الفصل السابع عشر

بسم الله الرحمن الرحيم

قبل نبدأ في قراءة الرواية حابة اقول انه الرواية دي قيد الكتابة .. يعني ان شاء الله اول ما الكاتبة تنزل بارت انا بانزل ..

قراءة ممتعة

م عارفه في اللحظه ديك حسيت اني بحلم، اعصابي اتشنجت، فجأة سمعت اصوات رصاص وناس بتقول ابشر ي عريس، اااااابشر ي عريس، بقيت انادي على امي بصراخ وبكي..

امي، ي امي، امي...

امي جات جاريه م̷ِْن برة ومعاها فجر، حالهم حال المتسابقين وبكل خوف امي قالت لي في شنووو؟

في شنوووو ي بت؟

وانا ببكي

فجر قالت لي بصوت عالي في شنو ي شهد مالك؟

قلت ليها عقدو ي امي عقدو والتلفون لسه في يدي وانا بتكلم

فجر قالت لي كذابه كيف يعني عقدو؟شالت مني التلفون

جات خالتو هيبات والزينه جارين قالو في شنووو؟

فجأة فجر قامت تزغرد، قالت ليهم فعلاً ديل عقدو

بقو يتسائلو عقدو؟ كيفن عقدو؟

اترميت في حضن امي وبقيت ابكي، بكيت قدرتي وامي حاضناني وهي تبكي وتقول لي الف مبروك ي بتي •اللّہ̣̥ مبروك، والبيت اتملى زغاريت وجوطه مخلوطه بي تساؤلات كيف جاين خطوبه عقدو مع إستنكار اهل سامر لموضوع العقد دة اصواتهم كانت واصلاني..

ام سامر كانت بتقول والله حسب علمي الموضوع خطوبه عقد دة م جابو لينا سيرتو عشان كدة جينا وم كلمنا الاهل

تماضر: الا كان دة اتفاق بين سامر ومرتو لانو نحن زاتنا زينا زي الضيوف

في واحدة قالت ليهم خير البر عاجله والعقد مالو اخير م̷ِْن الخطوبه وجرجرة المواضيع المهم الف مبروك وربنا يتم ليهم على خير ي رب

بعد ربع سَآعهْْ كدة سمعنا اصوات رصاص برة، جمانه قالت واي، فجر قالت ليها شكلهم الرجال جو م̷ِْن الصلاة،

امي جات داخله قالت ليهم قومو ي بنات الرجال جو يلا الضيافه واطلعو استقبلوهم، جمانه قالت ليها نمشي وين في الرصاص دة ي خالتو م سامعه؟بري م طالعه انا م قنعانه م̷ِْن روحي

فجر قالت ليها ي بت ي هبله دة الحماس زاتو انا غايتو ماشه اشوف

اصوات الرصاص بقت مخلوطه بي اصوات الزغاريت، وحاجه كدة على قدر م هي بتتسمى فرحه على قدر م هي موترة وفيها رهبه، زين جا جاري ورقد وراي في السرير م̷ِْن الخرف،

الهول بقى فاضي كل النسوان طلعو برة يشوفو ضرب الرصاص دة، فضلت بس انا وجمانه وزين في الغرفه،

شويه كدة جات فجر جاريه بتصرخ وبتقول لينا واااااااي كان شفتوهم بتجالدو جلد لمن دمهم جاري وااااااي

قلت ليها منووووو البتجالدو؟كيف يعني؟

قالت لي سامر بجلد فيهم ي بت راجلك جايب معاهو حله كامله بي بكاسيها كملو الرصاص وقبلو على الجلد، يشهد •اللّہ̣̥ برة عربات وطلق وقليع جلاليب وجلد وبعلي بس

قلت ليها سامر بجلدو فيهو؟ قالت لي لٱ ي بت هو العريس هو البجلد، ديل اصحابو واهلو اظن جاين معاهو حلهه كامله جمانه قالت ليها دي عادات ي بت ها عادي قلت ليها دقيقه اتصل عليهو، اتصلت م برد، بقيت متوترة طبعاً طالما جلد اكيد بتجلد، قلبي بقى يرفني

النسوان جو جو راجعين وهم بزغرتو، فجأة ابوي جا داخل علينا في الغرفه، نسّْيتً كل شي بفكر فيهو وم̷ِْن غير م احس قمت وجريت اترميت في حضنو وانا ببكي،

هو ولا كلمه م قادر ينطقها حتى مبروك م قدر يقولها لي بكى قدرتو رغم انو حاول م يبكي وكان بقول لي هَا العويرة دي بتبكي مالك، بعدين لما شافني لٱ عايزة ارفع راسي منو ولا اتفك منو بقى يبكي معي، قال لي المبروكه بتي السمحه، الببكيك شنو ابكي انا م انتِ، هو العرس دة موت روح انتِ قايلاهو ولا شنو؟ انا قاعد

ي بتي ها،

زدته في البكى، رفع لي راسي وباسني فيهو قال لي يلا امسحي دموعك دي النصيب دة.اتخرب راجلك جاي يشوفك كدي؟

جمانه ضحكت قالت لي شهد كفايه يلا،

اصوات الزغاريت عِلت برة، وبقت في صوت بقول مبروك ي سامر، مبروك ي اخوي، وصوت فجر بتزعرد وبتقول ااااابشر ااااابشر ي ساامر ابشر، تَعاّل شهد هنا، ابوي قال ليها لبسيها توبها يلا ومشى وقف في الباب وقال: دقيقه بس واحدة،

لبست توبي، ابوي قال لينا خلاص؟عاين لي وقال لي فجر غطيها ولبسيها كويس ..

قعدنا نضحك عليهو يخوانا ابوي غيرتو كانت واضحهه في اللحظه ديك

قالت ليهو كدة تمام؟

قال ليها اي ادخل ي ولدي،

وسامر جا دااخل لابس الجلابيه ولافي العمه ومركوب النمر ومحنن يخواني محنن، جمانه زغردت، قالت ليهو م بعرف ازغرد لَگِنْ بقولو موت الجماعه عيد، مبروك ي عريس

ضحك قال ليها م قصرتي •اللّہ̣̥ يبارك فيك فجأة لقيت الغرفه فاضيه، كلهم اتضايرو حتى ابوي طلع

اول كلمه قلتها ليهو اتجلدته؟ جلدوك؟

بقى يعاين لي وبضحك بعدها

قال لي لا ابدا، العريسً م بتجلد

قلت ليه ودة شنوووو دة جيت متين لما لحقت تتحنن، وكمان م گلمتِني انك جاي، وحتعقد والكلام د...

قبل م اتم كلامي قال لي مش انا لما اتكلمت معاك قلت ليك الموضوع منتهي؟

هزيت ليهو راسي بمعنى ايوة

قال لي طالما قلت كدة يبقى اكيد حلو عِن.̷̷̸̷̐ديّ، يعني مسافه كم سَآعهْْ عشان حاجه بتستحق م حاجه مفروض تتخت ليها حسابات، فِداك 1000 كيلو متر

بقيت اعاين ليه وانا ساكته،

فجأة جات فجر داخله وقالت إحم إحم،

اتلفت عليها

قالت ليهو اتفضل ي عريس، كانت شايله مويه وعصير

قالت ليهو اسفه على الإزعاج

ضحك قال ليها لا انا زاتي طالع

قالت ليهو لٱ طالع وين سوق مرتك دي طلعها معاك برة،

يلا ي شهد،

مسكني اول م طلعني الزغاريت اشتغلت،

مسكتني خاله سامر وقالت لي الف الف الف مبروك ي جميل، والله ي سامر ي شيوب بختك بالبيبي دي ضحك، وبعدها جات ام سامر وحضنتني وبقت تبكي قالت لي مبروك ي بتي ربنا يجعلكم خير لبعض، وبعدها تماضر، ومرت اخوهو التاني واخواتو،

قعدت في الكرسي، سامر قام ماشي فجأة واحدة م̷ِْن عماتي قالت ليهو دقيقه ي ولدي استنى دقيقه واحدة،

بثينه وينو الصادق ناديهو

امي قالت ليها اي كلمتو قال جاي

قالت ليها ارجعي كلميهو تاني

امي طلعت وجات راجعه مع ابوي

عمتي دار النعيم دي الكبيرة وطبعاً هي ممكن نعتبرها العمة المتسلطه الخاربه سمعه العمات،

قالت ليهو تعالو عايزاكم في كلمتين كدي في الغرفه دي، بقيت اعاين لي سامر وهو بعاين لي، قالت ام العريس وخالتو اتفضلو،

سامر وامي وخاله سامر وابوي وام سامر وانا دخلنا الغرفه،

قالت ليهو. طبعاً ي ولدي انتو فاجأتونا وكل شي بقى بي استعجال يعني نحن زاتنا لو م سمعنا البت بتكورك م عارفين بموضوع العقد دة، كنا فاكرين انو خطوبه وقوله خير وكدة بس،

اها ي ولدي في حاجه لآزٍمٍ تعرفها م دامو الموضوع بقى رسمي وكدة، والكضب •اللّہ̣̥ م برضاهو والني للنار

البت دي طبعاً هسي بقت مرتك والواضح م فاضح اي ڼعمًْ هي بتنا واي حاجه لَگِنْ بتنا بالإسم بس لَگِنْ في الحقيقه كدة هي م بتنا ولا الصادق اخوي ابوها ولا بثينه امها، بت جابوها محل جابوها وربوها حالها حال الأولاد البقولو عليهم ااا ...

نور خاله سامر قاطعتها قبل تتم كلامها وقالت ليها فاقدي السند اسمهم فاقدي السند،

سامر م̷ِْن غير م يعاين لي قال ليها وبعدين اياً كان وضعها واياً كانت هي منو انتو اهلها او لٱ م اعتقد انو الموضوع ممكن يأثر او يفرق يعني في الأخير انا معرسها هي م معرس اهلها وهعيش معاها هي م مع اهلها يبقى المشكله وين م فهمته سبب طرحك للموضوع هسي في الوقت دة يعني؟

ضحكت ضحكه خفيفه وقالت ليهو ههههههه لالا انا م قصدته شي لكن كل شي بقى على عجل وقلت احتمال يكون الصادق اخوي اتغفل وم كلمكم بالشي الحاصل عشان بالحيل هو بقول للناس بتو وم بفرز انها بتو بالربايه بس لَگِنْ كان انتو على علم مافي مشڱلهِ خير وبركه بس عشان في أسر شويه بتكون متحفظه وم بترضى حاجات زي دي لأنها حساسه شويهه

تخيلو الموقف دة م اخدت سامر على جنب وقالت ليهو لٱ ولا حسبت حساب لي احساسي في اللحظه دي ممكن يكون كيف قالت الكلام دة ولا احترمت خصوصيه الموضوع وحساسيتو ولا احترمت قدسيه اليَوُمًًِ واللحظه النحن فيها دي ولا اي شي، دموعي جات جاريه

ابوي قال ليها بصوت حااااد داااار النعيم، كان سألتيني كان اخدتي الرد م̷ِْن لساني لزومو شنو الكلام دة هسي؟

قالت هي يخواني هسي انا قلت شنووو؟م دي الحقيقه الكلنا عارفنها ومن حق الراجل واهلو يعرفو ولا شنو ي اختي؟ قالت الكلام دة ووجهت وشها على ام سامر

ابوي قال ليها امرقي امرقي قدامي يلا،

طلعو وانا م طلعت وراهم تاني، في الحقيقه على قدر م هو مفروض يكون يوم مميز وم مفروض يكون في ذره عبوث في وشي، على قدر م اهلي او البقول عليهم اهلي سواء كانو اهل امي كان اهل ابوي عمرهم م فشلو في انهم يخربو فرحتي بحاجه...

جو فجر وجمانه داخليت، لقوني ببكي، فجر قالت لي مالك بتبكي؟

قلت ليها ماف شي، جمانه قالت لي انا اسفه بس عمتك دي م ارتحت ليها مالها قالت شنو لما دخلتكم هنا؟

قلت ليها كلام عُاَدّيَيّ م قالت شي

فجر قالت لي بنجهز في الغداء، حنجيب صينيتنا هنا، حأجي اوريك ڤيديو ضرب الرصاص وسامر وهو بجلد

قلت ليها م عايزة،

جمانه قالت لي ي بت لْۆ م اكلتي، نحن م حناكل خليك عارفه،

م عارفه بقيهه الساعات عدت كيف، بس اليَوُمًًِ انتهى

ام سامر قبل م تمشي جات داخله علي وهي شايله زين وببكي، قالت لي ي بتي اها نحن على مشيه وطبعاً سايقه معي الزول دة

بقيت اعاين ليها واعاين ليهو وهو يبكي وبقول ليها م ماشي م ماشي،

قالت لي جهزي ليهو ملابسو

نزل منها وجاني وطلع وراي في السرير وهو ببكي وبقول م ماشي، م ماشي معاكم

ضحكت وجات شالتو قالت ليهو هنا لعب وهناك لعب يلا تعال، تعال، شالتو وقالت لي خلاص ملابسو يشيلها ابوه،

حسيت يدي مكتفه م قدرت اقول ليها شي لانو م م̷ِْن حقي وزين ببكي قدرتو،

الناس كلها طلعت تودعهم فضلنا انا والبنات في الغرفه، امي وخالتو هيبات جو داخلين علينا بنقلو في الحاجات الجابوهم لي، خالتو هيبات قالت لي عاااااااد ي بتي ان شاءالله حال البنيات ي يمه سعيد وبخيت، عاد م جبتي راجلاً حُر صحي صحي ليهو اسمو ومكانتو بين حبانو، شوفي جنس الناس الجات معاهو دي، جلاليب وعمم بيضاء وبكاسي بكاسي تسوي كدي، عااد ماشاءالله الليله •اللّہ̣̥ يغطي عليهم م̷ِْن عيون خلقو

امي قالت ليها ديل كلهم اصحابو والناس البشتغل معاهم في الخلا م̷ِْن مزارعيه لي رواعيه لي غيرهم اظن قال ليهم ماشي اعقد اي زول لبس جلابيتو ولف عمتو وشال عكازو وسلاحو وركب بوكسيهو وجا

فجر قالت ليها بالضبط انا زاتي اتخلعت يااااخي دة بالحاله عقد فجأة م مخطط ليها يعني بس لْۆ كان عرس كامل كان عملو شنو؟

امي قالت ليها كان لحقوهو باللواري عديل

جمانه قالت ليها بس هو فعلاً شكلو ليهو مكان بينهم وإلا م حيعزوه العزز دة كلو ويقطعو ليهو الفيافي دي كلها، ناس البلد معروفين م بجو جيه زي دي الا كان جايبين ليهم زول عيان في مستشفى او مناسبه زول بعزوهو شديد

انتهى اليوم بتعليق كل زول علي حاجه، اهل سامر، امو، اخواتو، خالتو، اصحابو وإعتراض امي وابوي على مشيه زين بالطريقه دي، ابوي قال والله كسر خاطري بس ماااااا بيدي شي يبكي لغايه م ركبو العربيه واتحركو لَگِنْ لٱ حول لي ولا قوة شان كدة سكته لَگِنْ مشيتو بقت لي شينه م داير المشيه نهاااائي وابوهو كمان مٍشغوٍلًً مع ضيوفو اظن عشان مسافرين طوالي راجعين اها ساقهم البيت شان يرتاحو شويه واظن سفرتهم بالليل...الخ

جمانه مشت وخلت معي فجر، جات خالتو دار النعيم نفسها وقالت لينا قومن ضايرن ونضفن البيت دة ي بنوت، عروس واي شي لَگِنْ مافي ليك راحه شغله بيتكم دي البشتغلها منو م تتكليها علينا م كفايه جيتنا دي؟

فجر بقت تعاين لي بإستغراب نظام دي مشكلتها شنوووو؟

قلت ليها طيب حاضر

عاينت للحاجات الجايبنهم لي وقالت لي بي ضحكهه نسيت انو راجلك عندو الشي كان دايرة تخلي البيت في حالو دة وبكرة تأجري واحدة تشتغل اقعدي

قمت على حيلي، قلت ليها لالا بنضف هسي م بخليهو لي بكرة اصلاً

طلعنا نضفنا ولملنا وغسلنا العدة م خلينا شي حرفياً فجر حسيتها ضهرها إتقص م̷ِْن كتر الشغل بس م بينت،

بعد م خلصنا قالت لي طلعي لينا سرايرنا بهناك وفرشيهم لينا نحن جو المراوح دة م بنفع معانا، واعملي لينا جبنه خفيفه كدة

قلت ليها حاضر

امي كانت قاعدة مع اخواتها قالت لي خليهم انا بفرشهم،

قلت ليها لا بفرشهم، فجر قالت لي وانا بعمل الجبنه ان شاءالله حأسممها لمن تموت يموت حيلها

فرشتهم وجهزنا ليهم الجبنه وختيناها ليهم قدامهم ورجعنا غرفتنا،

سامر إتصل علي مكالمات كتيرة بس انا كنت شغاله م رجعت ليهو، بعد فضيت اتصلت عليهو

قال لي وين انتِ بتصل عليك م بتردي

قلت ليهو بعيدة كنت بنضف

قال لي بتنضفي بالليل دة؟

قلت ليهو ايوة،

قال لي عِن.̷̷̸̷̐ديّ حاجات جايبهم ليك لما اصل بتصل عليك تطلعي تستلميهم

قلت ليه حاجات شنوووو؟

قال لي امانات

قلت ليهو عبارة عن شنوووو؟

قال لي امانات قلت ليك ي شهد لما اجي بتعرفي

قلت ليه تُعباُنٌهْ والله ي سامر م بقدر خليهم بكرة

قال لي بكرة م ينفع، انا مسافر اليوم الساعه 3 صباحاً

قلت ليه كيف يعني مسافر؟ م فاهماك؟

قال لي انا جيت للعقد بس ي شهد بس لسه عِن.̷̷̸̷̐ديّ شغله لاحقها وبعدين معي ضيوفي ديل انا اصريت عليهم نتحرك سوا م عِن.̷̷̸̷̐ديّ طريقه قعدة

قلت ليه بس ي الشاهين حتسافر م̷ِْن غير م نتلاقى؟

قال لي عشان كدة هسي قلت ليك نتلاقى اسلمك اماناتك دي واشوفك بالمرة

سكتت

قال لي الووووو؟

قلت ليه بصوت حزين م اتوقعتك تكون مسافر طبعاً

قال لي لما نتلاقى نتفاهم جاي عليك ي دوب طلعت طيب؟انا زاتي تُعباُنٌ والله دي صحيه علي م̷ِْن امس لَگِنْ مجبور

قلت ليه طيب م تجي ارتاح

قال لي لٱ جاي انا طلعت اصلاً يلا

بقيت اعاين للحاجات الجايبنهم، قدر م اقعد احسب ليكم جايبين شنو وشكل الزينه كيف م بقدر اوصفو، م خلو كريم ترطيب، كريم شعر، مجموعه حمام، اكسسوار، ميك اب، عطور،... الخ

دخلت استحميت وسرحت شعري على بال م اصلي العشاء سامر اتصل، خلصته صلاة ورجعت ليه قال لي وصلت ادخل ولا ناس البيت نايمين؟ قلت ليه امي واخواتها شبه نامو، وابوي في الصالون اظنو نام برضو،

قال لي طيب اطلعي انتِ

قلت ليه ټمٱم

لبست توب وطلعت الحوش سمعت عمتي بتقول:

هسي تكون لقطتو م̷ِْن وين الولد دة؟

عمتي دار النعيم قالت ليها وعندو ولد كمان، يكون م̷ِْن العواليق بتاعين المدينه ديل، هي ما قاعدة في الارض قالو ليك لااافه سااااي مهند لما جا م قال لينا كدة، وقال لما اتكلم على لفها وضربها الصادق اخوي اعترض،

قالت ليها والله ي دارو ي اختي الصادق اخوانا واي شي لَگِنْ بقى اي كلام ساااكت واظنو عايش تحت لف ودوران البت دي، شوفي البيت دة هسي كيف قايله إيجارو هين؟ بكون بي شي وشويات، همل ولدو ورماهو شان منو؟ شان المطلوقهه الجايبها دي

عمتو دارو قالت ليها العرق دساس وياهو اصلها كدة لَگِنْ العتب على اخوك النعجه الإضينه

الكلام في قلبي نازل زي شك الإبرة بس لٱ تعليق اكتر م̷ِْن كدة، والعبرة بقت خانقاني، ضربت الباب عشان يعمل صوت سكتو وعملو روحهم نايمين، وانا كملت مشي وطلعت الشارع، لقيت سامر واقف،

قال لي اتأخرتي كدة مالك؟

قلت ليه ساي،

قال لي اركبي،

ركبت

قال لي كيفك؟

قلت ليه تمام،

رجع لي ورا شال كيس وختاهو لي قدامي، كان تقيل شديد

قلت ليه دة شنووووو؟

قال لي افتحيهو وشوفي

بقيت اعاين ليهه

قال لي يلا

فتحت الكيس لقيتهم قروش

، ي جماعه كيس ازرق عبارة عن قروش

بقيت اعاين ليه قلته ليه دة شنوووو؟

قال لي امانه

قلت ليه حقت منوووو؟

قال لي حقتك،

بقيت اعاين ليه بنظرات استفهام؟

قال لي الناس المعي ديل عندهم عادة انو في اي عرس او اي عقد كل زول فيهم بمرق الساهله وبختها للعروس وطبعاً الساهله دي هم بتنافسو فيها ودة نصيبك منها انا بس موكل اسلمك ليها

قلت ليه م جاااادي طبعاً ي سامر طيب وانا هعمل بيها شنوووو؟

ضحك قال لي اعملي بيها البعملوه النسوان ي شهد المهم دة نصيبك

بقيت اعاين للكيس واعاين ليهو قلت ليه القروش دي كتيرة شديد،

كلها كانت رُبط رُبط

قال لي م بتوزنك لَگِنْ

قلت ليه بالجد م عارفه اقول ليك شنو بس هسي هعمل بيها شنو وحأقول لي اهلي شنوووو؟دي قروش كتيره شديد ي سامر انت فاهم؟ انا م حصل شلت قروش زي دي!!

شال القروش ختاهم ورا وقال لي انتِ والقروش واهلك اتفاهمو فيها بعدين،

ورجع مسك يدي وقال لي بالمناسبه انا قبيل قلت ليك مبروك علي انتِ ولا نسيت؟

سكتت مساافه حتى قلت ليهه شكلك نسّْيتً

قال لي جد؟ طيب مبروك علي انتِ، رغم انها متأخرة بس يمكن تشفع

سكتت وانا بعاين ليه..

قال لي وكمان قبيل عارفك اتضايقتي م̷ِْن موقف عمتك وفعلاً بضايق بس انتِ عارفه سلفاً انو م بفرق معي صح؟ف م عايزك تختي في بالك ابداً او تشيلي في نفسك حاجه م̷ِْن القالتو، انا موجود بعد كدة إعتبريني اي شي ي شهد اي شي..

اتذكرت قطيعتهم الكانو بقطعوها قبل شويه، قلت ليهه لٱ م زعلت، ولا اتحسست، اصلاً عادي، متعودة انا على كل كلامها دة ماف جديد، متعودة على انهم م بحبوني ويمكن م حاسبني منهم دة م شي جديد بس الوقت..

دموعي جات جاريه

قلت ليه وانا ببكي بس الوقت م كان مناسب كانت تراعي للحاجه دي بس،

قال لي م فتحت الموضوع عشان تبكي انا، م تبكي، رفع لي واسي ومسح لي دموعي،

قال لي عايني لي هنا، قبل كدة انا قلت ليك شنوووو؟ مش قلت ليك انا هحبك عن كل الما بحبوك؟ مش قلت ليك سهلو علي كتير لأني م عايز زول يشاركني فيك؟

سكتت

ضماني عليه وقال لي ي بت الناس انا م عرستك عشان ابكيك او اشوفك بتبكي، وم فتحت الموضوع الا عشان ضايقني اضعاف م ضايقك، وم داير اسمع مڼڱ كلمه عُاَدّيَ على حاجه حصلت وضايقتك سواء بقصد او بدون قصد، شي ضايقك يبقى المفروض نقيف عندو مش نعديهو..

الحضن الأول دايماً بكون مختلف، دافي؟ اعتقد انو كل حروف اللغه العربيه وفلاسفتها وعلّاماتها اذا اجتمعو عشان يوصفو شعور اللحظه دي م حينصفوها،

رغم محدوديه وضيق صدرهه إلا انو إحساس إنو إنتِ مرميه في بحر عميق وخايضهه فِيَه دة م حيفارق مخيلتك في اللحظه دي ابدا، بسً لأي عمق؟م تقدري تحددي بس المهم إنتِ سابحهه، دهه غير انفاسك المختلطه بعطرهه

واهم شي الإطمئنان، الشعور الأعظم والفائز دائما، ً إطمئنانك إنو رغم ايوة صح الموضوع لحظي وسريع وصادم حبتين وغريب وفيهو كميه لخبطه وخوف وجديد عليك وكيف وليه و...الخ بس برضو في هدؤ بكون مخيم على اطرافك، فاقدة قدرة التحكم في نفسك وفاقدة قدرتك على المقاومه، إحساس إنك مطمئنه انك م عامله شي غلط او حرام، إحساس اطمئنانك وسكونك في حضنو عشان دة حلالك اعتقد دة أعظم شعور لحظتها...

لسان حال انفي وهو ضاميني كدهَهٍ كان بقول "انا ودي كل الهوى عطرك"

كان بربت على كتفي وبطبطب علي وهو ساكت، بعد مساااافه رفعت راسي منو ولولا الخجل م كان اتحرك ليّ ساكن منو، مسك وشي بكفه يديهو وهو بمسح في دموعي وقال لي مسافر بعد كم سَآعهْْ بس اخليك باكيه كدة وانا الجيت عشانك؟

قلت ليه جد؟ حتتحركو الساعه كم؟

قال لي 3 او 4 صباحاً كدة

قلت ليه اها، طيب حترجع متين؟

قال لي م مطول راجع قريب عشان كمان ترتيبات العرس، وعندي البيت داير صيانه لَگِنْ لسه عبدالرحمن م طلع

قلت ليه اي بيت؟

كان لسه بتكلم معي وخاتي يدو في خدي، قال لي بيتي

قلت ليهو دة وين دة؟ م حصل جبت لي سيرتو

قال لي الكان جيتي فيهو عشان تدرسي زين ياخي

قلت ليه جد بيتك؟ وانت قلت لي اخوك اطلع؟

قال لي هو ساكن فِيَه بشكل مؤقت كان وهسي نحن حنسكن فِيَه

قلت ليه وهم؟

سكت

قلت ليه سامر إحساس انو تكون ساكن وفجأة سيد البيت يجي يقول ليك اطلع دي صعبه حتى على الغريب ما بالك اخوك، راعي للحته دي،

عاين لي

قلت ليه اديهو مهلتو يطلع براحتو

قال لي انا عايز اصين ي شهد عشان م نطول

قلت ليه م تستعجلو ي سامر وتضغط عليه انََت م عارف ظرفو،

وبعدين مش كفايه انت استعجلت للعقد بدون علمي؟ العرس دة استنى شويه انا لسه قدامي سمسترين م خلصتهم برضو

قال لي يعني تخلصيهم حتى؟

سكتت وانا بعاين ليه وفي بالي اهلي، امي وابوي بعد انا اعرس البحصل فيهم شنووووووو؟ م حسبت حسابهم ابداً

قلت ليه بس انا قصدي م نستعجل شويهه شويه الشفقه ف...

قبل م اتم كلامي مسك يدي وشربكها بي يدو وقرب مِڼّي وباسني في راسي مسااااافه وقال لي لْۆ إستعجالي عشان ربنا يجمعني بيك في حلالو يبقى حبابها الشفقهه البتكون عشانك دي، ولو علي انا استناك العمر كلو، وبرضو لْۆ عايزة بكرة العرس يتم بتم، إنتِ بس م تبخلي علي بقولك

قلت ليهه طيب لما ترجع بالسلامه نتفاهم

سكتتنا ال 2 مع بعض، ومن شكلو كان واضح عليه الإرهاق بالذات عيونو كانت واقعه شديييد بس بعاند في نفسو وبكابر

قلت ليه احسن انزل عشان تمشي ترتاح بعد كدة

قال لي لا م تنزلي خليك انا اصلاً متعود على الوضع دة، بس هسي الاختلاف بتمثل في انا معاك، وطالما انا معاك يبقى كدة انا ټمٱم...

قلت ليهه بس..

قال لي م تخافي ي شهد عارف حدودي الما مفروض اتخطاها، وعارف انو كل شي وليه وقتو بس خليك معي، م قاعد اللقى فرصه تكوني معي فيها اطول فترة ممكنه، ودي فرصه في اليَوُمًًِ دة كتير علي الطلب دة؟

قلت ليه حاضر وم خايفه م̷ِْن شي علّۓ فكره بس ضيوفك و..

قبل م اتم گلآمَي قال لي ضيوفي زاتهم هنا عشان انا اقدر اكون هنا معاك في اللحظه دي، ضم يدي علّى صدرهه وهو شبه راقد مسترخي في الكرسي وبعاين ليّ وقال ليّ ي واحدهه في القلب ما زاحمك حي... ّ

إقتباسه

4 February

"أحب الشخص الذي يوضح دائماً أنه يحب أن يحادثني، حتى وإن كانت كل أحاديثي تافهة، يهتم لتفاصيل يومي الصغيرة، يشاركني أي شيء يفعله، يُعلِّق ويبدي رأيه على أي شيء أفعله أو أكتبه، ويشعرني دائماً أن يومه لا يكتمل دوني، أحب الشخص الذي يشعرني أنني شخص مهم، مختلف عن البقية.. شعور أنك شخص مرغوب جميل جدا."ً

Shiraz Osman