الفصل الثامن عشر
شوفي لي روشته خضراء اخد بيها دواء او جيبي لي انتِ، إتصرفي ي خالتي إتصرفي..
❖
ف جانب ٱڅڑ..
ااااااخ ي سامر اخخخخخخخ ي ولدي، إحساسي بالذنب إني سبب في معاناتك دي عمرو م حأنساه، بعد العمر دة كلو إفتكرت إنو نحن خطينا خطوات بعيدة شديد والباب دة إتقفل وابداً م حيتفتح ولا حيكون ليهو تأثير في حياتك، ابداً م جاني إحساس بالخوف م̷ِْن الماضي دة في يوم بس احترامي لرغبتك في انك عايز تخفيه وم عايزو يكو جزء م̷ِْن حياتك دة المخوفني عليك منو، خوفك من مواجهتو دة هو السبب في هلاكك حيكون..
❖
يمن
ايوة ي سامر
تعالي عايزك برة في الشارع
في الشارع؟ عازمني يعني
منتظرك.
قبل كل شي كنت لآزٍمٍ اتكلم مع يمن وافهم منها جابت الصورة م̷ِْن وين، عقلي بقول لي قول، وشوف عيني بقول لي قول تاني،
م تمت دقايق جات طالعه كنت لسه م نزلت م̷ِْن العربيه،
قالت لي اها؟
قلت ليها رسلتِ لي شهد صور إنتِ؟
قالت لي اي هي طلبت مني صور ليك عشان هتعمل ليك بيهم مفاجأة لعيد ميلادك وكدة اها جابت ليك شنو وريني والنبي والنبي متحمسه اشوفها
قلت ليها تلفونك وين؟
قالت لي في البيت،
قلت ليها امشي جيبيه
قالت لي لشنوووو؟
قلت ليها جيبيه بس
بقت تعاين لي بإستغراب بعدين قالت لي طيب
نزلت م̷ِْن العربيه وبقيت متكي في العربيه ومستنيها
في وقفتي دي جا ماري فيني زول بعربيه والشارع كان فِيَه مويه ف م حسيت إلا بملابسي وهي ملانه طين ومويه،
رفعت راسي ف إذا بي ارفع راسي اللقى زول ببركن العربيه على بعد خطوات مِڼّي وبنزل وبعاين لي وبقول: منتظرني اعتذر ليك؟ لمن تبقى راجل اول م لما تكون لابس ملابس الرجال ومتشبه بيهم ساي..
كنت في لحظِهّ ; .. اصلاً مشحون وم شايف قدامي، عدم إعتذارو كان قابل للتجاوز م̷ِْن كلامه لي، م عارف وصلتو كيف وبأي سرعه، لقيت نفسي مُنهال عليه بالضرب، بحيلي الفي والمافي ضربتو وم فكوني منو إلا الرجال الفي الطريق ويمن،
يمن كانت ماسكه فيني و بتقول لي سامر، سامر كفايهه دة خالك حتى لْۆ غلط عليك انت اكبر م̷ِْن انو ترد عليه انت ناسي انو طبيعي م واعي، دة حالو كدة ي سامر انت الاوعي
الجيران كل واحد منهم كان بمسكني وبقول لي م عهدناك كدة وم شفنا مڼڱ الا التصرفات العاقله، انت زول محترم ليه تصغر نفسك كدة؟
في راجل واقف قال لي خالك؟ ي زول بتمد يدك على خالك الفي مكانه ابوك؟ والله صحي الدنيا دي انتهت
م كان عِن.̷̷̸̷̐ديّ رد لزول، كل العندي كان غضب عايز افرغو في اي حاجه قدامي، م اتعودت إني استخدم لغه الكلام في التفريغ عن غضبي او ارد عليك، ردي الوحيد لْۆ جاك بكون بي يدي دي وعمرها م حصلت
بعدها خالي دة نفسو قال : م ولدي، انا م بلدي... انا بلدي رجال يا ... "الفاظ بذيئه"
يمكن مسكتني قالت لي سامر تعال،
سامر ارح ندخل البيت،
قلت ليها وين التلفون؟
قالت لي ادخل البيت التلفون
قلت ليها جيبي التلفون دة قلت ليك،
مدتو لي وهي بترجف، قلت ليها افتحيه وافتحي المحادثه بينك وبين شهد سرعه،
وهي متوترة عملت القلت ليها عليه وادتني التلفون،
شلت التلفون راجعت المحادثه وانا ظالع نازل م شايف قدامي وفاقد التركيز حتى، بعد مسافه حتى وقفت في الصور المرسله، كانت كميه راجعت كل الصور حتي م̷ِْن بينهم لقيت صورة، الصورة الهي سبب في حالتي دي، قلت ليها جبتي الصورة دي م̷ِْن وين؟
قالت لي اي صورة؟
رفعت ليها التلفون
قالت لي انا جمعت الصور دي م̷ِْن تلفونات البيت كلها، ودي شلتها م̷ِْن امي، قالت لي انو دي صورة امك •اللّہ̣̥ يرحمها ف قلت حتكون حلوة طالما شهد عايزة تجمع صورك مع بعض تختها في وسطهم
قلت ليها امي ادتك ليها؟
قالت لي اي، ادتني ليها ك كرت كدة كمان خلتني صورتها وشالتها رجعتها،
شلت التلفون ودخلت البيت وهي وراي، قلت ليها امك وين هسي؟
قالت لي مع حبوبه بتسرح ليها في شعرها،
مشيت على طول لغايه م وقفت عندهم،
قلت ليها امي تعالي عايزك
حبوبه قالت منو سامر؟
م ريت عليها، م كنت سامع او شايف اي شي
امي قالت لي في شنو مالكم ركزت نظرها فيني وفي ملامح يمن
اتحركت م̷ِْن غير م ارد،
م عدت دقيقتين جات لاحقاني ومعاها يمن، قلت ليها انتِ امشي،
يمن اتحركت وقفلت الباب حق الغرفه،
امي قالت لي في شنو ي ولدي بسم الله؟
رفعت ليها التلفون قلت ليها دة شنو انا الداير افهم،
بقت تعاين في التلفون،
قلت ليها عايزة توصلي لشنو؟
عيد ميلاد، والصورة دي لشهد، وإحتفاظك بالحاجات وكضبك إنها إترمت في الوساخه المغزى شنو م̷ِْن دة كلو؟
قالت لي اناااا؟ بري اناااا
قلت ليها إنتِ عايزة مِڼّي شنو؟
قالت لي إنت ولدي، م عايزة مڼڱ شي غير راحتك وسعادتك، صورة امك دي بس الأظن طلعت سليمه م̷ِْن الشنطه الأكلها الفار، وعيد ميلادك دة والله ويشهد •اللّہ̣̥ بس فجأة رجعت بالزمن لورا وإتذكرتو، انت زيك وزي ملهم، زي احمد، زي عبدالرحمن كلكم عندي وااااحد اخوان م̷ِْن بطني دي جبتكم، امك لْۆ كانت مكاني كانت حتقول نفس كلامي دة، مالك انت ي ولدي؟فيك شنوووو؟
قلت ليها ماف شي بس إستغربت شويه،
قالت لي اها عبدالرحمن اتكلم معي قبل يومين كدي، قال لي ي امي الوضع والظروف صعبه صعبه شديد شغلي دة كلو ماشي مصاريف للبيت واكل الأولاد، طلعتي م̷ِْن البيت دة شويه صعبه قال لي شوفي سامر لْۆ بقدر يخليني قاعد قبلي وهو يسكن في الطابق الفوق ويطلع المأجرين، قلت ليهو والله ي ولدي البتعمل فيهو دة عيب عديل كدة لَگِنْ قال لي انو م بقدر يكلمك خجلان ي حليلو قلت ليهو انتو اخوان اتصل وكلمو حلف م يكلمك، والبيت دة ي ولدي م بشيلنا كلنا كدة ضيق شديد براك شايف والإيجارات طايرة السما والحال م حال إيجار لزول دخلو محدود، انت زاتك بقيت ماشي على عرس ومسؤليات ومصاريف، والبنات بجاي دي بتقرأ ودي بتقرأ ودي بتقرأ، ودة بقرأ، واحمد سمسار اليوم في وبكرة ماف حالو حال ابوك حتى إيجار المكتب بياخدوه مڼڱ زي م انت براك شايف الحال غايتو م عارفه بس يحلها الحلا بلا
بقيت اعاين ليها، ركزت نظري في عيونها وهي بتتلفت يمين وشمال كلامها كان كافي يقنعني بالمتخبي وراء الحروف، وصلت العايزة تقولو بدون اي اجتهادات، كانت مساومه بس بصورة بنقدر نقول عليها مساومه بخبث..
في علم التنميه البشريه يسمى "الإستفادة م̷ِْن كل الموارد المتوفرة"..
كملت كلامها ب وكمان بجاي عندك الجبتو ودرعتو فْيَگ دة غايتو ي ولدي غايتو بس الحمدلله "قصدها زين"قالت لي مُشُگلتگُ مااااااا بتسمع كلامي، لْۆ سمعت كلامي هسي لٱ بتحتاج لي تكاليف عرس ولا مصاريف، شوف هسي الخسرتو في العقد دة كلفك كم؟ حق شنو وفي كم؟ لا بت سمعه لا اهلها قدر المقام، لٱ اسم لٱ غيرو بس إتلصقته فيهم، كان قبيل جيت قلت لي ي امي انا بقيت زول عرس م بعرس ليك؟ اخواتي •اللّہ̣̥ م كتر عندهم الا البنات وليييهه تمشي بعيد؟ البيت دة هسي م فِيَه بنات عشان تطلع تفتش برة؟انت قال ليك طلعتك م̷ِْن البيت دي هسي عاجباني؟
لْۆ اخترت واحدة م̷ِْن البنات ديل والله لٱ دايرة مڼڱ قرش ولا تعريفه عقد ومناسبه صغيرة لٱ تكاليف لٱ مصاريف لٱ هيلمانه والبيت دة بشيلنا تختار داير تاخد اي إتجاه وتقعدو زي العجب، عرسته عرسك ورضيت نفسك، لٱ قلت دي امي وليها راي لا دة، ولا دة، حتى تجهيزات العرس تمتوها إنت وخالتك براااكم لَگِنْ برضو م زعلانهه نهاااااائي ولا شلت ولا بشيل في قلبي منك، وانت ولدي اُصلًيً م بزعل مڼڱ، ابقى عافيه اقوم اصلي العشاء كدي، طلعت بعد م كملت كلامها دة وقالت لي إلا بس ربنا يسهل..
❖
يمن اخوك مالو؟
منو؟
سامر
بري م عارفه اتشاكل مع خالو برة و قال لي نادي امي، بتكلم معاها في موضوع صورة رسلتها لي شهد
صورة؟ اي صورة
ياخ صورة كدة قديمه لي امو، امو ادتني ليها صورتها ورسلتها مع الصور
امي ادتك صورتيها؟ اي صورة دي كدي اشوفها
ياخ هاك، هدي الصورة م تزهجيني
اجيييييي الصورة دي...؟
مالك؟
م م م ماف شي،
طيب.
ياسمين طلعت م̷ِْن الغرفه الكانو فيها ومشت على غرفه سامر، وقفت على بعد مسافه على امل انها تسمع شي، قربت اكتر واكتر ف م كان في اثر لي صوت في الغرفه، ف رجعت وبقت تفتش على امها في البيت وهي بتنادي،
لاقت تماضر في وشها قالت ليها شفتي امي؟
تماضر قالت ليها عمتي دي اتوضت دخلت غرفتها تصلي
قالت ليها طيب، ككملت طريقها لغايه م وصلت غرف امها فإذا بها تشوف امها واقفه في السرير وبترفع في شنطه كبيرة كدة،
امي؟
اي ي بت
سامر مالو معاك؟
مالو؟
امها نزلت م̷ِْن السرير ولبست توبها قالت ليها مالو؟
قالت ليها امي حكايه الصورة دي شنووووووو ممكن افهم؟
اي صورة؟
الخليتي يمن تصورها ورسلتها ليهو، مش قلتي الشنطه كلها الفار اكلها ورميتيها في الوساخه؟ وبعدين عمرنا كلو عايشين م سمعناك يوم متذكرة عيد ميلاد سامر ي امي اتذكرتيهو من وين؟
انا دايرة اصلي م دايرة معاك قلة ادي وكلام فارغ كتير
وين القله ادب في گلآمَييّ هسي ي امي؟
تعالي كفتيني سمح بالمرة عشان تتمي قله ادبك
منال وقفت في المصلايه وياسمين واقفه بتعاين ليها مسااافه حتى طلعت،
❖
الهدؤ الإستقرار، الراحه كان مخيم على حياتي على مدى سنوات طويله، وفجأة بخطوة واحدة مني إختلت الموازين، هل دي ضريبه ولا عقاب؟ هل انا كنت صح لما خطيت الخطوة دي ولا كنت إندفاعي بشكل مبالغ فِيهه؟
مصداقيتنا مع الماضي بتطلب شجاعه هل انا جبان للحد الما مخليني اعترف بواقعي في الماضي؟
❖
في بينشات الجامعه..
اها ي بت احكي لينا الحصل شنو في عيد ميلاد سامر
م عارفهه..
جمانه: عجبتو الهديهه؟ اها خليك م̷ِْن عجبتو ولا لأ اها عايدتيهو كيف لما شاف الهديه ردة فعلو كانت كيف، اكيد اخدك بالحضن صح؟
فجر: ي بت ها ياخدها بالحضن شنو، إتلقي قال ليها دة شنووو الجايباهو دة اااااااازولهه ها..
قلت ليها اريتو كان قال كدة زاتو كان اخف قدراً
جمانه قالت لي كيف يعني؟
قلت ليها عديل كدة، م̷ِْن يومها مختفي لٱ إتصل لٱ رسل لٱ دة لٱ دة م عارفه حاصل عليهو شنووو
جمانه قالت لي مش كنتو مع بعض، وسلمتيه الهديه م عَلَّق اي تعليق كدة ولا كدة؟
قلت ليها لا، بس مشى وانا دخلت بيتنا لٱ رجع لي بمكالمه ولا غيرو
فجر قالت لي •اللّہ̣̥ لٱ جاب باقيه الوهمي، اوتكيت يجيبو م̷ِْن وين بس كدة قولي لي يجيبو م̷ِْن وين وهو زول مباري البهايم والحيوانات، متخلف انا زاتي م عارفه مستحملاه كيف السغيل السخيف وكمان قال بتحبيه بتحبي ليه شنو الوهمي الطايره ليه دة
سكتت،
جمانه قالت ليها فجر
قالت ليها عايني م تغمزي لي ولا شي، شهد انتِ لآزٍمٍ تتكلمي معاه، وتفهميه انو م يتعامل معاك كأنك غنمايتو او سخلتو وقت م عايزها يطبطب عليها ووقت م ما عايزها يرفسها، قولي ليها انا بشر، انا مرتك اسلوبك دة م بنفع معي لْۆ انت عايز البتتعامل معاهم كدة ديل كان تعرس م̷ِْن الخلا الانت فيهو دة، م م̷ِْن حقو يعاملك معامله جافه جفاف يجيب اجلو، م ممكن تتعبي وتخططي وتجهزي عشان تبسطيه وهو بكل برود يختفي كدة، اخ انا هموت، عايني دة حيوان ساي ولو قلتِ تسكتي ليه كدة م̷ِْن هسي صدقيني حيطلع ليك في راسك وحيدلدل رجلينو واستحملي بعدها قلهه الادب ↗
↗ ↗ ↗
جمانه قالت لي شهد م بتعرفي الحاصل معاه شنو، إذا هو م اتصل اتصلي انتِ
قلت ليها م برد، او رقمو قافل معظم الوقت
قالت لي شوفي اختو القلتي عليها لطيفه دي اسأليها منو وكدة،
فجر قالت ليها لييييهه تسأل هي؟ هو مالو محنن؟
جمانه قالت ليها راجلها، مرتو، يقعدو ويتفاهمو مش هو يشد وهي تشد لآزٍمٍ واحد فيهم يرخي عشان يفهم، م محتاجين التعقيد البتقولي فيهو انتِ دة كلو، صدقيني انتِ بعدين حترجعي وحنتك سوداء زي م هي في رجولك لْۆ قلتي تتعاملي بالتعصب وتهويل المواضيع دة
طول طريق الرجعه للبيت كنت ببكي م̷ِْن كلام فجر على عمايل الشاهين البعمل فيها دي لغايه م وصلت البيت، وانا جايه م̷ِْن بعيد شفت ابوي قاعد في الكرسي برة قدام باب الشارع ومعاهو زول قاعد جمبو في كرسي و زين بلعب، ركزت نظري في الزول التاني لقيتو سامر، طبعاً كنت لسه ببكي مسحت دموعي بسرعه ونشفت وشي وجفوني لما قربت عليهم زين قال ليهم بابا شوف شهد جات، جدو عاين شهد جات وجاني جااااري،
حضنتو وشلتو قلت ليهو مشتاااااقين حبيبي،
قال لي جبتي لي شنوووو؟
قلت ليه لقيت البقاله قافله لَگِنْ اصل البيت ونطلع نجيب العايزو مع بعض
قال لي لٱ هسي بس ارح
قلت ليه انا جايه تُعباُنٌهْ ارتاح شويه،
مسكني بي يدينو الاتنين قال لي خلاص معليش وباسني، ضحكت قلت ليه بديك القروش تخليها معاك سمح؟
قال لي حاضر
وصلت جمب الباب سامر كان بعاين لي،
ابوي قال لي المبروكه جيتي الليله مالك متأخرة كدي؟
قلت ليه ماف مواصلات كيف امسيتو؟
قال لي الحمدلله ي بتي صحي والله المواصلات دي بقت عوجتها عوجه قطعت قلبكم
سامر قال لي انتِ ليه تركبي مواصلات شوفي ليك ترحيل او اي حاجه تنقلك
عاينت لييهه وانا ساكته،
ابوي قال ليهو ي ولدي ادخل جوة انا زاتي اقوم عشان اتجهز للمغرب، تعالو جوة،
دخلت وسامر دخل الكراسي، ابوي مسك زين ودخل بيهو على الحوش البهناك وخلانا نحن في إتجاه الصالون
سامر قال لي كيفك؟ مالها عيونك واقعه عيانه ولا شنوووو؟
سكتت
قال لي مالك انتِ في شنوووو بتكلم معاك انا؟
قلت ليه م ممكن تكون كدة، م ممكن تكون م بتفهم م بتحس بتتصرف تصرفات وبتجي تعقبها بتصرف كأنك م عملت شي،
هسي بتقول لي مالك؟
كيف مالي؟ ليك كم يوم مختفي وليييه؟
لما تكون مسافر بقول معليش بعيد، م عندو شبكه او غيرو بفتش ليك اعذار بس.هسي مالك؟
الطريقه السبتني بيها اليَوُمًًِ داك فكرك انو تصرف عادي وطبيعي؟
م منتظرة مڼڱ شكر او تقدر او كلام م̷ِْن دة بس شايف تصرفك كان عادي عشان تجي تسألني مالك؟ انا العايزة اسألك مالك؟
دموعي جات جاريه، وقف مسافه وهو بعاين لي، بعدها قال لي تعالي، مسكني ودخلنا الصالون،
قال لي ي شهد
قلت ليهو م شهد، بتختفي على كيفك وبتظهر على كيفك،
طيب اسمعيني ي شهد، اسمعي عايز اقول ليك شنو بس
قلت ليه قبل م تقول اي شي سامر انا م حمل تعب، م حمل معاناة، م حمل تقلبات مزاجيه وزول يعاملني على كيفو، انا حرفياً عانيت في الحياة دي بما يكفي، عِن.̷̷̸̷̐ديّ هموم كتيرة م حمل اني اضيف ليها هم زيادة، امي وابوي وحياتنا وعيشتنا دي اكبر همومي، ولما انت لقيتني لقيتني انا بحاول عشانهم،
م ممكن انت كمان تبقى علي، م عايزة منك شي غير إنو تعاملني معامله اي اتنين مرتبطين، م متطلعه م عايزاك تكلمني كل الوقت، م عايزاك تراسلني كل الوقت، م عايزة اشوفك كل الوقت، م عايزاك تسمعني كلام حلو م عايزة مڼڱ شي ودي اساساً حاجات لْۆ جات مڼڱ م ببتطلب او بمعنى ادق م بتتشحد، بس على الأقل لما إتصل اتطمن عليك ترد دي ابسط حاجه ي سامر، ابسط شي انك م تختفي فجأة نبهني إنت مالك عشان م اكون مقلقه انا كدة طالبه كتير؟
قال لي طيب خلاص معليش ي شهد حقك علي، عايني لي هنا بتكلم معاك انا، شهد، قلت ليه سامر انت م̷ِْن هسي بتعمل كدة، قبل م نعرس بتعمل كدة م قادرة اتخيل لما يتم العرس هتعمل شنو اكتر م̷ِْن كدة بمزاجيتك ولا مبالاتك دي، بقى يعاين لي ببرود كدة وقال لي تعالي، اخدني وضماني عليه غصب وانا بحاول اتفك منو وهو ضاغط علي، قال لي شكلك كنتِ بتبكي م̷ِْن قبيل انتِ صح؟
صح ي شهد؟
قلت ليه الما ببكي شنو ي سامر؟ يعني بس تخيل انا بتصرف معاك كدة حيكون عندك عادي؟
باسني في راسي وهو ضاميني قال لي طيب خلاص معليش قلنا، رفع لي راسي ومسح لي دموعي وقال لي م تبقي مرة نقاقه كدة كمان وضحك
قلت ليه انا ي دوب عرفت انو المرة النقاقه بكون عندها نوعك دة م̷ِْن الرجال،
قال لي انا م بالكعوبيه الانتِ شايفاها دي ي شهد م تقسي علي كدة
قلت ليه طيب شنووو؟ مالك؟ انا عايزاك تحكي لي وانت م بتحكي، م بتحكي ي سامر
قال لي لأنو ماف شي يتحكي
قلت ليه الحصل يوم عيد ميلادك دة تفسيرو شنوو ممكن افهم؟
قال لي عايزة تفهمي النقطه دي بس ولا غيرها؟
بقيت اعاين ليه وساكته
دخل يديهو في جيوبو وعدل وقفتو وهو بعاين لي قال لي الصورة حقت المرة القديمه دي كانت صورة امي، وكانت ضايعه وكنت بفتش عليها لي زمن سألت منِْه ِْ̨̐ا في البيت كلهم م كانو عارفنها ولا شافوها عشان كدة لما شفتها عندك اتفاجأت وزعلت لأني سألتهم منها كتير..
بقيت اعاين ليهه مسافهه وقلت ليه وبعدين؟
سكت
ركزت نظراتي عليه كإستفهام؟
قال لي امي كانت داساها وناسياها بس ي شهد خلاص كدة؟
مسحت وشي بي يدي، قلت ليه م رجعت لي بعدها واختفيت يومين برضو،
قال لي قلنا خلاص ي شهد قلنا خلاص، وبعدين انتِ مش جايه م̷ِْن الجامعه تُعباُنٌهْ والمفروض تمشي ترتاحي؟ ودخلتنا هنا برضو غلط ف شنو خلينا نطلع امشي ارتاحي وبالنسبه لموضوع المواصلات دة شوفي ليك ترحيل يوديك الصباح ويجيبك كويس
قلت ليه لٱ..
قبل م اتم گلآمَييّ قال لي اسمعي الكلام وم تقولي لي لا، م داير اسمعها
قلت ليه م ممكن انت تعمل العايزو وانا لا،
قال لي انَتِ لا عشان انا كايس راحتك،
قلت ليه راحتي لما تبطل عمايلك دي الشاهين
سكت وبقى يعاين لي
قلت ليه بصوت خافض افهمني ممكن تفهمني؟ حرفياً انا اصلاً حياتي دي مستهلكه والله الحياة ضاغطه اكتر م̷ِْن اللازم وانا عارفه انو انت كمان عليك مسؤليات ومشاكل ومستحمل الضعف بس برضو خلينا نخفف ونهون على بعض م تستهلكني انت شعورياً ي شاهين، وانا م حتلقاني حأشتكي ابداً
سكت مسااااافه وهو بعاين لي، بعدها قال لي حاضر ي شهد، بس كدة؟ حاضر شديد في مشڱلهِ تانيه؟
هزيت ليه راسي بمعنى لأ،
قال لي طيب يلا عشان اللحق الصلاة مع عمي وانتِ ارتاحي..
❖
ابداً م اتوقعت وفي وقت قليل إني اكون وصلت شهد مرحله إنها بصريح العبارة تطلب مني إني م اتعبها، تقول لي بالحرف الواحد م تستهلكني، ابداً م لاحظت أنا كنت بعمل في شنو ولا حسبت حساب هي كانت بتحس بشنو م̷ِْن اي تصرف ببدر مني،
طلعت وانا بفرغ غضبي في السواقه، الشارع، قطع الاشارة، تخطي العربات، بس الحاجات دي م كانت كافيه بالنسبه لي، شلت تلفوني
الووو؟
اي ي احمد، لم الشباب وتعالو الخماسيات خلونا نلعب،
م ضروري نكون محددين يوم، م شرط اضرب ليهم كلمهم وتعالو تمام؟ماف شي، ضروري اللعب عشان في شي؟ بنتظركم اي، يلا سلام.
❖
عدت الأيام وسامر عدة شهر في الخرطوم، بجيني احياناً في الجامعه واحياناً بجي الصباح بسوقنا انا وزين بوصل زين الروضه وبوصلني انا الجامعه عشان رفضت موضوع الترحيل قال لي لغايه م تقتنعي انا بوصلك، وهكذا، فضلنا على الحال دة لغايه م في يوم إتصل علي قال لي ي شهد اليَوُمًًِ انا ماشي سايق زين م̷ِْن الروضه حأوديهو معي البيت،
قلت ليه تمام طيب حتجيبو بكرة او كدة؟
قال لي إن شاءالله
قلت ليه حيفرق معي بعدين اديني اتكلم معاهو قبل م ينوم ماشي؟
قال لي حاضر ابشري،
قلت ليه حتجيني في الجامعه؟
قال لي بحاول
قلت ليه تمام
قفل الخط وفي الجامعه فضلت منتظراه واتصلت عليه م برد، رسلت ليه رساله محتواها "م تجي شكلك بعيد انا حأطلع مع البنات تمام "
رجعت البيت، وبرضو بالليل لٱ إتصل ولا رسل رساله وانا اتصلت عليه م رد، اصلاً كنت تُعباُنٌهْ، نمت م̷ِْن بعد المغرب وعملت التلفون عام في حال انو اتصل وكدة، صحيت م̷ِْن النوم اول حاجه عملتها شلت تلفوني وفتحتو لقيت رساله نازله منو، رساله Sms،
فتحتها لقيت محتواها
"ي بت الناس، حاولت بكل الطرق انو نمشي لقدام وم نفع، لٱ ظروفي بتسمح لي اكمل معاك ولا حياتي إنتِ حملها زي م قولتي، •اللّہ̣̥ يسهل عليك وانا والله بقول ليك كلامي دة ومتأسف جداً على الحاجه دي بس اراد •اللّہ̣̥ يحصل كدة ابقي عافيه م داير اعلقك معي ساي واكتر عليك مشاكلك، دة انا ودي طبيعه حياتي كدة...
قريت الرساله دي في البدايه ضحكت وحسيتها هزليه،
اتصلت عليه في رقمو مقفول، اتصلت في الرقم التاني برضو مقفول، نزلت استحميت وصليت وجيت شربت الشاي مع امي وابوي، رجعت شلت تلفوني واتصلت برضو مقفول،
هنا في اللحظه دي حسيت بجديه الموضوع، بس برضو كذبته، ومشيت الجامعه عُاَدّيَيّ وم فكرت في الموضوع قلت يمكن مقلب ساي عاملو في دوامي في الجامعه اتصلت التلفون مقفول،
مع كل إتصال خوفي كان بزيد، في الطريق وانا بتصل التلفون مقفول، رجعت البيت وانا بحاول وبرضو لسه مقفول، اكذب احساسي بجديه الرساله؟
إتصلت على يمن، قالت لي عروستنا الما بتسأل
قلت ليها كيفك؟
قالت لي تمام الحمدلله وانتِ؟مشتااااااقين م نفسك تجي علينا؟
قلت ليها كتير والله ان شاءالله
قالت لي سفر الزول دة فرق معاك صح؟ إشتقتي ليهو ولقيتي تلفوناتو مقفله قلتِ تتصلي تتطمني وتشوفي أإأذأإأ اتصل علي
قلت ليها منوووو؟
قالت لي منو غيرو راجلك، الخلا دة التقول قاطعين فيهو سرتو، حرفياً ي شهد ربنا يعينك عليه
طبعاً الدنيا ضلمت في وشي، قلت ليها م فهمتك؟
قالت لي م فهمتي شنوووو؟ م كلمك انو مسافر اليوم؟ قام بدري م̷ِْن الساعه 3 صباحاُ م عارفه إنو مسافر؟
سكتت ودموعي جات جاريهه
قالت لي الووو شهد؟
قلت ليها معاك ايوة
قالت لي شكلو كالعادة م كلمك صح؟
سكتت
قالت لي يمكن عشان م تزعلي بس حيتصل عليك اول م يصل ي بت عااادي والله متعود يسافر ويختفي كم يوم ويخلينا نقلق عليه حتى يفاجأنا انو مسافر م تزعلي منو
قفلت منها وانا م عارفه اعمل شنو، م عارفه اقبل على وين، م عارفه اقول ي منو في اللحظه دي، الغرفه دي بقت لي غابه، غابه فاااضيه وضلماء م فيها غيري، حاولت امنع دموعي م تنزل بس بشكل تلقائي لقيت نفسي منهارة وببكي، هعمل شنو وحأقول لمنو وهشرح الموضوع كيف؟برضو م كنت مصدقه، إذا صدقت كلام يمن م قادرة اصدق الرساله،
شلت تلفوني ورسلت ليه سامر بطل هظار، على فكرة بايخ وم حلو ابداً م بتعرف تهظر ابدا، ً
وبعدين لْۆ عايز تسافر كنت تجي وتقول لي انا مسافر م̷ِْن غير م تقول گلآمَگ دة وم هزعل منك ابدا، عموماًً انا عرفت إنك سافرت م̷ِْن يمن، اول م تصل طمني عليك ماشي حبيبي؟
بعدها رسلت ليه هعتبر نفسي م قريت هظارك البايخ دة
رد؟
عدت الثواني، على الساعات، على الأيام، وبين كل ثانيه والتانيه كانت في ألف رساله مني ليه، لٱ قلبي ولا عقلي كانو مستوعبين الحاصل دة، كنت مكذباهو، إحساسي كان مكذبو، عقلي مكذبو، رغم انو لا في رد ولا غيرو منو ف في مثل انجليزي بقول No news,good news اللي هو طول م إنو مافي اي خبار ف دي اخبار جيدة،
عديت في الجحيم دة وفضلت ساكته وم اظهرت اي شي، ابوي بسألني عن سامر بقول ليهو سافر فجأة، طيب وزين؟
مع ناس بيتهم، ابوي قال لي لما تتصلي تتكلمي معاه اديني ليه
قلت ليه حاضر
إتصلت على يمن، بعد م سلمت عليها وكدة، قلت ليها زين وين جمبك؟ اديني ليهو عايزة اتكلم معاه
قالت لي زين؟
قلت ليها ايوة
قالت لي زين معانا في البيت؟
قلت ليها ايوة مش سامر جابو ليكم؟
قالت لي متين؟ سامر جا اليوم؟ انا برة البيت عشان كدة
فضلت ساكته وانا مندهشه م̷ِْن كلامها
قالت لي الوو شهد؟
قلت ليها زين م معاكم؟ سامر م جابو ليكم قبل م يسافر بيوم؟
قالت لي ههه كيف يعني؟ ابداً سامر م جابو لينا
قلت ليها يمن انا جادة
قالت لي وانا يشهد والله م بهظر متفاجأة م̷ِْن گلآمَگ وم فاهمة انتِ بتقولي في شنو، في شنو ي شهد احكي لي؟
سكتت
قالت لي شهد؟
قلت ليها عندك رقم احمد صاحب سامر؟
قالت لي لا بس تقريباً ابوي وملهم عندهم لييييهه؟
قلت ليها عايزاه
قالت لي شهد في شنو انتِ فهميني، انتِ وسامر متشكلين؟
قلت ليها جيبي لي رقم احمد إذا ممكن ي يمن
قالت لي طيب ف..
قلت ليها اخدميني وجيبي لي،
قالت لي حاضر طيب دقايق،
بمعرفتي لي إنو سامر م ساق زين بيتهم هنا الموازين عندي كلها إتقلبت، بقيت برجف كلي، ودموعي جاريه بدون م احس، جاتني رساله م̷ِْن يمن لقيتها مرسله لي الرقم،
إتصلت عليه،
لما رد وقال الو قلت ليه ي احمد گّيَفْ الّحّال ٱن شْاءِ اللٌہ بَخّيَرٌ،
قال لي وعليكم السلام، الحمدلله والله،
قلت ليه معاك شهد ي احمد عرفتني؟
قال لي شهد؟
قلت ليه متصله عليك بسأل م̷ِْن سامر
قال لي اهاااا شهد، اهلاً ياااخي احلاً وسهلاً حبابك ياااخي كيف الحال والاخبار والخال والوالدة كلهم كيف بخير؟
قلت ليه الحمدلله م عندهم عوجه
قال لي دام حمدك ان شاءالله،
قلت ليه احمد عايزة اللاقيك ضروري واتكلم معاك بخصوص موضوع بخص سامر أإأذأإأ عندك وقت
قال لي ابشري ي شهد اتفضلي وحددي لي متين؟
قلت ليه اليَوُمًًِ وهسي إذا ممكن،
قال لي طيب ټمٱم اجيك جمب البيت؟
قلت ليه ممكن بس لما تصل الزلط اتصل علي انا بطلع عليك،
وفعلاً دة الحصل، طلعت ولاقيته،
قال لي ي زوله انا طولت م لاقيتك ولا شنو حالتك دي كدة؟
قلت ليه ماف شي جري بس
قال لي كلنا جارين ي شهد •اللّہ̣̥ يدي العافيه بس
قلت ليه ان شاءالله، معليش اتصلت عليك واستعجلتك بس عايزة اسألك اسئله ماف زول حيساعدني فيها غيرك
قال لي عُاَدّيَيّ ي شهد معقوله يااااخي انتِ اختي ومرة اخوي اجيك م̷ِْن ٱڅڑ الدنيا في اي وقت
سكتت مسااافه حتى قلت ليه سامر وين؟
قال لي كيف وين؟ سافر فوق محل شغلو وكدة م كلمك؟
قلت ليه وزين؟
قال لي زين م معاك؟
هزيت ليه راسي بمعنى لٱ
قال لي كيف؟
قلت ليه عديل كدة
قال لي مع اهلو في البيت يعني؟
قلت ليه ولا مع اهلو في البيت؟
قال لي كيف لٱ معاك ولا مع اهلو م هو م بطلع منكم الاتنين
قلت ليه كنت بتكلم مع يمن قبل م اتصل عليك ودة سبب اتصالي عليك، زين م معي وانا كنت فاكرة انو مع اهل سامر بس طلع برضو م معاهم م عارفه وداهو وين، هو م̷ِْن سامر اتصل عليك؟
قال لي ابداُ، حالو حال اي سفرة لما يسافر بنقطع الا يرجع او يجي محل الشبكه بس هو م̷ِْن زمان لما يسافر بخلي زين معاك الحصل شنوووو؟
قلت ليه الحصل انو قبل يسافر بيوم اتصل علي وبعدين...الخ
طلعت تلفوني ومديتو ليه قلت ليه ولقيت منو الرساله دي صباحيه سفرو،
كنت بحكي وببكي،
هو زاتو اتوتر، قال لي دة مجنون ولا شنو والله إلا كان جنا دة شنو دة مالكم انتو كنتو متشكلين او متناقشين؟
قلت ليه ابداً والله مويه بيناتنا م جرت
قال لي سمح دة كلام شنو البقول فِيَه دة؟
كدة دقيقه، طلع رقمو وحاول فِيَه لقاه مقفول، حاول في التاني لقاه مقفول،
قال لي طيب مشى بالولد وين اختو م جابت ليك سيرة خالص؟
قلت ليه هم زاتهم في حساباتهم انو زين معي واتفاجأت لما سألت عليهو
قال لي لٱ إله الا الله، سامر دة، سامر دة هسي انا اقول عليه شنو متأكدة ي شهد ماف مشاكل بينكم؟
قلت ليه اقسم بالله ي احمد ماف شي
قال لي خلاص م تبكي، م تبكي عليك •اللّہ̣̥، شوفي انا كان سفر بسافر ليهو وبلحقو م بخليه بس انتِ روقي شويه كدة وخليني افهم الحاصل، وبتصل عليك كويس؟
كلمتي زول؟
قلت ليه ابداً
قال لي كويس م تتكلمي لغايه م نفهم، ونحلها
قلت ليه ټمٱم حاضر
رجعت البيت وانا قلبي واجعني اكتر، عدو يوم واتنين وتلاته، واسبوع والتاني والرابع، وماف اي خبر لا م̷ِْن سامر لٱ م̷ِْن زين، احمد سافر يفتش عليه وكان متواصل معي يومي، قال لي ي شهد ماف هنا ولا ليهو اثر، قالو م جا نهائي م̷ِْن ٱڅڑ لحظِهّ ; .. رجع فيها الخرطوم تاني م شافوه
إنهرت تماماُ والبكاء بقى غالبني والكلام غالبني، لْۆ اتكلمت حأقول لمنووووو؟ابوي م بتحمل، اقول ليهو خلاني بدون سبب بعد العقد بكم شهر؟
اخترت إني اتكتم على الموضوع واخليه يعدي م̷ِْن سكات كدة واتجاوز كل الاسئله المحتواها سامر وزين، بعدين بقيت اكذب، اقول اني بتكلم معاهو ايوة، بسلم عليكم، عندو شغل م بقدر يجي قريب...الخ
عدت تلاته شهور وانا الموضوع دة استنزفني خلاص، م قادرة اعيش حزني ولا ابين اي شي، بالليل بقضيهو بكى الصباح بقدر الامكان بكون كويسه بس انا م كويسه،
بمسك تلفوني وبرسل ليه "•اللّہ̣̥ يخليك ي سامر م تعمل فيني كدة"
كل الفترة دي واحمد م انقطع مِڼّي وكانت غالباهو الحيله، قال لي يعني تصرف زي دة مش هو صحبي ي شهد والله م تصرف رجال، والله م تصرف رجال ابدا، ً الراجل بواجه، الراجل بكون عندو شخصيه ياخي والله سامر، اخ بس م̷ِْن سامر انا واثق انو هو م بعمل كدة سااااي، يشهد •اللّہ̣̥ يشهد سامر ان قابض جمر في يدو م بقول ليك قابض جمرة ودة عيبو لَگِنْ انا اصلاً م بخليهو، بفتشو لمن الم فيهو الشغله م لعب ولا على كيفو او مزاجو ياخي العملو دة الشفع م بعملوهو خليك م̷ِْن زول كبير وواعي وعاقل ...
في يوم جاتني مكالمه م̷ِْن رقم غريب، رديت على طول على امل انو يكون سامر،
لَگِنْ كان مع الاتصال خيبه امل، المتصله كانت مرة
الو السَلٱمٌ عَلْيگمّ-ۈرحْمٌّة ٱللّہ ۆبُرگّاتہ؟
قلت ليها وعليكم السلام
قالت لي گّيَفْك ي شهد ي بتي، كيف الّحّال ٱن شْاءِ اللٌہ بَخّيَرٌ؟
قلت ليها الحمدلله بّخْيرٌ
قالت لي الوالدة والوالد كيفهم؟
بتتكلم معي بنبرة عرفه كدة
قلت ليها الحمدلله منو معي معليش؟
قالت لي معاك خالتك منال
قلت ليها منال؟
قالت لي والدة سامر ي بتي
قلت ليها اهلين ي خالتو منال كيفك؟
قالت لي الحمدلله ي بتي م عندي عوجه،
قلت ليها دايماً ي رب
قالت لي وين انتِ في البيت ولا في الجامعه؟
قلت ليها في الجامعه طالعه على البيت
قالت لي خلاص قبل م ترجعي البيت ضروري اللاقيك
قلت ليها اليوم؟
قالت لي اي اليَوُمًِ، عِن.̷̷̸̷̐ديًّ كلام كتير دايرة اقولو ليك وتسمعيه
قلت ليها تمام
قالت لي نتلاقى وين او اجيك وين حددي،
قلت ليها اي مكان، شوفي المناسب معاك بس
قالت لي خلاص بركب ترحال وبجيك جمب الجامعه ونمشي اي مكان
اتوترت وعقلي بقى يودي ويجيب وبقيت بتكلم مع نفسي، ي ربي سامر اتصل وحكى ليها لانو م بدس منها، ي ربي مالها؟ عايزة تقول لي شنو؟
عدت سَآعهْْ وربع وانا م حسيت بيهم حتى اتصلت علي قالت لي انا جمب جامعتك، طلعت عليها، اول م ركبت اخدتني بالاحضان گّيَفْ الّحّال ٱن شْاءِ اللٌہ بَخّيَرٌ ي بتي، ومعليش متلومين معاكم اعفي لي كيف ابوك وصحتو، وامك كيفها
قلت ليها الحمدلله
قالت لي ومالك ي بتي فْيَگ شنوووو؟عيانه؟
قلت ليها لٱ والله جري بس مع الجامعه
قالت لي دة عياء عديل م جامعه بس شوفي بنات الجامعه ديل كلهن حلاة الدنيا عليهن، والبنيات المعي في البيت ديل م قرن ولا شنوووو؟
سكتت
نزلنا في مطعم كدة، قالت لي فوق هادي احسن نطلع فوق عشان نتكلم برواق،
طلعنا، قالت لي تشربي شنوووو؟ قلت ليها ولا شي شكرا، ندهتً على الويتر قالت ليهو 2 ليمون و 2 مويه
بعد مشى طلعت تلفونها عاينت فيهو مسااافه حتى قفلتو ودخلتو شنطتها وقالت لي اها ي بتي اسمعيني للأخر واتمنى م تقاطعيني،
الزواج دة طبعاً قسمه ونصيب وانتِ ولدنا دة شافك وعجبتيهو واتقدم ليك وحالك حال اي بت اتقدم ليها راجل محترم ومالي مركزو وم فيهو عيب ووافقت بيهو، دي حاجه م بتغالطو فيها اتنين،
طول ي زمن وقصر، ابتدت تظهر ليك سلبيات فيهو، إشارات بتوريك إذا انتِ مفروض توافقي او ترفضي، وانتِ اخترتي الموافقه،
إستعجلك للعقد ووافقتي وعقدتي
م̷ِْن غير م تسألو عنو ولا تعرفي عنو او عن اهلو شي، اللي اهلو م نحن اهلو الحقيقين، انا زاتي استغربت كيف م راجعتو اهل امو الحقيقين، كيف م سألتو عن سامر الما بتعرفوهو انتو، ثقه، اطمئنان غريب، انتِ خليك يمكن تكوني مشاعرك عمتك، ابوك وامك مالهم؟
الويتر جاب العصير نزلو قالت ليهو شكرا، ً
وقالت لي اشربي عشان م يبقى ليك مر، وشالت الكبايه وشربت، وانا فتحت المويه وشربت وعيني عليها
قالت لي الكلام الحإقولو ليك دة اتمنى م يطلع م̷ِْن بينا واتمنى تموتي بيهو، لَگِنْ انا كمان ام بنيات عِن.̷̷̸̷̐ديّ الفتوات ماشاءالله مالين البيت اكبر منك وقدرك، زي م انا حريصه على بناتي انا كمان حريصه عليك وعلى اي بت في الدنيا دي بتمنى انها م تتغش او تتخدع ويتلاعبو بيها ولو جنا حشاي عمل كدة مستعدة اقيف في وشو،
بقيت اعاين ليها
سكتت مسافه حتى قالت لي ياسمين إتصلت عليك قبل كدة وقالت ليك حاجات انتِ اكيد واي واحدة مكانك حتفهم إنها عايزة خراب لَگِنْ لٱ دة م كان مقصدها، قصدها انو كان توعيك، تفتح عيونك للحقيقه بس انتِ ماشاءالله عليك كنتِ فراشه م استحملتي وم صدقتي وقدر يقنعك، قدر يقنعك كيف؟ لانها م قالت ليك الحقيقه كامله وألفت نصها كمان على امل انها عايزاك شنو؟ تبعدي، تنفدي بجلدك في النهايه هي بت زيها زيك وقلبها حار بس، الانتِ شايفاهو في الواقع والقالتو ليك م بمثل ولا ربع م̷ِْن الحقيق..
عشان م اكتر عليك ي بتي، وانا اسفه جداً لاني بقول ليك كدة في زمن متأخر زي دة بس زي م بقولو انا تأتي متأخراً خيراً م̷ِْن ان لٱ تأتي، انا فعلاً رفضته الزواج دة ايوة بس م رفضتك انتِ، انا كنت رافضه الزواج ك فكرة، لأسباب كتيرة بشرحها ليك هسي دقيقه،
فتحت شنطتها وطلعت ظرف كبير كدة،
قالت لي اتفضلي
بقيت اعاين ليها
قالت لي افتحيهو،
شلت الظرف،
ختت يدها في جبهتها بحزن وهم وقالت لي افتحيهو، فتحتو
طلعت م̷ِْن
الظرف دة حاجات كتيرة وقديمه كدة،
عاينت ليها، قالت لي شوفيها شوفيها براحتك،
شوفتها
كانت م̷ِْن ضمن الحاجات صورة ام سامر العمل موضوع بسببها يوم عيد ميلاده، وتاني في صورة ليها وهي شايله طفله، وشهادة ميلاد قدييمهه، وجواز سفر قدييييم لطفله،
عاينت ليها وعلى وشي علامات استفهام؟ ؟؟
قالت لي م فهمتي حاجه صح؟
قلت ليها ايوة،
قالت لي أم سامر لما اتوفت عمرو كان 10 سنه، سافر سنه 1899
قلت ليها سافر وين م فهمت؟
قالت لي سافر وين، سافر وين، سافر وين، م حجاوبك انا، افتحي الجواز القدامك دة،
فتحت الجواز،
قالت ليّ عايني فيهو كويس، اول تأشيرة خروج كانت سنه كم؟
قلت ليها سنه...
قالت ولي وين؟
بقيت اعاين ليها
قالت لي قولي شوف عينك،
قلت ليها الولايات المتحدة الامريكيه، بس برضو م فهمت العلاقه، الجواز دة..
قالت لي بإسم سارة، سارة منو؟ عمر السيد سنهوري
بقيت اعاين ليها وانا لسه عايزة افهم هي عايزة توصل لشنووو
قالت لي الصورة، وشهادة الميلاد والجواز كلهم حقات زول واحد، سارة،
شهد حصل سمعتي بظاهرة إسمها ظاهرة العبور الجنسي؟
بقيت اعاين ليها بإستغراب قلت ليها نعم؟
قالت لي طيب إضطراب الهويه الجندريه سمعتي بيهه؟
سكتت وانا لسسه بعاين ليها
كملت كلامها ب يعني واحد يقوم يكبر ويلقى نفسو او حاسي نفسو عايش في جسم م جسمو سواء كان ذكر او انثى..
قلت ليها انتِ عايزة تقولي شنو انا م فاهماك؟
قالت لي تقلبات سامر المزاجيه إضطراباتو، بعدو عنك مرة ورجوعو مرة إعتراضي على الزواج دي كلها حاجات م ساي،
طلعت جواز تاني م̷ِْن شنطتها ومدتو لي قالت لي افتحي،
شلتو بي تردد وفتحتو
كان جواز بإسم سامر، سامر عمر السيد سنهوري،
بقيت اعاين ليها بي خوف وخلعه كدة
قلت ليها سامر عندو أخت؟
قالت لي شوفي اخر تأشيرة خروج ليهو كانت لي وين وقبل كم
م اتصدمت في الموقع على قدر صدمتي في التاريخ، سامر سافر امريكا قبل فترة م بتتم ال 5 شهور، يعني بعد عقدنا
قالت لي سألتي سامر عندو اخت؟
الإجابه هي لأ،
شالت الجوازين مع بعض وقالت لي ببساطه ي بت الناس اصحاب الجوازين ديل هم واحد، سامر هو سارة والعكس، دة الجانب المخفي م̷ِْن حياة سامر والعاش عمرو كلو م عايز زول يعرف بيه ابدا، ولاً حتى ليك انتِ، وهسي إنفصالو عنك وسفرو سببو الحاجه دي، الخوف والهلع م̷ِْن ماضيهو بخليهو يرمي اي شي وراهو ويمشي، كان عايش في امان لغايه م دخلتي انتٍ حياتو، بعدين فكر يتزوج، الزواج دة مش بتترتب عليه اولويات؟ م̷ِْن حقك انتِ تكون عندك خلفيه عن الموضوع سألتو ي سامر بت الناس دي حكيت ليها وريتها؟ اكتفى بالصمت
بقيت برجف وانا بعاين ليها وبحاول استوعب هي بتقول في شنو،
قالت لي سلافه صحبتي لما اتوفت خلت في امانتي بت م ولد، بت عمرها 10 سنه، والبت دي هي سارة، لغايه م جات اخت سلافه م̷ِْن امريكا وساقتها مني وطلعت بيها م̷ِْن البلد دي طلعت بيها بإسم سارة، الحصل شنووو؟ولييييهه
حسب مفاهيمهم هم قالو بسموه عبور جنسي، إضطراب في الهويه الجندريه والعلاج بيتحدد على حسب ميول الشخص المصاب بالحاجه دي تقدري تمشي وتقري عنو اكتر انا حبيت ابرئ زمتي واقول ليك الحقيقه والمفروض انو اقولها ابدر م̷ِْن كدة بس دة الحاصل ودة الواقع، سامر كان مصاب بالشي دة، والعملوه عملوه اهلو، وم اهلو كلهم، خالتو واحدة بس هي العملت كدة وإذا مشككه في مصداقيه كلامي دة انتِ جيتي بيتنا اول مرة وشفتي الحصل في الشارع كلو مع الراجل الاتشاكل معاه سامر، الراجل دة هو خالو لزم لي سامر، نور خاله سامر اخت امو على طول، المرة الكبيرة في العمر كانت حبوبتو ام امو يعني اقرب ليهو مننا، ديل اهلو، اهل امو لزم نزلو السودان م̷ِْن فترة لأسباب خاصه بس شفتي تعاملهم معاه كيف براك صح؟شفتيهم في العقد؟حكى ليك عنهم حصل؟
لأ ابدا، ولاً حيحكي لأنهم م متقبلنو ابداً لٱ ك فكرة ولا غيرو، خالتو نور وخالتو الأكبر منها هم الساعدو في كدة، هم طبعاً م̷ِْن قامو عايشين في امريكا، مختلفين عننا في المفاهيم، في الأخلاق، في طرق التفكير وكل شي عندهم عادي وبشوفو تمسكنا نحن وتعصبنا بالمبادئ ونظرتنا للحاجات الما منطقيه رجعيه او تخلف، خصوصاً انو خالتو الكبيرة دي متزوجه دكتور بريطاني، وهي اخصائيه برضو، الموضوع دة ي شهد حتى اولادي من كبيرهم لصغيرهم م عارفين عنو شي، وي ريت تحفري ليه وتدفنيه في مكانو، انا كمان كنت زيك وبنفس حالتك دي اول مرة لما سمعت بس الواقع بفرض علينا حاجات كتيرة بنتجبر انو نتقبلها، انتِ بتقدري تلحقي نفسك وتحمدي ربنا انو الحاجه دي جات منو هو بضمير حي، م اعتقد في اهل او في واحدة عاقله بتقدر تقبل بواقع زي دة، اقري عن الموضوع اكتر وحتفهمي ي بتي، م اعتقد إنو حاجه زي دي حصلت في تاريخ السودان ولا حتى سمعنا بيها لٱ م̷ِْن قريب ولا م̷ِْن بعيد، بنسمع بالشواذ، لَگِنْ تحول؟
تشرحها كيف زاتو؟ تخيل يعني ولدك يعمل حاجه زي دي، تقولي شنو؟ تواجه المجتمع كيف؟ عندو إضطراب في الهويه الجندريه وحولناه؟ فكرك مجتمع السودان وعقلياتو ونمط الحياة التقليديه النحن عايشين فيها ممكن يتقبل حاجه زي دي عادي؟ والسؤال الأهم هل هو عادي؟
اغلب العملو الحاجه دي تقلباتهم النفسيه وصلتهم مرحله الإنتحار، عشان كدة م حأتفاجأ إذا سامر في يوم عمل كدة، فهمتي لييييهه أنا بحكي ليك وليييهه إنتِ لآزٍمٍ تتقبلي خيار انو إختار ينفصل عنك؟ ...