الفصل الحادي عشر
بسم الله الرحمن الرحيم
قبل نبدأ في قراءة الرواية حابة اقول انه الرواية دي قيد الكتابة .. يعني ان شاء الله اول ما الكاتبة تنزل بارت انا بانزل ..
قراءة ممتعة
طلعت م̷ِْن الغرفه لقيت ابوي قال لي اكوي لي العراقي بتاعي دة، شلتو وقلت ليه سمح دخلت المطبخ بقيت اقلب م عارفه روحي بفتش في شنو، طلعت م̷ِْن المطبخ دخلت الحمام وجيت طالعه بقيت حايمه في الهول ارفع دة واخت دة،
امي قالت لي ي بت شهد بتكوسي في شنو؟
قلت ليها المكوة
قالت لي المكوة قدامك في التربيزة حقتها ي بت ها مالك بسم •اللّہ̣̥
، قلت ليها اها نسّْيتً يخ وانا بالجد م مستوعبه بعمل في شنو ومالي، خلصت مكوى، جهزت لي زين اللبن وعملت كيكه، ونضفت المطبخ وطلعت مسحت البيت كلو،
امي قالت لي مالك ي بت •اللّہ̣̥ الدنيا ليل بتنضفي كدة؟
قلت ليها ماف شي، خلصت نضافه رتبت عدة المطبخ،
زين نام شلتو دخلتو الغرفه عاينت لتلفوني جاني فضول اشوفو واتأكد اني م بتوهم، رفعت التلفون عاينت ليه لقيت منو مكالمه، ضربات قلبي بقت تطاقش مع بعض،
قلت لنفسي لٱ ي شهد مستحيل، احبو ويحبني شنو، حب شنو زاتو ها الحب البسببو.بكون في امثالك وامثال زين ديل في الدنيا، قفلت التلفون ورقدت اتغطيت وانا سرحانه وحاضنه تلفوني، عمري كلو م حسيت بالإحساس دة، ولا بيتهيأ لي اني ممكن اعيش احساس زي دة ولا حصل فكرت انو في يوم م̷ِْن الايام اني ممكن ارتبط وزول يجي يصارحني والمواضيع دة، م حصل جهزت نفسي لموقف زي دة رغم اني بسمع قصص البنات وحكاويهم عن البحبوهم ونهاياتهم السعيدة والتعيسه بس عمري م مَرّهٌ في مخيلتي اني اعيش حاجه زي دي، مقتنعه تماماً اني حيجي يوم وهعرس ايوة بس مقتنعه بالعرس ك حاجه تقليديه، اياً كان هو منو وشكلو كيف ووضعو كيف م بهمني المهم الأبوي بيشوفو مناسب اكيد وموافق عليه انا م عِن.̷̷̸̷̐ديّ فِيَه مشڱلهِ،
بس م عارفه اشرح شعوري مع سامر بكون كيف، وهسي بعد كلامه الأخير دة خلاص يعني انا م عارفه حاسه انو انا م انا، قلبي تقيل كأنو في صخره عليه، حاضنه تلفوني وبعاين ليه وبعاين زين..
نمت وقلبي في يدي، الصباح في الجامعه قاعدة وسرحانه حسيت بضربه في كتفي، رفعت راسي لقيتها فجر، قالت لي مالك انتِ اليوم؟
قلت ليها ماف شي
قالت لي واضح شديد
قلت ليها زهجانه وقافله معي بس؟
قالت لي Whay?
سكتت
قعدت ورفعت لي راسي وهي ماسكه وشي بيديها قالت لي ششهد؟
دموعي جات جاريه،
قالت لي ي بت بسم •اللّہ̣̥ مالك؟شهد؟ ي بت م تقلقيني مالك في شنووو ها؟ حضنتني بكيت مساااافه وهي تتكلم معي بي لهفه وقلق، فجأة جات جمانه قالت لي شهد؟ حبيبي مالك في شنوووو؟
في شنو ي فجر؟
قالت ليها انا كمان بسأل،
جمانه قالت لي شهد، رفعت لي راسي ومسحت لي دموعي وهي بتقول لي مالك ي بت م تقلقينا عليك؟
فجر قالت لي مهند جا واتشاكلتي معاه؟
هزيت ليها راسي، قالت لي طيب عمو؟ اكيد لٱ لانو مستحيل يزعلك، طيب خالتو؟
سكتت
قالت لي ي شهد •اللّہ̣̥ يرضى عليك
قلت ليهم متضايقه بس ماف شي عايزة ارجع البيت،
فجر قالت لي لٱ م بتمشي البيت بحالتك دي اتكلمي ي شهد،
قلت ليها ماف شي والله عايزة امشي البيت بس
قالت لي طيب عايني ي شهد بتقولي ماف شي لٱ عمو مزعلك ولا خالتو، وانتِ متضايقه بس، ارح معي الداخليه نستكين شويه ونفهم الحاصل شنو بعدين ارجعي البيت تمام؟
سكتت
جمانه قالت ليها وانا كمان جايه معاكم، فجر قالت ليها اوكيه دقيقه اطلب ترحال،
اقتراح فجر كان كويس، لاني كنت م قادرة امشي البيت بشكلي دة وابوي بعرفني حتى لْۆ نكرت، سكاتي بعرف يصنفو اذا انا كويسه ولا لا،
طلعنا مشينا داخليه فجر، اول م دخلنا فجر قالت لي جمانه نطلب شاورما عربي ولا بيتزا انا جعانه؟
جمانه قالت ليها م بحب الشاورما بيتزا احسن
فجر قالت لي نفيسه، اها رايك؟
سكتت
قالت لي معناها بيتزا معانا، اتفقنا يعسل
ضربت تلفون وطلبت، جمانه قالت لي ي بيبي احكي مالك •اللّہ̣̥ يرضى عليك م متعودين عليك كدة،
فجر جات قالت لي دقيقه، شالت مِڼّي الطرحه رمتها، وقلعت مِڼّي العبايه ونكشت لي شعري بعدها قالت لي نتفاهم برواق، ولا اجيب علبه المكياج واتعلم فْيَگ؟ مالك م تجنيني
قلت ليها م..
قاطعتني بصرخه وهي خانقاني قالت لي م تقولي لي ماف شي عشان هموتك يلا ارح سامعاك قولي مالك؟
قلت ليهم طيب،
فتحت تلفوني وفتحت الشات البيني وبين سامر وقلت ليهم هاكم،
فجر شالت التلفون، وبقت تعاين فِيَه، وجمانه وراها، وهم ساكتين
جمانه قالت م فهمت شي دة شنو هسي؟وسامر دة منووو
فجر بقت تعاين لي وقفت على حيلها وتاني جات راجعه قعدت جمبي قالت لي سامر قال ليك كدة؟
هزيت ليها راسي
قالت لي العرس متين؟ حتعرسي وانا م محبوسه؟شهد انتِ كيف تدسي مِڼّي موضوع زي دة؟
جمانه قالت لينا فهموني معاكم هيييي،
فجر قالت ليها الاخت هتعرس سامر ابو زين وانا ٱڅڑ م̷ِْن يعلم افهمك شنوووو؟
جمانه قالت ليها ايوة سامر منو برضو م عرفتو
فجر قالت لي شهد احكي، احكي الموضوع من البدايه م تزهجيني، في ام بتعرف بعرس بتها يوم العرس؟
ضحكت قلت ليها متخلفه،
ضربتني قالت لي يلا احكي التطورات دي حصلت متين انا ٱڅڑ مرة خليتكم كانت علاقتكم شغل فجأة قلبت 180 درجه وبقينا في دور عرس بدون حبس،
قلت ليها ليهو كم يوم تصرفاتو م مفهومه، يعني بكون بتكلم معي وبرمي كلمتين في النص وكدة، وانتِ عارفه انو انا وهو م متفقين في شي، المهم امبارح... الخ
جمانه قالت لي حبيتو انا زاتي
فجر قالت لي قال ليك بحبك بصريح العبارة ي شهد يعني لٱ تلميحات ولا غيرو؟
قلت ليها قال لي ماف زول يحبك انا هحبك عن الناس كلهم
فجر قالت لي سامر ابو دم خنزيري قال ليك كدة ولا صخر ي شهد عشان انتِ كنتِ صاحيه م̷ِْن النوم واختلط عليك الامر
جمانه ضربتها قالت ليها بتقول ليك سامر سم هاري، المهم ي شهد انا برضو م فهمت سبب البكاء وبيت العزاء الفاتحاه دة شنوووو؟زول جا وطرح ليك المشكله وين؟
فجر ضحكت قالت ليها اشرح ليك المشكله انو هي بتحب صخر، ودة ابو الولد الهي ماسكاه، يعني هسي هي كدة واقعه بين نارين
جمانه قالت ليها وصخر منووو وبعلي ↗
قلت ليها انا م بحب صخر ي فجر انتِ عارفه كدة،
قالت لي انا بحبو وانتِ لآزٍمٍ تحبيه عشان انا مربطه ليكم مع بعض في عقلي، سامر دة واحد منفسن صدقيني صخر فرفوش انا قلبي حباه وانا امك وصحبتك حتسمعي كلامي، سامر لا
جمانه ضربتها لمن صرخت، قالت ليها بتحبي صخر ولا حجر دة امشي ارتبطتي بيهو،
شهد انتِ م بتحبي صخر معناها بتحبي سامر صح؟
فجر قالت ليها مستحيل ي بت هي م بتطيقو اللتخ دة
جمانه قالت لي شهد م بتحبيهو ولا بتحبيهو؟
سكتت
جمانه قالت لي سكاتك دة معناها بتحبيهو ي شهد صح؟ طيب مالك؟
فجر قالت لي شهد بتحبي سامر
سكتت
، بعدها قلت ليهم م عارفه، يعني صخر كان بعاملني بلطافه واهتمام وبحترمني وكل شي بس م حصل حسيت بيهو اكتر م̷ِْن كونو ود جيرانا وصاحب اخوي وزي اخوي وكدة، على عكس سامر، اي ڼعمًْ تصرفاتو معي كلها غريبه وهو زاتو غريب اطوار معي بس..
سكتت تاني م عرفت اقول شنو..
فجر قالت لي عارفه، عارفه المرحله دي انا عديت بيها اصلاً القلب م بيختار الا الزباله، والبان كيك يرميه الحاله واحدة ي عسل
جمانه ضحكت قالت ليها مُشُگلتگُ معاه شنو انتِ
قالت ليها م بطيقو، بارد وثغيل ومفتري وياما هزأها وبكاها هسي بتحبو اديني سبب يخليني م اكرهو؟
جمانه قالت ليها معليش،
تلفونها ضرب ردت قالت ليهو ايوة، طيب نازله عليك، قالت لينا الاكل جا همشي اجيبو عشان نطفح احسن
بعد طلعت جمانه قالت ليّۓ شهد طيب انا م فاهمة طالما بتحبيه رافضاه مالك حبيبي ممكن اعرف؟ يعني هو زول سيء بعيداً عن كلام فجر وجنها
قلت ليها لٱ هو كويس كويس شديد،
قالت لي بعرف اهلك وكدة؟
قلت ليها انا شغاله معاهو ويومي في بيتنا، ومو اقفو الحلوة معي كتيرة، بس انا م حاسه اني جاهزة آحب واتحب وكدة، يعني عايزة احبو بس م̷ِْن غير علاقه،
قالت لي م حصل حبيتي؟ ولا ارتبطتي؟
هزيت ليها راسي
قالت لي السبب؟ يعني خايفه انو يلعب بيك ويكون م جادي ويمسك بيك زمن والكلام دة وعايزة تعملي كنترول لنفسك وم عايزة تدخلي في دوامات زي دي؟
هزيت ليها راسي بمعنى ايوة بالضبط، قلت ليها اصلاً انا فهمي للإرتباط دة يعني عرس بس، يعني حب، والكلام دة م حصل فكرت فِيَه انتِ فاهماني؟
قالت لي فاهماك، طيب ي شهد قولي ليه بصريح العبارة انا م بتاعه حب وعلاقات ولف لْۆ جادي و عايزني تعال البيت وخلاص.
قلت ليها يعني اشحدو يجي يعرسني؟
قالت لي م اسمها شحدة، اسمها تَعال بالدغري وبس
قلت ليها بس انا م عايزة اعرس انتِ فاهمه؟ انا م زوله عرس
قالت لي شوفي هو لْۆ جادي حيوافق ولو م جادي حيطفش، جسي نبضو بس وشوفي ردة فعلو عشان تلحقي نفسك م تتعلقي ساي وتدخلي في دوامه الجادي دة واضح والداير يلعب واضح ي شهد
عدو 3 يوم لٱ اتكلمت مع سامر ولٱ شوفتو، وال 3 بقو اسبوع، حتى م حاول يرسل لي او يلح علي ويبين لي انو متمسك وأكد على كلامو، بس اكتفى بي انو يخليني كدة في حاله دوامه التفكير دي، يوم فجأة ضربت لي جمانه، قالت لي فاتحه الشبكه؟
قلت ليها ايوة
قالت لي عملت ليك منشن في بوست في الفيس ادخلي شوفيهو،
فتحت الشبكه ودخلت لقيت البوست فِيَه الورقه بتاعه عقد الزواج ومكتوب فيه: ممكن تملى الورقه دي، فجر اتصلت علي قالت لي شفت كلام جمانه العملت ليك فيهو منشن عايني دي فرصه تعرفيهو جادي ولا لأ، رسلي ليهو الورقه دي وقولي كلام البوست
قلت ليها هو طفش م̷ِْن غير اي اجتهادات فرديه م̷ِْن يومها م اتصل
قالت لي م قاعد يتصل يسأل عن ولدو؟
قلت ليها بتلفون ولدو او بتلفون ابوي بس انا لٱ
قالت لي يمكن عايزك تاخدي مساحتك وتفكري وم عايز يضغط عليك ي شهد
سكتت،
قالت لي المهم اعملي الكلام الفي البوست دة وم حتخسري،
قلت ليها لٱ مستحيل طبعا، ً م هعمل كدة،
قفلت منها وانا داخله وطالعه بفكر م كنا شغالين جامعه، شويه شويه بديت افكر في كلام جمانه، والشيطان بقى يلعب بعقلي، ارسل م ارسل ارسل،
بعد المغرب كدة قلت بس كدة ارسل واشوفو رغم انها لعبه ساذجه بس عشان اطفشو بالمرة وانا م اطلع غلطانه
شلت الصورة ورسلتها ليه وكتبت ليه عليها:
لْۆ بالجد انت جادي في كلامك القلتو لي قبل اسبوع تَعاّل اصل ابوي واملى الورقه دي عشاني، انا م زوڵهٍ حب وإرتباط وكلام م̷ِْن دة، اظن عندك رقم ابوي، وبتعرف شارع بيتنا، غير كدهه افضل تخلي التعامل والعلاقه م بينا في حدود الشغل وبس..
رسلتها وانا قلبي حيطلع م̷ِْن مكانه، رميت التلفون بعيد مِڼّي، بعد ساعتين فتحت الواتس لقيتو قرأ الرساله وم رد عليها
حسيت بوخزة في قلبي، لٱ خيبه امل بالجد يعني واضح انو م̷ِْن تجاوزو للرساله وعدم الرد بتاعه في حد زاته كان رد زعلت واتحمقت شديد بس علشان احافظ على شكلي قدامو وكرامتي رجعت البوست عملت ليه اسكرين ورسلتو ليه وقلت ليه: كان بوست مقلب في الفيس عادي، م مستحق منك الجرسه دي كلها عموماً كدة نحن واضحين
برضو لقيتو قرأ الرساله وم رد، بعد يومين المغرب وانا في المطبخ شغاله و بقرأ،
امي جات قالت لي جهزي زين دة عشان ابوه قال مرسل زول يسوقو،
قلبي رف في اللحظه دي، مرسل زول؟ قلت ليها زول منو وسايقو وين؟
قالت لي انا شن عرفني المهم قال يجهزو ليه بس وحيجي زول يسوقو هسي هو في الطريق
قلت لنفسي جبان شديد طبعاً م حيجي هو اكيد
شلت زين دخلتو الحمام وهو جنو يلعب بالمويه كمان فتح فيني الدش، وانا اتمليت مويه معاه على زهجتي ديك زهجني زيادة،
جيت طالعه لبستو، عايزة اطلع لي غيار امي قالت لي امشي افتحي الباب عِندي حله في النار م بقدر افوتها
قلت ليها امي ملابسي لينه،
قالت لي شيلي التوب وامشي، لبست عبايتي ولفيت طرحتي وانا بطنطن فتحت الباب بأخر نفس وبزهج، واتفاجأ ليك بسامر في وشي،
على البرد الكنت حاساهو اتجمدتهه زيادة..
❖
معليش ي اخوي دخلنا عليكم بدون مواعيد او سابق انذار بس والله انت براك عارف شباب الزمن لمن يقولو حاجه خلاص نحن اتحكمنا، اها جاني الولد دة وقال والله ي عمي انت زول في مقام ابوي وانا جاي سايقك معي مشوار، طبعاً الشاهين وخالد ولدي ديل ليهم عشرة عمر مع بعض واكتر م̷ِْن اخوان، قلت ليهو مشوار شنو؟
قال لي انا داير بت ولما كلمتها قالت لي ي ود الناس لْۆ دايرني بالدغري تَعاّل اصل بيتنا واقعد مع ابوي، البت قفلتني ي عمي وجاتني م̷ِْن الاخر، وانا زول دغري ي عمي ودايرها تحل لي بالدغري،
قلت ليهو ي زول انت جاهز للعرس ولا بس عشان البت دايرة كدة ونفخ عضلات ساي، قال لي لو م جاهز اجهز عشانها ي عمي وجاني مستعجل يعني في كلامو كان امبارح مفروض نحن نكون هنا الا انا اصريت على يوم الليله دة، اها ي حاج الصادق اظن انتو بتعرفو الولد وبتعرفو اخلاقياتو اكيد م مشكاراً ليهو بس والله لْۆ دق بيت اي راااجل م اظن يطلع فاضي، انا زاتي القدامك دة والله لْۆ دق بابي كايس درب العرس م بطلع مني فاضي،
محمد: وبعدين ي عمي بعيداً عن كل شي يعني هو لْۆ فعلاً زول لف ودوران كان طفش لَگِنْ انا زاتي لْۆ اختي اتصرفت التصرف دة وجاني بالباب وقال لي م عندي والله ي عمي بي بلح بعقد ليهو، اي شي بجي بالقروش الا الرجاله دي والله
مجاهد: حقيقةً ونعم التربيه والاخلاق ي عمي والله، يعني موقف بتك شهد واحد م̷ِْن بين 1000 بت لما يجي واحد يطرح ليها زي م بنقوول او يحاول يقرب منها او كدة كلنا شباب وشايفين وعارفين الطيش الحاصل كلو
❖
شهد قالت انو لْۆ عندي كلام مفروض يكون مع ابوها م̷ِْن غير اي تنازلات موقفها كان واضح شديد احساس انها نوع البنات العندهم 1+1 =2
رغم انو تصرفها كان مستفز جداً واحساس انها ماسكاني م̷ِْن يدي البتوجعني وبتخيرني ي كدة ي لٱ ومن حقي اوافق او ارفض، بس م اعتقد في زول واعي حيرفض فرصه زي دي، جبت معي ابو محمد صحبي ومحمد ومجاهد احتراماً للعادات بتاعه انو الواحد م يجي براه وكدة، اثناء م نحن قاعدين تلفوني رن، عاينت ليه لقيتها شهد، م رديت عليها، رجعت اتصلت، م رديت،
رسلت رساله محتواها"رد على المكالمه واطلع نتفاهم..
❖
كنت مصدومه منو ومصدومه شديد، ف لقيت نفسي ماسكه التلفون وم بطلت مكالمات، مكالمه ورا مكالمه وهو م برد، كانو قاعدين في الحوش ونحن جوة ٱڅڑ م في الاخر بقيت ارسل ليهو رسائل:
عاين رد علي، م ممكن تكون كدة، انا قلت ليك انها لعبه، مقلب، مجرد اختبار دة شنو الانت عاملو دة م ممكن تكون بالجديه دي؟
انا قلت ليك عايزة اعرس؟ انا م عايزة اعرس هسي دة م موقف تختني فيهو، طيب على الاقل تاخد راي انا صحبه الحق اول وتستشيرني قبل كل شي انت هتعرسني ولا حتعرس ابوي؟
رد عليك •اللّہ̣̥ م ممكن تكون بالبرود دة،
كان اونلاين والرسائل نازله عندو وبقراها على طول، وم برد
رد ياااخي •اللّہ̣̥ يخليك م تزهجني وتتلف اعصابي انََت م متخيل صعوبه الموقف الختيتني فيهو يعني الواحد م يهظر معاك؟
❖
والله ي جماعه حبابكم الف ونورتونا وسامر قبل م يجي داخل البيت دة ك زول متقدم هو في مقام ولدي، من يوم م عرفناهو م شفنا منو غير كل خير، واخلاقياتو م محتاجين تتكلمو لي عنها لانو زول انا قعدته معاهو لٱ مرة و لٱ مرتين، ونحن اللينا عظيم الشرف انو يناسبنا والله لْۆ علي انا بديهو.حتى لْۆ جا طلبها براه لأنو هو ولد بمليون راجل، لَگِنْ كمان في الاخير الشورة شورة البت ولا شنو ي شباب انتو جيل جديد وطبعاً عاداتنا حقت زمان بتاعه البت يعرسوها بدون شورتها دي انتهت، هسي وزي م بقولو سمح الغنا م̷ِْن خشم سيدو، نسألها ونشوف رايها شنو لَگِنْ غير كدة حرم سبب واحد يخلينا نرفضو ماف
اي صح كلامك والله ي اخوي واكيد رايها هو ليهو الاولويه لانو في الاخير هي الحتعيش معاهو وكدة
محمد: لَگِنْ برضو ي عمي نخت في الإعتبار انو هي لْۆ كانت عندها مشڱلهِ فيهو هو ك شخص م كانت قالت ليهو اصل البيت او م كانت خلتو يصل البيت اصلاً، يمكن هسي اذا مشيت سألتها م تبين ليك انها موافقه رغم انو هي ممكن تكون موافقه لَگِنْ كلنا عارفين البنات في المواقف دي
مجاهد: او بي لغتنا نحن ك شباب كانت وزعتو ي عمي
كلهم ضحكو بصوت واحد ابو محمد قال ليهو ايا صح لَگِنْ كانت وزعتو والله غايتو انتو الشباب عندكم كلام بتعرفو ليهو براكم، المهم ي اخوي الصادق، بيناتنا التلفونات وفي انتظار الرد منكم في اسرع وقت ممكن، وان شاءالله م نسمع منكم الا كل خير
❖
القعدة خلصت والرجال طلعو وانا على اعصابي تخيلو تتختي في موقف زي دة، تواجهي اهلك كيف، تقولي ليهم شنووووو، ماشه وجايه في الغرفه اُصلًييًّ م طلعته، لغايه م فجأة ابوي جا داخل لي في الغرفه، وقعد في السرير القصادي، اول مرة احس اني قدر السمسمه قدام ابوي، خجلانه ومحرجه وكل شي علي،
قال لي ابو الولد كان هنا وانتِ عارفه، وم براهو كان معاهو اصحابو وابو صحبو زاتو، الزول دة قال جا واظن فتح معاك موضوع وانتِ قلت ليهو اصل البيت، صح الكلام دة ي بتي؟
سكتت
قال لي انا قلت ليهم ماف راي فوق راي البت طبعاً لَگِنْ ي بتي لْۆ على راي انا م بلقى احسن م̷ِْن الولد دة، يعني اخلاق عاليه، واحترام، وشهامه وزول عديل م زول لف ودوران م اظن مطلوبه صفات اكتر م̷ِْن كدة في الراجل، لَگِنْ برضو الكلمه كلمتك انتِ اها انتِ رايك شنو ي بتي؟
سكتت وانا مشربكه صوابعي مع بعض وبعاين في الارض وقلبي حيطلع م̷ِْن محلو
امي جات داخله خاته يدها في نصها، قالت ليهو رايها وااااضح ي حاج هي اكان م دايراهو م كان قالت ليهو اصل البيت، لَگِنْ كان مستنيها تقول ليك كدة واطاتك اصبحت وضحكت،
يعني فوق حالتي الانا فيها امي زادتها زيادة،
ابوي قال لي ي بتي سكوتك دة فيهو اتجاهين انا م داير اقول كدة ويطلع كدة، وم ينفع ادي الناس راي بدون كلمتك انتِ
امي قالت ليهو السكوت علامة الرضا وااااااضحه ومعروفه ي حاج م دايره ليها ذكاء
ابوي قال لي اخدي وقتك انا مستنيك، وكان بقيتي خجلانه مِڼّي شديد كدة قولي قولك لي امك هي بتكلمني،
ابوي طلع وامي قبل تطلع وراهو قالت لي عاد ي بتي دة راجلاً م بتفوت السكات في شنووو وانتِ قايله ليهو اصل البيت م تبقي زوله لف ودوران،
امي طلعت رفعت تلفوني لقيت منو مكالمات، ولسه بتصل، فتحت الخط قبل م ارد قال لي لٱ بالعديل عاجبك ولا باللف والدوران عاجبك
قلت ليه انَت..
قال لي انا وصلت البيت وقعدته مع عمي زي م انتِ طلبتي وهسي منتظر رد عمي
قلت ليهو طالما منتظر رد عمك متصل علي لشنوووو؟
قال لي إشتقت ليك ف حبيت اسمع صوتك وبس عندك مشكله في إني أشتاق ليك؟
في اللحظه دي انا فصلت لساني بقى تقيل، واطرافي بردت، قلت ليهو بصوت مبحوح بتعمل كدة انت ليييهه؟
قال لي : خيرتيني بين انو اخلي التعامل معاك في حدود الشغل او اصل البيت واقعد مع ابوك، وانا صراحه معود نفسي دايماً اختار اي حته اللقى فيها راحتي، وانا بس اخترت الحته الفيها انتِ
مُصر يجهجهني
قال لي مش دة كان گلآمَگ؟
قلت ليه بس انا وضحت ليك انو دة كان مقلب والموضوع كلو هظار
قال لي ماف هظار في العرس ي شهد ماف هظار في حاجه زي دي
قلت ليه هسي عرفت انو هظار، طيب الموضوع دة نهايتو شنوو؟
قال لي نهايتو إنتِ، وعساك تبقي في دنيتي بدايه م ليها اخر
احساس التناقض الانا فيهو دة، الخوف م̷ِْن كل حاجه حتى لْۆ مبادره لطيف في إظهار احساسي تجاه حاجه معينه، إحساس الشعور واللاشعور حيقتلني وحيضيع مني لحظات كتيرة حلوة تستحق إني اعيشها
اخترت اسكت، قال لي ي شهد انا متفهم خوفك م عارف مبررو شنو بس اكيد ليك اسبابك وانا محترمها، وانا م مستعجل عليك ابدا، ً اخدي راحتك ووقتك معاك لغايه يوم بكرة
ضحكت قلت ليه م ممكن تكون كدة
قال لي كتيرة عليك 24 سَآعهْْ صح؟
قلت ليه تصبح ع خير وقفلت
بعد يومين وانا في الجامعه اتصل علي حوالي الساعه 3 كدة،
قلت لفجر عايني منو متصل
فجر قالت لي م تردي، شحتفيهو زي م هو بعمل
قلت ليها م ارد؟
جمانه قالت لي ردي ي شهد
قلت ليها جمانه قالت ارد وعلى طول فتحت الخط...
قال لي في الجامعه؟
قلت ليه الواحد بيقول السلام عليكم
قال لي جاي عليك
قلت ليهو بخلعه كيف؟
قال لي قريب منك لما اصل بديك خبر
قفل الخط بقيت اعاين ليهم
جمانه قالت لي قال ليك شنوووو؟
قلت ليهم قال جاي قريب م̷ِْن الجامعه..
سكتت مساافه قلت ليهم عبايتي دي حلوة؟ ارح معي الاستراحه،
فجر بقت تعاين لي بخبث كدة
جمانه قالت لي ظابطه ارح بس غسلي وشك واعملي ليك حاجات، مشينا، كل شويه افك الطرحه واللفها قدام المرايه واقول ليهم ظابطه كدة؟
دقيقه اصلحها، كدة كيف؟
طيب كدة احلى صح؟
فجر قالت لي شهد الحب حيموتك م̷ِْن متين انتِ بتهتمي بشكلك كدة؟
قلت ليها اهتمام شنو ي بت يعني الواحد م يهذب نفسو؟
ضحكت قالت لي م̷ِْن متين بتهذبي نفسك لما سامر يجيك؟
جمانه قالت لي شهد م تشتغلي بيها هاك ملمع الشفايف دة اعمليه بما انك م بتحبي الارواج،
فجأة تلفوني ضرب، فجر قالت لي هاك ياهو ضرب،
فتحت الخط قال لي انا وصلت مستنيك،
قلت ليهو ټمٱم وقلت ليهم قال بره انا ټمٱم بجد ولا في حاجه كدة ولا كدة؟
جمانه قالت لي ولا غلطه يلا،
وقفت قدام المرايه جرتني وقالت لي كفايه يلا قدامي، طلعو معي لما وصلت الباب وشافوه واقف قدام العربيه رجعو خلوني، لما شفتو لما رجولي بردت اول مرة يجيني الجامعه ويكون واقف مستنيني قدام العربيه،
كان لابس قميص زيتي وبنطلون بيج،
ولابس نظارة وماسك تلفوني بعاين فيه، مشيت عليه لما وصلتو م كان منتبه لغايه م قلت ليه سلام عليكم،
رفع راسو وقفل تلفونو على طول وقال لي بإبتسامه وفرحه كدة هلااااااا بالسيدة الزِعيله كيفك؟
قلت ليه زعيله؟ الحمدلله وسكتت
ضحك قال لي م هو لْۆ قلنا النكديه برضو حتزعلي وم حتردي السلام، فتح باب العربيه وقال لي يلا،
قلت ليه وين؟
قال لي اكيد م حنفضل واقفين كدة صح؟ركبت العربيه،
ركب ورفع القزاز قال لي مالك زايدة سماحه
لفيت وشي بالقزاز، ضحك وقال لي لْۆ قلت ليك اشتقت ليك حتزعلي بس فعلاً اشتقت ليك
شربكت صوابعي ببعض،
قال لي بس لْۆ حتضايقي وتزعلي بلاش نقول
قلت ليه خليك مِڼّي انا انت م بتضايق م̷ِْن تصرفاتك دي؟
قال لي اقول ليك حاجه؟ انا م̷ِْن يوم م حبيتك م بعرف الضيق، واذا ضاقت علي الدنيا عيونك واسعه
ضحكت او م̷ِْن غير م احس ابتسمت والله،
قال لي عشان الإبتسامه دي ي شهد ممكن نتكلم بجديه بعيداً عن السجذاجه والتصرفات البتسوي فيها دي؟
قلتِ م بتحبي اللف والدوران قلت ماشي، قلتِ اصل البيت واتكلم مع ابوك حصل الإنتِ عايزاه ولو اليَوُمًًِ قبل بكره قال لي تعال اعقد حأقول ليهو ابشر، يبقى الانتِ بتعملي فيهو دة شنووو لعب عيال؟
سكتت
قال لي اكتر بني ادمه كلامها كتير وبتفور بسرعه مالك محسساني انك متبكمه هسي؟
قلت ليه علشان ببساطه م عِن.̷̷̸̷̐ديّ شي اقولو،
قال لي انا عايز افهم يعني شنو م عِن.̷̷̸̷̐ديّ شي اقولو دي؟
قلت ليه مش انا قلت ليك اصل بيتنا واتكلم مع ابوي والبقولو ليك ابوي هو الببقى؟ يعني لْۆ انا عِن.̷̷̸̷̐ديّ شي اقولو م̷ِْن البدايه كان قلتو وم خليتك تصل البيت
سكتت مساافه قال لي دة ٱڅڑ كلامك؟
قلت ليه ايوة
قال لي متأكدة؟
قلت ليه ايوة متأكدة
قال لي يعني القول قول عمي في الاخر صح؟
هزيت ليه راسي وسكتت..
قال لي طيب دقيقه عشان نحسم الموضوع دة،
شال تلفونو وعمل مكالمه، وفتح الإسبيكر والجرس كان برن..
فجأة الخط فتح وفي زول قال الوووو مرحب؟
قلبي في اللحظه دي وقف، الصوت..
سامر قال ي عمي كيفك مساء الخير عليك
لساني بقى تقيل عايزة اشيل منو التلفون مسكو باليد التانيه
الصوت كان صوت ابوي، قلت ليه سااااامر
ابوي قال ليهو الحمدلله ي ولدي والله،
سامر قال ليهو انا استأذنتك اني ماشي على شهد في الجامعه واناقشها بخصوص الموضوع داك وكدة، ف هسي انا معاها وهي في كلامها الاخير ي عمي انو الراي رايك انت في الآۆلْ والاخير وهسي هي سامعه في گلآمَگ وبما انو الراي رايك انا عايز اسمعو مڼڱ قدامها، البت دي بتديني ليها على سنه •اللّہ̣ ورسوله ي عمي ولا لأ؟
ابوي ضحك وانا بعاين لي سامر
سامر قال ليهو الله يديم عليك الضحكه ي عمي، اها قول لي، ابوي قال ليهو ي ولدي انا قلت ليك لْۆ هي م عندها مانع انا م بلقى نسيب احسن منك اكيد
سامر عاين لي وقال ليهو هي رايها مربوط بيك انت، عشان كدة بسألك اديتني ليها ي عمي؟
ابوي رجع يضحك قال ليهو كان كدي اديتك ليها ي ولدي،
سامر ركز نظرو علي و تاني رجع كررها ليهو اديتني ليها ي عمي؟
ابوي قال ليهو اديتك ي ولدي على بركه الله ...
سامر قال ليهو يديك العافيه ي عمي،
قفل منو بسرعه وبعدها تاني فتح تسجيل المكالمه وسمعني ليهو وانا منتبه شديد ومركزة في التسجيل زي الهبله بعد مسافهه حسيت بيد ماسكه يدي وضاغطه عليها وقال لي قول عمي واخدتو بما إنو انتِ م عندك قول بعد قول ابوك يبقى انتِ مبدئياً كدة خطيبتي، جريت يدي منو، ضحك علي
وضحكتو ي ربي بس
وصلني البيت، ونزل سلم على ناس البيت وقعد مع زين شويه وطلع،
لما طلع إتصل علي، قال لي انا طلعت عايزة حاجه؟
قلت ليه لا،
قال لي طيب تصبحي على خير
صراحه انا صح كنت بتعامل معاه ببرود بس مبسوطه م̷ِْن احساس الإهتمام الهو بعاملني بيه دة، مبسوطه بإحساس انو هو متمسك بي، انو هو مُصر علي وعايزني، م عارفه دي إعاقه او غباء مني بس إحساس انو تشوف بعينك زول ببين ليك قدر شنو عايزك رغم عنادك ونفورك منو المستمر دة في حد زاتو مطمئن شديد
في يوم م̷ِْن جيت م̷ِْن الجامعه مصدعه وعندي لفه راس لدرجه انو جاني هبوط، ابوي قال يوديني المستشفى ابيت، عملو لي محلول جلكوز شربتو ونمت،
الصباح بقيت احسن، اصريت على انو اطلع الجامعه، لما جيت راجعه نهايه اليوم لقيت سامر قاعد عندو قريب الاسبوع وزيادة م جا علينا بس بتصل عشان قال مضغوط في الشغل، سلمت عليه ابوي قال لي بقيتي كيف ان شاءالله م تعبتي في الجامعه؟
قلت ليه لٱ الحمدلله
سامر قال ليهو خير مالها؟
ابوي قال ليهو امس شويه جاتها دوخه، م̷ِْن الارهاق والضغط الحاصل ليهم دة ي ولدي
امي قالت ليه الا عملنا ليها محلول سكر لَگِنْ الحمدلله بقت احسن، بقيت اعاين ليها،
قال لي طيب اجهزي خليني اوديك الدكتور
قلت ليه لٱ م بحتاج انا ټمٱم هسي بقيت احسن
ابوي قال ليهو م بتسمع الكلام امبارح قلت اسوقها المستشفى لَگِنْ ي ولدي قوة الراس تخليها لمنو
سامر قال ليهو قوة راس في اي شي ي عمي الا في المرض، شهد اسمعي الكلام اجهزي نمشي المستشفى،
قلت ليه انا ټمٱم قلت ليك
قال لي اجهزي ي شهد مستنيك ماف حاجه اسمها تمام، ټمٱم دي بحددها الدكتور
دخلت غرفتي امي لحقتني قالت لي اسمعي كلام خطيبك وامشي معاه المستشفى واتلحلحي شويه بدل م قالبه خلقتك كدة، اسمعي الكلام عشان م يقول البت دي كدة او كدة قدام ابوها، استحمي وغيري ملابسك واطلعي امشي
غيرت ملابسي وطلعت، في الحقيقة كنت محتاجه انو امي تجبرني اطلع معاهو بدون سبب كدة كنت محتاجه الطلعه دي
اول م اتحركنا قال لي بضيق ليه م اتصلتي علي كلمتيني انو انتِ عيانه
قلت ليه انا م عيانه بس شويه إرهاق
قال لي حتى ولو مفروض تتصلي
قلت ليه وانت كمان م اتصلت
إبتسم وقال لي ده عِتاب؟
قلت ليه لٱ
قال لي م لقيت فرصه اتصل بس في بالي
سكتت لغايه م وصلنا المستشفى، دخل معي الدكتور،
اول م قعدنا الدكتور قال لي شهد بتشكي م̷ِْن شنو؟
قلت ليه بس صداع وشويه كنت دايخه امس
قال لي وغيرو؟
قلت ليه ماف شي
سامر قال ليهو شفت ي دكتور عايزك تفلفلها لي، اعمل ليها فحوصات عامه
الدكتور ضحك قال ليهو شكلها بتدلع عليك بس نشوف الفحوصات
جا قاس لي الضغط، وكتب لي فحوصات عامه،
لما طلعت النتيجه كانت نضيفه الدكتور قال ليهو م عندها شي بس السكر عندها منخفض شكلها م بتشرب سوائل وكدة لَگِنْ غير كدة ماف شي، دلع بنات زي م بقولو
سامر قال ليهو حتى لْۆ دلع المهم اتطمنت عليها
الدكتور كتب لينا ادويه قال اخدها، مشينا صيدليه كدة هو نزل قال لي خليك م تنزلي، فجأة لاحظته مكتوب إعلان تخفيض عن جميع ماسكات الشعر في الصيدليه، لما جا راجع شايل الأدويه، قلت ليه ممكن 5 دقايق بس ادخل الصيدليه واجي راجعه؟
قال لي خير عايزة حاجه؟
قلت ليه بس 5 دقايق،
قال لي تمام، نزلت دخلت الصيدليه قلت ليها معليش الماسكات متوفرة؟
قالت لي لأ خلصت والله للإسف قلت ليها لٱ ياخي و
طلعت،
رجعت العربيه قال لي خير مالك؟ قلت ليه ماف شي سألتها م̷ِْن حاجه بس وطلعت مخلصه عندهم،
قال لي اها طيب، دقيقه انا كمان عِن.̷̷̸̷̐ديّ دواء حق حبوبه اسأل منو بالمرة،
نزل وجا راجع،
وصلني البيت قال لي قبل م تنزلي ممكن بس لما تحصل معاك حاجه تكلميني رجاءً وم تقلقيني عليك؟
م عايز اقول ليك خلي بالك م̷ِْن نفسك، بس خليني انا اخلي بالي منك ممكن؟
قلت ليه حاضر
بعد مرور يومين اتصل علي رقم غريب،
الو السلام عليكم؟
قلت ليه وعليكم السلام
قال شهد؟
قلت ليه ايوة شهد
قال لي معاك مندوب توصيل عندك حاجه معي مفروض اسلمك ليها حسب العنوان انتِ في... صح؟
قلت ليه ايوة
قال لي تمام جاي عليك خلي التلفون جمبك بس لاني قريب منك
استغربت طبعاً مندوب توصيل جاي علي انا لشنو وجايب لي شنو،
انتظرتو لمن جا طلعت عليه، كانت المفاجأة انو جايب لي بوكس بتاع ماسكات،
قلت ليه معليش بس دة شنو والجايبهم منو؟
قال لي م عِن.̷̷̸̷̐ديّ علم والله،
البوكس كان زي شكل حاجه خشبيه خرافي، كلو حاجات للشعر، 3 علب ماسكات كلو واحد نوعه مختلف، وحمام زيت، والزيوت السبعه، وحبوب شعر علبتين، ومشط خشب، وكاب شاور كبيرة ومعاها كم واحدة صغيرة وكريم تسريح، وشامبو ومعطر، وكم قطعه هيد بان كل واحدة لون، وورقه مكتوب عليها "غاليهه ووين م كنتِ اغليك ...
احساسي ابداً م خاب، سامر..
إتصلت عليه ع طول اول م فتح الخط قلت ليه مجتهد شديد عشان تبهرني،
قال قلتي كدة؟
قلت ليه ممكن تبطل برود؟
قال لي حاضر وانتِ بطلي عناد بس
سكتت
قال لي عندي شغل اخلصه وارجع ليك تمام؟
قفل مِڼّي وفضلت منتظراه م رجع لليوم التاني م رجع والتالت كمان م رجع والغريبه بتصل على ابوي وزين عادي
قلت يمكن متموقف مني في حاجه لأني اصلاً احياناُ اسلوبي جارح، شلت التلفون إتصلت عليه، م رد رجع لي بعد ساعه
قال لي كيفك؟
قلت ليه الحمدلله وانت؟
قال لي ټمٱم ماشي الحال
ماف حاجه تتقال تاني ودة الاسوأ
بعد لحظه صمت وتفكير طويله قلت ليه انت زعلان مني في حاجه؟
قال لي ابداً ليه السؤال؟
قلت ليه كده بس يعني حبيت اسألك
قال لي ابداً
قلت ليه ټمٱم وقفلت، زعلت شديد م̷ِْن البرود الاتكلم بيهو معي والطريقه قمه السخف
م نمت، م قدرت انوم ابدا، بقيتً ماسكه تلفوني م بين ارسل وم ارسل،
رسلت ليه قلب مكسور " "
الغريبه كان اونلاين،
قال لي لييه؟
فتحت المحادثه مساافه حتى قلت ليه م حبيت الطريقه الإتكلمت بيها معي وانا متصله اتطمن عليك بس
على طول اتصل علي، فتحت الخط قال لي وانا م حبيت فكرة انو اكون الطرف الضاغط عليك، حبيت اخليك على راحتك وتاخدي مساحتك بس دي كل الحكايه
قلت ليه انت م ضاغط علي بس انا خايفه، م تسألني خايفه م̷ِْن شنو لأني بخاف م̷ِْن كل حاجه، وهسي انا بگلّمّگً لأني خفت م̷ِْن خسارتك انت فاهمني؟
سكت
قلت ليه انا كدة ي سامر صعب اي كائن يفهمني
قال لي م شرط افهمك، المهم انا متقبلك زي م انتِ، كدة البتقولي عليها دي انا عايزك بيها، خافي م̷ِْن كل شي في الدنيا دي الا م̷ِْن خسارتي لأنو م حتحصل، انا هنا رغم الجفا والبُطئ الإنتي بتعامليني بيه ده ..
قلت ليه حتضايق مِڼّي وتزهج
قال لي يمكن بس قلتها ليك قبل وقت م تضيق بي، الدنيا في عيونك واسعهه...