الفصل العاشر
لٱ، اصلاً انا م اظن يكفيني اكون صحبك بس..
بعد م قال كدهه حسيت بشلل كلي، وشد اعصاب، عايز يجلطني
بعد لحظه صمت قلت ليهه م̷ِْن غير م احس لييهه بتشرب سجاير؟
قال لي لييهه السؤال خايفه علي؟
قلت ليه بصوت عالي لأ طبعاً اخاف عليك لشنو، كل الحكايهه انو الحاجه دي م كويسه لْۆ بتعملها جمب زين خصوصاً انو هو عندو مشكله في التنفس
قال لي لا بعمل حساب لما يكون معي
قلت ليه طيب وسكتت..
قال لي حتنومي؟
سكتت م̷ِْن غير رد، لْۆ قلت ليه ايوة حيقول لي تصبحي على خير وحيقفل، وانا رغم عدم محتوى المكالمة وبرودها م كان جايني إحساس انها تخلص وهو يقفل..
قال لي الو؟
قلت ليه معاك!! ممكن سؤال؟
قال لي اتفضلي
قلت ليه ليهه اخترت تتبنى زين، يعني دي مسؤليه م هينه حتى العندهم وفاتحين بيوت م اظن يتحملوها وبتهربو م̷ِْن مسؤلياتهم، انت كيف لقيت نفسك حمل المسؤليه دي مصاريف وغيرو،
قال لي يمكن عشان انا كنت محتاج وجود زين في حياتي اكتر م̷ِْن حوجتو لي..
قلت ليه كأنك فسرت الماء بالماء م فهمت
قال لي المهم انا تمام بوجودو في حياتي
قلت ليه طيب
قال لي انا داخل على البيت خليك معي دقيقه،
قلت ليه لا تصبح على خير
قفلت منو ونمت وانا بفكر في التناقض الهو فيهو دة، مرة يكلمني برواق ومرة يتنرفز فيني، ومشكلتي في الحالتين احساسي معاه مختلف
لما صحيت لقيت منو رساله بتقول:
عندك معي حسابات مفروض اسلمك ليها، اذا م حتطلعي بدري حأكون معاك 8 ونص كدة،
إتصلت عليه م رد
طلعت م̷ِْن غرفتي لقيت امي بتنضف قالت لي صباح الخير
قلت ليها صباح النور،
قالت لي قطعه الكهرباء حقت المطرة دي م صحتك نايمه في السخانه دي!!قلت ليها بالجد جات مطرة؟
قالت لي سيل عديل ي بت حتى جيرانا ناس الخير ديل غرقو وهسي ابوك والجيران شغالين ينقلو معاهم ويفتحو في الشارع،
قلت ليها ابوي وزين وين م تقولي لي ابوي بفتح الشارع مع الرجال ي امي؟
قالت لي ابوك بس ومعاهم سامر زاتو والله
قلت ليها سامر؟ الجابو شنو م̷ِْن الصباح؟
قالت لي بري م بعرف
غسلت وشي وشلت توبي وطلعت امي قالت لي م تطلعي عندك إلتهاب،
قلت ليها عايزة اشوف، خليتها بتنادي علي وطلعت وقفت قدام الباب، الشارع كان غرقان والرجال كلهم في الشارع يفتحو في الشارع، وسامر في نصهم، في نص المويه والطين والحال دة وبأشر ليهم يعملو شنو، البشوفو م بعرفو، قال لي واحد خلي الشارع يفتح ومويتو تمشي اول حتى افتح مصرف البيت، مشى فتح مصرف الناس الامي قالت غرقو لأنهم كانو بغرفو في المويه بس والمصرف قافل، اي ڼعمًْ هو كان ملان طين وخمج وحالتو بالبلا، بس شكلو وهو بساعد في الناس وبرفع دة وبخت دة وبتكلم مع الاولاد كان ملان شهامة كدة وحلوو شديد..
بعد نص سَآعهْْ حتى دخلو البيت،
ابوي قال ليهو ادخل ي ولدي الحمام خليني اطلع ليك غيار
سامر قال ليهو لٱ ي عمي خليني ارجع البيت احسن
امي قالت ليه م بترجع كدة والله ي ولدي م قصرته •اللّہ̣̥ يديك العافيه، دقيقه مهند دة عندو ملابس كتار كان م بتلبس مع عمك،
هو.حلف وامي وابوي حلفو في الاخير وافق، ادوهو جلابيه، على الله لونها رصاصي كدة بأسود، مشى الصالون لبس وجا راجع انا وهو اتلاقينا في الحوش لاني اصلاً جهزت للجامعه، عاينت ليه ملامحو بتقول زي الما راضي يلبسهم بس مجبور، وفي الحقيقه معاه حق لانها صغيرة فِيَه
قلت ليه م كان تجي في المطر دة،
قال لي شوارعكم بس كعبه لَگِن الشوارع الرئيسيه التصريف فيها كويس، جاهزة انتِ للجامعه؟
قلت ليه ايوة
قال لي طيب انا ادي عمي وخالتي خبر بس
قلت ليه حتطلع معي؟
قال لي م انا اصلاً جاي عشانك فجأة ابوي جا طالع، بعدها قال لي بصوت عالي رسلت ليك رساله نبهتك فيها شفتيها؟
ضحكت ضحكه خفيفه قلت ليه ايوة شفتهَاآ
ابوي قال ليهو ي ولدي ان شاءالله بقت قدرك؟
قال ليهو اي ي عمي كويسه،
ابوي قال ليهو الحمدلله وعاين لي وقال ليّ اسمعي الكلام وم تطلعي في المطر دة ي بتي م بنفع معاك،
قلت ليه عندي محاضرات مهمة ي ابوي م بقدر افوتها،
ابوي قال ليهو شوف قوة راسها ي ولدي
سامر قال ليهو انا زاتي طالع ي عمي
قال ليهو ي زول يعني م بتفطر معانا؟
قال ليهو لٱ والله عِن.̷̷̸̷̐ديّ شغل بس كان عِن.̷̷̸̷̐ديّ شويه حسابات قلت اخلصها مع شهد قبل كل شي، وبما انها طالعه الجامعه في المطر دة اوصلها معي بالمرة
ابوي قال ليهو •اللّہ̣̥ يسهل امرك ي ولدي •اللّہ̣̥ يسهل امرك
طلعنا قال لي العربيه مبركنه هناك، وحقيقهً شارعنا م بتمشي لي يعني لآزٍمٍ لآزٍمٍ لْۆ عايزة اقطع الشارع واصل العربيه الا ادخل المويه والطين،
بقيت واقفه،
قال لي لْۆ دخلت العربيه م بتطلع
قلت ليه طيب والحل؟
قال لي دقيقه،
مشى جاب حجار ورصاهم ودخل في الطين تاني قال ليّۓ يلا، قلت ليه كان وقعت قال لي يبقى تسمعي كلام ابوك وتقعدي في البيت
بعد م قطعت قال لي الخريف في السودان دة براهو مفروض يشفع لينا يوم القيامة
قلت ليه بالعكس حلو ياخي
قال لي البسمعك بتقولي حلو يحلف يقول بتتكلمي عن الخريف في بوسطن
قلت ليه اها وانت شن عرفك بخريف بوسطن؟
عاين لي مسافه وسكت حتى قال لي بمناسبه بوسطن انتِ انا مش كان مفروض تمسكيني كورس بتاع تعليم انجليزي؟
قلت ليه وانت اتخلفت وانا م بحب اواصل مع طلاب مهملين وم ملتزمين
ضحك ضحكه خفيفه وحلوة شديد وقال لي م ملتزمين لَگِنْ
قلت ليه م تستخف بي،
المطر بدأ ينزل تاني والقزاز اتملى قطرات مطر، قلت ليهو ي سلام ياخي جو يهدي الاعصاب
قال لي انتِ اعصابك ماف شي بهديها دة الطبيعي بتاعك كدة
عاينت ليه بصرة وش ورفعت عيوني منو
بعد مسافه شال جاكت م̷ِْن ورا قال لي هاك اللبسي
قلت ليه بس انا م بردانه،
قال لي واضح م̷ِْن شربكتك لصوابعك وحركه اسنانك انك م بردانه، اللبسي اللبسي م ترجعي تلتهبي تاني اساساً م بقيتي كويسه،
فجأة جاتني مكالمه م̷ِْن فجر رديت قالت لي وين وين م تكوني طلعتي؟
قلت ليها اي طلعت مالك؟
قالت لي المحاضرة اتكنصلت قالو ماف شي الناس تلتزم بيوتها
قلت ليها بصوت عالي واي كذابه، متين، انا طلعت
قالت لي م شفتي القروب؟
قلت ليها قافله الشبكه
قالت لي ي حليلك ارجعي طيب ي عسل ونومي ونومك انا زاتي هسي راجعه انوم
قفلت الخط،
قلت اف ياخ
قال لي مالك؟
قلت ليه بصوت طفولي المحاضرة اتلغت وقالو ماف شي الناس ترجع البيوت
قال لي لٱ ياخي
قلت ليه بس م مشڱلهِ ممكن تنزلني هنا وانا برجع البيت
سكتت، وفضل ماشي
قلت ليه هي
كمل طريقو وهو لسه ساكت
بقيت اعاين ليه وارجع اعاين للطريق
قلت ليه لٱ بالجد انت ماشي وين؟
قال لي خاطفك
قلت ليه طيب وبقيت اعاين ليّ يدي
قال لي م خايفه؟
قلت ليه الزول بخاف م̷ِْن الزول البيأذيه وانت م حتأزيني واثقه م̷ِْن كدة ف شنو يلا اخطفني براحتك
م عارفه الكلام دة طلع مِڼّي كيف والله في اللحظه ديك حتى انا اتفاجأت م̷ِْن نفسي
وهو زاتو عاين لي بهجمة كدة مسافه، ورجع كمل طريقه، وقفنا في محل كدة قال لي سمك ولا اقاشي؟
بقيت اعاين ليه نظرات استفهام
قال اقصد فطور، عشان انا جعان،
قلت ليه م جادي
قال لي يلا ننزل يلا اصلاً الجو جو سمك، نزل وفتح لي الباب نزلت
المكان كان حلو شديد، مع الجو والغمام والناس م كتار، فجأة قال لي هاك،
مد لي الچاكيت وقال لي اللبسي
قلت ليه م بحتاج
قال لي اللبسي قلت ليك ي بت الناس،
قلت ليه فوق م انك جايبني غصب وكمان حتلبسني غصب
قال لي ونحن طالعين ابوك عَلَّق على قوة راسك وخوفو م̷ِْن مرضك، و طالما انا جبتك في الجو دة يبقى سلامتك مسؤليتي
شلتو منو ودخلنا،
قال لي حأكل سمك لانو الاقاشي دة انا م عِن.̷̷̸̷̐ديّ فيهو ثقه
قلت ليه الغريبه كنت بتجي عندنا المحل وبتاكلو عُاَدّيَ
قال لي دي انتِ لَگِنْ،
ي جماعه م كنت فاهمة هو برمي لي الكلام وانا غبيه ولا انا مشاعري الفاهمة غلط
طلب سمك مشوي،
قال لي المحل دة بالذات بيعمل سمك سمك
قلت ليه معلم كبير بتجيب كل الناس هنا غصب ولا بتعزمهم بالذوق؟
ضحك
قال لي ذوق دة للناس البتسمع الكلام وهاديه ورزينه واعصابها في تلاجه وبتعرف تتفاهم برواقه
قلت ليه بإنفعال قصدك شنو؟ انا م هاديه؟
قال لي لا إنتِ شهد
حاولت اكون جادة بس خشمي خزلني وضحك
قلت ليه عاين انا اسفهه اني بتخطى حدودي بس انت بالجد عندك شيزوفرينيا
قال لي كيف كيف؟
قلت ليه كدة، انا بخاف منك، م بعرف اتعامل معاك، م قادره افهمك، مرة كدة ومرة كدة، بتلخبطني
قال لي طيب م انتِ كمان ملخبطاني وم مقصرة في حقي وانا مستحمل عادي
هنا انا اتسمرت، قلت ليه وانا بتمتم و و والمعنى؟
علّۓ طول غير الموضوع وقال لي الأكل جا، نزلو لينا الاكل والمويه والبارد،
انا بطبيعه حالي م بعرف اكل قدام زول غريب،
قال لي انت خجلانه مني؟
قلت ليه لٱ واخجل ليه بس م نفسي اكل
قال ايوة م مفروض تخجلي عشان م معروف احتمال ناكل مع بعض كتير نحن
فتحت قارورة المويه ولفيت وشي منو وانا ساكته
خلصنا اكل عاين للساعه قال لي ماشه لي 1
قلت ليه الزمن بعد كدة عايزة امشي البيت
قال لي تمام، اتحركنا، ونحن في العربيه قلت ليه ي ريت لْۆ حياتنا كلها مطر والجو يكون ظريف وحلوو كدة دايماً
نزلت القزاز وقلت ليه جو نوم بس متين اصل البيت عشان اخد لي نومه..
قال ليّ جو مشاوير بس
قلت ليه كل زول بهمو
وصلني البيت ومشى، بعد م مشى حتى انتبهت انو م شال الجاكيت بتاعو، اتصلت عليه مكالمتين عشان انبهو م رد،
المساء رجع اتصل علي وانا نايمه، صحيت على صوت زين وهو بصحيني وبقول لي هاك بابا،
شلت التلفون اتفاجأت انها مكالمه ڤيديو قلبت التلفون بسرعه و لبست التوب وزين شليق شال التلفون وعدلو، شلت التلفون قلت ليه مساء الخير
لفتي للتوب كانت بطاله زي لفه الحرامي وهو داخل البيت، لما شافني ضحك
قلت ليه مساء الخير
قال لي مساء النور
قلت ليه اتصلت عليك عشان اقول ليك انو نسّْيتً الجاكيت بتاعك عِن.̷̷̸̷̐ديّ وكدة،
قال لي خلي معاك، وهو يتبسم احساس عايز يضحك وكدة
قلت ليه بتضحك على شكلي انت؟
قال لي لٱ، مالو شكلك؟
قلت ليه احساس صاحيه م̷ِْن النوم وخلقتي م بتتقابل وكدة
قال لي حبوبه بتقول السعيد البخيت البشوف ام عيالو وهي صاحيه م̷ِْن النوم قبل يعرسها ف شنو شكلي انا سعيد وبخيت
ضحكت قلت ليه اي برضو م فهمت ام عيالك دي منوو؟ وبعدين انت حايم وين وقتك كلو في العربيه
قال لي اكل العيش حار اسوي شنو؟ كنت شايل مشوار وصلتو وهسي راجع
قلت ليه اها طيب، طبعاً انا م̷ِْن رجعت نومت،
قال لي احساس وارثه وكدة
قلت ليه الما بخليني انوم شنو اليَوُمًًِ حلو، والجوو حلو، والمطر مغري
قال لي في الحقيقه انا م لي في المطر والكلام دة والله و تفاصيل ْ اليوم دة م كانت حتكون حلوة لْۆ م كنتِ انتِ فيها
بقيت اعاين ليه وانا ساكته، م فاهمة هو مالو يعني
حاولت اغير الموضوع قلت ليه قصدك انو الوقت الناس نايمه فِيَه وبتحلم احلام عميقه انت كنت قاعد معي تاكل سمك
قال لي اها جينا للغلط ومالو السمك؟ ضحكت وقلت ليه هسي انا قلت حاجه؟ قال لي وبعدين اقول ليك حاجه؟ انا م محتاج احلم عارفه ليهه؟ لانو وانا معاك بحس اني م محتاج للحلم لأني قاعد مع احلامي
حاولت اكون جادة واعمل غبيه، قلت ليه Error404
ضحك قال لي المعنى؟
قلت ليه معناها انت م طبيعي ي باشا اللحق نفسك، قلت الكلام دة لكم واحدة اليوم؟
قال لي اي كلام؟
قلت ليه گلآمَگ البتقول فِيَه هسي دة، شكلك اليَوُمًًِ عندك فائض بتاع طاقه علشان كدة شغال توزع لطافه وحب على بنات الوطن وقلت م انسى شهد بالمرة، ضحك وقال لي ومالهم الحب واللطافه مشكلتك معاهم شنو؟
قلت ليه ام انت ليهه دايماً شايفني بتاعه مشاكل ومعقدة؟، عموماً م عندي مشڱلهِ معاهم
قال طيب معناها مُشُگلتگُ مع خلق الله
قلت ليه لٱ م عِن.̷̷̸̷̐ديّ مشاكل مع خلق •اللّہ̣̥ انا بس بخاف منهم
قال لي ليهه ياخ الخوف م̷ِْن شنو؟م يمكن في منهم بحبوك وانتِ البتخوفيهم مڼڱ
قلت ليه ماف زول بحبني انا ↗
قال لي طيب دي حاجه كويسه، افضل ماف زول يحبك وخليني انا هحبك عنهم كلهم، وبطلي سذاجهه عشان انا مليت مِڼّي وانا بلمح كدة،
قفلت المكالمه بسرعه وانا بتلفت وخايفه يكون في زول سمعو ومتوترة وبحاول استوعب هل الانا سمعتو دة صح؟
يعني كل تلميحاتو ديك كانت قابله للتجاوز بس دي اكتر حاجه كانت واضحه ومباشرة اتقالت منو،
فجأة نزلت رساله في تلفوني، رفعت التلفون لقيتو مرسل لي مسج محتواها"م هو م ممكن تكوني كاتبه استوري طويل عريض محتواها "بطريقهه ما اخبرني أنني في قِلبُكًً "وانتِ بالغباء دة؟
شرط المحبهه الجسارهه، أعتقد ماف طريقه اكتر م̷ِْن الوضوح، وعلى فكره انا في احسن حالاتي ما بتكون عِن.̷̷̸̷̐ديّ طاقه اسلم بيها على الجمبي ببشاشه فكرك حتكون عِن.̷̷̸̷̐ديّ طاقه واخلاق اوزع بيها حب ولطافه على خلق الله في البلد دي؟
كل الحكايهه إنو انتِ سِر قلبي الحلو، ومقصدي في كل الكلام...
إقتباسهه
يوماً ما سيأتي الشخص الذي يُحبك لروحك لا لمظهرك، يفهمك من تدرج البريق في عينيك .. ولن تُغريه ابتسامة زائفة، شخص سيتقبل عيوبك ويتصالح معها، يفهم مزاجيتك المتقلبة، شخص إذا ما ذُكر اسمك في مجلس ابتسم فخراً بكِ ولمعتّ عيناه لأجلك، كان لكِ ظهراً تحتمين به ووطناً أنتِ أرضه الحبيبه.
"أنتِ تستحقين شخصاً يمتلئ بك فلا يرى سواكِ"
Shiraz Osman