعها وقالت لي اللاينر غالي ي بت، شوفي خالتي دي لْۆ عملت لينا الفطور انا جعانه،
بقيت اعاين ليها بكسرة وحزن، احساس الزول مكسسور وموجوع شديد بس بحاول يظهر عكس كدة، ويحكي وجعو وهو بضحك
زين جا داخل، قالت ليهو زينو حبيبي، تعال، تعال كدة، مشى عليها شالتو وقالت ليهو بابا كيف؟ م مشتاق لينا انا وفجر ولا م متذكرنا؟
قال ليها متذكركم
قالت ليهو انا منو؟
سكت وبقى يعاين ليها،
ضحكت وقالت ليهو بتغش علي؟
قالت لي ها سامر كيف لسه في حركاتو ولا بطلها؟
زين قال ليها مافي، بابا مافي
قلت ليهو زين قول لي حبوبه تجهز الفطور يلا سريع
نزل وطلع جري
قالت لي سامر اخبارو شنو؟
سكتت
قالت لي مفروض تتحبسي للعرس صح؟فاضل سمستر واحد ع فكرة
قلت ليها حبسه شنو ي بت ها ماف عرس ولا اي شي
قالت لي مالكم أجلتوه؟
قلت ليها لأ إنفصلنا
ضحكت قالت لي بتهظري
قلت ليها جد
بقت تعاين لي وهي ساكت احساس بتحاول تتأكد أإأذأإأ بهظر او لٱ
قلت ليها جد، لمن سلمني ورقتي،
دمعتها جات جاريه، قالت لي ليهه مالكم؟ مالو معاك؟ متين الكلام دة؟شهد خليك جادة شويه
قلت ليها جادة والله، بدون سبب قال م ينفع نكمل، جا وقعد مع ابوي واتكلم معاهو، وبعد فترة امو واخوه جابو لي القسيمه
قالت لي كذابهه ي شهد، ليه لكن؟ وم اتكلمتي، م حكيتي لينا ي شهد، ضحكت قلت ليها عشان انا نفسي كنت م مصدقه، بس يلا حصل خير وكل لخير اكيد
قالت لي لٱ دة م طبيعي، مجنون، بدون سبب او مبررات، دة شنو؟ م على كيفو، فجر م كانت غلطانه عليهو حرفيا، وايً ي شهد، ليه م كلمتينا؟
قلت ليها الحصل حصل واهو الحمدلله انا ټمٱم
بقت تعاين لي ودموعها جاريه، قالت لي طيب وزين؟ خلاهو معاك عُاَدّيَيّ كدة؟جايب قوة العين دي م̷ِْن وين الوقح دة؟
قلت ليها لٱ زين جابو لي احمد صحبو امس م كان معي ابداً
قالت لي واي ي شهد، بالجد حرام عليك م حكيتي لينا وانا اول واحدة فكرت احكي ليها الحاصل معي انتِ على اساس انو اخوات
قلت ليها اخوات فعلاً
قالت لي لْۆ اخوات كان حكيتي
قلت ليها احكي ليكم شنو؟ ماف شي يتحكي انا زاتي كنت فاكراه بهظر وم جادي لغايه م جا لي ابوي واتكلم معاهو
قالت لي كمان؟ وقح وقوي عين بالجد، عليك •اللّہ̣̥ شوفي الحيوان دة، زعلي على دفاعي عنو •اللّہ̣̥ لٱ جاب باقيه،
وهسي وين هو.؟
قلت ليها في السجن
قالت لي بصرخه ڼعمْ؟ً
بقيت اعاين ليها
قالت لي مالو؟
قلت ليها متهمنو بي قتل خالو
قالت لي لٱ إله الا •اللّہ̣̥، وجد؟
قلت ليها م عارفه، انا زاتي عرفت الحاجه دي الاسبوع الفات، م فاهمة شي
قالت لي كدة احكي لي برواقه ي شهد،
بديت احكي ليها، وبقينا ناخد وندي مع بعض لغايه م اليَوُمًًِ خلص ورجعت بيتهم، جيتها خففت علي كتير، لْۆ م.كنت حكيت لزول م كنت عارفه حيحصل لي شنو
اتصل علي احمد، قال لي حصل لي ظرف ضروري م بقدر اجي اسوق زين خلي معاك، قلت ليهو ټمٱم في شنو؟ قال لي بحكي ليك،
وعدت يومين واحمد اتصل الا صباح الاحد، اتصل علي قال لي الزول دة الليله عندو جلسه محكمه
قلت ليهو وين والساعه كم؟
قال لي في محكمه ال...، الساعه 10 ص، هسي نحن ماشين عليه
قلت ليه تمام،
قال لي بعد اطلع م̷ِْن المحكمه بتصل عليك وبوريك الحصل شنو ومنها بجي بسوق زين
قلت ليه طيب
قفلت منو وفتحت الدولاب، نزلت لي لبسه ودخلت الحمام مستعجله، جيت طالعه ابوي قال لي عندك جامعه؟
قلت ليه اي، جهزت نفسي وطلعت، الساعه 9 ونص انا في المحكنه، اتصلت على احمد قلت ليه وين انتو؟
قال لي في المحكمه لسسه م بدت منتظرين،
قلت ليهو انا قدام المحكمه تعال علي،
قال لي الجابك شنو ي زوله؟
قلت ليه المهم جيت،
شويه كدة جاني طالع، قال لي ي زوله
قلت ليهو جابوه ولا لسسه؟
قال لي لٱ جابوه، قاعد مع المحامي هسي، على فكرة عايزة اقول ليك انو...
جاتو مكالمه قال لي دقيقه، اتحرك م̷ِْن جمبي وبقى يتكلم مسافه، بعدها جاهو راجل لابس جلابيه وعمه وهيبه كدة بقى ينادي عليهو، احمد اتلفت قال ليهو المحكمه بدت اسرع، واتقدم قدامو
احمد قفل وجا، قال لي يلا ي شهد مش حتدخلي معانا؟
قال لي طبعاً دة الوالد متذكراهو صح؟ كنت خايفه ومترددة، بس برضو م هاين علي اخليهو في وضع زي دة براه، واثقه تماماً انو متأزم م̷ِْن واقع انو وحيد دة بس م حيبين ابدا، ً
دخلت المحكمه، كان في ناس كتار، قعدت جمب احمد، فجأة عيني وقعت على واحدة رافعه يدها، عاينت ليها وعاينت للإتجاه التاني عيني وقعت على سامر،
بقيت اعاين ليه، وقفتو، إستقامتو، نظراتو للناس،
عاينت للبت البترفع ليهو في يدها وركزت فيها لقيتها يمن، بقيت اعاين للجمبها، كان في واحدة برضو
فجأة العسكري قال محكمه..
الناس وقفت،
القاضي والمعاه جو،
قعدنا،
بقو يتكلمو مع بعض، القاضي قال ليهم اتفضلو في زول عندو حاجه عايز يقدمها لينا؟
وقف واحد قال ليهو سيدي القاضي، القضيه محسومه، المتهم يقر بأنه قام بضرب المجني عليه مما تسبب في موته، ماذا نريد اكثر م̷ِْن ذلك؟ ولم الإطاله؟
القاضي قال ليهو دي حاجه بنحددها نحن، هسي نحن بنسأل هل في إضافات لأي منكم؟
قام واحد تاني قال ليهو ڼعمًْ سيدي،
القاضي قال ليهو اتفضل،
قال ليهو في البدايه اعرفكم بنفسي انا المحامي عبدالله...موكلي سامر... الخ
طبعاً بقيت اعاين ليه بدهشه وهو مديني ضهرو وبعاين لي أحمد
قلت ليه احمد دة خالك؟
هزز لي راسو، وقال لي بحكي ليك بعدين الحصل.
الراجل كمل كلامو ب...
لدي بعض الاسئله لأقارب المتوفي رحمه •اللّہ̣̥، ويستحب ان تكون الوالدة إذا لم يكون هناك مانعاً
القاضي قال ليهو اتفضل
المحامي التاني قال ليهو اعترض على اي استجواب هكذا سيدي
الراجل قال ليهو بعض الاسئله وليس إستجواب،
القاضي قال فالتتفضل المدعوة إلى المنصه،
قامت المرة ومشت العسكري ساعدها دخلت المنصه وقفت وربعت يديها
المحامي قال ليها الإسم؟
قالت ليهو انت دعيتني وم عارف اسمي؟
في ناس ضحكت القاضي قال ليهو هدؤ وضرب المطرقه حقتو
المحامي قال ليها اياً كان اسمك، حندعوك والدة المتوفي
قالت ليهو والدة المقتول قدراً
قال ليها المقتول قدراً دي بتتقال لما زول يتعمد يقتلك، م لما زول متهم اتهام فقط، وعندنا في القانون كل متهم بريء حتى تثبت إدانته،
قالت ليهو قتلو، الدنيا كلها شاهدة على ككدة تاني شنو؟
قال ليها احكي لينا الحصل اليَوُمًًِ داك طيب
المحامي بتاعها قام قال ليهو اعترض سيدي، الزميل يراوغ وبكسر في الدقايق
قال ليهو سيدي القاضي م̷ِْن حقنا نسمع بتفاصيل الحاصل م̷ِْن والدة المجني عليه يوم الحادثه، هي قالت الدنيا كلها شاهدة انو الزول دة اتضارب مع ولدها، عايزين نسمع منها هي
قالت ليهو م عِن.̷̷̸̷̐ديّ مشڱلهِ انا، جدا، ً
الحاصل انو سمعنا اصوات بره وطلعنا و...الخ
قال ليها دة كل الحصل؟
قالت ليهو ڼعمًْ
قال ليها ولدك في سكرتو الكان سكرانها ديك م اعتدى عليك بالضرب انتِ وبتك والمتهم دافع عنكم؟
وليه م ذكرتي انو كان سكران رغم انو الدنيا كلها كانت شاهدة على انو كان سكران؟
تقدري تجزمي انو ولدك بعد الشكله دخل نام طوالي وم طلع منها الا لقيتيهو ميت الصباح؟
المحامي بتاعها قال ليهو انت كنت معاهم؟
اتلفت عليهو وقال ليهو ليه م ذكرت انت وموكلتك انو ولدها بعد الشكله دي م قعد في البيت وطلع وهو سايق وسكران؟هل كانت على عدم معرفه بذلك؟
منو البراوغ وبضلل في القانون الان دون تنصيب الحقائق بجملتها؟
اتجه على القاضي وقال ليهو سيدي، المتوفي بعد المشكله دي طلع م̷ِْن بيتو وهو سكران، في كشك في راس شارع بيت المتوفي مباشرة، الزول دة مشى وإشترى منو سجاير، وبعدين ركب عربيتو بي سكرتو دي زيو زي اي زول واتحرك مشى،
تقرير الطبيب الشرعي بقول انو الزول دة اتوفى اثر نزيف داخلي، بس نزيف داخلي م̷ِْن الضرب بتاع المشكله الحصلت؟ ولا نزيف داخلي عشان هو لف بعربيتو دي وبسكرتو دي ضرب ما ضرب وجا راجع ميت؟ولا نزيف داخلي عشان هو اتشاكل مع ناس تانين خصوصاً الرجل مشهور بالعنف مع الجميع والمحيطين به يشهدون بذلك
سيدي، انا عندي شاهد بيؤكد خروج المتوفي م̷ِْن منزله وهو سكِر، وشاهد بيؤكد رجوع المتوفي بنفس الهيئه الساعه 5 صباحا، ً
الشاهد التاني هو جار للمتوفي و بائع سندوتشات لأطفال المدارس، عندو صاج زلابيه و طعميه قدام بيتو والزول دة جا لقاهو صلى الصبح وبدأ يولع في نارو ي دوب ونزل اتكلم معاه وقال ليهو بالحرف الواحد انا جعان، الراجل قال ليهو لسسه شويه كدة بتطلع الزلابيه، على كدة مشى خلاهو، يعني الزول دة طلع م̷ِْن بالليل وم رجع الا الساعه 5 صباحا، ورجعً على قيد الحياة بدون اي اثار جانبيه، يستحيل امو تكون م عارفه تفاصيل زي دي، يستحيل م تكون على علم انو ولدها م كان موجود في البيت طيله الليل، يستحيل م تكون سمعت بدخولو للمنزل الساعه 5 صباحاً
سيدي انا بطالب المحكمه بإصدار أمر حضور للشاهدين، وبطالب بنبش وإعادة تشريح جثه المتوفي، ليس تشكيكاً في تقرير الطبيب الشرعي ولكن لنقطع الشك باليقين، وأطالب بالإفراج عن موكلي لعدم وجود الأدله الكافيه ضده ...