الفصل السابع والعشرون

تنبيه

حابة اقول انه الرواية دي قيد الكتابة .. يعني ان شاء الله اول ما شهد تنزل بارت انا بانزل ..

قراءة ممتعة

قفلت وقلت ليه قال بتصل على الاستقبال يرفعوه بالمصعد،

قال لي طيب، مشى على بتاعين الاسعاف واتكلم معاهم، اتحركو بالسرير لغايه م دخلوه الإستقبال، وفضلنا واقفين لغايه م رفعوه بالمصعد،

لحقناهم على بال م نوصل لقينا الدكتور حتى جاب المقعد المتحرك لي ابوي ونزلوه فِيَه،

لما شاف سامر لمن ابتهج براه، قال ليهو اوووووو ولدنا

سامر سلمو بالحضن لمن ابوي عايز يقيف ليه قال ليهو خليك خليك الف سلامه عليك ي حاج م تشوف شر ي رب واجر وعافيه كمان

قال ليهو تسسلم ي ولدي، گّيَفْ الّحّال ٱن شْاءِ اللٌہ بَخّيَرٌ؟

قال ليهو الحمدلله ي ابوي م عِن.̷̷̸̷̐ديّ عوجه نهااائي

امي سلمت عليه ببرود كدة

ابوي قال ليهو كتر خير زين ولدنا الخلاك تظهر علينا ياخ وين الغيبه دي كلها؟، سامر ضحك وقال ليهو تقول شنو ي عمي

الدكتور قال للممرضه جيبيهو،

الممرضه عايزة تسوق العجله سامر قال ليها خليه وساقو،

ابوي قال ليهو الناس ديل دايرين يشلوني غصب

سامر ضحك وقال ليهو الف بعد الشر ي حاج لَگِنْ عشان م تتعب بس

قال ليهو هو هسي كدة انا مرتاح؟خلاص ي ولدي الجسم اتهلك والروح دي خلاص بس كايسه السبب

سامر عاين لي وانا ماشه جمبهم قال ليهو بعد عمر طويل ي عمي ياخ معقوله لسسه شباب، دخلو الاصانصير قدامنا ومشو،

امي قالت لي دة الجابو شنو كمان؟

قلت ليها امي قولي مهند ولدك الما جابو شنو كمان مش سؤال منطقي؟

طلعنا السلالم لغايه م وصلنا الطابق الفيهو العنايه المركزة، طبعاً بدخلوه هو بس

وسامر وقف بره، رقدوه والدكتور بقى واقف فِيَه ومعاه تاني دكتور

لما شوفت وقفه الدكاترة في حقيقه خفت وقلبي اتقبض وانا سامعه امي بتقول ي مهون ترفعو، ي مسهل، ي وكيل الغافلين، ي •اللّہ̣̥ تغطيهو وتحفظو بعينك التي لٱ تنام، ي رب انت حسبنا ونعم الوكيل،

شويه كدة الدكتور جا طالع، سامر قال ليهو اها ي دكتور وضعو كيف؟

الدكتور قال ليهو انت ولدو؟

سامر قال ليهو لا

قال ليهو وضعو سلفاً انا كلمت بيه زوجتو وبتو، للأسف لآزٍمٍ يتلقي ليه متبرع في اسرع وقت ممكن، لأنو الكليتين خلاص فقدو وظائفهم وخلاص وجودهم في حد زاتو بقى مشڱلهِ، دموعي جات جاريه،

كمل كلامو ب عشان كدة قلت ليك انت ولدو، لْۆ ولدو ممكن تعمل الفحوصات اللازمه وتتبرع للسيد الوالد، او هي برضو تعمل الفحوصات اللازمه وتتبرع إذا م عندكم مشڱلهِ،

قلت ليه انا م عِن.̷̷̸̷̐ديّ مشڱلهِ بعمل اي شي ممكن يخلي ابوي يقوم بالسلامه

قال لي متفهمك بس الحاجه دي مبنيه على نتائج الفحوصات م ساي، ربنا يهون ويسهل ان شاءالله،

رجع دخل الغرفه،

قلت لي امي مهند دة وين؟ للأن م فتح تلفونو؟ م ممكن يكون كدة يااااااخي معقوله الرسايل م وصلتو، دة ابوه يعني حسبي •اللّہ̣̥ ونعم الوكيل فِيَه وفي امثالو

امي قاعدة في المقعد وسرحانه وتهز في رجلها،

سامر قال لي شهد براحه، م براك خايفه عليهو شوف امك دي حالتها كيف، براحه طيب

قلت ليهو سامر انت فاهم الدكتور دة بقول في شنو؟ ابوي..

قال لي فاهم بس الجوطه والصريخ والبكى م بحلو شي، براحه

اتحرك م̷ِْن جمبي ومشى بعيد وبقى يتكلم بالتلفون، شويه كدة جا راجع،

فجأة جا بتاع امن قال لينا يلا ي شباب

قلت ليه عندنا مّرَيَضّ في العنايه

قال لينا المريض برافقو واحد بس م 3، يلا اتفضلو لْۆ سمحتو،

قلت لي امي طيب انتِ خليك معاهو،

قالت لي سمح وانتِ؟

قلت ليها بشوف الدكتور عشان الفحوصات وكدة،

قالت لي ي بتي انتِ ..

قلت ليها امي الموضوع دة م محتاج نقاش او تفكير، دة ابوي

بتاع الامن قال لينا يلا يلا ي جماعه، قلت ليه انت كمان م تزهجنا يلا ولا زفت،

طلعت وانا مستعجله، سامر قال لي شهد روقي،

قلت ليه هاديه انا، انتظرت الدكتور لما جا قلت ليه ي دكتور وين ممكن نعمل الفحوصات؟

قال لي دقيقه، كتب لي ورقه قال لي امشي المعمل،

مشيت عملت الفحوصات، قالو لينا النتيجه بكره الصباح بإذن •اللّہ̣̥

، فضلنا قاعدين بره، لمن الصباح اصبح، مشينا المعمل قلت ليهم النتايج طلعت؟

قالت لي الاسم؟

قلت ليها شهد الصادق

قالت لي ايوة، اتفضلي

شلتها، عايزة اتحرك قالت لي دقيقه، ،

في واحد امس جا معاك برضو جا بعدك عمل نفس الفحص أإأذأإأ هو معاك اديها ليهو لانو طلعو مع بعض

شلت منها الورقه نتيجه الفحص كانت بإسم سامر،

الغريبه م كلمني،

شلت النتائج ووديتهم الدكتور،

فتحهم وعاين فيهم مساااافه وانا بعاين ليه ملهوفه يقول لي ټمٱم قال لي للأسف ولا واحد مطابق مافي

قلت ليه جد؟

قال لي ايوة

قلت ليه والحل؟

قال لي نفتش متبرع، بس الموضوع م ساهل وصعب جدا، اخوكً وين انتِ امك قالت لي بعيد وتلفونو قافل، املنا كبير في اخوك شوفو طريقه اصلوه بيها

طلعت م̷ِْن الدكتور وخاطري مكسور، م قدرت امشي على اتجاه ابوي، طلعت وانا ببكي، جد عمري م جاني احساس اني م بتو جد الا اليَوُمًًِ دة واللحظه دي

سامر قال لي خير؟مالك بتبكي؟شهد ؟؟؟

قلت ليه نتايح الفحوصات م طلعت مطابقه، والدكتور قال يشوفو مهند، مهند يشوفوه م̷ِْن وين؟ الزمن م في صالح ابوي ابداً انعل ابو.كدة ياخ

قال لي مهند م بعيد قريب

قلت ليه كيف يعني؟

قال لي هسي اتصل علي قال انتِ م بتردي والوالدة تلفونها قافل

قلت ليه جاي يعني قريب م̷ِْن المستشفى ولا وين؟

قال لي اي، قريب

قلت ليه وعرف م̷ِْن وين انو انت معانا؟

قال لي المهم ي شهد هو جاي حسب كلامو، قلت ليه الحمدلله، دقيقه، طلعت تلفوني، فعلاً لقيت منو مكالمات كتيرة،

اتصلت عليه،

اول م فتح الخط قلت ليه مهند انت وين؟

قال لي قريب ي شهد ابوي مالو وكيف هسي؟ قلت ليه بي بكيه تُعباُنٌ ي مهند، ابوي كلاويهو الاتنين خلاص، هسي في العنايه، الدكتور قال الا متبرع، عملت الفحوصات طلعت م مطابقه، وكنا راجينك انت

قال لي هسي هو كيف، جاي انا

قلت ليهو م عارفه والله ي مهند المهم انت تعال،

بعد سَآعهْْ بالضبط، سامر جاتو مكالمه طلع وجا داخل مع مهند، اول م شوفتو قمت اسلم علي حضنتو وبقيت ابكي، قلت ليه ي مهند ابوي، ابوي تُعباُنٌ شديد انا حتى شوف بقيت م قادرة اشوفو، بقيت م بقدر اقيف قدامو ي مهند حتى شكلو اتغير

قال ان شاءالله يقوم بألف سلامه وم حنشوفو غير بعافيه، وين هسي ابوي؟

قلت ليهو فوق الطابق التالت،

طلعنا بعد تحانيس مع الامن دخلو مهند بس وخلونا انا وسامر برة،

فضلنا واقفين لغاااايه م مهند جا طالع وتعابير وشو متغيرة، اظنو كان ببكي، امي جات طالعه لاحقاهو، مسكتو وحضنتو وهي بتبكي وهو يهدي فِيَه لمن دموعو جات جاريه، وانا دموعو اصلاً م وقفت،

مهند اتفك م̷ِْن امي وقال ليها انا بشوف الدكتور وبعمل اللازم وبجي راجع ټمٱم؟

قالت ليهو سمح •اللّہ̣̥ يهون ي ولدي •اللّہ̣̥ يهون

نزلنا انا طلعت مشيت المسجد وخليتهم هم مشو على الدكتور،

لما جيت راجعه لقيت سامر قاعد في الاستقبال، قلت ليه مهند وين؟ قال لي حيعملو ليه الفحوصات على طول،

قلت ليه الحمدلله طيب،

قعدت وخليت مسافه م بيني وبينو، عاين لي مسافه وإبتسم، قال لي م̷ِْن امس م اكلتي حاجه

قلت ليه م جعانه

قال ليّۓ م شرط تاكلي عشان انتِ جعانه، اكلي عشان م تنتكسي انتِ كمان

سكتت م رديت عليه

بعد اكتر م̷ِْن سَآعهْْ حتى مهند جا،

قلت ليهو اها خلاص؟

قال لي ننتظر النتائج بس، مهند مشى جاب مويه وبارد واكل وحلاوة وفواكه،

هم اكلو انا لٱ،

احمد برضو جا وجاب معاه غداء م̷ِْن البيت وحلاوة، قعدنا للمغرب

مهند قال لي محتاج غيارات وابوي برضو محتاج، وامي برضو،

تقدري تمشي البيت تجيبيهم لأنو امي قالت م ماشه رغم اني حاولت اخليها ترجع البيت ترتاح، وانا منتظر نتايج الفحص كمان

قلت ليه طيب بس نزل لي المحتاجين غسيل عشان ارجعهم

قال لي ټمٱم

مشى جاب لي المحتاجين غسيل، قال لي م تتأخري عشان الدنيا ليل اركبي امجاد م̷ِْن هنا ماشي جاي،

قلت ليهو طيب

شلت الحاجات وطلعت، وانا بتفق مع بتاع الامجاد، قلت ليهو خلاص ټمٱم، ركبت قدام فجأة سامر جا بسرعه،

قال لبتاع الامجاد ي حبوب معليش ياخ حناخد مڼڱ الزوله دي، شهد انزلي

قلت ليه في شنووو؟

قال لي انزلي يلا

بتاع الامجاد قال ليهو بنبره حادة في شنو ي معلم خير مالك معاها؟

سامر قال ليهو مرتي ي معلم وعايز اوصلها خير انت المالك؟

بتاع الامجاد قال ليهو مرتك قبل م تجي تتفق وتركب كنت معمي منها؟

سامر قال ليهو لالا كنت محنن، شنو ي معلم م تضايق ياخ وعموماً معليش ي معلم حقك علي، شهد يلا انزلي،

نزلت، سامر طلع قروش وقال ليهو وحرم تشيل حق المشوار كمان عشان شنو اكيد حتكون فوته مشوار عشانها

بتاع الامجاد قال ليهو ي زول

سامر قال ليهو منتهي، وم تزعل اعتبر المشوار م رزق ولخير

بتاع الامجاد ضحك وقال ليهو تسلم ي راقي

سامر قال ليهو العفوو،

مشيت وراه فتح لي باب العربيه ركبت، وركب هو،

قال لي بالليل دة حتركبي مع بتاع عربيه براك وحتقول ليه وصلني وانتظرني جمب البيت براك ي شهد؟

قلت ليه ايوة وين المشكله؟

قال لي ټمٱم ماف مشڱلهِ بس انا قاعد كان بإمكانك تقولي لي وصلني

سكتت

قال لي ومن امس لغايه م عدة اليَوُمًًِ دة كلو م اكلتي ي شهد، البرافق المّرَيَضّ لْۆ م اهتم بنفسو هو زاتو بقع عندك خبر بكدة؟

قلت ليه القال ليك منو م اكلت؟

قال لي شربتي مويه بس!

قلت ليه عرفت كيف؟

قال لي ملاحظ..

تاني رجع قال لي اقصد كل الوقت قدامي يعني واضح بالنسبه لي لْۆ اكلتي او لٱ،

قلت ليه طيب

قال لي افتحي الكيس القدامك دة واكلي

قلت ليه م عاوزة انا م نفسي ابداً

قال لي ټمٱم، بس للعلم هو م اكل مستشفى ولا اي حاجه، خليت احمد يجيبو ليك م̷ِْن بعيد، عارفك م بتحبي اكل المستشفيات ولا الحتات القريبه ليها، واذا م عايزة اكل جاهز، في كرواسون وبيبسي تقدري تاكليهم دي حاجات جاهزة ومقفله يعني م كدة، يلا ي شهد اسمعي الكلام،

قلت ليه عطشانه بس انا، فتحت الكيس لقيت فِيَه مويه شربت،

قال لي والله قوة راسك تحير، عناد، عناد، عناد، شهد عناد،

سكتت ولفيت وشي

رجع لي الكرسي لورا، قال لي طيب حاولي اخدي راحتك على بال م نصل م̷ِْن امس وانتِ قاعدة تمام كدة؟م رديت عليه وبقينا ساكتين مسااافه وقفنا في استوب كدة،

فجأة لقيت نفسي بقول ليه فكرك حيبقى كويس؟ يعني حيطلع منها بعد مهند يعمل الفحوصات وتتطابق ويتبرع ليه وكدة؟

قال لي اكيييييد ي شهد بإذن •اللّہ̣̥ اكيد، وبعدين انتِ اتفائلي لييييهه التشاؤم؟ اي زول في الدنيا دي بمرض وعمرو المرض م قتل ليهو زول، البقتل اليَوُمًًِ ولا انتِ م مؤمنه بالله؟

قلت ليه ونعم بالله

قال بس شوفتي عاملي ربنا سبحانه وتعالى باليقين ووكليهو امرك وبإذن •اللّہ̣̥ م بحصل الا كل خير

قلت ليه بس انا خايفه ي سامر، خايفهه عليهو شديد، مما مرض اول مرة يكون في الحاله دي انت فاهم؟ اول مرة نشوفو.كدة، ابوي بمشي الغسيل وبجي راجع برجولو، هسي شوف في المستشفى الا يحركوه بكرسي،

حتى اني م قادرة اقيف قدامو واشوف شكلو لأنو اتغير شديد وماشي يحرق، دة م شكل ابوي الانا متعودة عليهو انت فاهمني، اول مرة المرض يظهر في ملامحو كدة،

قال لي الغسيل م شي هين ي شهد فاهمة؟ الغسيل دة ألمو تقريباً بياخد م̷ِْن روحك بالتدريج، ف الحمدلله علي نعمه العافيه لأنو زيها ماف،

قلت ليهو اول مرة اخاف افقدو، خايفه عديل ي سامر، يعني لْۆ لٱ قدر •اللّہ̣̥ حصلت ليهو حاجه م عارفه هعمل شنو، قال لي شهد استغفري واطردي الشيطان م̷ِْن راسك

قلت ليه حتى هو في كلامو غريب بقى، اي شي يجيب فيهو سيرة الموت، ابوي دة لْۆ حصلت ليهو حاجه انا حقول ي منو؟

قال لي شهد، وفجأة مسك يدي، قال لي كدة صلي على النبي اولا، ً

سكتت

بقى يعاين ليّ وقال لي صلي على النبي يلا

قلت ليه عليه الصلاة والسلام

قال لي بإذن •اللّہ̣̥ تعالى الواحد الاحد م بتجيهو عوجه، وحيبقى كويس، وحيرجع احسن م̷ِْن اول، وحيشيب وانتِ زاتك حتشيبي معاهو، إنك تكوني خايفه عليهو حاجه وانك تتشائمي حاجه تانيه خالص، ختي الرحمن في قلبك، نحن م بنقدر نتدخل في اقدار ربنا سبحانه وتعالى بس بنقدر نعمل كل الممكن عشانو ي شهد، والممكن دة الدعوات اهم جزء فيهو، والباقي خليه علي انا هنا، انتِ اتطمني وم تشيلي هم كل الممكن الممكن يطلع م̷ِْن اليد حيتعمل ليهه ي شهد وثقتنا في ربنا سبحانه وتعالى كبيرة، انتِ ناسيه انو قدامك واحد قبل كم يوم كان مسجون بين اربعه حيطان ومتهم في قضيه قتل، ومحاكم وموالات؟

بس شوفي هسي انا وين؟هنا معاك صح،

بقيت اعاين ليه ورجعت بقيت اعاين للشارع

قال لي على فكرة يمكن م قلتهَ اآ ليك قبل بس انا بتفائل بيك شديد، ف خليك كدة الزوڵهٍ الأنا بتفاءل ببشاشتها، واثق تماماً انو ابوك ممكن شوفتو لحالتك بالشكل دة يكون ليها اثر سلبي كبير عليهو، حيهم عشان انتِ مهمومة عشانو، وفي نفس الوقت

هو ممكن يكون كويس بمجرد شوفتو ليك، م بالك لما يشوفك بتعامليه كأنو حيقوم م̷ِْن سريرو وحيرجع معاك البيت؟

قلت ليه اكذب على نفسي يعني وأوهمها وانا شايفه وعارفه بوضعو كلو؟

قال لي م اسمو كذب، م اسمو وهم، اسمو تفائل، حسن ظن بالله، يقين، اقول ليك زي شنو؟

سكت مسااافه حتى قال لي

يعني عندك انا مثلاً م قلت ليك بتفائل بيك مزاج مِڼّي ساي انا فعلاً كدة، ضغط على يدي مسااافه وقال لي مش بيقولو ربنا سبحانه وتعالى بيوزع الارزاق على خلقو، وانا رزقي في الدنيا دي لقيتو في اني اشوفك اتفائل بيك، اسمع صوتك تهون علي كل حاجه بعدو، ف ما بالك ب ابوك؟

محتاجهه دعواتكم شديد ي بنات اكرموني بيهَ اآ