الفصل الثالث والعشرون
بسم الله الرحمن الرحيم
قبل نبدأ في قراءة الرواية حابة اقول انه الرواية دي قيد الكتابة .. يعني ان شاء الله اول ما الكاتبة تنزل بارت انا بانزل ..
قراءة ممتعة
شوفتها بالحاله الهي فيها، ونبرتها وهي بتتكلم بهدؤ وبصوت خافض حسستني إنو دي م هي، دي م الزوله الزمان ديك ابداً لٱ شكلها ولا شخصيتها ولا اي شي، صح بقولو الحزن بغير الملامح بس هي حتى ملامحها كانت ممحيه شكلها بقى اقرب للمره الكبيره في السن،
خالتي نور مسكتها وبكت فيها لدرجه كانت م عايزة تتفك،
بعد م قعدنا وهدت شويه وبقو ياخدو ويدو مع بعض في الكلام وبسألو عن احوال بعض وكدة قالت لي نور دة ولد نورهان جبتي معاك السودان؟
نور سكتت مسافه وهي بتعاين لي حتى قالت ليها لأ
قالت ليها انا قلت دة ود الخواجه، اها دة ولد منوو؟
خالتي نور كانت ساكته زي الما عارفه ترد بشو وهي بتعاين لي وانا منتظر منها رد برضو هل حتقول ولا حتخجل م̷ِْن قوله انا ود منو؟ كان عِن.̷̷̸̷̐ديّ فضول اسمع ردها في اللحظه دي اكتر م̷ِْن نوال
قالت ليها والله ي نوال دة ولد سلافه اختي •اللّہ̣̥ يرحمها
قالت ليها بخلعه وهي بتعاين لي ولد سلافه؟كيف كيف يعني ولد سلافه؟
نور عاينت لي وهزت ليها راسها وقالت ليها دكتور عمار حكى لي بكل شي ي نوال، مقابلتكم ليهو قبل وفاة سلافه بكم سنه والفحوصات الاتعملت والمشكله الكان مفرروض تتحل في وقتها وم تُهمل كل الوقت دة و...الخ
في اللحظه دي بقت تتمتم قالت ليها ف ف فعلاً والله بس سلافه انشغلت مع مرضها واهملت الموضوع رغم إني ألحيت عليها إنو تحل الموضوع بدري بدري م كنت عارفه للدرجه دي يعني بس انا م فاهمة يعني هسي س...
خالتي نور قاطعتها وقالت ليها سامر
سكتت حتى قالت ليها يعني هسي دة ولد سلافه وقامت وحضنتني وبقت تبكي، بقت تبكي وتقول ي حليلك ي سلافه اختي، ي حليلك ي سلافه احييييييييييي م̷ِْن وجعتك ي صحبتي، بعدها قالت لي علي صحبك متذكرو صح؟ علي الكان اخوك مات، مات علي الحنون الكان بسوقك اي مكان معاهو وبلعبك وبغسل ليكم ملابسكم م نسيتو صح؟
خالتي نور بعد مسااااافه قالت ليها حكيت ليك بحكم إنك عارفه وضعو م̷ِْن زمان وبحكم إنك زوله صحبه امو واكتر واتمنى الموضوع دة م يطلع مڼڱ
قالت ليها لٱ والله بري، ولدي والله ولدي واكتر كمان كيف تطلع مِڼّي حاجه زي دي ي نور معقوله ياخي؟
بقت تقول لي إنت كويس؟ كيف اخبارك؟ و...الخ
لما قمنا طالعين مشت معانا للباب، وأولادها كانو بتشاكلو واحدة جات شايله الصحن وهي بتصرخ وبتقول ليها يمه اولادك اكلو الأكل كلو انا جعانه م شبعته، يمه جعانه انا
بقينا نعاين ليها وهي قالت ليها امشي لمن اجيكم ي قليلين ادب، كانت ماسكاني وبتقول لي بتجينا صح؟ تعال، تَعاّل اللعب مع اصحابك الزمان عبدالرحمن واحمد ماشاءالله هم زاتهم بقو كبار زيك كدة، م بتعرف زول في الحله م تنحبس تَعاّإاّإلّ اللعب معاهم سمح؟
خالتي نور قالت ليها سمح ان شاءالله بجيكم، طلعنا وانا لسسه بعاين ليها وبسمع في صوت الشافعه البتبكي، في الشارع في شفع كانو بلعبو بالحجار بقت تنادي، عبدالرحمن
قال ليها اي يمه
قلت ليك شنو انا؟تَعاّإاّإلّ هنا تَعاّإاّإلّ، كان كبير م صغير وبلعب مع شفع صغار وبتشاكلو كمان،
بقت تكورك ليهو قلت ليك تَعاّإاّإلّ ي ولد م تنشف دمي
قال ليها بصوت عالي قلت ليك جاي ياخ مالك؟
خالتي نور قالت ليهو عيب، عيب تتكلم مع امك بالطريقه دي وامشي اسمع كلام امك شوفها دايرة شنوووو يلا اسمع الكلام
في اللحظه دي إتذكرت علي ولما امو تناديهو م كانت بتطلع منو غير كلمه حاضر وبخلي الفي يدو وبجري عليها،
رجعنا البيت خالتي نور قالت لي حبوبه خديجه والله حالتهم صعبه ياخ صعبه شديد تحلفي تقولي دي م المرة الزمان ديك
خالتي خديجه قالت ليها ايااا والله، كمان ولدها الكبير دة قايم حراامي •اللّہ̣̥ يعينها، بس م يلقى ليهو فرصه في شي حق ناس طوالي يشيلو، ويشرب المصايب حقت الأولاد البشربوها دي لمن بقى ينط في البيوت مرة قبضو عديل ناطي في بيت ودو القسم الجيران اتوسطو عشان حاله امو وكدة، وهو اريتو كان بشرق شان يأكل امو واخوانو، هو بسرق شان ياكل لنفسو ويشرب مصايبو وامو واخوانو ياها حبوبتهم دي م̷ِْن جاي وجاي بياكلو، وامهم بقت تغسل ملابس للناس هسي، بجيبو ليها الغسيل في البيت تغسل وتكوي ويدوها قروش، بقو عايشين كدة بس •اللّہ̣̥ يعينهم والله
خالتي نور قالت ليها لٱ ياااخي؟ حسبي •اللّہ̣̥ ونعم الوكيل، تشوفها تحلف تقول دي م المره الشفناها قبل كم سنه، صحي الدنيا دي م قاعدة على حالها ابداً
الحال الشفتهم عليه والكلام القالتو خالتي خديجه بقى تقيل على قلبي، وانا بتذكر هم كانو كيف كيف، واتحولت م̷ِْن بتذكر لي تخيل علي إذا كان قاعد؟
خالتي نور قالت ليها ي خالتو خديجه حأديك قروش تمشي تشتري ليهم مواد تموينيه كامله مكمله وتجيبيها ليهم عليك •اللّہ̣̥ م تنقصي شي تمام؟
قالت ليها ټمٱم ي بتي •اللّہ̣̥ يديك الصحه العافيه ويزيد في اجرك
قالت ليها على شنو، على شنو ي خالتي خديجه الناس بالناس والكل برب العالمين، هي كمان زوله م قصرت، وقفت مع سلافه دي وقفه جد لمن دخلت القبر م خلتها رغم غيابنا وعدم عرفتنا نحن م خلتها
عدينا اسبوع بدينا في اجراءات اوراقي الرسميه، طبعاً لقينا صعوبه في إستخراجها تحقيق، واتحولنا للطب الشرعي عشان نجيب ورقه تأكد دقه الحاصل بالضبط مع دكتور عمار الامور اتسهلت، وبعدها رجعنا تاني للإجراءات،
الموضوع كلفنا اكتر م̷ِْن كم شهر حتى طلعوهم لينا،
يوم سمعنا جوطه برة البيت وكواريك،
طلعنا لقينا الشارع كلو واقف وخالتي نوال إلا بالجلباب وهي بتقول: ولدي م سرق، وم بسرق، يعني فوق م انكم ضاربنو لمن دمو جاري كمان جاين تقلو ادبكم قدام بيتي؟اتحركو يلا م̷ِْن هنا
في ولد كان بقول ليها خلي ولدك يطلع لي لساتك ركشتي ي زوله م بتحرك ساي
قالت ليهو يجيبها ليك م̷ِْن وين وهو م شالها؟
قال ليها شالها ولدك حرامي وفي ناس شافو وهو.شايلها ي زوله
قالت ليهو ناس منو؟جيب لي الناس دي سريع
خالتي نور قالت ليهم سلام عليكم في شنوووو مالكم خير ي جماعه؟
عبدالرحمن كان مضروب لمن وشو وارم ودمو في خشمو
خالتي نوال قالت ليها ديل المجانين ديل ضاربين الولد وقالو سرق لساتك ركشاتهم شوفي جنس دة عليك •اللّہ̣̥؟
خالتو نور قالت للولد تعال ي ولدي كدة، ساقتو واتكلمت معاه مسافه حتى جات راجعه قالت ليها سؤ تفاهم بسيط بس، وانت كان عندك حق بتضرب زول زي دة؟ اكيد لأ طبعاً م صح غلط مڼڱ، هسي امشي وتعالي لي شويه كدة زي م قلت ليك تمام؟
خالتي نوال قالت ليها يجيك لشنو ي نور؟اوعى تدي تعريفه دة حرامي ساي م تسمعي كلامو البقول فِيَه دة خلي يمشي يشوف مكان ركشتو اتسرقت
كنت بتفرج وانا ساكت، وسكات عبدالرحمن كان بدل على انو م جايب للدنيا خبر ولا للحاصل حواليهو زاتو، وبدل علّۓ انو هو فعلاةً عمل كدة
عدت الايام جات مكالمه لخالتو نور انو حبوبه وقعت اتكسرت، رغم إنها م كانت عندها فكرة للرجعه بس كسرة حبوبه كانت في الحوض وكان لآزٍمٍ ترجع عشان تقيف فيها،
قالت ارجع معاها انا رفضت قلت ليها بقعد هنا بس، قالت لي تقعد هنا وين بكرة انا كان سافرت خالتي خديجه بترجع تقعد في بيت بتها، تقعد براك؟
قلت ليها اي بقعد
قالت لي ي ولد؟
قلت ليها بقعد اي براي،
بعد إلحاح مِڼّي ومنها قالت لي خلاص انا بحل الموضوع دة،
العصر كدة جات خالتي نوال، سلمت عليها وقعدو،
قالت ليها طبعاً انا م كانت في نيتي السفر لَگِنْ امي حصل ليها قدر ربنا واتكسرت وكسرتها في مكان صعب كمان قعدتي صعبه،
قالت ليها لٱ حول ولا قوة الا بالله كُر علي وقعت كيف؟
قالت ليها وقعت والله، وكسر الكبار صعب، ودة حلف ستين يمين م برجع معي تاني قال داير يقعد هنا، قلت ليه خالتي خديجه دي بتها ماشه على ولادة م عندها قعدة في البيت قال بقعد براهو، اها انا م بقدر اخلي براهو والله وبراهو في العمر دة، وقال م بقعد مع دكتور عمار واولادو رغم اصرارنا عليهو الولد اتجاه واحد م دايرة اغصبو، لَگِنْ قلت اشوفك إذا بقدر اخلي ليك تخلي لي بالك منو وتطلي عليهو وتراقبي لي لمن امشي واجي
قالت ليها اجي ي نور دة كلام كمان بتقولي لي؟ امو •اللّہ̣̥ يرحمها خلتو لي وهسي برضو زيو زي احمد وعبدالرحمن ويسرا وياسمين وملهم ويمن، اصلو م تخافي عليهو، قبل اولادي في اي شي
خالتي نور قالت ليها انا زاتي م بتأخر شديد، بس امي لآزٍمٍ امشي اشوفها بتحتاج البشيلها وبختها وكدة
قالت ليها فعلاً فعلاً والله ي زوله م تشيلي هم ولا تخافي والله سامر يقعد متى ما تجي تجي تلقيهو في امان •اللّہ̣̥،
خالتي سجلتني في مدرسه خاصه واكتر شي فيها الاجانب ونزلت المتوسط مباشرة، كنت بتكلم انجليزي كويس شديد، جهزت لي كل احتياجاتي م̷ِْن لبس لي غيرو وجابت لي تلفون، ووصلت تلفون ارضي في البيت، قالت لي في حال احتجت اي شي اتصل علي او على دكتور عمار وانا شهرياً بكلف دكتور عمار يسلمك مصروفك بالإضافه لي انو اسبوعياً دكتور عمار حيمشي المدرسه يشوفك كيف وحيجيك هنا البيت يشوف الناقصك والحاصل عليك شنو، واسمع م عايزاك تتبع لي عبدالرحمن ود نوال دة فاهم ولا لأ؟م عايزاك تتبعو لي نهائي ولا تتعامل معاه نهائي، انت زول كبير وعاقل وفاهم وعبدالرحمن وتصرفاتو م بتشبهك ابداً
يمكن ناس كتيرة تشوف تصرفها م كان منطقي انو تخلي شافع عمرو 15 سنه في بيت كبير عريض براه، بس انا حجماً البشوفني كان بقول 18 سنه اقل شي، ماف زول ممكن بيشوفني يقول 15 سنه، حسيت انو خالتي كانت عايزة تحسسني بالمسؤليه، كانت بتتعامل معي بي ثقه ك زول ناضج وواعي او يمكن هي كانت شايفاني فعلاً كدة ودة شي اداني دافع إني اكون انسان مسؤل فعلا، ً
بعد سافرت خالتي نوال كانت بتجيني م̷ِْن الصباح بتجهز لي الشاي، بطلع المدرسه بخليها في البيت لما ارجع بمشي ليهم في البيت م بتخليني ارجع البيت بتقول لي نوم هنا، م كنت برضى، بتقول لي خلاص عبدالرحمن ينوم معاك،
عبدالرحمن مما يجي داخل بقعد يشرب سجاير، سجاير ورا سجاير، لغايه م نصبح البيت كلو بكون مجدع سجاير، وبقول لي م تتكلم،
وشويه شويه بقى يجيب اصحابو، وبقو يدخلو بنات في البيت وانا الوضع م عاجبني
وانا خالتي نور سلفاً محذراني منو،
الحل الوحيد إني اشوف حاجه تخلينا م نبيت في البيت، امنت الكهرباء وقلت لي خالتي نوال فيها عطل، قالت لينا خلاص م تمشو الحراميه اليومين دي حايمين ينطو يعملو فيكم شي ساي ساي، بقيت ببيت معاهم في البيت، حبوبه بتفرش لينا جمب باب الشارع بنوم انا واحمد وعبدالرحمن،
حالتهم كانت يُرثى لٍهآ، يوم في ويوم ماف وبحس بالإحراج لما اشوفهم بتشاكلو وهم بياكلو او واحد فيهم يبكي ويقول م شبعت، بقيت اجيب ليهم المواد الجابتها لي خالتي، وحتى مصاريفي بطلع بديها ليهم،
شويه شويه بقيت اشتغل اغسل، اول مرة شلت فيها باقه وغسلته كانت عشان يسرى وياسمين طلعو الصباح بدون شراب شاي وم عندهم حق فطور حتى وياسمين كانت بتبكي وبتقول م ماشه جعانه، وانا م عِن.̷̷̸̷̐ديّ قروش، قروشي البتجيني كنت بديها لي خالتي نوال مصاريف وبتخلص سريع، والبيت شي م فيهو حتى للصغار ديل مٌلهم ويمن، وحبوبه كانت بتعمل فول وتسالي واسكريم ومرات بتعمل حاجات نسوان بتحوم بيهم في الحله لَگِنْ هي زاتها كانت الرطوبه قايمه عليها وم عندها حق الدكتور والعلاج ..
اليَوُمًًِ داك شلت باقات عبدالرحمن غسلت جمب البيت عربيتين في ورشه كدة كانت حقت عربات ودة م̷ِْن حظي، خالتي نوال شاكلتني وقالت لي كيف تشتغل و اهلك لْۆ سمعو م برضو و...الخ وبعداك تاني م وقفت، صحي الببدأ درب الشغل م بخليهو، إشتغلت أااااااي شي في الدنيا دي، كنت بطلع م̷ِْن المدرسه بجاي بجي جاري للشغل والبطلع لي بديهو خالتي نوال والمصروف البجيني م̷ِْن خالتي نور برضو بديهو خالتي نوال، إحساسي بالمسؤليه م كان بس تجاه نفسي انا لْۆ على نفسي م محتاج اشتغل، كان عشانهم هم، خالتي نوال دي في اسوأ لحظات حياتي حضنتني، خلت بالها مِڼّي، مارضت امي، م شفت منها غير كل خير عطف ومحنه واحتواء، دة غير علي، كنت متأكد تماماً لْۆ علي في م حيكونو بالحال الهم عليهو هسي دة، واعتقد انو قليل الأصل بس هو الممكن ينسى معروف إتقدم ليهو،
خالتي تمت قريب السنه حتى جات كانت متابعه معي بس، والسنه دي كانت كفيله بي إنها تغيرني شديد، شكل، فكر، على غيرو،
إشتغلت غسيل عربات، إشتغلت غسيل صحون في مطعم، إشتغلت كمساري، وانا واحمد اشتغلنا ورنيش وخياطه جزم، لما امتحنت شهادة سودانيه إشتغلت طُلبه وحداد وإشتغلت سواق ركشه، تاني رجعت اشتغلت في بقاله، يوم هنا ماف كنت بمسك هنا واخر حاجه اشتغلتها كانت في مزرعه مع عمك كبير كدة ودي الحاجه الحببتني في شغل الزراعه، والبهايم، عموما اي شغله بتطلع قروش اشتغلتها
دة كلو كنت بشتغلو وبقول ليّۓ خالتي انا شغال عشان داير اشتغل م عشان ناقصني شي رغم اجتهادها في انها توفر لي كل شي رغم شكلها لي وعتابها المستمر واصراها على انو تجي تسوقني، م كان ناقصني شي بس كل شي كان كفايتي انا بس م كفايه خالتي نوال واولادها،
بقيت مواصل في الشغل وشويه شويه شبه بقيت مسؤل مسؤليه تامه بشتغل عشان اجيب مصروف البيت، احتياجاتهم كلها وهكذا، والعملتو دة م بجي حاجه م̷ِْن العملتو هي في يوم او القدمتو هي في يوم، كنت بشتغل عشان ارضي ضميري م̷ِْن سؤال لْۆ علي كان هنا كان الوضع اختلف، السؤال دة كان بخليني اشتغل م احوجهم شي، وحتى غسيل خالتو نوال للناس منعتها منو لأنو كان مضايقني اكتر م̷ِْن كل شي.
❖
، انا م بنكر إني إتغيرت، إتغيرت شديد لدرجه انو بقيت البيت، الجامعه، المستشفى مع ابوي،
فجر وجمانه لما يسألوني في شنو بقول ليهم ماف شي رغم انو الكلام بكون على طرف لساني وتعب الدنيا دي كلو جواي بس م قادره احكي،
بعد فترة جاتني سمهدل، قالت لي قاعدة براك صحباتك وين؟
قلت ليها بكونو هنا او هناك م عارفه والله
قالت لي يعني بايعنك وكدة، فجر شايفاها م̷ِْن صاحبتو جمانه باعتك
قلت ليها ههههه لأ والله ابداً
قالت لي شايفاكم م زي زمان هم دايماً مع بعض وانتِ لأ متشاكلين ولا شنوووو؟حتى فجر امس كنا بتكلم عن انو انتِ مالك وكدة في القروب قالت لينا هي ها تكون مع سامر بتاعها دة أريتو ينفعها غير جايب ليها النفسيات شن مستفيدة منو؟
قلت ليها قروب؟
قالت لي انتِ م معانا فيهو؟ عاملنو ليهو فترة ياخ
قلت ليها اها ټمٱم
قالت لي م تخافي م قاعدين نقطع فْيَگ ه، او بنقطع لَگِنْ م شديد، المهم عايني أنا ك زوله بريدك شديد حأقول ليك حاجه اعتبريها نصيحه، م اي زول بضحك قدامك معناها صحبك، اي انتِ عفويه وتلقائيه وطيبانه واي شي لَگِنْ ي شهد صحباتك م كدة بالذات فجر،
إذا سألتيني البتكلم م̷ِْن وراي منو في القروب حأقول ليك فجر، ومغيوظهه م̷ِْن موضوع عقدك دة غيظ لدرجه إنو كل الوقت بتتكلم عنو، والحاجه الما بترضاها في نفسك م مفروض ترضاها لزول عشان كدة انا هسي بقول ليك اعملي منهم حسابك هم يمكن صحباتك لَگِنْ هل هم شايفنك صحبتهم؟
م ابديت اي رد فعل لكلامها اصلاً انا م كان عِن.̷̷̸̷̐ديّ حيل لنقاشات وسماع تبريرات او غيرو، كل العملتو اني بقيت في حالي، بمشي الجامعه بحضر محاضرات بسلم عليهم برجع البيت، ويوم م الموضوع اتفتح كان ٱڅڑ يوم في امتحانات السمستر، ونحن طالعين
جمانه هي الاخدتني علّى جنب وقالت لي ي شهد مالك انتِ في شنو مش مفروض نعرف؟ فجأة إتغيرتي وم إتغيرتي م̷ِْن زول إتغيرتي مننا نحن تحديداً رغم إنو نحن اكتر م̷ِْن اخوات وماف حاجه بندسها م̷ِْن بعض
ضحكت قلت ليها اخوات؟وماف حاجه بندسها م̷ِْن بعض؟ ي سلام ياخ شكلو المواضيع عندكم خلصت وبقى ماف حاجه تتكلمو فيها
فجر قالت لي هي هي مالك في شنو؟ ودة شنو الإسلوب دة عندك حاجه في قِلبُكًً قوليها عديل بدل اللف والدوران والدراما البتسوي فيها دي
قلت ليها ټمٱم، عايزة امشي جمانه مسكتني قالت لي شهد في شنو بالجد لاحظي نحن جاين نسألك رغم اننا م عارفين روحنا إذا غلطانين او لٱ
قلت ليها لٱ ابداً م غلطانين
فجر قالت ليها نفسيات منها ساي بالله خليك منها
قلت ليها ايوة نفسيات مِڼّي، لما تعملو قروب انتو وسمهدل مع بعض دي نفسيات مِڼّي
ولما تقولو البتقولوه م̷ِْن وراي ايوة نفسيات مِڼّي
جمانه قالت لي سمهدل قالت ليك؟
قلت ليها كذبت؟
فجر قالت لي وانتِ صدقتيها وطوالي اتغيرتي؟ م بهمني هي قالت ليك شنو بس سؤال ليك انتِ جيتي وسألتيني وانا نكرت؟جيتي واجهتيني قبل م تزعلي وانا م وضحت ليك او م بررت ليك؟إتأكدتي م̷ِْن صحه الكلام القالتو ليك ولا اتموقفتي مننا ساي؟
قلت ليها عاملين قروب ولا لأ سؤال ورد غطاه؟
قالت لي م مجبورة اوريك القروبات الانا فيها لانو دة تلفوني واي حاجه فيهو بتخصني
ابداً م اتوقعت منكم الحاجه دي، انا م بس كنت حاسباكم صحباتي انا حاسباكم اخواتي،
ي شهد..
م شهد، م شهد ابدا، ً فجر انتِ بالذات عارفه اني م كدة وعمري م كنت كدة بس جاريتيها في كلامها حتى لْۆ م راضيه جاريتيها، ودسيتي مِڼّي ي فجر رغم انك عارفه دسيتي مني،
شهد نحن م جاريناها، نحن وقفناها في حدها وقفلنا الموضوع يبقى مُشُگلتگُ شنو هسي انتِ؟
مشكلتي الاساسيه م سمهدل ابداً انتِ عارفه كدة، مشكلتي انتو، دسيتو عني الموضوع، دسيتو مني انكم عاملين قروب وبتتكلمو فِيَه م̷ِْن وراي،
نتكلم فِيَه م̷ِْن وراك شنو ي شهد نحن بندس شنو عن بعض حتى نتكلم فِيَه؟
عاملين قروب ولا لأ ي جمانه ردي؟
لحظِهّ ; .. صمت
فجر: م مجبورة ابرر ليك
عارفه ليه؟ عشان انتِ كذابه
انا كذابه؟
ايوة كذابه ي فجر كذابه، عشان فعلاً الانا بقول فِيَه دة صح وكنت اتمنى يكون العكس وم اتخزل فيكم انتو كمان،
نحن كمان؟ عارفه مشكلتك شنوو؟انتِ مُشُگلتگُ سامر م نحن، وطول م عقدتك م̷ِْن سامر دي في حتشوفينا نحن والدنيا كلها كعبين،
وانتِ م محتاجنا نحن، انتِ محتاجه طبيب نفسي، لأنك كل 10 دقايق منفسنه، كل 10 دقايق بوش جديد، ذنبنا شنو نحن؟ وموالك دة لٱ م̷ِْن اليَوُمًًِ ولا م̷ِْن امس، زهجانه م̷ِْن سامر تتنرفزي وتتفشي فينا نحن، كوننا صحباتك م مجبورين نتحمل فوق طاقتنا، نحن كمان عندنا حياتنا وعندنا مشاكلنا على فكرة يعني انتِ م محور الكون ابداً
جمانه: فجر
م فجر، م فجر ابداً انتِ م عندك مشاكل ي جمانه بس كدة قولي م عندك مشاكل؟
الفرق بينك وبينها انك رغم كل شي م بتضخميها، مشاكلنا نحن بنعيشها سوا اي بس لما تمشي تسمعي كلام الغريبه القالتو ليك وتتغيري علينا نحن بدون سبب وتفصلينا المدة دي كلها ولما نجي نواجهك نلقاك مصدقاها ومكذبانا نحن يبقى ي شهد لٱ انتِ ولا صحبتك ولا معرفتك بتلزمني ودة طرفي منك، ويشهد •اللّہ̣̥ لْۆ جيتي ختيتني في الارض وسألتيني كان حكيت ليك م̷ِْن الألف للياء بكل صدق، بس هسي خلي سمهدل تضوي ليك ټمٱم، وارجع واقول ليك القالتو ليك عننا وصدقتيهو جات وقالتو لينا ونحن وقفناها في حدها، والعتب ابداً م على سمهدل انا م حاسباها زول اساساً انسانه مريضه العتب عليك انتِ والوجعه عليك انتِ نفسي اقول ليك ي خسارة الصحبه بس للأسف طالما بعد العشرة دي كلها هُنا عليك وصدقتي الاتقال ليك عننا يبقى دي م خسارة ابدا، ً ابداً م خسارة ي شهد نحن عملنا بأصلنا، بأصل وبس ودة الطبيعي بتاعنا لَگِنْ انتِ مريضه امشي اتعالجي احسن طالما بقيتي تشكي في الصالح والطالح وإلا الدراما حتموتك ي شهد...
وانا قاعدة مع نفسي مرت على مخيلتي الاحداث دي، بقولو لحظات الزعل هي اكتر اللحظات البتقال فيها الكلام المكبوت في النفس، م أحزنتني ردة الفعل على قدر م احزنتني الكلمات الإتقالت
"إنتِ م محتاجه لينا، انتِ محتاجه طبيب نفسي"
"انتِ بين كل 10 دقايق بي وش جديد"
"نحن عملنا بأصلنا"
" انتِ مريضه امشي إتعالجي"
"الدراما حتموتك"
اي حرف بطلع م̷ِْن اللسان م مهم هو شنو؟ المهم هو طالع م̷ِْن منو؟ قيمه الحكلمه او الحرف بتتحدد بالشخص القالو نفسهه، ودي كانت اسوأ الكلمات الوقعت على مسامعي في يوم...
م̷ِْن بعدها وانا تاني م رجعت اتكلمت مع واحدة فيهم، وعلى طول قلت لي ابوي نجي بورتسودان نقضي الإجازة، خلينا مهند في البيت وجينا انا وامي وابوي
بدينا شغل في الكورنيش، يوم ونحن راجعين على البيت فجأة لقينا امي واقفه في الشارع وواقفه قصادها عربيه هي يترفع ليها في يدها نظام بتودع الفي العربيه، والعربيه اتحركت
ابوي قال ليها منو اااابثينه؟
قالت ليها بري م بعرفو زول وسأل داير الوصف
قال ليها ماشي وين؟ بسأل م̷ِْن شنو؟
قالت ليهو ادخل كدة ادخل اها الليله الشغل كيف ان شاءالله مشيتو احسن م̷ِْن امس؟
ابوي قال ليها اي احسن بكتييير كمان، كدي النسلم على الحاجه دي اشوفها امست كيف واديها الكيس دة..
بالليل جاتني صحيه حسيت نفسي كاتم م̷ِْن السخانه، نزلت عليت سرعه المروحه حسيت نفسي عايزة امشي الحمام، ختيت رجلي في عتبه الباب كدة بس سمعت امي بتقول:
ي راجل نشاف الراس خليهو، انا م بدس مڼڱ شي انا الناس ديل بقو لي في العزيزة دي، هم م دايرين يقلعوها مڼڱ ولا شي لَگِنْ دايرنها تعرف إنها بتهم، الليله جوني الإتنين، الراجل قال داير يلاقيك وكان م لاقاك م ماشي حلفت عليه يمشي، قال لي كان بالرجاله بالقانون انا ممكن اصل معاهو الحد،
ابوي قال ليها كان بالرجاله هو م كان رماها
امي قالت ليهو ي راجل يرميها ولا لأ نحن مالنا، القانون دة شعر نحن م عندنا ليهو رقبه، وانت براك عارف حالنا وهم ناس القانون دة حقهم وشاربنو يعني هو كان بالقانون والقوة هم اصحاب الحق
ابوي قال ليها حق شنو؟ حق في شنو ي مرة؟ انتِ دايرة تجنيني ولا شنو؟
حقهم رموهو براهم م عندهم عِن.̷̷̸̷̐ديّ حق وكان بالقانون هداك القانون البت كبيرة عمرها اتعدى ال 18 سنه وهي مخيرة، اكان مشو وهي اختارتهم انا م عندي قول، لَگِنْ هسي في الوقت الحالي م يجو يقيفو لي في بابي شان شنو؟ سكيني الفي ضراعي دي م اركبها فيهو
امي قالت ليهو اقعد معاهو راجل لي راجل و..
ابوي قال ليها انا م شايفو راجل عشان اقعد معاهو، انتِ قال ليك الرجاله دي هي ولادة وخلاص؟ هو مدام ولدها ورماها يبقى ذره رجاله م فيهو، اكان راجل كان عرف يربيها، خلي الليصل القانون بس
م نمت، م نمت وانا بفكر هم كانو بقولو في شنو، بتكلمو عن منو؟ دي منو البت الابوها رماها دي وهسي جاي يفتش عليها دي، هم بتكلمو عني انا؟يعني هم عارفين انا بت منو، عارفين اهلي الحقيقيين
حسب م فهمت إنو ابوي رافض فكرة انو يلاقيهم معناها امي، امي هي العارفه كل شي
اليَوُمًً التاني اتصرفت عادي، وابوي م كان طبيعي زهجان ويتنهر علّۓ غير عادتو واضح انو متضايق شديد، مشينا مع ابوي الكورنيش جهزت ليه حاجاتو وقلت ليه انا مصدعه ي ابوي،
قال لي سمح ارجعي البيت
قلت ليه واخليك براك؟
قال لي بشتغل بشتغل ارجعي ارتاحي، مشى جاب لي حبوب ومويه وبارد، وقال لي امشي هو زاتو كان متضايق، متضايق شديد وانا عارفه السبب في كدة،
رجعت البيت لقيت امي تمسح ساي، قالت لي مالك جيتي؟
قلت ليها ساي ماف شي
قالت لي ابوك جا معاك؟
قلت ليها لٱ ليييهه عايزة تقولي لي حاجه؟
قالت لي بري حاجه شنو زحي خليني انضف هنا كمان
فتحت المويه وبقيت اشرب وانا بعاين ليها، دخلت المطبخ عملت جبنه وجيت ختيتها
قالت لي كويس العملتيها انا زاتي مصدعه
قعدت قلت ليها يمه
قالت لي اي
قالت لي امي وابوي الجو امس ديل ساكنين هنا؟
رفعت راسها وبقت تعاين لي بخلعه، قلعت عيونها وهي ماسكه فنجان القهوة في يدها ولسه م عارفه ترد بشنو
قلت ليها سمعت گلآمَگ مع ابوي بالليل امس، وعايزة اعرف هم منو، ساكنين وين؟ متزوجين يعني ولا شنو؟والسبب الخلاهم يرموني وهسي يجو يفتشوني شنوو؟
امي لسسه ساكته وانا عاديه وبتكلم بكل أريحيه وبرود
امي قالت لي سمعتي شنوووو؟
قلت ليها انا عايزاك تحكي لي السمعتو وتفهميني م عايزة اقول ليك سمعت شنو مش كنتِ بتقولي إنهم عايزني بس اعرف؟ اها هسي انا عرفت وعايزة اعرف بالتفصيل، م تخافي ابوي زاتو م هيعرف إني عرفت لأنو بتهمني صحتو اكتر م̷ِْن كل شيء
سكتت
قلت ليها كدة كدة انا عرفت ف عايزة اعرف التفاصيل بس م اكتر لْۆ سمحتي ي امي م تسكتي
قال لي سمح
سكتت مسافه وهي تهز في رجلها
قلت ليها اها؟
قالت لي هم م̷ِْن بورتسودان هنا متزوجين بس كل واحد متزوج براه يعني م متزوجين بعض وكدة،
قلت ليها طيب القصه شنو؟ هسي الحلى ليهم شنو جاين يفتشوني م عندهم اولاد؟
امي قالت لي والله ي بتي م عارفه بس المرة دي لحقتني للخرطوم كم مرة تجي، وهسي م̷ِْن عرفتني جيت جات جري بس م براها المرة دي، وابوك مُصر لٱ داير يقعد معاهم ولا داير يعرفهم، قال الدايرين يعملوه يعملوه في القانون وهم ناس قانون زاتهم يعني ماف شي بغلبهم
قلت ليها كيف يعني م فهمت؟
قالت لي ي بتي هم زاتهم الشي اللماهم الجامعه، الاتنين كانو طلبه بدرسو شريعه وقانون بس ابوك اكبر عليها يعني هي الدفعه الوراهو، هسي اظنهم الاتنين محامين او ابوك مستشار قانوني اظنو ولا شنو م عارفه، اها اظن حصل بينهم طيش الشباب البحصل في اي مكان دة، وانا كنت دايه الزمن داك، الناس ديل جوني ودوني بيت كدة وولدته البت حتى حملها كان ناقص ولدوك في 7 شهور بس كانو ضاربنها وحالتها حاله بطاله شديد، والبت اكانت معاها امها واختها، قالو لي الشافع دة ودي محل تودي نحن م دايرينو،
ي جماعه كيفن الكلام دة؟ وانا اول مرة تحصل لي حاجه زي دي شاهد •اللّہ̣̥ لٱ حصل ساعدته لي بت في إجهاض طفل ولا قتلته لي روح م عندها ذنب وانا زوله حالفه قسم واسم •اللّہ̣̥ دة م هين بقطع
اها شيلوني ليه قالو لي ودي اي مكان نحن م دايرنو وادوني معاها قروشي، طلعت شايلاك وشايله شنطتي وم عرفت اقبل بيك على وين يمين ولا شمال، ارميك ضميري م بسمح لي، اوديك الدار او الشرطه انا دايه معروفه بتجرجرو معي وبخلوني اقول جبتك م̷ِْن وين غصب، م عِن.̷̷̸̷̐ديّ حل غير امشي بيك البيت، ابوك كان اول المعارضين، قال نوديك اي مكان دي مسؤليه كبيرة وصعبه، اها اليَوُمًًِ التاني قال خليها لمن نشوف ليها صِرفه، اها م̷ِْن ديك وخليناك معانا لغايه اللحظه دي م شايفنك غير بتنا
قلت ليها ټمٱم هسي يعني هم هنا في بورتسودان؟
امي قالت لي اي
قلت ليها عندك ليهم رقم؟
امي قالت لي اي عِن.̷̷̸̷̐ديّ لَگِنْ..
قلت ليها جيبيه
قالت لي دايرة تعملي شنو ابوك م..
قلت ليها م حيعرف جيبيه
بقت تعاين لي
قلت ليها م حيعرف انا بحلف ليك بالله
شالت تلفونها ادتني الرقم،
شلت التلفون وطلعت اتصلت في الرقم،
جاني الرد م̷ِْن مرة،
قلت ليها السلام عليكم؟
قالت لي وعليكم السلام
قلت ليها معاك شهد، بت حاج الصادق وبثينه
سكتت مسااااافه قالت لي بصوت ملهوف شهد؟
قلت ليها ايوة اخدته رقمك م̷ِْن امي
قالت لي كيفك ان شاءالله بخير؟
قلت ليها الحمدلله بخير، امس جيتو هنا ونحن كنا مافي، إذا ممكن نتلاقى؟
قالت لي جداً متين اليَوُمًِ؟ً
قلت ليها ي ريت إذا ممكن
قالت لي ټمٱم بنجي عليك،
بنجي عليك دي اكبر دليل على انهم حيجو مع بعض م محتاجه انبها
غيرت عبايتي، امي قالت لي ي بتي حتعملي شنو؟ابوك لْۆ عرف بزعل شديد وم معروف يسوي شنو
قلت ليها م هو عشان ابوي م يزعل شديد م̷ِْن الموضوع دة انا عايزة اقفلو
قالت لي دايرة تسوي شنو؟
قلت ليها ولا شي، بس دايراهم يعرفو انو انا عارفه ارتحتي كدة؟
بعد سَآعهْْ اتصلت علي، قالت لي شهد؟ اها نحن جاين عليك قريبين م̷ِْن البيت
قلت ليها لٱ م تجو البيت، نتلاقي في ... احسن
قالت لي خلاص كويس،
قفلت منِْه ِْ̨̐ا وقلت لي امي انا طالعه، قالت لي اجي معاك؟
قلت ليها لٱ،
طلعت م̷ِْن البيت مشيت محل وصفت ليهم يلاقوني بالضبط،
قبل م اصل اتصلو علي قالو لي نحن وصلنا، قلت ليهم انا لسسه لما اصل بتصل انا،
وصلت اتصلت عليهم جوني الاتنين بدل م يوصفو لي مكانهم، المرة م غريبه علي اتفاجأت بي انها نفس المرة الكانت بتجي لي امي في البيت لما كنا في الخرطوم،
اخدتني في حضنها وبقت تبكي، تبكي بي حرقه كدة،
الغريبه انا م اتحرك لي ساكن كنت واقفه بس م حاسه بي اي شي، لٱ خوف ولا زعل، ولا ضيق ولا اي شي كأني إنسان فارغ، فارغ شديد بس
كنت بعاين للراجل، لملامحو، نظراتو، هيبتو، طولو وقفتو، شخصيتو كل شي فيهو م بقول ليك إنو راجل ممكن يرمي جناهو،
اتفكت مِڼّي والناس في المحل كانو كلهم بعاينو لينا،
الراجل م كان عارف يقول شنو، يسلم علي؟
حيسلم يقول شنو م اعتقد انو عندو حيل رفع بيهو عينو يعاين لي حتى
بعد مسافه قال لي السلام ۈعْليگمٌ، مديت ليه يدي وقلت ليه وعليكم -ٱلسّلٱمّ:ۆرحّمَة ٱللّہ ۈبٌرگّاتہ،
ابداً م ابديت اي ردة فعل عدوانيه، قالو لي إتفضلي، قعدته
طلبو لي عصير ومويه، جابوهم شربت المويه وانا ساكته وبتصرف بشكل طبيعي خالص
وهم زول فيهم قادر يقول حاجه ماف
الراجل قال لي گّيَفْ الّحّال ٱن شْاءِ اللٌہ بَخّيَرٌ؟
قلت ليه الحمدلله م عِن.̷̷̸̷̐ديّ عوجه
المرة بس تعاين لي وساكته ودمعتها جاريه في طرف عينها
قلت لنفسي عُاَدّيَ عادي ي شهد القليل م̷ِْن الدراما لٱ يضر
ساكته وبعاين ليهم، عيونهم كانت بتقول حاجات كتيرة واعتقد انو اي واحد فيهم عايز التاني يقول
بديت ليهم الكلام وقلت ليهم امس جيتو بيتنا وانا وابوي كنا جاين م̷ِْن الشغل، شفناكم بس انتو اتحركتو، والحمدلله انكم اتحركتو وم لاقيناكم، عموماً الموضوع الانتو جيتو بخصوصو والانتِ كنتِ بتجي م̷ِْن بورتسودان للخرطوم عشانو انا عرفتو،
وصراحه عرفتي ليهو م فارقه معي كتير، يعني دي م تعتبر إضافه لحياتي ابداً بالعكس دي حاجه معرفتها إذا م ضرتني م بتنفعني انتو عايزني اعرف وانا عرفت الحقيقه زي م شايفيني قدامكم كدة،
انا وعيت على الدنيا دي وعندي ابو واحد بس، وام واحدة، وم عِن.̷̷̸̷̐ديّ غيرهم وم عايزة غيرهم حتى لْۆ في، صحه ابوي عِن.̷̷̸̷̐ديّ بالدنيا وخطين حمر تحتها، واي حاجه ممكن تزعلو او تتسبب في تدهور صحتو او تأثر عليهو نحن في غنى عنها،
قلتو حتصلو القانون، ابوي عشاني ممكن يصل معاكم القانون بس انا برضو م هعترف بزول غير ابوي ك والد لي، انتو عايزني اعرف صح؟ يلا انا عرفت وبس كدة الانتو عايزني اعرفو عرفتو وبرضو بالنسبه لي م فارق، حتى اسماءكم م عِن.̷̷̸̷̐ديّ فضول اعرفها ابداً ملاحظين؟
المرة قالت لي مبدئياً انا م امك، دي الحاجه المفروض تعرفيها اولا، اناً ايوة كنت بجي بيتكم هناك في الخرطوم واول م عرفت انكم هنا جريت وجيت لَگِنْ م عشان عايزاك تعرفي انو انا امك، انا كنت بس بجي عشان اشوفك وايوة اصريت إنو انتِ تعرفي الحقيقه لَگِنْ الحقيقه دي المتمثله في معرفه منو هي امك م عشان تتاخدي م̷ِْن اهلك، انتِ ماشاءالله عليك زوله كبيرة وعاقله وناضجه يعني م زوله هينه ناخدك كيف؟البيتاخدو ديل القُصر، وزي م قلتِ في كل الاحوال م فارق معاك منو هي امك سواء كنت انا او غيري، حابه اقول ليك إنتِ أمك متوفيه ي شهد، إتوفت بعد فترررة م̷ِْن ولادتك، وبمعنى ادق إتقتلت بعد فترة م̷ِْن ولادتك يعني زاتها م عاشت اساساً بعد ولادتك، كانت بتبكي وبتتكلم، والراجل دمعتو جات جاريه بصورة تلقائيه ومسحها بسرعه، سكتت مساافه وشربكت صوابعها وقربت م̷ِْن وشهاو
كملت كلامها ب "ببساطه كدة بعد ولادتك بكم يوم جو اعمامي م̷ِْن االبلد وساقوها معاهم وتاني م شفنا غير قبرها، وصيوانها المدقق في الحله، قلتِ م بهمك تعرفي إسمها منو وبرضو م بفرق معاك ابدا، بالعمومً كدة هي إسمها سوسن، كنا بناديها فاطمه على اسم امي فاطمه الكبيرة "حبوبه "•اللّہ̣̥ يرحمها...