الفصل السابع

بسم الله الرحمن الرحيم

قبل نبدأ في قراءة الرواية حابة اقول انه الرواية دي قيد الكتابة .. يعني ان شاء الله اول ما الكاتبة تنزل بارت انا بانزل ..

قراءة ممتعة

يااااا شهد عمرو البني أدم م بقيموه بي وضعو لأنو دي حاجات ثانويه التركيز عليها م مفروض يكون محوري، بس انا اتفاجأت شويه م̷ِْن كلامك وكدة فهمتيني؟

قلت ليه ايوة فاهماك بس انا مما رجعت وبفكر في كلامك، صح انا م شفت الدار بس فكرة انو ترجعو بعد تعلقو بيك دة كلو حتعلم عليه العمر كلهه قادرهه احس بإحساسو عشان كدة اقترحت عليك الإقتراح دة م عارفه إذا انا صح او لٱ بس دة الطلع معي في الاخير هو طفل م ليهو ذنب يتملطش الملطشهه دي كلها

قال لي فعلاً معاك حق وم قصرتي ي شهد والله سعيك مشكور

قلت ليه العفووو المهم انت فكر في الموضوع واديني خبر تمام؟

قال لي ابشري م عندك اي مشكله،

قفلت منو وانا م عارفه هل العملتو دة صح ولا غلط، يعني انا عارفه وضعنا ي دوب مكفينا، وعارفه انو نحن م حمل مسؤوليه زيادة ولا وضع ابوي بسمح بس دة الحسيت انو صح واتصرفت بإندفاعيه احسن م قلبي يوجعني، حسيت اني حاولت اعمل حاجه علشان اريح ضميري وبس

❖

اتفاجأت شديد بمكالمه شهد وإقتراحها لي الما كان متوقع ابدا، اناً في وضع محتاج اني اخت كل الحلول القدامي وادرسها لأنو زين محتاج رعايه خاصه الناس الهو معاهم ديل م في وضع بسمح ليهم بي كدة م̷ِْن كل النواحي، وفي الفترة الاخيرة دي وضعو الصحي متدهور وماف زول بخلي بالو منو بالطريقه الهو محتاج ليها، وانا م كل الوقت متوفر معظم الوقت ماسك شغل، وم بقدر اكون مطمن ومأمن عليه عند اي زول لانو زين وانا بعرفو عنفواني وعصبي شديد وم بتأقلم على اي وضع، ساعي وعايز اقدم ليه حياة طبيعيه ممكن يعيشها زيو زي اي طفل بس حاسي انو الظروف كلها ضدي وبتعاندني

❖

ابوي مشيت وين اتأخرت كدة؟ودي شنو الورقه الشايلها في يدك دي

قال لي مشيت مع ولد اسماعيل مكتب المحامي عملنا العقد ودفعت ليه القروش وكملت كل الإجراءات وجيت راجع، عشان كل شي يكون قانوني وعلى نور مش دة كان رايك ي المبروكه

مشيت مع صخر؟ ودفعت القروش؟ ابوي دفعت القروش م̷ِْن وين؟

كيف دفعتها م̷ِْن وين؟ ي بتي انتِ ناسيه انو ابوك دة ضراعو اخدر؟

قلت ليه عارفه ي ابوي عارفه والله ضراعك اخضر وبتشيل بلد بحالو بس برضو فهمني؟ وليه م كلمتني

قال لي القروش طلعت م̷ِْن شغلنا دة ي بتي انتِ قال ليك ال 10000 الف دي بقت قروش، اي كلام سااااي، م گلّمّتگُ قلت النعملها ليك مفاجأة لَگِنْ النقة والاسئله الكتيرة والتحقيقات تخليها لمنووووو انتِ؟

ضحكت ومشيت بوستو في راسو وقلت ليهو م انت عشان لْۆ م عملو ليك كدة م بتقول اسوي ليك شنووووو؟

قال لي هاك امسكي دة المفتاح تمشي مع امك تنضفو عشان بعد 3 يوم كدة الزول دة جاي

قلت ليه طيب حاضر

شلت المفتاح ودخلت الغرفه فتحت الواتس رسلت لي صخر وكتبت ليهه شكرا •اللّہ̣̥ يسعدك ي رب

العصر انا وامي شلنا المفتاح ومشينا فتحنا البيت، كان حلو شديد ومتداخل، غرفتين وهو ومطبخ مركب كمان وحمام وفي صالون مع المدخب تشطيب جديد مشطبنو ليه بصورة خرافيه، م اعتقد انو صخر كان في نيتو يأجر بس هو حب يساعدنا لانو لْۆ حيأجر اقل شي حياخد فيها 35 م̷ِْن حيث الشكل والموقع

امي كانت مهجومة م̷ِْن شكل البيت كل م تدخل مكان تقول لي وبعلي ي شهد تعالي شوفي هنا عاااااد عامل بيت ان شاءالله بيتك انتِ ومهند بركه •اللّہ̣̥، شوفي جنس الحال دة، هسي دة بدينا ليهو ب 10 لْۆ م ولد هدي ورضي؟شوفي عليك •اللّہ̣̥ ي شهد البيت دة وسماحتو تعالي شوفي المطبخ عامل كيف ي شهد عاااااد تبارك الرحمن، هو اظنو عملو شان يعرس فيهو لَگِنْ لسه عليهو شويه، انا سمعت كدة غايتو،

قلت ليها اي يمكن

قالت لي هسي ي شهد نحن م عندنا الشي البنفرشو في البيت دة كلو

قلت.ليها •اللّہ̣̥ كريم ي امي بالعندنا دة بس.

بدينا ننضف م خلينا ركن في البيت، وغسلناه ومسحنا، حتى طلعنا يوم الخميس المساء بدينا ننقل في عفشنا ورحلنا بالمرة، م غمضت لي عين الا وانا مرتبه البيت كلو للصباح م كان عندنا حاجه كتيرة، عند سريرين كدة فرشناهم في الهول معاهم دولاب عدة والترابيز

وسريرين في غرفه امي وابوي ومعاهم الدولاب وسريرين في غرفتي، صباح الجمعه امي وابوي مشو السوق، وانا في البيت براي بكمل باقي ترتيب، فجأة جاني صوت جرس بضرب، م كنت عارفه انو الباب فيهو جرس، بعد مساااافه حتى تأكدت انو الجرس دة في بيتنا،

مشيت فتحت الباب..

خالتو شاديه، اهلين كيفك

"خالتو شاديه ام صخر"

كانت متأفإفه ورافعه راسها ومكشرة وشها،

قالت لي السلام عليكم و

دخلت طوالي وبقت تتلفت يمين وشمال

استغربت طبعاً بس قلت عادي وبعدها قلت ليها اتفضلي،

قالت لي اصلاً متفضله بيت ولدي بتعزموني اتفضل فيهو ههههههه

قالت كلامها دة وضحكت

سكتت، دخلت على طول البيت جوة وبقت تتلفت في الهول، دخلت غرفه امي وابوي وطلعت جات دخلت غرفتي وطلعت مشت المطبخ لقت ماسورة حوض الغسيل فاتحه عشان انا كنت بغسل،

قالت لي الماسورة دي فاتحه لشنووو اهااااا م̷ِْن هسي بديتو الخراب؟

قلت ليها كنت بغسل في العدة لما دقيتي الباب عشان كدة

قالت لي سمح م تقفليها وتفتحي الباب تخليها فاتحه لشنو؟ ولا دي امور اللاقي جديد؟

قلت لنفسي ي شهد استغفري عشان عين بتكرم الف عين، عشان خاطر صخر وعمو اسماعيل اتجاوزيها اصلاً دة المتوقع

قالت لي البيت دة والله صخر بناهو بدم قلبو وتعب وشقى فيهو وأسسو التأسيس دة ونيه ايجار زاتو م كانت عندو، ياما جوهو ناس وحنسناهو يأجرو رفض الإيجار قال بيتو دة عايزو كدة بس، م عارفاكم سويتو ليهو شنو اقنعتوه بيهو

قلت ليها ي خالتو شاديه نحن م اقنعناه هو إقترح علينا الموضوع دة

قالت لي حب يكسب فيكم ثواب، لَگِنْ برضو م قدر دة، يعني انتو كان صحي محتاجين كان تشوفو ليكم حاجه على قدركم والزول بتمطى على قدر لحافو ووضعو، م يكتل حيلو و يحمل الناس مسؤليه هم م حقتهم، كان على المرض دة الدنيا كلها مرضانه والمستشفيات ملانه لحلقها م سمعنا لينا زول قال سكنوني عشان انا عيان ولا سمعنا لينا بزول ببقى قواد لبتو يلزها في الناس عشان تتمم ليهو امورو، سامعه وشايفه انا لاكن ساكته شي يوم صخر يوصلكم المستشفى، وشي يوم نازله م̷ِْن عربيتو لكن ي بتي اهدي وروقي م للدرجه دي انتِ واهلك اخجلو شويه عملتوها واضحه وبزيادة، م لدرجه تسكنو في بيت الولد بعين قويهه كمان، انتِ كان دة شغلك اشتغليهو بعيد م̷ِْن اولاد الحله خلي يكون عندك حبه خجل شويه، ابوك يكون عندو كلى ولا يموت عديل نحن مالنا؟

في اللحظه دي لْۆ م نعلت الشيطان كنت حأمد يدي عليها

خليتها واقفه ودخلت الغرفه فتحت شنطتي طلعت منها عقد الإيجار وجيتها راجعه قلت ليها ي استاذة ي مربيه الاجيال ي محترمه شايفه الورقه دي؟ دة عقد الإيجار الابوي كاتبو مع ولدك بواسطه محامي شرعي، م عِن.̷̷̸̷̐ديّ كلام اقولو لبقيه گلآمَگ غير حسبي الله ونعم الوكيل، انتِ زوله كبيرة في العمر دة وقلتي فيني الكلام دة اللّہ لْۆ بسامحك على بهتانك لي دة، انا وقتها حأسامحك.

قالت لي هو الله انتو بتعرفوهو؟ كاتلين حيلكم وانتو مجارمة وحراميه، كان اخوك اكبر حرامي وسكاري وكان انتِ ياكي لافه سااااي وسمعتك فايحه في الحله راكبه في عربيه ونازله م̷ِْن عربيه عامله روحك بتقري، قرايه شنو انتِ شبه القرايه؟ وهسي انا جايه اقول ليك ولدي اختي دربو، هو انا صحبه لي اخوك م خليتو يصاحبو اخليه ليك انتِ؟

لٱ م̷ِْن توبو، ولا م̷ِْن شكلو ولا م̷ِْن جنسو ولا م̷ِْن مستواي نحن وين وانتو وين هسي في زمتك بخلقتك دي ولدي كان قال ليك بعاين ليك بترضي؟

واسمعيها مني اولاد الزمن ديل كلهم بلعبو سااااي واللعب دة حق الرجال واظنك فاهمة قصدي، يعني لْۆ في يوم ولدي دة وصلك وجاك بالباب عديل الا تكوني عامله ليهو مصيبه او يكون هو رمة ساااااي والحمدلله انا حره وبطني م بتشيل رمم، فضلت سااااكتهه وانا بسمع في كلامها لغاااايه اخر جمله قالتها " عمركم دة كلو عايشين في حق الناس هسي جايبه لي ورقه وبتقولي لي دة عقد إيجار نظام خلاص بقيتو ناس الإيجار م ببقيكم ناس مع الناس وينو حالكم ووين وضعكم البتأجرو ليهو بيت زي دة؟ مش ياها سرايركم دي دي ولا غيرهماي كرور و مقطعين " وبعدها طلعت مشت

كلامها كلوووو كان بتردد في مسامعي حرف ورا التاني، حسيت نفسي م شايفه اي حاجه م̷ِْن الغضب والزعل، قدر م •اللّہ̣̥ اداني قدرة بكيت واتوجعت م̷ِْن كلامها، اسوأ واوقح واقذر كلام اتقال لي م̷ِْن وعيت على وش الدنيا دي، ضرب اللسان دة ماف اوجع منو، الحاجه الوحيدة الحمدتهه ربنا عليها انو ابوي وامي كانو مافي وم سمعو كل الإتقال دة، ابوي بالذات م كان حيستحمل وكان ممكن يرتكب فيها جريمه عديل، امي كان معاها حق لما رفضت إيجار البيت دة بس انا كنت مجبورة مافي حل غير كدة، انا بقدر استحمل كلامها القالتو دة كلو واتجاوزو طالما امي وابوي م سمعوه معناها كل شي بخير لأنو م عارفه احساسهم كان حيكون شنو لْۆ سمعو الكلام دة...

كملت نضافهه وانا ببكي، قدر م •اللّہ̣̥ اداني قدرة بكيت، تلفوني رن م رديت عليهو،

رجع رن مرة واتنين وتلاته، شلتو لقيت دة صخر، كان متصل مكالمات كتيرة قلقتني، قلت معقوله امو مشت كذبت عليه وقالت ليه حاجات م حصلت؟

رديت عليه بصوت متردد، الو، الو؟

قال لي سلام عليكم شهد صباح الخير

قلت ليه صباح النور كيفك

قال لي الحمدلله، كيف مع الرحول وتعبو ان شاءالله خلصتو

اخدتهه نفس مسافهه واتنهدت حتى قلت ليه الحمدلله والله ايوة خلصنا

قال لي الحمدلله محتاجين اي حاجه؟

قلت ليه لٱ والله ابداً

قال لي شايف الحاجه طلعت منكم، شهد امي دي لْۆ ضايقتكم بي اقل حاجه عليك الله عايني ليّ انا وابوي وم تشتغلو بيها تمام؟

سكتت مسااافه حتى قلت ليهو ايوة صح كانت هنا قبل شويه، وم ضايقتنا ولا شي والله ابداً

قال لي تمام، عموماً قلت اشوفكم اذا محتاجين حاجه وكدة ي شهد بالله عليك م تترددي وتطلبي

والله ي صخر سلامتك بس تسلم يااااخي م بتقصر والله وشكراً بالجد على وقفتك معانا

العفوووو ي شهد ياخ معقوله، تاني لْۆ قلتِ شكراً دي حزعل منك خلي بالك تمام؟لانو اسي انا زعلان م̷ِْن عمي جداً في موضوع مكتب المحامي والعقد والموال العملو وم كان ليه داعي دة

قلت ليه ابوي اصلاً كدة م بكون قصدو يزعلك والله

قال لي •اللّہ̣̥ يديه العافيه ويعقل مهند عندو ابو يتوزن بالدهب

قلت ليه فعلاً والله، امييين

بعد مكالمه صخر حسيت اني اموت بكلام امو لي بيني وبين نفسي وم اجيب سيرتو لزول، علشان لْۆ حكيت لي امي او ابوي م حيقعدو في البيت ده ثانيه وحنتمرمط، وصخر اكيد حيعرف وم معروف الموقف الحياخدو م̷ِْن امو شنو

...بعد مرور اسبوع...

وانا في القاعه ماسكه تلفوني وسرحانه فجأة حسيت بقرصه حااااره رفعت راسي لقيتها فجر،

قالت لي مالك ها مالك؟

قلت ليها مالي؟

قالت لي انا بسألك، م طبيعيه ي شهد، ليك كم يوم حاسه بيك،

قلت ليها فجر ماف شي والله

قالت لي متشاكله مع صخر؟

قلت ليها ي بت صخر شنوووو ها، واتشاكل معاه لشنووووو؟م صخر ولا شي،

قالت لي اها شنوووو؟

قلت ليها سامر م̷ِْن يومها تاني م اتصل علي ولا قال لي صرفاً ولا عدلا، حتىً م رجع لي في موضوع انو ادرسهم ولا لأ،

قالت لي يمكن ي شهد مٍشغوٍلًً شويه بموضوع ولدو وانتِ براك عارفه، واقتراحك ليه حلو بس ي شهد كمان دي حاجه م سهله واي زول ممكن يوافق بيها، يعني المشكله م فْيَگ او فيكم، بس الموضوع صعب في حد زاته دي مسؤليه الولد دة لْۆ اتخدش خدشه هو ممكن يتحاسب عليه ي شهد

قلت ليها طيب، بس انا هسي محتاجه لشغل لانو شكلو كسر حنك تدريسي ليهو ولزين

قالت لي ارجعي اتكلمي معاهو واسأليه

قلت ليها هو م رجع لي وسأل انا ارجع ليه؟

قالت لي ي بت مالك محسساني انو حبيبك

قلت ليها عايني

قالت لي شنو؟

جمانهه مالها بترجف كدة وبتتكلم بالتلفون، شكلها بتبكي،

دقيقه، قمت م̷ِْن محلي ومشيت عليها بسرعه، اول م وصلتها كانت بتقول: احمد اتكلم بابا كويس ولا لأ؟

احمد رد علي بتكلم معاك في شنووو ليييهه بتقول لي اركبي تعالي البيت بابا حصل ليهو شي؟قالت بصوت عالي وصارخ احمد رد علي صوتك مالو بابا م مات صاح، م مات ي احمد؟

رمت التلفون وشنطتها وحاجاتها وبقت تقول بطريقهه هستيريه بابا حبيبي، هسي انا طلعت منو، هسي هو قال لي قومي امشي الجامعه، مسكتها،

قالت لي هسسي شربت معاه الشاي، هسي، بقت تصرخ وبعدها دخلت في حاله إغماء، وبعد صحت دخلت في حاله بكتنا كلها، شلناها واتواصلنا ما اهلها وصلناها البيت

شكل بيت العزاء الباهت، البكى الفي كل زاويه، حاله الناس الهستيريه، صفات الميت الكل واحده م̷ِْن النسوان الكبار واقعه في ركن وبتردد فيها، بكى الرجال زي الأطفال، احساس الواحد دمعتو في طرف عينو بس بمسكها لما يشوف اختو وحالتها ويجي يحضنها ويهديها و لحظه طلوع واحد م̷ِْن غرفه الحمام ويقول لي تعالو شيلو منو العفو وادعو ليهو واقرو في راسو عشان طالعين، واخيراً لحظه طلوع الجنازة المميت...

الموت بكل تفاصيلو موجع شديد ومخيف، عشنا مع جمانه كل التفاصيل دي، واضح قدر شنو وجع الفقد بتاع الأبو دة زي قبضه الجمرة في اليد، يمكن صح 99%ماف زول حيحس بالاحساس دة الا زول عاشو، بس انا تقريباً ال 1% العشت الاحساس دة وابوي عايش، انا كل يوم بتخيل حياتي لْۆ جا يوم وفقدته فِيَه ابوي، كل يوم بنعل الشيطان وبقول ي شهد البموت اليَوُمًًِ م المرض، عندي استعداد اعمل اي شي بس ابوي حبيبي دة يكون قدامي كدة بصحتو وعافيتو،

رجعت البيت منهاره، اول م فتح الباب وشاف شكلي بوشي المورم وعيوني الماف سألني مالي اتفقعت ليه بكى ودخلت وقعدته احكي ليه، قال لي الموت علينا حق ها العويرة دي وبعدينا ماف زول بموت ناقص عمر والبقتل اليَوُمًًِ م المرض ي بتي، حضنتو وقلت ليه ان شاءالله يومي قبل يومك ي ابوي، م عايزة اعيش احساس زي دة انا ابداً ي ابوي

ضحك وقال لي كدة فرشي لي سريري دة برة وخلي البتسوي فيهو دة يلا ...

بالليل اتصلت على جمانه كم مكالمة م ردت، اتصلت على فجر، قلت ليها قلقانه عليها شديد، قالت لي وانا كمان والله ي شهد حالتها هي واخوانها اليَوُمًًِ وجعت قلبي شديد،

قلت ليها بكرة نمشي ليها

بعد يومين مرور يومين ونحن في محاضرة فجأة جاتني مكالمه م̷ِْن فجر،

رفعت راسي اتلفت لقيتها وراي، استغربت، فصلت تاني رجعت اتصلت،

ورسلت لي Sms وقالت لي افتحي الشبكه،

فتحت الشبكه قالت لي ارح نطلع

قلت ليها وين؟

قالت لي اتبعيني بس اصلاً الاستاذ معاط وماف اتيندس، اطلعي اتبعيني

فجأة طلعت، وهي بتتصل علي

بعد 5 دقايق طلعت وراها،

قالت لي ارح عندي مشوار ضروري،

قلت ليها مشوار؟مشوار شنووو

قالت لي زول جايب لي قروش مرسلنهم لي وقال لي لْۆ م جيتي استلمتيهم مني م حأتلقيني تاني لانو مسافر،

قلت ليها طيب كان نخلص المحاضرة،

قالت لي شهد بقول ليك قال مسافر اليَوُمًِ، ً

قلت ليها طيب، حتلاقيه وين؟

قالت لي ارح بس انتِ م بعيد،

طلعنا مشينا، لما وصلنا كان مطعم،

قلت ليها م يلاقيك في اي مكان او يجيك في الجامعه،

قالت لي انا بعرفو ي شهد م̷ِْن اهلي وقال لي بالمرة عازمك وانا م طايقاه وم حبيت اللقاه براي ارفض واحرجو؟

قلت ليها لا

قالت لي قشطه بس، اول م وصلنا قالت لي عايني دة هو المتصل، ردت قالت ليهو اي انا وصلت، الطابق الفوق؟ټمٱم طيب جايه عليك،

قالت لي قال فوق ارح، طلعنا، قالت لي حأدخل الاستراحه اظبط نفسي، لْۆ اتصل ي شهد ردي عليه ولاقيه لما اطلع انا،

قلت ليها انا؟

قالت لي يلا ي شهد عليك الله بطلي هبل،

دخلت وم طلعت بعد دقيقتين تلفونها اتصل قلت ليها اتصل، قالت لي ردي بسرعه،

رديت قلت الووو؟

قال لي اي انتِ وين معليش لأنو الزمن زي م قلت ليك

قلت ليهو انا انا في الطابق التاني جايه عليك

قال لي طيب اول م تدخلي على يدك اليمين بتلقيني

قلت ليه تمام،

جات طالعه قالت لي رديتي عليه؟

قلت ليها ايوة قال هو مع المدخل على يدي اليمين

قالت لي ټمٱم ارح، وصلنا شفنا زول قاعد ومدينا ضهرو، اتصلت رفع التلفون قبل م يرد قالت لي ياهو، مشينا عليه اول م وقفنا رجعت خطوتين لي ورا وبقينا في حلقه نظرات استفهامات،

سامر؟

فجر قالت ليهو بحماس كيفك؟

رد عليها بإستغراب تمام الحمدلله وانتو؟

مد لي يدو قال لي ي استاذة

اخخخخ استاذة البقولها لي دي مستفزة

قلت ليه أهلين وعليكم السلام

علامات المفاجأة والاستغراب كانت باينه في وشو

قال لينا اتفضلو،

اول م قعدنا، قال لينا تشربو شنو؟

فجر قالت ليهو اناااا عِن.̷̷̸̷̐ديّ طلعه قريبه هنا عِن.̷̷̸̷̐ديّ حاجه م̷ِْن زول عايز استلمها م ينفع اتأخر جيت مع الزوله دي بس عموماً اخدو راحتكم انا حامشي واجي

قال ليها ي زوله م ممكن لآزٍمٍ تشربي حاجه

قالت ليهو اعفيني والله مستعجله

طبعاً انا فاتحه خشمي وبعاين ليها، فجر؟

قمت على حيلي معاها حضنتني وقالت لي افتحي الواتسب ضروري هسي وم تبدي اي ردة فعل او استغراب، او تبيني انك م فاهمة حاجه، الكلام الفي الواتس دة مهم شديد تقريهو سريع، اتصرفي بصورة طبيعيه فهمتي؟

بعدها قالت لي بيناتنا مكالمات حبيبي،

يلا عن اذنك، قال ليها اتفضلي،

اتحركت م̷ِْن جمبي طلعت تلفوني فتحت الواتسب لقيتها مرسله لي اسكرين محتواه

"مطلوب بيبي سيتر لرعايه طفل عمره 5 سنه ونص "بدوام كلي حنوفر ليها وكل المتطلبات اللازمه مع الحوافز، وعندها فرصه اجازة جمعه وسبت، اهم شي تكون مؤهله للوظيفه دي والمرتب م مشڱلهِ بالمبلغ الهي عايزاه

وتحت كاتبه لي شهد م كان في طريقه غير دي اجيبك بيها لأني عارفاك م حتوافقي، لقيت الاعلان دة سامر منزلو في الاستوري وبما انك قِلبُكًً كان على زين ف انتِ مناسبه للوظيفه دي، منها تخلي بالك منو ومنها تكوني طلعتي مصاريف، المهم جربي وم حتخسري، وم تبدي اي ردة فعل تبين انو انتِ م عارفه، رفعت راسي لقيتو بعاين لي اول م شافني بقى يعاين في تلفونو،

بعدها قال لي بصورة مستفزة كان ممكن تقدمي للوظيفه بصورة مباشرة،

بصورة مباشرة؟يعني هو فاكرني بلف وبدور؟

قلت ليه معليش بس بصورة مباشرة اكتر م̷ِْن كدة؟ولا قصدك شنووو

قال لي شهد انا عارف انو انتِ بتقري، واكيد اغلب حتكوني مشغوله مع الجامعه والقرايه، والوظيفه دي شرطها الاساسي واحدة متفرغه خالص

قلت ليه انا لْۆ م قدر الموضوع دة م كنت اقترحتو عليك،

قال لي انا عارف انو انتِ هاميك امرو بس صدقيني الحاجه دي صعبه، صعب تقدري توفقي بين الشغل دة بالذات وبين قرايتك انتِ قادرة تفهميني؟

هو كان متعصب في شكل بارد، ومتمالك اعصابو

قلت ليه معاك في انو صعبه بس اقدر اوفق ولا لأ دي حاجه بترجع لي انا

قال لي بإفتراض انو وافقته حتوفقي بين الحاجتين دي كيف؟ اضافه لي انو اهلك م ..

قاطعتو وقلت ليه اشرح ليك ..

اولاً الحته بتاعه اهلي دي مفروغ م̷ِْن امرها لأنو انا م حأمشي اقعد مع زين، زين هو الحيشيل حاجاتو وحيجي يقعد معي

الحته بتاعه الجامعه، انا قادرة اوفق بين الحاجتين ديل، حسب گلآمَگ معي المرة الفاتت انو روضه زين م̷ِْن 8 ص للساعه 2 ظهر

انا بطلع الجامعه 9 ص، يعني بعد زين بساعه حأكون جهزتو تجهيز كامل للروضه،

برجع الساعه 2، امي وابوي موجودين حيستلموه م̷ِْن الترحيل واصلاً شي خاص بيه حيكون جاهز لغايه م انا اجي واكمل باقي يومي معاه

بقى ساكت وبعاين لي وهو بمشي صوابعو في جبهتو

قلت ليه بس اذا انت م عندك ثقه او شايف اني م مؤهله it's Ok،

قال لي انا واثق انو م حألقى احسن منك بس ..

بقيت اعاين ليه وهو ساكت

قال لي موال انو يكون معاكم في البيت دي صعبه شويه لانو زين م..

قلت ليه م حيتأقلم على وضع بيتنا قصدك

قال لي مُصرة تجيبي النقطه دي رغم اني وضحتها ليك المرة المضت

قلت ليه طيب شنووو؟

فضل ساكت وانا بهز في رجلي وبلعب في صوابعي

قال طيب تمام، بس اهلك على علم بالحاجه دي

قلت ليه بالجد؟

قال م عايز اقول ليك اجرب واشوف لأنو دة زين م حقل تجارب، بس انا قدامي واحدة مٌصرة على حاجه وشايفه انها بتستحق ف تمام ي ستي انا موافق، حرجع اسألك اهلك على علم بالموضوع دة وموافقين بدون ضغوطات

قلت ليه ايوة

قال لي طيب والمرتب؟حساباتك ليه كم؟

سكتت مسافه حتى قلت ليه شوف المناسب انَت

قال لي كم يعني المناسب؟

قلت ليه دي اول مرة اشتغل الشغل دة ف م عارفه كم بالجد ف شنو انَت اسأل وشوف وانا م عِن.̷̷̸̷̐ديّ مشكله

قال لي لْۆ قلت لي انتِ احسن، م عايز اظلمك

قلت ليه لا م حتظلمني وحتى لْۆ ظلمتني عافيه ليك، فجأة جاتو مكالمه رد وقال:

لٱ م ماسورة ياخ، سَآعهْْ كدة بكون معاكم، ابشر م بتأخر

قال لي طيب ټمٱم نتفق، متين اجيبو ليكم والترتيبات والمواضيع دي،

قلت ليه الاسبوع الجاي ممكن؟

قال لي الليله الاربع، الاحد مناسب؟

قلت ليه طيب ايوة مناسب

قال لي طيب نطلع عشان الزمن اوصلك وبعدها..

قلت ليه لٱ م توصلني لأنو فجر حتجي و..

قال لي طيب تمام طالما حتنتظريها انا طالع، بيناتنا مكالمات تمام؟

قلت ليه ماشي،

طبعاً رد علي قبل م اكمل كلامي، عدم الزوق ↗

طلع مشى اتصلت على فجر، قالت لي قريبه ليك، جات وهي بتضحك وانا في اشد لحظات غضبي وغيظي منها، قلت ليها احون حيوانه لاقتني في الدنيا،

قالت لي صحبتي الاسترونق اندبند وووومن جداً شاطرة وانتِ بتسمعي الكلام، احكي لي الحصل وقال ليك شنووو وافق ولا رفض؟اتفقتو؟ اصدميني...الخ

في بيتنا..

ي ابوي،

اي ي المبروكه

اممممممممم عايزة اتكلم معاكم في موضوع

امي قالت لي مالك خير ان شاءالله؟

قلت ليها خير ي امي مالك بتعايني لي كدة؟

ضحكت قالت لي كيف

قلت ليها م عارفه كدة عين تخويف تخويف

قالت لي اها قولي سمح خليتك

قلت ليهم انا لقيت شغل بتاع وظيفه بيبي سيتر

ابوي قال لي شغل مافي اقفلي الموضوع

قلت ليه طيب ي ابوي افهم الآۆلْ، عارفه ردك حيكون كدة بس الشغل ظريف وحتى م بحتاح اني اطلع م̷ِْن البيت او امشي مكان، بس انت اسمعني لْۆ م اقتنعت م توافق

امي قالت لي دي شغله شنو الما بتطلعي ليها م̷ِْن البيت ي بت؟ اجي يخواني

قلت ليها ي امي الشغل بتاع بيبي سيتر

امي قالت لي هو شنوووو؟ وابوي لسه ساكت وبعاين لي

قلت ليهم بالعربي اسمها جليسه اطفال زي الحضانهه كدة، المفروض انا امشي للناس في بيتهم واهتم ليهم بالطفل واتحمل مسؤليتو وكدة

امي قالت لي خدامه يعني في ٱخر عمرك ي بت انتِ جنيتي؟ نحن مقرنك بقروش عشان تطلعي بشهاداتك عشان تشتغلي الشغله دي

قلت ليها ي امي اسمها جليسه اطفال، وبعدين مالو الشغل الانتي بتقولي عنو دة مش بعرق جبين الزول وم بشحد او بحوج نفسو لزول؟

المهم ي ابوي هسي حسب گلآمَييّ للناس انو هم حيجيبو لي في البيت هنا وحيخليه معي، وانا حأهتم بيهو،

وبعدين والله انا وافقت ي ابوي لانو قصتو محزنه، الشافع م عندو زول يمسكو او يهتم بيهو، الراجل متبنيهو و...الخ

حكيت ليهم القصه كلها لاني عارفه انها حتأثر عليهم بالذات ابوي

امي قالت لي سمح ي بتي هو لْۆ م حمل المسؤليه دي يرجعو مكان جابو وبس

قلت ليها يعني ي امي هسي لْۆ انتو بعد العمر دة لقيتو نفسكم م قادرين تتحملو مسؤليتو حترموني م̷ِْن مكان م جبتوني؟

ابوي بقى يعاين لي بهلع وامي بنفس النظرة

كملت گلآمَي ب "انا وافقت اشتغل الشغل دة علشان بالجد حاسه بالولد وعارفه قدر شنو فكرة رجوعو للدار صعبه، وبعدين الزول ي ابوي م غريب، نفس الزول الاختو ضربتك بعربيتها متذكرو صح؟ بس دة ياهو هو، وهسي هو منتظر ردي وانا ردي متوقف على كلامكم ي ابوي

ابوي قال لي والله ي بتي ختيتنا في موقف صعب خلاص، يعني الولد دة لْۆ حصلت ليهو اي حاجه مشكله ودي مسؤليه صعبه شديد، ونحن وقت انتِ في الجامعه بنقدر نمسكو لَگِنْ الخوف م̷ِْن انو تحصل ليه مصيبه زمان

قلت ليه ي ابوي م صعبه وان شاءالله ماف شي بحصل ليه ان شاءالله

امي قالت لي والله ي بتي غايتو م عارفه اقول ليك شنو لكن الخوف م̷ِْن كلام الناس الكتير

قلت ليها كلام ناس شنو ي امي شافع عمرو 6 سنين

قالت لي يعني كبير هو؟

بقيت اعاين ليها

ابوي قال لي خلاص كويس طالما انت شايفه كدة منها نكسب فِيَه ثواب المسكين دة

قلت ليهو بصوت مبحوح انا كمان قلت كدهه اتصلت على سامر قلت ليه اتصلت عليك عشان أأكد ليك انو اهلي موافقين وكدة،

قال لي طيب ي شهد عندي سؤال معليش، اخوك..

قاطعتو قلت ليه اخوي مسافر، م معانا في البيت،

سكت وقال لي طيب، في شويه ترتيبات كدة بعملها وبرجع ليك،

قلت ليه تمام

يوم الجمعه اتصل علي حوالي الساعه 5 مساء كدة،

قال لي في البيت؟

قلت ليه ايوة،

قال لي طيب ممكن اجي عليكم؟

قلت ليه طيب ممكن جدا، ً

بعد سَآعهْْ كدة اتصل علي، قال لي ي شهد انا في شارع البيت حقكم،

قلت لي نحن رحلنا م تدخل لي جوة، بيتنا ناصيه في نفس الشارع فاتح في الزلط قال لي طيب ماشي، شويه كدة رجع اتصل علي، قلت لي ابوي استقبلو،

طلع سلم عليه ودخلو البيت،

نحن في المطبخ بنجهز في العصير، امي قالت لي ي شهد الولد دة م يكون خاطفو م̷ِْن امو، او كدة يقوم يرمينا في مصيبه ساي، وإلا اهلو م اولى بيهو م̷ِْن دة كلو

قلت ليها امي عليك •اللّہ̣̥ امور المسلسلات الهنديه البتحضريها دي خليها

قالت لي ي بتي الزمن م مضمون وم تنسي اختو عملت شنو يعني م بعيد منو الضمان شنووو؟

قلت ليها انا ضامناه ي امي، انا ضامناه تمام؟

قالت لي خلاص م تفوري خلاص سكتت

شلت العصير وطلعت قدمتو ليهو وقعدنا وامي جات قعدت لقيناه مطلع لي ابوي اوراق، وبقول ليه دي كل الاوراق الثبوتيه والقانونيه للولد لْۆ عندك اي مشڱلهِ ي عمي تقدر تدقق فيها،

عاينت لي امي

ابوي قال ليه لالا مصدق ي ولدي م̷ِْن غير اوراق واي شي، الزول الكويس دة الحاجه بتظهر في وشو، شهد حكت لينا كل حاجه وانا كنت رافض والله ي ولدي م بكضب عليك لانو دي مسؤليه صعبه شديد لَگِنْ هي اصرت، لما عرفت انو الموضوع فِيَه جوانب تانيه وافقته لانو كمان دي حاجه انسانيه قبل م تكون مهنة

سامر قال ليهو وانا كمان قلت ليها نفس گلآمَگ دة ي عمي لَگِنْ هي اصرت على الموضوع ف قلت ليها ټمٱم وهي زوله ماشاءالله عليها بجد يعني م عشان قدامكم او قدامها لَگِنْ غنيه عن التعريف

ابوي قال ليهو يديك العافيه ي ولدي وانت كمان ونعم التربيه •اللّہ̣̥ يجزيك خير

بعد م طلع ابوي قال لي ولد مهذب خلاص والوقار في وشو سبحان •اللّہ̣̥ تحسيهو هميم كدة

قلت ليهو اي

السبت كان عِن.̷̷̸̷̐ديّ جامعه طلعت م̷ِْن الصباح م رجعت الا المغرب لما جيت راجعه لقيت البيت قايم وقاعد، وفي عربات مجدوعه برة ومرجيحه، دخلت وانا بتلفت قلت ليها امي في شنووو؟

قالت لي ابو الولد الجبتيهو رسل جماعه جايبين غرفه كامله فيها اي شي، سريرين، ودولاب 3 ضلف، وتسريحه، وجزامه للمكيف دة جابو ومعاه الناس ركبوه

فضينا ليهم غرفتك وسرايرك وديناهم الصالون ودخلو الحاجات الغرفه،

قلت ليها دقيقه هو قال لمنو او استئذن منو قبل يعمل كدة؟

قالت لي والله ي بتي علمي علمك انا زاتي جا ابوك وقال لي جاين جهزي الأوضه واستقبلتهم وزي م انتِ شايفه كدة،

دخلت الغرفه لقيت للديكور دة مركبنو فيها، ومركبين ليهو شاشه كبيرة برضو، الغرفه غرفه اطفال كلها لون واحد، بدون مبالغه للكولر بتاع المويه الصغير دة جايبو ليهو في الغرفه

أُستفزيت جداً لييهه هو عمل كدة؟

شلت التلفون اتصلت مكالمتين في التالت حتى رد وقال لي معليش كنت بعيد مساء الخير

قلت ليه انا في البدايه مش قلت ليك لْۆ م عاجبك وضعنا ممكن تلغي الموضوع م̷ِْن اساسو؟

قال ليّ نعم؟

قلت ليه معليش م تتغابى دي شنو الحركه الانت عاملها دي، نحن م قاعدين ننوم في الارض ولا بنشرب م̷ِْن البحر ولا بنخت ملابسنا في اكياس، يبقى الانت عملتو دة لزومو شنووو؟

نظام يعني بتصرفك دة عايز تورينا انو وضعنا م عاجبك او م بيليق بي ولدك؟

قال لي وانا م̷ِْن البدايه قلت ليك راحه زين عِن.̷̷̸̷̐ديّ فوق كل شي

قلت ليه وانت جبتو وشوفتو م مرتاح؟

قال لي شهد انتِ مسكتي الوظيفه دي حسب قوانينك الخاصه وانا احترمت الحاجه دي احتراماً ليك انتِ يعني م تتعاملي معي او تتكلمي معي بنبرة على اساس اننا قرايب او بنعرف بعض، الشغل شغل، طلبتي انو الولد يكون معاك في البيت بدل م انتِ تكوني معاه وافقت، م عندك اي خبرة ولا عندك اي علاقه بالوظيفه واصريتي برضو انك تمسكيه كمان وافقت، يبقى انتِ اشتغلي شغلك وخلي علي انا اهيئ الجو المفروض انتِ تشتغلي فِيَه شغلك، وفي كل الاحوال الغرفه دي غرفه زين يعني انا م جايبها عشان وضعكم م عاجبني وضعكم دة حاجه بتخصكم إذا انتِ عندك عقدة منو وفي اقل حاجه بتجيبو سيرتي دي م مشكلتي وم مفروض علي احلها، دي حاجه بترجع ليك انتِ، ي ريت ت

التعامل م بينا يكون حسب محيط الشغل بدون تمادي، عندك علي حق انا قصرت فيهو م̷ِْن حقك تراجعيني، وانا كذلك

العبرة خنقتني بس سكتت وحسيت نفسي قدر السمسمه لانو اتكلم معي بالنبرة دي،

قلت ليه تمام

قال لي يلا سلام

م عارفه انا سكت ليه ليه، هل هو كان عندو حق ولا لأ، في الاخير كلامو فِيَه شي م̷ِْن المنطق، يوم الاحد بعد المغرب، ابوي قال لي الولد دة اتصل قال لي وجايب معاه الولد،

قلت ليه تمام،

بالفعل جا م كان شايل زين كان منزل اكياس كميه قريب ربع سَآعهْْ هو بنزل في الحاجات وبدخل البيت،

الموقف المستفز رقم 2 والانا م بقدر اتكلم واعترض عليهو

شويه كدة جا داخل وشايل زين، وزين لافي يديهو الاتنين حوالين رقبتو،

ابوي قال ليهو ي بطل ازيك كيف الحال؟

سامر قال ليهو زين سلم على جدو،

زين لف يديهو حوالين سامر

سامر قال ليهو قلنا شنو نحن؟مش قلنا عيب م نسلم على الناس الكبار؟

يلا انزل سلم على جدو، نزلو مشى لي ابوي سلم عليهو لما عايز يشيلو اتفك منو وجرى لي ابوه

امي سلمت عليه، انا لما جيت قلت ليه زين حبيبي نسيتني؟ازيوو ي عسل، سلم علي عادي

سلمت على سامر

قال لي عرفتها، دي استاذه شهد، بقيت اعاين لي امي وابوي لانهم م عارفين،

فضلنا قاعدين وبنتكلم قريب الساعه حتى قال لينا انا استأذن، في اللحظه دي جات لحظه البكى والعباطه،

زين مسك في ابوه وحلف كان ينزل،

ابوه يمسكو يتكلم معاه لما خلاص نقول اقنعو يرجع يحضنو ويقول ليه م "تمسي، م تمسي تحليني"

تقريباً ابوه لابس فنيله بيضاء كلها بقت دموع،

زين قلنا شنو نحن اتفقنا على شنوووو؟

ابوه كان بحنس فِيَه بكل الرواقه الفي الدنيا احساس انو هو زاتو ملاوز وم عايز يخليه وكل م يبكي يشيلو يحضنو ويقيف بيه برة، ٱڅر مرة شالو طلع بيه الشارع، بعد نص سَآعهْْ حتى جابو راجع، البكى البكاهو الولد دة بكاني انا زاتي معاه، لحظِهّ م ابوي شالو م̷ِْن ابوه وهو ببكي قربت اقول لي ابوي خلي يسوقو معاه والله حرام دة ذنب عديل وابوه زاتو لمن وشو اتخطف وهو ماشي،

طلع م تم 5 دقايق اتصل علي قال لي سكت؟

قلت لٱ لسسه ببكي، تجي راجع تسوقو لأنو قلبو حيقيف م̷ِْن البكى،

قال لي انا م بعيد شويه كدة لْۆ م سكت بجي راجع بسوقو

قلت ليه ټمٱم،

قال لي بصوت مبحوح شهد عليك •اللّہ̣̥ م اوصيك عليهو خلي بالك منو

قلت ليه م تخاف ان شاءالله م بتجيهو عوجه

قفلت منو وقلت لي ابوي جيبو ي ابوي ارتاح شويه، شلتو وقلت ليه زين ارح نطلع الشارع، نمشي الدكان نجيب حلاوة وشيبس؟ارح طيب

قال لي عايز بابا، بابا،

فتحت الباب لقيت عربيه واقفه، هي نفسها عربيه سامر م اتحرك ولا مشى حتى رجعت قفلت الباب وبقيت حايمه بيه وهو ببكي لغااايه الساعه 11، الولد ببكي نام في يدي وهو بتنهد،

رقدتو في السرير وصورتو، رجعت اتصلت على سامر لقيت منو مكالمات كتيرة،

قلت ليه نام بعد كدة تقدر تتحرك م̷ِْن قدام بيتنا، حأرسل ليك صورتو وهو نايم،

قال لي الحمدلله طيب، شهد م تخليه كاشف، م بحب ينوم في البرودة ممكن تخلي المكيف في الوسط، وبحب يتقلب يعني ممكن يقع لْۆ م راقبتيه م بحب الغطى بس غطيه، وبصحى بالليل عشان يشرب مويه، ممكن يصحى بالليل يبكي بإفتراض انو المكان جديد عليهو وكدة

قلت ليه ټمٱم، صوتو وهو بتكلم كان محزن شديد احساس ملهوف وقلبو في يدو،

قال لي في بف باف للباعوض انا جبتو معي شوفيه لْۆ في باعوض او كدة

قلت ليه طيب

قال لي طيب تصبحو على خير ولو في اي شي اتصلي علي حتي لْۆ جاتو صحيه وبكى

قلت ليه حاضر

اليوم دة م نمت فضلت حارساه على انو يصحى وم صحى، اتناوبنا فِيَه انا وابوي وامي،

ابوي زاتو م نام معي كل شويه بقول لي اخدي ليك غمضه انا بكرة بحرسو ليك بكرة عندك جامعه بتصحي بدري،

بقول ليه لٱ ي ابوي نوم انت

فضلنا على الحال دة للصباح، فتحت عيوني وارمة على صوتو وهو ببكي، صحيت مخلوعه زاتي، شلتو طلعت ليه ملابسو وحميتو، لقيت امي مجهزة ليهو الشاي،

فجأة ابوي جا داخل وهو بقول لٱ والله ماف أزٍعُاجً ي ولدي، ياهو صحى وقاعد بشرب في اللبن، هاك ي شهد

قال لي دة ابوه، شلت التلفون قال لي صباح الخير،

قلت ليه صباح النور،

قال لي اتصلت عليك كتير م رديتي قلقت،

قلت ليه اي عشان م صحيت كنت

قال لي طمنيني كيف اصبح، ببكي لسه؟

قلت ليه شويه بس

قال لي طيب انا جاي عليكم في الطريق

قلت ليه معليش بس م ينفع تجي عشان كدة م حيقدر يتعود علينا، هسي لْۆ.جيت حيرجع يبكي زي امس وحيقول الا ماشي معاك وعاوزك والموالات دي فاهمني انت صح؟

قال لي ايوة فاهمك، طيب ممكن تديني اتكلم معاه ڤيديو؟

قلت ليه طيب ثواني اجيب تليفوني

قال لي ټمٱم،

جبت التلفون واتصلت عليه وقلت ليه زين حبيبي عاين دة منووو؟

شال التلفون بلهفه وهو بهبش في الشاشه وبقول بابا،

ابوه قال ليه زين ي بطل صباح الخير، كيف اصبحته تمام؟

قال ليهو بصوت باكي تمام، تعال هنا

سامر قال ليهو شربت اللبن ولا لسه و...

بتكلم معاه قريب الساعه حتى قفل ورجعنا لموال البكى، تقريباً يومين ورا بعض م مشيت الجامعه وجاتنا فجر قعدت معانا اسبوع،

شويه شويه مع محاولاتنا بقى احسن وشبه اتعود بقى م ببكي، الاسابيع الاولى م كان ينفع ابوه يجي يشوفو ف كان بكتفي بالڤيديو كول بس، وبتصل يسأل عليه على راس كل ثانيه، م كنت فاكرة الموضوع بالصعوبه دي، تعبت نفسياً سهر وارق، وتعب بيتنا كلو واقف على رجل واحدة بسبب زين، البيت كلو بقول زين، قايمين زين، قاعدين زين، دة بالحاله واحد بس كدة، بقينا على تواصل دائم مع سامر لغايه م بقى يعدي عليه مرة في الاسبوع، شويه شويه بقى يجي ياخدو جمعه وسبت ويجيبو راجع الاحد، واحيانا بجي يقول لي جاي اسوقو اطلعو وانا بطلع معاهم،

عدينا 5 شهور على الحال دة والحمدلله الامور ماشه تمام، لما جا الشهر السادس في يوم إتصل علي سامر عشان كان جاي يسوق زين وانا كنت نايمه عشان عِن.̷̷̸̷̐ديّ إلتهاب بس نبهت على امي انو اذا سامر اتصل ترد عليه، فعلاً دة الحصل ردت عليه امي واستقبلتو،

❖

على غير العادة استقبلتني امها وجهزت لي زين،

قلت ليها شهد مافي اليوم ولا شنووو؟

قالت لي شهد مُلتهبه شويه عشان كدة اخدت ليها فولوتاب ونامت

قلت ليها ي ساتر سلامتها ياخي،

سوقت زين وطلعنا، م عارف اقول قدر شنو البت دي كان ليها اثر خاص على زين وعلي انا تحديدا، طولهً بالها، انشغالها، اهتمامها بكل الأطراف الحواليها، تحملها للمسؤليه،

البت الشوفتها وهي بتعمل كل حاجه عشان ابوها م خيبت ظني ابدا، ً

اتصلت عليها تاني يوم برضو م ردت وم رجعت لي بمكالمة، يوم السبت كان لآزٍمٍ ارجع زين ليهم، رجعتو برضو الاستقبلني ابوها وامها عشان هي متأزمة م̷ِْن الإلتهاب شويه، إستحيت اقول اني عايز اشوفها ف قلت ليهم لْۆ م ټمٱم ناخدها الدكتور احسن، قالو لي لأ هي كويسه الحمدلله مشينا الدكتور امس بالليل تعبت شديد اخدت اكسجين جاها ضيق نفس، لَگِنْ الحمدلله هسي كويسه، قلت ليهم لٱ ياااخي اكسجين عديل كدة؟ليهه م كلمتوني؟

ابوها قال لي فجأة اتضايقت بالليل والله عشان كدة، وودانا صخر ود جيرانا دة الحمدلله م قصر •اللّہ̣̥ يديه الصحه والعافيه

قلت ليه ايوااا تمام، •اللّہ̣̥ يكتب سلامتها ي رب

رجعت اتصلت عليها المساء ردت، صوتها كان هزييل شديد، وم طالع م̷ِْن مكانو اصلاً عشان يكون مسموع،

وكان زين جمبها ف بتقول ليه حبيبي هاك دي وديها لحبوبه، هاك،

سمعت صوت باب بقفل، قالت لي معليش عشان عِن.̷̷̸̷̐ديّ إلتهاب م عايزاه يكون قريب مِڼّي اليومين دي عشان كدة بحاول ابعدو،

قلت ليها طيب ي شهد عملتي فحوصات، اخدتي علاجات؟

قلت لي م تخاف عليهو هو إلتهاب بس حاد شويه

افتكرت اني بسأل عشان زين بس في الواقع انا كنت حابب اتطمن عليها وحاولت ابين دة بس هي وتوقعاتها الغلط دايماُ سابقني بخطوة،

قالت لي انا حأنوم لأنو بكرة عِن.̷̷̸̷̐ديّ جامعه بدري،

قلت ليها وانتِ عيانه كدة حتمشي كيف؟ م تمشي إذا م عندك محاضرة مهمة

قالت لي عِن.̷̷̸̷̐ديّ Test مهم لآزٍمٍ امشي م بقدر افوتو، يلا تصبح على خير،

❖

صحيت الصباح بدري جهزت نفسي للجامعه، واتصلت على فجر م بترد، فتحت التلفون لقيت مكالمات م̷ِْن سامر،

رجعت ليه وقلت ليه صباح الخير معليش كنت بجهز للجامعه، وزين لسه م صحى، قال لي طلعتي ولا لسسه؟

قلت ليه لسه ليه؟

قال لي عشان انا منتظرك برة

قلت ليه نعم؟

قال لي حتطلعي ولا حتتأخري؟

قلت ليه الجو بارد ومطر ادخل البيت،

قال لي لا لْۆ دخلت زين م حيخليني اطلع بسهوله، ممكن تطلعي اذا جاهزة؟

قلت ليه تمام،

شلت حاجاتي والمطرة نازله بصورة خرافيه، ابوي قال ليّۓ م تمشي انتِ عيانه، قلت ليه لٱ بمشي ي ابوي،

طلعت والغريبه صادفت صخر شايل حاجات م̷ِْن البقاله وماشي على البيت، سلمت عليه وسألني مالك وسلامتك وانتظري اطلع اوصلك في المطر دة بحالتك دي، قلت ليه لٱ شكرا، اصلاًً ابو زين جانا قبل شويه وهسي هو قال حيوصلني،

قال لي تمام بيناتنا الشبكه،

قلت ليه طيب تمام، اتحرك وانا مشيت على سامر،

قلت ليه بصوت مبحوح صباح الخير،

قال لي صباح النور كيفك؟

قلت ليه الحمدلله،

قال لي بقيتي كيف؟

قلت ليه والله تمام الحمدلله بس شويه صوتي رايح بس احسن

قال لي دة م جو طلعه لَگِنْ ي شهد والله بالذات في حالتك الانتِ فيها دي

قلت ليه فعلاً م جو طلعه، انت الطلعك شنوووو؟

قال لي وم جو زول يقيف في المطر دة عشان ياخد ويدي مع زول وهو ملتهب وم عندو صوت اساساً

قلت ليه هههه دة صخر ياخ

قال لي المهم اياً كان هو منو اعتقد صحتك اهم

قلت ليه امممممممم خايف على زين شديد شكلك كل يوم بتبهرني بخوفك عليهو كنت فاكرة نفسي براي المحظوظه بخوف وحنيه ابوي علي بس شكلو الموضوع دة عام

سكتت م رد علي اتحركنا وهو مقفل القزاز والمطر زايد،

قلت ليه مبالغه اليَوُمًًِ المطر

قال لي فعلاً بس حبابو ياخ

فضلنا ماشين وبنفتح مواضيع لغااايه م وصلنا عايزة انزل قال لي دقيقه بس ي شهد،

مد يدو ورا شال بلوڤرين باللون الأسود والمستردة وبفوق ليهم كتابين مربوطين مع بعض بفيونكه باللون الاسود قال لي اتفضلي ختاهم لي في يدي، تاني رجع يدو لورا شال بوتِل بتاعه مويه مداها لي ومعاها كبايه مرسوم عليها عباد الشمس، تاني مد يدو جاب محفظه شفافه كدة فيها حاجات جوة، ومداها لي وقال لي معليش خزلنا الكيس لأنو م لقيت محل اكياس فاتح،

قلت ليه وانا مخلوعه وبعاين ليه دة شنو دة م فهمت؟

قال ليّۓ البلوڤرات بتحمي م̷ِْن البرد بالنسبه لزول عيان وبطلع في الجو دة وبحالتو دي كدة

الكتب اصلاً حلاوة قرايتها كلها في الجو الشتوي البارد دة

البوتل عشان تحفظ ليك المشروبات الدافيه الممكن تحتاجيها وانتِ في الجامعه هنا مثلاً الليمون بالمويه الدافيه بخفف الم الحلق ممكن تاخديه فيها حسب كلام خالتي ووصفتها

الكبايه عشان م تشاركيها مع زول وتجيبي ليك إلتهاب م̷ِْن ماف او تجيبي لغيرك إلتهاب م̷ِْن ماف

الكمامات في المحفظه حمايه ليك ولغيرك برضو، القطرة في حال حسيتي بإحتقان في الأنف، الدواء شراب للكحه، اها والحلاوة دي حسب كلام الصيدلي انها بتخفف الإلتهاب مع الحبوب دي، واخيراً نسّْيتً رجع يدو لورا وجاب امبريلا، وقال لي بقولو العاقل طبيب نفسو، دي عشان م تطلعي في المطر دة ساي وملابسك تتملي مويه وتزيدي الطين بلا،

بقيت اعاين لييييهه وانا متنحهه

بعد مسافهه حتى قلت ليه فاجأتني طبعا، ً م عارفه اقول ليك شنووو بالجد شكراً م كان تتعب نفسكك كدة، اصلاً والله حتى لْۆ م عملت كل دة انا عامله الف حساب لزين

سكت مسااافه وهو بعاين بقزاز العربيه حتى قال لي عارف كدة بس برضو بعض الحاجات اللازمه م بتضر ولا شنو؟

قلت ليه شكراً بالجد، بس هسي ديل حأشيلهم كيف

قال لي حتشيلي البلوڤر الحتلبسيه وانتِ نازله، والمظله بتاعتك والكبايه والبوتل ومحفظه الادويه دي، الكتب والبلوڤر التاني خليهم بعدين لما نرجع تاخديهم

قلت ليه لما نرجع؟يعني حتجي تاني؟

قال لي اي انت ناسيه انو انا شغال ترحال؟ يعني حأكون قريب م̷ِْن هنا بس لما تطلعي كلميني،

قلت ليه بالجد م ...

قاطعني وقال لي اللبسي يلا اسمعي الكلام،

قلت ليه يعني ضروري اللبس البلوڤر؟

قال لي راحتك طبعاً المناسب معاك اعمليه،

قلت ليه طيب اصفر ولا اسود بالنسبه للبلوڤرات؟

قال لي كمان راحتك

قلت ليه الاصفر اقل شي حيتوسخ شلت الاسود وباقي الحاجات ونزلت قلت ليه شكراً بالجد ياخي م عارفه اقول ليك شنو بس شكراً شكراُ شديد شديييد

دخلت الجامعه وعلى القاعه على طول ومسكت تلفوني فتحت الشبكه، فجأة نزلت عِن.̷̷̸̷̐ديّ رساله منو

قال فيها: الجو ممطر وبارد شدييد، لْۆ لبستي بيكون احسن، صحتك اهم وم عشان زين بس زي م انتِ بتقولي لأ، انتِ ك شهد صحتك اهم عندي زيك زي زين بالضبط ...