الفصل الثاني

عاينت ليهم بطرف عيني وقلته ليهم السلام عليكم

الولد قال لي وعليكم السلام والبت رددت السَلٱمٌ وراهو،

فجر قالت ليهم احم شهد شكلها م عايزة تعرفني عليكم السلام عليكم ي جماعه انا فجر صحبة شهد في الجامعه،

ابوي ضحك قال ليها اهلاً ي بتي حبابك يااخي كيفك،

قالت ليهو الحمدلله ي عمو وانت كيفك الف الحمدلله على سلامتك م تشوف شر ي رب،

قال ليها تسسلمي ي بتي الله يعافيك ي رب

امي قالت ليها اهلاً ي بتي اهلاً اهلاً حبابك قامت وحضنتها

بقيت اعاين يمين وشمال عيني وقعت على حاجات في اكياس وفي الدرج جايبين معاهم علب حلاوة وبارد، وفواكه مالين الغرفه

ابوي قال اشر علي بي يدو وقال ليهم دي بتي الصغيرة،

الولد قال ليهو اي بنعرفها لاقيناها في القسم،

عاينت ليهو بقرف ف سكت

ابوي ضحك وقال ليهو اصلاً الغلبه دي كلها عملتها هي

غلبه؟ يعني ي ابوي بتسمي دي غلبه؟"قلته الكلام دة في جواي"

فجأة الباب فتح جا داخل مهند ومعاهو واحد، الواحد دة الكان واقف معاه برة

الزول التالت القاعد جمب البت واخوها قال لي ابوي: والله لو جينا للصح دي م غلبه ي حاج معاها حق دي حاجه م بتتفوت بسهوله نحن ك نظامين عارفين الحاجه دي بس برضو زي م شرحنا ليكم موقف البت حساس شويه وصعب مع اهلها والا انا زاتي كنت قلت ليكم القانون ياخد مجراه لانو دة الصح،

ابوي: ي ولدي طيش الشباب دة راااقد اسألني انا دة عندي واحد قدامي بس نقول شنو غير الله يعقلهم!!!

امي: والله هو طيش واي شي لكن على الاقل الزول مدام غلط يقيف ويعترف بغلطو ولا شنو ي اولادي عشان روح البني ادم دي كمان ماااا هينه

مهند: خلاص ي امي الناس شرحو ليكم وضعهم واعتذرو ومستعدين يعملو البتطلبوهو من تكاليف لخسارات ووافقتو واتفقتو تاني شنو خلاص ي جماعه حصل خير وقدر الله ماشاءالله ولو مشينا القانون بدينا نفس الخيارات الهسي قدامنا دي ف شنو نحن قلنا الجرجرة اصلاً م حبابها ونحلها ودياً وكفى الله المسلمين شر القتال

ابوي بقى يعاين لي وانا بعاين ليهم بغييييظ وقرف، ربعت يدي وقلته ليهو يعني خلاص اتفقتو وحليتوها ودياً كدة صح؟ وعلشان عايزين تحلوها ودياً انتِ ي امي م كنتِ عايزاني اصل المستشفى عايزاني امشي البيت وسمعتِ كلام ولدك، وانا اخر من يعلم م مهمة المهم راي ولدك والعايزو ولدك يمشي

ي بتي..

م بتك ي ابوي لو بتك م حتسمح ليهم يراضوك بكيس فواكه وحلاوة وبارد نحن م شفع ولا جعانين دي زوله دخلت فيك ومشت خلتك مرمي في مكانك وبكل بساطه وقوة عين اهلها جايبين ليك اكياس رامينهم علشان يصلو معاك لتسويه في روحك الكان ممكن تفقدها بسبب طيش وقلهه ادب بتهم

فجر مسكتني وقالت لي شهههد ريلاكس..

امي قالت لي يااااااابتي الموضوع دة بحصل كتييير حتى اها اسألي الممرضه الجايه داخله دي كتير حوادث بتحصل زي دي والناس بتتفاهم عادي ولا شنو كلامي ي بتي "عاينت للممرضه"

مهند قال ليها دي م عندها عقل مع الناس اساساً عشان تفهم تقول قاريه ورا الفصل ولا مع البهايم م عندها شي غير تتنفخ،

ابوي قال ليهو ي ولد "بي نهرة"..

قلته لبهو العقل خليتو ليك انت ي الما هاميك ابوك ولا الحاصل ليهو، ولما عرفت انو الموضوع فيهو تسويه وقروش بتدفع خلاص بقيت الولد العاقل وحنين ومسؤول وقلبو على ابو وبفهم، انت بالذات م مفروض تتكلم ي مصلحجي، ابوك انت لو بهمك بالجد م حيحصل ليهو الحصل ليهو دة حتمشي تقيف فيهو لكن انت البطاله حتخليها لمنو عاد..

بعد الجمله الاخيرة دي م حسيت الا بكف في وشي، ورجع بكل قوتو تاني ضربني كف تاني، بقيت م سامعه غير صوت امي بتصرخ وابوي برضو،

خلال ثواني استوعبت رفعت عيني عليهو لقيت الولد واقف في النص بيني وبينو وماسكو وبقول ليهو تعال معي، اطلع قدامي ومهند بقول ليهو دي حيوانه ساي ياخي خليني عليها،

قلته ليهو حيوان انت ي ما راجل تف على دي رجاله تف عليك ي حيوان،

فجر بقت ماسكاني وبتقول لي شهد، شهد عيب ي شهد دة اخوك، قلته ليها فكيني انتِ كمان، م اخوي ولا شي م اخوي فهمتي وطلعته م̷ِْن الغرفه،

امي وابوي كانو في حاله ذهول متسمرين في مكانهم،

طلعته برة المستشفى وانا ببكي وم شايفه قدامي وفجر ماسكاني فجأة بعد 5 دقايق لقيت ابوي واقف في وشي، لفيت منو وشي وانا بمسح في دموعي،

قال لي انا لو راجلك م بجري وراك حافيان كدة،

عاينته ليه فعلاً لقيتو حفيان،

بقيت اعاين ليه،

قال لي تصرفك دة انتِ شايفاه صح؟ لو قلتِ صح معناها خلاص انا زاتي صاح بالنسبه لي ونقفل الموضوع دة هنا،

سكتت،

قال لي تعالي مسكني وضماني عليه وهنا انا زدته في البكاء، قلته ليه ي ابوي انا م بقول انو انا م غلطته بس ولدك..

قال لي م ولدي، انا زول بضرب بتي دة زاتو م ولدي ولا اي شي من يوم الليله خلاص م عندي ولد زاتو انتِ كل اولادي، خلاص م تبكي،

فجأة نسمع صوت السلام عليكم،

ابوي قال اهلاُ ي ابني، رفعت راسي لقيتو الولد الكان مع مهند والناس الكانو في الغرفه،

قال ليهو اسفين شديد ي عمي والله على الحصل دة كلو بسببنا بنعتذر جداً اعفي لينا اذا سببنا ليكم اي اذى او توتر وازعاج

ابوي قال ليهو العفووو ي ولدي سؤ تفاهم عادي بيحصل بين الاخوان

قال لي معليش حقكك علينا ي اخت ومعاك حق في كل كلمه قلتيها وهسي العايزاه هو البمشي اصلاً انتِ م غلط ونحن متأسفين مرة تانيه على الحصل ليك من اخوك بسببنا، نحن حنمشي ي عمي بس ان شاءالله حيكون في بينا تواصل لغااايه م تتعافى وتبلغ الصحه والعايزو انت نحن بنسويه ربنا يكتب عافيتك ي رب، نحن بنستأذن،

ابوي قال ليهو تسلم ي ولدي الله يعافيك ي رب،

يلا في امان الله،

بعد م الولد اتحرك ابوي قال ليّ اها ي بتي شوفي الاسلوب مش بقولو عشان عين بتكرم الف عين؟

❖

في جانب تاني كان النقاش بدور بين 3 في العربيه معلقين علّۓ تصرف شهد..

اففففففففففففففف البت اوڤر دراما"يسرا المرتكبه الحادث"

فعلاً مكبرة الموضوع شديد رغم انو م بستاهل كل دة، "ملهم اخوها"

هو فعلاً حوادث وتفلتات زي دي بتحصل بس في الاخير الناس بتصل لحلول وتسويات زي دي يعني انا م عارفها مكبرة الموضوع كدة مالها الموضوع بسيط جداً حتى لو مشو القانون.."سعد النظامي المستعينين بيهو يساعدهم"

وكان الرد م̷ِْن الطرف الرابع..

لو مشو القانون حتكون في عقوبه ي سعد، حيكون في حكم، حتكون في خسارات مفروض تندفع انت زول قانون مفروض تكون حقاني شويه، البت م غلطت انا وانت عارفين الإجراءات القانونيه المترتبه على تصرف زي دة شنو م تستبيح الغلط ابداً بالذات قدام الغبيه وما مسؤله دي، وي ملهم دة انت البقولو عليك عاقل شايف موضوع زي دة م مستاهل ومستصغرو؟

وبعدين كيف يعني البت أوڤر دراما؟ انتِ نسيتي نفسك عامله شنووو؟ انتِ هسي كأنك م شايفه العملتيهو وشايفه بس رد فعل البت، داخله ليك في بني ادم انتِ م كوم بطيخ

انا..

اسكتي ي يسرا م عايز اسمع منك ولا حرف حأتفاهم معاك بعدين، البت ابداً م غلطانه لا عليك ولا على اخوها، وفعلاُ اخوها زول مادي ومصلحجي براكم بعضمة لسانكم قلتو بعد طلعو من القسم وخلاهم يمشو جاكم براهو راجع واتكلم واتفاهم واتفق معاكم وإتنازل عن البلاغ دة كلامكم ولا لأ؟

لحظه صمت..

ملهم؟!!ساكت مالك بتكلم معاك انا

ا، أ، أاي صح،

نزلني بجاي ي حبيب لو ممكن

طيب تمام

يلا ي سعد م قصرت ي حبيب

العفووو ي مان بس براااحه الزعل م بحل مشكله تمام؟

ابشششر

يلا سلام.

اتضايقت جداً من التصرف بتاع اختي يسرا، ومن رد فعلهم على رد فعل البت، اول م وصلنا البيت ..

ملهم انت انزل واقفل وراك الباب، إنتِ خليك م تنزلي

ملهم: طيب تمام،

نزل وقفل الباب وراهو،

قلته ليها مبسوطه من عمايلك البتعملي فيها دي؟

قالت لي بصوت مبحوح : س س سامر والله انا

"اقتحمت القصه ونسيت اقول انو طبعاً اسمي سامر، حتتعرفو علي اكتر لما ندخل في تفاصيل القصه "...

قلته ليها بصوت حاد انتِ شنو ي يسرا انتِ شنو؟ دي المرة الكم اطلعك انا وملهم من مصيبه، دي المرة الكم تدخلينا في ضفورنا مع ناس، جبتي قروش إيجار العربيه من وين اساساً مش قبل كم يوم كنتِ بتقولي يدفعو ليك حق الترحيل؟ ومأجرة عربيه لشنووو ي يسرا وانتِ عندك ترحيل بسوقك من الباب للباب؟ اقول ليك كنتِ بتعملي في شنووو؟

مأجراها علشان تفحطي بيها انتِ والعواليق البتباريهم، بتاع العربيه حكى لي بي اي شي ودي م المرة الأولى ولا التانيه ولا التالته، قفلتيني منك ي يسرا رغم انو انا كنت بقول بكرة تكبر وتعقل بس هسي بقيت خايف اصحى واللقاك ي قاتله ي مقتوله بي طيشك دة، ماف شي بجيب نتيجه معاك انا م عندي ليك تاني اي حلول غير ابوي واحمد، حأخليهم هم يتصرفو معاك، بدون جدل ونقاش..

باب الشارع فتح وابوي طلع من البيت، عاينت ليها ونزلت من العربيه وهي بتنادي سامر لأ ي سامر عليك الله ابوي لٱ ي سامر

قفلت باب العربيه ومشيت على ابوي سلمت عليهو ووقفت مسااااافه بتكلم معاه وهي بتعاين لينا بالقزاز،

ابوي قال لي كنتو وين؟

قلته ليه مع يسرا وملهم ي حاج

قال لي يسرا معاكم ووين خليتوها هسي؟

اشرته ليه على العربيه قلته ليهو نازله ماشي وين عايزك في موضوع

قال لي موضوع شنووو خير ان شاءالله؟

قلته ليه امشي مشوارك وتعال راجع كدة بعدين نتفاهم،

كويس ي ولدي،

دخلته البيت وانا جد متضايق يعني الحصل وموقف ضرب الولد لي اختو قدامنا كلو معلم لي في قلبي،

دخلته الغرفه ومن الباب قلعته القميص رميتو،

وفجأة سمعت صوت بقول "واااااااي" لما عاينت بإتجاه الصوت

لقيت ياسمين في الغرفه بتعاين لي مخلوعه، كانت رابطه راسها بطرحه وواقفه في الدولاب قلته ليها مالك وبتعملي شنو في غرفتي انتِ كمان؟

قالت لي بسم الله خلعتني بس، ومالك متضايق حكون بعمل شنو يعني كنت بنضف فيها وبرتب ليك في الملابس الغسلتها وكويتها ليك

قالت الكلام ده بنبره حزينه وحتى ملامح وشها كانت كدة،

قلته ليها تمام!!!

في وقفتها دي وهي بتعاين لي دموعها جات جاريه، وقفت مكاني وانا بعاين ليها مستغرب مالها يعني وانا قلت شنوو ببكيها، قلته ليها مالك ي بت الناس؟

قالت لي ماف شي، قلته ليها بنبرة حادة اتكلمي مالك بتبكي؟ قالت لي لو م عندك احساس خلي يكون عندك ضمير بس كان في جردل شالتو وطلعت وهي بتبكي...

للخربشهه بقيهه