الفصل الحادي والثلاثون
بسم الله الرحمن الرحيم
قبل نبدأ في قراءة الرواية حابة اقول انه الرواية دي قيد الكتابة .. يعني ان شاء الله اول ما الكاتبة تنزل بارت انا بانزل ..
قراءة ممتعة
عشان كدة حاول احترم عقلي وجاوبني نور قتلتو ي دكتور؟
بقى يعاين لي بي دهشه وصلح قعدتو وانا بعاين ليه بنظرات إصرار على گلآمَي ومستني منو تأكيد،
بعد مسافه قال لي:
إحم طيب هسي نحن في العيادة ممكن نتكلم بعد اطلع لأنو هسي عندي مواعيد ضروريه مع مرضى
قلت ليه الإجابه م حتاخد مڼڱ دقيقتين
قال لي لْۆ بالتفصيل حتاخد، وانا م ماش مكان بس اخلص مواعيدي مع المرضى ونقعد
ردو كان مبهم م نكر وم اعترف، خلاني رهين للتحليلات والاستنتاجات،
كان مفروض ألح عليهو بس كان وراي مرضى حالتهم م بتستحمل الانتظار زي،
طلعت وقلت ليه حستناك لغايه م تخلص محتاج كم سَآعهْْ؟
قال لي 2 بالكتير
قلت ليه ټمٱم،
طلعت وانا لسسه بكذب الصوت الجواي، لسسه مكذب احساسي ومتوقع اسمع منو العكس،
طلعت على ناس احمد برة،
احمد قال لي م محتاج اسألك بس محتاج اسمع اجابه م تخلينا نباريك زي غنم الإشلاك، فهمنا الحاصل شنو؟
بعد لحظِهّ ; .. صمت طويله وصوت إلحاح احمد قلت ليه ماف شي ي احمد، م̷ِْن فترة عندي ورم في رقبتي جيت اقابل بيهو الدكتور، انتو المكبرين الموضوع
قال لي عليك •اللّہ̣̥ بطل طلسك دة نحن م شفع
قلت ليه احمد طلس شنو ياخ اديني سبب يخليني اكضب عليك؟
مروان قال ليهو احمد خليهو م تضغط عليه دام دة كلامو، المهم وين الورم دة كدة ومن متين؟
داير يقرب مِڼّي قلت ليه م بحتاج عملت صورة ومنتظر دكتور عمار داير اقعد معاه انتو امشو انا بلحقكم
احمد قال لي ماشين الخماسيات لاحقنا؟
قلت ليه ان شاءالله
مروان قال لي بينا الشبكة
خليتهم مشو وقعدت ختيت يدي في وشي وانا بحاول اتنفس وافكر بشويه عقل ومنطق،
م عدت فترة طويله الا ولقيت الساعتين عدت،
رجعت مكتب دكتور عمار لقيت معاه اخر مريض بعدين طلع قال لي يلا،
قلت ليه وين وين؟
قال لي اكيد م حنقعد في العيادة ارح ي زول،
طلعنا مشينا هو ركب عربيتو وانا وراه،
اتصلت عليه قلت ليه بركن على جنب،
قال لي خليك ماشي وراي بس لغايه م نصل، الغريب انو وصلنا الحي الكنا ساكنين فيهو، اتصل علي قال لي خليك واقف في الشارع الرئيسي دة، لما اقول ليك كنتك كنتك ټمٱم؟
قلت ليه م فاهم بتقول في شنو انت؟
قال لي انت بس اعمل البقولو ليك
وقفت مكان م قال لي وهو مشى لقدام شويه، بعد 10 دقايق اتصل علي قال لي كنتك واضرب بوري
كنتكت وضربت
بعد مسافه باب العربيه فتح وسمعت صوت بقول بصوت هزيل: السلام عليكم عمار
عاينت ليها لقتني نور، هي زاتها اتخلعت، وبقت متمسمرة في مكانها وماسكة الباب،
دكتور عمار اتصل علي قال لي الأفضل تسمع منِْها م مِڼّي، اقعدو برواقه بدون م تضغط عليها اسمع منها العايز تسمعو احسن، وارجع واقول ليك بدون ضغط لانو وضعها النفسي م ټمٱم وانا م مفروض اخطي خطوة زي دي بدون م اتأكد انها جاهزة تحكي بس الافضل ليها هي نفسها تواجه مخاوفها، ف براحه عليها بس يلا في امان •اللّہ̣̥
قلت ليها خالتي؟
وين انتِ ياخ لٱ بتقولي ولد اختي دة حي ولا ميت ولا اسأل عليهو ولا الحاصل شنو، شنو يا خالتي يا؟يعني لما اشتاق ليك الا اشرك ليك بالصورة دي؟ دكتور عمار تشيف وانا م تشيف حزينه مڼڱ ي خالتي؟
كلامي بمبدأ اني حابي اللطف الجو
ضحكت ضحكه خفيفه قالت لي ما إنت م شغال بيها خالتك دي لَگِنْ
قلت ليها معقوله ياخ؟طلعت تلفوني قلت ليها هاك فتشي شوفي قدر شنو انا بحاول اصل ليك، انتِ عارفه البيت دة بالنسبه لي دخلتو زي دخله الفلسطيني لإسرائيل ف شنو م محتاجة اشرح ليك
ضحكت
قلت ليها اركبي اركبي
قالت لي وين بالليل دة؟
قلت ليها ارح ي خالتي ياخ عايز اشرب معاك شاي لبن عندك مشڱلهِ؟
ركبت
قلت ليها لايمك شديد
قالت لي عارفه لَگِنْ خالتك ي ولدي الكبر دخل والمرض م خلا مكان م بنى ليهو فيهو عش في جسمها
قلت ليها ليه مالك سلامات؟ مشيتي الدكتور؟ عندك شنو؟
قالت لي م عندي شي محدد غايتو الحمدلله بس
قلت ليها طيب نمشي نعمل فحوصات؟
قالت لي لٱ عامله ماف شي نضيفه
قلت ليها تاني تعملي،
قالت لي هسي جاي م̷ِْن وين انت؟
قلت ليها م̷ِْن دكتور عمار مشيت شركت ليهو في المستشفى عشان يشرك لي اللقاك لْۆ م كدة.زول برد علي فيكم ماف
سكتت، نزلنا شربنا شاي في شارع ال 60، وهي ساكته م م̷ِْن عوايدها اكون معاها وتكون ساكته، الطبيعي بتاعها تضحك وتتونس وتفتح مواضيع
قلت ليها م سألتيني الحصل معي شنو وكدة ي خالتي
قالت لي قضيتنا واحدة الما سمعتو مڼڱ سمعتو في البيت
قلت ليها قلت ليها انا م جبت سيرة القضيه لَگِنْ بما انك فتحتي الموضوع زكرتيني اقول ليك م جيتي المحكمه
قالت لي م لحقت واتصل علي عمار قال لي طلعو م تجي يومها كنت عيانه
سكتت مسافت وانا بعاين ليها بعدين قلت ليها وم حكيتي لي تفاصيل الحصل اليَوُمًًِ داك
قلت ليها تفاصيل شنو؟ المحكمه انا م حضرتها انت المفروض تحكيها لي م انا
قلت ليها خالتي، خالتي، م تزوغي مِڼّي بجاي وبجاي وانا اكتر زول بفهمك على ما اظن،
قالت لي بسم •اللّہ̣̥ ي ولد مالك؟
قلت ليها مالي كلو في موت خالي دة، طالما المحامي حكى ليك حبوبه برضو م بتكون قصرت وورتك تقرير التشريح كان عبارة شنو،
خالتي انا موت خالي دة م فارق معي نهائي •اللّہ̣̥ يرحمه وجودو وعدمو بالنسبه لي كان واحد، انا سؤالي عن قضيه اتقفلت ومفروض تصل حدها، حبوبه م الزوله الهينه الممكن تتنازل بالسهوله دي وتقفلها،
قالت لي حاجه بتجيب لينا مرض وسيدها اصلاً في التراب شن فايدة وصولنا لحدها؟ نورهان هي الأصرت انو القضيه تتقفل وامي تسافر ترجع هناك دة كل الموضوع بس
قلت ليها وحبوبه سافرت؟
قالت لي لسسه بس مسافرة الاسبوع دة ان شاءالله
قلت ليها وانتِ مسافرة؟
قالت لي لٱ م مسافرة
قلت ليها يعني هسي دة السبب؟نورهان قالت تتقفل بس وحبوبه اقتنعت طوالي؟
سكتت
قلت ليها بعدين ي خالتي هو خالي دة لقيتو الصباح بس ميت؟
قالت لي اي
قلت ليها كنتو نايمين لما جا راجع البيت؟
قالت لي والله م عارفينو طلع متين وجا راجع متين زاتو اللهم يومو تم بس •اللّہ̣̥ يرحمو
قلت ليها طيب ي خالتي اسألك؟ ضربتي لي الساعه 5 وكم دقيقه صباحاً ليه؟
قالت لي انا متين؟
قلت ليها يوم وفاة خالي،
طلعت التلفون مديتو ليها قلت ليها هاك، مش دي مكالماتك وزمنها؟
قالت لي بري م بتذكر، م بتذكر والله
قلت ليها بأخر نفس احكي لي ي خالتي م تجرجريني، ختيني في الصورة، واقول ليك حاجه انا الداسينو.مِڼّي عارفو لَگِن شايل رجولي وجاي ْ داير اسمعو مڼڱ انتِ،
سكتت
قلت ليها دكتور عمار حكى لي بس م بالتفصيل، فهمني بس انو الجريمة دي حصلت في البيت ودي حاجه انا عارفها وساكت عشان عارف انو ميتة خالي دي م طلعت م̷ِْن البيت، وموضوع مات في البيت دة م كان منطقي نهائي بالنسبه لي في نفس الوقت، فضلت ساكته
قلت ليها ي خالتي صلي على النبي، انا هنا لٱ قاضي، لٱ وكيل نيابه، لٱ محامي، انا ود اختك ولدك سامر م زول غريب وم ماشي اكسر رقبتك كل العايز اعرفو الحصل شنو؟ والبسمعو بدفنو في مكانو وبمشي بخليه،
فضلت ساكته
قلت ليها اسهلها عليك؟
مالو معاك خالي اليَوُمًًِ داك لمن اتصلتي علي 5 صباحاً اللي هي مواعيد دخلتو في البيت حسب كلام الشافوه داخل،
بعد لحظِهّ ; .. صمت مسافه قالت لي جا داخل سكران، وانا صاحيه صليت ومنتظرة الخزان يتملي عشان اقفلو م يكسر في الشارع، بدون اي سبب بقى يكورك، وامي على حسب الشكله ديك اخدت حبوب الضغط بتاعتها ومهدئ وقفلت على نفسها ونامت وقبل م تنوم اتناقشت معي انا زاتي ونامت زعلانه،
المهم قلت ليه ي حافظ امي نايمة الدنيا صباح ونحن وسط جيران امشي نوم، وانا بحسب رجلي بالليل م̷ِْن ضربو لي م كنت قادرة اقيف بيها كنت بصلي في البمبر، جا وشاتني بيه، وبقى يضرب فيني واللفاظو الانت بتعرفها ديك وبأعلى صوت، حبيت حبيان دخلت المطبخ، جا لاحقني اقرب كبايه لقاها شالها رماني بيها لْۆ م ربك ستر ولطف كان شق راسي، ومسكني خنقني لمن كتمت نفس صرخت م خليت صرخه بس البيت متداخل م بتسمع لي صوت والابواب تقيله برة لْۆ مات زول ماف زول بسمع وامي في سابع نومه،
المهم في خنقتو لي ديك وهو بنبذ ولاوي لي يد واحدة لقيت وراي يد فندق،
سكتت مسافهه وبكت
قالت لي شلتها ضربتو بيها في راسو، م اتوقعت وم حسبت حساب انو ممكن اضربو بقوتي كلها وم عارفه ضربتو بيها كم همي كلو كان انو يفكني بس لأنو رجلي ويدي واجعني دة غير الضرب التاني الضربني ليهو،
فعلاً فكاني ومشى غرفتو، بعد مشى لاحظته للدم في الارض، لحقتو لقيتو دمو جاري وكاسر في الارض،
ضربت ليك عشان تشيلو تودي معي المستشفى، ضربت ليك كميه مكالمات وجيت ضربت باب الشارع برضو، لما قنعت والدم كان جاري وفي زيادة، لفيتو ليهو بقطعه وضربت لدكتور عمار، الحمدلله انو.كان صاحي بدري عندو عمليه طالع منها، حكيت ليهو قال لي شيليهو جيبيهو المستشفى ووراني اعمل شنو، نضفت الارض والبيت عشان امي لما تصحى م تتخلع
عربيتي مبركنه جوة البيت، ركبتو وفتحت الباب طلعت اسرعت وصلتو المستشفى ولما وصلتو وصل ميت
بقت تبكي، وانا خاتي يدي في راسي، عايزها تكمل بس حاسي قدرتي الإستيعابيه انتهت، بقيت اعاين ليها وهي بتبكي،
قالت لي في لحظات الخوف والهلع والصدمة ديك لٱ انا لٱ دكتور عمار م كنا عارفين نعمل شنو ونتصرف كيف، واقبل على وين واقول ي منو، اقول لي امي شنو؟قتلت ولدك؟قتلت حافظ اخوي؟ إتصلت على نورهان وحكيت ليها الحصل، وريتها إني قتلت حافظ، كنت بحكي وانا م بين واعيه وم واعيه جنيت عديل في اللحظه ديك، بعدين قالت لي اديني عمار،
اديتو ليها وبعدها هو عمل كل شي، كان الإتفاق على انو لقيناه واقع شلناه جبناه المستشفى لقيناه ميت بسبب جرعه زايدة م̷ِْن الكحول بما انو سكران والموضوع يتقفل على كدة بدون م امي تعرف انو انا قتلتو او اي تفاصيل او غيرو، بس الشاش الفي الراس كان مشڱلهِ، عشان كدة طلعو التقرير انو اتوفى اثر نزيف في الراس، م حسبنا حساب امي ممكن ترفع قضيه وتجري ورا الموضوع كدة وحتدخلك انت فيهو، ولما طلع بتاع الطبليه شافو وهو طالع بالليل اتوقعنا انو ممكن نقنعها بقصه انو يمكن اتشاكل او عمل حادث، بس الموضوع جرة بعضو لغايه م وصلنا هنا ي ولدي والله عالم •اللّہ̣̥ وشاهد •اللّہ̣̥ م كان هاين علي انت تشيلها ولو حسيت بي انو ماف امل م̷ِْن طلعتك كنت اعترفت بس محاميك بقى شاطر ودكتور عمار ونورهان م خلوني كانو بقولو لي بطلع، بتتحل، م بحصل ليه شي...الخ
لٱ كانت ملعوبه ولا مقصودة ولا اي شي، وانا والله هسي عايشه في جحيم الدنيا دي ضايقه بي عديل لْۆ م الصلاة والقرءان والاستغفار، ولغايه اللحظه امي م عندها تفصيل واحد بالحاجه دي، وشايفه انو المحكمه ضللت القضيه ولسه شايفاك انت القتلتو م غيرك عشان كدة قفلتها وانا..
قبل م تقفلها قلت ليها خالتي، زول مات وشبع موت، وانا في نظر العداله م متهم، انتِ م غلطتي دافعتي عن نفسك بغض النظر عن الطريقه هو كان متعدي ودي كانت حاله دفاع عن النفس وخوف حتى في المحكمه حكمها بكون غير، م بنقدر نقول غير عامله •اللّہ̣̥ بما يستحق، وانا م سمعت شي، القلتي دة ادفنيه هنا زي م قلت ليك...
قالت لي بصوت خافض رجعني البيت متضايقه شديد وم جايبه معي البخاخ،
قمنا م̷ِْن مكانا ركبنا العربيه قلت ليها ندخل صيدليه قريبه، قالت لي لٱ بس اقفل المكيف وخلي لي شباك العربيه فاتح، قلت ليها نمشي المستشفى تاخدي اوكسجين؟
هزت لي راسها قالت لي البيت بس ي سامر عليك •اللّہ̣̥ رجعني
كانت بتاخد نفسها مسافه حتى تتكلم، عملت القالت عليه وصلنا شارع البيت نزلت قالت لي يلا امشي،
قلت ليها لْۆ م كويسه نمشي المستشفى ي خالتي اسمعي الكلام
قالت لي بصوت هزيل امشي ي سامر انا كويسه امشي، بتصل عليك لما ادخل البيت
قلت ليها طيب، فضلت واقف لغايه م دخلت بعدين اتحركت،
الخوف اسوأ شعور ممكن اي انسان يمر بيه، عندنا مثل بقول "الخواف ربى عيالو "والمثل دة م ليه اساس م̷ِْن الصحه، الخوف ببقيك.جبان، جبان للدرجه الممكن تستحمل فيها اي شي بدون م تدافع عن نفسك، والخوف دة نفسو ممكن يجرمك وانت م مجرم وتبقى مجرم في سبيل إنك تغطي على جريمتك م̷ِْن خوفك، خالتي بالنسبه لي ضحيه، م بس ضحيه كونها دافعت عن نفسها في اللحظه ديك وحصل الحصل، لأ هي ضحيه لأخ عاق، لأم مفرقه وم عندها موقف، حِضرت الالاف المشكلات بين خالتي وخالي، شفتها بتنضرب مرة واتنين وعشرة، وشفت موقف حبوبه الثابت الما بتغير ابدا، حتىً خالي رحمه •اللّہ̣̥ عليه ممكن اقول عليه ضحيه تربيه امة وابوه، هو قام على كدة، على انو يمد يدو ويضرب عادي، قام على انو يعمل العايزو، الحاجه الوحيدة الطلعو بيها م̷ِْن عيشتهم في بلد الحريات هو عقوق ولدهم، رغم انو كل القوانين في صالح خالتي هناك وبتقدر تحمي نفسها منو بالقانون لَگِنْ هي اختارت انها تكون الضحيه عشان كدة وصلت للنقطه المأسوف عليها دي، في نظر القانون كان ممكن يكون قتل خطأ، دفاع عن النفس لَگِنْ هنا برضو الخوف والجبن لعب الدور الأعظم وبقى سيد الموقف، م مُحزني موت خالي على قدر حزني على حاله خالتي الهي فيها، لٱ هي كانت مرتاحه في حياتها وهو حي، ولا حتكون مرتاحه في حياتها وهو ميت...
❖
في جانب ٱخر ...
اسمعني هنا ي عبدالرحمن انَت عايزني انا انا انا سهام دي امشي اسكن في الخرابه البقولو عليها سطوح حقت ناس امك دي؟
اي ي سهام مالو السطوح دة م مبني جديد داير تشطيب بس وابني ليك فيهو عريشه ونسكن فيهو نمشي بيهو انورنا
عبدالرحمن لٱ إله الا •اللّہ̣̥، انت شايف شكل السطوح عامل كيف؟ حته مضرب شمس الحر فِيَه م̷ِْن كل اتجاه جايه، والغرف، عايزني اسكن في حاله الغرف ديك انت؟
سمح قولي لي اسوي شنو اتقطع ليكم؟
اشتغل زي الرجال وأجر لينا ي عبدالرحمن
سهام انا گلّمّتگُ قدرة بتاعه إجار م عِن.̷̷̸̷̐ديّ ولا بكذب على روحي وزاتو أأجر ليه وانا عِن.̷̷̸̷̐ديّ بيت ممكن اسكن فِيَه مجان؟ م بأجر ولا شي، داك بيت اهلي بشيلنا
اهلك م لقو الا المكان الخراب وادوك ليه، وانا في خرابه م بسكن ي عبدالرحمن فاهم ولا لأ؟ عمري م عشته في مرمطه وم بعيش اولادي في مرمطه، اهلك خلو غرف البيت الفاضيه كلها وادوك مكان الكرور والقرف
ي بت الناس م عِن.̷̷̸̷̐ديّ شي اقولو ليك داك البيت عجبك اهلاً وسهلاً م عجبك اعلى م في خيلك اركبيه، اسوي ليك شنو يعني انتِ عارفه براك وضعي، م تنقي في راسي وتزيدي علي مصاريف البيت والأولاد براها في تلتله إجار شنو البقدر عليهو انا؟هناك ممكن نخفف شويه ومطبخنا يكون واحد مع ناس امي بالفي والماف الامور بتمشي
كمان عايز مطبخي يكون واحد مع اهلك؟ ه سمح ي عبدالرحمن اسمع گلآمَييّ دة كويس وختو حلقه في اضانك لمن تبقى راجل مع الرجال وتقدر تأجر لي تعال سوقني م̷ِْن بيت ابوي غير كدة.م عِن.̷̷̸̷̐ديّ معاك اي راي او كلام...
❖
ونحن في الداخليه مع فجر..
جمانه: اسمعوني هوي انتو
اها مالك؟
دي شنو السجاير الماليه الحمام والسله دي؟
معاك بنات هنا بنفخو ولا شنو ي فجر؟
بقيت اعاين لي فجر وهي ساكته ومشربكه يديها مع بعض، م̷ِْن الحركه دي فهمت المفروض افهمو،
جمانه قالت ليها مبالغه مبالغه طبعا، ً غايتو بنات الداخليات عجيبات، دي بتدخل تشرب علبه كامله اظنها وبتطلع ↙
فجر عاينت لي لقتني بعاين ليها رفعت عيونها مِڼّي،
قلت ليها جمانه انزلي جيبي لينا الاكل انا جعانه ياخ وم تنسي البيبسي
قالت لي طيب ټمٱم فجر انتِ برضو بيبسي؟
هزت ليها راسها،
اول م فجر طلعت رجعت اعاين لفجر وهي ساكته، قلت ليها زمان لما كنتِ بتقولي لي نفسي اصل مرحله اني انفخ سجاير م كنت فاكراك جادة ابدا، ً
سكتت
قلت ليها مستنيه مڼڱ توضيح انا م تسكتي،
فضلت ساكته
قلت ليها ي فجر، عارفه تصرفات اهلك دي كلها رغم قساوتها مفروض انها تديك تدافع، مفروض انها تقويك، مفروض انها تخليك تثبتي لنفسك إنو انتِ م بالصورة الهم شايفنها، مفروض انو تشتغلي على نفسك وكل مرة تطلعي نسْخَهِ افضل مڼڱ مش العكس، إنو تحاولي تنتحري م حيغير فكرهم ابدا، محاولاتكً في انو تثبتي ليهم الهم شايفنو بالنسبه لي غباء ومركب كمان، من م̷ِْن اعظم الانتصارات تغلب المرء على نفسهه، تخيلي تعملي الحاجه البتحبيها، وتتميزي بيها وتشتغلي على نفسك علشان نفسك وتنجحي متخيله معي احساسك؟ م محتاجه تقارني نفسك مع زول ولا تسابقي زول ولا تثبتي نفسك لزول، انتِ محتاجه تعملي كدة علشان نفسك، نفسك ليها عليك حق، اوعى في يوم تشوفي نفسك بعيون الناس علشان حتفقدي هويتك صدقيني، حاولي شوفي نفسك بعيونك انتِ، حبيها بعيونك انتِ، اشتغلي عليها بعيونك عشان انتِ بعدها صدقيني الثقه براها بترمم نفسها، ام الناس تيارات، شافوك ناجح بشكروك، شافوك عكس كدة بكسروك، عمرهم الناس م ساعدو ليهم زول في انو ينجح، عمرهم م مشو مع زول خطوة بخطوة، عمرهم م عاشو معاه فتراتو وشافو هو تعب قدر شنو وعافر قدر شنو ومر بشنو عشان يوصل، الناس بشوفو الحلقه الاخيرة بس وبحكمو عليها
قالت لي ي شهد بس الناس ديل لْۆ غرباء معليش، بس الناس ديل اهلي ي شهد المفروض انهم ساس حياتي
قلت ليها طيب مش م̷ِْن البدايه انتِ بالنسبه ليهم مختلفه وحاله شاذة في البيت؟ اثبتي ليهم انك فعلاً مختلفه بطريقتك الخاصه م بطريقتهم الهم عايزنها
سكتت
قلت ليها وتاني ماف سجاير نتفق على النقطه دي ظابط؟
سكتت
قلت ليها ها؟
هزت لي راسها
قلت ليها والله بيني وبينك انا زاتي نفسي اجرب احساسو ياخ
ضحكت قالت لي حتموتي كلك باقي روح هَا
قلت ليها م مشڱلهِ حأشرب مع راجلي بعدين
قالت لي سامر زولنا بتاع الخلا بكسر رقبتك يشهد •اللّہ̣̥، هو.كيف بالله خلا حركاتو ديك ولا لسسه في لتاختو.، وزين كيفو مشتاقه ليهو، واها والعرس متين دة ٱڅڑ سيمستر مفروض تكوني اتحبستي ولا م كنتِ حتعزميني ي هنايه
سكتت م عرفت اقول ليها شنو علشان م ينفع اقول هي الفيها مكفيها، قلت ليه ليهه م هعزمك
قالت لي اسألي روحك حبيباهه مش مركبه مكنه زعلانه وبتاع
قلت ليها بالله نحن كنا زعلانين م̷ِْن بعض؟ متين م متزكرة؟؟
بقت تعاين لي بي صرة
ضحكت قلت ليها جد م متذكرة انو نحن زعلانين م̷ِْن بعض بس متذكرة انك فصلتيني وبعدين انسينا م̷ِْن السيرة دي ياخ المهم نفسي اللعب ليك في شعرك تعالي اسرحو ليك حلقتيهو لحقتيهو شعري
التناسي وعدم التمسك احياناً مريح شديد، واثقه تماماً لْۆ علاقتي بفجر م انتكست بسبب الحصل بينا م كانت حتصل للمراحل الوصلت ليها دي، لاني م كنت حأخليها، حافظاها وحافظه متين بنكون كويسه ومتين لأ، ومن تصرفاتها وملامحها كنت حأفهمها اضافه لي احساسي بالذنب تجاها واني جزء م̷ِْن المرحله الوصلت ليها دي، واثقه انو فجر لقت نفسها براها ف اخدت السجاير صديق ف كانت بتتنفس فِيَه، وحتى السجاير فشل في مواساتها ف دقت باب الانتحار عسى ولعل يكون الملاذ الاخير ليها لما سألتها ليه م جيتي وحكيتي لي جمانه، قالت لي خفت تقول لي بطلي دراما، لانو جمانه دايماً على لسانها الكلمه دي، ف سبحان •اللّہ̣̥ نحن ممكن نكون انعكاسات السنتنا، ممكن زول يستبشر فْيَگ خير بكلمه سمعها مڼڱ، وممكن نفس الزول يلاوز مڼڱ بكلمه ...
اثناء م نحن بنتونس وانا بعمل ليهم في قهوة تلفوني ضرب، قلت ليهم حيكون ابوي عايز يطمن م̷ِْن امس م اتكلمت معاه، شلت التلفون لقيتو احمد،
رديت عليه احمد
قال لي شهد اخبارك
قلت ليه ټمٱم الحمدلله وانت كيفك؟
قال لي ټمٱم الحمدلله ي ماسورة م̷ِْن يوم المحكمه وعيك
قلت ليه =ه تقول شنو ياخ براك عارف ابوي والبيت والناس وكدة
قال لي عاذرك عشان كدة م زعلت والله لما سامر قال لي رجعتها البيت
قلت ليه المهم انت كيفك؟
قال لي والله ي شهد اكون بكضب عليك لْۆ قلت ليك ټمٱم
قلت ليه ليه مالك ياخي بسم •اللّہ̣̥؟
قال لي والله ي شهد سامر م عِن.̷̷̸̷̐ديّ غيرو بشيل همو طبعاً اخوي دة
قلت ليه ليه مالو خير ان شاءالله؟
قال لي ليه يومين تلفوناتو مقفله وم قادر اصل ليه ولا لامي فِيَه، وهسي تلفوني فاتح م برد، قبل يومين حصل موضوع كدة انا متأكد انو ليهو علاقه بموت خالو م عارف كيف
قلت ليه حصل شنو؟
قال لي م انا م متأكد وم مهم، المهم هسي عايزك تتصلي عليه شوفي لْۆ برد عليك لْۆ م رد كرري ليه الاتصال كم مرة، ولو لقيتي طريقه تلاقيه وقعدتي اتكلمتي معاه تكوني م قصرتي وخدمتيني
قلت ليه بالليل دة؟
قال لي لْۆ قلتِ ليه تَعاّل بجي ي شهد، المهم حاولي اقعدي معاه حتى لْۆ م حكى بخفف وانا واثق انو حيرد عليك
قلت ليه طيب بشوفو
قال لي شوفيه وارجعي لي
قلت ليه طيب ټمٱم
قفلت منو جمانه قالت لي الجبناو يسجم، اتصلت على سامر المكالمة الأولى م رد،
المكالمه التانيه م رد وتلفونو داخل يعني، بعدها رسلت ليه مسج محتواها رد علي او ارجع لي ضروري إذا ممكن محتاجاك..
جمانه صرخت قالت لي شهد ياخ الجبنه كملنا المكسرات دي
فجأة سامر ضرب، قلت ليها تعالي اعمليها وطلعت بسرعه مشيت البلكونه
فتحت الخط قلت ليه الو؟
قال لي بصوت مبحوح السلام عليكم
قلت ليه وعليكم السلام كيفك؟
قال لي الحمدلله وانتِ؟وعمي كيف ان شاءالله بّخْيرٌ م حاصله معاه عوجه؟
قلت ليه الحمدلله بّخْيرٌ
قال لي وناس البيت كلهم بخير؟
قلت ليه كلهم بّخْير الحمدلله
قال لي الحمدلله، عشان شوفت رسالتك ف قلقتيني بس
سكتت م عرفت اقول شنو
قال لي اها قولي
قلت ليه يعني لْۆ م الرساله م كنت حترد؟
سكتت
قلت ليه ازعجتك؟
قال لي لٱ ابداً بس كنت بعيد م شفت المكالمات، صوتو كان غريب م بدل على انو بخير ابدا، ً
قلت ليه عيان ولا شنو؟
قال لي لٱ ابداً انا ټمٱم
سكتت مسافه قلت ليه طيب ټمٱم الحمدلله
قال لي في شي؟
قلت ليه لأ ماف
قال لي متأكدة؟
قلت ليه متأكدة
قال لي والرساله؟
قلت ليه مزاج عشان م رديت بس
سكت وقال لي طيب وقفل،
تخيلو قفل على طول
اتصلت على احمد،
قال لي اها بشري م رد صح؟
قلت ليه رد، هو كويس بس صوتو متغير مالو هو؟
قال لي رد عليك؟
قلت ليه ايوة رد ي احمد
قال لي وقال ليك شنو هو وين؟
قلت ليه م عارفه بس قال هو كويس
قال لي وتاني؟
قلت ليه وبس
قال والله ي سامر حتجنني
قلت ليه مالو؟
قال لي انا زاتي ي ششهد عايز الاقيه عشان افهم مالو، يومين بحاول اصل ليه لٱ برد على مكالمات ولا على رسائل، ولا لامي فِيَه في شقتو ولا غيرو، اخر مرة خليتو في المستشفى ومفروض نتلاقى بعد يطلع بس م لمينا فِيَه تاني صوتو.متغير قلتي؟
قلت ليه ايوة صوتو متغير، اي مستشفى وكان مالو؟
قال لي مع دكتور عمار، هو قال لينا انو عندو ورم في رقبتو عايز يدكتور يقابل دكتور عمار بخصوصو، بس قبلها كان في احداث كدة نحن ربطناها ببعض واتوقعنا انو عايز يلاقيه بخصوص موت خالو لانو م كان برد على تلفوناتو ولا حتى خالتو بترد عليه ف المستشفى كانت حلو الوحيد عشان يقابلو
قلت ليه ورم؟وين قال ليكم؟
احمد قال لي قال في الرقبه
قلت ليه ومن يومها م شوفتوه؟ يمكن م كذب، يمكن دكتور عمار قال ليه شي
احمد سكت وقال لي ي شهد والله م عارف
قلت ليه طيب اقفل اقفل برجع ليك،
ضربت لسامر كم م رد، رسلت ليه رساله محتواها "سامر انا جد محتاجاك شديد شدييد كذبت وم قدرت اقول ليك الكلام دة في المكالمه لْۆ شفت رسالتي وبتقدر تجيني انا في داخليه فجر، بليز تعال علي لْۆ بتقد "
م رجع لي بمكالمه ولا حتى برساله، اتصلت على احمد قلت ليه اتصلت عليه م رد، ورسلت ليه رساله برضو م رد،
هميت ليه رغم اني م عارفه مالو بس شلت همو
فجر قالت لي مالك؟
قلت ليها ماف شي، حوالي الساعه 9 ونص كدة جاتني مكالمه منو، م صدقت لما شفت اسمو، رديت عليه قال لي مش داخليه فجر القديمه؟
قلت ليه ڼعمْ؟ً
قال لي جمبها انا اذا داخليتها القديمه منتظرك
م صدقت طبعا، بقيتً اقول دة جا
فجر قالت لي منو؟
جمانه قالت لي منو الجا مهند اخوك؟
قلت ليهم زول، عايزة حاجه اللبسها، دخلت الحمام بسرعه سرحت شعري وطلعت لقيت فجر قالت لي دي اصغر لي عبايه بتكون قدرك لبستها، واتعطرت وشلت طرحتي وطلعته،
لقيتو واقف في الاتجاه التاني بأشر لي م̷ِْن بعيد، قطعت مشيت عليه وانا م عارفه حأقول ليه شنو وحقيقةً لْۆ قلت ليه جبتك عدم موضوع مِڼّي ساي ممكن يكفتني م̷ِْن غير م اسلم عليه ركبت العربيه، واضح انو كان بشرب في سجاير وعلشان م تكون ظاهرة رش عطر وهو م بشرب سجاير حسب علمي
قلت ليه كيفك؟
قال لي انا ټمٱم، انتِ كيفك؟ ومالك ان شاءالله خير؟المقعدك في الداخليه هنا شنو؟
سكتت
قال لي شهد؟
شربكت يدي مع بعض وانا ساكته بفكر اقول شنو
قال لي اوعى يكون مهند تاني رجع لعمايلو؟
قلت ليه لٱ ابدا، ابداًً الموضوع م ليهو علاقه بناس البيت
قال لي طيب الحمدلله، قولي لي في شنو طيب؟
بعد مسافه اتشجعت وقلت ليه ماف شي محدد، بس زهجانهه
عاين لي حسيتو حيجدعني م̷ِْن العربيه، بس رد برواق وقال لي لييه م̷ِْن شنو مالك؟
قلت ليه م̷ِْن كل شي
شغل العربيه واتحرك، قال لي طيب احكي لي الكل شي دة ونحن ماشين
سكتت
قال لي يلا سامعك
قلت ليه ماف شي
قال لي ايوة ي شهد ماف شي بس زهجانه م̷ِْن.كل شي فهمنا البعدو؟
حسيتو زهجان قلت ليه انت متضايق عشان جيتني يعني؟
اخد نفس عمييق وقال لي جينا لتحوير الموضوع
قلت ليه تحوير؟ يعني قصدك انا بحور المواضيع؟
بقى يعاين لي وهو ساكت
قلت ليه م زهجانه م̷ِْن فراغ او قله شغله مِڼّي بس الفترة المضت دي كلها ضغوطات في ضغوطات، مرض ابوي وغيرو وغيرو لسسه م اخدته نفس منو فجر حاولت تنتحر
قال لي شنو كيف كيف؟ كيف يعني حاولت تنتحر؟
قلت ليه كدة
قال لي فجر الواحدة ليه مالها جنت ولا شنو؟
قلت ليه يعني البنتحر الا مجنون؟
قال لي مالها وهسي كيف؟
قلت ليه الحمدلله احسن
قال لي معاها اهلها؟
قلت ليه لٱ نحن بس انا وجمانه، اصلاً اهلها هم سبب مشاكلها م ليها داعي عرفتهم
قال لي ي ساتر، الف سلامه ياخ م تشوف شر، لَگِنْ وعوها، عقلوها، قابلو بيها طبيب نفسي م تخلوها براها لانو زول فكر في الانتحار مرة تاني بعيدو تاني
قلت ليه ايوة م حنخليها لينا يومين معاها
قال لي وجودكم م كفايه دكتور لآزٍمٍ يقيم حالتها
قلت ليه ساعين ايوة بس تحسن، المهم حسيت نفسي متضايقه ومخنوقه شديد علشان كدة حبيت اشوفك عارفه انو احتمال تكون م فاضي، واسفه اذا أزعجتك
قال لي لْۆ م فاضي افضى ليك ي شهد طالما متضايقه
سكتت
وصلن شارع النيل قال لي ننزل هنا نطلع فوق الاتجاه بتاع البحر دة نقعد فيه
قلت ليه طيب ممكن، بركن ونزلنا، طلعنا فوق قعدنا مقابلين البحر، طلب لي شاي لبن وزلابيه وذرة ولروحو قهوة،
قعدت وانا ساكته ماف شي اقولو ليه ماف موضوع يتخلق اصلا، وهوً بعاين للبحر وساكت وانا بعاين ليه هو زي الهبله
اتلفت لقاني بعاين ليه، قال لي لما حصل دة.كلو م اتصلتي م̷ِْن اول يوم مالك؟
قلت ليه ساي
قال لي ساي؟ مستحيل تدي إجابه كامله ي شهد..
قلت ليه لانو ماف سبب، م فكرت
قال لي وهسي؟
كل الناس حوالينا كانت بتتونس وتضحك وكلهم كابلز الا نحن رايقين،
جات واحدة لابسه بدله كامله وهيلز عالي ورافعه شعرتها لفوق وشايله الشنطه وبتتكلم بالتلفون وهي رهيبه جدجد يعني م كلام وخلاص لفتت نظر كل الناس قعدت جمبنا وهي بتقول: ايوة طلعنا الحمدلله مصدعه حالياً عايزة اشرب لي قهوة هنا في شارع النيل اروق حبتين واطلع، يلا ماشي نتلاقى بعد نص سَآعهْْ كدة، تيك كير،
كنت خاته يدي في خدي وبعاين ليها وهو بعاين لي، لما انتبهت صلحت قعدتي وابتسمت، قلت ليه زمان لمن كنت صغيرة كنت متخيله اني لما اكبر حكون كدة ..
ضحك قال لي كيف؟
قلت ليه كنت بحلم اكون كدة الموظفه الرهيبه ديك البتلبس بدل وحركات وعندها شركتها او مكتبها الخاص، وبتستقبل ضيوف مهمين وكدة، ضحكت وغطيت وشي بعدين قلت ليه لما شفتها اتذكرت هبالتي زمان
قال لي ليه سميتيها هباله؟
قلت ليه علشان لما كبرت اكتشفت انو الواقع غير، يعني هسي دي غالباً تكون موظفه علاقات عامه شغلها ظريف وحلو واي شي بس ليهو معايرو وبعد تدرسو عايز ليك واسطات علشان تشتغل في شركه كبيرة ومحترمه،
قال لي يعني كان نفسك تدرسي علاقات عامه؟
قلت ليه دة في الطفوله، لما كبرت شويه اتمرحلت وبقيت عايزة ادرس تصميم داخلي، واحد م̷ِْن اهتماماتي وميولي وكدة بحب شديد التفاصيل والحاجات الفخمة والرهيبه دي، كنت محددة اني ادرسو بس لما امتحنت رجعت للواقع الأليم
قال لي نسبتك م دخلتك؟
قلت ليه اي، والإعادة بالنسبه لي كانت مستحيله، والظروف م بتساعد اني اقرا خاص رغم انو دة كان مقترح ابوي بس بعيد شديد علشان كدة اتوكلت و درست ترجمة واتأقلمت معاها وحبيتها يعني واكيد ربنا كاتب لي الخير فيها
قال لي والرغبة مااتت؟
قلت ليه م بتفرق حتى لْۆ م ماتت
قال لي اها وسكت
قلت ليه المهم احكي لي انت كمان مالك واضح انك م ټمٱم وم تنكر خلي كل شي م̷ِْن صوتك واضح، لْۆ حاسي انك عايز تحكي انا هنا ممكن اسمعك
سكتت مسااافه قال لي ماف شي يتقال ي شهد
قلت ليه م حأضغط عليك
قال لي صدقيني ي شهد لْۆ في شي حأحكي ليك م̷ِْن غير م تضغطي علي ومن تلقاء نفسي كمان
بقيت اعاين ليه
قال لي فترة صعبه شويه وحتعدي ان شاءالله
قلت ليه ان شاءالله حتعدي،
قال لي المهم هسي عمي كيف طمنيني عليه انقطعت منو ومقصر معاه ياخ
قلت ليه الحمدلله احسن بكتير والله ماف تقصير الناس ظروف خاتين ليك العذر
قال لي الحمدلله،
فضلنا قاعدين وناخد وندي في الكلام لغايه م فجأة جو الأطفال البحومو بالحلاوة واللبان ديل في راجل ورانا وقح كدة نهر الشافع، انا حرفياً م كان عِن.̷̷̸̷̐ديّ قروش وم كنت قادرة اقول لسامر وشايفه الشافع بتلفت،
قمت قلت ليه تعال ي حلو،
جا، قلت ليه بتشتريها بكم؟
قال لي ڼعمْ؟ً
قلت ليه اللبانه راس مالها كم؟
قال لي بتقع لي الواحدة في حساب 3 جنيه،
قلت ليه طيب انا م عايزاها بس حأديك راس مال 3 منها ظابط وم حأشيل مڼڱ شي اتفقنا؟
بقى ساكت وبعاين لي
قلت ليه م فهمت؟
قال لي لٱ،
قلت ليه طيب دقيقة،
عاينت لسامر فهمني، طلع لي المحفظه ومداها لي،
قلت ليه لا
قال لي شيلي العايزاه،
شلتها وكانت كلها ميات وخمسميات، طلعت للولد ميه جنيه قلت ليه هاك اعتبرو راس مال،
قال لي هاك طيب، مد لي حلاوة،
قلت ليه لٱ م عاوزة انا يلا حصل اخوانك عشان تبيع ه
عاينت لسامر قلت ليه بصوت طفولي شكراً بس م حبيت الطريقه الاتكلم بيها الراجل معاهو
قال لي تعملي ويتعمل ليك العايزاه ي شهد بدون شكراً +بذكروني زمني الكنت في عمرهم لما كنت بغسل عربات وببيع زيهم بس في طبليه حقت خشب صغيرة كدة ه
قلت ليه كانت امورك طيبه صح؟
قال لي شديد، مستحيل ارجع مفلس، لْۆ غسلت اقل حاجه 3 ركشات والمواصلات بتكون ملحه
وبقى يحكي لي مواقفهم في الشغل وكدة، كان شبه مزاجو راق واتحسن وبتكلم بإرتياح، فضلنا نرغي ونرغي لغايه م حسينا بالزمن عدة، رجعني الداخليه، قبل م انزل قلت ليه اسفه مرة تانيه لأنو خليتك تجي بالصورة دي وكدة
قال لي ي زولهه مجرد احساسك انو مفروض انا لآزٍمٍ اكون هنا يبقى لآزٍمٍ اكون هنا ي شهد بغض النظر عن حجم الموضوع، عشان كدة احتجتيني اتصلي م تترددي او حتى رسلي رساله بس وابشري ...
هو صح الهدف الاساسي م̷ِْن اني اشوفو كان الإطمئنان عليه حتى لْۆ اختلقت لنفسي الف سبب ومبرر بس فكرة إنو خلى كل شي وجا عشاني رغم إنو اصلاً م كان في شي يتحكي ورغم تفاهه الموقف م حسسني انو الموضوع م ليهو اهميه بالعكس قال لي لْۆ م فاضي افضى ليك طالما متضايقه، حسسني انو بتعامل مع الموضوع على حسب احساسي انا م على حسب نظرتو ليهو هو،
فكرة انو يقول لي مجرد إحساسك بي إنو انا مفروض اكون هنا يبقى لآزٍمٍ اكون هنا كانت دافيهه شديد بالنسبه لي علشان كدة الحنيه تفوز دائماً رغم الضباب اوالمنطقه الرماديه النحن فِيَها دي تصرفو فرق معي جداً
دخلت الداخليه وهو منتظرني م̷ِْن بعيد، اتصلت على احمد، قال لي شهد اتصلت عليك م بتردي الحمدلله اتكلمت مع سامر واتطمنت عليه، كان بجهز عشان مسافر البلد وكان بشتري في اسبيرات و حاجات اظن، قال م فاضي، هسي بكون مشى بعيد زاتو لأنو لما رد علي كان طالع خلاص ...
برجع وبقول فكرة أن يُغالب أحدهم نفسهه لأجلك، يحارب خوفه لأجلك، ان يُعيد ترتيب أولوياته لأجلك، يحاول كثيراً لأجلك، فكرة دافئة جداً وسامر دايماً بدون قصد بلقاه بعمل كدة ...
سامر رجع إتصل علي يتطمن، قال لي الام̷ِْن م عمل ليك حركات صح؟ قلت ليه لٱ دخلت عادي، سألوني قلت ليهم جايه م̷ِْن بيتنا انا هنا مع صحبتي عيانه وكدة ه، المهم انت وصلت البيت؟
قال لي لسسه بس على وشك خير؟
قلت ليه لٱ ماف شي بس قلت اتطمن وشكراً مرة تانيه وكدة ياخ
قال لي العفوو ي شهد ياخ من متين بيناتنا شكر والأمور دي؟ المهم ابقي عافيه وخلي بالك م̷ِْن نفسك وانا على سفر ان شاءالله
قلت ليه هسي؟ م كلمتني؟
قال لي اي والله ياخ سفرة جات فجأة كدة بس
قلت ليه خير ان شاءالله؟
قال لي خير والله، المحامي بتاعي اللي هو خال احمد صحبي طوالي دة طلع عندو موضوع بتاع قضيه كدة قديمه في حته كدة انا بعرفها محاسن الصدف بس سبحان •اللّہ̣̥، ف اتصل علي وسألني و طلب مساعدتي اوصلو الحته دي وكدة بحكم إني بعرفها وممكن اساعدو في الموضوع، وهو زول م هين يعني وقف معي وقفه رجال جد ف انا اصلاً عندي فكرة السفر كانت قلت خلاص امشي بالمرة واخدمو معي، هسي مسافرين بإذن •اللّہ̣̥ تعالى بعد ساعه بالكتير كدة ف دعواتك لينا بالتساهيل بس...